ការត្រួតពិនិត្យនេះ គ្រាន់ជាផ្នែកមួយនៃការតាមដានស្ថានភាពសុខភាព ក្រោយការសម្រាកព្យាបាលពីអ្នកជំនាញវេជ្ជសាស្ត្រប៉ុណ្ណោះ។ ប្រភពជិតស្និទ្ធបានបញ្ជាក់ថា នាយក្រិន ក៏កំពុងអនុវត្តតាមសេចក្តីណែនាំរបស់គ្រូពេទ្យ ដើម្បីធានាបាននូវការស្តារសុខភាពឱ្យប្រសើរឡើងវិញផងដែរ។ ទោះយ៉ាងណា ស្ថានភាពទូទៅរបស់តារាកំប្លែងរូបនេះ លែងជាបញ្ហាគួរឱ្យព្រួយបារម្ភទៀតហើយ។

គួររំលឹកថា នាយក្រិន មានបញ្ហារលៀកត្រជាក់ធ្ងន់ធ្ងរ និងក្តៅខ្លួនឈានដល់រលាកទាំងស្រោមខួរក្បាលថែមទៀត រហូតបាត់ស្មារតី។ តែយ៉ាងណា ដោយទទួលបានការយកចិត្តទុកដាក់ពីសំណាក់ក្រុមគ្រូពេទ្យ នៃមន្ទីរពេទ្យកាលម៉ែត្រ ក៏ដូចជាអ្នកស្និតស្នាល គឺអ្នកនាង ប្រិមប្រិយ និង លោក សាវិន ហ្វីលីព តារាកំប្លែងមាឌល្អិតរូបនេះ ក៏បានជាសះស្បើយ និងវិលត្រឡប់ទៅផ្ទះវិញមួយរយៈពេលខ្លីហើយ ខណៈទើបតែដល់ថ្ងៃណាត់នឹងគ្រូពេទ្យជាថ្មីដើម្បីតាមដាន៕

The post ព្រឹកថ្ងៃនេះ! នាយក្រិន ត្រឡប់មកតាមដានសុខភាពត្រចៀកជាថ្មី តាមការណាត់ជួបរបស់គ្រូពេទ្យ appeared first on Kampuchea Thmey Daily.

នៅព្រឹកថ្ងៃទី ២២មីនា សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានឆ្លៀតពេលចុះទៅសួរសុខទុក្ខតារាកំប្លែងមាឌល្អិត នាយក្រិន ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត រាជធានីភ្នំពេញ។

តាមការបញ្ជាក់របស់សម្តេចតេជោ ការចុះសួរសុខទុក្ខនេះ គឺដើម្បីលើកទឹកចិត្ត និងបង្ហាញការយកចិត្តទុកដាក់ចំពោះសិល្បករដែលកំពុងជួបប្រទះស្ថានភាពលំបាកទាំងផ្លូវកាយ និងផ្លូវចិត្ត។ ក្នុងនោះឱកាសឆ្លៀតសួរសុខទុក្ខនេះផងដែរ សម្តេចបានបង្ហាញការយល់ចិត្តចំពោះស្ថានភាពរបស់ នាយក្រិន ជាពិសេសពាក់ព័ន្ធនឹងវិបត្តិជីវិត និងបញ្ហាសុខភាព ដែលកំពុងប៉ះពាល់យ៉ាងខ្លាំងដល់ជីវភាពប្រចាំថ្ងៃ។

ដោយទទួលបានការយកចិត្តទុកដាក់ និងគិតគូរពីប្រធានព្រឹទ្ធសភាផ្ទាល់ នាយក្រិន តាមរយៈសារលើទំព័រហ្វេសប៊ុកផ្ទាល់ខ្លួន បានបង្ហាញក្តីសោមន្យដូច្នេះថា “កូនសូមអរគុណសម្តេចពុក ដែលបានមកមើល និងសួរសុខទុក្ខកូនផ្ទាល់នៅមន្ទីរពេទ្យកាល់ម៉ែតព្រឹកនេះ។ កូនសូមគោរពជូនពរសម្តេចពុក និងអ្នកម៉ែ សូមមានសុខភាពល្អបរិបូរណ៍ ជាម្លប់ដល់កូនចៅគ្រប់ៗគ្នា”។

