បើតាមទីភ្នាក់ងារសារព័ត៌មាន aljazeera បានចុះផ្សាយថា អាជ្ញាធរពេលនេះបានចេញដីកាចាប់ខ្លួនមនុស្សចំនួន ១៣ ទាក់ទងនឹងករណីនេះ។ ឯកសារផ្លូវការបានកំណត់អត្តសញ្ញាណជនសង្ស័យ ដែលមានអក្សរកាត់ថា «Raúl R» ស្របតាមការអនុវត្តច្បាប់ដែលត្រូវនឹងឈ្មោះរបស់លោក Raúl Rocha ក៏ជាអ្នកជំនួញជនជាតិម៉ិកស៊ិកដែលមានភាគហ៊ុន ៥០% នៅក្នុងស្ថាប័នប្រកួតសម្រស់បវរកញ្ញាចក្រវាលនាបច្ចុប្បន្ននេះ។

ព្រះរាជអាជ្ញាបានបញ្ចាក់បន្ថែមទៀតថា ការស៊ើបអង្កេតបានចាប់ផ្ដើមតាំងពីឆ្នាំ ២០២៤មកម៉្លេះ ទោះបីជា Cantu មិនទាន់ត្រូវបានបញ្ចេញឈ្មោះជាផ្លូវការនៅឡើយក៏ដោយ ប៉ុន្តែលោកស្ថិតនៅក្នុងចំណោមជនសង្ស័យ ដែលជួញដូរគ្រឿងញៀន និងប្រេងឥន្ធនៈពីប្រទេសម៉ិកស៊ិក និងហ្គាតេម៉ាឡា (Guatemala)។

ភ្លាមៗនោះ ទីភ្នាក់ងារសារព័ត៌មានរ៉យទ័រឯណោះ ក៏បានទាក់ទងលោក Raúl Rocha នៅលើគណនី Instagram របស់គាត់ ហើយបានផ្ញើសារទៅកាន់ស្ថាប័ន MU នៅលើគេហទំព័រផ្លូវការក្នុងពេលតែមួយ ដើម្បីសុំការអត្ថាធិប្បាយលើការចោទប្រកាន់ ប៉ុន្តែភាគីទាំងពីរមិនបានឆ្លើយតប ឬផ្តល់ការបំភ្លឺណាមួយឡើយ។

ការស៊ើបអង្កេតនេះកើតឡើងនៅពេលដែលការប្រកួតបវរកញ្ញាចក្រវាលកំពុងស្ថិតនៅក្រោមភាពចម្រូងចម្រាសយ៉ាងខ្លាំង។ បន្ទាប់ពីការប្រកួតបវរកញ្ញាចក្រវាលឆ្នាំ ២០២៥ ដែលបានប្រារព្ធឡើងនៅប្រទេសថៃ កាលពីថ្ងៃសុក្រ ទី២១ ខែវិច្ឆិកា ឆ្នាំ២០៥ ដោយតំណាងប្រទេសម៉ិកស៊ិក គឺនាង Fatima Bosch បានគ្រងមកុដ ចំពេលមានការព្រួយបារម្ភជាសកលអំពីតម្លាភាពនៃការប្រកួតសម្រស់ ដោយសារលោក Rocha ជាជនជាតិម៉ិកស៊ិកស្រាប់ និងជាម្ចាស់ធំនៃស្ថាប័នសម្រស់មួយនេះដែរ។

យ៉ាងណាមិញ ក្រៅពីសំណុំរឿងផ្លូវច្បាប់ ភាពចម្រូងចម្រាសកាលពីកន្លងមកបានកើតឡើង ក្នុងអំឡុងពេលសម្រាកលំហែកាយនៅប្រទេសថៃ។ ម្ចាស់មកុដ Fatima បានដឹកនាំការតវ៉ាមួយ ដែលនាំឲ្យអ្នកចូលរួមប្រកួតមកពីប្រទេសដទៃទៀតដើរចេញពីព្រឹត្តិការណ៍នេះ ដោយចោទប្រកាន់ថា លោក Nawat បានប្រើភាសាប្រមាថមកលើនាង។ តែលោកបានបដិសេធការចោទប្រកាន់នេះភ្លាមៗ ដោយអះអាងថា វាជាការយល់ច្រឡំប៉ុណ្ណោះ។

