ដោយអនុវត្តតាមបទបញ្ជារបស់លោកនាយឧត្តមសេនីយ៍ ស ថេត អគ្គស្នងការនគរបាលជាតិ, លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កាលថ្ងៃទី២១ ខែមេសា ឆ្នាំ២០២៦ វេលាម៉ោង១៧៖២៥នាទី លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន ចូលរួមដោយលោកវរសេនីយ៍ឯក ញ៉ែម វ៉ន នាយការិយាល័យ និងលោកវរសេនីយ៍ទោ ប៊ុត ស៊ីម៉េង នាយការិយាល័យ បានដឹកនាំកម្លាំងជំនាញធ្វើការស្រាវជ្រាវរហូតឈានដល់ឃាត់ខ្លួនជនសង្ស័យម្នាក់ ស្ថិតនៅត្រង់ចំណុចភូមិសុបិន្ដ ឃុំត្រពាំងគង ស្រុកសំរោងទង ខេត្តកំពង់ស្ពឺ ដោយសហការជាមួយកម្លាំងនគរបាលខេត្តកំពង់ស្ពឺ។ ជនសង្ស័យពាក់ព័ន្ធនឹងករណីលួចមានស្ថានទម្ងន់ទោស(ឆក់ទូរស័ព្ទ និងកាបូប) ដែលបានប្រព្រឹត្តនៅថ្ងៃទី១៩ ខែមេសា ឆ្នាំ២០២៦ វេលាម៉ោង០៩:៥០នាទី នៅត្រង់ចំណុចផ្លូវលេខ៧៣BT ភូមិចំរើនផល សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។

ជនសង្ស័យខាងលើឈ្មោះ ហៀង ឧត្តម ភេទប្រុស អាយុ២៣ឆ្នាំ ជនជាតិខ្មែរ ក្នុងនោះកម្លាំងសមត្ថកិច្ចជំនាញដកហូតសម្ភារៈជាមធ្យោបាយធើ្វសកម្មភាព ម៉ូតូ ០១គ្រឿងម៉ាក ហុងដា សង់សេ១២៥ ពណ៌ខ្មៅ ពាក់ស្លាកលេខ ភ្នំពេញ 1MG-7104។

បច្ចុប្បន្នកម្លាំងជំនាញនាំជនសង្ស័យខាងលើ យកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី៕

The post នាយកដ្ឋាននគរបាលព្រហ្មទណ្ឌ ស្រាវជ្រាវឃាត់ខ្លួនជនសង្ស័យ១នាក់ឆក់យ៉ាងសកម្មក្នុងភូមិសាស្ត្រខណ្ឌមានជ័យ appeared first on Kampuchea Thmey Daily.

លោក សេង ឧត្តម បានលើឡើងថា កន្លងមកលោកបានដាក់ពាក្យបណ្ដឹងឈ្មោះ ហុីម ហុកលេង និង ឈ្មោះ កុល ចិន្តា ចំនួន៣ដងរួចទៅហើយ ទៅមន្ត្រីនគរបាលយុត្តិធម៌ និងបានបន្តទៅដាក់ពាក្យបណ្ដឹងនៅតុលា ប៉ុន្តែបុគ្គលទាំង ២នាក់អ្នកខាងលើនេះមិនបានចូលខ្លួនមកបំភ្លឺនោះទេ បែរជាមកដាក់ពាក្យបណ្ដឹងរូបលោកជាតំណាងម្ចាស់ភាគហ៊ុន៩០% ទៅវិញ។

