នៅក្នុងជីវភាពប្រចាំថ្ងៃ ប្រជាជននិយមដាំដំណាំ បន្លែផ្លែឈើដោយខ្លួនឯង ដោយមិនប្រើជាតិគីមី។ ផ្សារនេះស្ថិតនៅភូមិ បានប៉ុង ឃុំ ប៉ុង ស្រុកវើនសៃ ខេត្តរតនគិរី នៅជាប់និងទន្លេសេសាន ដែលជាទីតាំងជាប់និងថ្នល់លំទីប្រជុំជន ស្រុកវើនសៃ។

លោកស្រី នួន សួត ជា​ជនជាតិ​ខ្មែរ-ឡាវ បានមានប្រសាសន៍​ថា ការ​លក់​បន្លែ​នេះ​បាន​មក​ពី​ការ​ទិញ ពី​អ្នក​ស្គាល់គ្នា ដែលសុទ្ធសឹងតែដាំប្រើជីធម្មជាតិ ពិសេស​ជាង​នេះទៅ​ទៀត គឺគាត់ទៅបេះមកពីព្រៃដូចជា ស្លឹកសាត្រាវ ដើមចាហួយ ដៃដំរី ស្លឹកប៉ាស ផ្លែក្រូចឆ្មារ សណ្តែកគួរ ប្រគ្រីវ ត្រសក់ ទ្រព្យ ពពាយ ត្រកួនស្ពៃ និងបន្លែព្រៃជាច្រើនទៀត។

លោកស្រីប្រាប់ថា មុខ​របរ​នេះ បាន​ប្រាក់​គ្រាន់​ផ្គត់ផ្គង់គ្រួសារ តែមិនបានសល់ច្រើននោះទេ បានត្រឹមផ្គត់ផ្គង់គ្រួសារមិនខ្វះខាត​។ លោកស្រីបន្ថែមទៀតថា បន្លែដែលចងជាដុំៗ ១ បាច់ និងដាក់ច្រកថង់ប្លាស្ទិច តម្លៃ​វិញ​ចាប់ពី តម្លៃ ១០០០ រៀល ឡើងទៅ។

ផ្សារវើនសៃ​បាន​ដើរតួនាទី យ៉ាងសំខាន់សម្រាប់ការដោះដូរ ទំនិញឧបភោគបរិភោគ មួយដែលមានជនជាតិដើមភាគតិចឡាវ លក់ដូរច្រើននិយាយភាសាឡាវ​និង​និយាយខ្មែរ។ ផ្សារ​នេះ​ក៏​ជា​ទី​កន្លែង ចម្រុះជនជាតិដើមភាគតិច យក​បន្លែត្រីសាច់ ដែលដាំបាននិងរកបានពីធម្មជាតិ មកលក់ដូរយកប្រាក់ និងទិញយកទៅផ្ទះវិញ ដើម្បី​បំពេញ​ភាព​ខ្វះខាត ដូចជាបន្លែត្រីសាច់ផងដែរ។

នៅពេលព្រឹកតែងសម្បូរ ត្រីទន្លេ មានតូចធំ ប្រភេទខុសៗពីគ្នា និងបន្លែធម្មជាតិ តែដល់ពេលម៉ោង ០៩និង០០ព្រឹក រហូត ១០និង០០ព្រឹក បន្លែនិងត្រីសាច់ទាំងនោះ ត្រូវបានភ្ញៀវទិញអស់ បើសិនជាចង់ទិញ គឺត្រូវ​តែ​រូតរះ​ទៅទិញឱ្យទាន់​ព្រឹកព្រលឹម​ ព្រោះ​ទំនិញ​ដែល​យក​មកលក់​ ភាគច្រើន​ជា​ទំនិញ​ធម្មជាតិ​យក​មកពី​ភូមិ​ផ្សេងៗ គ្នា។ ហើយបើចង់ទិញត្រីបែបធម្មជាតិវិញ ភាគច្រើនសម្បូរបំផុត​នៅរដូវទឹកឡើង និងទឹកស្រក។ ទី​ប្រជុំជន​នេះ គឺ​ជា​ប្រភពចំណូលផង និង ប្រភពស្បៀងអាហារផង សម្រាប់​ជីវភាពរស់នៅពឹងផ្អែក​ការ​រស់នៅប្រចាំថ្ងៃ ទោះ​មិន​មាន​ទំហំ​ធំ​និង​ទំនើបក្ដី តែ​មាន​តម្លៃ​សមរម្យ៕

The post ផ្សារវើនសៃ គឺ​ជា​កន្លែង​លក់​បន្លែ ត្រី សាច់​ បែប​ធម្មជាតិ​របស់​ជនជាតិ​ដើម​ភាគ​តិច​ឡាវ ដោយ​មិន​ប្រើ​ជាតិ​គីមី appeared first on Kampuchea Thmey Daily.

