កាសែត Tien Phong បានរាយការណ៍ថា Engfa បានចែករំលែកនៅក្នុងបទសម្ភាសន៍ជាមួយសារព័ត៌មានថៃ Khaosod ថា​ នាងធ្លាប់សរសើរ Thae Su Nyein ដែលជាបវរកញ្ញាវ័យ១៧ឆ្នាំ សម្រាប់ភាពស្រស់ស្អាត ទេពកោសល្យ និងការសម្តែងដ៏គួរឲ្យចាប់អារម្មណ៍នៅក្នុងការប្រកួតឆ្នាំនេះ ទោះបីជានាងនៅក្មេងក៏ដោយ។

ម្ចាស់មកុដ MGT ឆ្នាំ២០២២រូបនេះបាននិយាយថា ទោះបីជាយ៉ាងណាក៏ដោយ អាកប្បកិរិយារបស់ Thae ក្នុងអំឡុងពេលយប់ចុងក្រោយ និងរបៀបដែលនាង និងក្រុមរបស់នាងបានគ្រប់គ្រងស្ថានការណ៍នៅឯការប្រលង MGI ឆ្នាំ ២០២៤ ប្រែជាធ្វើឲ្យនាងខកចិត្តយ៉ាងខ្លាំង។

Engfa បាននិយាយថា “ខ្ញុំបានទស្សន៍ទាយថា​ តំណាងរបស់មីយ៉ាន់ម៉ា នឹងជាប់ចំណាត់ថ្នាក់កំពូលទាំង៣ ដោយសារតែរូបរាងរបស់នាង ។ ដូច្នេះហើយ សកម្មភាពរបស់ក្រុម Miss Grand Myanmar បានធ្វើឲ្យខ្ញុំភ្ញាក់ផ្អើល​ ជាមួយនឹងកង្វះវិជ្ជាជីវៈរបស់ពួកគេក្នុងការដោះស្រាយបញ្ហា”។

កាលពីថ្ងៃទី ២៦ ខែតុលា ក្នុងពិធីមង្គលការរបស់ MGI នៅទីក្រុងបាងកក Thae Su Nyein ត្រូវបានប្រកាសថាជាអ្នកជាប់ចំណាត់លំដាប់រងលេខ២ តំណាង​ហ្វីលីពីន​ទទួល​បាន​តំណែង​លេខ​រៀង​ទី​១ ខណៈ Rachel Gupta របស់​ឥណ្ឌា ​ទទួល​បាន​ជ័យលាភីជាម្ចាស់មកុដ។ បន្ទាប់ពីការប្រកាសនេះ Thae និងក្រុមការងារបានចាកចេញពីព្រឹត្តិការណ៍ទាំងទឹកភ្នែក ហើយមិនបានចូលរួមក្នុងសកម្មភាពកំពូលទាំងប្រាំនោះទេ។

មិនត្រឹមតែប៉ុណ្ណឹងនោះទេ​​ Engfa បានកត់សម្គាល់ទៀតថា ខណៈពេលដែលគេអាចយល់បានក្នុងគោលបំណងដើម្បីដណ្តើមបានតំណែងខ្ពស់បំផុតនៅក្នុងកម្មវិធីប្រកួតសម្រស់ បេក្ខនារីត្រូវតែត្រៀមខ្លួនទទួលយកលទ្ធផលប្រកបដោយភាពថ្លៃថ្នូរ និងបង្ហាញភាពចាស់ទុំនៅពេលដែលលទ្ធផលមិនស្របតាមការរំពឹងទុករបស់ពួកគេ។​ នាង​បាន​បន្ថែម​ថា ថៃ​មិន​ដែល​ឈ្នះ​ពាន​ខ្ពស់​ជាង​គេ​នៅ MGI ទេ ទោះ​ជា​ប្រទេស​ម្ចាស់​ផ្ទះ​ក៏​ដោយ ហើយ​តែង​តែ​ទទួល​យក​លទ្ធផល​ទាំង​អស់​ចិត្ត។