សូមជម្រាបថា លោក Raúl Rocha Cantu បានក្លាយជាឥស្សរជនលេចធ្លោម្នាក់នៅក្នុងពិភពបវរកញ្ញាពិភពលោក ចាប់តាំងពីក្រុមហ៊ុនផ្ទាល់ខ្លួនគឺ Legacy Holding Group USA បានទិញភាគហ៊ុន ៥០% នៅក្នុងស្ថាប័នបវរកញ្ញាចក្រវាលពី JKN Global Group (JKN) ក្នុងឆ្នាំ ២០២៤។ យ៉ាងណាក៏ដោយ ការចោទប្រកាន់ធ្ងន់ធ្ងរនេះ អាចមានផលប៉ះពាល់យ៉ាងសំខាន់ទៅលើរូបភាព និងភាពជឿជាក់នៃការប្រកួតបវរកញ្ញាចក្រវាលនាពេលអនាគត៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តុលាការថៃ ចេញដីកាចាប់ខ្លួនអតីតមេ MU រឿងបំណុល ខណៈលេចឮថា នាងគេចខ្លួនទៅ ម៉ិកស៊ិក

The post ​ម៉ិកស៊ិក ស៊ើបអង្កេតម្ចាស់ស្ថាប័ន «បវរកញ្ញា​ចក្រវាល» ពីបទជួញដូរគ្រឿងញៀន និងរត់ពន្ធអាវុធ appeared first on Kampuchea Thmey Daily.

ក្រៅ​ពីបង្ហាញ​បញ្ចេញ​សម្រស់​ប្លែកពីគ្នានៅក្នុងវគ្គនៃការប្រកួតឈុតហែលលើឆាកនៃកម្មវិធី​ប្រកួត Miss Grand Thailand 2023 ​​ពីបេក្ខនារី​ទាំង​៧៧​ខេត្ត​​ ក្នុងនោះរាជិនី​សម្រស់ Engfa Waraha ក៏លេងខ្លួនប្រជែងនឹងអ្នក​ជំនាន់​ក្រោយមិនធម្មតាដែរ ដោយនាងស្លៀកឈុតស្បៃពណ៌ខ្មៅឆ្លុះឃើញសាច់និងដើមទ្រូងរបស់នាង។

យ៉ាងណាមិញ នៅលើឆាកប្រកួតសម្រស់​ Miss Grand Thailand 2023 បវរកញ្ញា ​Engfa បានធ្វើឲ្យអ្នកគាំទ្រជាច្រើនមានការរំភើបចិត្តជាខ្លាំងម្ដងទៀត នៅពេលដែលនាងបង្ហាញមុខលើឆាកដើម្បីវាយស្គរ Sabadchai​ ព្រមទាំងបង្ហាញកាយវិការរាំយ៉ាងរសរវើកដូចស្រ្តីរបាំពីបុរាណ។ លើសពីនេះ ឈុតដែលនាងស្លៀកមកកម្មវិធីកាន់តែសិចស៊ីជាងឈុតហែលទឹកប៉ុន្មានថ្ងៃមុន ដែលធ្វើឲ្យនានការរិះគន់ទន្ទឹមនឹងការសារទរនាង។

ទោះយ៉ាងណាក៏ដោយ ត្បិតថាមានការរិះគន់ក៏ពិតមែន ប៉ុន្តែការបញ្ចេញមតិរបស់មហាជនមិនបានធ្វើឲ្យនាង​ទោមនស្ស​សូម្បីតែបន្តិចណា បវរកញ្ញាលំដាប់រងរូបនេះរិតតែបញ្ចេញភាពសិចស៊ីលើសមុន បើទោះបីជារងភាពចម្រូងចម្រាសលើសំលៀកបំពាក់ដែលនាងស្លៀកបើកឆាកកាលកន្លងមកយ៉ាងណាក្ដី៕

ប្រែសម្រួល៖ សាង ស្រីល័ក្ខ

ចុចអាន៖ឈុតរបស់ Engfa ក្នុងកម្មវិធី Miss Grand ថៃ ផ្អើលឆាកបង្ហាញម៉ូដ ព្រោះតែសិចស៊ីនិងស្ដើងខ្លាំងពេក

ចុចអាន៖១២ ឈុតដែល Engfa ធ្លាប់ស្លៀកឡើងឆាក សុទ្ធតែរងភាពចម្រូងចម្រាសថាសិចស៊ីហួសហេតុពេក

The post បវរកញ្ញា Engfa ឥតខ្វល់ការរិះគន់ បញ្ចេញ​ឈុតបុរាណសិចស៊ីលើសមុន appeared first on Kampuchea Thmey Daily.