សកម្មភាពនេះ ត្រូវបានមហាជនសរសើរថា ជាគំរូនៃភាពមេត្តាករុណា និងការយកចិត្តទុកដាក់ចំពោះវិស័យសិល្បៈខ្មែរ ដែលតែងតែមានតួនាទីសំខាន់ក្នុងការផ្តល់ភាពរីករាយដល់សង្គម៕

The post នាយក្រិន រំភើបចិត្តខ្លាំង ក្រោយទទួលការយកចិត្តទុកដាក់ពីសម្តេចតេជោ សួរសុខទុក្ខដល់មន្ទីរពេទ្យ appeared first on Kampuchea Thmey Daily.

សម្ដេច​បាន​សរសេរ​នៅ​លើ​ហ្វេសបុក​សម្ដេច​នៅ​ព្រឹក​ថ្ងៃ​ទី​២២ ខែ​មីនា ឆ្នាំ​២០២៦​នេះ ដោយ​បាន​លើក​ឡើង​ថា៖ «ព្រឹកនេះឆ្លៀតពេលទៅសួរសុខទុក្ខនាយក្រិនដែលកំពុងមានជម្ងឺនៅមន្ទីរពេទ្យកាលម៉ែត។ខ្លួនឈឺឪពុកមរណភាពដែលមិនហ៊ានឲ្យនាយក្រិនដឹងគឹជារឿងវាយប្រហារធ្ងន់ធ្ងរសម្រាប់ជិវិតនាយក្រិន»។

សម្ដេច​ក៏​បាន​កើត​សរសើរ​សិល្បករ សិល្បការិនី​ដែល​ចូល​រួម​អាណិត​នាយ​ក្រិន​ពិសេស​ស្រីនិច ហៅ​ប្រិមប្រិយ​និង​ប្អូន​ដែល​សុទ្ធចិត្ត​បោះបង់​ការងារ​មក​ជួយ​ថែទាំ​នាយ​ក្រិន​ ហើយ​សម្ដេច​ក៏​ប្រគល់​ការងារ​ឱ្យ​ប្រិមប្រិយ​ទៅជួយ​រៀបចំ​កូន​នាយ​ក្រិន​ទាំង​៣​នៅ​បាត់​ដំបង​ឱ្យ​បាន​ចូលរៀន​ឡើង​វិញ​ក្រោយ​នាយក្រិន​ចេញ​ពី​ពេទ្យ​ផងដែរ​។

តារា​កំប្លែង​នាយ​ក្រិន​ត្រូវ​បាន​ក្រុម​គ្រួសារ​នាំ​ទៅ​ពិនិត្យ​ និង​ព្យាបាល​នៅ​ក្នុង​មន្ទីរ​ពេទ្យ​កាល​ពី​ថ្ងៃទី​១០ ខែ​មីនា ឆ្នាំ​២០២៦ ​បន្ទាប់​ពី​ធ្លាក់​ខ្លួន​ឈឺ​ដោយសារ​ការ​រលាក​ត្រចៀក​ ហើយ​រាល​ដាល​ប៉ះពាល់​ដល់​ប្រព័ន្ធ​ប្រសាទ​៕

អត្ថបទដោយ ហ៊ុន សិរីវឌ្ឍន៍​​​

The post សម្ដេចតេជោ​ទៅ​សួរ​សុខ​ទុក្ខ​នាយ​ក្រិន​នៅ​ព្រឹក​នេះ appeared first on Kampuchea Thmey Daily.

