លោក ផិន ផន ជាកសិករដៃបន្លែក្នុងសហគមន៍ «សាមគ្គីមនោរម្យ» បានឲ្យដឹងថា បន្លែក្នុងសហគមន៍ដែលកំពុងប្រមូលផលនេះ​រួមមាន ការ៉ុត ស្ពៃក្តោប ស្ពៃបូកគោ និងបន្លែផ្សេងៗជាច្រើនទៀត។ បច្ចុប្បន្ន លោកកំពុងមមាញឹកប្រមូលផលបន្លែទាំងនេះ ដើម្បីផ្គត់ផ្គង់ទៅទីផ្សារ ជាពិសេសក្រុមហ៊ុនមាសបៃតង ដែលមានទីតាំងនៅរាជធានីភ្នំពេញ និងបានចុះកិច្ចព្រមព្រៀងទទួលទិញបន្លែពីសហគមន៍កាលពីពេលកន្លងមក។លោកបញ្ជាក់ថា ដើម្បីឆ្លើយតបទៅនឹងតម្រូវការទីផ្សារ ស្របពេលបុណ្យចូលឆ្នាំចិន ក្នុងប៉ុន្មានថ្ងៃចុងក្រោយនេះ លោកបានប្រមូលផលការ៉ុត ស្ពៃក្តោប និងស្ពៃបូកគោ ស្ទើរតែអស់ពីចម្ការ ដើម្បីធានាការផ្គត់ផ្គង់ឲ្យបានទាន់ពេលវេលា។

ទោះជាមានសន្ទុះនៃការគាំទ្រ កសិកររូបនេះនៅតែបន្តអំពាវនាវដល់ប្រជាពលរដ្ឋឲ្យជួយគាំទ្របន្លែក្នុងស្រុក ដោយអះអាងថា ដំណាំរបស់ខ្លួនមិនប្រើប្រាស់សារធាតុគីមី មិនប៉ះពាល់ដល់សុខភាព មានតម្លៃសមរម្យ និងអាចជួយលើកស្ទួយជីវភាពប្រជាសហគមន៍ឲ្យកាន់តែប្រសើរឡើង។

ជាមួយគ្នានេះ លោក វណ្ណ ថុន ដែលជាសមាជិកក្នុងសហគមន៍សាមគ្គីមនោរម្យ ក្រុងសែនមនោរម្យ ក៏បានឲ្យដឹងថា ប៉ុន្មានថ្ងៃមកនេះ លោកកំពុងមមាញឹកពន្លឿនការប្រមូលផលបន្លែចំនួន ៣ មុខ រួមមាន ការ៉ុត ស្ពៃក្តោប និងស្ពៃបូកគោ ដែលដាំលើផ្ទៃដីសរុប ២ ហិកតា។ លោកបានថ្លែងថា៖ «ការប្រមូលផលនេះត្រូវធ្វើឲ្យទាន់ពេលវេលា ព្រោះទីផ្សារបច្ចុប្បន្នកំពុងមានតម្រូវការខ្ពស់»។

បើតាមកសិករខាងលើ ចាប់ពីដើមខែកុម្ភៈ ឆ្នាំ២០២៦មក ទាំងអតិថិជនលក់បន្តនៅផ្សារសែនមនោរម្យ និងក្រុមហ៊ុនដែលបានចុះកិច្ចព្រមព្រៀងជាមួយសហគមន៍នៅរាជធានីភ្នំពេញ បានជំរុញឲ្យកសិករទាំងអស់ក្នុងសហគមន៍ ប្រមូលផលបន្លែដែលគ្រប់អាយុឲ្យបានឆាប់រហ័ស ដើម្បីបំពេញតម្រូវការអតិថិជនផងដែរ៕

ដោយ៖ រៀម សុខហេង

The post បន្លែសុវត្ថិភាពពីមណ្ឌលគិរី​ កំពុងមានតម្រូវការខ្ពស់ក្នុងរដូវបុណ្យចូលឆ្នាំចិននេះ appeared first on Kampuchea Thmey Daily.