លោក សេង ឧត្តម បានបន្តទៀតថា បុគ្គលទាំង២នាក់ នេះបានដាក់បណ្ដឹងមកលើរូបលោក ដែលជាតំណាងជនរងគ្រោះជាម្ចាស់ភាគហ៊ុន។ ហើយកាលពីថ្ងៃទី២៥ ខែមីនា ឆ្នាំ២០២៦ លោកត្រូវបានខាងតុលាចេញលិខិតអញ្ជើញអោយចូលបំភ្លឺតាមពាក្យបណ្ដឹងរបស់ឈ្មោះ ហុីម ហុកលេង និង ឈ្មោះ កុល ចិន្តារួចទៅហើយ រហូតមកដល់ថ្ងៃទី៣០ ខែមីនា ឆ្នាំ២០២៦ នេះលោកក៏បានចូលមកបំភ្លឺនៅនាយដ្ឋាននគរបាលព្រហ្ម បន្ថែមទៀត ដើម្បីចូលបំភ្លឺតាម លិខិតកោះហៅ ដែលឈ្មោះបុគ្គលទាំង២នាក់នេះ ជាអ្នកដាក់ពាក្យបណ្ដឹងមកលើរូបលោកដែលជាជនរងគ្រោះផងដែរ។ 

ក្នុងនោះផងដែរ លោកបានបញ្ជាក់ថា ចំពោះពាក្យបណ្តឹងដែលត្រូវចូលមកបំភ្លឺនៅនាយកដ្ឋានព្រហ្មទណ្ឌព្រឹកនេះ លោកក៏មិនបានដឹងថា ពាក់ព័ន្ធនិងបទល្មើសអ្វីនោះទេ ប៉ុន្តែទោះជាយ៉ាងណា ក៏លោកនៅតែចូលមកបំភ្លឺតាមលិខិតកោះហៅផងដែរ ដោយលោកបានបញ្ជាក់ថា មាសសុទ្ធ មិនខ្លាចភ្លើង ព្រោះលោកជាជនរងគ្រោះ។

ជាមួយគ្នាផងដែល លោក សេង ឧត្ដម បានស្នើសុំដល់ក្រសួងយុតិធម៌ និងស្ថាប័នពាក់ព័ន្ធទាំងអស់ ជួយរកយុតិធម៌ អោយពួកយើងទាំងអស់គ្នាដែលជាជនរងគ្រោះ ហើយក៏ជាម្ចាស់ភាគហ៊ុន៩០% ផងដែរ។ លោកបានបន្ថែមថា នៅម៉ោង៩ព្រឹកនេះលោក និងចូលទៅបំភ្លឺនៅនាយកដ្ឋានព្រហ្មទណ្ឌ ហើយបើលោកមានឧកាស ចេញមកវិញលោកនិងឆ្លើយបំភ្លឺជូនសាធារណៈបន្ថែមទៀត ចំពោះកោះហៅមួយនេះ៕

The post លោក សេង ឧត្តម ត្រូវរងពាក្យបណ្ដឹងចូលបំភ្លឺនៅនាយកដ្ឋានព្រហ្មទណ្ឌ នៅព្រឹកនេះ  appeared first on Kampuchea Thmey Daily.

កម្លាំងនាយកដ្ឋានព្រហ្មទណ្ឌកម្រិតស្រាល ធើ្វការស្រាវជ្រាវឃាត់ខ្លួនជនសង្ស័យ០១នាក់ បញ្ជូនទៅកាន់តុលាការ តែធើ្វសកម្មភាពបើកទ្វាររថយន្តលួចទ្រព្យសម្បត្តិប្រជាពលរដ្ឋចតនៅតាមផ្លូវ។

ដោយអនុវត្តតាមបទបញ្ជារបស់លោក នាយឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន, ប្រធាននាយកដ្ឋានកណ្ដាលនគរបាលយុត្តិធម៌ និងលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងជំនាញការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ទោ អ៊ុក ហេង, លោកឧត្តមសេនីយ៍ត្រី វុទ្ធី វង្សវិបុល អនុប្រធាននាយកដ្ឋាន និងលោកវរសេនីយ៍ឯក ឡេង ប៊ុនហួរ នាយការិយាល័យ បានចុះធើ្វការស្រាវជ្រាវកាលពីថ្ងៃទី១ ខែមីនា ឆ្នាំ២០២៦ វេលាម៉ោង11:20នាទី ត្រង់ចំណុច ភូមិថ្មគោល សង្តាត់ចោមចៅ2 ខណ្ឌពោធិ៍សែនជ័យ រាជធានីភ្នំពេញ កម្លាំងជំនាយការិយាល័យព្រហ្មទណ្ឌកម្រិតស្រាល ដឹកនាំដោយលោកវរសេនីយ៍ត្រី ណុប មុនី នាយរងការិយាល័យ បានស្រាវជាវឃាត់ខ្លួនជនសង្ស័យម្នាក់។