លោក ជា រម៉ាម ជាជនជាតិដើមភាគតិចគ្រឹង នៅខេត្តរតនគិរី បានប្រាប់ថា គ្រួសារគាត់ និងអ្នកភូមិ ចូលចិត្តបរិភោគបន្លែនេះណាស់ទៅលើមុខម្ហូបប្រចាំថ្ងៃ ពីព្រោះគាត់បរិភោគតាំងពីក្មេងមកម្ល៉េះ ពិសេស គឺនៅរដូវនេះ វាសម្បូរណាស់នៅមាត់ស្ទឹង បឹង អូរនៅតាមភ្នំមានដីសើម។ គាត់ និងប្រពន្ធ តែងតែទៅចម្ការបេះយកមកធ្វើសម្លជាមួយត្រី និងក្តាម ខ្យង តាមជំនឿតាំងពីបូរាណមកថាជួយដល់សុខភាពគាត់ផងដែរ ។

បើតាមសៀវភៅ ឱសថបុរាណខ្មែរនៅកម្ពុជា បន្លែមួយប្រភេទនេះ មានរសជាតិផ្អែមឆ្ងាញ់ពិសារណាស់ យកមកឆាក៏បាន ឬស្លក៏បាន យកទៅស្ងោរធ្វើជាអន្លក់ក៏បាន។ ជាពិសេស ថែមទាំងមានផ្ទុកសារធាតុរ៉ែ និងវីតាមីន យ៉ាងសំខាន់ ជំនួយដល់សុខភាព ដូចជា ជំនួយបេះដូង សាច់ដុំ។ បន្លែមួយនេះ ត្រូវបានគេដឹងថា សម្បូរសារធាតុជួយដល់សសៃប្រសាទ សាច់ដុំ និងប្រព័ន្ធរាងកាយផ្សេងទៀត។ វាក៏ជំនួយឆ្អឹង និងធ្មេញ ពីព្រោះមានសារធាតុកាល់ស្យូម ដែលមានប្រយោជន៍ដ៏លើសលប់ ទៅលើឆ្អឹង និងធ្មេញឱ្យរឹងមាំ ។ បន្ថែមលើនេះ វាក៏ជួយការពារជំងឺពុកឆ្អឹង ពេលចាស់ឡើង ហើយវាមានសារធាតុប្រឆាំងអុកស៊ីតកម្ម ដែលអាចការពារ រាងកាយពីផលប៉ះពាល់ពីជំងឺផ្សេងៗ ជៀសវាងជំងឺមហារីកមួយចំនួន។

មិនតែប៉ុណ្ណោះ វាជួយបន្ថយសម្ពាធឈាម ហើយជាប្រភពដ៏ល្អនៃប៉ូតាស្យូម ដែក ប៉ងកាណេះ និងទង់ដែង ដែលអាចជួយដល់សុខភាព បេះដូង អាចកាត់បន្ថយសម្ពាធ និងចង្វាក់បេះដូង ហើយក៏ប្រឆាំងពីការកើនឡើងនៃសូដ្យូមផងដែរ។ កាត់បន្ថយការឈឺចាប់នៃការមករដូវ ហើយបន្លែនេះមានផ្ទុកនូវសារធាតុដែក សំខាន់ជំនួយគ្រាប់ឈាម ការកាត់បន្ថយអាការឈឺមករដូវ។ បន្លែនេះត្រូវបានគេថា ជំនួយប្រព័ន្ធប្រសាទ ជំនួយទៅដល់សុខភាព ព្រមទាំងបង្កើនសមត្ថភាពខួរក្បាល និងប្រព័ន្ធប្រសាទឱ្យដំណើរការល្អប្រសើរជាងមុនទៀតផង។ គុណតម្លៃការហូបបន្លែដៃដំរី នឹងជួយគ្រប់គ្រងទម្ងន់ ដោយសារមានសារធាតុបម្លែងសារធាតុ កាបូនអ៊ីដ្រាត និងជាតិខ្លាញ់ឱ្យដំណើរការបានល្អ ជួយដល់ការថែរក្សារាង និងសម្រកទម្ងន់ ថែមទាំងជួយកាត់បន្ថយ ចំណង់អាហារ ដែលធ្វើឱ្យអ្នកធាត់ផងដែរ៕

The post ជនជាតិដើមភាគតិចនៅរតនគិរី យករុក្ខជាតិ«ដៃដំរី» ធ្វើជាបន្លែផង និងធ្វើជាឱសថព្យាបាលជំងឺផង appeared first on Kampuchea Thmey Daily.