ទោះយ៉ាងណាក៏ដោយ ​មិនមែន​ម្ចាស់ Miss Grand ថៃរូបនេះ​ទទួល​ការ​សរសើរ​រហូត​នោះ​ទេ ​ក្នុង​នោះ​​ក៏​មាន​មហាជន​ជា​ច្រើន​ចូល​ទៅ​រិះគន់​លើ​ការ​ស្លៀកពាក់​របស់​នាង​កន្លង​មក​ផង​ដែរ។ ជាក់ស្ដែង​កាលពី​កន្លង​ទៅ​នេះ ​បន្ទាប់ពី​បង្ហាញ​ភាព​ស្រើបស្រាល​ក្នុង​សន្និសីទ​សារព័ត៌មានដើម្បី​ណែនាំនិង​ប្រកាស​គ្រង​មកុដ Miss Grand Thailand 2023 (Miss Peace Thailand) ម្ចាស់​ជយលាភី​លេខ១ Engfa Waraha នៅ​តែ​បន្ត​មាន​ឈ្មោះ​ដែល​គេ​លើក​ឡើង​ច្រើន​ជាង​គេ​ក្នុង​វេទិកា​សម្រស់​ស្អាតថា នាងស្លៀកពាក់សិចស៊ីជាងម្ចាស់មកុដ​។

យ៉ាងណាមិញ នេះ​មិនមែន​ជា​លើក​ទី​មួយ​ទេ​ដែល​រាជិនី​សម្រស់​ស្ថិត​ក្រោម​ការ​គ្រប់គ្រង​របស់​លោក ណា​វ៉ា​ត់ ទទួល​រង​ការ​រិះគន់​ពី​ការ​ខ្វះ​ការ​ប្រុងប្រយ័ត្ន។ ព្រោះ​មុន​នឹង​ចូល​ប្រឡូក​ក្នុង​សង្វៀន​សម្រស់ ម្ចាស់​ជយ​លាភី​លេខ​១ Miss Grand 2022 គឺ​ជា​តារា​ចម្រៀង​ដែលសិចស៊ីមិនខ្វល់​មាត់​ញាតិ​ ជារឿយៗ​នាង​ជ្រើសរើស​សំលៀកបំពាក់​ដែល​លេច​យ៉ាងស៊ីជម្រៅដល់តំបន់​កេរខ្មាស និងរឹបរាង​បង្ហាញ​ឲ្យ​ឃើញ​ដង​ខ្លួន​របស់នាង ហើយជាច្រើនដងចូលទៅក្នុង​ព័ត៌មាន​មិន​ល្អពីការ​ស្លៀកពាក់​ ជាពិសេស​រឿងរ៉ាវ​ចម្រូងចម្រាស​រហូត​ទស្សនិកជន​វិភាគ​លើរូបរាងរបស់​នាង​ថែម​ទៀត។

ខាងក្រោមនេះជាឈុតទាំង១២ដែលបវរកញ្ញា Engfa Waraha ធ្លាប់​ស្លៀក​កន្លង​មក ​ខណៈ​សំលៀកបំពាក់​ខ្លះ​សឹងតែ​លេច​កេរខ្មាស​ផងដែរ៖

ប្រែសម្រួល៖ សាង ស្រីល័ក្ខ

ចុចអាន៖ឈុតរបស់ Engfa ក្នុងកម្មវិធី Miss Grand ថៃ ផ្អើលឆាកបង្ហាញម៉ូដ ព្រោះតែសិចស៊ីនិងស្ដើងខ្លាំងពេក

The post ១២ ឈុតដែល Engfa ធ្លាប់ស្លៀកឡើងឆាក សុទ្ធតែរងភាពចម្រូងចម្រាសថាសិចស៊ីហួសហេតុពេក appeared first on Kampuchea Thmey Daily.