Engfa​ ក៏បានបញ្ជាក់ដែរថា ប្រធាន MGI លោក Nawat Itsaragrisil ទំនងជាទទួលស្គាល់សក្តានុពលរបស់ Thae និងផ្តល់រង្វាន់ដល់នាងក្នុងតំណែងជាជើងឯករងទីពីរ ប៉ុន្តែ Thae ខកខានមិនបានប្រើឱកាសឲ្យអស់ពីសមត្ថភាព។ យ៉ាងណានាងក៏ក្តីសង្ឃឹមថា Thae នឹងទទួលស្គាល់កំហុសរបស់នាងជាយថាហេតុ៕

អត្ថបទ៖ សាង ស្រីល័ក្ខ

ចុចអាន៖ប្រធាន MGI ទម្លាយ​ប្រាក់​ចំណូល​ពី​ការ​បោះឆ្នោត​បេក្ខនារីឆ្នាំនេះច្រើនខ្លាំង ដោយមិនបាច់លក់មកុដ

The post Engfa ខកចិត្ត​ចំពោះ​ទង្វើ​របស់​តំណាង ​មីយ៉ាន់ម៉ា ​ក្នុង​ការ​ប្រកួត​វគ្គ​ផ្តាច់ព្រ័ត្រ MGI appeared first on Kampuchea Thmey Daily.

ក្រោយមក Engfa ស្រាប់តែចេញមុខបកស្រាយជុំវិញបញ្ហា​នូវសំណួរសួរថា ឈ្លោះគ្នាទេ? នាងបានតបតវិញថា “វាមិនមែនជាការឈ្លោះប្រកែកគ្នាទេ! យើង​គ្រាន់​តែ​មិន​បាន​និយាយ​ដោយ​ចំហ​អំពី​អ្វី​ដែល​បាន​កើត​ឡើង។ បើ​នាង​មិន​និយាយ ខ្ញុំ​ក៏​មិន​និយាយ​ដែរ! យើងមិនដឹងថាអ្វីជាបញ្ហាចម្បងនោះទេ។ មុន​មក​ធ្វើ​ការ​ថ្ងៃ​នេះ យើង​បាន​និយាយ​រួច​ហើយ ហើយ​ទីបំផុត​រក​ឃើញ​ចំណុច​កណ្តាល តើយើងគួរធ្វើការ ឬរស់នៅជាមួយគ្នាដោយរបៀបណា”?

ទោះបីជាយ៉ាងណា មហាជននៅតែមានចំងល់ជាខ្លាំងពាក់ព័ន្ធនឹងចំណងមិត្តភាពរបស់អ្នកទាំងពីរក​ន្លងមកធ្លាប់តែស្និតស្នាលនឹងគ្នាលើសពីបងប្អូន។ ប៉ុន្តែមួយរយៈក្រោយមកនេះ នាងស្រាប់តែស្ងប់ស្ងាត់មិនសូវ​បង្ហាញមុខជាមួយគ្នាដែលអាចជាការឈ្លោះប្រកែកគ្នាពិតមែន ខណៈដែលលោក Nawat ស្ថាបនិក Miss Grand Thailand ក៏បង្ហោះសារប្លែកទម្លាយតារាស្រីដែលលោកខំជួយតែបែរមានអំនួតពេលបានល្បីល្បាញ។

យ៉ាងណាក៏ដោយ​ ម្ចាស់ជយលាភីលេខ១ Miss Grand Thailand 2022 នៅតែឆ្លើយតបដដែលៗពាក់ព័ន្ធនឹងសំណួរសួរថា នាងនិងមិត្តរួមអាជីព Charlotte Austin ពិតជាមានជម្លោះនឹងគ្នាពិត? បវរកញ្ញារូបនេះបានឆ្លើយបវិញថា រឿងជម្លោះនាងសុំមិននិយាយអ្វីទាំងអស់។​ តែបើរឿងការងារ​​ នាងនៅតែធ្វើនិងរវល់ដូចពីមុនដដែលទេ។