លោក សូរ ប្លា​តុ អភិបាល​ស្រុក​ប្រាសាទបាគង បាន​ឱ្យ​ដឹង​ថា យុទ្ធនាការ​ប្រមូល​ផល​បន្លែ​ជា​លើក​ទី ១ នេះ ក្រុមការងារ​ទទួល​បាន​បន្លែ​សុវត្ថិភាព​សរុប​ចំនួន ៧៥០ គីឡូក្រាម ដែល​ក្នុងនោះ​រួមមាន​ ៖ ត្រកួន ៥០០ គីឡូក្រាម ស្ពៃ​តឿ និង​ស្ពៃក្រញាញ់ ២៥០ គីឡូក្រាម។

លោក​អភិបាល​ស្រុក បាន​បញ្ជាក់​ទៀត​ថា សកម្មភាព​ដាំដុះ​បន្លែ​ចម្រុះ​នេះ គឺជា​ការ​អនុវត្ត​តាម​ការ​ផ្ដួចផ្ដើម និង​បំផុស​ចលនា​ដ៏​ខ្ពង់ខ្ពស់​របស់ លោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត និង​មាន​ការ​ជំរុញ​គាំទ្រ​ដោយ​ផ្ទាល់​ពី លោក ប្រាក់ សោភ័ណ អភិបាល​ខេត្ត​សៀមរាប។ គម្រោង​នេះ មាន​គោលបំណង​សំខាន់ៗ ដើម្បី​បំពេញ​តម្រូវការ​ហូបចុក​ប្រចាំថ្ងៃ​របស់​ជនភៀសសឹក ជំរុញ​ឱ្យ​មាន​ការ​ដាំ​បន្លែ​ជាក់ស្ដែង​នៅ​តាម​ផ្ទះ សាលារៀន វត្ត​អារាម និង​តាម​សហគមន៍ ជាពិសេស​បង្កើន​សមត្ថភាព​ម្ចាស់ការ​លើ​ខ្លួនឯង និង​ធានា​ឱ្យ​បាន​នូវ​សន្តិសុខ​ស្បៀង​ក្នុង​មូលដ្ឋាន​ប្រកប​ដោយ​ចីរភាព៕

អត្ថបទ ៖ គឿនវេត

The post បន្លែសុវត្ថិភាពលើកដំបូងដាំក្នុងកសិដ្ឋានកាយរឹទ្ធិនារីខេត្តសៀមរាប ចាប់ផ្ដើមប្រមូលផល ដើម្បីផ្គត់ផ្គង់ដល់ជនភៀសសឹក appeared first on Kampuchea Thmey Daily.

យោង​តាមសារព័ត៌មាន The Straits Times ឱ្យដឹង​ថា កសិដ្ឋាន Greenphyto ដែល​មាន​ទីតាំង​នៅ​តំបន់​ឧស្សា​ហកម្ម Jurong West គឺ​ជា​ចក្ខុ​វិស័យមួយ​ដែល​មាន​​រយៈពេល ១៤ឆ្នាំក្នុង​ការ​ផលិត​។

ខាត់ណាចិន​ [kailan] កញ្ចប់ ២០០ក្រាម របស់កសិដ្ឋាន Greenphyto មានតម្លៃ ៣.៩៥ដុល្លារអាមេរិក។ ចំណែក​សាឡាត់​ក្រញ៉ាញ់​ មួយ​កញ្ចប់១០០ក្រាម ​ដាក់​លក់​ជា​ Mambo Lettuce មាន​តម្លៃ​ ៣.២០ ដុល្លារអាមេរិក។

ជាពិសេស​កសិដ្ឋាន​​នេះ​​ក៏​​អាច​ដាំ​ស្ពៃ​​ជប៉ុន ផ្ទី​ និង​​ស្លឹក​រ៉ឺកែត​ផង​ដែរ​ ​ក្នុង​​ចំណោម​​បន្លែ​​បៃតង​​ផ្សេង​​ទៀត​។​

