ទិន្នន័យនេះ គឺរាប់ចាប់ពីថ្ងៃទី១ ដល់ថ្ងៃទី១៥ ខែមីនា ឆ្នាំ២០២៦ ដោយរបាយការណ៍ បញ្ជាក់ថា កម្លាំងនគរបាលជាតិ នៃក្រសួងមហាផ្ទៃ ចាប់ពីថ្នាក់អគ្គស្នងការដ្ឋាននរគបាលជាតិ ដល់ប៉ុស្តិ៍នគរបាលរដ្ឋបាលឃុំ-សង្កាត់ បានបន្តប្រតិបត្តិការបង្ក្រាបបទល្មើសព្រហ្មទណ្ឌនៅទូទាំងប្រទេសយ៉ាងសស្រាក់សស្រាំ ដោយមិនបានបន្ធួរដៃឡើយ។

តាមរបាយការណ៍ខាងលើ បទល្មើសព្រហ្មទណ្ឌដែលសមត្ថកិច្ចបង្ក្រាបបាន ក្នុងរយៈពេលកន្លះខែនេះ មានជាអាទិ៍បទល្មើសអំពើហិង្សា ឆបោក លួច ឆក់ ប្លន់ រំលោភសេពសន្ថវៈ ឃាតកម្ម និងប្រើប្រាស់អាវុធខុសច្បាប់។ បទល្មើសទាំងនេះ កើតឡើងក្នុងភូមិសាស្ត្ររាជធានីភ្នំពេញ ខេត្តរតនគិរី កណ្ដាល ត្បូងឃ្មុំ បាត់ដំបង ពោធិ៍សាត់ ព្រះវិហារ ក្រចេះ ព្រះសីហនុ បន្ទាយមានជ័យ ឧត្តរមានជ័យ ព្រៃវែង ស្វាយរៀង កំពង់ស្ពឺ កំពង់ធំ តាកែវ កំពត និងខេត្តស្ទឹងត្រែង។

ការបង្ក្រាបបទល្មើសព្រហ្មទណ្ឌ គឺជាទិសដៅអាទិភាពមួយក្នុងចំណោមទិសដៅអាទិភាពទាំង៦ ដែលឧបនាយករដ្ឋមន្ត្រី ស សុខា រដ្ឋមន្រ្តីក្រសួងមហាផ្ទៃ បានប្រកាសបង្កើនការយកចិត្តទុកដាក់យ៉ាងម៉ឺងម៉ាត់ចាប់ពីដើមអាណត្តិរាជរដ្ឋាភិបាល នីតិកាលទី៧ ដើម្បីធានាឱ្យបាននូវសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម សំដៅផ្ដល់ភាពកក់ក្ដៅដល់ប្រជាពលរដ្ឋ។​

ក្នុងឆ្នាំ២០២៥កន្លងទៅ បើតាមការអះអាងរបស់ឧបនាយករដ្ឋមន្ត្រី ស សុខា បទល្មើសព្រហ្មទណ្ឌគ្រប់ប្រភេទ បានថយចុះ១៧% បើប្រៀបធៀបនឹងឆ្នាំ២០២៤ ដោយលោក បញ្ជាក់ថា កម្លាំងសមត្ថកិច្ចកម្ពុជាបង្ក្រាបបទល្មើសព្រហ្មទណ្ឌបាន​៩៦% ក្នុងឆ្នាំ២០២៥កន្លងទៅ។

លោករដ្ឋមន្ត្រីមហាផ្ទៃ បានថ្លែងកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់កងកម្លាំងនគរនបាលជាតិ ក៏ដូចជាមន្ត្រីក្រសួងមហាផ្ទៃ និងអាជ្ញាធរពាក់ព័ន្ធគ្រប់ជាន់ថ្នាក់ទាំងអស់ ដែលសម្រេចបានក្នុងរយៈពេលកន្លងមកក្នុងការពង្រឹងសន្តិភាព ស្ថិរភាពនយោបាយ សន្តិសុខជាតិ សណ្តាប់ធ្នាប់សាធារណៈ និងសុវត្ថិភាពសង្គម៕

The post ត្រឹមកន្លះខែនេះ មនុស្សជាង១៥០នាក់ ត្រូវបានបញ្ជូនទៅតុលាការ ពាក់ព័ន្ធបទល្មើសព្រហ្មទណ្ឌ appeared first on Kampuchea Thmey Daily.