លោក គ្រី ម៉េងឈាន អាយុ៤៣ នៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី បានឱ្យដឹងថា គាត់ប្រកបមុខរបរដាំបន្លែនេះរយៈពេលជាច្រើនឆ្នាំកន្លងមកហើយ ហើយសព្វថ្ងៃនេះ គាត់បានបង្កបង្កើនផលដំណាំកសិកម្មបន្លែចំនួន៧មុខនៅលើផ្ទៃដីជាង៧ហិកតា។ កសិកម្មបន្លែដែលបានដាំរួមមាន ស្ពៃក្តោប ការ៉ុត ខាត់ណា មើមយ៉េន ស្ពៃបូកគោ ដំឡូងបារាំង និងបន្លែផ្សេងផ្សេជាច្រើនទៀត។ លោកបន្ថែមថា គាត់ប្រមូលផលបន្លែនៅក្នុងកសិដ្ឋានរបស់គាត់ ហើយបានផ្គត់ផ្គង់ទៅឱ្យអាជីវករលក់បន្តនៅផ្សាសែនមនោរម្យខ្លះ ហើយខ្លះទៀតបានផ្គត់ផ្គង់ទៅទីផ្សាទីក្រុងភ្នំពេញ ដែលមាន៣ក្រុមហ៊ុនបានទទួលទិញបន្លែធម្មជាតិសុវត្ថិភាពរបស់គាត់ ដូចជាក្រុមហ៊ុន ផ្សាកូនកាំបិត ក្រុមហ៊ុន អ៉ីអ៉ីនស៊ី និងក្រុមហ៊ុន ក្រូវីខេម។

ប៉ុន្តែ មួយរយៈចុងនេះសម្រាប់បន្លែធម្មជាតិសុវត្ថិភាពរបស់លោក មានការគាំទ្រច្រើនពីទីផ្សារក្នុងស្រុក ក៏ដូចជា ភ្ញៀវទេសចរដែលមកកម្សាន្តនៅក្នុងខេត្តមណ្ឌលគិរី ជាពិសេស ក្នុងរដូវបុណ្យទានម្ដងម្ដងភ្ញៀវទេសចរតែងសម្រុកទិញស្ទើរតែកាត់មិនទាន់ ព្រោះភ្ញៀវទេសចរ បានមកគាំទ្រទិញនៅដីចម្ការផ្ទាល់ដែលមានតម្លៃធូរថ្លៃដែលពួកគេអាចទទួលយកបាន។ កសិកររូបនេះ បញ្ជាក់ថា នៅថ្ងៃខាងមុខ បើសិនជាមានប្រជាកសិករផ្សេងដែលមានចំណាប់អារម្មណ៍ចង់បង្កបង្កើនផលដំណាំកសិកម្មបន្លែធម្មជាតិនេះ លោករីករាយក្នុងការចែករំលែកបទពិសោធនេះ ព្រោះចង់ឃើញប្រជាកសិករកម្ពុជាដាំបន្លែធម្មជាតិឲ្យកាន់តែច្រើននៅក្នុងខេត្តមណ្ឌលគិរី ដើម្បីកាត់បន្ថយបន្លែនាំចូលពីបរទេសហើយឱ្យប្រជាពលរដ្ឋទទួលទានបន្លែធម្មជាតិសុទ្ធគ្មានសាជាតិគីមី។ លោកបានសំណូមពរទៅដល់ភ្ញៀវទេសចរជាតិ និងអន្តរជាតិដែលបានមកកម្សាន្តនៅក្នុងខេត្តមណ្ឌលគិរីមេត្តាជួយគាំទ្រផលិតផលប្រចាំតំបន់ គឺបន្លែធម្មជាតិសុវត្ថិភាពខេត្តមណ្ឌលគិរី ដែលមិនមានប្រើប្រាស់សារធាតុគីមី និងតម្លៃធូរថ្លៃ ដែលភ្ញៀវទេសចរអាចទទួលយកបាន។

ដោយឡែក សម្រាប់អាជីវករដែលលក់បន្តបន្លែធម្មជាតិគ្រប់មុខ លោក ព្រឿង សារ៉ម វិញ  បានលើកឡើងឱ្យដឹងថា សម្រាប់បន្លែដែលលោកលក់ប្រចាំថ្ងៃលើទីផ្សារ គឺគាត់ទទួលទិញតែពីកសិករដាំបន្លែធម្មជាតិនៅក្នុងខេត្តមណ្ឌលគិរីប៉ុណ្ណោះ ហើយសម្រាប់បន្លែនាំចូលពីប្រទេសក្រៅ គឺគាត់មិនទទួលទិញលក់បន្ដនោះឡើយ។ នេះ ព្រោះគាត់គិតថា ទាំងអតិថិជនដែលទិញយកទៅបរិភោគ និងរូបគាត់ផ្ទាល់ ត្រូវការបន្លែដែលមានសារជាតិគីមី ដែលមិនធ្វើឱ្យប៉ះពាល់ដល់សុខភាព។ចំណែក លោក ឡាង សេងហ៊ង​ ដែលជាម្ចាស់ក្រុមហ៊ុន ផ្សាកូនកាំបិត នៅរាជធានីភ្នំពេញ បានអះអាងថា សម្រាប់ក្រុមហ៊ុនលោកបានទទួលទិញបន្លែធម្មជាតិពីកសិករនៅខេត្តមណ្ឌលគិរីជាប្រចាំ ប៉ុន្តែ បើសិនជានៅថ្ងៃខាងមុខ មានទីផ្សារដំណើកាល្អ អតិថិជនមានការគាំទ្រច្រើន លោកក៏នឹងគ្រោងទទួលទិញពីកសិករផ្សេងទៀតដែលទើបតែបានប្រកបអាជីវកម្មដាំបន្លែធម្មជាតិនេះ។

