ដោយយោងតាមពាក្យបណ្តឹង របស់ប្រជាពលរដ្ឋ កាលពីថ្ងៃទី១៤ ខែឧសភា ឆ្នាំ២០២៦ នាវេលាម៉ោង០៣:២៦នាទី ទៀបភ្លឺ មានជនសង្ស័យមួយក្រុម មានគ្នាចំនួន ០៦នាក់ ជិះម៉ូតូចំនួន០៣គ្រឿង បានធ្វើកម្មភាពកាន់កាំបិតផ្កាក់ដេញកាប់ មកលើក្រុមរបស់គាត់ ដែលមានគ្នាចំនួន០៦នាក់។

ក្រោមការដឹកនាំបញ្ជាដោយផ្ទាល់មុឺងពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្ត កាលពីថ្ងៃទី១៥ ខែឧសភា ឆ្នាំ២០២៦ កម្លាំងមន្ទីរស្រាវជ្រាវនិងបង្រ្កាបបទល្មើស បានសហការជាមួយកម្លាំងមូលដ្ឋានកងរាជអាវុធហត្ថ ក្រុងច្បារមន បើកប្រតិបត្តិការ ស្រាវជ្រាវកំណត់មុខសញ្ញា និងឈានដល់ការឃាត់ជនសង្ស័យ បានចំនួន០៥នាក់ ដែល ពាក់ព័ន្ធ នឹងករណី ហិង្សា មានស្ថានទម្ងន់ទោស។ កាលពីវេលាម៉ោង ១៣:២១នាទីរសៀល នាថ្ងៃទី១៥ ខែឧសភា ឆ្នាំ ២០២៦ កម្លាំងជំនាញអាវុធហត្ថបានឃាត់ខ្លួនជនសង្ស័យម្នាក់មានឈ្មោះ ហាក់ ដាវី ភេទប្រុស អាយុ ១៥ឆ្នាំ ដោយកម្លាំងជំនាញបន្តស្រាវជ្រាវឃាត់ខ្លួនជនសង្ស័យចំនួន៤នាក់បន្តទៀតមានឈ្មោះ សំ ពេជ្រ ភេទប្រុស អាយុ២២ឆ្នាំ, ឈ្មោះ សុខុន សិរីសុភ័ក្រ្ភ ភេទប្រុស អាយុ ១៦ឆ្នាំ, ឈ្មោះ រស់ តុលា ភេទប្រុស អាយុ ២៥ឆ្នាំ។

ក្រោមវិធានជំនាញរបស់អាវុធហត្ថ លុះដល់វេលាម៉ោង ១៦:៣៩នាទីល្ងាច នាថ្ងៃខែឆ្នាំដដែលនេះ បានបន្តឃាត់ខ្លួនជនសង្ស័យ ០១នាក់បន្ថែមទៀត ស្ថិតនៅទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។ដោយជនសង្ស័យ មានឈ្មោះ មុី បូរិន្ទ ភេទប្រុស អាយុ ១៦ឆ្នាំ មុខរបរមិនពិតប្រាកដ និងមានទីលំនៅ បច្ចុប្បន្ន ភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។ វត្ថុតាងចាប់បានរួមមាន ម៉ូតូចំនួន០ ២គ្រឿង និងកាប់បិតផ្កាក់ចំនួន០២ដេីម។

បច្ចុប្បន្នជនសង្ស័យខាងលើ រួមនិងវត្ថុតាងត្រូវបាន កម្លាំងជំនាញកងរាជអាវុធហត្ថ បញ្ចូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ កំពុងកសាងនីតិវីធីបន្ត៕

The post អាវុធហត្ថខេត្តកំពង់ស្ពឺ បើកការស្រាវជ្រាវបង្រ្កាបក្រុមក្មេងទំនើងចំនួន៥នាក់ ដេញកាប់គ្នាយ៉ាងអនាធិបតេយ្យ appeared first on Kampuchea Thmey Daily.