ប្រិមប្រិយ បានឱ្យដឹងថា កាលដែលទើបនឹងជូនដំណឹងនេះ ក៏ព្រោះតែបង្ការការប៉ះពាល់ដល់សុខភាពរបស់នាយក្រិន ដែលកំពុងទទួលបានការថែទាំយ៉ាងជិតស្និទ្ធពីក្រុមគ្រូពេទ្យ។ ទោះបីជាយ៉ាងណា លោកបានទទួលដំណឹងនេះដោយអារម្មណ៍សោកស្តាយយ៉ាងខ្លាំង។

គួររំលឹកថា មុនពេលបញ្ជូនមកព្យាបាលនៅមន្ទីរពេទ្យកាល់ម៉ែត្រ ក្នុងរាជធានីភ្នំពេញ ដំបូងឡើយ តារាកំប្លែងនាយក្រិន បានសម្រាកព្យាបាលនៅមន្ទីរពេទ្យឯកជនមួយ ក្នុងខេត្តបាត់ដំបង។ តាមការវាយតម្លៃដំបូង គ្រូពេទ្យបានកំណត់ថា លោកមានអាការៈរលាកត្រចៀកធ្ងន់ធ្ងរ និងមានមេរោគក្នុងឈាម ដែលបណ្ដាលឱ្យមានសភាពវង្វេងស្មារតី ដល់ថ្នាក់ស្គាល់មុខអ្នកនៅជុំវិញខ្លួន ប៉ុន្តែមិនអាចចងចាំឈ្មោះបាន។

ដោយសារស្ថានភាពមិនធម្មតានេះ លោក សាវិន ហ្វីលីព ដែលជាតារាសម្តែង និងជាអ្នកស្និទ្ធស្នាលរបស់នាយក្រិន បានសម្រេចចិត្តបញ្ជូនលោក មកបន្តព្យាបាលនៅមន្ទីរពេទ្យធំនៅភ្នំពេញតែម្តង។ ក្នុងដំណើរនៃការព្យាបាលនេះដែរ ក៏មានការជួយគាំទ្រយ៉ាងជិតស្និទ្ធពីអ្នកនាង ប្រិមប្រិយ ដែលជាអតីតដៃគូសិល្បៈកំប្លែងជាមួយលោកផងដែរ។ យ៉ាងណាមិញ ក្រោយពេលពិនិត្យលម្អិត បញ្ជាក់ថា នាយក្រិន មានជំងឺ រលាកស្រោមខួរក្បាល ដែលជាជំងឺធ្ងន់ធ្ងរមួយ តម្រូវឱ្យសម្រាកព្យាបាល និងតាមដានសុខភាពយ៉ាងម៉ត់ចត់ប្រមាណ ២សប្តាហ៍ តាមការណែនាំរបស់ក្រុមគ្រូពេទ្យ។

តែជាអកុសល កំឡុងពេលនាយក្រិនស្ថិតនៅសភាពវង្វេងស្មារតីនៅឡើយ ពោលគឺទើបចូលសម្រាកព្យាបាលបានប្រមាណជា ២ថ្ងៃ ឪពុករបស់លោក បានលាចាកលោកដោយមិនបានជួបមុខគ្នាជាលើកចុងក្រោយ បន្សល់ត្រឹមក្តីអាឡោះអាល័យ៕

The post នាយក្រិន យំខ្សឹកខ្សួល ក្រោយទទួលដំណឹងមរណភាពឪពុកជាទីគោរពស្រលាញ់ appeared first on Kampuchea Thmey Daily.

ការទៅសួរសុខទុក្ខនេះ មិនត្រឹមតែជាការលើកទឹកចិត្តផ្លូវចិត្តប៉ុណ្ណោះទេ ប៉ុន្តែថែមទាំងបង្ហាញពីសាមគ្គីភាព និងការចូលរួមចំណែកពីសង្គមសិល្បៈខ្មែរ ដែលចេះយកចិត្តទុកដាក់ចំពោះសុខទុក្ខគ្នា។ នាយក្រូច ក៏បានលើកទឹកចិត្ត នាយក្រិន ខិតខំថែរក្សាសុខភាព និងរក្សាទឹកចិត្តឱ្យរឹងមាំ ដើម្បីឆាប់ជាសះស្បើយវិញ។

