តាមការផ្សាយរបស់ Khaosod កាលពីថ្ងៃសុក្រទី១៤ខែវិច្ឆិកាឆ្នាំ២០២៥ ទំនប់ Borommathat បានបាក់បណ្តាលឲ្យទឹកហូរបុកយ៉ាងខ្លាំងឆ្ពោះទៅឃុំ Chaksi បង្កជាជំនន់ធ្ងន់ធ្ងរជន់លិចសហគមន៍ទ្រង់ទ្រាយធំ។ ប្រជាពលរដ្ឋភិតភ័យនាំគ្នាប្រមែប្រមូលទ្រពសម្បត្តិ រើរបស់របរទៅកាន់ទីទួលសុវត្ថិភាព ខណៈអាជ្ញាធរកំពុងពិនិត្យស្ថានការណ៍។

ជុំវិញស្ថានការណ៍ដ៏ធ្ងន់ធ្ងរនេះ នាយកដ្ឋានបង្ការនិងកាត់បន្ថយគ្រោះមហន្តរាយ (DDPM) បានប្រកាសអាសន្ននិងចេញការព្រមានឲ្យពលរដ្ឋប្រុងប្រយ័ត្ន តាមដានព័ត៌មាននិងសេចក្តីជូនដំណឹង៕

អត្ថបទ៖ សុខ សុវណ្ណ

ចុចអាន៖ បាក់ទំនប់នៅថៃ ជន់លិចនិងបំផ្លិចបំផ្លាញផ្ទះពលរដ្ឋ រាប់រយខ្នង

The post ថៃ ប្រកាសអាសន្ននៅខេត្ត Singburi ដោយសារបាក់ទំនប់  appeared first on Kampuchea Thmey Daily.

កាលពីរសៀលថ្ងៃអង្គារទី៧ខែតុលាឆ្នាំ២០២៥ ទំនប់វារីអគ្គិសនី Bac Khe 1 បានបាក់ធ្វើឲ្យធ្លាយទឹកហូរបុកចេញយ៉ាងសន្ធាប់ ចាក់ចុះទៅតាមដងទន្លេ Bac Khe។

ដ្បិតមិនទាន់ដឹងថា​ មានមនុស្សស្លាប់ឬក៏អត់ ប៉ុន្តែអាជ្ញាធរបានធ្វើការជម្លៀសប្រជាជនចេញជាបន្ទាន់ក្នុងតំបន់នានា ស្ថិតនៅតាមវាលទំនាបនៃខ្សែទឹកខាងក្រោម។

តាមការផ្សាយរបស់ VN Express, មនុស្សរាប់ពាន់នាក់មកពី៨០០គ្រួសារ នៅក្នុងភូមិចំនួន១២ ត្រូវបានជម្លៀសទាំងយប់ ដោយសារតែស្ថានភាពមើលទៅមានគ្រោះថ្នាក់ខ្លាំង ព្រោះថា ទឹកកំពុងហក់ឡើងយ៉ាងលឿន។

ទន្ទឹមនោះ លទ្ធផលនៃការធ្លាយទំនប់នេះបូករួមជាមួយភ្លៀងធ្លាក់ខ្លាំងដោយសារឥទ្ធិពលព្យុះ ម៉ាតម៉ូ ធ្វើឲ្យទឹកទន្លេចំនួន៣នៅភាគខាងជើងប្រទេសវៀតណាម ហក់ឡើងហួសកម្រិតធ្ងន់ធ្ងរជាប្រវត្តិសាស្រ្តដល់ទៅ១ម៉ែត្រឯណោះ។

ទឹកទន្លេ Cau, Thuong និង Luc Nam សុទ្ធតែឡើងហួសកម្រិតប្រកាសអាសន្ន ជាពិសេសទន្លេ Cau ដែ​លហក់ឡើងខ្ពស់ផុតកម្រិតជាប្រវត្តិសាស្រ្ត ដែលកត់ត្រាកាលពីឆ្នាំ២០២៤ អំឡុងពេលព្យុះ យ៉ាកជី។

