នាយ ចឺម Archives - Kampuchea Thmey Daily

ស្រីអុីត ចេញមុខការពារនាយ ចឺម ខណៈបទថ្មីត្រៀមសម្រាប់ចូលឆ្នាំរងការរិះគន់ និងប្រមាថកប់ៗមាត់

Chan Sotheavy — Sat, 22 Mar 2025 03:32:42 +0000

តារាកំប្លែងអ្នកនាង ស្រីអុីត បានបង្ហាញការហួសចិត្តនិងបញ្ចេញប្រតិកម្មឆ្លើយតបយ៉ាងចាស់ដែរ បន្ទាប់ពីឃើញអ្នកប្រើប្រាស់បណ្តាញសង្គមហ្វេសប៊ុកមួយចំនួនបានរិះគន់ និងប្រើពាក្យសម្តីប្រមាថមកលើនាយ ចឺម ដែលជាក្មួយប្រុសបង្កើតរបស់ខ្លួន។

ប្រតិកម្មរបស់តារាចម្រៀងអ្នកនាង ស្រីអុីត នេះ ក្រោយពេលមានម្ចាស់គណនីហ្វេសប៊ុកមួយបានបញ្ចេញមិតជេរប្រមាថតារាចម្រៀងនាយ ចឺម កប់ៗមាត់ ក្រោយតារាចម្រៀងវ័យក្មេងរូបនេះ បានចេញបទចម្រៀងត្រៀមសម្រាប់អបអរពិធីបុណ្យចូលឆ្នាំថ្មីប្រពៃណីជាតិខ្មែរដែលនឹងឈានចូលមកដល់ក្នុងពេលឆាប់ៗខាងមុខ។

បទថ្មីរបស់នាយ ចឺម ដែលរងការរិះគន់នេះមានចំណងជើងថា “Style រាំហៅខ្មុល” ខណ:អ្នកប្រើប្រាស់បណ្តាញសង្គមបានរិះគន់ថា “គ្មានស្នាដៃអីសោះពេលល្បី ពាក្យអីមួយយកពាក្យហ្នុងមកធ្វើជាបទចម្រៀង។ ចង់និយាយយូរហើយឃើញសឹងតែគ្រប់តារាហើយ ឱ្យតែមានពាក្យអីល្បីបន្តិចគឺយកមកធ្វើបទចម្រៀងហើយ។ ត្រូវចាំបងពួកតារាអស់នេះកុំគាំទ្រវាពេកតែវាល្បីខ្លាំងវាធ្វើអីលែងខ្វល់អ្នកស្ដាប់ហើយ”។

ចំណែករឿងដែលធ្វើឱ្យស្រីអុីត ប្រតិកម្មខ្លាំង គឺបន្ទាប់ពីមានម្ចាស់គណនីមួនបានរិះគន់ដោយប្រើពាក្យប្រមាថធ្ងន់លើក្មួយប្រុសរបស់ខ្លួន។ អ្នកនាង ស្រីអុីត បានឆ្លើយតបថា “ថាហើយថា ជេរៗមែន អត់យល់មិនទាន់ចេញបទពេញផង ជេរបាត់ក្មួយ ចឺម អើយយើង”។ តារាកំប្លែងតរូបនេះ ក៏សម្តែងការហួសចិត្តផងដែរ ដោយមិននឹកស្មានថា មនុស្សសម័យឥឡូវ អីបន្តិច ជេរប្រមាថដោយមិនដឹងរឿងតែម្តង។

ដោយឡែកសម្រាប់សាមុីខ្លួនតារាចម្រៀងនាយ ចឺម មិនបានបញ្ចេញប្រតិកម្មអ្វីឡើយ ពោលគឺបានត្រឹមអរគុណដល់អ្នកគាំទ្រ ខណ:ត្រឹមរយ:ពេល ១ថ្ងៃមានចំនួនអ្នកចូលទស្សនាងជាង ២លានដង (2.2M ឯណោះ៕ អត្ថបទ៖ ចាន់រ៉ា

The post ស្រីអុីត ចេញមុខការពារនាយ ចឺម ខណៈបទថ្មីត្រៀមសម្រាប់ចូលឆ្នាំរងការរិះគន់ និងប្រមាថកប់ៗមាត់ appeared first on Kampuchea Thmey Daily.