បើតាមរបាយការណ៍ករណីក្មេងទំនើងដែលសមត្ថកិច្ចបង្ក្រាបនិងឃាត់ខ្លួននោះ មាននៅក្នុងមូលដ្ឋានដូចជា រាជធានីភ្នំពេញ កំពង់ស្ពឺ កំពត ពោធិ៍សាត់ ត្បូងឃ្មុំ បាត់ដំបង និងខេត្តសៀមរាប។ ក្នុងរយៈពេល៣ថ្ងៃ នៃថ្ងៃចូលឆ្នាំថ្មីឆ្នាំ២០២៥កន្លងទៅ មានក្មេងទំនើងជាង១០នាក់ ត្រូវនគរបាលចាប់ឃាត់ខ្លួនបញ្ជូនទៅតុលាការ និងបញ្ជូនបន្តទៅលេងចូលឆ្នាំក្នុងពន្ធនាគារ។ 

មែនទែនទៅ មុនការមកដល់នៃពិធីបុណ្យចូលឆ្នាំថ្មីប្រពៃណីជាតិ អ្នកនាំពាក្យរងក្រសួងមហាផ្ទៃ លោក ទូច សុឃៈ បានចេញសារផ្សព្វផ្សាយអប់រំជាច្រើនលើក ដើម្បីដាស់តឿនក្មេងទំនើងកែប្រែឥរិយាបថ ខណៈថ្នាក់ដឹកនាំ និងអាជ្ញាធររដ្ឋបាលដែនដីគ្រប់លំដាប់ថ្នាក់ បានចេញសារអប់រំណែនាំ ទន្ទឹមគ្នានឹងការបង្ក្រាបពីសំណាក់កម្លាំងសមត្ថកិច្ចដោយគ្មានការលើកលែង។ 

លោក ទូច សុឃៈ អ្នកនាំពាក្យរងក្រសួងមហាផ្ទៃ

ទាំងពីថ្នាក់ដឹកនាំ ពីអាជ្ញាធររដ្ឋបាលដែនដី និងក៏ដូចគ្នាពីអ្នកនាំពាក្យរងក្រសួងមហាផ្ទៃ ក្រុមក្មេងទំនើងដែលកែប្រែខ្លួន នឹងមានឱកាសដូចគេដូចឯងដើម្បីជួបជុំសប្បាយរីករាយអបអរសាទរក្នុងពិធីបុណ្យចូលឆ្នាំថ្មីប្រពៃណីជាតិ។ ក៏ប៉ុន្តែប្រសិនបើពួកគេអុកឡុករំខានសង្គម ពួកគេនឹងត្រូវចូលឆ្នាំក្នុងពន្ធនាគារ ដូចករណីខាងលើ៕

The post ក្មេងទំនើងជាង៨០នាក់ ត្រូវសមត្ថកិច្ចឃាត់ខ្លួនបញ្ជូនទៅតុលាការ ខណៈគេឯងអបអរឆ្នាំថ្មី appeared first on Kampuchea Thmey Daily.

ករណីខាងលើនេះ កើតឡើងកាលពីវេលាម៉ោង ១៤៖៥២នាទី ថ្ងៃទី១៥ ខែកុម្ភះ ឆ្នាំ២០២៦ ដោយមានបុរសម្នាក់បានចូលវាយទូរលក់មាស ប្លន់យកគ្រឿងអលង្ការ ដែលមានយីហោ វេត ចាន់តាក់ តូបលេខ ៥៩ នៅក្នុងផ្សារលើធំថ្មី ស្ថិតក្នុងភូមិ ដកពោធិ សង្កាត់ស្លាក្រាម ក្រុង ខេត្តសៀមរាប នៅទាំងកណ្តាលថ្ងៃ ហើយត្រូវបានកម្លាំងសមត្ថកិច្ចកងរាជអាវុធហត្ថខេត្ត សហការជា មួយអាជីវករក្នុងផ្សារ ចាប់ឃាត់ខ្លួនបានទាន់ពេលវេលាភ្លាមៗ។