អាស្រ័យហេតុនេះហើយ ទើបអាជ្ញាធរវៀតណាម កំពុងប្រុងជើងការខ្ពស់ ត្រៀមទប់ទល់នឹងស្ថានភាពអាក្រក់ដែលនឹងចូលមកដល់ ព្រមទាំងព្រមានពលរដ្ឋឲ្យប្រុងប្រយ័ត្នខ្ពស់៕

អត្ថបទ៖ សុខ សុវណ្ណ

ចុចអាន៖ បាក់ទំនប់វារីអគ្គិសនីនៅវៀតណាម មិនទាន់ដឹងមានមនុស្សស្លាប់ឬអត់

The post បាក់ទំនប់នៅវៀតណាម! មនុស្សរាប់ពាន់នាក់ ត្រូវជម្លៀសជាបន្ទាន់ ព្រោះតែគ្រោះថ្នាក់ខ្លាំង appeared first on Kampuchea Thmey Daily.

តាមការផ្សាយរបស់ VN Express, ទំនប់ស្ថិតក្នុងខេត្ត Lang Son ភាគខាងជើងប្រទេសវៀតណាមមួយនេះ បានបាក់នាវេលាម៉ោង២រសៀលថ្ងៃអង្គារទី៧ខែតុលាឆ្នាំ២០២៥ ធ្វើឲ្យធ្លាយទឹកហូរបុកចេញយ៉ាងសន្ធាប់ ចាក់ចុះទៅតាមដងទន្លេ Bac Khe។ 

ដ្បិតភ្លាមៗមិនទាន់ដឹងថា​ មានមនុស្សស្លាប់ឬក៏អត់ ប៉ុន្តែអាជ្ញាធរព្រមានថា តំបន់នានានៅតាមវាលទំនាបនៃខ្សែទឹកខាងក្រោម កំពុងប្រឈមគ្រោះថ្នាក់ ដូច្នេះត្រូវប្រុងប្រយ័ត្ន។

ទន្ទឹមនោះ អាជ្ញាធរវៀតណាម បានដាក់ពង្រាយកម្លាំងភ្លាមៗ ដើម្បីជួយប្រជាជនក្នុងករណីជម្លៀសចាំបាច់ព្រមទាំងតាមដានស្ថានការណ៍ជាបន្តបន្ទាប់៕

អត្ថបទ៖ សុខ សុវណ្ណ

ចុចអាន៖ ទីក្រុងហាណូយជន់លិចម្តងទៀត ខណៈព្យុះទីហ្វុង Matmo នាំមកនូវភ្លៀងធ្លាក់ខ្លាំង

The post បាក់ទំនប់វារីអគ្គិសនីនៅវៀតណាម មិនទាន់ដឹងមានមនុស្សស្លាប់ឬអត់ appeared first on Kampuchea Thmey Daily.

តាមការផ្សាយរបស់ Amarin TV នៅថ្ងៃពុធទី២៧ខែសីហាឆ្នាំ២០២៥, ដោយសារតែទប់លែងជាប់ ទំនប់បានធ្លាយបញ្ចេញទឹក ២២០ ០០០ម៉ែត្រគូប ជន់លិចផ្ទះប្រជាពលរដ្ឋក្នុងស្រុក Ngao។ 

អភិបាលស្រុក Ngao លោក Somchit Chulcharoen បានប្រាប់អ្នកសារព័ត៌មានថា ផ្ទះរាប់រយខ្នងត្រូវកម្ទេចដោយសារតែទឹកហូរបុកខ្លាំង ខណៈពលរដ្ឋមួយចំនួនរត់ចេញសឹងមិនទាន់។

នៅភាគខាងជើងនេះដែរ ក្នុងខេត្ត Mae Hong Son បំណាក់ដីនិងទឹកជំនន់យ៉ាងគំហុកបានវាយប្រហារភូមិ Pang Oung ស្រុក Khun Yuam បន្ទាប់ពីមានភ្លៀងធ្លាក់ខ្លាំងដោយសារឥទ្ធិពលព្យុះ Kajiki បំផ្លាញស្ពានតភ្ជាប់មួយ ជាប់គាំងអ្នកទេសចរ៥នាក់និងមគ្គុទ្ទេសក៍ម្នាក់នៅខាងក្នុងល្អាងភ្នំ Tham Lod។