ជនសង្ស័យឈ្មោះ មាស សុវណ្ណារ៉ា ហៅ លី ភេទប្រុស អាយុ២១ឆ្នាំ ជនជាតិខ្មែរ ស្នាក់នៅបន្ទប់ជួល សង្កាត់បឹងកក់ ខណ្ឌទួលគោក រាជធានីភ្នំពេញ។ ពាក់ព័ន្ធករណី លួច (ទូរស័ព្ទដៃក្នុងរថយន្ត)។ ក្នុងនោះវត្ថុតាងដកហូត ម៉ូតូចំនួន ០១គ្រឿងម៉ាក Suzuki Nex ពណ៍ក្រហមស ផលិតឆ្នាំ២០២២ ពាក់ស្លាកលេខ ភ្នំពេញ 1LR-3954 (មិនប្រក្រតី)។

បច្ចុប្បន្នជនសង្ស័យ និងមធ្យោបាយធ្វើសកម្មភាពបានកសាងសំណុំរឿងទៅអយ្យការអមសាលាដំបូងរាជធានីភ្នំពេញ ចាត់ការបន្តតាមនីតិវិធី៕

The post នាយកដ្ឋានព្រហ្មទណ្ឌកម្រិតស្រាល បញ្ជូនជនសង្ស័យម្នាក់ទៅតុលាការ ពាក់ព័ន្ធករណីបើកទ្វារលួចទូរស័ព្ទដៃក្នុងរថយន្ត appeared first on Kampuchea Thmey Daily.

ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី២៦ ខែកុម្ភៈ ឆ្នាំ២០២៦ វេលាម៉ោង ១៩:៣៥នាទី លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន ចូលរួមដោយលោកវរសេនីយ៍ឯក ញ៉ែម វ៉ន នាយការិយាល័យ និងលោកវរសេនីយ៍ទោ ប៊ុត ស៊ីម៉េង នាយការិយាល័យបានដឹកនាំកម្លាំងជំនាញធ្វើការឃាត់ខ្លួនជនសង្ស័យចំនួន០២នាក់ ស្ថិតនៅត្រង់ចំណុចផ្លូវ៤៨៤ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ពាក់ព័ន្ធនឹងករណី លួច (កាច់កម៉ូតូ) ដែលបានប្រព្រឹត្តនៅថ្ងៃទី២៤ ខែកុម្ភៈឆ្នាំ២០២៥ វេលាម៉ោង១៤:៣០នាទី នៅត្រង់ចំណុចផ្លូវថៃហ្គ័រ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។

ជនសង្ស័យដែលត្រូវបានកម្លាំងសមត្ថកិច្ចឃាត់ខ្លួនមានឈ្មោះ ៖ ឈ្មោះ ធឿន វុទ្ធី ហៅ ម៉ៅ ភេទប្រុស អាយុ៣៣ឆ្នាំ ជនជាតិខ្មែរ ,ឈ្មោះ ឃឹម ចាន់ឌី ហៅ ឌី ភេទប្រុស អាយុ២៦ឆ្នាំ ជនជាតិខ្មែរ។ ក្នុងនោះសមត្ថកិច្ចដកហូតបានសម្ភារៈបានមួយចំនួន ៖ ម៉ូតូម៉ាក Yamaha Mslaz ពណ៌ខ្មៅពាក់ស្លាកលេខ, ម៉ូតូម៉ាក ហុងដា ស្កុបពី ពណ៍ស(បានប្រគល់ជូនជនរងគ្រោះ), ដែកសំប៉ែតមុខស្រួច ចំនួន ០១ដើម និង សោរទីបលេខ៨ ចំនួន ០១ដើម, ស្លាកលេខចំនួន ០១សន្លឹក (កណ្ដាល 1W-2638)។

បច្ចុប្បន្នកម្លាំងជំនាញនាំជនសង្ស័យខាងលើយកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី៕

The post នាយកដ្ឋានព្រហ្មទណ្ឌ ឃាត់ខ្លួនក្រុមជនសង្ស័យ ០២នាក់ ជាមុខសញ្ញាលួចកាច់កម៉ូតូ យ៉ាងសកម្មក្នុងភូមិសាស្រ្តខរាជធានីភ្នំពេញ appeared first on Kampuchea Thmey Daily.