នាយ ចឺម ស្នើសុំអ្នកសិល្ប:ស្រាក់ដៃគ្នាជួយសង្គ្រោះជីវិតនាយ តាក់ស៊ី

Chan Sotheavy — Tue, 03 Dec 2024 03:41:38 +0000

អំឡុងពេលដែលទៅសួរសុខទុក្ខតារាកំប្លែងធ្លាប់រួមអាជីព នាយ តាក់ស៊ី នោះ តារាចម្រៀងវ័យក្មេងនាយ ចឺម ក្រៅតែពីបង្ហាញក្តីអាណិតអាសូរដល់សិល្បកររៀមច្បងធ្លាប់រួមសម្តែង តារារូបនេះបានស្នើដល់សិល្បករសិល្បការិនីចូលរួមស្រាក់ដៃគ្នាដើម្បីជួយសង្គ្រោះជីវិតនាយ តាក់ស៊ី ដែលកំពុងរួមរឹតដោយជំងឺកាចសាហាវ។

ដូចដែលប្រិយមិត្តបានដឹងហើយថា នាយ តាក់សុី ដែលមានវ័យ ៤៥ឆ្នាំ ពេលនេះកំពុងស្ថិតនៅក្នុងស្ថានភាពលាងឈាមសង្រ្គោះនៅក្នុងមន្ទីរពេទ្យព្រះកេតុមាលា ដោយសារជំងឺទឹកនោមផ្អែមធ្វេីឱ្យខូចក្រលៀន និងជំងឺទឹកដក់ក្នុងសួតផងដែរ។ ដំណឹងនេះបានធ្វើឲ្យអ្នកគាំទ្រមានក្តីអាណិតអាសូរនិងបារម្ភពីសុខភាពនាយ តាក់ស៊ី ។

បើក្រឡេកមកមើលតារាចម្រៀងនាយចឺម កាលពីម្សិលមិញបានស្កាត់ទៅជួបសួរសុខទុក្ខនិងបានឧបត្ថម្ភថវិកាដល់នាយ តាក់ស៊ី ផងដែរ។ក្នុងពេលនោះនាយចឺមបានអំពាវនាវថាធ្វើបុណ្យទាន់ខែភ្លឺ ជីវិតគាត់ពេលនេះសង្ឃឹមលើពុកម៉ែបងប្អូនទាំងអស់គ្នាហើយមាន ទុក្ខចេះជួយគ្នា ខ្មែរស្រលាញ់ខ្មែរ (មានជីវិតគឺមានទុក្ខ)។

តារាកំប្លែងនាយ តាក់ស៊ី ថ្មីៗនេះ បានលើកក៏ដៃសំពះដង្ហើយសុំជំនួយសប្បុរសជនដើម្បីព្យាបាលជំងឺនិងដោះដូក្រលៀនសង្គ្រោះជីវិតខណ:ដែលការដូក្រលៀ នម្ខាងគឺត្រូវចំណាយលុយចំនួន៥ម៉ឺនដុល្លារ។លោកវេជ្ជបណ្ឌិតបានបញ្ជាក់ឲ្យដឹងថានាយ តាក់សុី មានជម្រើសចុងក្រោយពីរ ទីមួយគឺត្រូវលាងឈាមពេញមួយជីវិត (មួយអាទិត្យចំនួនបីដង) និងជម្រើសទី២ ត្រូវតែធ្វេីការវះកាត់ប្ដូរក្រលៀនថ្មី។

បន្ទាប់ពីឃើញការអំពាវនាវនិងមានក្តីអាណិតអាសូរដល់តារាកំប្លែងរូបនេះ មកទល់ពេលនេះ ក៏ឃើញមានថ្នាក់ដឹកនាំសិល្បករសិល្បការិនីខ្មែរមួយចំនួន បានចូលរួមឧបត្ថម្ភថវិកាផ្ទាល់ខ្លួន ដើម្បីជួយសង្គ្រោះជីវិតតារាកំប្លែងជើងចាស់ នាយ តាក់ស៊ី អំឡុងពេលដែលកំពុងត្រូវការជំនួយជាបន្តបន្ទាប់ផងដែរ៕ អត្ថបទ៖ ចាន់រ៉ា

The post នាយ ចឺម ស្នើសុំអ្នកសិល្ប:ស្រាក់ដៃគ្នាជួយសង្គ្រោះជីវិតនាយ តាក់ស៊ី appeared first on Kampuchea Thmey Daily.