តាមការបញ្ជាក់របស់សមត្ថកិច្ចរាជអាវុធហត្ថខេត្ត បានឱ្យដឹងថា បន្ទាប់ពីទទួលបានព័ត៌មាន កម្លាំងអាវុធហត្ថក្រុងសៀមរាប និងកម្លាំអការិយាល័យជំនាញ ចេញអន្តរាគមន៍ ឃាត់ខ្លួនជនសង័្សយបាន ១នាក់ និងដកហូតវត្ថុតាង មានម៉ូតូស្គប់ពី ១គ្រឿង,ទូរស័ព្ទដៃ ១គ្រឿង , ញញួរ ១ដើម , កាំបិតតាំងតោ ១ដើម , លោកហធាតុពណ៌លឿង ៣ខ្សែ បានបញ្ជូនទៅទីបញ្ជាការកងរាជអាវុធហត្ថខេត្តសៀមរាប ដើមី្បអនុវត្ថនីតិវិធីបន្ត ព្រមទាំងបានប្រគល់ ខែ្សដៃផ្លាក់ទីន ទាំង ៣ខែ្ស ដល់ជនរងគ្រោះវិញផងដែរ។

បើតាមសមត្ថកិច្ច ជនសង័្សយ ខាងលើមានឈ្មោះ ឡេ សុភ័ក្រ  ភេទប្រុស អាយុ ៤០ឆ្នាំ ត្រូវបានកម្លាំងជំនាញធ្វើតេស្ត៍ ទឹកនោម រកឃើញមានសាធារធាតុញៀនក្នុងខ្លួន៕

ដោយ៖ គឿន វេត

The post ជនសង្ស័យវាយទូរលក់មាសនៅផ្សារលើធំថ្មី ក្រុងសៀមរាប ត្រូវបានកម្លាំងជំនាញ កសាងសំណុំរឿងបញ្ជូនទៅតុលាការ appeared first on Kampuchea Thmey Daily.

តាម​របាយការណ៍​របស់​អាវុធហត្ថ​ខេត្ត​បង្ហាញ​ថា កាល​ពី​វេលា​ម៉ោង ១៩និង៤៥នាទី ថ្ងៃទី១៧ ខែមេសា ឆ្នាំ២០២៥ កម្លាំងមូលដ្ឋានកងរាជអាវុធហត្ថស្រុកកោះអណ្តែត ដឹក​នាំ​ដោយ​លោក វរសេនីយ៍ត្រី ណុប សារិន មេបញ្ជាការស្រុក បានចុះបង្ក្រាបអំពើលួចមានស្ថានទម្ងន់ទោស ដែលប្រព្រឹត្តនៅចំណុចផ្ទះរបស់ជនរងគ្រោះឈ្មោះ ផេង សុធារឹទ្ធ ភេទប្រុស អាយុ៣៣ឆ្នាំ មុខរបរកសិករ រស់នៅភូមិអណ្តូងសំរិត ឃុំធ្លាប្រជុំ ស្រុកកោះអណ្តែត ខេត្តតាកែវ។

ជនសង្ស័យចំនួន៥នាក់ ដែល​ត្រូវ​បាន​ឃាត់ខ្លួន​មាន​ឈ្មោះ៖

១. ឈ្មោះ អ៊ុំ វាសនា ភេទប្រុស អាយុ៣៥ ឆ្នាំ មុខរបរ​ធ្វើស្រែ រស់​នៅ​ភូមិរមេញខាងជើង ឃុំរមេញ ស្រុកកោះអណ្ដែត ខេត្តតាកែវ។

២.ឈ្មោះ ប៉ែន ម៉ារ៉ូឌី ភេទប្រុស អាយុ៣៧ឆ្នាំ មុខរបរមិនពិតប្រាកដ រស់នៅភូមិរមិញខាងជើង ឃុំរមេញ ស្រុកកោះអណ្តែត ខេត្តតាកែវ។

៣.ឈ្មោះ ស៊ុំ ទើម ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅភូមិរមេញខាងជើង ឃុំរមេញ ស្រុកកោះអណ្តែត ខេត្តតាកែវ។

៤.ឈ្មោះ គុណ ចាន់រ៉ា ភេទប្រុសអាយុ២១ឆ្នាំ មុខរបរធ្វើស្រែ រស់នៅភូមិដើមចាន់ ឃុំរមេញ ស្រុកកោះអណ្តែត ខេត្តតាកែវ។