ចំណែកអគារចំនួន​​ប្រាំ​ជាន់​ មាន​តម្លៃ ៨០លានដុល្លារ មាន​ទំហំ​​ផ្ទៃ​ដី​២ហិក​តា និង​អាច​ផលិត​បន្លែបៃតង​បាន ២ ០០០តោន ក្នុង​មួយ​ឆ្នាំ​ពេញ​។ ​បច្ចុប្បន្ន​​ផលិត​​បាន​​២០០​​តោនក្នុង​មួយ​ឆ្នាំ។

ជា​មួយ​នឹង​ប៉ា​តង់​ចំនួន៦៩ នៅ​ពី​ក្រោយ​ការ​ច្នៃ​ប្រឌិត​ដែល​ជួយ​បង្កើន​ប្រសិទ្ធ​ភាព​កំណើន​ដំណាំ និង​កាត់​បន្ថយ​ការ​ចំណាយ​។ កសិដ្ឋាន​នេះ​​ត្រូវ​បាន​បំពាក់​ដោយ​បច្ចេក​វិទ្យា [AI] មនុស្ស​យន្ត និង​បច្ចេក​វិទ្យា​ស្វ័យ​ប្រវត្តិ​កម្ម​។

គួរ​ឱ្យ​ដឹង​ផង​ដែរ​ថា ការ​បើក​ជា​ផ្លូវ​ការ​នៃ​កសិដ្ឋាន​ ​ត្រូវ​បានចូល​រួម​ដោយ​ប្រធានា​ធិប​តី​សិង្ហ​បុរី​ លោក Tharman Shanmugaratnam ដែលលោករំពឹង​ខ្ពស់​​ថា កសិដ្ឋាន​នេះ​​អាច​កើត​ឡើងនៅ​ពេលនេះបាន​ ​វាជា​​ការ​រំពឹង​ទុក​ នៃ​កសិដ្ឋាន​បញ្ឈរ​​ផ្សេង​ទៀត​ ជាពិសេស​​​ទូទាំង​​ពិភព​លោក​ក៏​អាចកើត​ឡើង​​បាន​ដែរ៕

ប្រែសម្រួល៖ ណឺ មិនា

The post កសិ​ដ្ឋាន​ដាំ​បន្លែ​​បញ្ឈរ​​ខ្ពស់​​បំផុតក្នុង​​ពិភពលោក បើក​​ដំណើរ​ការ នៅ​​សង្ហិបុរី​​​​ appeared first on Kampuchea Thmey Daily.

កសិដ្ឋាននេះមានផ្ទៃដីដាំបន្លែចំនួន ១០ ហិកតា រួមទាំងដាំដុះក្នុងផ្ទះសំណាញ់ចំនួន ៤០ខ្នង ហើយថែមទាំងដាំបន្លែនៅទីវាលផងដែរ រួមមាន តាសក់វែង ម្ទេសវែង ត្រប់ សណ្ដែកកួរ ល្ពៅ ។ បន្លែទាំងអស់នេះត្រូវបាននាំចេញទៅកាន់ទីផ្សារភ្នំពេញដែលមានតម្លៃខ្ពស់ និងដំណាំចម្រុះផ្សេងៗទៀត។ ដើម្បីបំពេញតម្រូវការទីផ្សារក្នុងស្រុក ខណៈពេលដែលព្រំដែនគោកកម្ពុជា-ថៃត្រូវបានបិទ កសិករជនជាតិចិនរូបនេះក៏មានគម្រោងពង្រីកការដាំដុះ និងបង្កើនការផលិតបន្លែចម្រុះបន្ថែមទៀតដល់ ២០ តោនក្នុងមួយថ្ងៃ។

នាឱកាសដឹកនាំមន្រ្តីចុះត្រួតពិនិត្យទីតាំងកសិដ្ឋានបន្លែសុវត្ថិភាព កាលពីថ្ងៃទី ២៥​ខែវិច្ឆិកា ឆ្នាំ២០២៥ អភិបាលខេត្តមណ្ឌលគិរី លោក ថង សាវុន បានណែនាំដល់ម្ចាស់កសិដ្ឋានដាំដុះបន្លែសុវត្ថិភាពត្រូវអនុវត្ត និងប្រកាន់ខ្ជាប់នូវការថែរក្សាឱ្យបាននូវគុណភាព សុវត្ថិភាពដល់អ្នកប្រើប្រាស់ និងសហការជាមួយមន្ទីរជំនាញ ដើម្បីឈានទៅការទទួលបាននូវវិញ្ញាបនកម្មនៃការអនុវត្តតាមគោលការណ៍កសិកម្មល្អ (GAP) សមស្របទៅតាមតម្រូវការទីផ្សារនាពេលបច្ចុប្បន្ន។

