បើ​តាម​យុវជន​ម្នាក់​បាន​អះអាង​ថា មាន​បុរស​ម្នាក់ បាន​អង្គុយ​ផឹកស៊ី​នៅផ្ទះ​ក្បែរ​ហាង​របស់​ខ្លួន ហើយ​ក៏​ដក​កាំភ្លើង​បាញ់​ឡើង​លើ​ចំនួន​មួយ​គ្រាប់ ដើម្បី​គំរាម​ខ្លួន បន្ទាប់ពី​ជិះ​ម៉ូតូ​កាត់​កន្លែង​ខ្លួន​ផឹកស៊ី ហើយ​ចោទប្រកាន់​ខ្លួន​ថា​ជិះ​ម៉ូតូ​លឿង​ក្នុង​ភូមិ។

បុរស​ដែល​ដក​កាំភ្លើង​បាញ់​មេឃ​មួយ​គ្រាប់​គំរាម​យុវជន​ខាង​លើ ត្រូវ​បាន​គេ​ស្គាល់​ថា​ជា​កម្លាំង​សមត្ថកិច្ច និង​ជា​អធិការ​រង​ទទួល​បន្ទុក​ផ្នែក​គ្រឿងញៀន នៃ​អធិការដ្ឋាន​នគរបាល​ខណ្ឌ​ដង្កោ រហស្សនាម ០២៥។

ជុំវិញ​ករណី​នេះ លោក ហុង ពិសិដ្ឋ អធិការ​នគរបាល​ខណ្ឌ​កំបូល បាន​ឲ្យ​កម្ពុជា​ថ្មី​ដឹង​ថា ករណី​ខាង​លើ​ពិត​ជា​មាន​មែន ហើយ​នៅ​ព្រឹក​ថ្ងៃ​ទី ១ ខែ​កក្កដា ឆ្នាំ ២០២៥ នេះ ជនសង្ស័យ កំពុង​ឃាត់ខ្លួន​នៅ​អធិការដ្ឋាន​ខណ្ឌ​កំបូល និង​កំពុង​សួរនាំ ដើម្បី​ចាត់ការ​តាម​នីតិវិធី៕

អត្ថបទ ៖ សុខា

The post អធិការរងខណ្ឌដង្កោម្នាក់ ដកកាំភ្លើងបាញ់មេឃមួយគ្រាប់គំរាមយុវជនម្នាក់ appeared first on Kampuchea Thmey Daily.

ប្រតិបត្តិការនេះ ដោយអនុវត្តតាមបទបញ្ជារបស់ លោក នាយឧត្តមសេនីយ៍ ស ថេត អគ្គស្នងការនគរបាលជាតិ បញ្ជាដល់លោក ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងការិយាល័យនគរបាលព្រហ្មទណ្ឌកម្រិតស្រាល និងកម្លាំងអធិការដ្ឋាននគរបាលខណ្ឌពោធិ៍សែនជ័យ នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងស្នងការដ្ឋាននគរបាលខេត្តបន្ទាយមានជ័យ កម្លាំងស្នងការដ្ឋាននគរបាលខេត្តបាត់ដំបង និងកម្លាំងនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បានធ្វើស្រាវជ្រាវឃាត់ខ្លួនជនសង្ស័យចំនួន០៥នាក់ ពាក់ព័ន្ធករណីហិង្សាដោយចេតនា និងប្រើប្រាស់អាវុធដោយគ្មានការអនុញ្ញាត ប្រព្រឹត្តនៅចំណុចបរិវេណអគាររតនៈសម្បត្តិ ផ្លូវសហព័ន្ធរុស្សី ភូមិតាងួន២ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១៤ ខែកុម្ភៈ ឆ្នាំ២០២៥។

ក្រុមជនសង្ស័យទាំង៥នាក់ដែលឃាត់ខ្លួន ជាជនជាតិចិន ទី១-ឈ្មោះ HAN CHONG ភេទប្រុស ជនជាតិ ចិន (ជនដៃដល់កាន់អាវុធ AK៤៧ បាញ់០១គ្រាប់)។ ទី២-ឈ្មោះ LIU YONGJIE ភេទ ប្រុស ជនជាតិ ចិន (ជនដៃដល់កាន់អាវុធ AK៤៧)។