គួរបញ្ចាក់ដែរថា Engfa Waraha បានសម្រេចចាប់ដៃគូទាំងអាជីពនិងជំនួញជាមួយ Charlotte Austin ហើយក្លាយជាអ្នកកាន់កាប់ភាគហ៊ុនក្នុងកម្មវិធី Miss Grand ស្របពេលដែលអ្នកទាំងពីរក៏ជារាជិនីសម្រស់ដំបូងគេរបស់ប្រទេសថៃស្ថិតនៅក្នុង TOP10 ផងដែរ។ ចំណែកឯរឿងរ៉ាវនៃការឈ្លោះទាស់ទែងគ្នារវាងគូនេះ ទស្សនិកជនមានតែរង់ចាំទៅថ្ងៃខាងមុខថា តើជាការពិតដូចពាក្យចាចាមអារ៉ាមដែរឬទេ?

អត្ថបទ៖ សាង ស្រីល័ក្ខ

ចុចអាន៖ផលិតកម្ម SM បន្តប្តឹងសមាជិក EXO ៣ រូប ទាមទារឲ្យបង់ប្រាក់តាមកាលកំណត់

The post ធ្លាយចចាមអារ៉ាមថាបវរកញ្ញា Engfa និង Charlotte ឈ្លោះគ្នាបែកផ្សែង appeared first on Kampuchea Thmey Daily.

នៅលើប្រព័ន្ធផ្សព្វផ្សាយសង្គម​ មហាជនថៃជាច្រើននាក់បានសម្រុកចែកចាយនិងបង្កើតខ្លឹមសារដែលនាងប្រមាថព្រះពុទ្ធសាសនា រហូត​ក្លាយ​ជា​រឿង​ក្ដៅ​គគុក ដោយម្នាក់ៗបានលើក​ឡើង​ឈ្មោះ​ខេត្ត​​ ខណៈដែលម្ចាស់មកុដ Miss Grand Roi Et 2024 ថតវីដេអូលើកដៃសុំទោសសង្គម ក្រោយនាងព្រហើនហ៊ាន​ស្លៀកពាក់​ជា​ព្រះសង្ឃ​ទៅ​ចូលរួម​ពិធី​ខួបកំណើត​របស់អតីតម្ចាស់មកុដ ​Engfa Waraha។

ត្រលប់ទៅថ្ងៃទី ១៨ ខែកុម្ភៈឆ្នាំ ២០២៤ ទំព័រហ្វេសប៊ុក Busy x Beauty Queen បានបង្ហោះរូបភាពរបស់​នាងស្លៀកស្បង់ជីពរដែលមានពណ៌ស្រដៀងនឹងព្រះសង្ឃ ទន្ទឹមនឹងនេះនៅក្នុងដៃរបស់នាងធ្វើកាយវិការសូត្រធម៌ហើយព្រមតាំងបញ្ចេញខេបសិនថា “ស្លៀក​វា​ហើយ​មាន​កម្លាំងព្រើស Miss Grand Roi Et ចូលរួមកម្មវិធីខួបកំណើត Engfa”។

ទោះយ៉ាងណាក៏ដោយ បន្ទាប់​ពី​រូប​ភាពប៉ុន្មានសន្លឹក​និងឃ្លិបវីដេអូ​ត្រូវ​បាន​គេ​បញ្ចេញ​ជាសាធារណៈ នាងបែរជាត្រូវគេ​រិះគន់​យ៉ាង​ខ្លាំង​ចំពោះ​អាកប្បកិរិយា​របស់នាង ដែល​ភាគ​ច្រើន​ចាត់​ទុក​ថា​ជា​រឿង​មិន​ស័ក្តិសម​ជា​ខ្លាំង។ បើ​ទោះ​ជា​ធ្វើ​ដោយ​គ្មាន​កំហុស ប៉ុន្តែ​ត្រូវ​បាន​គេ​ចាត់​ទុក​ថា​ ជា​ការ​ប្រមាថ​ព្រះ​ពុទ្ធ​សាសនា​ដែល​ប្រជាជន​ថៃ​ភាគ​ច្រើន​បានគោរពយ៉ាងច្រើនលើសលប់។