លើសពីនេះ លោកអភិបាលខេត្តបានលើកទឹកចិត្តដល់កសិករទាំងអស់ ត្រូវបង្កើនការដាំដុះដំណាំបន្លែឱ្យបានច្រើន ដូចជា ស្ពៃក្តោប ស្ពៃបូកគោ ការ៉ុត ដំឡូងជ្វាជប៉ុន និងដំណាំបន្លែផ្សេងទៀត ដើម្បីបំពេញតម្រូវការទីផ្សារក្នុងស្រុក និងកាត់បន្ថយការនាំចូលបង្កើនឱកាសការងារ៕

ដោយ៖ រៀម សុខហេង

The post កសិដ្ឋានដាំបន្លែសុវត្ថិភាពមួយកន្លែងក្នុងខេត្តមណ្ឌលគិរី គ្រោងពង្រីកដាំដុះឆ្លើយតបត្រូវការក្នុងស្រុក appeared first on Kampuchea Thmey Daily.

លោក លឿង វ៉ានថុន អាយុ៣៣ឆ្នាំ ជាកសិករដាំបន្លែសុវត្ថិភាព ស្ថិតនៅក្រុងសែនមនោរម្យ បាននិយាយថា ទាំងអ្នកបរិភោគ និងអ្នកដាំដុះ មានការយល់ដឹងច្រើនពាក់ព័ន្ធបន្លែសុវត្ថិភាព បើទោះជាតម្លៃថ្លៃជាងបន្លែធម្មតា។ បើតាមកសិករនេះ បន្លែសុវត្ថិភាពដែលមានតម្រូវខ្ពស់ និងផ្គត់ផ្គង់នៅលើទីផ្សារដូចជា ស្ពៃក្ដោប ស្ពៃបូកគោ ការ៉ុត ខ្ញីភ្លើង និងបន្លែផ្សេងផ្សេងជាច្រើនមុខទៀត។ លោកមានប្រសាសន៍ថា៖« បន្លែសុវត្ថិទាំងនេះ កំពុងតែមានតម្រូវការខ្ពស់លើទីផ្សារទាំងការប្រើប្រាស់នៅក្នុងស្រុក ហើយលក់បន្តទៅកាន់រាជធានីភ្នំពេញ ព្រោះបន្លែនេះជំនួយដល់សុខភាព»។

លើសពីនេះទៀត រាល់ពេលរដូវបុណ្យទានម្តង បន្លែសុវត្ថិភាពនេះមានការបញ្ជាទិញច្រើន ដោយខ្លះពុំបានផ្គត់ផ្គង់គ្រប់គ្រាន់នោះទេ។ ក្នុងនាមជាកសិករ ដែលកំពុងទទួលផលពីបន្លែនេះ រំពឹងថា កសិករផ្សេងទៀតងាកមកចាប់អារម្មណ៍ដាំបន្លែទាំងនោះ ផ្គត់ផ្គង់នៅលើទីផ្សារ ដែលកំពុងមានតម្រូវការខ្ពស់។

គួរជម្រាបថា កាលពីខែសីហា ឆ្នាំ ២០២៥ ខេត្តមណ្ឌលគិរី បានសម្ពោធដាក់ឱ្យប្រើប្រាស់ជាផ្លូវការនូវមជ្ឈមណ្ឌលអភិវឌ្ឍន៍ដំណាំតំបន់ខ្ពង់រាបដែលជាមូលដ្ឋានគ្រឹះរឹងមាំសម្រាប់ការផលិតពូជដំឡូងបារាំង បណ្តុះបណ្តាលកសិករដាំបន្លែឆ្នើម និងបង្កើតប្រព័ន្ធឯករាជ្យប្រកបដោយស្ថេរភាព។ មជ្ឈមណ្ឌលនេះជាកន្លែងសំខាន់សម្រាប់ផ្ទេរចំណេះដឹង និងជំនាញអនុវត្តទៅកាន់មន្ត្រីរដ្ឋបាល សិស្ស និងកសិករ ដើម្បីឱ្យពួកគេចេះដោះស្រាយបញ្ហាក្នុងតំបន់បានប្រសើរឡើង។