នាយ ចឺម មានអ្វីពិសេស ទើបអ្នកមេម៉ាយ សេង សុខឃីម មិនទាន់អស់អាល័យ

អ៊ិន ពិសី — Fri, 07 Jun 2024 06:50:30 +0000

ទោះបីមកទល់ពេលនេះចំណងស្នេហ៍រវាងតារាចម្រៀង នាយ ចឺម និងអតីតសង្សារអ្នកមេម៉ាយចាយសម្រស់អ្នកនាង សេង សុខឃីម បានដើរដល់ចំណុចបែកគ្នាហើយពិតមែន ជារឿយៗ នាងនៅតែបង្ហាញពីការនឹករលឹករម្លឹកអនុស្សាវរីយ៍ចាស់ជាមួយគ្នា។

ប្រាកដណាស់ក្រោយពីផ្តាច់ទំនាក់ទំនងស្នេហាជាមួយតារាចម្រៀងសម្បូរស្នេហ៍ដែលគេចាត់ទុកថាជាព្រាននារី គឺ នាយ ចឺម នោះ គិតមកដល់ពេលនេះមានរយៈពេលប្រមាណជាង ១ ឆ្នាំ មកហើយ។ អ្វីដែលចាប់អារម្មណ៍ ស្រាប់តែមុននេះ អតីតសង្សារតារាប្រុសរូបនេះ បានទម្លាយរូបថតរម្លឹកនូវអនុស្សាវរីយ៍ ថែមទាំងពោលមួយប្រយោគហាក់បារម្ភពីសុខទុក្ខ នាយ ចឺម ផងដែរ។

អ្នកនាង សេង សុខឃីម បានរៀបរាប់ភ្ជាប់វីដេអូអនុស្សាវរីយ៍ចាស់ៗ ជាមួយ នាយ ចឺម ដូច្នេះថា «បំភ្លេចអូនក៏មិនអ្វី តែបងត្រូវតែរស់នៅឲ្យមានក្តីសុខ ឈប់ដើម្បីអ្នកណាទៀត រឿងចាស់ហួសហើយ រម្លឹកបាន តែកុំស្អប់ កុំបន្ទោសនរណាម្នាក់ដាក់ក្នុងជីវិតរបស់អ្នក វាគ្រាន់តែជា, មេរៀន ,បទពិសោធ, ការចងចាំ,ដាស់តឿន និងក្រើនរម្លឹក»។

អតីតសង្សារ នាយ ចឺម បញ្ជាក់ថា ចាញ់គេ ក៏ព្រោះនាងស្មោះត្រង់នឹងគេ តែងតែគិតពីរឿងកន្លងមកចំពោះគេក្នុងផ្លូវល្អៗ គិតថា គេមានចិត្តបុណ្យដូចនាង មនុស្សត្រង់ មិនប្រាកដថាល្ងង់ គ្រប់យ៉ាងមកពីឲ្យតម្លៃលើ(ស្មោះត្រង់)។

គួររម្លឹកថា កាលពីចុងឆ្នាំ ២០២២ កន្លងទៅ អ្នកមេម៉ាយរូបស្រស់អ្នកនាង សេង សុខឃីម បានទម្លាយជុំវិញការបែកបាក់ស្នេហាជាមួយអតីតសង្សារ តារាចម្រៀងវ័យក្មេង នាយ ចឺម បង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុក។ ក្រោយដំណឹង នៃការបែកបាក់នេះ គេឃើញអ្នកនាង សេង សុខឃីម តែងទម្លាយសារចេញពីចិត្តជាបន្តបន្ទាប់៕

អត្ថបទ ៖ ចាន់រ៉ា

The post នាយ ចឺម មានអ្វីពិសេស ទើបអ្នកមេម៉ាយ សេង សុខឃីម មិនទាន់អស់អាល័យ appeared first on Kampuchea Thmey Daily.