តាមរយៈInstagram ផ្ទាល់ខ្លួន Engfa Waraha បានទទួល​​តួនាទី​ជា​ពិធីការិនីក្នុងវិធី Miss Grand Thailand 2023 នៃការបើកបង្ហាញឈុត​ហែលទឹក ខណៈនាង​បង្ហាញខ្លួន​ក្នុង​ឈុត​ស្បៃ​ពណ៌ខ្មៅរលោង ដោយ​មើល​ធ្លុះ​សាច់សឹងទាំងអស់​ រហូតមានការស្រែកហ៊ោកញ្ជ្រៀវ​នឹង​វត្តមាន​នាង​យ៉ាង​ច្រើន​កុះករ។

លើសពី​នេះ ប្រព័ន្ធ​ផ្សព្វផ្សាយ​សង្គមថៃ​បានចូលមកបញ្ចេញមតិព្រោងព្រាត​លើ​ឈុត​បវរកញ្ញា​លំដាប់​រង​លេខ១ Miss Grand International 2022 ខណៈមហាជនមួយ​ចំនួន​ធំ​បាន​ចេញ​មុខគាំទ្រ​នាង ​និង​បង្ហាញ​ពី​ការ​ចូល​ចិត្ត​រាប់​សែន​នាក់​ចំពោះ​សំលៀកបំពាក់​ដ៏ប្លែក​មួយនេះ ស្របពេលដែល​អ្នក​និយម​លេង​អ៊ីនធឺណិត​មួយផ្នែកទៀតថានាងមិន​ទម្លាប់​ស្លៀក​ធម្មតា​ឬ​មិន​ចាំបាច់​បញ្ចេញ​ពេក​ក៏​បាន។ ព្រោះរា​ល់លើកឲ្យតែ Engfa Waraha បង្ហាញ​ខ្លួនមិន​មាន​ឈុត​មួយ​ណា​ដែល​ថា​មិន​សិចស៊ី​លេច​លើក្រោមនោះទេ៕

ប្រែសម្រួល៖ សាង ស្រីល័ក្ខ

ចុចអាន៖ត្រឹម ៦ ថ្ងៃ ភាពយន្ត “ផ្ទះជួលបូជាព្រលឹង” របស់ Weir-Mew រកចំណូលរាប់លានដុល្លារ

The post ឈុតរបស់ Engfa ក្នុងកម្មវិធី Miss Grand ថៃ ផ្អើលឆាកបង្ហាញម៉ូដ ព្រោះតែសិចស៊ីនិងស្ដើងខ្លាំងពេក appeared first on Kampuchea Thmey Daily.

លើសពីនេះបវរកញ្ញា Engfa Waraha ក៏ត្រូវគេចាត់ទុកនាងថាជាតារាស្រីពហុជំនាញ មិនត្រឹមមានសមត្ថភាពក្នុងពិភពដើរម៉ូដមួយមុខនោះទេ តែនាងអាចច្រៀងយ៉ាងពិរោះ និង​រាំយ៉ាងល្វត់ល្វន់ ព្រមទាំងជាជា​តំណាងនៃសំឡេង​សម្រាប់​សាធារណជនទាំងអស់។ ដែលទាំងអស់នេះះហើយ ជាចំណុចទាក់ទាញឆក់យកបេះដូងអ្នកគាំទ្រ ទាំងប្រទេសថៃ និងក្រៅប្រទេសផងដែរ។

ដូច្នេះ កម្ពុជាថ្មីនឹងនាំមិត្តអ្នកអានមកទស្សនា​ពីរូបភាពក្មេងវ័យរបស់​បវរកញ្ញា Engfa Waraha ក្នុង​វ័យ​សិក្សា កាលនាងនៅជា​សិស្សថា​ពិត​ជា​មាន​សម្រស់​ស្រស់​ស្អាត​តាំង​ពី​ក្មេងមក។ ហើយពេលនោះនាងក៏មិនទានឈានដល់ដំណាកកាលនៃការកែសម្ផស្សដូចគ្នា។

សូម​ទស្សនា​រូបភាព​ខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖ប្រឡូកសិល្បៈអស់រយៈពេល ៤៧ ឆ្នាំ រៀមច្បង Tai ទម្លាយថា មិនគិតចង់ក្លាយជាតារាទេ

ចុចអាន៖Weir អាចនឹងនៅប៉ុស្តិ៍លេខ ៧ ដល់ ១០០ ឆ្នាំទៀត ហើយមិនដើរចេញពីទ្រនំចាស់ទេ

The post ទស្សនារូបភាពសិស្សសាលារបស់ Engfa កាលនាងមិនទាន់កែសម្ផស្ស appeared first on Kampuchea Thmey Daily.

