នាយ ពែកមី បានអំពាវនាវដូច្នេះស្របពេលដែលប្រទេសកម្ពុជាត្រូវបានសៀម ធ្វើការវាយប្រហារដោយយោធាមុនមកលើកម្ពុជា នៅតាមតំបន់ព្រំដែនខ្មែរ-ថៃ កាលពីថ្ងៃទី២៤ ខែកក្កដា ឆ្នាំ២០២៥ ហើយបើទោះជាមានបទឈប់បាញ់បានចូលជាធរមានតាំងពីរាត្រីថ្ងៃ ទី២៨ខែកក្កដា ក្រោមការផ្ដួចផ្ដើមគំនិតរបស់ប្រធានាធិបតីអាមេរិក​ Donald Trump ប៉ុន្ដែមកដល់ពេលនេះយោធាថៃនៅតែបន្ដផ្គើមឈ្លានពានលើព្រំដែនខ្មែរ។

រឿងកាន់តែហួសចិត្តថែមទៀត ខណ:ប្រទេសកម្ពុជាកំពុងប្រឈមការឈ្លានពានពីសំណាក់ចោកសៀមក៏មានក្រុមអ្នកនយោបាយនិង ក្រុមអគតិមួយក្តាប់តូចនៅក្រៅប្រទេសបង្កើតរឿងចង់ឲ្យខ្មែរឈ្លោះគ្នាទៀត ផង។ ដោយឃើញទង្វើរនេះតារាកំប្លែងនាយ ពែកមី បានស្នើយ៉ាងទទូចដល់បងប្អូនខ្មែរយេីងរួមសាមគ្គីគ្នាជាធ្លុងតែមួយ។

នាយ ពែកមី បានឲ្យដឹងថា”ប្រទេសកំពុងមានសង្គ្រាមជាមួយសៀមកងទព័កំពុងត្រៀមប្រយុទ្ធការពារ​ទឹក ដីបងប្អូនតាមព្រំដែនកំពុងភៀសសឹកសូមបងប្អូនខ្មែរយេីងសាមគ្គីគ្នាបន្តទៀត សូមកុំជឿតាមការញុះញុងឱ្យខ្មែឈ្លោះគ្នាឯង​បែកបាក់សាមគ្គី​គ្នា”។ ជាការពិតកន្លងមក នាយ ពែកមី ក៏ធ្លាប់បង្ហាញបំណងដោយចង់ឃើញខ្មែរគ្រប់និន្នាការនយោបាយទាំងអស់រួមរួមគ្នាជាធ្លុងមួយត្របាញ់ចូលគ្នាជាធ្លុងមួយដើម្បីផលប្រយោជន៍ជាតិកំចាត់ខ្មាំងសត្រូវដែលឈ្លានពានទឹកដី ៕ ចាន់រ៉ា

The post ពែកមី បន្តប្រើសំឡេងសិល្បករ អំពាវនាវពលរដ្ឋខ្មែររួមសាមគ្គីគ្នា កុំជឿតាមការញុះញង់ឱ្យខ្មែឈ្លោះគ្នាឯង​ appeared first on Kampuchea Thmey Daily.

គេ​កត់​សម្គាល់​ឃើញ​បន្ទាប់​ពី​មាន​ការចែករំលែកវីដេអូ​នោះក្រៅតែ​ពីការ​បង្ហាញ​អារម្មណ៍​មិនសប្បាយចិត្ត​ពីសំណាក់មហាជន និងតារាកំប្លែងនាយ ពែកមី ក៏មាន​មតិជាច្រើន​បានរិះគន់យ៉ាង​ចាស់ដៃចំពោះ​ទង្វើ​និយាយ​លើកឡើងរបស់បុគ្គលម្នាក់នោះផងដែរ។

ប្រតិកម្ម​ជុំវិញរឿង​នេះ ​នាយ ពែកមី បាន​ឲ្យដឹងថា ពិធីកាត់សក់​ បបុកល័ក្ស​ចង្រៃមែនទែន? មិនគាំទ្រ​សម្តីម្នាក់នេះ​ទេ ប្រពៃណីខ្មែរ​ដូនតា​យើង​អ្នក​បន្សល់ទុក​មកពិធី​ទំនៀមទម្លាប់​សំលៀកបំពាក់​..លោកឯងមិនចង់​ធ្វើ​ជាសិទ្ធិរបស់​លោកឯង តែកុំនិយាយ​ឱ្យប៉ះពាល់ប្រពៃណីខ្មែរ​។