៥.ឈ្មោះ សាំង សាន់ ភេទប្រុស អាយុ ២៥ឆ្នាំ រស់នៅភូមិរមេញខាងជើង ឃុំ រមេញ ស្រុកកោះអណ្តែត ខេត្តតាកែវ។ ដោយឡែកវត្ថុតាងដកហូតបានរួមមាន÷

-ម៉ូតូចំនួន ២ គ្រឿងសេរីសេ 125 ឆ្នាំ2012 ស្លាកលេខតាកែវ 1H 3986 និងម៉ាកវ៉េវ ពណិខ្មៅ ស៊េរី 2015 គ្មានស្លាកលេខ ។

-ទូរសព្ទដៃចំនួន ២គ្រឿង (អូប៉ូ០១គ្រឿង អិនចុចពិល០១គ្រឿង)។

-ពូថៅចំនួន០១ កាំបិតចំនួន០៤(ចុងស្រួច០២ កាចែត០១ ក្រង៉ុក ០១) កន្ត្រៃចំនួន០១ ទុលល្វីសចំនួន០១ ជំពាមកៅស៊ូចំនួន០២ ក្បាលពិលចំនួន០២ និងថង់សំរាប់ច្រកថ្នាំញៀនចំនួន០២ផងដែរ។

បច្ចុប្បន្ន​ជនសង្ស័យ និង វត្ថុតាង ត្រូវ​បានការិយាល័យជំនាញកសាងសំណុំរឿង បញ្ជូនទៅអយ្យការអមសាលាដំបូងខេត្តតាកែវចាត់ការ​តាម​នីតិវិធី៕

ដោយ ៖ វីរៈ

The post សមត្ថកិច្ច​ខេត្តតាកែវ​ កសាងសំណុំរឿង​បញ្ជូន​ក្រុម​ចោរ​៥នាក់​ទៅ​តុលាការ appeared first on Kampuchea Thmey Daily.

នៅក្នុងសន្និសិទកាសែត លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញបានឱ្យដឹងថា ដោយអនុវត្តមានបទបញ្ជាឯកឧត្តមឧត្តមសេនីយ៍ ឯក ជួន ណារិន អគ្គស្នងការរង នគរបាលជាតិ និងជាស្នងការនគរបាលរាជធានីភ្នំពេញ និងមានការដឹកនាំបញ្ជាផ្ទាល់ពីលោកឧត្តមសេនីយ៍ត្រី ប៊ុន សត្យា និងលោកឧត្តមសេនីយ៍ទោ លី ប៊ុនអេង បានធ្វើការស្រាវជ្រាវជាច្រើនថ្ងៃហើយឈានទៅ ឃាត់ខ្លួនបានក្រុមក្មេងទំនើងចំនួន ៨នាក់ កាលពីថ្ងៃទី២០ខែ ឧសភា ឆ្នាំ ២០២៤នេះ ដែលបានបង្កហឹង្សាដោយចេតនាមានស្ថានទង្ងន់ទោស និងលួចមានស្ថានទង្ងន់ទោស បង្កឱ្យជនរងគ្រោះមានរបួសស្នាម។

លោកវរសេនីយ៍ឯក សំ វិច្ឆិកា ក៏បានបញ្ជាក់ឱ្យដឹងទៀតថា ក្រុមក្មេងទំនើងឈ្មោះ ក្រុម SBK ( សប្បាយបោះគេ )បានធ្វើសកម្មភាពចំនួន ៤ករណី ក្នុងរយៈពេល៣ខែ ខែមិនា មេសា និងខែឧសភា ឆ្នាំ ២០២៤នេះ។ ក្រុមនេះ បានធ្វើសកម្មភាពយ៉ាងហាវ ដែលមានគ្នាចំនួនប្រមាណ ២០នាក់ ហើយឃាត់បាន ៨នាក់ នៅសេសសល់មួយចំនួនទៀតសមត្ថកិច្ច នឹងស្រាវជ្រាវបង្ក្រាបបន្តទៀត ។