ស្រុកមួយចំនួន រួមមាន Khun Yuam, Mueang Mae Hong Son និង Pang Mapha បានរងការខូចខាតយ៉ាងធ្ងន់ធ្ងរ ដោយទឹកជំនន់ភ្លាមៗដែលជន់លិចវត្តអារាម ផ្លូវ និងភូមិ។ អាជ្ញាធរថៃ​​បញ្ជាក់​ថា ភូមិ​ចំនួន ៨ បាន​រង​ផល​ប៉ះពាល់ ប៉ុន្តែ​មិនទាន់​មាន​អ្នក​របួស ឬ​ស្លាប់​នោះ​ទេ៕

អត្ថបទ៖ សុខ សុវណ្ណ

ចុចអាន៖ ព្យុះកំពុងវាយប្រហារធ្ងន់ធ្ងរផង ថៃ ត្រូវជួបរញ្ជួយដីផ្ទួនៗ ២លើកថែមទៀត

The post បាក់ទំនប់នៅថៃ ជន់លិចនិងបំផ្លិចបំផ្លាញផ្ទះពលរដ្ឋ រាប់រយខ្នង appeared first on Kampuchea Thmey Daily.

តាមការចុះផ្សាយរបស់ Khaosod កាលពីថ្ងៃពុធទី២ខែមេសាឆ្នាំ២០២៥, រូបភាពពីផ្កាយរណប Thaichote បង្ហាញឲ្យឃើញពីផលប៉ះពាល់យ៉ាងដំណំនៃទំនប់ Sinthay Lelway ក្នុងតំបន់ Tatkhon។

អាស្រ័យហេតុដូច្នេះហើយ ទើបរដ្ឋាភិបាលមីយ៉ាន់ម៉ា ចេញការព្រមានឲ្យពលរដ្ឋរស់នៅតំបន់ទាបៗ ត្រូវប្រយ័ត្នខ្លួនក្នុងកម្រិតខ្ពស់បំផុត ព្រោះថាករណីអាក្រក់ណាមួយអាចកើតឡើងគ្រប់ពេលវេលា។

ស្របពេលជាមួយគ្នានោះ រដ្ឋាភិបាលមីយ៉ាន់ម៉ា ក៏បញ្ជាឲ្យស្ថាប័នពាក់ព័ន្ធ ចុះទៅពិនិត្យនិងវាយតម្លៃអំពីស្ថានភាពរបស់ទំនប់នេះ ឲ្យបានជាប់លាប់ផងដែរ។

សូមជម្រាបជាថ្មី គ្រោះរញ្ជួយដីកម្រិតធ្ងន់៧.៧រ៉ិចទ័រ ជាមួយជម្រៅ១០គីឡូម៉ែត្រ មានចំណុចកណ្តាលក្បែរទីក្រុង Mandalay បានវាយប្រហារទីក្រុងធំលំដាប់ទី២របស់មីយ៉ាន់ម៉ាមួយនេះ យ៉ាងដំណំ ដោយសម្លាប់មនុស្សនិងបំផ្លាញសំណង់អគារភាគច្រើនឲ្យខ្ទេចហ្មត់ រាបដូចកន្ទេល។

យោងតាមសមាគម​សំឡេង​ប្រជាធិបតេយ្យ​ភូមា​ (DVB) គិតត្រឹមព្រឹកថ្ងៃព្រហស្បតិ៍ទី៣ខែមេសាឆ្នាំ២០២៥ តួលេខមនុស្សស្លាប់ដោយសារគ្រោះរញ្ជួយដីកម្រិតធ្ងន់៧.៧រ៉ិចទ័រដ៏សាហាវ បានកើនឡើងដល់ ៣ ៨៦៦នាក់ហើយ ខណៈ ៥ ៤៥៥នាក់របួសនិង៧១៩នាក់បាត់ខ្លួន៕

អត្ថបទ៖ សុខ សុវណ្ណ

ចុចអាន៖ របប​សឹក​មីយ៉ាន់ម៉ា ប្រកាស​បទ​ឈប់បាញ់​បណ្ដោះអាសន្ន ព្រោះ​គ្រោះរញ្ជួយដី

The post ផុតរញ្ជួយដី, មីយ៉ាន់ម៉ា ព្រមានពីហានិភ័យបាក់ទំនប់, ប្រជាជនរាប់ពាន់នាក់ប្រឈមគ្រោះថ្នាក់ appeared first on Kampuchea Thmey Daily.