ការបើកដំណើរការនេះគឺជាចំណុចចាប់ផ្តើមសំខាន់នេះមានគោលបំណង សម្រាប់លើកកម្ពស់កំណើនសេដ្ឋកិច្ចជនបទ ដោយផ្តល់ការបណ្តុះបណ្តាលបច្ចេកទេសកសិកម្មទំនើបដល់កសិករក្នុងតំបន់សំខាន់ ជាពិសេសរួមចំណែកកាត់បន្ថយការចាកចេញចំណាកស្រុកទៅធ្វើការនៅឯក្រៅប្រទេស និងកាត់បន្ថយភាពក្រីក្រ៕

អត្ថបទ៖ រៀម សុខហេង

The post បន្លែសុវត្ថិភាពក្នុងខេត្តមណ្ឌលគិរី កំពុងមានតម្រូវ​ការខ្ពស់ និងបន្តចែកចាយមកកាន់រាជធានីភ្នំពេញ appeared first on Kampuchea Thmey Daily.

លោក គួច ចំរើន មាន​ប្រសាសន៍​ថា «សព្វថ្ងៃ​នេះ ផលិតផល​បន្លែ​របស់​យើង​ដែល​ផលិត​ក្នុងស្រុក បំពេញ​តម្រូវការ​ជាក់ស្ដែង​បាន​ត្រឹម ១០% ប៉ុណ្ណោះ ហើយ​នៅសល់​គឺ​តម្រូវការ​នាំចូល​បន្ថែម ដូច្នេះ​ផលិតផល​បន្លែ​របស់​យើង កំពុង​មាន​តម្រូវការ​ចាំបាច់​នៅ​ក្នុង​ទីផ្សារ​បច្ចុប្បន្ន ដូច្នេះ​ក្នុងនាម​យើង​ជា​អាជ្ញាធរ​ភូមិ-ឃុំ ត្រូវ​ខិតខំ​ជំរុញ​ប្រជាពលរដ្ឋ​យើង​ឲ្យ​ផលិត​បន្លែ​ឲ្យ​បាន​ច្រើន ដើម្បី​បំពេញ​នូវ​តម្រូវការ​នៅ​លើ​ទីផ្សារ ពិសេស​បន្លែ​សុវត្ថិភាព​ដែល​មិន​ប៉ះពាល់​ដល់​សុខភាព​របស់​ប្រជាពលរដ្ឋ​ដែល​ជា​អ្នក​ទទួលទាន និង​ខ្លួន​យើង​ផ្ទាល់​ដែល​ជា​អ្នក​ផលិតផល​ដែរ»។ ក្នុង​នោះ លោក​អភិបាល​ខេត្ត​កណ្ដាល បាន​ចុះ​ពិនិត្យ​ជីវភាព​របស់​ប្រជាពលរដ្ឋ និង​សំណេះសំណាល​ជាមួយ​មេភូមិ សមាជិក​ក្រុមប្រឹក្សា​ឃុំ​កោះ​ខ្សាច់​ទន្លា ស្រុក​ស្អាង ខេត្ត​កណ្ដាល។

លោក​បន្ត​ទៀត​ថា ដើម្បី​ឲ្យ​ទិន្នផល​ទទួល​បាន​ច្រើន​សម្រាប់​ផ្គត់ផ្គង់​តម្រូវការ​ទីផ្សារ អាជ្ញាធរ​ត្រូវ​រៀបចំ​ផែនការ​ជូន​ប្រជាកសិករ​ឲ្យ​បាន​ត្រឹមត្រូវ ត្រូវ​គិត​ពី​បច្ចេកទេស​ក្នុង​ការ​ដាំដុះ​ឲ្យ​ទទួល​បាន​ទិន្នផល​ល្អ មាន​ទីផ្សារ និង​មិន​ប៉ះពាល់​ដល់​សុខភាព​របស់​អ្នក​ទទួលទាន ព្រមទាំង​អ្នក​ដាំដុះ​ផ្ទាល់ មិន​ប្រើ​ថ្នាំ​គីមី ក្នុង​នោះ​ដែរ ត្រូវតែ​សម្របសម្រួល​រក​ទីផ្សារ​ជូន​ដល់​ប្រជាកសិករ​ផង​ដែរ។

