ពេទ្យរដ្ឋទាំងអស់រង់ចាំបម្រើសេវាគ្រប់ពេលក្រោយទទួលបានការវិនិយោគរយៈពេលវែង

Kang Tola — Mon, 18 Jan 2021 13:36:02 +0000

ភ្នំពេញ ៖ មន្ត្រីនាយកដ្ឋានសុខុមាលភាពសង្គម នៃក្រសួងសង្គមកិច្ចអតីតយុទ្ធជន និងយុវនីតិសម្បទា បានថ្លែងថា រយៈពេលជាង៣សប្តាហ៍នេះនៅតាមមន្ទីរពេទ្យរដ្ឋទូទាំងប្រទេសរងចាំទទួលជានិច្ចដើម្បីបំរើសេវាគ្រប់ពេលវេលាបន្ទាប់ពីបាននូវកម្មវិធីអាទិភាព១របស់រាជរដ្ឋាភិបាលក្នុងនីតិកាលទី៦នេះ ដើម្បីជាការវិនិយោគរយៈពេលវែងលើធនធានមនុស្សរបស់កម្ពុជា និងការ កាត់បន្ថយអត្រាមរណ:ភាពមាតា និងទារក។

មន្ត្រីដដែលបានបន្ថែមថា សកម្មភាពទូទាំងប្រទេសរបស់CTPបានបន្តអនុវត្តន៍ជាប្រចាំថ្ងៃដោយបញ្ចេញសកម្មភាពគ្រប់រាជធានីខេត្តពេញៗមួយថ្ងៃរយៈពេលជាង៣សប្ដាហ៍មកនេះ គេឃើញស្ត្រីមានផ្ទៃពោះ និងកុមារអាយុក្រោម២ឆ្នាំ ក្នុងគ្រួសារក្រីក្រជាច្រើនគ្រួសារមកទទួលការចុះឈ្មោះថ្មីនិងការទទួលឧបត្ថម្ភសាច់ប្រាក់របស់រាជរដ្ឋាភិបាលជាហូរហែក្រោយពេលក្រសួងជំនាញធ្វើការជូនដំណឹងរួចមក។

តាមសេចក្តីរាយការណ៍របស់នាយកដ្ឋានសុខុមាលភាព នៃក្រសួងសង្គមកិច្ចអតីតយុទ្ធជន និងយុវនីតិសម្បទា បានឲ្យដឹងថា សម្រាប់រយៈពេលប៉ុន្មានសប្ដាហ៍នេះសកម្មភាពរបស់នាយកដ្ឋានបានទទួលព័ត៌មានជាហូរហែស្ដីពីការចុះឈ្មោះថ្មី ការផ្តល់ជូនស្រី្តមានផ្ទៃពោះនិងកុមារអាយុក្រោម២ឆ្នាំ តាមមូលដ្ឋានសុខាភិបាលនិងឃុំ សង្កាត់រួមជាមួយការពិនិត្យបញ្ជីឈ្មោះជាដើម។

សកម្មភាពប្រចាំថ្ងៃនៃការទទួលផលរបស់ស្ត្រីមានផ្ទៃពោះ និងកុមារអាយុក្រោម២ឆ្នាំក្នុងគ្រួសារក្រីក្រនៅក្នុងកម្មវិធីឧបត្ថម្ភសាច់ប្រាក់ជូនស្រី្តមានផ្ទៃពោះនិងកុមារអាយុក្រោម២ឆ្នាំ ដោយការចុះឈ្មោះថ្មីនៅតាមឃុំ សង្កាត់ និងការពិនិត្យសុខភាពនៅតាមមន្ទីរពេទ្យរដ្ឋនៅទូទាំងប្រទេស ដែលជាកម្មវិធីអាទិភាព១របស់រាជរដ្ឋាភិបាលក្នុងនីតិកាលទី៦នេះ ដើម្បីជាការវិនិយោគរយៈពេលវែងលើធនធានមនុស្សរបស់កម្ពុជា និងការ កាត់បន្ថយអត្រាមរណភាពមាតា និងទារក។

ផ្អែកតាមក្របខណ្ឌគោលនយោបាយជាតិគាំពារសង្គម (២០១ ៦-២០២៥) រាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ ពីក្រសួងសុខាភិបាលទៅក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីគ្រប់គ្រង និងអនុវត្តឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ នៅថ្ងៃទី២៤ខែមករា ឆ្នាំ២០២១តទៅ។