ដោយឡែក កាលពីទី២២ ខែកុម្ភៈ Tik Tok channel ch7hd_news បានបង្ហាញឃ្លិបមួយរបស់នាងបានធ្វើការសុំទោសយ៉ាងជ្រាលជ្រៅ ចំពោះបងប្អូនប្រុសស្រីនៅខេត្ត Roi Et និងមហាជនផ្សេងទៀត ចំពោះ​អំពើ​ខុស​ឆ្គង​ដែល​នាំ​ឲ្យ​ខូច​កេរ្តិ៍ឈ្មោះ និងការមិនពេញចិត្តចំពោះមនុស្សគ្រប់គ្នា។ ទោះ​បី​ជា​យ៉ាង​ណា នាងបានសុំ​ឲ្យរឿង​នេះ​ជា​ករណី​សិក្សា​សម្រាប់​នាង សម្រាប់ការប្រើប្រាស់ការគិត និងការវិនិច្ឆ័យក្នុងការបង្កើតមាតិកាបន្ថែមទៀតនាពេលអនាគផងដែរ។

នៅចុងបញ្ចប់នៃឃ្លិប បវរកញ្ញារូបនេះសុំទោសមនុស្សចាស់ព្រឹត្តិចារ្យ ហើយចង់ទទួលយកការបង្រៀន ការព្រមានពីមនុស្សគ្រប់គ្នា ព្រោះ​​នាង​មាន​បំណង​ចូល​រួម​ប្រកួត​ប្រជែង​ក្នុង​កម្មវិធី Miss Grand មានការតាំងចិត្តខ្ពស់ក្នុងការកសាងកេរ្តិ៍ឈ្មោះ ជូនប្រជាពលរដ្ឋក្នុងខេត្ត Roi Et ហើយខ្លួន​សន្យា​ថា​​ រឿង​បែប​នេះ​នឹង​មិន​កើត​ឡើង​ជាថ្មីម្ដងទៀត​ទេ៕

អត្ថបទ៖ សាង ស្រីល័ក្ខ

ចុចអាន៖​អតីតម្ចាស់មកុដ Thuy Tien ព្រលយថា ចង់​រៀប​ការ​ ក្រោយ​​ឃើញ​​មិត្តសំឡាញ់មានសុភមង្គល

The post Miss Grand ខេត្ត Roi Et ត្រូវប្រជាជនថៃជេរព្រាត ក្រោយស្លៀកស្បង់លោក ទៅខួបកំណើត Engfa appeared first on Kampuchea Thmey Daily.

ក្លឹប​អ្នកគាំទ្រ​របស់​រាជិនី​សម្រស់រូបនេះ បាន​ចំណាយ​លុយ​យ៉ាង​ច្រើន​រៀបចំ​ឲ្យមាន​ការ​ភ្ញាក់​ផ្អើល​ក្នុងការប្រគំតន្ត្រី​របស់នាង និងដើម្បី​អបអរ​ការ​ជោគជ័យ​របស់ Engfa Waraha​ ដោយប្រគល់ដុំមាស និងប្រាក់រាប់លានដល់នាង។

តាមរយៈ ផេកហ្វេសបុករបស់លោក Nawat Issarakraisil បានថតឃ្លិបពីបរិយាកាសក្នុងសាល មុនពេលចាប់ផ្តើមការប្រគំតន្ត្រីរបស់នាង។ ក្នុងនោះអ្នកគាំទ្រ Engfa បាននាំយកអំណោយ រួមមាន ផ្កា តុក្កតា ព្រមទាំងដុំមាស និងសាច់ប្រាក់ រាងជារាងផ្សេងៗគ្នាយ៉ាងអធិកអធម។

ជាមួយគ្នានេះដែរ លោក Nawat Issarakraisil បាន​បង្ហោះ​សារមួយថា “Fans ចំណាយ​ច្រើន​។ សាច់ប្រាក់ជាង ៣លានបាត ជូន Engfa ក្នុងកម្មវិធី The Grand Concert Ing Fah Public 2″។