លោកវរសេនីយ៍ឯក សំ វិច្ឆិកា បានឱ្យដឹងទៀតថា ស្នងការដ្ឋាន នគរបាលរាជធានីភ្នំពេញបានដាក់ចេញនូវវិធានការបង្ក្រាបក្មេងទំនើង ហើយរយៈពេលចុងក្រោយនេះសកម្មភាពក្មេងទំនើងមានសកម្មភាពផុសផុល។ នៅក្នុងរយៈពេល៥ខែ ដើមឆ្នាំ ២០២៤ យើងបានបង្ក្រាបបានចំនួន៣ ៣៧ករណី ឃាត់ខ្លួនបានចំនួន ៧៨៨នាក់ ក្នុងនោះបានប្រើវិធានការអប់រំចំនួន ៩៣ករណី និងបញ្ជូនទៅកាន់តុលាការ ចំនួន ២៤១ករណី។

លោកវរសេនីយ៍ឯក សំ វិច្ឆិកា ក៏បានអំពាវនាវដល់អាណាព្យាបាល លោកគ្រូអ្នកគ្រូសូមចូលសហការជាមួយសមត្ថកិច្ច ដើម្បីបង្ការទប់ស្កាត់ក្រុមក្មេងទំនើងព្រមទាំងអំពាវនាវ ដល់ក្រុមក្មេងទំនើងផ្សេងៗទៀត ដែលពុំទាន់ត្រូវបានចាប់ខ្លួនកំពុងបង្កអសន្តិសុខ ក្នុងសង្គម សូមឱ្យដកខ្លួនថយជាបន្ទាន់ បើនៅតែបន្តធ្វើសកម្មភាព សមត្ថកិច្ច នឹងអនុវត្តបន្តបន្ទាប់ទៀត៕

អត្ថបទ៖ សុខា

The post បញ្ជូនក្រុមក្មេងទំនើង សប្បាយបោះគេ ហៅ (SBK) ៨ នាក់ ទៅតុលាការ appeared first on Kampuchea Thmey Daily.

​កាលពី​ព្រឹក​ថ្ងៃទី​២៨ ខែមីនា ឆ្នាំ​២០២២ កម្លាំង​សមត្ថកិច្ច​នគរបាល​ការិយាល័យ​ព្រហ្មទណ្ឌ​កម្រិត​ស្រាល​រាជធានី​ភ្នំពេញ​ បាន​ចាប់ខ្លួន​បុរស​ម្នាក់​ ដែល​តាំងខ្លួន​ជាម​ន្ត្រី​បម្រើ​ការ​នៅ​ទីស្ដីការគណរដ្ឋមន្ត្រី បញ្ជូនមក​តុលាការ ពាក់​ពន្ធ​ពីបទ​ក្លែងបន្លំ​ឯកសារ​សាធារណ​: និង​ប្រើប្រាស់​ឯកសារ​សាធារណៈ​ក្លែង​(​ក្លែង​លិខិតបញ្ជាក់​ការងារ ក្លែង​អនុក្រឹត្យ​ស្តីពី​ការតែងតាំង​មន្ត្រី​រាជការ ហត្ថលេខា និង​ក្លែង​ត្រា របស់​សម្តេច​តេ​ជោ​នាយករដ្ឋមន្ត្រី។ ក្លែង​ប័ណសំគាល់ខ្លួន ក្លែង​អត្តសញ្ញាប័ណ​សញ្ជាតិ​ខ្មែរ​)​ទៅ​ឆ​បោក​ប្រាក់​អ្នក​ដទៃ​ចំនួន ​៨៥០០ ដើម្បី​យកទៅ​រត់​ការចូល​ក្របខ័ណ្ឌ​បម្រើ​ការងារ​នៅ​ក្រសួង​ទេសចរណ៍។ ជនសង្ស័យ​រូបនោះ​មានឈ្មោះ ទ្រី សា​រិទ្ធី ជា​ឈ្មោះ​ពិតប្រាកដ និង ឈុន ហុង​លី ឈ្មោះ​តែងតាំង​ខ្លួនឯង​ក្លែង​ធ្វើជារដ្ឋលេខាធិការ អាយុ​ ៣៥ ឆ្នាំ មាន​ទីលំនៅ​ក្រុង​តាខ្មៅ ខេត្តកណ្តាល។