ក្រសួងសុខាភិបាលស៊ូដង់ បានចេញសេចក្ដីថ្លែងការណ៍ដំបូងថា ទំនប់វារីអគ្គិសនី​ Arbaat ភាគខាងជើងនៃកំពង់ផែ​ស៊ូដង់​បានបាក់ដោយបានសម្លាប់មនុស្ស​៤នាក់នៅក្នុងទឹកជំនន់និង​កម្លាំង​ទឹក​បំផ្លាញផ្ទះប្រជាពលរដ្ឋជាច្រើន។ ទោះបីជាយ៉ាងណា​ សារព័ត៌មានក្នុងស្រុក មាន​ al-Taghyeer និង Medameek បានរាយការណ៍ថា ចំនួន​នៃ​ការ​ស្លាប់​​បាន​កើនឡើង​​យ៉ាងហោចណាស់ដល់​៦០នាក់ ដោយ​យោង​​​តាម​លើមន្ត្រីក្នុងតំបន់។

លើសពីនេះមនុស្សជាច្រើនទៀតត្រូវបានគេរាយការណ៍ថា បានបន្ត​​បាត់ខ្លួន ខណៈអង្គការសហប្រជាជាតិបាននិយាយ​ថា​ ភូមិចំនួន២០​ត្រូវបានរងផលប៉ះពាល់ ហើយផ្ទះចំនួន ៥ម៉ឺន​ខ្នង​ត្រូវបានបំផ្លាញ​។

ប្រព័ន្ធផ្សព្វផ្សាយក្នុងស្រុករាយការណ៍ថា ទំនប់ទឹកបានបាក់កាលពីយប់ថ្ងៃសៅរ៍ បន្ទាប់ពីមានភ្លៀងធ្លាក់ខ្លាំង ប៉ុន្តែព័ត៌មានលម្អិតពិតប្រាកដមានការពិបាកក្នុងការប្រមូលផ្តុំដោយសារតែការដាច់បណ្តាញទូរស័ព្ទ។ ទំនប់វារីអគ្គិសន Arbaat មានចម្ងាយ៤០គីឡូម៉ែត្រ ភាគខាងជើង​កំពង់​ផែ​ស៊ូដង់​គឺជាផ្នែកមួយនៃប្រព័ន្ធទំនប់របស់ប្រទេសស៊ូដង់ ដែលជួយគ្រប់គ្រងទឹកជំនន់ និងជាកន្លែងដែលទន្លេ Nile ប្រសព្វគ្នានៅក្នុងប្រទេសស៊ូដង់។

ប្រទេសនេះបាននឹងកំពុងប្រឈមមុខនឹងការធ្លាក់ភ្លៀងធ្លាក់ខ្លាំង និងទឹកជំនន់ចាប់តាំងពីចុងខែមិថុនាមក ដោយការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បានឲ្យដឹងថា អាកាសធាតុដ៏អាក្រក់បានប៉ះពាល់ដល់មនុស្សប្រមាណ ៣១៧០០០​នាក់ (៥៦៤៥០ គ្រួសារ) នៅទូទាំងរដ្ឋចំនួន១៦ ខណៈចំនួនអ្នកស្លាប់ដោយសារទឹកជំនន់នៅទូទាំងប្រទេសបានកើនឡើងដល់១៣២នាក់ ហើយរដ្ឋដែលរងផលប៉ះពាល់ខ្លាំងបំផុតរួមមាន North Darfur ទន្លេ Nile និង West Darfur ។