តាមរយៈ​វីដេអូដែលមានរយៈ​ពេលជិត ២នាទីត្រូវបាន​ចែកចាយនៅ​លើបណ្តាញ​សង្គមកាល​ពីថ្មីៗ​នេះគឺ គេឃើញបុគ្គលម្នាក់នេះ បានកាន់ក្បាលមេក្រូដោយនិយាយថា“​ពិធីមង្គលការបើមែនទែន​ទៅកុំឲ្យមានពីធីកាត់​សក់ ឬពិធីបុកល័ក្សវាចង្រៃមែនទេ ព្រោះ​អត់​ប្រយោជន៍ហើយខាត់លុយច្រើន ដូច្នេះ​គួរនិមន្តព្រះសង្ឃឆាន់ទៅល្អជាង“។

គួរបញ្ជាក់ថា អាពាហ៍ពិពាហ៍របស់​ប្រជាជន​កម្ពុជា​គឺមានតាំង​ពីយូរលង់​ណាស់​មកហើយ ដែល​ប្រជាជន​តែងតែ​ធ្វើតគ្នាមក​នោះមានពិធី ជាច្រើន​ដែល​សុទ្ធ​តែមានអត្ថន័យដោយឡែកៗពីគ្នា។ ក្នុងនោះដែរ យើងសង្កេតឃើញ​ពិធីមួយគឺ ពិធីបុកល័ក្សដែលពិធីនេះធ្វើ​ឡើងដើម្បី​ឱ្យកូនប្រុស​ស្រីយល់​ពីបញ្ហាជីវិត​គ្រួសារក្រោយ​ពេលរៀបការរួច៕

អត្ថបទ៖​ ចាន់រ៉ា

The post ពែកមី ហួសចិត្ត ខណៈបុគ្គលម្នាក់ចោទថា ពិធីកាត់សក់ និងបុកល័ក្សក្នុងមង្គលការជារឿងចង្រៃ appeared first on Kampuchea Thmey Daily.

តារា​ចម្រៀង​ម្ចាស់​បទ​”​ជាប់​រវល់​” លោក សាន ផានិត បាន​បកស្រាយ​ទៅកាន់​លោក ពែកមី ថា ការ​ដែល​លោក​ច្រៀង​បែប​កន្ត្រាក់ៗ របៀប​ចង់​ដាច់ខ្យល់ វា​គឺជា​ស្តាយ៍​របស់​លោក​ទេ ទៀតសោត គឺ បទ​ខ្លះ លោក​ចូលចិត្ត​ច្រៀង​ស្តាយ៍​បែបនេះ។ ម្យ៉ាងទៀត បើ នាយ ពែកមី មិន​ទាន់​អស់ចិត្ត​ទេ អាច​ច្រៀង​បទ​មរតក​ដើម​ផ្ទាល់ៗ ១ ឃ្លា ម្នាក់ តើ​អ្នកណា​មួយ​អឿន​រលាក់​បាន​វែង​ជាង?។

លោក សាន ផានិត បញ្ជាក់​ថា “ខ្ញុំ​សូម​ផ្តាំ​ទៅ​ប្អូន ពែក មី វិញ​ផង វា​ជា​ស្តាយ៍​បង ណា ១ បទ ប៉ុប​រ៉ុក​មិន​អាច​រលាក់​អឿន​គ្រប់​រាល់​ចុង​ឃ្លា និង​ពាក្យ​រហូត​បាន​ទេ បង​បាន​ជ្រើសរើស​ស្តាយ៍​ខក់ៗ ផ្តាច់​ចុង​ពាក្យ​ដូច​ដាច់ខ្យល់ និង​តម្អូញ​ជា​ភាព UNIQE ដាច់​ដោយឡែក​របស់​បង​តើ​ដូច្នេះ​បង​ចង់​បបួល​ប្អូន​អឿន​រលាក់​បទ​មរតក​ដើម ផ្ទាល់ៗ ១ ឃ្លា ម្នាក់ អ្នកណា ១ អឿន​រលាក់​បាន​វែង​ជាង”។