នៅក្នុងខ្លឹមសារដែលបវរកញ្ញា ប៉ូគឹមថេង សុធីតា បានបង្ហោះនោះ គឺនាងបញ្ជាក់ថា ខ្លួននឹងស្លៀក ស ពាក់ ស ហើយ ហូបអាហារបួសព្រមទាំងសមាធិរយៈពេលមួយសប្ដាហ៍ ដោយចាកឆ្ងាយពីទូរស័ព្ទព្រមទាំងប្រព័ន្ធSocialmediaគ្រប់យ៉ាងបន្ទាប់ពីផ្ទេរមកុដ ដល់បេក្ខភាព MissGrand Cambodia 2022 ចប់រួចរាល់។

បវរកញ្ញារូបនេះលើកឡើងថា «បន្ទាប់ពីផ្ទេរមកុដចប់ នាងខ្ញុំ សុធីតា នឹងស្លៀក ស ពាក់ ស ហូបអាហារបួសព្រមទាំង សមាធិរយៈពេលមួយសប្ដាហ៍ដោយចាកឆ្ងាយពីទូរស័ព្ទព្រមទាំងប្រព័ន្ធ Socialmedia គ្រប់យ៉ាងសង្ឃឹមថាបងៗ ដែលមានបំណងទាក់ទងប្អូនសម្រាប់ការងារជួយទុកពេលវេលាអោយប្អូនបានសម្រាកមួយសប្ដាហ៍ផង ។ អោយប្អូន បានសម្រាក និងមានឱកាសបានទទួលកុសលផលបុណ្យពីព្រះពុទ្ធ ព្រះធម៌ ព្រះសង្ឃ ផង ដោយក្តីគោរពពីនាងខ្ញុំ សុធី តា » ។

តាមរយៈនេះ អ្នកលេងបណ្ដាញសង្គមបានបង្ហាញការគាំទ្រនាងគ្រប់គ្នាដោយពួកគេលើកឡើងថា « ស្រឡាញ់ចូលចិត្ត ប្អូន ធីតា , ស្រឡាញ់ចូលចិត្តប្អូន ធីតា , ស្រលាញ់ស្រលាញ់បងណាស់ ស្រលាញ់ត្រង់ចរិតនេះហើយ នេះហើយជាមូលហេតុដែលខ្ញុំស្រឡាញ់។

សូមជម្រាបថា បវរកញ្ញា ប៉ូគឹមថេង សុធីតា កាលពីកន្លងទៅនេះនាងក៏បានចេញទៅប្រកួតនៅលើទឹកដីប្រទេសថៃក្នុងនាមតំណាងឲ្យកម្ពុជាផងដែរ៕

អត្ថបទ៖ ចាន់រ៉ា

The post បវរកញ្ញា ប៉ូគឹមថេង សុធីតា ប្រកាសស្លៀកសពាក់ ស និងហូបអាហារបួស១សប្តាហ៍ក្រោយផ្ទេរមកុដ appeared first on Kampuchea Thmey Daily.

ថ្មីៗនេះ បវរកញ្ញា Thuy Tien បានបង្ហាញវត្តមាននៅប្រទេសព័រទុយហ្គាល់ ដើម្បីចូលរួមកម្មវិធីប្រកួត Miss Grand ព័រទុយហ្គាល់ និងចូលរួមសកម្មភាពមនុស្សធម៌នៅទីនោះ។ ​ស្ថិតក្នុង​ឈុត​ពណ៌​ស បវរកញ្ញារូបនេះ ពិតជាស្រស់ស្អាត និង​លេចធ្លោ​ខ្លាំងជាមួយនឹង​មកុដ Miss Grand International ដែល​មានតម្លៃ​រហូតដល់ ៥០ម៉ឺនដុល្លារ។

យ៉ាងណាមិញ តាមរយៈរូបថតជាច្រើនសន្លឹក អ្នកគាំទ្រសង្កេតឃើញថា មកុដដ៏មានតម្លៃរបស់ Thuy Tien ហាក់ប្លែកពីសព្វមួយដង។ ជាពិសេសរូបមនុស្សស្រីដែលនៅលើកំពូលមកុដ ដែលអមជាមួយពាក្យ MGI ត្រូវបានបត់ទៅក្រោយ បើធៀបនឹងទីតាំងដើម វាទំនងដូចជាធ្លាប់បាក់ ហើយជួសជុលឡើងវិញ។ អ្នកគាំទ្រជាច្រើនជឿថា ក្នុងពេលធ្វើដំណើរ Thuy Tien បានធ្វើឱ្យវាខូចដោយចៃដន្យមិនខាន។