ទន្ទឹមនឹងនេះ មហាជន និងអ្នកគាំទ្រជាច្រើនបានសម្ដែងការសរសើរចំពោះទឹកចិត្តសប្បុរស និងមិត្តភាពដ៏មានតម្លៃនេះ ដែលបានបង្ហាញថា សិល្បករខ្មែរនៅតែឈរជាមួយគ្នានៅពេលមានទុក្ខលំបាក។ ជាក់ស្តែង សាវិន ហ្វីលីព និងអ្នកនាង ប្រិមប្រិយ មានទឹកចិត្តសប្បុរស ខំចំណាយពេលវេលា ឈឺឆ្អាលសុខទុក្ខតារាកំប្លែងមាឌល្អិតរូបនេះយ៉ាងពេញទំហឹង។

គួរបញ្ជាក់ថា នាយក្រិន កំពុងសម្រាកព្យាបាលជំងឺ ហើយទទួលបានការយកចិត្តទុកដាក់ និងការគាំទ្រពីមិត្តរួមអាជីព និងសប្បុរសជនជាច្រើន ដែលបន្តចូលរួមជួយគាំទ្រជាបន្តបន្ទាប់ និងទទួលបានការយកចិត្តទុកដាក់យ៉ាងម៉ត់ចត់ ពីសំណាក់ក្រុមគ្រូពេទ្យ នៃមន្ទីរពេទ្យកាល់ម៉ែត្រ។

ប៉ុន្តែក្នុងពេលដែលកំពុងទទួលការព្យាបាលនេះ នាយក្រិន នៅមិនទាន់បានដឹងអំពីដំណឹងដ៏សោកសៅនៃការបាត់បង់ឪពុកជាទីស្រលាញ់នៅឡើយទេ ខណៈតាមសម្តីប្រាប់ទៅកាន់នាយក្រូច និងអ្នកដទៃទៀត លោកក៏តែងបង្ហាញអារម្មណ៍នឹករលឹកគ្រួសារជារឿយៗ ដោយពោលថា «នឹកឪពុក នឹកកូនៗ»៕

The post មិត្តភាព! នាយក្រូច ទៅសួរសុខទុក្ខ នាយក្រិន និងពាំនាំថវិកាពីសមាជិក “ភ្នំស្រង់ដួងចិត្ត” ជួយសម្រាលបន្ទុក appeared first on Kampuchea Thmey Daily.

នាយកុយ និងនាយក្រិន ធ្លាប់ចាប់ដៃគ្នានាំយកសំណើចសើចក្អាកក្អាយជូនសាធារណជនខ្មែរ តាមរយៈកញ្ចក់ទូរទស្សន៍នៃកម្មវិធីល្បីៗជាច្រើន ទាំងក្នុងនិងក្រៅប្រទេស។ ជាង១០ឆ្នាំ ការសម្តែងរួមគ្នារបស់អ្នកទាំងពីរ បាននាំឱ្យនាយក្រិនទទួលបានភាពល្បីល្បាញ និងក្លាយជាតារាកំប្លែងដែលសំខាន់ក្នុងវិស័យកំប្លែងខ្មែរ ខណៈនាយកុយ ជាមនុស្សសំខាន់ដែលដឹកនាំ និងគាំទ្រក្នុងអាជីពតារាកំប្លែងរបស់នាយក្រិន។

ទោះបច្ចុប្បន្ន តារាកំប្លែងទាំង២ដួង លែងមានឆាកសម្តែងរួមគ្នាក៏ពិតមែន តែការសហការសម្តែងរួមគ្នាកន្លងមករបស់ពួកគាត់ នៅតែដក់ក្នុងការចងចាំអ្នកគាំទ្រ និងសហគមន៍សិល្បៈខ្មែរ។

លើសពីនេះ ទោះឆ្ងាយគ្នាក៏ដោយ តែនាយកុយ ពិសេសតារាកំប្លែងរួមក្រុម ប្រិមប្រិយ នៅតែបង្ហាញក្តីអាណិតស្រលាញ់ និងគាំទ្រគ្នាផងដែរ ពិសេសក្នុងគ្រាដ៏លំបាកនេះ៕

The post នាយកុយ ខលមកសួរសុខទុក្ខ និងផ្ដល់កម្លាំងចិត្ត ដល់ នាយ ក្រិន ខណៈកំពុងសម្រាកព្យាបាល appeared first on Kampuchea Thmey Daily.

