ហេតុការណ៍នេះបង្កភ្ញាក់ផ្អើលកាលពីវេលាម៉ោង៣ រសៀលថ្ងៃទី១៧ ខែកុម្ភៈ ឆ្នាំ២០២៦ នៅតាមបណ្ដោយផ្លូវ៣០ម៉ែត្រ សង្កាត់ព្រៃស ខណ្ឌដង្កោ រាជធានីភ្នំពេញ។

តាមប្រភពពីកន្លែងកើតហេតុបានគេបានឃើញរថយន្ត ម៉ាក តូយូតា ហាយឡែនឌ័រ ពណ៍ទឹកប្រាក់ ពាក់ស្លាកលេខ ភ្នំពេញ 2W-3166 ជារថយន្តរបស់សាលាបង្រៀនបើកបរ «ដៃទេព» សាខាផ្សារទួលពង្រ។ ដោយធ្វើដំណើរក្នុងទិសដៅពីកើតទៅលិច បើកបរដោយសិស្សដៃថ្មី ចំណែកគ្រូបង្រៀន អង្គុយកៅអីមុខជាមួយគ្នា។ លុះពេលទៅដល់ត្រង់ចំណុចកើតហេតុ ស្រាប់តែរេចង្កូតធ្លាក់ចូលទៅក្នុងទឹកបឹងឈូកនៅជិតផ្លូវ។ ប៉ុន្តែសំណាងល្អរថយន្តមិនក្រឡាប់ ទើបគ្រូនិងសិស្សគ្មានរបួសឡើយ។

ក្រោយពេលកើតហេតុ សមត្ថកិច្ចបានចុះមកសល់ទីតាំង ដោយរថយន្តនោះមិនបង្កការខូចខាត និងរបួសស្នាមដល់អ្នកដទៃ សម្រេចអោយម្ចាស់រថយន្តទាក់ទង រថយន្តស្ទូចចេញពីកន្លែងកើតហេតុជួសជុលដោយខ្លួនឯង៕ អត្ថបទ ៖ រដ្ឋា

The post សិស្សរៀនបើកបរដៃថ្មី បើករថយន្តធ្លាក់ចូលបឹងឈូក ខណៈពេលគ្រូកំពុងបង្រៀន appeared first on Kampuchea Thmey Daily.

លោក គា កេតុលា ជាជនរងគ្រោះក្នុងចំណោមមនុស្សជាង៣០នាក់ បានឲ្យអ្នកសារព័ត៌មានកម្ពុជាថ្មីដឹងនៅព្រឹកថ្ងៃទី១៦ ខែកញ្ញា ឆ្នាំ២០២៣នេះថា លោកទៅសាលាបង្រៀនបើកបរដៃចំណាប់ដែលមានទីស្នាក់ការនៅកណ្តាលក្រុងបានលុង មុននិងចូលរៀនបើកបរតម្រូវឲ្យបង់លុយមុនចំនួន២២០ដុល្លារ មានក្រដាសវិក័យប័ត្រត្រឹមត្រូវ។

លោក គា កេតុលា បានបញ្ជាក់ថា បញ្ហានេះ មិនមែនកើតឡើងតែរូបលោកម្នាក់នោះទេ មានពលរដ្ឋជាច្រើននាក់ទៀត ដោយក្នុងម្នាក់ៗអស់លុយដូចគ្នា។ អ្នករងគ្រោះរូបនេះ បានបន្តថា «ឥឡូវខ្ញុំ កំពុងតែរៀបចំប្រមូលស្នាមមេដៃ​ជនរងគ្រោះទាំងនោះ ដាក់ពាក្យបណ្តឹងទៅទីបញ្ជាការកងរាជអាវុធហត្ថខេត្ត ដើម្បីចាត់ការតាមនីតិវិធីច្បាប់»។

ទាក់ទិនបញ្ហាខាងលើនេះ កម្ពុជាថ្មី មិនអាចសុំការបំភ្លឺពីសាលាបង្រៀនបើកបរដៃចំណាប់បានទេ នៅរសៀលថ្ងៃទី១៦ ខែកញ្ញា ឆ្នាំ២០២៣នេះ។

ដោយឡែកលោក ឃឹម រមន្នី អនុប្រធានមន្ទីរសារធារណៈការ និងដឹកជញ្ជូនខេត្តរតនគិរី បានបញ្ជាក់ប្រាប់កម្ពុជាថ្មី តាមប្រព័ន្ធទូរស័ព្ទនៅរសៀលថ្ងៃទី១៦ ខែកញ្ញា ថា ពាក់ព័ន្ធនឹងបញ្ហានេះ លោកមិនទាន់បានទទួលព័ត៌មាននៅឡើយ ដោយលោកអះអាងថា នឹងបន្តយកចិត្តទុកដាក់លើបញ្ហានេះ៕

អត្ថបទ៖ វុទ្ធឦសាន

The post ពលរដ្ឋជាង៣០នាក់ អះអាងថា ចាញ់បោកសាលាបង្រៀនបើកបរមួយ​ខាតអស់ប្រាក់ជាច្រើន appeared first on Kampuchea Thmey Daily.