តាមរបាយការណ៍របស់ក្រសួងមហាផ្ទៃ កម្លាំងនគរបាលជាតិ ចាប់ពីថ្នាក់អគ្គស្នងការដ្ឋាននរគបាលជាតិ រហូតដល់ប៉ុស្តិ៍នគរបាលរដ្ឋបាលឃុំ-សង្កាត់ បានបន្តប្រតិបត្តិការបង្ក្រាបបទល្មើសព្រហ្មទណ្ឌនៅទូទាំងប្រទេសយ៉ាងសស្រាក់សស្រាំ ដែលជាលទ្ធផល ក្នុងកិច្ចប្រតិបត្តិការនោះ សមត្ថកិច្ចបង្ក្រាបបាន១៥៧ករណី និងឃាត់ខ្លួនជនសង្ស័យសរុប២១១នាក់ បញ្ជូនទៅកាន់តុលាការ។

របាយការណ៍ដដែល បានបញ្ជាក់ឱ្យដឹងថា បទល្មើសព្រហ្មទណ្ឌដែលសមត្ថកិច្ចបង្ក្រាបបាននោះ រួមមានហិង្សា ឆបោក លួច ឆក់ ប្លន់ បង្ខាំងមនុស្សទារប្រាក់ រំលោភសេពសន្ថវៈ បំពានផ្លូវភេទ មនុស្សឃាត និងមនុស្សឃាតដោយអចេតនា ជាដើម។ បទល្មើសទាំងនេះបានកើតឡើងក្នុងភូមិសាស្ត្ររាជធានីភ្នំពេញ និងបណ្តាខេត្តចំនួនទៀត ជាអាទិ៍នៅក្នុងខេត្តកណ្តាល កំពត កំពង់ស្ពឺ ព្រះសីហនុ កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប កំពង់ធំ ព្រះវិហារ ស្ទឹងត្រែង រតនៈគិរី កំពង់ចាម ត្បូងឃ្មុំ ស្វាយរៀង ព្រៃវែង និងខេត្តតាកែវ។

គួរបញ្ជាក់ថា ការបង្ក្រាបបទល្មើសព្រហ្មទណ្ឌនេះ គឺជាទិសដៅអាទិភាពមួយក្នុងចំណោមទិសដៅអាទិភាពទាំង៦ ដែលលោក ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានប្រកាសបង្កើនការយកចិត្តទុកដាក់ដោះស្រាយយ៉ាងម៉ឺងម៉ាត់ ចាប់តាំងពីដើមនីតិកាលទី៧ ក្រោមការដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដើម្បីធានានូវសន្តិសុខ សុវត្ថិភាព និងភាពសុខសាន្តជូនប្រជាពលរដ្ឋ៕

The post មនុស្សជាង២០០នាក់ ត្រូវបានបញ្ជូនទៅតុលាការ ក្នុងបទល្មើសព្រហ្មទណ្ឌ គិតត្រឹម៣សប្ដាហ៍ខែកុម្ភៈ appeared first on Kampuchea Thmey Daily.

តាមការឱ្យដឹងដោយឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ លទ្ធផលដែលសមត្ថកិច្ចបង្ក្រាបបាននោះ រួមមាន បទល្មើសគ្រឿងញៀន អំពើជួញដូរមនុស្ស ជួញដូរពលកម្ម អាជីវកម្មផ្លូវភេទ ល្បែងស៊ីសងខុសច្បាប់គ្រប់ប្រភេទ ករណីក្មេងទំនើង ព្រមទាំងអំពើឆបោកតាមប្រព័ន្ធបច្ចេកវិទ្យា។

ទាក់ទងនឹងបទល្មើសឆបោកតាមប្រព័ន្ធបច្ចេកវិទ្យា លោករដ្ឋមន្ត្រីមហាផ្ទៃ បញ្ជាក់ថា ក្រសួង ក៏កំពុងបន្តស្រាវជ្រាវ ស៊ើបអង្កេត និងបង្ក្រាបលើបទល្មើសនេះ ដោយចាប់ខ្លួនមេក្លោង និងបញ្ជូនជនបរទេសប្រព្រឹត្តបទល្មើសទៅប្រទេសកំណើតវិញ ក្រោមកិច្ចសហការជាមួយសមត្ថកិច្ចនៃប្រទេសពាក់ព័ន្ធយ៉ាងសកម្ម និងប្រកបដោយការទទួលខុសត្រូវខ្ពស់។