ទី៣-ឈ្មោះ  ZHU DACHUN ភេទ ប្រុស ជនជាតិ ចិន (ជនដៃដល់កាន់អាវុធខ្លីក្លែងក្លាយ)។ ទី៤-ឈ្មោះ DENG TIAN MING ហៅ អឺម៉ ភេទប្រុស ជនជាតិ ចិន (ជនដៃដល់យកកាំបិតចាក់លើឈ្មោះ HAN CHONG )។និងទី៥-ឈ្មោះ LI ZIYUAN  ភេទ ប្រុស ជនជាតិចិន។

ក្នុងរង្វង់ប្រតិបត្តិការនេះ កម្លាំងនគរបាលចម្រុះបានឃាត់ខ្លួន និងដកហូតវត្ថុតាងរួមមាន គ្រាប់កាំភ្លើងប្រភេទ អាកា មិនទាន់ផ្ទុះ ចំនួន ០១ គ្រាប់, ការ៉ុង ពណ៌ ស ចំនួន ០១, អាវុធខ្លីគ្មានម៉ាក(ក្លែងក្លាយ) ពណ៌ ខ្មៅ ចំនួន ០១ ដើម និងគ្រាប់ចំនួន ០៣ គ្រាប់(ជ័រ), អាវុធវែង ម៉ាក AK៤៧ ចំនួន ០២ ដើម, គ្រាប់អាវុធវែងនិងខ្លី សរុបចំនួន ៥៩ គ្រាប់, ខោជើងខ្លី ចំនួន ០១, រថយន្តម៉ាក FAW BESTUNE ពណ៌ប្រផេះ ពាក់ផ្លាកលេខ ភ្នំពេញ ២AC-៧២១០, រថយន្តម៉ាក TOYOTA LEXUS RX៣៣០ ពណ៌ ទឹកមាស ពាក់ផ្លាកលេខ ភ្នំពេញ ២AH-២៣០៤ ។

សូមបញ្ជាក់ផងដែរ ប្រតិបត្តិការឃាត់ខ្លួនក្រុមជនសង្ស័យនេះកម្លាំងសមត្ថកិច្ចជំនាញពាក់ព័ន្ធទាំងអស់បានធ្វើការស្រាវជ្រាវរហូតទៅដល់ខេត្តបន្ទាយមានជ័យ ទើបឃាត់ខ្លួនក្រុមជនសង្ស័យបានជាបន្តបន្ទាប់ចំនួន០៥នាក់។

បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញ កំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕

ដោយ ៖ សំណាង

The post សមត្ថកិច្ចតាមចាប់ជនជាតិចិន៥នាក់ ដល់ខេត្តបន្ទាយមានជ័យ ក្រោយបាញ់បោះនៅអគាររតនៈសម្បត្តិ appeared first on Kampuchea Thmey Daily.

ហេតុការណ៍ខាងលើនេះ បានកើតឡើងកាលពីរំលងអធ្រាត្រឈានចូលថ្ងៃទី៧ ខែធ្នូ ឆ្នាំ២០២៤ នៅចំណុចវាលស្រែភូមិកណ្តាល​ ឃុំលំពង់​ ស្រុកបាទី​ ខេត្តតាកែវ។

ជនសង្ស័យ​ឈ្មោះ CAI JIA YOU ជនជាតិចិនតៃវ៉ាន់ មានអាយុ​ ២០ឆ្នាំ​ បានប្រើប្រាស់កាំភ្លើងខ្លី ម៉ាក Sig Sauer។ 

បើតាមលោក វ៉ី សំណាង អភិបាលខេត្តតាកែវ បានឱ្យដឹងថា ជនជាតិចិនតៃវ៉ាន់រូបនេះ ត្រូវបានកម្លាំងនគរបាលចាប់ខ្លួន និងកំពុងសួរនាំនៅអធិការដ្ឋាននគរបាលស្រុកបាទី។​ លោកអភិបាលខេត្ត​រូបនេះ​ បានបញ្ជាក់ថា លួចបាញ់បាន ប៉ុន្តែគុកនៅរង់ចាំជានិច្ច ដោយគ្មានជនណាអាចប្រព្រឹត្តបទល្មើស ហើយរួចខ្លួនពីសំណាញ់ច្បាប់នោះឡើយ។​ 