បន្ថែម​ពី​លើ​នេះ ទំព័រ​ហ្វេ​ស​ប៊ុ​ក​ផ្លូវការ​របស់ Engfa បាន​សរសេររៀបរាប់ដែរថា ដុំមាស១០បាត ទឹកប្រាក់ចំនួន ៣២៦,៣០៣,១៥បាត, ប្រាសាទប្រាក់ ចំនួន ១,០០០,០០០បាត, សរុប ១,៣២៦,៣០៣លានបាត(៣៧,៧០០ដុល្លារ)។ សូមថ្លែងអំណរគុណចំពោះអ្នកគាំទ្រ​ទាំងអស់ដែលជូនអំណោយដុំមាស និងប្រាសាទប្រាក់ P’Fah ។ រាល់ការជូនគឺមានតម្លៃណាស់!អរគុណអ្នកទាំងអស់គ្នាដែលតែងតែគាំទ្រ Engfa ។

យ៉ាងណាមិញ ក្រៅពីប្រាសាទមាស និងប្រាក់ ក៏មានជញ្ជាំងប្រាក់ ស្លាបប្រាក់ និងប្រាក់ដែលបង្កើតជារូបតុក្កតាផ្សេងៗ ដែលមានតម្លៃជាង ៣លានបាតបន្ថែមទៀតដល់បវរកញ្ញា Engfa Waraha ជាការលើកទឹកចិត្តដល់នាងក្នុងព្រឹត្តិការណ៍​មួយនេះ៕

ប្រែសម្រួល៖ សាង ស្រីល័ក្ខ

ចុចអាន៖ទម្រាំក្លាយជាម្ចាស់មកុដ បវរកញ្ញាចក្រវាលថៃឆ្នាំ ២០២៣ Anntonia មានប្រវត្តិប្រកួតច្រើនដង

The post ការប្រគំតន្ត្រី Engfa ម្ដងនេះ អ្នកគាំទ្រជូនអំណោយសុទ្ធតែជាដុំមាស appeared first on Kampuchea Thmey Daily.

តាមរយៈវីដេអូឃ្លិបតែប៉ុន្មាននាទី​នោះ បង្ហាញ​ពី​រូបភាព​នៃ​ជំនួប​រវាង​ឧត្ដមសេនីយ៍ ប្រាវីត និង​លោក Nawat ដែល​ជា​ពិធីករ និង​ជា​អ្នកជំនួញ​ជនជាតិ​ថៃ ក៏ដូចជាធ្វើជា​ស្ថាបនិក​កម្មវិធីប្រលង Miss Grand Thailand និង Miss Grand International ជជែកគ្នាយ៉ាងសប្បាយរីករាយ។ ក្នុងនោះលោកឧត្ដមសេនីយ៍បាន​ស្វាគមន៍​លោក Nawat ហើយនិយាយ​ថា ​នៅ​ពេល​ណា​ថៃនឹងមានតារាស្រីដូច ​Lisa មួយទៀត។

មេដឹកនាំគណបក្ស Palang Pracharath បានលើកឡើងពី​បវរកញ្ញា Engfa Waraha ដែលជាម្ចាស់​ជយលាភី​ក្នុងការប្រកួត Miss Grand Thailand ឆ្នាំ ២០២២ ប្រកបដោយ​ទឹកមុខសប្បាយនិងអារម្មណ៍​ល្អ។ ដោយសង្កេតតាមរយៈទឹកមុខលោកបាន​ផ្តល់​ការលើកទឹកចិត្តដល់ Engfa ហើយ​និយាយ​យ៉ាង​ខ្លីថា “ខ្ញុំជាអ្នកគាំទ្រ Engfa” មកជាយូរហើយ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖លោក ភីថា និងតារាកូរ៉េ Jackson Wang ត្រូវប្រជាជនថៃចាត់ទុកជាផ្កាយសំណាងរឿងលេខឆ្នោត

ចុចអាន៖តើតារា K-pop លោក Jackson ពិតជាត្រូវ ថៃ ជួលឲ្យរើសសំរាមដូចការចុះផ្សាយមែនឬ?

The post មេដឹកនាំគណបក្ស Palang និយាយយ៉ាងខ្លីថា លោកពេញចិត្តខ្លាំងលើបវរកញ្ញា Engfa appeared first on Kampuchea Thmey Daily.