លោក ស សុខា បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់កងកម្លាំងនគរនបាលជាតិ ក៏ដូចជាមន្ត្រីក្រសួងមហាផ្ទៃ និងអាជ្ញាធរពាក់ព័ន្ធគ្រប់ជាន់ថ្នាក់ទាំងអស់ ដែលសម្រេចបានក្នុងឆ្នាំ២០២៥ ក្នុងការពង្រឹងសន្តិភាព ស្ថិរភាពនយោបាយ សន្តិសុខជាតិ សណ្តាប់ធ្នាប់សាធារណៈ និងសុវត្ថិភាពសង្គម៕

The post រដ្ឋមន្ត្រីមហាផ្ទៃ អះអាងពីការថយចុះបទល្មើសព្រហ្មទណ្ឌ ក្នុងឆ្នាំ២០២៥ ខណៈបង្ក្រាបបានជាង៩០% appeared first on Kampuchea Thmey Daily.

លោក ទូច សុឃៈ បានថ្លែងឱ្យដឹងថា ជាលទ្ធផលក្រោមសមត្ថកិច្ចរបស់ក្រសួងមហាផ្ទៃ គឺបទល្មើសព្រហ្មទណ្ឌបានកើតឡើងសរុបចំនួន២ ១៥២ករណី បើធៀបនឹងរយៈពេល៩ខែ ឆ្នាំ២០២៤ គឺថយចុះចំនួន៤៥០ករណី ស្មើនឹង១៧% ដែលកាលពីឆ្នាំ២០២៤ ក្នុងរយៈពេល៩ខែ បានកើតឡើងបទល្មើសព្រហ្មទណ្ឌចំនួន២ ៦០២ករណី។

តាមរបាយការណ៍ដែលបង្ហាញឱ្យដឹងដោយលោក ទូច សុឃៈ ក្នុងចំណោមនោះ មានបទឧក្រិដ្ឋ កើតឡើងចំនួន៤៧៥ ករណី និងបទមជ្ឈិមមានចំនួន១ ៦៧៧ករណី ខណៈមានជនរងគ្រោះសរុប២ ៣៨៧នាក់ ហើយក្នុងនោះមានអ្នកស្លាប់ចំនួន១៥៦នាក់។

លទ្ធផលបង្ក្រាបបទល្មើសនេះ អ្នកនាំពាក្យរង ថា បង្ក្រាបបាន២ ០៧១ ដែលស្មើ៩៦% ហើយឃាត់ខ្លួនមនុស្សចំនួន៣ ២៩៦នាក់ ក្នុងនោះមានបទឧក្រិដ្ឋចំនួន៤៣៧ករណី ឃាត់ខ្លួនបាន៨១២នាក់ និងបទមជ្ឈិមបានចំនួន១ ៦៣៤ករណី ដោយឃាត់ខ្លួនបានចំនួន២ ៤៨៤នាក់ ហើយដកហូតបានវត្ថុតាងដូចជាអាវុធវែង ខ្លី គ្រាប់បែក អាវុធកែច្នៃ កាំបិត ដាវ រថយន្ត ម៉ូតូ និងឧបករណ៍សម្ភារៈប្រព្រឹត្តបទល្មើសចំនួនទៀត ហើយជនល្មើសត្រូវបានកសាងសំណុំរឿងបញ្ជូនទៅកាន់តុលាការ។

អ្នកនាំពាក្យរងក្រសួងមហាផ្ទៃ ថ្លែងកត់សម្គាល់ថា ក្នុងចំណោមជនសង្ស័យដែលបានឃាត់ខ្លួនខាងលើនេះ គឺរកឃើញមានផ្ទុកសារធាតុញៀនចំនួន៩៩៣នាក់ ស្មើនឹង៣០%។