លោក សុង ឃាង ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី បានប្រាប់សារព័ត៌មាន កម្ពុជាថ្មី ថា ដំណាំស្ពៃក្តោបបានដាំដុះបានចំនួន១៤ហិកតា ក្នុងនោះ ក្រុងសែនមនោរម្យ មាន៨ហិកតា។  ចំពោះស្ពៃក្តោបប្រមូលផលភាគច្រើន លក់ទៅកាន់ទីផ្សាបោះដុំបន្លែនៅភ្នំពេញ និងតាមបណ្តាខេត្តផ្សេងៗ។ ក្នុងនោះ សហគមន៍សាមគ្គីមនោរម្យ បានធ្វើផលិតកម្មតាមកិច្ចសន្យាជាមួយក្រុមហ៊ុនមាសប៉ៃតង និងក្រុមហ៊ុនផ្សេងទៀត ដើម្បីពង្រឹងបច្ចេកទេសដល់កសិករ បង្កើនគុណភាព និងចូលរួមផ្តល់នូវសុវត្ថិភាពបន្លែ។ មន្ទីរកសិកម្ម រុក្ខាប្រមាញ់ និងនេសាទខេត្តមណ្ឌលគិរី បានបើកវគ្គបណ្តុះបណ្តាលផ្សេងៗ ដើម្បីពង្រឹងបច្ចេកទេស ​និងចុះផ្តល់ប្រឹក្សាបច្ចេកទេសនៅតាមគ្រួសារកសិករ ព្រមទាំងផ្តល់ធាតុចូលសំខាន់ៗថែមទៀតផង៕

ដោយ៖ រៀម សុខហេង

The post កសិករដាំបន្លែគ្រប់មុខនៅខេត្តមណ្ឌលគិរីកំពុងតែកាក់កបខ្លាំងនៅមុនបុណ្យចូលឆ្នាំចិន វៀតណាម មកដល់នាសប្តាហ៍ក្រោយនេះ appeared first on Kampuchea Thmey Daily.

កញ្ញា ង៉ែត ច័ន្ទថារី តំណាងសហគមន៍កសិកម្មទំនើបស្រុកត្រាំកក់ ខេត្តតាកែវ បានឱ្យដឹងថា បន្លែចម្រុះទាំង ៤ ប្រភេទ រួមមានស្ពៃក្រញាញ់ ស្ពៃតឿ ស្ពៃចង្កឹះ និងសាឡាត់ ចាប់ផ្ដើម​ចែក​ចាយ​នៅរាជធានីភ្នំពេញក្នុងទ្រង់ទ្រាយធំ ក្នុងតម្លៃ ២៥០០ រៀល ក្នុងមួយគីឡូក្រាម។

បន្លែចម្រុះរបស់កសិករនៅស្រុកត្រាំកក់ ដែលផលិត​ក្រោម​ឆ័ត្រ «សហគមន៍​កសិកម្មទំនើប» អាច​ប្រមូលផលបានប្រមាណ ៥ តោនក្នុងមួយថ្ងៃ។

ក្រុមហ៊ុន Kerry Worldbridge Logistics និងក្រុមហ៊ុនមួយចំនួនទៀត​សហការជា​មួយ​សហគមន៍ ក្នុងការដឹកជញ្ជូន​មកដល់​រាជ​ធានីភ្នំពេញ ហើយសម្រាប់អ្នកចង់ទិញអាចប្រាប់​ទីតាំងនោះក្រុមហ៊ុន​នឹងដឹក​ដល់​ទី​តាំង​។

លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទមានប្រសាសន៍កាលពីពេលថ្មីៗនេះថា សកម្មភាពដាំដុះទាំងអស់​នៅ​កម្ពុជា ជាការផ្ដល់ឱកាស​បង្កើត​​ប្រាក់ចំណូលដល់ប្រជាពលរដ្ឋ ខណៈលោក សង្ឃឹមថា រដ្ឋាភិបាលអាចប្រែក្លាយ​មុខរបរ​ដាំបន្លែទៅជាមុខរបរមួយដែលផ្ដល់ប្រាក់ចំណេញ​ខាងផ្នែកសេដ្ឋកិច្ច​ដល់ប្រជាពលរដ្ឋ ហើយនឹង​បង្ករ​​បរិយាកាសឱ្យមានភាពច្បាស់លាស់មួយ​តាមរយៈ​ការចងក្រងជា​សហគមន៍​កសិកម្មទំនើប ដើម្បីឱ្យអ្នកដែលផលិតលក្ខណៈគ្រួសារ អាច​មាន​លទ្ធភាពប្រកួតប្រជែង​ជាមួយ​អ្នកធ្វើ​ទ្រង់ទ្រាយ​ធំ ជាពិសេសអាចប្រកួតប្រជែង​ជាមួយ​បន្លែនាំចូល។

លោក ឃឹម ហ្វីណង់ បានអះអាងថា បញ្ហាប្រឈមធំជាងគេមួយនៅក្នុង​អនុវិស័យដាំដុះ​បន្លែនៅកម្ពុជា ដែលធ្វើឱ្យយើងនៅតែពឹងផ្អែកលើការនាំចូល គឺស្ថិរភាពនៃការផ្គត់ផ្គង់ មិនមែន​ទីផ្សារ​នោះទេ។

លោក ឃឹម ហ្វីណង់ បញ្ជាក់ថា តម្រូវការមានច្រើន ព្រោះអ្នកណាក៏ទទួលទានបន្លែដែរ ហើយទទួលទានជារៀងរាល់ថ្ងៃចំណែកឯការគាំទ្របន្លែដាំក្នុងស្រុកក៏កំពុងតែក្លាយទៅជាចលនាយ៉ាងផុសផុលផងដែរ ខណៈដីក៏មានច្រើនសម្រាប់ផលិតកម្មបន្លែ ហើយអ្នកដាំបន្លែក៏សម្បូរថែមទៀត។

បើតាមលោក ឃឹម ហ្វីណង់៖ «អ្វីដែលយើងនៅចាញ់គេគឺកសិកររបស់យើងនៅផលិតក្នុងខ្នាតតូចៗ ជាលក្ខណៈគ្រួសារនៅឡើយ ដែលជាហេតុធ្វើឱ្យថ្លៃដើមផលិតយើងខ្ពស់ គុណភាពយើងមិនមានស្តង់ដាតែមួយ ហើយពិតជាពិបាកក្នុងការសម្របសម្រួលកាលវិភាគផលិតកម្ម»។

លោក ឃឹម ហ្វីណង់ បញ្ជាក់ថា ពេលខ្លះ បន្លែសម្បូរខ្លាំងមែនទែន ជាពិសេសរដូវងាយស្រួលដាំ រហូតដល់រុញឱ្យការផ្គត់ផ្គង់ហក់ឡើងលើសពីតម្រូវការទីផ្សារ ហើយទាញឱ្យថ្លៃធ្លាក់ចុះទៅវិញ។ តែរដូវខ្លះវិញ យើងមិនមានអ្នកដាំទាល់​តែសោះ ដែលជាហេតុធ្វើឱ្យថ្លៃកើនឡើងខ្ពស់ និងបើកផ្លូវឱ្យបន្លែនាំចូលអាចប្រកួតប្រជែងនិងគ្រប់គ្រងទីផ្សារបាន។ តែបើចង់ផលិតបន្លែនៅរដូវក្តៅ ឬរដូវភ្លៀង ទាមទារឱ្យធ្វើផលិតកម្មក្នុងផ្ទះសំណាញ់ ដែលតម្រូវឱ្យមានបច្ចេកទេសខ្ពស់ មានផែនការកាលវិភាគដាំដុះឱ្យបានត្រឹមត្រូវ និងទុនវិនិយោគច្រើន សុទ្ធសឹងតែជាបញ្ហាលំបាកសម្រាប់កសិករខ្នាតតូច ដែលដាំដុះជាលក្ខណៈគ្រួសារ។