លោក មាស សុខរតនៈ ថា «ដរាបណាអ្នកមិនមែនជាអ្នកនិពន្ធ អ្នកគ្មានថ្ងៃយល់ពីការលំបាកទេ»

អ៊ិន ពិសី — Thu, 11 Apr 2024 01:37:02 +0000

អំឡុងពេលមួយរយៈនេះ គេសង្កេតឃើញបទចម្រៀងមួយចំនួនរបស់តារាចម្រៀងល្បីៗ មកពីផលិតកម្មផ្សេងៗ គ្នា គឺបានរងនូវការរិះគន់ជាបន្តបន្ទាប់ ខណៈអ្នកគាំទ្រ និងអ្នកនិយមតាមដានវិស័យសិល្បៈយល់ថា បទចម្រៀងខ្លះនិពន្ធមកគ្មានអត្ថន័យអប់រំ ឬជាលក្ខណៈប្រពៃណីខ្មែរឡើយ។

ចំពោះហេតុផលនេះកន្លងមកក៏ត្រូវបានគេកត់សម្គាល់ដែរថា ការរិះគន់មិនត្រឹមតែកើតមានឡើងទៅលើអ្នកចម្រៀងនោះទេ ពោលក៏បានជះឥទ្ធិពលខ្លាំងដល់អ្នកនិពន្ធទំនុកច្រៀងផងដែរ។

ជាក់ស្ដែង ថ្មីៗ នេះ ក៏មានការរិះគន់ និងវែកញែកបទចម្រៀងរបស់តារាល្បីៗ ខ្មែរ ចំនួន ៣ រូប គឺ កំពូលតារាចម្រៀង ខេមរៈ សិរីមន្ត (ឆ្នាំហ្នឹងសប្បាយខ្លាំង) ,តារាវ័យក្មេងនាយ ចឺម (កន្លះកេសផឹកម្នាក់ឯង) និងតារាចម្រៀងអ្នកនាង មាស សុខសោភា ដែលបានចេញបទ(កុំបាញ់ទឹកដាក់មុខអូន) ជាដើម។

ស្របពេលដែលការរិះគន់ទាំងនេះកំពុងកើតឡើង ងាកមកចាប់អារម្មណ៍លោក មាស សុខរតនៈ ដែលជាបងប្រុសរបស់តារាចម្រៀង មាស សុខសោភា និងជាអ្នកនិពន្ធផងនោះ កាលពីថ្មីៗ លោកបានបញ្ចេញខ្លឹមសារខ្លីមួយហាក់ចង់ពន្យល់ទៅមតិរិះគន់របស់មហាជនគួរមើលឃើញពីភាពលំបាករបស់អ្នកនិពន្ធផង។

លោក មាស សុខរតនៈ បានលើកឡើងខ្លីដូច្នេះថា «ដរាបណា អ្នកមិនមែនជាអ្នកនិពន្ធ អ្នកគ្មានថ្ងៃយល់ពីការលំបាករបស់អ្នកនិពន្ធឡើយ»។ ដោយឡែកក៏មានការលើកជាសំនួរថា «មានអ្វីកើតឡើងបង? កុំគិតច្រើនបង ស៊ូៗបង»។ ជាការឆ្លើយតប លោក មាស សុខរតនៈ បញ្ជាក់ថា «បងមិនដែលគិតច្រើនទេអូន ប៉ុន្តែបងអាណិតពួកគាត់វិញតែប៉ុណ្ណោះថា ហេតុអ្វីការគិតរបស់ពួកគាត់គិតបានត្រឹមតែប៉ុណ្ណឹង»។

លោកបាននិយាយទៅកាន់អ្នកគាំទ្រទៀតថា លោកមិនមានអ្វីជាធំដុំទេ គ្រាន់តែហត់ចិត្តនឹងការខំប្រឹងប្រែង ព្រោះតែក្តីស្រលាញ់របស់ខ្លួនឯងបន្តិចបន្តួចតែប៉ុណ្ណោះ។ ទោះបីយ៉ាងណា គេក៏មិនទាន់ដឹងច្បាស់ទេថា លោកនិយាយនេះ កំពុងអន់ចិត្តនឹងរឿងណាមួយឲ្យពិតប្រាកដនៅឡើយទេ៕

អត្ថបទ ៖ ចាន់រ៉ា

The post លោក មាស សុខរតនៈ ថា «ដរាបណាអ្នកមិនមែនជាអ្នកនិពន្ធ អ្នកគ្មានថ្ងៃយល់ពីការលំបាកទេ» appeared first on Kampuchea Thmey Daily.

តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី

Din Thary — Tue, 02 Apr 2024 03:21:46 +0000

នៅលើបណ្ដាញសង្គមហ្វេសប៊ុកថ្មីៗនេះមានការចែករំលែកដោយធ្វើការរិះគន់យ៉ាងចាស់ដៃលើតារាចម្រៀងវ័យក្មេងគឺនាយ ចឺម បន្ទាប់ពីមានការបញ្ចេញរូបភាព Poster ពាក់ព័ន្ធបទចម្រៀងថ្មីមានចំណង ជើងថា “កន្លះកេសផឹកម្នាក់ឯង”។

ស្របពេលដែលមានការបង្ហោះចែករំលែករូបភាព Posterពាក់ព័ន្ធបទចម្រៀងថ្មីខាងលើនេះភ្លាមៗនោះ នាយ ចឺម ត្រូវអ្នកគាំទ្រ និងទស្សនិកជនមួយចំនួនសម្ដែងការរិះគន់ជាខ្លាំង ខណៈមានការលើកឡើងថាមិនគួរចេញបទចម្រៀងលក្ខណៈបំផុសពីការផឹកស៊ី ឬប្រើចំណងជើងបែបនេះឡើយ។

ជាមួយគ្នានោះមានការលើកឡើងថា «ខ្ញុំសង្ឃឹមថាអ្នកនិពន្ធ និងអ្នកចម្រៀងទាំងអស់គួរគិតពិចារណាទៅលើអត្ថន័យ និងអត្ថន័យរបស់បទនីមួយៗតើវាមានលក្ខណៈ អប់រំ ឬទេ? ដោយសារតែមានអ្នកផឹកស៊ីច្រើនហ្នឹងហើយ ទើបយើងជាអ្នកនិពន្ធគួរសរសេរបទណាដែលអប់រំមនុស្សឲ្យស្អប់ការផឹកស៊ី នឹងទៅទើបវាមានគុណតម្លៃមនុស្សជាតិទាំងមូល។ សូមចួលរួមយោបល់ប៉ុណ្ណឹងបើសិនជាខុសកុំប្រកាន់»។

មានការលើកឡើងទៀតថា «ខ្ញុំគាំទ្រពេញទំហឹងមិនចង់ឲ្យតារាមួយណាចេញវត្តបែកស្លុយនោះទេព្រោះខូចក្មេងជំនាន់ក្រោយអស់ហើយ។ ចុះបើក្មេងជំនាន់ក្រោយបែកស្លុយតើមានទំពាំងឯណាស្នង។ ដោយឡែកក៏ស្រាប់តែមាននារីម្នាក់បានធ្វើការរិះគន់យ៉ាងកប់ៗមាត់ថា“អួតតែរឿងផឹកកូនមីចោរកាឆុយអស់នេះ…”»។

ប្រតិកម្មទៅនឹងការរិះគន់ជេរប្រមាថខាងលើនេះតារាកំប្លែងអ្នកនាង អ៉ីត ដែលជាម្តាយមីងបង្កើត នាយ ចឺម បានចេញមុខឆ្លើយតបវិញថា «“ចាំបាច់ជេរដល់ម៉ែហាស មីអូននិយាយឲ្យស្រួលបួលបន្តិច មិនចូល ចិត្តអីនិយាយឲ្យស្រួលបួលកុំលេងដល់ពូជ“។ នាងបញ្ជាក់បន្ថែមថា បទចម្រៀង ក្មួយ ចឺម ខ្ញុំគឺមិនទាន់ចេញទេស្រាប់តែមានបងប្អូនមួយចំនួនតូចគាត់ជេរយកតែម្តងដែលមិនទាន់ស្តាប់អត្ថន័យបទចម្រៀងនៅឡើយទេ»។

ស្រីអ៉ីត និយាយទៀតថា «សូមស្តាប់អត្ថន័យបទចម្រៀងសិនទៅគ្រាន់តែឃើញចំណងជើងបទចម្រៀងស្រាប់តែជេរយកអ៊ីញ្ចឹងតែម្តងហើយជេរគាត់មធ្យមទេងំ គឺជេរដល់ម្តាយគាត់ និងរាលដាលដល់ពូជអំបូរទៀតខ្ញុំអត់យល់រឿងអ្នកជេរហ្នឹងតើចង់បានអ្វី?បើយើងមិនចង់បានត្រង់ចំណុចណាមួយគឺយើងអាចរិះគន់ដើម្បីកែតម្រូវខ្លះទៅកុំមកជេរប្រមាថបែបនេះ៕

អត្ថបទ៖ ចាន់រ៉ា

The post តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី appeared first on Kampuchea Thmey Daily.