លទ្ធផលប្រកបដោយប្រសិទ្ធភាពនេះ លោក គូសបញ្ជាក់ថា កើតចេញពីគោលនយោបាយរបស់រាជរដ្ឋាភិបាល ដែលមានក្រសួងមហាផ្ទៃ ជាសេនាធិការ បានដឹកនាំអនុវត្តយ៉ាងម៉ឺងម៉ាត់ជាប់ជាប្រចាំ ដោយមានការចូលរួមសហការចាប់ពីអគ្គស្នងការដ្ឋាននគរបាលជាតិ រហូតដល់ប៉ុស្តិ៍នគរបាលរដ្ឋបាលឃុំសង្កាត់ អាជ្ញាធរ និងប្រជាការពារ ដើម្បីធានាសន្តិសុខ ស្ថិរភាព សុវត្ថិភាព និងភាពកក់ក្ដៅដល់ប្រជាពលរដ្ឋ៕  

ដោយ៖ ធឿន វ៉ាន់សុង

The post ៩ខែ សមត្ថកិច្ចក្រសួងមហាផ្ទៃ បង្ក្រាបបទល្មើសព្រហ្មទណ្ឌជាង២ពាន់ករណី appeared first on Kampuchea Thmey Daily.

បើ​តាមលោក ឃិត សុធារ៉ា អភិបាលស្រុកឆែប​បាន​ឲ្យ​ដឹង​ថា ​ដោយ​អនុវត្តន៍​តាម​បទ​បញ្ចា​របស់​លោក​គីម រិទ្ធី អភិបាល​ខេត្ត​ព្រះវិហារ ទើប​រដ្ឋបាល​ស្រុក​ឆែប​ រួម​ទាំង​ក្រុម​មន្ត្រីគយ​នៃ​ការិយាល័យ​ស្រាវ​ជ្រាវ ​និង​បង្ក្រាបអំពើរត់ពន្ធតំបន់៥ សហការ​ជាមួយ​មន្ត្រី​គយ​សាខាគយ និង​រដ្ឋាករ​ខេត្តកំពង់ធំ ​សហការ​ជាមួយ​កង​កម្លាំង​រាជអាវុធហត្ថ​លើ​ផ្ទៃ​ប្រទេស​ បាន​ធ្វើ​ការ​ឃាត់​រថយន្ត​សាំយ៉ុង​ដឹក​ផ្លែ​ឈើ​មួយ​គ្រឿង ពាក់ស្លាកលេខក្រុងព្រះសីហនុ 2A-2243 មួយគ្រឿង កាលពីថ្ងៃទី២៥ ខែមិថុនា ឆ្នាំ​២០២៥ កន្លងមក​។​ជា​លទ្ធផល​សមត្ថកិច្ច​ចម្រុះ​រក​ឃើញ​ ផ្លែ​ដូង​ក្រអូប​ចំនួន​២៨៥០​ផ្លែ​ស្នើ​នឹង​ ១៥០០​គីឡូក្រាម ​ទឹក​ដូង​ច្រកដាក់ដបចំនួន ២៨០ដប ស្មើនឹង ៤២០លីត្រ ​សាច់​ដូង ​២៤គីឡូក្រាម ។

មន្ត្រី​គយ​បាន​សាក​សួរ ​និង​ស្រាវជ្រាវ​រក​ឃើញ​ថា ​ដូង​ក្រអូប​ទាំង​អស់​នេះ​ គឺ​បាន​លួច​នាំ​ចេញ​ពី​ប្រទេស​ថៃ ​ឆ្លងកាត់​ប្រទេសឡាវ រួច​បន្ត​នាំ​ចូល​តាម​ទូក​ឆ្លង​កាត់​កំពង់​ចម្លង​ ឃុំ​កំពង់​ស្រឡៅ​ស្រុក​ឆែប ​ជា​ប្រភេទ​ទំនិញ​ដែល​រាជរដ្ឋាភិបាលកម្ពុជាហាមឃាត់។ ​នៅព្រឹកថ្ងៃទី២៧ ខែ​មិថុនា ឆ្នាំ២០២៥ លោក ​ជាប សៅ ប្រធានសាខាគយ ​និង​រដ្ឋាករ​ខេត្តកំពង់ធំ ព្រះវិហារ ​បាន​ចាត់​ក្រោម​ឱវាទ​ យក​ទំនិញ​ទាំង​នោះ ​ទៅ​ធ្វើ​ការ​ដុត​បំផ្លាញចោល​នៅ​ក្នុង​បរិវេណ​សាលា​ស្រុក​ឆែប​។​