គួរបញ្ជាក់ថា​ ចំពោះមូលហេតុ នៃការបាញ់បោះសេរីនេះ មិនទាន់ត្រូវបានសមត្ថកិច្ចបញ្ជាក់ឲ្យដឹងនៅឡើយទេ។​ បបច្ចុប្បន្នជនសង្ស័យរួមនឹង​វត្ថុ​តាង​ ត្រូវបានបញ្ជូនទៅអធិការដ្ឋាននគរបាលស្រុកបាទី ដើម្បីធ្វើការសួរនាំចាត់ការបន្ដតាមនីតិវិធី៕

The post ជនជាតិចិនតៃវ៉ាន់ម្នាក់ បាញ់បោះសេរីជាង៧០គ្រាប់ត្រូវសមត្ថកិច្ចឃាត់ខ្លួន appeared first on Kampuchea Thmey Daily.

លោក ឆាយ ហុង ព្រះរាជអាជ្ញារង និង​ជា​អ្នកនាំពាក្យ​នៃ​អយ្យការ​អម​សាលាដំបូង​រាជធានី​ភ្នំពេញ​បាន​ឲ្យ​ដឹងថា សំណុំរឿង​ទើបតែ​បញ្ជូន​មកដល់​ស្ថាប័ន​អយ្យការ​។ នៅក្នុង​ដំណាក់កាល​នគ​របាល​សំណុំរឿង​បាច់​ប្រហារ​នេះ​ត្រូវបាន​នគរបាល​ធ្វើ​សេចក្ដីសន្និដ្ឋាន និង​ចោទប្រកាន់​កសាង​សំណុំរឿង​ករណី​មនុស្សឃាត​គិតទុក​ជាមុន​។ ទោះជា​យ៉ាងណា​នៅ​រសៀល​ថ្ងៃទី​១៩ មិថុនា​នេះ តំណាង​អយ្យការ​មិនទាន់​ធ្វើការ​ចោទប្រកាន់​ជា​ផ្លូវការ​នៅឡើយ​ទេ​។

​ឧ​ត្ត​ម​សេនីយ៍​ឯក ជួន ណា​រិន្ទ អគ្គ​ស្នងការ​រង​នគរបាលជាតិ និង​ជា​ស្នងការ​នគរបាល​រាជធានី​ភ្នំពេញ​បាន​ឲ្យ​ដឹងថា ករណី​ឃាតក​ឈ្មោះ ស្រី ស៊ីណា សមត្ថកិច្ច​បានរៀបចំ​សំណុំរឿង សាក្សី និង​ភស្តុតាង​មួយចំនួន ដោយ​អនុវត្ត​នូវ​វិធាន​ការ​ជំនាញ និង​វិធានការ​ច្បាប់​យ៉ាង​តឹងរ៉ឹង​បំផុត​ចំពោះ​ករណី​បាញ់ប្រហារ​នៅ​ខណ្ឌ​ច្បារអំពៅ​នេះ​។

គួរ​រំលឹក​ផង​ដែរ ករណី​ឃាតកម្ម​គិតទុក​ជាមុន​នេះ​បាន​កើតឡើង​កាលពី​រសៀល​ថ្ងៃទី​១៧ ខែមិថុនា ឆ្នាំ​២០២៤ នៅក្នុង​បុរី ប៉េង ហួត បឹង​ស្នោ គម្រោង​ទី​៧ ស្ថិត​ក្នុង​សង្កាត់​និរោធ ខណ្ឌ​ច្បារអំពៅ​  ដែល​បណ្តាល​ឲ្យ​មនុស្ស​២​នាក់​បាន​ស្លាប់ និង​មាន​អ្នករងរបួស​ម្នាក់ ចំពោះ​ខ្មាន់កាំភ្លើង​ជា​ឃាតក​ត្រូវ​បាន​នគរបាល​ចាប់ខ្លួន​ក្រោយ​ប្រព្រឹត្តិ​បទល្មើស និង​រត់គេចខ្លួន​តាម​រថយន្ត​ដល់​ស្រុក​អង្គស្នួល ខេត្តកណ្តាល និង​បាន​ឃាត់ខ្លួន​ជនសង្ស័យ​មួយ​ចំនួន​នៅក្នុង​ករណីនេះ​ផង​ដែរ​៕

ដោយ ៖ សុភា

The post ជន​ដៃដល់ ឧកញ៉ា ស្រី ស៊ីណា និង​បក្សពួក​ពីរ​នាក់​ទៀត ​ត្រូវ​បាន​បញ្ជូន​ខ្លួន​ទៅកាន់​អយ្យការ​អម​សាលាដំបូង​រាជធានី​ភ្នំពេញ appeared first on Kampuchea Thmey Daily.