ម្ចាស់​តំណែង​បវរកញ្ញា​ Miss Grand Thailand 2022 និង​ជា​បវរកញ្ញា​រង​លេខ​១ Miss Grand International 2022 បាននិយាយថា ហ្វេនបានចាយប្រាក់ទិញនាឡិកា Rolex អស់ ៣គ្រឿងហើយ សម្រាប់ជាកាដូឲ្យនាងជាបន្តបន្ទាប់។ បន្ទាប់មក​ទៀត​ពិធី​ករ​ក៏​បាន​សួរទៀតថា ​​តើអ្វីជាអំណោយដ៏ធំ​បំផុត​ពីអ្នកគាំទ្រ? Engfa Waraha ឆ្លើយ​ដោយ​មិន​ស្ទាក់ស្ទើរ​សូម្បី​តែ​បន្តិច​ថា​ ជា​ផ្ទះ​ធ្វើឲ្យ​ធ្វើ​ពិធី​ករ​ដល់​ថ្នាក់​សើច​ចុកពោះ ក្រោយដឹង​ថា​​អ្នកគាំទ្រ​ប្រមូល​ផ្តុំ​គ្នាចាយលុយលើនាងច្រើនយ៉ាងនេះ។

ទោះយ៉ាងណា Engfa Waraha ក៏បានបន្ថែមទៀតថា ​អ្នក​គាំទ្រ​តែ​ម្នាក់​គត់​ដែល​ជួយបង់​ថ្លៃ​ផ្ទះ​របស់​នាង បន្ថែម​ពី​លើ​នេះនាងក៏​បាន​លាតត្រដាង​ដែរថា បច្ចុប្បន្ននាង​គ្មាន​ផ្ទះ​នៅ​បាងកក​ទេ។ ប៉ុន្តែកំណត់គោលដៅនៅឆ្នាំក្រោយដើម្បីទិញវាមិនខាន៕

ប្រែសម្រួល៖ សាង ស្រីល័ក្ខ

ចុចអាន៖បវរកញ្ញាថៃ Engfa ទម្លាយថា កុមារភាពរបស់នាងប៊ិះត្រូវគេចាប់រំលោភ

ចុចអាន៖អ្នកដឹកនាំរឿងប៉ុស្តិ៍លេខ ៣ ទម្លាយរូបភាពអតីតកាលរបស់ Kimberly មើលសឹងមិនស្គាល់

The post Engfa ថា តាំងពីក្លាយជាបវរកញ្ញា អ្នកគាំទ្រហ៊ានចាយប្រាក់ទិញវត្ថុផ្គាប់ចិត្តនាងគ្រប់យ៉ាង appeared first on Kampuchea Thmey Daily.

យ៉ាងណាមិញ​ក្រោយ​នាង​និយាយ​ដូច្នេះ ​មនុស្ស​ជា​ច្រើន​មានការ​ភ្ញាក់ផ្អើល​យ៉ាងខ្លាំង ​ហើយក៏មិនគិតថា​បវរកញ្ញា​រូប​នេះ​នឹង​ផ្ដល់​ចម្លើយ​បែបនេះ​ដល់​មហាជន​ឡើយ។ Engfa ក៏បានបន្ថែមទៀតថា នាង​កម្រ​និយាយ​ណាស់! រឿងសំខាន់គឺនាង​ទៅ​សម្ភាសន៍​ច្រើន ហើយត្រូវបានសួរសំណួរដូចគ្នា ដែល​ក្នុង​កម្មវិធី​នេះ Engfa ចង់​ឃើញ​ទិដ្ឋភាព​ផ្សេង​គ្នា។ ដូច្នេះ​នាង​មាន​រឿង​មួយ​ដែល​ចង់​ប្រាប់។ ជា​ឧទាហរណ៍​សម្រាប់​ការ​រស់នៅ​តែ​ម្នាក់ឯង ​ កាលនៅក្នុង​វ័យ​កុមារភាពនាងប៊ិះតែត្រូវគេរំលោភ ប៉ុន្តែ​នាង​បាន​រួចជីវិតនិងមានបញ្ហាណាមួយឡើយ។