លោក​អភិបាល​ខេត្ត​កណ្ដាល ក៏បាន​ណែនាំ​ដល់​អាជ្ញាធរ​ឃុំ និង​ប៉ុស្តិ៍​នគរបាល​រដ្ឋបាល ត្រូវ​ខិតខំ​យកចិត្តទុកដាក់​ការពារ​សន្តិសុខ​សណ្ដាប់ធ្នាប់ របៀបរៀបរយ ទប់ស្កាត់​ល្បែងស៊ីសង​គ្រប់​ប្រភេទ ចោរលួច ឆក់ ប្លន់ បញ្ហា​ក្មេង​ទំនើង គ្រឿងញៀន នៅ​ក្នុង​មូលដ្ឋាន​ឃុំ ឲ្យ​មាន​ប្រសិទ្ធភាព​ខ្ពស់។

ដោយឡែក លោកស្រី​មេឃុំ​កោះ​ខ្សាច់​ទន្លា បាន​ឲ្យ​ដឹង​ដែរ​ថា ចំពោះ​ទិន្នផល​ដំណាំ​ចម្រុះ​ដែល​ប្រមូល​លក់​ទៅកាន់​ទីផ្សារ ក្នុង​មួយ​សប្ដាហ៍​នៅ​រដូវវស្សា ចន្លោះ​ពី ១៣ តោន ទៅ ១៥ តោន ក្នុង​មួយ​សប្ដាហ៍ និង ២៥ តោន ទៅ ៣០ តោន ក្នុង​មួយ​សប្ដាហ៍ នៅ​រដូវប្រាំង៕

អត្ថបទ ៖ ម៉េង

The post អភិបាលខេត្តកណ្ដាល ណែនាំអាជ្ញាធរភូមិ-ឃុំ ជំរុញពលរដ្ឋបង្កើនការដាំបន្លែសុវត្ថិភាព​ឲ្យច្រើន ដើម្បីតម្រូវការទីផ្សារបច្ចុប្បន្ន appeared first on Kampuchea Thmey Daily.

យ៉ាងណាមិញ ការដាំបន្លែនៅលើទឹកនេះ មិនមែនកសិករទាំងអស់អាចមានលទ្ធភាពដាំបាននោះទេ ព្រោះត្រូវការចំណាយដើមទុនច្រើន។ ជាប្រភេទបន្លែសុវត្ថិភាពផង ត្រូវរៀបចំប្រព័ន្ធទឹកស្រោចស្រពគ្រប់គ្រាន់ និងសំណាញ់ការពារសត្វល្អិត ដើម្បីការពារសត្វល្អិតបំផ្លិចបំផ្លាញដំណាំ។

អ្នកស្រី អុំ សុកកញ្ញារី ដែលធ្លាប់ជាកសិករដាំបន្លែបែបប្រពៃណី បានផ្លាស់ប្តូរមកដាំបន្លែលើទឹក ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។ អ្នកស្រីបានឱ្យដឹងថា ដំបូងឡើយសាកដាំប្រភេទបន្លែលើទឹកជាលក្ខណៈគ្រួសារ ប៉ុន្តែដោយមានការគាំទ្រខ្លាំងពីអតិថិជន កាន់តែច្រើនឡើងពីមួយថ្ងៃទៅមួយថ្ងៃ និងមានការលើកទឹកចិត្តពីអ្នកជិតខាង ក៏បានពង្រីកសួនបន្លែសុវត្ថិភាពបន្ថែមទៀត។ អ្នកស្រីថា៖«បន្លែសុវត្ថិភាពនេះ ខ្ញុំឃើញមានតម្រូវការកាន់តែខ្ពស់ និងមានតម្លៃល្អ ក៏ពង្រីកសួនបន្លែងនៅលើដំបូលផ្ទះមានទំហំ ៣០ ទៅ ៤០ ម៉ែត្រ អាចដាំបន្លែលើទឹកបានដូចជា សាឡាដ និងដើមខាត់ណា »។