ប្រភពព័ត៌មាន​បាន​ឲ្យ​ដឹងថា សមត្ថកិច្ច​បានធ្វើការ​ចាប់ខ្លួន​ជនសង្ស័យ​បញ្ជូនទៅ​តុលាការ គឺ​យោង​ទៅលើ​ពាក្យបណ្តឹង​របស់​មេធាវី​ទីស្តីការ​គណៈរដ្ឋមន្ត្រី ក្រោយពី​បាន​ពិនិត្យឃើញថា រាល់​ឯកសារ​ពាក់ព័ន្ធ​ដូចខាងលើ ជនសង្ស័យ​ឈ្មោះ ឈុន ហុង​លី ពិតជា​ក្លែងក្លាយ​ទាំងអស់ ដែល​បាន​តាំងខ្លួន​ឯង​ជា​រដ្ឋលេខាធិការ​ទៀតផង ហើយ​ឈ្មោះ​បាន​ទៅ​ឆបោក​ប្រាក់​ពី​អ្នក​ដទៃ​ចំនួន ៨៥០០ ដើម្បី​យកទៅ​រត់ការ​ឲ្យ​គេ​បាន​ចូល​ក្របខ័ណ្ឌ​ក្រសួង​ទេសចរណ៍ ប្រព្រឹត្ត​នៅ​រាជធានី​ភ្នំពេញ ក្នុងអំឡុង ខែកុម្ភៈ ឆ្នាំ ​២០២២ ។ សំណុំ​រឿងនេះ​ បាន​ស្ថិតនៅ​លោក សុខ កែវ​បណ្ឌិត ព្រះរាជអាជ្ញារង នៃ​អយ្យការ​អម​សាលាដំបូង បាន​នឹង​កំពុង​ដំណើរ​សាកសួរ៕

អត្ថបទ៖ មករា​

The post តាំងខ្លួនជារដ្ឋលេខាធិការទីស្តីការគណៈរដ្ឋមន្ត្រី ឆបោកប្រាក់គេ ៨៥០០ ដុល្លារ appeared first on Kampuchea Thmey Daily.

លោក​ គង់ ឃៀង ត្រូវបាន​សមត្ថកិច្ច​ចាប់​ និង​បញ្ជូន​ខ្លួន​ទៅ​ឃុំឃាំង​នៅពន្ធនាគារ​ព្រៃ​ស ក្រោយពី​បុគ្គល​រូបនេះ បាន​បង្ហោះ​វីដេអូ​ចំនួន​ពីរ ចោទ​រដ្ឋមន្ត្រីក្រសួងរៀបចំ​ដែនដី ​នគររូបនីយកម្ម​ និង​សំណង់ លោក ជា សុផារ៉ា ថា បាន​ប្រព្រឹត្ត​អំពើពុករលួយ និង​មាន​ទំនាក់ទំនង​ស្នេហាជាមួយ​ប្រពន្ធ​គេ​។

តាមរយៈវីដេអូឃ្លីប លោក គង់ ឃៀង បានិយាយថា​៖ «​ស្ត្រី​ដែល​លោក ជា សុផារ៉ា កំពុង​ទាក់ទង​មិនមែន​នៅ​លីវ​ទេ ក៏​មិនមែន​មេម៉ាយ​ដែរ គឺ​នាង​មាន​ប្ដី ហើយ​មាន​កូនស្រី ខ្ញុំ​សូម​មិន​បង្ហាញ​ឈ្មោះ​ប្ដី​ទេ ​ព្រោះ​ទុក​មុខ​ឱ្យ​បុរស​ដូចគ្នា ព្រោះ​គ្នា​វា​រងគ្រោះ​ទៅហើយ​គេ​មក ឆក់​ប្លន់ ប្រពន្ធ​របស់ខ្លួន នៅ​នឹង​មុខតែ​ដោយសារ​គេ​មានអំណាច​ធំ​ពេក ខ្លួន​ជាម​នុស្ស​តូចតាច​មិនមានអី​តតាំង ខ្មែរ​យើង​គេ ហៅថា​ធ្វើជា​អាវែក គេ​មក​ឆក់​ប្លន់​ក៏​មិនដឹង​ធ្វើ​ម៉េច​ដែរ»។ ចំពោះការលើកឡើងបែបនេះ តុលាការក្រុងភ្នំពេញ ​បាន​ចោទប្រកាន់​លោក គង់ ឃៀង ពីបទ «​បរិហារកេរ្តិ៍ និងញុះញង់ឱ្យមាន​ការរើសអើងចំពោះ​ថ្នាក់ដឹកនាំ​»​៕