លោក ឃឹម ហ្វីណង់បញ្ជាក់ថា ហេតុដូច្នេះហើយទើបរាជរដ្ឋាភិបាលអាណត្តិទី៧នេះ តាមរយៈក្រសួងកសិកម្មជាសេនាធិការ យកចិត្តទុកដាក់ក្នុងការជំរុញផលិតកម្មក្រោមយន្តការសហគមន៍កសិកម្មទំនើបវិញ ដើម្បីបង្កើតសមត្ថភាពប្រកួតប្រជែងរបស់កសិកម្មកម្ពុជា ផលិតប្រកបដោយស្តង់ដាគុណភាពច្បាស់លាស់ ក្នុងវិសាលភាពមួយដែលមានសេដ្ឋកិច្ចមាត្រដ្ឋានខ្ពស់ ដែលធ្វើឱ្យថ្លៃដើមផលិតទាប និងបរិមាណផ្គត់ផ្គង់មានស្ថេរភាព ហើយក្រសួងនឹងជួយគាំទ្រគ្រប់រូបភាព ទាំងបច្ចេកទេស ទីផ្សារ និងដើមទុនកម្ចីការប្រាក់ទាប។ ធ្វើបែបនេះបាន យើងនឹងអាចកាត់បន្ថយការធ្លុះធ្លាយខាងផ្នែកសេដ្ឋកិច្ច និងជំនួសឱ្យការនាំចូលបន្លែបណ្តើរៗបានហើយ៕

អត្ថបទ៖ ឡេង ដេត

The post បន្លែសហគមន៍កសិកម្មទំនើបចាប់ផ្ដើមដាក់លក់ក្នុងទំហំធំ នៅរាជធានីភ្នំពេញ appeared first on Kampuchea Thmey Daily.

លោក ឃឹម ហ្វីណង់ បញ្ជាក់ថា តម្រូវការមានច្រើន ព្រោះអ្នកណាក៏ទទួលទានបន្លែដែរ ហើយទទួលទានជារៀងរាល់ថ្ងៃចំណែកឯការគាំទ្របន្លែដាំក្នុងស្រុកក៏កំពុងតែក្លាយទៅជាចលនាយ៉ាងផុសផុលផងដែរ ខណៈដីក៏មានច្រើនសម្រាប់ផលិតកម្មបន្លែ ហើយអ្នកដាំបន្លែក៏សម្បូរថែមទៀត។

បើតាមលោក ឃឹម ហ្វីណង់៖ «អ្វីដែលយើងនៅចាញ់គេគឺកសិកររបស់យើងនៅផលិតក្នុងខ្នាតតូចៗ ជាលក្ខណៈគ្រួសារនៅឡើយ ដែលជាហេតុធ្វើឱ្យថ្លៃដើមផលិតយើងខ្ពស់ គុណភាពយើងមិនមានស្តង់ដាតែមួយ ហើយពិតជាពិបាកក្នុងការសម្របសម្រួលកាលវិភាគផលិតកម្ម»។

លោក ឃឹម ហ្វីណង់ បញ្ជាក់ថា ពេលខ្លះ បន្លែសម្បូរខ្លាំងមែនទែន ជាពិសេសរដូវងាយស្រួលដាំ រហូតដល់រុញឱ្យការផ្គត់ផ្គង់ហក់ឡើងលើសពីតម្រូវការទីផ្សារ ហើយទាញឱ្យថ្លៃធ្លាក់ចុះទៅវិញ។ តែរដូវខ្លះវិញ យើងមិនមានអ្នកដាំទាល់តែសោះ ដែលជាហេតុធ្វើឱ្យថ្លៃកើនឡើងខ្ពស់ និងបើកផ្លូវឱ្យបន្លែនាំចូលអាចប្រកួតប្រជែងនិងគ្រប់គ្រងទីផ្សារបាន។ តែបើចង់ផលិតបន្លែនៅរដូវក្តៅ ឬរដូវភ្លៀង ទាមទារឱ្យធ្វើផលិតកម្មក្នុងផ្ទះសំណាញ់ ដែលតម្រូវឱ្យមានបច្ចេកទេសខ្ពស់ មានផែនការកាលវិភាគដាំដុះឱ្យបានត្រឹមត្រូវ និងទុនវិនិយោគច្រើន សុទ្ធសឹងតែជាបញ្ហាលំបាកសម្រាប់កសិករខ្នាតតូច ដែលដាំដុះជាលក្ខណៈគ្រួសារ។

លោក ឃឹម ហ្វីណង់បញ្ជាក់ថា ហេតុដូច្នេះហើយទើបរាជរដ្ឋាភិបាលអាណត្តិទី៧នេះ តាមរយៈក្រសួងកសិកម្មជាសេនាធិការ យកចិត្តទុកដាក់ក្នុងការជំរុញផលិតកម្មក្រោមយន្តការសហគមន៍កសិកម្មទំនើបវិញ ដើម្បីបង្កើតសមត្ថភាពប្រកួតប្រជែងរបស់កសិកម្មកម្ពុជា ផលិតប្រកបដោយស្តង់ដាគុណភាពច្បាស់លាស់ ក្នុងវិសាលភាពមួយដែលមានសេដ្ឋកិច្ចមាត្រដ្ឋានខ្ពស់ ដែលធ្វើឱ្យថ្លៃដើមផលិតទាប និងបរិមាណផ្គត់ផ្គង់មានស្ថេរភាព ហើយក្រសួងនឹងជួយគាំទ្រគ្រប់រូបភាព ទាំងបច្ចេកទេស ទីផ្សារ និងដើមទុនកម្ចីការប្រាក់ទាប។ ធ្វើបែបនេះបាន យើងនឹងអាចកាត់បន្ថយការធ្លុះធ្លាយខាងផ្នែកសេដ្ឋកិច្ច និងជំនួសឱ្យការនាំចូលបន្លែបណ្តើរៗបានហើយ៕