ក្រោយពី​មាន​ហេតុការណ៍​ខាងលើ​កើតឡើង ដោយ​អនុវត្ត​តាម​បទបញ្ជា​របស់​លោក​នាយ​ឧត្ដម​សេនីយ៍ ស ថេត អគ្គស្នងការ​នគរបាល​ជាតិ និង​លោក​ឧត្ដមសេនីយ៍​ឯក ង៉េង ជួ ប្រធាន​នាយកដ្ឋាន​នគរបាល​ព្រហ្មទណ្ឌ , លោក​ឧត្ដមសេនីយ៍​ត្រី ហ៊ុន មុន្នីរ័ត្ន , លោក​វរសេនីយ៍ឯក ហែម បូណា និង​លោក​វរសេនីយ៍ឯក ឆាន់ គីមលី អនុ​ប្រធាន​នាយកដ្ឋាន បាន​ដឹកនាំ​កម្លាំង​ជំនាញ​របស់​នាយកដ្ឋាន​នគរបាល​ព្រហ្មទណ្ឌ ដឹកនាំ​សហការ​ជាមួយ​ស្នងការដ្ឋាន​នគរបាល​ខេត្ត​កោះកុង ខេត្ត​កំពង់ឆ្នាំង អធិការដ្ឋាន​នគរបាល​ខណ្ឌ​ច្បារអំពៅ និង​ខណ្ឌ​បឹង​កេងកង ធ្វើការ​ស្រាវជ្រាវ​តាម​នីតិវិធី និង​ចាត់ការ​តាម​វិធាន​ការងារ​ជំនាញ​ឈាន​ដល់​កំណត់​បាន​អត្តសញ្ញាណ និង​ទីកន្លែង​លាក់ខ្លួន​របស់​ជនសង្ស័យ​ខាងលើ។

កាលពី​វេលា​ម៉ោង ១៣ និង ៣០ នាទី ថ្ងៃ​ទី ១៤ ខែ​តុលា ឆ្នាំ ២០២៥ កម្លាំង​ជំនាញ បាន​ឃាត់ខ្លួន​ជនសង្ស័យ ឈ្មោះ អួង សំណាង ភេទ​ប្រុស អាយុ ៥១ ឆ្នាំ ជនជាតិ​ខ្មែរ ត្រង់​ចំណុច​ភូមិ​ដើម​ពពេល ឃុំ​ថ្ម​ឥដ្ឋ ស្រុក​កំពង់ត្រឡាច ខេត្ត​កំពង់ឆ្នាំង នាំ​យក​មក​នាយកដ្ឋាន ដើម្បី​ធ្វើការ​សាកសួរ។

ក្រោយពី​សាកសួរ​ជនសង្ស័យ​ខាងលើ​បាន​ឆ្លើយ​សារភាព​ថា កាលពី​ថ្ងៃ​ទី ៨ ខែ​តុលា ឆ្នាំ ២០២៥ ខ្លួន​ពិតជា​បាន​ធ្វើ​សកម្មភាព​បាញ់​ទៅ​លើ​ជនរងគ្រោះ​ប្រាកដ​មែន ដោយ​មាន​ការ​បញ្ជា​ពី​ឈ្មោះ ឡូ ឡា​គាវ ភេទ​ស្រី អាយុ ៥៣ ឆ្នាំ ជនជាតិ​ខ្មែរ និង​ទទួល​បាន​ថ្លៃឈ្នួល ២,៣០០ ដុល្លារ។ ក្រោយពី​ទទួល​បាន​ចម្លើយ​ពី​ជនសង្ស័យ​ខាងលើ​ភ្លាម នៅ​ថ្ងៃ​ទី ១៥ ខែ​តុលា ឆ្នាំ ២០២៥ កម្លាំង​ជំនាញ បាន​នាំ​ខ្លួន ឈ្មោះ ឡូ ឡាគាវ ភេទ​ស្រី អាយុ ៥៣ ឆ្នាំ ជនជាតិ​ខ្មែរ ត្រង់​ចំណុច​សង្កាត់​ច្បារអំពៅ​ទី ១ ខណ្ឌ​ច្បារអំពៅ រាជធានី​ភ្នំពេញ យក​មក​ធ្វើការ​សាកសួរ​តាម​នីតិវិធី និង​ដកហូត​បាន​វត្ថុតាង​ធ្វើ​សកម្មភាព​អាវុធ​ខ្លី ១ ដើម ម៉ាក K59។