ទោះយ៉ាងណា ពេលនេះការសង្ស័យ ក៏ដូចជាពាក្យចចាមអារ៉ាមពីការបាក់កំពូលមកុដ មិនត្រូវបានបវរកញ្ញា Thuy Tien ឬប្រធាន Miss Grand ​លោក Nawat Itsaragrisil ចេញមុខមកបកស្រាយនៅឡើយ៕

ប្រែសម្រួល៖ សន្យា

ចុចអាន៖ មកុដថ្មី បវរកញ្ញាចក្រវាលថៃ ដាំពេជ្ររាប់ពាន់គ្រាប់ អត្ថន័យមិនធម្មតា

The post អ្នកគាំទ្រសង្ស័យបវរកញ្ញា Thuy Tien ធ្វើខូចមកុដ Miss Grand appeared first on Kampuchea Thmey Daily.

ខាងក្រោមនេះ គឹជារាជិនីសម្រាប់ទាំង ៤ ប្រចាំប្រទេសហ្វីលីពីន ដែលអ្នកគួរស្គាល់៖

១ Silvia Cortesi

បវរកញ្ញា​កូន​កាត់​ហ្វីលីពីន-​អ៊ីតាលី​រូបនេះ ជាម្ចាស់​ជ័យលាភី Miss Earth និង Miss Universe Philip pines ២០២២ នាង​​បានបង្ហាញ​ខ្លួន​លើ​ទស្សនាវដ្ដី​ជា​ច្រើន ​ក្នុង​នាម​ជាអ្នក​តំណាង​ប្រទេស​ជាតិ។ ជា​មូយ​ភាពស្រស់​ដ៏​ស្អាត​របស់​នាង ​ត្រូវ​បានគេ​គ្រោង​ទុក​ថា ​អាច​យក​មកុដ Miss Universe international ២០២២ ជូនប្រទេសបានថែមទៀត។​

២ Liza Soberano

នាង​ជា​តារា​បង្ហាញ​ម៉ូដ តារា​ចម្រៀង និង​ជា Influencer សញ្ជាតិអាមេរិក​កាត់ហ្វីលីពីន។ តារា​ស្រីដ៏ស្រស់ស្អាត​ម្នាក់​នេះ​ មាន​ភាព​ល្បីល្បាញ​ខ្លាំងក្នុងកម្មវិធីទូរទស្សន៍​និងខ្សែភាពយន្ត​ជាច្រើន។ នៅ​ក្នុង ឆ្នាំ២០១៧ នាង​បាន​ជាប់​ឈ្មោះ​ជា​តារា​ដែល​មាន​មុខស្អាតជាងគេបំផុត។

៣ Rabiya Mateo  

អតីតMiss Universe Philippines ២០២០ រូប​នេះ​មាន​សមត្ថភាព​ខ្លាំង​មិន​ធម្មតា​បូក​ផ្សំ​ជាមួយ​សម្រស់​នាងជាប់  Top ២១ នៅលើ​ឆាក​អន្តរជាតិ ។ បច្ចុប្បន្ន​នេះ​នាង​កំពុង​ចាប់ជា​តារា​សម្ដែង​និងបង្ហាញ ម៉ូដ។

៤ Kelsey Merritt

នាង​គឺជា​តារា​បង្ហាញ​ម៉ូដ​ជនជាតិ​ហ្វីលីពីន​ដ៏​ល្បីល្បាញម្នាក់ នៅ​អាមេរិក នាងក៏​ជា​ស្ត្រី​ហ្វីលីពីន​ដំបូង​គេ​ដែល​ដើរ​ក្នុង​កម្មវិធី Victoria’s Secret Fashion Show និង​បង្ហាញ​លើទំព័រមុខ​ទស្សនាវដ្តី​អាមេរិក ជាច្រើនរួមមាន Sports Illustrated  ​Swimsuit Issue ជាដើម៕

ប្រែសម្រួល៖នាងតូច

The post ស្គាល់ដែរទេ? រាជិនីសម្រស់ទាំង ៤ ប្រចាំប្រទេស​ ហ្វីលីពីន ​ក្នុងឆ្នាំ ២០២២ នេះ appeared first on Kampuchea Thmey Daily.