អ្នកស្រីបានផ្តើមដាំបន្លែលើទឹកនេះអស់រយៈពេល ២ ឆ្នាំមកហើយសម្រាប់ហូបក្នុងគ្រួសារ និងលក់ទៅកាន់ទីផ្សារផង។ ជាមួយគ្នានេះ អ្នកស្រីបានចែករំលែកពីវិធីបណ្តុះ និងដាំបន្លែលើទឹកថា៖« វិធីបណ្តុះកូនសាឡាដ គឺត្រូវដាក់កូនគ្រាប់បន្លែនៅលើដុំស្នោតូចៗនៅរយៈពេល ១៥ថ្ងៃ ទើបយកកូនវាទៅដាក់ដាំនៅលើបំពង់ជ័រ ដែលមានប្រព័ន្ធទឹកគ្រប់គ្រាន់ ហើយបន្ថែមរយៈពេល ៣០ ថ្ងៃទៀតអាចប្រមូលផលបានហើយ។ ចំណែកឯបន្លែខាត់ណាវិញ ត្រូវចំណាយពេល ៦០ថ្ងៃ ទើបអាចទទួលផលបាន»។

បច្ចុប្បន្ននេះ បន្លែសុវត្ថិភាពរបស់អ្នកស្រី ត្រូវបានលក់ទៅកាន់អតិថិជន អាជីវករផ្សារបានលុង អ្នកលក់នំបាញ់ឆែវ និងអ្នកខ្លះមកទិញដល់ផ្ទះក៏មាន។ បំពង់ជ័រដែលដាក់ដាំបន្លែទទួលបានទិន្នផលចន្លោះ ១០០គីឡូ ក្នុងមួយខែ ដោយលក់ទៅកាន់ទីផ្សារទទួលបានតម្លៃ ១ម៉ឺនរៀលក្នុងមួយគីឡូ ប៉ុន្តែបើអតិថិជនមកទិញដល់ផ្ទះមួយគីឡូ តម្លៃ ៨០០០ រៀល។

អ្នកស្រី អុំ សុកកញ្ញារី លើកទឹកចិត្តដល់កសិករដែលមានលទ្ធភាពអាចងាកមកដាំបន្លែសុវត្ថិភាពដើម្បីលក់នៅលើទីផ្សារ ជាពិសេសពលរដ្ឋខ្មែរបរិភោគបន្លែសុវត្ថិភាព និងមិនប៉ះពាល់ដល់សុខភាព៕

អត្ថបទ៖ ខៀវ ចាប

The post កសិករខ្លះនៅខេត្តរតនគិរី ផ្លាស់ប្តូរពីការដាំបន្លែបែបប្រពៃណី មកដាំបន្លែសុវត្ថិភាពនៅលើទឹក appeared first on Kampuchea Thmey Daily.

ការលើកទឹកចិត្តនេះ ដោយសារក្នុងនាមលោកជាកសិករដាំបន្លែសុវត្ថិភាព ទទួលបានការបញ្ជាទិញពីឈ្មួញច្រើន ហើយមិនបារម្ភចំពោះស្វែងរកទីផ្សារនោះទេ។ តួយ៉ាង នារដូវវស្សានេះ មានការបញ្ជាទិញច្រើន ប៉ុន្តែដោយសារកត្តាប្រែប្រួលអាកាសធាតុ មានភ្លៀងធ្លាក់ជោកជាំខ្លាំង ធ្វើឱ្យការទិន្នផលថយចុះ។ យ៉ាងណាមិញ លោកថាទោះបីអាកាសធាតុប្រែប្រួល ការដាំបន្លែរបស់លោកនៅក្នុងសហគមន៍កសិកម្មបន្លែសុវត្ថិភាព ដែលមានទីតាំងក្នុងក្រុងសែនមនោរម្យ នៅតែដាំដុះទទួលទិន្នផលបានគួរសម្យសម្រាប់ផ្គត់ផ្គង់តម្រូវការទីផ្សារ ។