ភ្លៀងធ្លាក់ខ្លាំងបានបន្ថែមវិបត្តិមនុស្សធម៌កាន់តែអាក្រក់បន្ទាប់ពីសង្រ្គាមស៊ីវិល​ ខណៈកងទ័ពស៊ូដង់បាននិងកំពុងប្រយុទ្ធជាមួយកងកម្លាំងគាំទ្ររហ័សប៉ារ៉ាយោធា (RSF) ចាប់តាំងពីខែមេសាឆ្នាំ២០២៣ ដែលជាសង្រ្គាមបាននាំមកនូវការផ្លាស់ទីលំនៅ និងការលំបាកជាច្រើនដល់ប្រជាជនស៊ូដង់។ ទន្ទឹមនឹងវិបត្តិស្បៀងអាហារកាន់តែធ្ងន់ធ្ងរ ស៊ូដង់ក៏កំពុងប្រឈមមុខនឹងការផ្ទុះឡើងនៃជំងឺអាសន្នរោគ ដោយសារទឹកជំនន់ដែលបានបំពុលទឹកស្អាត៕

អត្ថបទ៖ ប៊ុន សុភាព

The post ទំនប់​វារីអគ្គិសនី​នៅ​ស៊ូដង់បាក់​ក្រោយ​ភ្លៀងខ្លាំង​​បណ្តាល​ឱ្យ​​​ប៉ះពាល់​ផ្ទះ​​៥ម៉ឺនខ្នង​និង​៦០​ស្លាប់​​ appeared first on Kampuchea Thmey Daily.

គិតត្រឹមម៉ោងប្រហែលម៉ោង៤ព្រឹកថ្ងៃចន្ទនេះ ការបាក់ទំនប់ទឹកនៅទីប្រជុំជន Yisuhe តំបន់ Xiangtan បានកើនដល់ទៅ៧៧ម៉ែត្រ។ អ្នកស្រុកសរុបចំនួន ៣៨៣២នាក់ នៅក្នុងភូមិ Xintang និង Xinhu ដែលរងផលប៉ះពាល់ដោយទឹកជំនន់ត្រូវបានជម្លៀសចេញ ខណៈមកទល់ពេលនេះមិនមានអ្នកស្លាប់និងរបួសត្រូវបានរាយការណ៍នោះទេ។

យោងតាមរបាយការណ៍របស់គេហទំព័រ Hunan Daily បានឱ្យដឹងថា ប្រជាពលរដ្ឋត្រូវបានជម្លៀសទៅកាន់សាលារៀនចំនួន៤បណ្ដោះអាសន្នដើម្បីទទួលបានទឹកស្អាត អាហារ និងសម្ភារៈប្រើប្រាស់ផ្សេងទៀត។ ជាមួយគ្នានេះដើម្បីឆ្លើយតបទៅនឹងទឹកជំនន់ដ៏ធ្ងន់ធ្ងរនៅ Xiangtan និងកន្លែងផ្សេងទៀតក្នុងខេត្ត Hunan ក្រសួងគ្រប់គ្រងគ្រោះអាសន្នរបស់ប្រទេសចិនបានជំរុញកិច្ចខិតខំប្រឹងប្រែងដើម្បីជម្លៀសប្រជាជនដែលរងផលប៉ះពាល់ ដោយបញ្ជូនអ្នកជួយសង្គ្រោះចំនួន ២៦៦ នាក់រថយន្ត៤៧គ្រឿង និងទូក៣៧គ្រឿងទៅកាន់តំបន់រងគ្រោះ។

គួរបញ្ជាក់ថា ប្រទេសចិនក្នុងរយៈពេលប៉ុន្មានសប្ដាហ៍ថ្មីៗនេះប្រទេសចិនបានទទួលរងនូវគ្រោះទឹកជំនន់ដែលបណ្ដាលមកពីភ្លៀងធ្លាក់ខ្លាំងដែលបង្ខំឲ្យជម្លៀសប្រជាជនរាប់ម៉ឺននាក់។ទន្ទឹមនោះខេត្តHunanនឹងជួបប្រទះព្យុះភ្លៀងខ្លាំង ហើយផ្នែកខ្លះនៃខេត្តនឹងឃើញព្យុះភ្លៀងយ៉ាងខ្លាំងដោយសារតែឥទ្ធិពលនៃព្យុះទីហ្វុងGaemi៕

អត្ថបទ៖ ប៊ុន សុភាព

The post បាក់​ទំនប់​ទឹកនៅ​ភាគ​កណ្តាល​​ចិន មនុស្ស​រាប់​ពាន់​នាក់​ត្រូវ​​ជម្លៀស​ appeared first on Kampuchea Thmey Daily.