អតីតសង្សារ នាយ ចឺម ហាក់មិនអស់អាល័យ បន្តទម្លាយរូបភាពអនុស្សាវរីយ៍ចាស់ៗ

Din Thary — Mon, 14 Aug 2023 08:04:13 +0000

មហាជនធ្លាប់បានដឹង និងនៅចាំហើយថា កាលពីអំឡុងចុងឆ្នាំ២០២២ កន្លងទៅ អ្នកមេម៉ាយរូបស្រស់អ្នកនាង សេង សុខឃីម បានទម្លាយរឿងរ៉ាវជុំវិញការបែកបាក់ស្នេហាជាមួយអតីតសង្សារតារាចម្រៀងវ័យក្មេង នាយ ចឺម ដែលបង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុកជាច្រើន។

យ៉ាងណា បន្ទាប់ពីលេចឮដំណឹងនៃការបែកបាក់នេះ គេឃើញថាអ្នកនាង សេង សុខឃីម គឺតែងតែទម្លាយសារចេញពីចិត្តជាបន្តបន្ទាប់។

ជាការពិតណាស់ ក្រោយពីផ្ដាច់ទំនាក់ទំនងស្នេហាជាមួយតារាចម្រៀងសម្បូរស្នេហ៍ នាយ ចឺម គិតមកដល់ពេលនេះមានរយៈពេលប្រមាណ ១ឆ្នាំ មកហើយ ។ ខណៈជារឿយៗ អតីតសង្សារតារាប្រុសរូបនេះ គឺអ្នកមេម៉ាយចាយសម្រស់ សេង សុខឃីម បានទម្លាយរូប ថតរម្លឹកនូវអនុស្សាវរីយ៍អមដោយខ្លឹមសារមួយចំនួន ។

តួយ៉ាងថ្មីៗមុននេះ អតីតសង្សានាយ ចឺម អ្នកនាង សេង សុខឃីម បានរម្លឹកដល់អតីតកាល និងអនុស្សាវរីយ៍ល្អៗជាច្រើនធ្លាប់សាងឡើងរួមគ្នាជាមួយនាយ ចឺម។ ក្នុងនោះអ្នកនាង សុខឃីម ក៏បានកាត់ភ្ជាប់រូបភាពបញ្ចូលចិត្តជាមួយខ្លឹមសារបទចម្រៀងកម្សត់ហាក់នឹកដល់អតីតសង្សារចាស់ទៀតផង។

អ្នកមេម៉ាយចាយរាងរូបស្រស់ សេង សុខឃីម បានបញ្ចេញខ្លឹមសារខ្លីដូច្នេះថា “ការចាកចេញមិនមែនសុទ្ធ តែមកពីអស់ចិត្តនោះទេជួនកាលមានរឿងខ្លះទទួល យកមិនបានទើបគ្មានជម្រើសអ្វីក្រៅពីចាកចេញ”។ ជាមួយគ្នានេះ មានខ្លះបានសួរថានឹកគេមែន? ជូនពរឱ្យស្រលាញ់គ្នាវិញ ហើយស្រលាញ់រឹតតែខ្លាំងដល់ចាស់កោងខ្នង, យើងមានអនុស្សាវរីយ៍មិនអាចភ្លេចបាន៕

អត្ថបទ៖ ចាន់រ៉ា

The post អតីតសង្សារ នាយ ចឺម ហាក់មិនអស់អាល័យ បន្តទម្លាយរូបភាពអនុស្សាវរីយ៍ចាស់ៗ appeared first on Kampuchea Thmey Daily.

អតីតសង្សារ ប្រាប់ទំនាក់ទំនងឡើងវិញជាមួយ នាយ ចឺម ជាថ្មី!