អត្ថបទ៖ មករា​

The post តុលាការបើកការសាកសួរជនសង្ស័យដែលចោទលោក ជា សុផារ៉ា ថាពុករលួយ និងមានស្នេហាជាមួយប្រពន្ធគេ appeared first on Kampuchea Thmey Daily.

​ក្រោម​ការដឹកនាំ​ចង្អុល​បង្ហាញ​ពី​លោក ឧ​ត្ត​ម​សេនីយ៍​ទោ សាត គឹម​សាន ស្នងការ​ខេត្តបាត់ដំបង បានដាក់​បទបញ្ជា​យ៉ា​ង​ម៉ឺងម៉ាត់​ រាល់​ការទប់ស្កាត់​បទល្មើស​ឆ្លងដែន​ពិសេស​មេខ្យល់​នាំ​មនុស្ស​ចេញចូល​ដោយ​ខុសច្បាប់ ទើបលោក​វរសេនីយ៍ទោ ទឹម វិឆ័យ ​អធិការ​នគរ​បាល​ស្រុក​សំពៅ​លូន​បាន​ដឹកនាំ​កម្លាំង​ជំនាញ ចុះ​ធ្វើការ​ស្រាវជ្រាវ​បង្ក្រាប​មេខ្យល់​នាំ​មនុស្ស​ឆ្លងដែន​ចូលទៅ​ប្រទេស​ថៃ​ខុសច្បាប់ និង​ធ្វើការ​ឃាត់​បាន​ខ្លួន​ជនសង្ស័យ​ចំនួន​ម្នាក់​។​

សមត្ថកិច្ច​បាន​ឲ្យ​ដឹងថា ​ជនសង្ស័យ​មាន ឈ្មោះ ហង្ស គឹម​ឈួន ភេទ​ប្រុស អាយុ​៣០ ឆ្នាំ មាន​ទីលំនៅ​ភូមិ​គីឡូ​១៣ ឃុំ​សន្តិភាព ស្រុក​សំពៅ​លូន ខេត្តបាត់ដំបង សមត្ថកិច្ច​បានបញ្ជាក់​បន្ថែមថា ​ជនសង្ស័យ​ខាងលើ បានធ្វើ​សកម្មភាពទាក់ទង​ពលករ​ខ្មែរ ចំនួន​០៨ នាក់ ស្រី ចំនួន​០១ នាក់ (​ក្នុងនោះ​ក្មេង ចំនួន​០២ នាក់ ) បម្រុង​ឆ្លង​អូរ​ព្រំដែន​កម្ពុជា​-​ថៃ ចូលទៅក្នុង​ប្រទេស​ថៃ កាលពី​ថ្ងៃទី​០១ ខែតុលា ឆ្នាំ​២០២១ វេលា​ម៉ោង​ប្រហែល​១៦:៣០​នាទី ដោយ​ទទួលបាន​កម្រៃ​ម្នាក់ ៥០០ បាត។ បច្ចុប្បន្ន សមត្ថកិច្ច​បាន​កសាង​សំណុំរឿង​បញ្ជូនទៅ​ការិយាល័យ​ជំនាញ ដើម្បី​ចាត់ការ​តាម​នីតិវិធី​បន្ត​៕

អត្ថបទ៖ សោ និយម​រ័ត្ន​

The post ឃាត់ខ្លួនមេខ្យល់បញ្ជូនទៅតុលាការ ក្រោយគេចខ្លួនបានប៉ុន្មានថ្ងៃ appeared first on Kampuchea Thmey Daily.