ការចេញមកអះអាងបែបនេះរបស់អ្នកនាំពាក្យរងក្រសួងមហាផ្ទៃ បន្ទាប់ពីមានការផ្សព្វផ្សាយព័ត៌មានមួយចំនួននៅលើបណ្ដាញសង្គម ថា បុគ្គលដែលជាឃាតករបាញ់ប្រហារបង្កឱ្យមនុស្សស្លាប់២នាក់ ត្រូវបានដោះលែងឱ្យមានសេរីភាពឡើងវិញ។

ជុំវីញការផ្សាយនេះ លោក ទូច សុខៈ អ្នកនាំពាក្យរងក្រសួងមហាផ្ទៃ បានបញ្ជាក់នៅរសៀលថ្ងៃទី១៩ ខែមិថុនា ឆ្នាំ ២០២៤នេះ ករណីនេះ គឺជាព័ត៌មានក្លែងក្លាយ​មានចរិកធ្វើឱ្យចលាចល កេងចំណេញផ្នែកនយោបាយ ហើយធ្វើឱ្យប៉ះពាល់យ៉ាងធ្ងន់ធ្ងរដល់នីតិវិធី និងកេរ្តិ៍ឈ្មោះរបស់នគរបាលយុត្តិធម៌។ លោក ទូច សុខៈ ថា នេះគឺជារឿងបំភ្លៃខុសពីការពិត។ ដូច្នេះ លោក អំពាវនាវដល់សាធារណជនទាំងអស់កុំជឿទៅលើព័ត៌មានបែបញុះញង់នេះ។

បើតាមការបញ្ជាក់របស់អ្នកនាំពាក្យរូបនេះ បុគ្គលឈ្មោះ ស្រី ស៊ីណា កំពុងស្ថិតក្នុងដៃសមត្ថកិច្ចព្រហ្មទណ្ឌ នៃក្រសួងមហាផ្ទៃ ដែលកំពុងតែបន្តស៊ើបសួរតាមនីតិវិធី តាមជំនាញ ដើម្បីកសាងសំណុំរឿងបញ្ជូនទៅតុលាការ នាពេលឆាប់ៗ ដោយមិនឱ្យខុសពីនីតិវិធី ដែលកំណត់ក្នុងនីតិវិធីព្រហ្មទណ្ឌនោះឡើយ។

កាលពីរសៀលថ្ងៃទី១៧ ខែមិថុនា ឆ្នាំ២០២៤ មានករណីដ៏កក្រើកមួយនៅខណ្ឌច្បារអំពៅ រាជធានីភ្នំពេញ ដែលបង្កឡើងដោយខ្មាន់កាំភ្លើងម្នាក់ បានបាញ់ប្រហារទៅលើមនុស្សចំនួន៤នាក់ ក្នុងនោះបុរសម្នាក់ និងនារីម្នាក់ ដែលជាគូដណ្ដឹងនឹងគ្នា បានស្លាប់បាត់បង់ជីវិត ខណៈរងគ្រោះធ្ងន់ស្រាល២នាក់។ ខ្មាន់កាំភ្លើងរូបនេះ ត្រូវបានគេស្គាល់ថា ឈ្មោះ ស្រី ស៊ីណា ដែលមានងារជាឧកញ៉ាថែមទៀតផង។ បច្ចុប្បន្ន ជនសង្ស័យ និងវត្ថុតាងពាក់ព័ន្ធត្រូវបានបញ្ជូនទៅនាយកដ្ឋានព្រហ្មទណ្ឌ ក្រសួងមហាផ្ទៃ ដើម្បីបន្តនីតិវិធីតាមផ្លូវច្បាប់ជាធរមាន៕

The post អ្នកនាំពាក្យ ថា គ្មានការដោះលែងជនសង្ស័យ ស្រី ស៊ីណា ឡើយ គឺសមត្ថកិច្ចកំពុងបន្តនីតិវិធីស៊ើបសួរ appeared first on Kampuchea Thmey Daily.