អ៊ិន ពិសី — Fri, 05 May 2023 04:37:30 +0000

ក្រោយផ្ដាច់ទំនាក់ទំនងស្នេហាជាមួយតារាចម្រៀងសម្បូរស្នេហ៍ នាយ ចឺម មានរយៈពេលប្រមាណជិត ១ ឆ្នាំ មកនោះ ថ្មីៗនេះស្រាប់តែអតីតសង្សារតារាប្រុសរូបនេះ គឺអ្នកមេម៉ាយចាយសម្រស់ សេង សុខឃីម បានទម្លាយរម្លឹកនូវអនុស្សាវរីយ៍ឡើងវិញ ហើយថែមទាំងបញ្ជាក់ពីទំនាក់ទំនងរវាងនាង និងនាយ ចឺម ជាថ្មី។

គេធ្លាប់ចាំបានថា កាលពីអំឡុងចុងឆ្នាំ ២០២២ កន្លងទៅ អ្នកមេម៉ាយរូបស្រស់ សេង សុខឃីម បានទម្លាយជុំវិញការបែកបាក់ស្នេហាជាមួយនាយ ចឺម បង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុក។ ក្រោយដំណឹង នៃការបែកបាក់នេះគេឃើញអ្នកនាង សេង សុខឃីម តែងទម្លាយសារចេញពីចិត្តជាបន្តបន្ទាប់។

យ៉ាងណាមិញ ក្រោយរឿងរ៉ាវនេះត្រូវបានស្ងប់ស្ងាត់មួយរយៈពេល បន្ទាប់ពីការចែកផ្លូវដើរផ្សេងគ្នានោះ ស្រាប់តែអ្នកនាង សេង សុខឃីម បានរម្លឹកដល់អតីតកាល និងអនុស្សាវរីយ៍ល្អជាច្រើនធ្លាប់សាងឡើងរួមគ្នាជាមួយ នាយ ចឺម។ ក្នុងនោះ អ្នកនាង សុខឃីម ក៏បានបញ្ជាក់ច្បាស់ជុំវិញទំនាក់ទំនងជាមួយនាយ ចឺម អំឡុងបច្ចុប្បន្ននេះផងដែរ។

អ្នកមេម៉ាយចាយរាងរូបស្រស់ សេង សុខឃីម បានបញ្ចេញវីដេអូមួយ ដោយភ្ជាប់នឹងខ្លឹមសារខ្លីដូច្នេះថា «អនុស្សាវរីយ៍ល្អៗ ខ្ញុំនឹងចាំទុក ពេលនេះត្រឹមជាបងប្រុស គឺល្អបំផុតហើយ»។ មានការលើកឡើងផ្សះផ្សាពីអ្នកគាំទ្រមួយចំនួន ដោយចង់ឲ្យអ្នកទាំងពីរត្រូវគ្នាវិញ ក្នុងនោះមានមតិថា ត្រូវគ្នាវិញទៅបង , មិត្តភាពក្លាយជាស្នេហា តែស្នេហាមិនអាចក្លាយជាមិត្តភាពបានទេ។ ឆ្លើយតបចំពោះការលើកឡើងនេះ អ្នកនាង សេង សុខឃីម បានបញ្ជាក់ទៅវិញច្បាស់ៗថា ពេញនេះអាចហើយបង៕

អត្ថបទ ៖ ចាន់រ៉ា

The post អតីតសង្សារ ប្រាប់ទំនាក់ទំនងឡើងវិញជាមួយ នាយ ចឺម ជាថ្មី! appeared first on Kampuchea Thmey Daily.