កម្មវិធីនេះ ត្រូវបានប្រើប្រាស់យន្តការអនុវត្តជាលក្ខណៈអន្តរស្ថាប័ន ដែលមានការចូលរួមពីក្រសួង ស្ថាប័នទាំងនៅថ្នាក់ជាតិ និងថ្នាក់ក្រោមជាតិ ដែលក្នុងនោះនៅថ្នាក់ជាតិមានក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងមហាផ្ទៃ ក្រសួងសុខាភិបាល ក្រសួងសេដ្ឋកិច្ច និងហិរញ្ញវត្ថុ ក្រសួងផែនការ និងអគ្គលេខាធិការដ្ឋាននៃក្រុមប្រឹក្សាជាតិគាំពារសង្គម។ នៅថ្នាក់រាជធានី ខេត្ត មានរដ្ឋបាលរាជធានី ខេត្ត មន្ទីរសង្គមកិច្ច អតីតយុទ្ធជន និងយុវនិតិសម្បទា និងមន្ទីរសុខាភិបាលរាជធានី ខេត្ត និងនៅថ្នាក់ឃុំ សង្កាត់ មានរដ្ឋបាលឃុំ សង្កាត់ និងមូលដ្ឋានសុខាភិបាលសាធារណៈដែលនៅក្បែរតែម្ដង៕

ដោយ ៖ វិមាន

The post ពេទ្យរដ្ឋទាំងអស់រង់ចាំបម្រើសេវាគ្រប់ពេលក្រោយទទួលបានការវិនិយោគរយៈពេលវែង appeared first on Kampuchea Thmey Daily.

តបតាមការអំពាវនាវរបស់នាយកដ្ឋានសុខុមាលភាពសង្គមជិត១ខែនេះ គ្រួសារក្រីក្រនិងជនងាយរងគ្រោះដោយកូវីដ សម្រុកមកផ្ទៀងផ្ទាត់ឈ្មោះ

Kang Tola — Wed, 06 Jan 2021 10:52:37 +0000

ភ្នំពេញ ៖ តបតាមការអំពាវនាវរបស់នាយកដ្ឋានសុខុមាលភាពសង្គមជិត១ខែនេះគ្រួសារក្រីក្រនិងជនងាយរងគ្រោះដោយជម្ងឺកូវីដ១៩បានសម្រុកមកផ្ទៀងផ្ទាត់ឈ្មោះនៅឃុំសង្កាត់តាមមូលដ្ឋានទូទាំងប្រទេសដែលរស់នៅស្នាក់អាស្រ័យដើម្បីបន្តទទួលសាច់ប្រាក់ឧបត្ថម្ភពីរាជរដ្ឋាភិបាលរយៈពេល៣ខែទៀតគិតចាប់តាំងពីថ្ងៃទី២៤មករា រហូតដល់២៥មេសាឆ្នាំ២០២១ខាងមុខនេះ។

តាមការផ្សព្វផ្សាយរបស់នាយកដ្ឋានសុខុមាលសង្គម ថ្ងៃនេះបានបញ្ជាក់ថា ក្រោយពីទទួលបានគោលនយោបាយជាតិគាំពារសង្គម (២០១ ៦-២០២៥) រាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនដល់គ្រួសារក្រីក្រ និងងាយរងគ្រោះពិសេសដែលទទួលផលប៉ះបាល់ដោយសារជំងឺរាតត្បាតកូវិដ១៩ លើកទី៣ ជុំទី៣នៅថ្ងៃទី២៤ មករាឆ្នាំ២០២១នេះតាមរយៈក្រសួងសង្គមកិច្ចអតីតយុទ្ធជន និងយុវនីតិសម្បទា។

នាយកដ្ឋានសុខុមាលភាពសង្គម បានបន្តធ្វើការអំពាវនាវបន្ថែមទៀតដល់គ្រួសារក្រីក្រនិងងាយរងគ្រោះទូទាំងប្រទេសមកពិនិត្យឈ្មោះតាមមូលដ្ឋាន ឃុំ សង្កាត់ ដែលរស់នៅស្នាក់អាស្រ័យរៀងៗខ្លួនឲ្យបានមុនថ្ងៃទី២៤ខែមករា ខាងមុខនេះដើម្បីបន្តទទួលសាច់ប្រាក់ឧបត្ថម្ភពីរាជរដ្ឋាភិបាលរយៈពេល៣ខែទៀតឲ្យបានគ្រប់ៗគ្នា៕

ដោយ ៖ វិមាន

The post តបតាមការអំពាវនាវរបស់នាយកដ្ឋានសុខុមាលភាពសង្គមជិត១ខែនេះ គ្រួសារក្រីក្រនិងជនងាយរងគ្រោះដោយកូវីដ សម្រុកមកផ្ទៀងផ្ទាត់ឈ្មោះ appeared first on Kampuchea Thmey Daily.

នាយកដ្ឋានសុខុមាលភាព Archives - Kampuchea Thmey Daily

ពេទ្យ​រដ្ឋ​ទាំងអស់​រង់ចាំ​បម្រើសេវា​គ្រប់ពេល​ក្រោយ​ទទួល​បាន​ការវិនិយោគ​រយៈ​ពេល​វែង

ពេទ្យរដ្ឋទាំងអស់រង់ចាំបម្រើសេវាគ្រប់ពេលក្រោយទទួលបានការវិនិយោគរយៈពេលវែង