សូម​បញ្ជាក់​ថា កាលពី​វេលា​ម៉ោង​វេលា​ម៉ោង ១និង៤០​នាទី​រំលង​អធ្រា​ត្រ ​ឈាន​ចូល​ថ្ងៃទី​៧ ខែឧសភា ឆ្នាំ​២០២៤​នៅ​ផ្លូវ​ទំនប់​៧០ កែង​នឹង​ផ្លូវ​បឹងកក់ សង្កាត់​ស្រះចក ខណ្ឌដូនពេញ មាន​ខ្មាន់​កាំ​ភ្លើង​បាន​បាញ់​៦​គ្រាប់​បណ្ដាល​ឲ្យ​រងរបួស​មនុស្ស​៣​នាក់​ដោយសារ​ខឹង​ក្មេងៗ​លេង​ឈូស​សើច​ឌឺដង ស្រប​ពេល​កំពុង​ឈ្លោះ​ជាមួយ​ប្រពន្ធ​។

បច្ចុប្បន្ន​ជនសង្ស័យ​ត្រូវបាន​សមត្ថកិច្ច​ឃាត់ខ្លួន​ និង​នាំ​យក​ទៅ​សាកសួរ​ចាត់ការ​តា​នីតិវិធី​៕

ដោយ ​៖ ​សុខា

The post សមត្ថកិច្ច​ចម្រុះ​បាន​ចាប់​ខ្លួន​ជនសង្ស័យ​​២​នាក់ ខណៈ​បាញ់​តដៃ​ជាមួយ​សមត្ថកិច្ច​ជា​ច្រើន​គ្រាប់ appeared first on Kampuchea Thmey Daily.

នេះ​បើ​ផ្អែកលើ​កាមេរ៉ា សុវត្ថិភាព ជា​តម្រុយ​ក្នុងការ​ស្រាវជ្រាវ​។ បើ​តាម​មន្ត្រី​នៃ​ស្នងការ​ខេត្ត​បាន​ឲ្យ​ដឹងថា ជនសង្ស័យ​បាន​ប្រើប្រាស់​អាវុធ​បាញ់​ចំនួន ០៦​គ្រាប់ ចូល​ទៅ​ក្នុង​លំនៅឋាន​របស់​ជនរងគ្រោះ​ឈ្មោះ កែវ ឌាំ​ង ភេទ​ប្រុស អាយុ​៤១​ឆ្នាំ មាន​ទីលំនៅ​ភូមិ​សូ​ភី​១ សង្កាត់​រតនៈ ក្រុង​បាត់ដំបង ខណៈ​ជនរងគ្រោះ​សម្រាក​នៅ​ខាង​ក្នុងផ្ទះ តែ​ជា​សំណាង​គ្រាប់កាំភ្លើង​មិនបាន​បង្កឱ្យមាន​មនុស្ស​ណា​ម្នាក់ រងគ្រោះថ្នាក់​នោះទេ គ្រាន់តែ​ធ្លុះធ្លាយ​ទ្វារផ្ទះ​ពី​ខាងមុខ​តែប៉ុណ្ណោះ​។