តាមការបញ្ជាក់ពីលោក សាវិន ហ្វីលីព ឪពុករបស់នាយក្រិន បានលាចាកលោកនៅព្រឹកថ្ងៃទី១៤ ខែមីនា ឆ្នាំ២០២៦ ស្របពេលដែលតារាកំប្លែងរូបនេះ ក៏កំពុងស្ថិតក្នុងស្ថានភាពជំងឺធ្ងន់ធ្ងរ និងត្រូវសម្រាកព្យាបាលក្រោមការតាមដាន មិនទាន់មានការអនុញ្ញាតឱ្យចាកចេញពីមន្ទីរពេទ្យនៅឡើយទេ។ យ៉ាងណា ដំណឹងដ៏សោកសៅនេះ លោក សាវិន ហ្វីលីព និងតារាកំប្លែង ប្រឹមប្រិយមិនទាន់ហ៊ានឱ្យ នាយក្រិន ដឹងនៅឡើយទេ ក៏ព្រោះតែបារម្ភថាលោកមិនអាចទទួលយកបាន។

ដំណឹងនេះបានធ្វើឱ្យមិត្តរួមអាជីព និងអ្នកគាំទ្រជាច្រើនបង្ហាញការអាណិតអាសូរ និងផ្ញើសារលើកទឹកចិត្តដល់តារាកំប្លែងរូបនេះ តាមរយៈបណ្តាញសង្គម Facebook ដោយសង្ឃឹមឱ្យលោកឆាប់ជាសះស្បើយ និងអាចឆ្លងកាត់រយៈពេលលំបាកនេះបាន។

គួររំលឹកថា មុនបញ្ជូនមកព្យាបាលនៅមន្ទីរពេទ្យកាល់ម៉ែត្រ ក្នុងក្រុងភ្នំពេញ ដំបូងឡើយ នាយក្រិន បានសម្រាកព្យាបាលនៅពេទ្យឯកជនមួយ ក្នុងខេត្តបាត់ដំបង ដោយការកំណត់រោគសញ្ញាជាជំហានដំបូង គឺរលាកត្រចៀកធ្ងន់ធ្ងរ និងមានមេរោគក្នុងឈាម ដល់ថ្នាក់វង្វេងស្មារតីថែមទៀត ពោលគឺស្គាល់មុខអ្នកជុំវិញខ្លូន តែមិនស្គាល់ឈ្មោះ។ ដោយហេតុនេះ លោក ហ្វីលីព តារាសម្តែង និងជាអ្នកស្និតស្នាលនឹងនាយក្រិន ក៏សម្រេចបញ្ជូនពោះម៉ាយកម្សត់កូន ៣រូបនេះ មកកាន់មន្ទីរពេទ្យធំនៅភ្នំពេញតែម្តង ដោយមានការជួយជ្រោមជ្រែងមើលថែ ពីអតីតដៃគូសិល្បៈកំប្លែងរួមក្រុម ប្រិមប្រិយ និងតែងរាយការណ៍ពីស្ថានភាពលោកជាបន្តបន្ទាប់ ដើម្បីឱ្យសាធារណជនបានជ្រាប។

យ៉ាងណា ក្រោយលទ្ធផលបង្ហាញថា នាយក្រិន មាន ជំងឺរលាកស្រោមខួរក្បាល ក្រុមគ្រូពេទ្យតម្រូវឱ្យលោកសម្រាកព្យាបាល និងតាមដានសុខភាពប្រមាណ ២សប្តាហ៍ផងដែរ។ តែអកុសលកំណត់មិនបាន ស្របពេលដែលកំពុងតតាំងនឹងជំងឺ លោកឪពុកជាទីជាស្រលាញ់របស់លោក ក៏បានចែកឋានទៅគ្មានឱកាសសូម្បីលា។ តាមប្រភពបានឱ្យដឹងថា ឪពុករបស់នាយក្រិន មានអាយុ ៨៥ ឆ្នាំ មានជំងឺសួតធ្ងន់ធ្ងររាប់សិបឆ្នាំមកហើយ៕

The post មរណភាពឪពុក នាយក្រិន! អ្នកស្និតស្នាល មិនទាន់ហ៊ានបានប្រាប់ដំណឹងដ៏សោកសៅនេះ ឱ្យដឹងនៅឡើយទេ appeared first on Kampuchea Thmey Daily.