The post លោក ឃឹម ហ្វីណង់៖ បញ្ហាក្នុងវិស័យដាំដុះបន្លែ គឺស្ថិរភាពនៃការផ្គត់ផ្គង់ មិនមែនទីផ្សារ appeared first on Kampuchea Thmey Daily.

បន្លែចម្រុះទាំង ៤ ប្រភេទ រួមមានស្ពៃក្រញាញ់ ស្ពៃតឿ ស្ពៃចង្កឹះ និងខាត់ណាដើម។

លោក ឃឹម ហ្វីណង់ បញ្ជាក់ថា៖ «យើងចាប់ផ្ដើមមានលក់បណ្ដើរៗហើយ ក្នុងទំហំតូច ប៉ុន្តែទ្រង់​ទ្រាយ​ធំ នឹងមាននៅក្នុងសប្ដាហ៍ទី៣ ខែកញ្ញានេះ»។

លោក ឃឹម ហ្វីណង់ បានអះអាងថា សកម្មភាពដាំដុះទាំងអស់នៅកម្ពុជា ជាការផ្ដល់ឱកាស​បង្កើត​​ប្រាក់ចំណូលដល់ប្រជាពលរដ្ឋ ខណៈលោក សង្ឃឹមថា រដ្ឋាភិបាលអាចប្រែក្លាយមុខរបរ​ដាំបន្លែទៅជាមុខរបរមួយដែលផ្ដល់ប្រាក់ចំណេញខាងផ្នែកសេដ្ឋកិច្ចដល់ប្រជាពលរដ្ឋ ហើយនឹង​បង្ករ​​បរិយាកាសឱ្យមានភាពច្បាស់លាស់មួយតាមរយៈ​ការចងក្រងជា​សហគមន៍​កសិកម្មទំនើប ដើម្បីឱ្យអ្នកដែលផលិតលក្ខណៈគ្រួសារ អាចមានលទ្ធភាពប្រកួតប្រជែង​ជាមួយ​អ្នកធ្វើ​ទ្រង់ទ្រាយ​ធំ ជាពិសេសអាចប្រកួតប្រជែងជាមួយបន្ថែនាំចូល។

បន្លែចម្រុះរបស់កសិករនៅស្រុកត្រាំកក់ ដែលផលិត​ក្រោម​ឆ័ត្រ «សហគមន៍​កសិកម្មទំនើប» បានចាប់ផ្ដើមលក់ចែកចាយនៅរាជ​ធានីភ្នំពេញ​​ក្នុងម្លៃ ២ ៥០០ រៀលក្នុង​មួយគីឡូក្រាម។

ក្រុមហ៊ុន Kerry Worldbridge Logistics សហការជាមួយសហគមន៍ ក្នុងការដឹកជញ្ជូន​មកដល់​រាជ​ធានីភ្នំពេញ ហើយសម្រាប់អ្នកចង់ទិញអាចប្រាប់ទីតាំងនោះក្រុមហ៊ុននឹងដឹកដល់ទីតាំង៕

អត្ថបទ៖ ឡេង ដេត

The post បន្លែពីសហគមន៍កសិកម្មទំនើប ចាប់ផ្ដើមលក់នៅរាជធានីភ្នំពេញ appeared first on Kampuchea Thmey Daily.

លោក ឃឹម ហ្វីណង់ថ្លែងថា៖ «សប្តាហ៍ក្រោយ កូនបន្លែទាំងនេះនឹង​អាចផ្ទេរយក​ទៅដាំនៅ​តាមរោងផ្ទះ​សំណាញ់ធំៗទាំង​១៥០ខ្នងបានហើយ។ ១ថ្ងៃដាំ៤មុខ ១មុខ១រោង ពេលប្រមូល​ផល​ដំបូងនៅចុងខែនេះ សហគមន៍នឹងអាចកាត់បន្លែលក់ក្នុងវិសាល​ភាពប្រហែល​៣តោន ជារៀងរាល់ថ្ងៃ។