បវរកញ្ញា​ Engfa Waraha​ បាននិយាយទៀយថា “មានអ្នក​សុំទានក្បែរផ្ទះ គាត់​ជា​មនុស្ស​ឆ្កួត សូម​ប្រើ​ពាក្យ​ថា​ឆ្កួត។ ព្រោះគាត់ចូលចិត្តនិយាយតែម្នាក់ឯង ហើយតែងតែរវើរវាយជានិច្ច។ ព្រោះ​ធម្មតា​​ម្ដាយ​របស់​ខ្ញុំ ​តែង​ចែក​ម្ហូប​ឲ្យ​គាត់។ យើង​មិន​បាន​គិត​ថា​គាត់​នឹង​ធ្វើ​អ្វី​អាក្រក់​នោះ​ទេ ពោល​គឺ​ទុក​ចិត្ត​បំផុត! ថ្ងៃមួយ​ពេលខ្ញុំ​នៅ​ម្នាក់​ឯង ខ្ញុំឃើញគាត់ព្យាយាមចូលមក តែខ្ញុំធ្វើពុតជាស្រែកតាមទូរស័ព្ទថាប៉ានឹងមកមែនទេ? គាត់​ភ័យខ្លាច​ហើយ​ក៏​ត្រឡប់​ទៅ​វិញ។ ប៉ុន្តែ​នៅ​ពេល​យប់ គាត់​បាន​ត្រឡប់​មក​វិញ​ម្ដង​ទៀត។ លើកនេះនៅក្នុងបន្ទប់តែម្តង ខ្ញុំបានស្រែករហូតធ្វើឲ្យឪពុកម្ដាយភ្ញាក់ផ្អើល។ ពេលនោះខ្ញុំមិនចាំថាខ្ញុំអាយុប៉ុន្មានទេ ប៉ុន្តែ​ដូចជានៅរៀន​ថ្នាក់​ទី​៤​ហើយ”!

ទោះយ៉ាងណា Engfa ​ មិនបានគិតថាអតីតកាលនោះគឺជា​ជា​ចំណង​ក្នុង​ចិត្ត​ឬជាបញ្ហាទេ ពីព្រោះនាងមិនប្រកាន់នឹងមនុស្សមានស្មារតីមិនស្ថិតស្ថេរឡើយ។ អ្វីៗអាចកើតឡើងបាន! ប្រហែលជាដោយការជឿទុកចិត្តរបស់យើងចំពោះគេពេក ពី​ព្រឹត្តិការណ៍​នោះ​បាន​ធ្វើ​ឲ្យនាងមាន​ការ​ប្រុង​ប្រយ័ត្ន​កាន់​តែ​ខ្លាំង។ មិនមែនតែនាងទេ ម៉ាក់ប៉ាមានការប្រុងប្រយ័ត្នជាងមុនឆ្ងាយ។ ​ក្រោយ​ចូល​ក្នុង​វិស័យសិល្បៈ​នេះ​​ មិន​មាន​ព្រឹត្តិការណ៍​បែប​នេះ​ទៀត​ទេ។ ដូច្នេះវាផ្តល់ឲ្យយើងនូវមេរៀន​ពីការស្ថិតនៅក្នុងតំបន់ប្រថុយប្រថាន ឬនៅជាមួយនរណាម្នាក់នៅក្នុងក្រុមដែលមានហានិភ័យ៕

ប្រែសម្រួល៖ សាង ស្រីល័ក្ខ

ចុចអាន៖អ្នកដឹកនាំរឿងប៉ុស្តិ៍លេខ ៣ ទម្លាយរូបភាពអតីតកាលរបស់ Kimberly មើលសឹងមិនស្គាល់

ចុចអាន៖បវរកញ្ញាចក្រវាលថៃ Anna ស្លៀកឈុតក្រហមបង្អួតសាច់យ៉ាងចាស់ដៃ ក្នុងថ្ងៃចូលឆ្នាំ ចិន

The post បវរកញ្ញាថៃ Engfa ទម្លាយថា កុមារភាពរបស់នាងប៊ិះត្រូវគេចាប់រំលោភ appeared first on Kampuchea Thmey Daily.