គួរ​រំលឹក​ផង​ដែរ​ថា កាលពី​វេលា​ម៉ោង ៤ និង ៥០ នាទី ថ្ងៃ​ទី ៨ ខែ​តុលា ឆ្នាំ ២០២៥ មាន​ករណី​ប៉ុន​ប៉ង​ឃាតកម្ម​កើតឡើង​នៅ​ចំណុច​មុខ​ស្ថានីយ​ប្រេងឥន្ធនៈ LPG ផ្លូវជាតិ​លេខ ១ ភូមិ​បឹង​ឈូក សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ បង្ក​ដោយ​ជនសង្ស័យ ២ នាក់ មិន​ស្គាល់​អត្តសញ្ញាណ ជិះ​ម៉ូតូ ១ គ្រឿង ម៉ាក Wave ពណ៌​ខ្មៅ បាន​ធ្វើ​សកម្មភាព​ប្រើ​អាវុធ​ខ្លី ១ ដើម មិន​ស្គាល់​ម៉ាក បាញ់​ទៅ​លើ​ជនរងគ្រោះ​ឈ្មោះ ស៊ឺ ហួត ភេទ​ប្រុស អាយុ ៧៥ ឆ្នាំ ជនជាតិ​ខ្មែរ បណ្តាល​ឲ្យ​រង​របួស​ធ្ងន់ ខណៈ​ពេល​កំពុង​ជិះ​ម៉ូតូ​ចេញ​ពី​ផ្ទះ ដើម្បី​ទៅ​ហូប​កាហ្វេ។ បច្ចុប្បន្ន ជនសង្ស័យ​ទាំង ២ នាក់ កំពុង​ធ្វើការ​សាកសួរ​នៅ​នាយកដ្ឋាន​នគរបាល​ព្រហ្មទណ្ឌ៕

អត្ថបទ ៖ ម៉េង

The post នគរបាលព្រហ្មទណ្ឌ បំបែកសំណុំរឿងបាញ់ប្រហារនៅខណ្ឌច្បារអំពៅ appeared first on Kampuchea Thmey Daily.

ស្នងការនគរបាលខេត្តកំពត សរសេរលើទំព័រហ្វេសប៊ុកផ្លូវការដូច្នេះ៖« ករណីឃាតកម្មនៅឃុំមានជ័យ ស្រុកឈូក កាលពីថ្ងៃទី 10.02.25 សមត្ថកិច្ចឃាត់ខ្លួនជនដៃដល់បានហើយ ករណីខាងលើនេះមិនមានជាករណីប្លន់នេះទេ ករណីនេះផ្តើមចេញពីរឿងស្នេហាត្រីកោណ »។

បើតាមទំព័រហ្វេសប៊ុកនាយកដ្ឋាននគរបាលព្រហ្មទណ្ឌ ឱ្យដឹងថា ករណីឃាតកម្មលើជនរងគ្រោះឈ្មោះ អឹម ទូច ភេទស្រី អាយុ៤៩ឆ្នាំ ជនជាតិខ្មែរ បានកើតឡើងកាលពីថ្ងៃទី១១ ខែកុម្ភៈ ឆ្នាំ២០២៥ វេលាម៉ោង១២និង១០នាទី នៅភូមិតាព្រុំ ឃុំមានជ័យ ស្រុកឈូក ខេត្តកំពត បង្កឡើងដោយជនមិនស្គាល់អត្តសញ្ញាណ។