តារា​ចម្រៀង​ជើងចាស់​លោក សាន ផានិត និយាយ​ទៀត​ថា លោក​ចង់​រំលឹក​ថា លោក​ធ្លាប់​ជាប់​ពាន​បទ ស៊ិន ស៊ីសាមុត ថ្នាក់​ជាតិ ២ ដង ក្នុង​កំឡុង​ឆ្នាំ ៩៣ ឯ ឆ្នាំ ៩១ ក៏​ធ្លាប់​ជាប់​លេខ ៥ ជាមួយ លោក ព្រាប សុវត្ថិ នៅ​សាលា​បឋមសិក្សា​ជ័យជំនះ។ កាលនោះ ព្រាប សុវត្ថិ បាន​លេខ ១ បទ​ពី​ដើម​ដូចគ្នា ជាប់​ក៏ដោយសារ​ចេះ​អឿន​ហ្នឹងហើយ តែ​ដូចជា​នាយ ពែកមី គ្រាន់តែ​កំប្លែង​លេង៕

អត្ថបទ ៖ ចាន់រ៉ា

The post សាន ផានិត បបួល ពែកមី ច្រៀងបទមរតកដើម តើនរណាអឿន ឬ រលាក់ បានវែង? appeared first on Kampuchea Thmey Daily.

ការរិះគន់នេះក្រោយពេលនាយពែកមីបង្ហោះវីដេអូភ្ជាប់ខ្លឹមសារថា «សាកស្រមៃមើល..ប្រពន្ធអត់នៅផ្ទះលួចនាំតួស្រីទៅជីកទំពាំងនៅព្រៃស្ងាត់តែ២នាក់ ស្រាប់តែតួស្រីយើងឈឺ…មិនដឹងជួយគាត់តាមណាទេមានតែ ប្រើវិធីនេះសិនហើយ តស់!ទាយថាខ្ញុំជួយគាត់យ៉ាង ម៉េច?»។ យ៉ាងណាមិញអ្វីដែលហួសចិត្តនោះនាយ ពែកមី ស្រាប់តែទទួលរងការរិះគន់ប្រមាថដោយមិនសំចៃមាត់ពីសំណាក់គណនីហ្វេសប៊ុកមួយឈ្មោះ Pan hchaka June។

ឆ្លើយតបការរិះគន់នោះនាយ ពែកមី លើកឡើងខ្លឹមសារថា“Panhchaka JJune មេីលទៅប្អូនស្រីដូចជាឈឺចាប់ប្រចណ្ឌជាងប្រពន្ធបងទៀត​ក្នុងខ្លួនកេីតអ្វី? ខ្ញុំនិងប្រពន្ធខ្ញុំជាអ្នកផលិតវីដេអូនេះ​ វាជាមុខរបបែបសិល្ប:​ សម្តែងប្រម៉ូតផលិតផល​ វីដេអូនេះតេីខុសអី​?”។

តារាកំប្លែងមានដើមកំណើតនៅខេត្តស្វារៀង ពែកមី បាននិយាយទៀតថា ស្លៀកពាក់ធម្មតាមិនសុិចសុីហួសសហេតុពេកកាសម្តែងក៏មិនមានអីជ្រុលជ្រួសសូម្បីតែប៉ះតួស្រីបន្តិចមិនប៉ះផង​ ពាក្យសម្តីក៏មិនមានពាក្យណាដែលថាជាស្នេហាជាមួយតួស្រី​អត់មានទេ​ គឺទៅជីកទំពាំង​ ។

បន្ថែមពីនេះនាយ ពែកមី បាននិយាយដែរថា ហេីយជឿដែរថា ទៅថតតែ២នាក់ក្រុមការងារប្រពន្ធខ្ញុំ​ក៏ទៅជាមួយដែរសូមប្អូនស្រីបេីកចិត្តឲ្យទូលាយ​ ហេីយគិតថា នេះជាកាសម្តែងដេីម្បីអោយបងប្អូនមេីលលេងកំសាន្ត និងប្រម៉ូតផលិតផលតែប៉ុណ្ណោះ៕

អត្ថបទ៖ ចាន់រ៉ា

The post រងការប្រមាថធ្ងន់ៗ! នាយ ពែកមី ចេញមុខឆ្លើយ​តបយ៉ាងក្តៅគគុកទៅកាន់Panhchaka June appeared first on Kampuchea Thmey Daily.