ដំបូងឡើយពោលគឺនៅថ្ងៃទី៥ខែកក្កដា អ្នកភូមិ ធ័នចូវយ័ន បានរាយការណ៍ប្រាប់អាជ្ញាធរអំពីករណីទឹកជន់លិចផ្ទះរបស់ពួកគេ​ ដែលជាសញ្ញាគួរឲ្យសង្ស័យពាក់ព័ន្ធនឹងទំនប់ទឹក។ ក្រោយមកក្រុមអ្នកជំនាញក៏បានឃើញស្នាមប្រេះប្រវែង ២២៦ម៉ែត្រនៅលើទំនប់នោះមែន ប៉ុន្តែទោះបីជាមានកិច្ចខិតខំប្រឹងប្រែងជួសជុលយ៉ាងណាក៏ដោយ ក៏មិនអាចទប់ស្កាត់ការធ្លាយបានដែរ។

ទីបំផុត ត្រឹម២ម៉ោងក្រោយការជួសជុល ទំនប់នោះក៏ធ្លាយ បង្កការជន់លិចលើផ្ទៃដី ៤៨គីឡូម៉ែត្រការ៉េ ហើយជំរុញឲ្យមានការជម្លៀសមនុស្ស ៧ ៦៨០នាក់ជាបន្ទាន់។ ទោះបីជាយ៉ាងណាក៏ដោយ ភ្លាមៗមិនទាន់មានរបាយការណ៍អំពីមនុស្សស្លាប់ឬរបួសទេ។

ជុំវិញមូលហេតុនៃការបាក់ទំនប់នេះ ត្រូវបានអាជ្ញាធរមូលដ្ឋានអះអាងថា បណ្តាលមកពីភ្លៀងធ្លាក់ក្នុងកម្រិតខ្ពស់មិនធ្លាប់មានជាប្រវត្តិសាស្រ្ត។ ភ្លៀងធ្លាក់ដូចហែកមេឃចន្លោះថ្ងៃ១៦ខែមិថុនា ដល់ថ្ងៃទី៣ខែកក្កដា គឺជាកម្រិតធ្ងន់ធ្ងរបំផុតក្នុងតំបន់ ឆាងសា ឆាងទ័រ យៀកយ៉ាង ស៊ាំងថាន គិតចាប់តាំងពីកំណត់ត្រា ចាប់ផ្តើមសរសេរក្នុងឆ្នាំ១៩៦១។

ដោយសារតែភ្លៀងធ្លាក់ខ្លាំងបែបនេះហើយ ទើបបណ្តាលឲ្យទឹកទន្លេជាច្រើនក្នុងខេត្ត ហូណាន ឡើងដល់កម្រិតប្រកាសអាសន្ន។ មិនត្រឹមប៉ុណ្ណឹង បើគិតចាប់តាំងរដូវទឹកជំនន់ចាប់ផ្តើមក្នុងខែមេសាឆ្នាំនេះមក ស្ទឹងធំបំផុតក្នុងខេត្ត ហូណាន បានទទួលទឹក១២២ពាន់លានម៉ែត្រគូប ពោលគឺលើសពីកម្រិតមធ្យម ៣៩.៩%។

សូមបញ្ជាក់ថា ប្រទេស​ចិន​ភាគខាង​ត្បូង ​ក៏​បាន​ជួប​ប្រទះ​នឹង​ទឹក​ជំនន់ដែរ​នៅ​ឆ្នាំ​នេះ។ ជាក់ស្តែងកាលពីខែមិថុនា តំបន់ជាច្រើននៅក្នុងខេត្ត ក្វាងទុង, ក្វាងស៊ី និង អានហួយ បានប្រឈមមុខនឹងទឹកជំនន់យ៉ាងធ្ងន់ធ្ងរ៕

អត្ថបទ៖ សុខ សុវណ្ណ

ចុចអាន៖ បាក់ទំនប់ទឹក ផ្តាច់ជីវិតមនុស្ស ៣៥នាក់ នៅកេនយ៉ា

The post បាក់ទំនប់ទឹកនៅ ចិន ជម្លៀសមនុស្សជាង ៧ ០០០នាក់ជាបន្ទាន់  appeared first on Kampuchea Thmey Daily.