នាយ ចឺម ទទួលបានគ្រឿងឥស្សរិយយសថ្នាក់ធិបឌិន្ទពីព្រះមហាក្សត្រ

Dy Bunnara — Mon, 16 Jan 2023 07:30:01 +0000

តារាចម្រៀងលោក សុខ មេសា ហៅនាយ ចឺម បានបង្ហាញអារម្មណ៍រំភើបខ្លាំងក្រោយត្រូវបានព្រះមហាក្សត្រប្រោសប្រទានគ្រឿងឥស្សរិយយស ព្រះរាជាណាចក្រកម្ពុជាថ្នាក់ធិបឌិន្ទ:។ នាយ ចឺម ប្រាប់កម្ពុជាថ្មីតាមសង្គមតេឡេក្រាមថា “ខ្ញុំពិតជាសប្បាយនិងរំភើបខ្លាំងាណាស់បង”។

តារាចម្រៀងនាយចឺមបាននិយាយថា មិនដែលនឹកស្មានថាទទួលបានការប្រោសប្រទានគ្រឿងឥស្សរិយយសព្រះរាជាណាចក្រកម្ពុជាថ្នាក់ធិបឌិន្ទពីព្រះមហាក្សត្រទេ តែពេលដែលទទួលបានពិតជាសប្បាយចិត្តរកអ្វីប្រៀបផ្ទឹមពុំបានទេ។

នាយ ចឺម ថា លោកពិតជាអរគុណដល់បងប្អូនពុកម៉ែបងប្អូនទាំងអស់គ្នាដែលបានគាំទ្រលោកតាំងពីដើមរហូតមក ពិសេសអ្នកដែលបានជូនពរក្នុងឱកាសនេះតែម្តង។

នាយ ចឺម បាននិយាយទៀតថា សម្រាប់ការងារសង្គមលោកនឹងបន្តធ្វើក្នុងការជួយដល់បងប្អូន ដែលជួបការខ្វះខាតទៅលទ្ធភាពដែលអាចធ្វើបាន។ ចំណែកការងារសិល្ប:វិញគឺបច្ចុប្បន្នកំពុងតែមានការមមាញឹកខ្លាំងក្នុងការចេញច្រៀងនៅតាមបណ្តាខេត្តនានាស្ទើររកពេលសម្រាកគ្មាន។

ដោយឡែកទាក់ទងការវែកញ៉ែកថា នាយ ចឺម អាចនឹងទទួលបានងារជាឧកញ៉ានាពេលឆាប់ៗខា ងមុខនេះក្រោយជោគជ័យសិល្ប:នោះត្រូវបាបសា មីខ្លួនបញ្ជាក់បន្ថែមមកកាន់កម្ពុជាថ្មីថាខ្លួនមិនទាន់ហ៊ាននិយាយទេ ហើយបើជាភ័ព្វសំណាងមែនដែ លទទួលបានងារជាឧកញ៉ាគឺលោកពិតជាសប្បាយ ចិត្តខ្លាំងថែមទៀត៕

អត្ថបទ៖ ចាន់រ៉ា

The post នាយ ចឺម ទទួលបានគ្រឿងឥស្សរិយយសថ្នាក់ធិបឌិន្ទពីព្រះមហាក្សត្រ appeared first on Kampuchea Thmey Daily.

នាយ ចឺម Archives - Kampuchea Thmey Daily

ស្រីអុីត ចេញមុខការពារនាយ ចឺម ខណៈបទថ្មីត្រៀមសម្រាប់ចូលឆ្នាំរងការរិះគន់ និងប្រមាថកប់ៗមាត់

នាយ ចឺម ស្នើសុំអ្នកសិល្ប:ស្រាក់ដៃគ្នាជួយសង្គ្រោះជីវិតនាយ តាក់ស៊ី

នាយ ចឺម មានអ្វីពិសេស ទើបអ្នកមេម៉ាយ សេង សុខឃីម មិនទាន់អស់អាល័យ

លោក មាស សុខរតនៈ ថា «ដរាបណាអ្នកមិនមែនជាអ្នកនិពន្ធ អ្នកគ្មានថ្ងៃយល់ពីការលំបាកទេ»

តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី

អតីតសង្សារ នាយ ចឺម ហាក់មិនអស់អាល័យ បន្តទម្លាយរូបភាពអនុស្សាវរីយ៍ចាស់ៗ

អតីតសង្សារ ប្រាប់ទំនាក់ទំនងឡើងវិញជាមួយ នាយ ចឺម ជាថ្មី!

នាយ ចឺម ទទួលបានគ្រឿងឥស្សរិយយស​ថ្នាក់​ធិបឌិន្ទពីព្រះមហាក្សត្រ

នាយ ចឺម ទទួលបានគ្រឿងឥស្សរិយយសថ្នាក់ធិបឌិន្ទពីព្រះមហាក្សត្រ