ចំពោះ​រឿង​ហេតុ​ដ៏​រន្ធត់​​នេះ​ ​បាន​ក្លាយ​ជា​សោកនាដកម្ម​យ៉ាង​សោកសៅ និង​សង្វេគ​បំផុត​សម្រាប់​គ្រួសារ​ជនរង​គ្រោះ​ដែល​​បាន​ស្លាប់​បាត់​បង់​ជីវិត។ ខណៈ​ទង្វើ​ដ៏​ព្រៃផ្សៃ​នេះ​ត្រូវ​បាន​មហាជន​គ្រប់​មជ្ឈដ្ឋាន​ថ្កោលទោស​យ៉ាង​ខ្លាំង​ទៅ​លើ​ជន​ដៃ​ដល់​ដែល​មាន​ងារ​ជា​ឧកញ៉ា​ឈ្មោះ​ ស្រី ស៊ីណា ។

ដោយ​ឡែកអ្វី​ដែល​ធ្វើ​ឲ្យ​គេ​ហួស​ចិត្តខ្លាំង​នោះ​ស្រាប់​តែមានបុគ្គល និងផេក​របស់​ជនអគតិ​មួយ​ចំនួន​បាន​យក​រឿងរ៉ាវ​ដ៏​ទុក្ខ​សោក​នេះ​ទៅ​បង្ហោះ​ជាខ្លឹមសារបែបលេងសើចទៅវិញ។ ព្រោះតែឃើញ​បែបនេះ​តារា​កំប្លែង​នាយ ពែកមី បាន​ចេញមកបង្ហាញ​អារម្មណ៍​ដោយ​ហួសចិត្តខ្លាំង​ចំពោះ​សកម្មភាព​មួយចំនួននោះ។

លោក ចែម ចាន់រ៉ា ហៅ នាយ ពែកមី បានបញ្ចេញខ្លឹមសារថា “ផេក​មួយ​ចំនួន​យក​រឿង​ទុក្ខសោក​របស់​អ្នករង​គ្រោះ​ទៅ​ផុស​បែប​លេង​សើច​ គិត​ថា​ផុស​ទៅ​គេ​​សើច​ គេ​​សរសើរ​ថា​ខ្លួន​ពូកែរ​រកនឹកកំប្លែង! No… នៅ​មាន​ផេកច្រើន​ទៀត​”។ មាន​ការ​លើក​ឡើង​​ថា «អ្នក​ផលិត​មាតិកា​ថោកទាប​មួយ​ចំនួន​ក៏​អញ្ចឹង​ដែរ ដើម្បី​ឆ្នាំង​បាយ​ខ្លួនឯង​យក​ទុក្ខសោក​គ្រួសារ​គេ​មក​លេង​សើច»។

គេ​កត់សម្គាល់​​ថា បន្ទាប់​ពី​ហេតុការណ៍​ដ៏​រន្ធត់​ខាងលើ​នេះ គឺមាន​មហាជន​ជា​ច្រើន​បាន​សម្តែង​​ការ​តក់ស្លុត និង​អាណិត​យ៉ាង​ខ្លាំង​ចំពោះ​ជន​រង​គ្រោះ​​ដែល​ត្រូវ​បាន​ឃាតក​ដាច់ចិត្តលើកដៃ​បាញ់​ប្រហារ​ដោយ​​មិន​ញញើត​ដៃ​បណ្តាល​ឲ្យ​ស្លាប់​គូដណ្តឹង​ពី​រនាក់​ដែលត្រៀមចូលរោងការនាខែតុលា ឆ្នាំ២០២៤​ ខាងមុខនេះ៕

អត្ថបទ៖ ចាន់រ៉ា

The post នាយ ពែកមី ហួសចិត្តផេកមួយចំនួនយករឿងទុក្ខសោកអ្នករងគ្រោះ ទៅផុសបែបលេងសើច appeared first on Kampuchea Thmey Daily.