​ការ​ដុតបំផ្លាញចោលនេះ មានការចូលរួម មានការចូលរួមពី លោក អភិបាលស្រុក កម្លាំង​អធិការដ្ឋាន​នគរបាលស្រុក កម្លាំងកងរាជអាវុធហត្ថខេត្ត និងមន្ត្រីគយ និងអ្នកបើកបរ ឡានដឹកដូង​ក្រអូប​នេះ​ផងដែរ៕​

ដោយ៖ជុន កុសល

The post អាជ្ញាធរ​ខេត្ត​ព្រះវិហារ​ ដុត​កម្ទេច​​ចោល​ដូង​ក្រអូប​១៥០០គីឡូក្រាម ​ដែល​លួច​នាំ​ចេញ​ពី​ថៃ​ ឆ្លង​កាត់​ប្រទេស​ឡាវ​ចូល​មកកម្ពុជា​ដោយ​ខុស​ច្បាប់​ appeared first on Kampuchea Thmey Daily.

ក្នុងចំណោមបទល្មើសដែលបានថយចុះនៅក្នុងរយៈពេល៤ខែដើមឆ្នាំមកនេះ អ្នកនាំពាក្យរងក្រសួងមហាផ្ទៃ លោក ទូច សុឃៈ បានឱ្យដឹងថា បទល្មើសឧក្រិដ្ឋ បានថយចុះចំនួន២៩លើក និងបទល្មើសមជ្ឈិមបានថយចុះចំនួន២៣៧លើក។

អ្នកនាំពាក្យ បានឱ្យដឹងទៀតថា បទល្មើសថយចុះទាំងនោះ មានជាអាទិ៍ ករណីលួចមានស្ថានទម្ងន់ រំលោភសេពសន្ថវៈ បង្ខាំមនុស្សជំរិតទារប្រាក់ លួច ឆក់ មនុស្សឃាតដោយអចេតនា អំពើហិង្សាក្នុងគ្រួសារ ឆបោក រំលោភលើទំនុកចិត្ត និងប្រើអាវុធខុសច្បាប់ជាដើម។

ការបង្ក្រាបបទល្មើសព្រហ្មទណ្ឌប្រកបដោយប្រសិទ្ធភាព ជាទិសដៅ១ ក្នុងចំណោមទិសដៅអាទិភាពចំនួន៦ ដែលលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដៅបង្កើនការយកចិត្តទុកដាក់អនុវត្តចាប់ពីដើមអាណត្តិទី៧មក ។

ក្រសួងមហាផ្ទៃ ក្នុងនាមជាសេនាធិការជូនរាជរដ្ឋាភិបាល ក្រោមការដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក៏បានជំរុញ និងតាមដានជាប់ជាប្រចាំនូវចលនាអនុវត្តគោលនយោបាយភូមិ-ឃុំ-សង្កាត់ មានសុវត្ថិភាព ដើម្បីធានាផ្ដល់ភាពកក់ក្ដៅជូនប្រជាពលរដ្ឋ៕

The post ៤ខែដើមឆ្នាំ២០២៥ បទល្មើសព្រហ្មទណ្ឌថយចុះជាង២០០លើក ធៀបនឹងឆ្នាំ២០២៤ appeared first on Kampuchea Thmey Daily.

នាសន្និសីទ បង្ហាញមុខក្រុមជនសង្ស័យចំនួន២៣នាក់ពាក់ព័ន្ធ បន្លំឯកសណ្ឋានសមត្ថកិច្ច និងក្រុមឆក់ នារសៀលថ្ងៃទី ១១​ខែមេសានេះ លោក សំ វិច្ឆិកា មានប្រសាសន៍ថា ក្នុងរយៈពេល ៣ខែ​បទល្មើសព្រហ្មទណ្ឌ កើតឡើងចំនួន ១២២ លើក បទល្មើសថយចុះ ១៨លើក ក្នុងចំណោម ១២២លើក បង្ក្រាបបាន ១១៦ ករណី ឃាត់ខ្លួនមនុស្ស ១៧១​ នាក់ ស្មើ ៩៥ ភាគរយដែលបង្ក្រាបបាន។ ក្នុងនោះបទឧក្រិដ្ឋ និងបទល្មើសមជ្ឈឹមក៏មានការថយចុះ ពោលបទឧក្រិដ្ឋកើតឡើង ១២០ លើក បង្ក្រាបបាន ១៩ លើក ឃាត់មនុស្ស ៥០នាក់ ។ ដោយឡែកបទល្មើសមជ្ឈឹម ១០២ លើក បង្ក្រាបបាន ៩៧ លើក ឃាត់មនុស្ស១២១​នាក់។