ក្រោយពីមានហេតុការណ៍នេះឡើង ដោយអនុវត្តតាមបទបញ្ជាថ្នាក់ដឹកនាំ, កម្លាំងជំនាញរបស់នាយកដ្ឋាននគរបាលព្រហ្មទណ្ឌ សហការ ជាមួយស្នងការដ្ឋាននគរបាលខេត្តកំពត និងខេត្តតាកែវ បានស្រាវជ្រាវតាមនីតិវិធី និងជំនាញ រហូតកំណត់បានអត្តសញ្ញាណ និងទីតាំងលាក់ខ្លួនរបស់ជនសង្ស័យ។

នៅថ្ងៃទី១៣ ខែកុម្ភៈ ឆ្នាំ២០២៥ វេលាម៉ោង១៤និង៣០នាទី កម្លាំងជំនាញបានបន្តដឹកនាំសហការ ដោយបានធ្វើការឃាត់ខ្លួនជនសង្ស័យខាងលើមានឈ្មោះ ភុំ បុត្រ ភេទប្រុស អាយុ៤៥ឆ្នាំ ជនជាតិខ្មែរ ត្រង់ចំណុច ភូមិត្រពាំងខ្លូត ឃុំត្រាំកក់ ស្រុកត្រាំកក់ ខេត្តតាកែវ។

ជនសង្ស័យខាងលើបានសារភាពថា កាលពីថ្ងៃកើតហេតុខ្លួនបានទៅរួមរ័ក្សជាមួយជនរងគ្រោះ បន្ទាប់មកជនរងគ្រោះបានដឹងថា ខ្លួនមានប្រពន្ធ ទើបឈានដល់ការឈ្លោះប្រកែកគ្នា ហើយខ្លួនយកដំបងវាយទៅលើជនរងគ្រោះបណ្តាលស្លាប់ រួចខ្លួនប្រមូលយកទ្រព្យសម្បត្តិរបស់ជនរងគ្រោះរួមមាន៖ ទូរស័ព្ទដៃចំនួន២គ្រឿង, ក្រវិលមាស ទម្ងន់១ជី, ចិញ្ចៀនមាសទម្ងន់២ជី, ខ្សែដៃប្លាទីន១តម្លឹង និងខ្សែ ក ប្លាទីន ទម្ងន់៣ជីរត់គេចខ្លួន។

 បច្ចុប្បន្ន ជនសង្ស័យខាងលើ ត្រូវបាននាយកដ្ឋាននគរបាលព្រហ្មទណ្ឌ ប្រគល់ជូនស្នងការដ្ឋាននគរបាលខេត្តកំពត ជាម្ចាស់ករណី ដើម្បីកសាងសំណុំរឿងតាមនីតិវិធីបន្ត៕

ដោយ៖ ង៉ិល ណារ៉ាត់

The post ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ appeared first on Kampuchea Thmey Daily.

កាលពីថ្ងៃទី០១ ខែកញ្ញា ឆ្នាំ២០២៤ នាយកដ្ឋាននគរបាលព្រហ្មទណ្ឌ បានទទួលពាក្យបណ្ដឹងពីឈ្មោះ WONG SHEE MENG ភេទប្រុស អាយុ៦៣ឆ្នាំ ជនជាតិម៉ាឡេស៊ី តំណាងអោយឈ្មោះ​ WONG LIANG HANG ភេទប្រុស​ អាយុ​៦៧ឆ្នាំ​ ជនជាតិ​ម៉ាឡេស៊ី​ ប្តឹងឈ្មោះ FRANK GODWIN ភេទប្រុស អាយុ ៤៩ឆ្នាំ​ ជនជាតិអាមេរិក និងបក្ខពួក​ ពីបទឆបោក​។