តាមវីដេអូនោះ នាយពែកមី បានអះអាងថា ខ្លួនត្រូវបាននាយកដ្ឋានប្រឆាំងបទល្មើសល្បែងពាណិជ្ជកម្មនៃក្រសួងមហាផ្ទៃកោះហៅឱ្យចូលខ្លួនទៅបំភ្លឺជុំវិញការចូលរួមផ្សព្វផ្សាយល្បែងអនឡាញនាពេលកន្លងមក។

នាយពែកមី បានបំភ្លឺថា កន្លងមកខ្លួនពិតជាបានផ្សព្វផ្សាយឱ្យល្បែងអនឡាញពិតមែន។ បានចូលរួមផ្សព្វផ្សាយព្រោះជឿតាមពាក្យអះអាងរបស់ភ្នាក់ងារល្បែងអនឡាញទាំងនោះថា វេបសាយល្បែងអនឡាញរបស់ពួកគេ គឺស្របច្បាប់ និងអាជ្ញាបណ្ណត្រឹមត្រូវ។

ជាមួយគ្នានេះ នាយពែកមី បានស្នើឱ្យសិល្បករ និងបុគ្គលដែលមានឥទ្ធិពលលើបណ្ដាញទំនាក់ទំនងសង្គម ឈប់ផ្សព្វផ្សាយឱ្យល្បែងអនឡាញនានា។ បន្ថែមពីនេះ នាយពែកមី​ ក៏បានស្នើពលរដ្ឋកម្ពុជាមេត្តាកុំលេងល្បែងស៊ីសង ព្រោះល្បែងតែងតែវិនាស។

គួររំលឹកថានៅថ្ងៃទី១២ ខែកុម្ភៈ ឆ្នាំ២០២៤ ប្អូនប្រុសរបស់នាយពាក់មីផ្ទាល់ គឺនាយគ្រឿន ក៏បានប្រកាសជាសាធារណៈថាលោកឈប់ផ្សាយស្រា និងល្បែងអនឡាញពេញមួយជីវិតរបស់លោក បន្ទាប់ពីសាធារណមតិបានរិះគន់មិនសំចៃមាត់ ក្រោយផ្សព្វផ្សាយល្បែងអនឡាញ៕​

The post តារាកំប្លែង ពែកមី សន្យាឈប់ផ្សព្វផ្សាយល្បែងអនឡាញពីពេលនេះទៅ   appeared first on Kampuchea Thmey Daily.

នាយ ពែកមី បាន​និយាយ​ថា «ខ្ញុំ ជាមួយ​ភាគី​ម្ចាស់​ហាង S 88 Beauty គឺ​បាន​ដោះស្រាយ​បញ្ចប់​ជាមួយ​គ្នា​រួចរាល់​ហើយ ដោយ ខ្ញុំ ព្រម​ទទួល​យក​សំណង​ដែល​ខាង​ភាគី​ម្ចាស់​ហាង S 88 Beauty យល់ព្រម​សង​ជំងឺ​មក​ខាង​ខ្ញុំ ហើយ​ខ្ញុំ​ក៏បាន​ដក​ពាក្យបណ្ដឹង​រួចហើយ​ដែរ ពោល​គឺ​បាន​ន័យ​ថា យើង​បាន​ដោះស្រាយ​បញ្ចប់​ហើយ»។