លោកបញ្ជាក់ថា៖« ​អ៊ីចឹង! ជាលទ្ធផល ៣ខែចុងក្រោយនេះ ឆ្នាំ ២០២៥ ដែលជាលទ្ធផលផ្លែផ្កា ដោយកិច្ចខិតប្រឹងប្រែងរបស់សមត្ថកិច្ចរាជធានីភ្នំពេញ គ្រប់បណ្តាលប៉ុស្តិ៍ ខណ្ឌ នានា យើងបានសហការគ្នាទទួលបានលទ្ធផលបែបនេះ»។ ជាមួយគ្នានេះលោក សំ វិច្ឆិកា ស្នើថា៖«នេះជាអ្វីដែលជាកិច្ចខិតខំប្រឹងប្រែងរបស់សមត្ថកិច្ច ដូច្នេះយើងធ្វើសូមឱ្យមហាជនមើលព្រៃទាំងមូល កុំមើលដើមឈើមួយដើម។ មានន័យថាបទល្មើសខ្លះយើងបង្ក្រាបមិនទាន់បាន យើងបន្តស្រាវជ្រាវបង្ក្រាប»៕

The post ករណីបង្ក្រាបទល្មើស! សមត្ថកិច្ចស្នើមហាជនមើលព្រៃទាំងមូល កុំមើលដើមឈើមួយដើម appeared first on Kampuchea Thmey Daily.

បើតាមរបាយការណ៍ប្រចាំឆ្នាំរបស់រដ្ឋបាលរាជធានីភ្នំពេញ នៅក្នុងឆ្នាំ២០២៤កន្លងមកនេះ បទល្មើសព្រហ្មទណ្ឌ កើតមាន ៤៧៣លើក /៥៣១លើក ថយចុះ ៥៨លើក ស្មើនឹង -១០.៩២%។ បង្ក្រាបបទល្មើសព្រហ្មទណ្ឌ បាន ៤៣៩ករណី ឃាត់ខ្លួន ៦៥៨នាក់។ បង្ក្រាបបទល្មើសគ្រឿងញៀនបាន ១.៤០៦ករណី ឃាត់ខ្លួន ២.៥៨៣នាក់ (ស្រី ២៣៥ នាក់)។ ទប់ស្កាត់ និងបង្ក្រាបក្មេងទំនើងបាន ៦៩៥ករណី ឃាត់ខ្លួន ១.៤១៥នាក់ (ស្រី ៦១នាក់)។ បង្ក្រាបល្បែងស៊ីសងខុសច្បាប់គ្រប់ប្រភេទបានចំនួន ៧៤ករណី ឃាត់ខ្លួន ៣៨០នាក់ (ស្រី ៧១នាក់)។

ចំណែកគ្រោះថ្នាក់អគ្គិភ័យ បានកើតមានឡើងចំនួន១៣៦លើក ដោយមូលហេតុ ឆ្លងចរន្តអគ្គិសនី ១០១ លើក, ផ្សាដែកធ្លាក់ផ្កាភ្លើង ៨លើក, ផ្ទុះហ្គាស ១លើក, ធ្វេសប្រហែសភ្លើង ៩លើក, មនុស្សដុត ៧លើក, ធ្លាយធុងហ្គាស ២លើក, ឆេះឡចំហុយ ១លើក, ផ្ទុះឡចំហាយទឹក ១លើក, និងកំពុងស្រាវជ្រាវ ៦លើក៕

អត្ថបទ៖ ស្រីរ័ត្ន

The post បទល្មើសព្រហ្មទណ្ឌនៅរាជធានីភ្នំពេញក្នុងឆ្នាំ២០២៤ ថយចុះជិត៦០លើក ខណៈការបង្ក្រាបក្រុមក្មេងទំនើងឃាត់ខ្លួនបានជិត១៥០០នាក់ appeared first on Kampuchea Thmey Daily.