មេបញ្ជាការកងទ័ពជើងគោកកម្ពុជា ណែនាំឱ្យកងទ័ព រក្សាទំនាក់ទំនងល្អជាមួយភាគីថៃ មិនបំពានគ្នា

កម្ពុជាថ្មី — Sun, 02 Mar 2025 14:49:17 +0000

នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង មេបញ្ជាការកងទ័ពជើងគោក បានណែនាំឱ្យកងទ័ពកម្ពុជា រក្សាទំនាក់ទំនងល្អជាមួយភាគីថៃ មិនបំពានគ្នា ឯរឿងព្រំដែនគឺ ទុកអោយគណកម្មការព្រំដែនវាងប្រទេសទាំងពីរជាអ្នកដោះស្រាយ ។ ការថ្លែងបែបនេះត្រូវបានធ្វើឡើង ក្នុងឱកាសនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង មេបញ្ជាការកងទ័ពជើងគោក សាកសួរសុខទុក្ខកងទ័ពឈរជើងប្រចាំទិសទី១ និងទិសទី២ តាមខ្សែបន្ទាត់ព្រំដែន កម្ពុជា-ថៃ ចាប់ពីថ្ងៃទី២៥ ខែកុម្ភៈ ដល់ថ្ងៃទី០២ ខែមីនា ឆ្នាំ២០២៥។

ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោក មេបញ្ជាការកងពលធំអន្តរាគមន៍លេខ៣, ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤, ឧត្តមសេនីយ៍ត្រី នាក់ វង្ស មេបញ្ជាការកងពលតូចថ្មើរជើងលេខ៤២ ទទួលទិសប្រាសាទតាមាន់ និងប្រាសាទតាក្របី ព្រមទាំងមេបញ្ជាការគ្រប់បណ្តាកងឯកភាព ឈរជើងតាមខ្សែបន្ទាត់ព្រំដែន កម្ពុជា-ថៃ បានសម្តែងការស្វាគមន៍ចំពោះ នាយឧត្តមសេនីយ៍ មេបញ្ជាការកងទ័ពជើងគោក ដែលបានអញ្ជើញមកត្រួតពិនិត្យការងារ និងសាកសួរសុខទុក្ខ បងប្អូនកងទ័ព ដែលកំពុងឈរជើងការពារបូរណភាពទឹកដី នៅតាមខ្សែបន្ទាត់ព្រំដែន នាឱកាសនេះ។

នាយឧត្តមសេនីយ៍ ម៉ៅ សុផាន់ បានវាយតម្លៃខ្ពស់ចំពោះលទ្ធផលការងារសម្រេចបានក្នុងរយៈពេលកន្លងមក ដែលបានខិតខំបំពេញការងារ ការពារភូមិសាស្ត្រទទួលខុសត្រូវ និងបានដាក់ចេញទិសដៅការងារយុទ្ធសាស្រ្តមួយចំនួន សម្រាប់បណ្តាកងឯកភាព ឈរជើងតាមខ្សែបន្ទាត់ព្រំដែន កម្ពុជា-ថៃ ដើម្បីសម្រេចចក្ខុវិស័យកសាងខ្សែបន្ទាត់ព្រំដែនមួយប្រកប ដោយភាពពេញលេញ ច្បាស់លាស់ ស្ថាពរ និងរឹងមាំ។

នាយឧត្តមសេនីយ៍ ម៉ៅ សុផាន់ និងប្រតិភូក៏បានអញ្ជើញទស្សនា និងសួរសុខទុក្ខដល់កងកម្លាំងដែលកំពុងឈរជើងការពារនៅបង្គោលសីម៉ាលេខ១ និងលើប្រាសាទព្រះវិហារ, ប្រាសាទតាមាន់, ប្រាសាទតាក្របី ព្រមទាំងបានមានប្រសាសន៍ណែនាំឲ្យរក្សាទំនាក់ទំនងល្អជាមួយភាគីថៃ មិនបំពានគ្នា ឯរឿងព្រំដែនគឺ ទុកអោយគណកម្មការព្រំដែនវាងប្រទេសទាំងពីរជាអ្នកដោះស្រាយ។

The post មេបញ្ជាការកងទ័ពជើងគោកកម្ពុជា ណែនាំឱ្យកងទ័ព រក្សាទំនាក់ទំនងល្អជាមួយភាគីថៃ មិនបំពានគ្នា appeared first on Kampuchea Thmey Daily.

នគរបាលការពារព្រំដែនទឹក ត្រៀមកម្លាំងប្រចាំការ ខណៈពេលនេះ ផ្ទៃសមុទ្រមានព្យុះ និងរលកធំៗ

អ៊ិន ពិសី — Mon, 17 Jul 2023 07:54:27 +0000

នគរបាលការពារព្រំដែនទឹក បានត្រៀមកម្លាំង មធ្យោបាយ សម្ភារៈសង្គ្រោះ ប្រចាំការ ២៤ លើ ២៤ ម៉ោង ដើម្បីជួយសង្គ្រោះប្រជាពលរដ្ឋនៅលើផ្ទៃសមុទ្រ និងអំពាវនាវឲ្យបង្កើនការប្រុងប្រយ័ត្នខ្ពស់ កុំចេញនេសាទ ដោយសារកំឡុងពេលនេះផ្ទៃសមុទ្រ មានព្យុះ និងរលកធំៗ។

នាថ្ងៃទី ១៧ ខែកក្កដា ឆ្នាំ ២០២៣ នេះ នៅខេត្តព្រះសីហនុ ដោយអនុវត្តតាមបទបញ្ជារបស់ លោកឧត្ដមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹកនៅតាមអង្គភាព និងវរៈសេនាតូច ចំណុះនាយកដ្ឋាន នគរបាលការពារព្រំដែនទឹក បានត្រៀមកម្លាំង មធ្យោបាយ និងសម្ភារៈសង្គ្រោះ ប្រចាំការ ២៤ លើ ២៤ ម៉ោង ដើម្បីជួយសង្គ្រោះប្រជាពលរដ្ឋដែលរងគ្រោះដោយសារឧបទ្ទវហេតុផ្សេងៗ នៅលើផ្ទៃសមុទ្រ។

ជាមួយគ្នានេះ នគរបាលការពារព្រំដែនទឹក ក៏បានធ្វើការផ្សព្វផ្សាយ និងណែនាំដល់ប្រជាពលរដ្ឋ បង្កើនការប្រុងប្រយ័ត្នខ្ពស់ កុំឲ្យចេញនេសាទ ដោយសារកំឡុងពេលនេះ នៅលើផ្ទៃសមុទ្រ មានព្យុះ និងរលកធំៗ៕

អត្ថបទ ៖ ពិសី

The post នគរបាលការពារព្រំដែនទឹក ត្រៀមកម្លាំងប្រចាំការ ខណៈពេលនេះ ផ្ទៃសមុទ្រមានព្យុះ និងរលកធំៗ appeared first on Kampuchea Thmey Daily.

នគរបាលការពារព្រំដែនទឹក Archives - Kampuchea Thmey Daily

នគរបាលការពារព្រំដែនទឹក ត្រៀមកម្លាំងប្រចាំការ ខណៈពេលនេះ ផ្ទៃសមុទ្រមានព្យុះ និងរលកធំៗ