រហូតដល់​ថ្ងៃទី​១០ ខែមេសា ឆ្នាំ​២០២៤ ដោយមាន​ការ​យកចិត្ត​ទុកដាក់​ពី​លោកស្នងការ​ខេត្ត និង​បានការ​សម្របសម្រួល លើ​នីតិវិធី ពី​លោក កែវ ស​សុជាតិ ព្រះរាជអាជ្ញា​នៃ​អយ្យការ អម​សាលាដំបូង​ខេត្ត​ផង លោក វរសេនីយ៍ឯក ឈឿង គឹម​សុង ស្នងការរង ដឹកនាំ​ការិយាល័យ​នគរ បាល​ព្រហ្មទណ្ឌ​កម្រិត​ស្រាល និង​លោក វរសេនីយ៍ឯក ចៀក ថា​និ​ន នាយការិយាល័យ នគរបាល​ព្រហ្មទណ្ឌ​កម្រិត​ស្រាល បាន​ដឹកនាំ​កម្លាំង​ក្រុម​អន្តរាគមន៍​បង្ការ​បង្ក្រាប សហការ​ជាមួយ​កម្លាំង​អធិការដ្ឋាន​នគរ​បាល​ក្រុង​បាត់ដំបង ដែល​ដឹកនាំ​ដោយ​លោក វរសេនីយ៍ឯក ពេជ្រ សា​រ៉ែ​ន ជា​អធិការ បាន​ចុះ​ប្រតិបត្តិ​ការអនុវត្ត​ដីកា​បញ្ជា​ឱ្យ​ចូ ល​ខ្លួន​លេខ​១៧,១៨ /២៤ ដ​.​ប​.​ខ របស់លោក ទុ​ត វី​នី​ត ព្រះរាជអាជ្ញារង នៃ​អយ្យការ​អម សាលាដំបូង​ខេត្តបាត់ដំបង បាន ចោទ​ពីបទ ប៉ុនប៉ង​ឃាតកម្ម (​មិនបាន​សម្រេច​)​ប្រព្រឹត្តិ​នៅ​ចំណុច​ភូមិ​សុ​ភី​១ សង្កាត់ រតនៈ ខេត្តបាត់ដំបង កាលពី​យប់​ថ្ងៃទី ២៩ ខែមីនា ឆ្នាំ​២០២៤ ដែលជា​ផ្ទះ​របស់​ជនរងគ្រោះ​ឈ្មោះ កែវ ឌាំ​ង ភេទ​ប្រុស អាយុ ៤០ ឆ្នាំ។

លោក​ឈឿង គឹម​សុង បាន​ឲ្យ​ដឹងថា ពាក់ព័ន្ធ​ករណី​ខាងលើ សមត្ថកិច្ច​បាន​នាំខ្លួន​ជនសង្ស័យ​ចំនួន​០៣​នាក់ រួមមាន ÷១-​ឈ្មោះ សុខ ប៊ុនធឿន ហៅ បៀ​វ ភេទ​ប្រុស អាយុ ២៤ ឆ្នាំ មាន​ទីលំនៅ ភូមិ អូរ​ខ្ជាយ សង្កាត់​ព្រែក​ព្រះស្តេច ក្រុង​បាត់ដំបង ខេត្តបាត់ដំបង( ជា​អ្នកធ្វើ​សកម្មភាព​ផ្ទាល់ ) ។​

២-​ឈ្មោះ ទួន ហាក់​ហួត ហៅ តួ ភេទ​ប្រុស អាយុ ៣១ ឆ្នាំ មាន​ទីលំនៅ​ភូមិ​អូរ​ចារ សង្កាត់​អូរ​ចារ ក្រុង​បាត់ដំបង ខេត្តបាត់ដំបង( ជា​អ្នកផ្សំគំនិត ) ។

៣-​ឈ្មោះ ឡៅ ផេង​អាន ភេទ​ប្រុ ស អាយុ ៣៥ ឆ្នាំ មាន​ទីលំនៅ​ភូមិ​២០​ឧសភា សង្កាត់​ស្វាយប៉ោ ក្រុង​បាត់ដំបង ខេត្តបាត់ដំបង ( ជា​អ្នក កាន់កាប់​អាវុធ​ដោយ​ខុសច្បាប់ និង រក្សាទុក​ដោយ​ខុសច្បាប់​នូវ​សារធាតុ​ញៀន​)។ រួម​នឹង វត្ថុតាង​ដកហូត​រួមមាន រថយន្ត ០១​គ្រឿង ,​អាវុធខ្លី ចំនួន ០២​ដើម។

តាម​ការសាកសួរ​ពី​សមត្ថកិច្ច ជនសង្ស័យ​ខាងលើ​បាន​ឆ្លើយ​សារភាព​ថា ពួកគេ​ពិតជា​បានធ្វើ​សកម្មភាព​ដោយ​ប្រើប្រាស់ អាវុធខ្លី​បាញ់​ទៅលើ​លំនៅឋាន​របស់​ជនរងគ្រោះ​ខាងលើ​ពិតប្រាកដ​មែន ហើយ​មូល​ហេតុដែល​ឈានដល់​ការធ្វើសកម្មភាព បែបនេះ​គឺ​ដោយសារតែ​រឿង​គំនុំ​។​ពេលនេះ​ជនសង្ស័យ​និង​វត្ថុតាង សមត្ថកិច្ច​បានរៀបចំ​កសាង​សំណុំរឿង​បញ្ជូន​ទៅ​សាលា ដំបូង​ខេត្តបាត់ដំបង​រួចរាល់​ហើយ ដើម្បី​ចាត់ការ​បន្ត​តាម​នីតិវិធី​៕