ថ្វីត្បិតតែ Engfa Waraha ស្ថិតក្នុង Top 100 ស្ត្រី​ដែលមានមុខស្អាតជាងគេលើពិភពលោកក្ដី។ ប៉ុន្តែ​នៅតែ​អ្នក​លេង​អ៊ីនធឺណិត​ខ្លះ​មិន​យល់​ស្រប និង​ចូលមក​បញ្ចេញមតិអវិជ្ជមាន រហូត​ធ្វើ​ឲ្យ​នាង​ត្រូវ​ចេញ​មុខ​បង្ហោះ​សារ​តាម​ហ្វេសប៊ុកភ្លាមៗ។

បវរកញ្ញា Engfa Waraha បាន​សរសេរ​​សាយ៉ាង​វែងអន្លាយ​បង្ហោះ​លើ​ប្រពន្ធ​ផ្សព្វផ្សាយ​ថា​ “ខ្ញុំ​ទទួល​ស្គាល់​ថា​ខ្ញុំ​តែងតែ​ទទួល​រង​នូវ​និន្នាការ​អវិជ្ជមាន។ មាន​អារម្មណ៍​ធ្លាក់​ទឹកចិត្ត ដែល​ត្រូវ​បាន​ប្រជាជន​ថៃ​ធ្វើ​បាប ទាក់ទង​នឹង​បញ្ហា​នៃ​ការ​វះកាត់ រហូតដល់​រីក​រាលដាល​ដល់​ឪពុកម្ដាយ​របស់​ខ្ញុំ​ផង​ដែរ។ មែនហើយ! តាមដែលខ្ញុំដឹង វា​ជា​បេក្ខភាព​លេខ១ ក្នុង​ចំណោម​បេក្ខភាព​១០០ មិនមែន​ថា​យើង​ស្អាត​ជាង​គេ​ទេ ខ្ញុំចង់ឲ្យ​អ្នក​ទាំងអស់គ្នា​ស្ងប់ចិត្ត​បន្តិច ​សម្រាប់រឿងនេះ។ មានមនុស្សជាច្រើនតែងតែលើកពីបញ្ហាវះកាត់របស់ខ្ញុំលើបណ្ដាញសង្គម ជារឿងដែលនិយាយដដែលៗគ្រប់ពេល”។

បន្ថែម​ពី​នេះ​ នាង​ក៏​និយាយ​ទៀតថា “​ដំបូង​ឡើយ ខ្ញុំ​មិន​តក់ស្លុត​ទេ​នៅ​ការ​តិះដៀល​ពី​សំណាក់​មនុស្ស​គ្រប់គ្នាទេ គ្រាន់តែ​ខ្ញុំឆ្ងល់ថា ហេតុអ្វី​បាន​ជា​ជនជាតិ​ថៃ​ចូលចិត្ត​សម្លុត​គ្នា? ឬ​ប្រសិនបើ​ពួកគេ​មិន​គាំទ្រ ពួកគេ​មិនគួរ​បង្កើត​អំពើ​ហិង្សា​នៅ​ក្នុង​បណ្ដាញ​សង្គម​ផ្សេងៗឬលើគេហទំព័រឡើយ​។ មុនពេលអ្នកមើលងាយអ្នកដទៃ យើងត្រូវ​ពិនិត្យ​មើល​ខ្លួនឯង​ជាមុនសិនដែរ”៕

ប្រែសម្រួល៖ សាង ស្រីល័ក្ខ

ចុចអាន៖សម្រស់ Ice Preechaya មុននិងក្រោយការញៀនកែសម្ផស្ស

ចុចអាន៖អ្នកលេងអ៊ីនធឺណិតបញ្ចេញមតិព្រោងព្រាត ក្រោយ Kwan ថា នាងស្អាតបែបធម្មជាតិ

The post អ្នកគាំទ្រថៃរិះគន់បវរកញ្ញា Engfa យ៉ាងចាស់ដៃ ក្រោយនាងជាប់ជាស្រីស្អាតលើពិភពលោក appeared first on Kampuchea Thmey Daily.