ដោយឡែក​ពាក់ព័ន្ធ​នឹង​សំនួរ​ថា តើ​លោក​ទទួល​បាន​សំណង​ជំងឺ​ចិត្ត​ប៉ុន្មាន​? ត្រង់​ចំណុច​នេះ មិន​ទាន់​ត្រូវ​បាន នាយ ពែកមី បញ្ជាក់​ឲ្យ​ដឹង​នោះ​ទេ។ យ៉ាងណាមិញ បើ​តាម​ការ​ឲ្យ​ដឹង​ពី នាយ ពែកមី មក​ដល់​ពេលនេះ អាការ​ជំងឺ​ភរិយា​លោក​បាន​ធូរស្រាល​ច្រើន និង​ត្រៀម​ចេញពី​មន្ទីរពេទ្យ​ក្នុង​រយៈពេល ២ ឬ ៣ ថ្ងៃ ខាងមុខ​នេះ។ ភរិយា​របស់​តារា​កំប្លែង​ល្បីឈ្មោះ​លោក ចែម ចាន់រ៉ា ហៅ នាយ ពែកមី កាលពី​រសៀល​ថ្ងៃ​ទី ០២ ខែ​សីហា ឆ្នាំ ២០២៣ ត្រូវ​បាន​បញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ​កាល់ម៉ែត បន្ទាប់ពី​មាន​អាការ​ធ្ងន់ធ្ងរ ក្រោយ​ទទួល​សេវាកម្ម​ចាក់​សេរ៉ូម​ខូឡាជិន ចាក់​វីតាមីន​ឲ្យ​សាច់ស​ស្អាត នៅ​ក្នុង​ហាង​កែ​សម្ផស្ស​យីហោ អេស 88 ប៊ីយូធី ម្តុំ​ផ្សារ​ថ្មី។

សូម​បញ្ជាក់​ថា ក្រសួងសុខាភិបាល កាលពី​ថ្ងៃ​ទី ០៤ ខែ​សីហា ក៏​បាន​ចេញ​សេចក្ដី​សម្រេច​ស្ដីពី​ការ​បិទ និង​ដកហូត​សេចក្ដី​សម្រេច​ឲ្យ​បើក​មជ្ឈមណ្ឌល​ថែរក្សា​សម្ផស្ស អេស ប៉ែតសិបប្រាំបី ប៊ីយូធី (S88 Beauty) និង​សាខា​ទាំងអស់​ផង​ដែរ៕

អត្ថបទ ៖ ចាន់រ៉ា

The post ពែកមី បញ្ជាក់ថា បញ្ហារវាងគ្រួសារលោក និងម្ចាស់ហាង S 88 Beauty ដោះស្រាយបញ្ចប់រួចរាល់ appeared first on Kampuchea Thmey Daily.

នៅ​លើ​ទំព័រ​ផេក​ហ្វេស​ប៊ុក​តារា​កំប្លែង​លោក ចែម ចាន់រ៉ា ហៅ​នាយ ពែកមី មុន​នេះ បាន​ធ្វើការ​ស៊ែ​ចែក​រំលែក​ភ្ជាប់​នឹង​ការ​បង្ហោះ​របស់​គណនី​ហ្វេស​ប៊ុក​ចំនួន​ពីរ ដោយ​មួយ​មាន​ឈ្មោះថា Hea Seth ដែល​គេសង្ស័យថា​ជា​ម្ចាស់​ហាង S 88 Beauty ដោយ​ក្នុង​នោះ​បាន​លើក​ឡើង​ថា «សប្បាយ​ចិត្ត​ពេល​មាន​ហ្វេន​ខ្ញុំ​តិច តែ​សុទ្ធតែ​អ្នក​មាន​ចំណេះដឹង​ចេះ​វិភាគ​ថ្លឹងថ្លែង​ដោយ​ប្រើ​ខួរក្បាល ដោយ​មិន​យក​ការ​ស្រលាញ់​ងប់ងុល​ធ្វើ​ឲ្យ​បាំង​ប្រស្រី​ភ្នែក ដែល​មិន​យក​ភ្នែក​មក​គិត​ជំនួស​ខួរក្បាល អរគុណ​អ្នក​ទាំងអស់​គ្នា​ដែល​ស្រលាញ់​ចូលចិត្ត​ខ្ញុំ ទាំង​មិន​ងប់ងុល ចេះ​វិភាគ​បែងចែក ស និង​ខ្មៅ ហ្វេន​តិច តែ​ហ្វេន​ខ្ញុំ​គុណភាព ហ្វេន​ខ្ញុំ​មាន​ចំណេះដឹង ហ្វេន​ខ្ញុំ​ប្រើ​ខួរ​ក្បាល​គិត មិនមែន​ប្រើ​ភ្នែក​គិត ហ្វេន​គុណភាព»។ នេះ​ជា​ការ​លើកឡើង​របស់​ម្ចាស់​ហ្វេស​ប៊ុក​ខាងលើ។ ចំណែក​ឯ​ម្ចាស់ Acoun Facebook ឈ្មោះ Ngoun Xiang ក៏បាន​ចែករំលែក​សារ​ខាងលើ​ដោយ​ប្រើ​សំណេរ​ថា «ធ្វើ​ល្អ​ជួប​ល្អ​បង ពួក​យើង​អ្នក​ធ្វើ​បុណ្យ បើ​គេ​ចង់​ធ្វើបាប​យើង​ឲ្យ​គេ​ធ្វើ​ចុះ បង​ត្រូវ​ចាំ​ថា មនុស្ស​ល្អ​មាន​បុណ្យ​គឺ​មិន​ស្រុត​ដាច់​ខាត Hea Seth»។