បន្ទាប់ពីទទួលពាក្យបណ្តឹងពីជនរងគ្រោះ ដោយអនុវត្តតាមបទបញ្ជារបស់ ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី០៣ ខែញ្ញា ឆ្នាំ២០២៤ វេលាម៉ោង០៩៖៣០នាទី លោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន ដឹកនាំកម្លាំងជំនាញបានធ្វើការស្រាវជ្រាវ ដោយធ្វើការកំណត់បានមុខសញ្ញា រហូតឈានដល់ការបង្រ្កាប និងឃាត់ខ្លួនជនសង្ស័យចំនួន ២នាក់ ឈ្មោះ SAM SIEH TATUS អាយុ ៤៦ឆ្នាំ ជនជាតិលីបេរី និងឈ្មោះ PETER MANYOUGAR ភេទប្រុស អាយុ ៥១ឆ្នាំ ជនជាតិលីបេរី នៅចំណុចបណ្តោយផ្លូវ១០៦ សង្កាត់ស្រះចក ខណ្ឌដូនពេញ រាជធានីភ្នំពេញ។

បច្ចុប្បន្ន ជនសង្ស័យខាងលើបាននាំមកកាន់នាយកដ្ឋានដើម្បីធ្វើការសាកសួរ និងកសាងសំណុំរឿងតាមនីតិវិធី៕

The post នាយកដ្ឋាននគរបាលព្រហ្មទណ្ឌ ចាប់ខ្លួនជនបរទេសពីរនាក់ ពាក់ព័ន្ធករណីឆបោក appeared first on Kampuchea Thmey Daily.

នាយកដ្ឋាននគរបាលព្រហ្មទណ្ឌបញ្ជាក់ថា ជនរងគ្រោះដែលធ្លាប់បាត់ម៉ូតូ ឬផ្លាកលេខ អាចកាន់ឯកសារមកផ្ទៀងផ្ទាត់នៅនាយកដ្ឋាននគរបាលព្រហ្មទណ្ឌ ស្ថិតក្នុងបរិវេណអគ្គស្នងការដ្ឋាននគរបាលជាតិ ឬទំនាក់ទំនងទៅលោកវរសេនីយ៍ឯក ឡេង ប៊ុនហួរ នាយការិយាល័យនគរបាលព្រហ្មទណ្ឌកម្រិតស្រាលតាមរយៈលេខទូរស័ព្ទ 092 899 919។

សូមបញ្ជាក់ថា កាលពីថ្ងៃទី២០ ខែកុម្ភៈ ឆ្នាំ២០២៤ កម្លាំងនគរបាលនៃអធិការដ្ឋាននគរបាលខណ្ឌទួលគោក សហការជាមួយកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានចុះបង្ក្រាបទីតាំងទិញលក់ម៉ូតូមួយកន្លែងដែលពាក់ព័ន្ធបទល្មើសទទួលផលចោរកម្ម។ ក្នុងប្រតិបត្តិការចុះបង្ក្រាននេះ បានធ្វើឡើងនៅចំណុចផ្ទះលេខ៤៩E ផ្លូវ១៩២ សង្កាត់ទឹកល្អក់៣ ខណ្ឌគោក រាជធានីភ្នំពេញ និងបានខាត់ខ្លួនជនសង្ស័យចំនួន២នាក់ ខណៈម្ចាស់ទីតាំងគេចខ្លួនបាត់។

​បើតាមរបាយការណ៍របស់ស្នងការដ្ឋាននគរបាលរាជធានីភ្នំពេញ ក្នុងប្រតិបត្តិការនេះ កម្លាំងបានដកហូតម៉ូតូចំនួន៣១គ្រឿង ផ្លាកលេខម៉ូតូ ១១២សន្លឹក កាតគ្រីម៉ូតូ៧២សន្លឹក អត្តសញ្ញាណប័ណ្ណ១១ច្បាប់ សំបុត្រកំណើត០៣ច្បាប់ ធុងខ្យល់សម្រាប់កឹបស្លាកលេខ០១ និងកូនសោមួយចំនួន៕

អត្ថបទ៖ សុខុម

The post សមត្ថកិច្ចអំពាវនាវឲ្យជនរងគ្រោះដែលធ្លាប់បាត់ម៉ូតូ ឬផ្លាកលេខអាចមកផ្ទៀងផ្ទាត់ក្រោយរកឃើញម៉ូតូជាង៣០គ្រឿងនៅទីតាំងទិញលក់ខុសច្បាប់ appeared first on Kampuchea Thmey Daily.