ដោយ ៖ សៅ សារិទ្ធ

The post ករណី​បាញ់​សម្រុកចូល​ទៅក្នុង​លំនៅឋាន​ប្រជាពលរដ្ឋ​នៅក្រុង​បាត់ដំបង សមត្ថកិច្ច​តាម​ប្រមាញ់​បាន៣​នាក់ហើយ appeared first on Kampuchea Thmey Daily.

ដីកាបង្គាប់ឱ្យចាប់ខ្លួននេះ បានឱ្យដឹងថា បុគ្គលឈ្មោះ កង តារាវិឆៃ ភេទប្រុស អាយុ ៣២ឆ្នាំ មុខរបរជា មន្ត្រីនគរបាល ត្រូវបានចោទប្រកាន់ពីពីបទប្រើប្រាស់អាវុធគ្រឿងផ្ទុះ និងគ្រាប់រំសេវដោយគ្មានការអនុញ្ញាត ប្រព្រឹត្តទៅចំណុចចំការតែ ស្ថិតនៅភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ កាលពីថ្ងៃទី១១ ខែវិច្ឆិកា ឆ្នាំ២០២៣ វេលាម៉ោង ១៦ និង៣០ នាទីរសៀល រហូតដល់ថ្ងៃទី១២ ខែវិច្ឆិកា ឆ្នាំ២០២៣ វេលាម៉ោង ០៦ និង០០ នាទីព្រឹក បទល្មើសព្រហ្មទណ្ឌមានចែង និងឱ្យផ្តន្ទាទោសតាមបញ្ញត្តិមាត្រា ២០ នៃច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ។

ដើម្បីឱ្យកិច្ចស៊ើបសួរអាចប្រព្រឹត្តទៅបានពេញលេញ លោក សេង រិទ្ធី ចៅក្រមស៊ើបសួរនៃសាលាដំបូងខេត្តកំពង់ស្ពឺ តាមរយៈដីការចុះថ្ងៃទី២០ ខែវិច្ឆិកានេះ បានបង្គាប់ឱ្យចាប់ខ្លួនជនត្រូវចោទខាងលើមកប្រគល់ជូនសាលាដំបូងខេត្តកំពង់ស្ពឺ ដើម្បីចាត់ការតាមច្បាប់។ ជាមួយគ្នានេះ លោកចៅក្រម សេង រិទ្ធី ក៏បានបញ្ជាដល់ប្រធានពន្ធនាគារ ឬមណ្ឌលឃុំខ្លួនឱ្យទទួល និងឃុំខ្លួនបុគ្គលនេះ និងត្រូវនាំទៅបង្ហាញដល់ចៅក្រមស៊ើបសួរផងដែរ។

គួរជម្រាបថា ពាក់ព័ន្ធករណីនេះ មានមនុស្សចំនួន ៤នាក់ ដែលបានចូលខ្លួនសារភាព ហើយត្រូវបានចៅក្រមស៊ើបបសួរ សម្រេចឃុំខ្លួនដាក់ពន្ធនាគារជាបណ្ដោះអាសន្ន ពីបទប្រើប្រាស់អាវុធគ្រឿងផ្ទុះ និងគ្រាប់រំសេវគ្មានការអនុញ្ញាត តាមបញ្ញត្តិមាត្រា២០ នៃច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ។ ប៉ុន្តែ បុគ្គលឈ្មោះ កង តារាវិឆៃ ដែលជាម្ចាស់ទីតាំង កំពុងតែរត់គេចខ្លួន៕  

The post តុលាការ បញ្ជាឱ្យសមត្ថកិច្ចតាមចាប់ខ្លួនបុគ្គល កង តារាវិឆៃ ដែលបាញ់បោះនៅភ្នំគិរីរម្យ ហើយកំពុងរត់គេច appeared first on Kampuchea Thmey Daily.