បន្ទាប់ពី​ឃើញ​ការ​បង្ហោះ​សារ​ខាង​លើ​នេះ តារា​កំប្លែង​នាយ ពែកមី បាន​បន្ត​ការ​ស៊ែរ​ចែករំលែក​អម​ដោយ​សំណេរ​ថា «សង្ឃឹម​ថា ការ​ផុស​របស់​ប្អូន​មិន​មាន​ចេតនា សំដៅ​មក​លើ​បង និង​ហ្វេន​បង​ទៅ​ចុះ បើ​រឿង​វា​ចប់​ហើយ​ស្ងាត់​ទៅ»។ ដោយឡែក​បើ​តាម​ការ​ឲ្យ​ដឹង​ពី​នាយ ពែកមី មកដល់ពេលនេះ អាការ​ជំងឺ​ភរិយា​លោក​បាន​ធូរ​ស្រាល​ច្រើន និង​ត្រៀម​ចេញពី​មន្ទីរពេទ្យ​ក្នុង​រយៈពេល ២ ឬ ៣ ថ្ងៃ ខាងមុខ​នេះ។

គេ​ចាំ​បាន​ថា ភរិយា​របស់​តារា​កំប្លែង​ល្បីឈ្មោះ​លោក ចែម ចាន់រ៉ា ហៅ​នាយ ពែកមី កាលពី​រសៀល​ថ្ងៃ​ទី ០២ ខែ​សីហា ឆ្នាំ ២០២៣ ត្រូវ​បាន​បញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ​កាល់ម៉ែត បន្ទាប់ពី​មាន​អាការ​ធ្ងន់ធ្ងរ ក្រោយ​ទទួល​សេវាកម្ម​ចាក់​សេរ៉ូម​ខូឡាជិន ចាក់​វីតាមីន​ឲ្យ​សាច់​ស្អាត នៅ​ក្នុង​ហាង​កែ​សម្ផស្ស​យីហោ អេស​88 ប៊ី​យូ​ធី ស្ថិត​នៅ​ម្ដុំ​ផ្សារ​ថ្មី។

សូម​បញ្ជាក់​ថា ក្រសួងសុខាភិបាល កាលពី​ថ្ងៃ​ទី ០៤ ខែ​សីហា ក៏​បាន​ចេញ​សេចក្ដី​សម្រេច​ស្ដីពី​ការ​បិទ និង​ដកហូត​សេចក្ដី​សម្រេច​ឲ្យ​បើក​មជ្ឈមណ្ឌល​ថែរក្សា​សម្ផស្ស អេស ប៉ែតសិប​ប្រាំបី ប៊ី​យូ​ធី (S88 Beauty) និង​សាខា​ទាំងអស់៕

អត្ថបទ ៖ ចាន់រ៉ា

The post សំណងដោះស្រាយបញ្ចប់ តែ ពែកមី ហាក់មិនទាន់ស្រឡះចិត្ត ក្រោយឃើញសារ សង្ស័យជាម្ចាស់ហាងបង្ហោះ appeared first on Kampuchea Thmey Daily.