លោក ឡង់ នី បានប្រាប់(កម្ពុជាថ្មី)ថា លោកប្រកបមុខរបរដាំបន្លែនេះអស់រយៈពេលជាង ៨ ឆ្នាំមកហើយ ដោយផ្តោតលើការដាំដុះបន្លែសំខាន់ៗ ៤ មុខ មានដូចជា ការ៉ុត ស្ពៃក្កោប ស្ពៃបូកគោ មើមយ៉េន និងបន្លែគួបផ្សំផ្សេងៗជាច្រើនទៀត ។ លោកថ្លែងប្រាប់ថា បើទោះបីអាកាសធាតុប្រែប្រួលមានភ្លៀងធ្លាក់ញឹកញាប់លំបាកក្នុងការដាំដុះ ហើយការប្រមូលទិន្នផលបន្លែនៅពេលបច្ចុប្បន្នមានកាថយចុះជាងរដូវប្រាំងចំនួន ២០ ទៅ២៥% យ៉ាងណាក្តី ប៉ុន្តែក្នុងនាមកសិករ លោកនៅតែពុះពារព្យាយាមប្រឹងប្រែងតស៊ូក្នុងកាដាំបន្លែព្រោះមានតម្រូវការខ្ពស់។  

លោកបានអះអាងថា ៖«បើទោះបីជាកាដាំដុះបន្លែមិនសូវជាមានភាពស្រួល ប៉ុន្តែអាចរកប្រាក់ចំណូលបានគួរសមក្នុងការប្រកបមុខរបរកសិកម្មមួយនេះ ព្រោះបន្លែក្នុងសហគមន៍កសិកម្មសាមគ្គីមនោរម្យ មានក្រុមហ៊ុនដៃគូជាច្រើន ដែលរង់ចាំទទួលទិញពីកសិករដែលដាំដុះបន្លែសុវត្ថិភាពនៅខេត្តមណ្ឌលគិរី»។

កសិកររូបនេះបានគូសបញ្ជាក់ថា ទោះបីមុខរបរដាំបន្លែមួយនេះ ជាមុខរបរមិនធំដុំប៉ុន្តែអាចរកប្រាក់ចំណូលបានងាយ​ស្រួលក្នុងការផ្គត់ផ្គង់ជីវភាពគ្រួសារ ពិសេសផ្គត់ផ្គង់ថវិកាឱ្យកូនរៀនសូត្របានគ្រប់គ្រាន់មិនមានការខ្វះខាតឡើយ។ លោក ឡុង នី ដែលជាកសិករមានបទពិសោធជាច្រើនឆ្នាំលើការដាំបន្លែ បានផ្តាំផ្ញើទៅដល់ប្រជាពលរដ្ឋដែលមានដីទំនេរសមរម្យ អាចងាកមកចាប់មុខរបរកសិកម្មដាំបន្លែប្រភេទសុវត្ថិភាព ខណៈលោកសង្កេតឃើញថា ពលរដ្ឋខ្មែរជាច្រើនបានងាកមកទិញបន្លែសុវត្ថិភាពក្នុងស្រុកនាពេលបច្ចុប្បន្ន។

បើតាមកសិកររូបនេះ ការដាំដុះនាពេលបច្ចុប្បន្ន មានភាពល្អប្រសើរជាងមុនដោយសារមានមន្ត្រីជំនាញមន្ទីរកសិកម្ម រុក្ខាប្រមាញ់និងនេសាទ ចាំជួយបណ្តុះបណ្តាលផ្នែកបច្ចេកទេស និងផ្តល់ចំណេះជំនាញទន់ជាដើម៕

អត្ថបទ៖ រៀម សុខហេង

The post ពីមណ្ឌលគិរី! កសិករលើកទឹកចិត្តឱ្យដាំបន្លែសុវត្ថិភាព ខណៈសង្កេតឃើញមានត្រូវការខ្ពស់លើទីផ្សារ appeared first on Kampuchea Thmey Daily.