នៅព្រឹកថ្ងៃទី១២ ខែមីនា ២០២៦ តាមរយៈសារពីទំព័រហ្វេសប៊ុកលោក សាវិន ហ្វីលីព បានរាយការណ៍ពីស្ថានភាពជំងឺរបស់នាយក្រិន ដែលកំពុងស្ថិតក្នុងសភាពគួរឱ្យព្រួយបារម្ភ។ លោកថា “ក្រុមគ្រូពេទ្យនៅមន្ទីរពេទ្យកាល់ម៉ែត្រ ទេីបប្រាប់ប្រិមប្រិយ ព្រឹកនេះថា មេរោគបានចូលដល់ស្រោមខួររបស់នាយក្រិនហេីយ គាត់មិនចាំអ្វីទាំងអស់ពេលនេះ”។

សភាពជំងឺរបស់នាយក្រិន ធ្វើឱ្យសាធារណជន ពិសេសមិត្តរួមអាជីពជាច្រើនបង្ហាញក្តីព្រួយបារម្ភ រួមនិងផ្ញើសារលើកទឹកចិត្តសមាជិកគ្រួសារលោកផងដែរ ខណៈដែលសុទ្ធសឹងជាវ័យកុមារនៅឡើយ។ លើសពីនេះ ដោយក្តីអាណិតអាសូរ សប្បុរសជនមួយចំនួនក៏បានចូលរួមឧបត្ថម្ភគាំទ្រថ្លៃព្យាបាលដល់នាយផងដែរ។

បច្ចុប្បន្ន មហាជនជាច្រើនកំពុងរង់ចាំព័ត៌មានបន្ថែមអំពីស្ថានភាពសុខភាពរបស់តារាកំប្លែង នាយក្រិន។ ខណៈពេលដែលការព្យាបាលកំពុងបន្ត មិត្តសិល្បករ និងអ្នកគាំទ្រជាច្រើននៅតែបន្តលើកទឹកចិត្ត និងជូនពរឱ្យលោកមានកម្លាំងចិត្ត និងកម្លាំងកាយ ដើម្បីឆ្លងកាត់ដំណាក់កាលលំបាកនេះ និងត្រឡប់មកផ្តល់សំណើចដល់សង្គមវិញ។

នាយក្រិន ជាតារាកំប្លែងមួយរូបដែលមានឈ្មោះល្បីក្នុងវិស័យសិល្បៈកំប្លែងខ្មែរ ក្រោមការដឹកនាំក្រុមរបស់នាយកុយ។ ក្នុងអាជីពសិល្បៈរយៈពេលជាច្រើនឆ្នាំ លោកបានចូលរួមសម្ដែងក្នុងកម្មវិធីកំប្លែងជាច្រើន និងបានបង្កើតស្នាដៃជាច្រើនដែលធ្វើឱ្យទស្សនិកជនសើចសប្បាយ។

តាមរយៈការសម្ដែង និងការប្រើប្រាស់ភាសាកំប្លែងដ៏មានទេពកោសល្យ នាយក្រិន បានក្លាយជាតារាកំប្លែងដែលទទួលបានការគាំទ្រយ៉ាងខ្លាំងពីសំណាក់ទស្សនិកជនគ្រប់វ័យ។ ឯការសម្ដែងរបស់លោកមិនត្រឹមតែផ្តល់ភាពសប្បាយរីករាយប៉ុណ្ណោះទេ ប៉ុន្តែថែមទាំងបង្ហាញពីជីវិតប្រចាំថ្ងៃ និងបញ្ហាសង្គមមួយចំនួនក្នុងទម្រង់កំប្លែងផងដែរ៕

The post ស្ថានភាពជំងឺ នាយក្រិន នៅតែស្ថិតក្នុងដំណាក់កាលគួរឱ្យព្រួយបារម្ភ ខណៈគ្រូពេទ្យកំពុងយកចិត្តទុកដាក់ព្យាបាល appeared first on Kampuchea Thmey Daily.