លោក ឃឹម ហ្វីណង់ បញ្ជាក់ថា នេះជាការចាប់ផ្តើមដំបូង ហើយការងារ​ត្រូវធ្វើដំណើរវែងឆ្ងាយ​ជាមួយបងប្អូនកសិករ តែក៏ត្រូវធានាឱ្យបានថា​ការចាប់ផ្តើមដំបូង​នេះជោគជ័យផងដែរ ដើម្បីជាគ្រឹះ​ដល់ផែនការពង្រីកនាពេលអនាគត។

លោក ឃឹម ហ្វីណង់ បានប្រាប់ថា បន្លែចម្រុះរបស់កសិករនៅស្រុកត្រាំកក់ មាន៤ប្រភេទ​ផ្សេងគ្នា ដែលផលិត​ក្រោម​ឆ័ត្រ «សហគមន៍​កសិកម្មទំនើប» នឹងត្រូវដាក់លក់ចែកចាយ ផ្ទាល់នៅរាជ​ធានីភ្នំពេញ​​ជារៀង​រាល់ថ្ងៃ​ក្នុងម្លៃ ២ ៥០០ រៀលក្នុង​មួយគីឡូក្រាម។

ក្រុមហ៊ុន Kerry Worldbridge Logistics សហការជាមួយសហគមន៍ ក្នុងការដឹកជញ្ជូន​មកដល់​រាជ​ធានីភ្នំពេញ ហើយសម្រាប់អ្នកចង់ទិញអាចប្រាប់ទីតាំងនោះក្រុមហ៊ុននឹងដឹកដល់ទីតាំង៕

អត្ថបទ៖ ឡេង ដេត

The post បន្លែសហគមន៍កសិកម្មទំនើប អាចប្រមូលផលលើកដំបូងឆាប់ៗនេះ appeared first on Kampuchea Thmey Daily.

ក្រុមហ៊ុន Kerry Worldbridge Logistics សហការជាមួយសហគមន៍ ក្នុងការដឹកជញ្ជូន​មកដល់​រាជ​ធានីភ្នំពេញ ហើយសម្រាប់អ្នកចង់ទិញអាចប្រាប់ទីតាំងនោះក្រុមហ៊ុននឹងដឹកដល់ទីតាំង។ លោក ឃឹម ហ្វីណង់ បានបញ្ជាក់ថា ការផ្គត់ផ្គង់បន្លែចម្រុះនឹងចាប់ផ្ដើមនៅខែសីហាខាងមុខនេះ ក្នុងទំហំប្រមាណពី ២ ទៅ ៣ តោន ក្នុងមួយថ្ងៃ។

លោក ឃឹម ហ្វីណង់ បានអះអាងថា ការចងក្រងជាសហគមន៍កសិកម្មទំនើប នឹងអាចការ​ប្រកួត​ប្រជែងជាមួយបន្លែនាំចូលដោយមិនបាច់បិទការនាំចូល ខណៈដំណាំមាន​ប្រភពច្បាស់លាស់ មិនបន្លំ ដាំដោយខ្មែរ គុណភាពល្អជាង និងមានលក់គ្រប់រដូវមិនចេះដាច់។

អ្នកនាំពាក្យរូបនេះ បញ្ជាក់ថា សហគមន៍កសិកម្មទំនើបគឺជារនាំងពិតប្រាកដ និងយូរអង្វែង តាមរយៈ​ការធ្វើឱ្យកសិករខ្លាំង ទោះបីមានការនាំចូលក៏ប្រជែងមិនឈ្នះបន្លែក្នុងស្រុក ខណៈតម្លៃ​លក់​ដូចបន្លែនាំចូល។

រាជរដ្ឋាភិបាលបានដាក់ចេញគោលនយោបាយការអភិវឌ្ឍសហគមន៍កសិកម្មទំនើប ក្នុងការ​អនុវត្តផលិតកម្មកសិកម្មរួមគ្នាក្នុងទ្រង់ទ្រាយធំនៅក្នុងវិស័យកសិកម្ម និងមានគោល​បំណង​ប្រែក្លាយវិស័យកសិកម្មកម្ពុជាពីលក្ខណៈគ្រួសារឱ្យទៅជាសហគ្រាស​សេដ្ឋកិច្ចក​សិកម្មដ៏រឹងមាំ។

កម្មវិធីគោលនយោបាយនេះ ត្រូវបានរំពឹងទុកថា នឹងជួយលើកកម្ពស់​កម្រិត​ជីវភាពប្រជាកសិករ ក៏ដូចជានឹងបង្កើនប្រសិទ្ធភាពផលិតកម្មប្រកប​ដោយភាតរបរិស្ថាន និងចីរភាព៕

អត្ថបទ៖ ឡេង ដេត

The post បន្លែក្រោមឆ័ត្រ «សហគមន៍កសិកម្មទំនើប» ត្រៀមចាក់ចូលទីផ្សារភ្នំពេញ ៣ តោន ក្នុងមួយថ្ងៃ appeared first on Kampuchea Thmey Daily.