តាមការផ្សាយរបស់ Al Jazeera, បាតុកម្ម «No Kings» ចាប់ផ្តើមនៅថ្ងៃទី២៨ខែមីនាឆ្នាំ២០២៦ ហើយនៅថ្ងៃនោះ វាត្រូវបានគេចាត់ទុកថាជា «ការតវ៉ាក្នុងរយៈពេលតែមួយថ្ងៃដែលធំបំផុតក្នុងប្រវត្តិសាស្ត្រអាមេរិក» ជាមួយការរៀបចំការជួបជុំជាង ៣ ៣០០ ព្រឹត្តិការណ៍ ផ្សេងៗគ្នា ក្នុងរដ្ឋទាំង៥០។

នៅអាមេរិក វាមិនមែនត្រឹមជាការប្រឆាំងសង្គ្រាមអ៊ីរ៉ង់ទេ តែវាក៏រាលដាលទៅជាការប្រឆាំងនឹងភ្នាក់ងារអន្តោប្រវេសន៍ ដែលបង្ក្រាបដោយប្រើវិធីសាស្រ្តកាចសាហាវផងដែរ។

ចំណុចផ្ទុះខ្លាំងនៃបាតុកម្មនេះគឺរដ្ឋ Minnesota បន្ទាប់ពីមានហេតុការណ៍បាញ់ប្រហារលើពលរដ្ឋដោយភ្នាក់ងារសហព័ន្ធកាលពីដើមឆ្នាំ។ ក្រៅពីនេះ ក៏មានបាតុកម្មធំៗនៅ Washington D.C., New York City, Chicago និង Los Angeles ផងដែរ។

ដ្បិតថានៅអាមេរិក រាងធូរស្រាលក៏ពិតមែន ប៉ុន្តែបាតុកម្ម «No Kings» បានរាលដាលដល់១៦ប្រទេសជាពិសេសប្រទេសធំៗដូចជាអ៊ីរ៉ង់ បារាំងនិងអាល្លឺម៉ង់ ដោយបាតុកម្មបានកើតឡើងក្នុងទីក្រុងរ៉ូម ប៉ារីស និងបែរឡាំង។

សរុបមក បាតុកម្ម «No Kings» មិនទាន់បញ្ចប់ទាំងស្រុងនោះទេ ប៉ុន្តែវាបាន ប្តូរទម្រង់ ពីការដើរក្បួនតាមដងផ្លូវទ្រង់ទ្រាយធំ មកជាការតស៊ូផ្នែកនយោបាយ និងច្បាប់វិញ។

ទោះមិនសូវមានការហែក្បួនកកកុញដូចមុន ប៉ុន្តែចលនានេះនៅតែបន្តយ៉ាងសកម្មតាមរយៈការធ្វើកូដកម្ម ពោលនៅតាមរដ្ឋមួយចំនួន កម្មករ និងនិស្សិតនៅតែបន្តធ្វើកូដកម្មមិនចូលធ្វើការ ឬរៀន ដើម្បីដាក់សម្ពាធសេដ្ឋកិច្ច។

ម្យ៉ាងមេធាវី និងអង្គការសិទ្ធិមនុស្សជាច្រើនបានដាក់ពាក្យប្តឹងទៅតុលាការជាន់ខ្ពស់ ដើម្បីជំទាស់នឹងបទបញ្ជាផ្ទៃក្នុងមួយចំនួនរបស់ប្រធានាធិបតីថែមទៀតផង៕

អត្ថបទ៖ សុខ សុវណ្ណ

The post ផ្តើមចេញពីអាមេរិក, បាតុកម្មប្រឆាំងសង្គ្រាមអ៊ីរ៉ង់ រាលដាលខ្លាំង ដល់១៦ប្រទេស appeared first on Kampuchea Thmey Daily.

លោក Samran Nualma បានប្រាប់សារព័ត៌មាន The Nation កាលពីថ្ងៃពុធទី១១ខែកុម្ភៈឆ្នាំ២០២៦ថា ក្រុមបង្ក្រាបកុបកម្មបានត្រៀមរួចស្រេចហើយ ដើម្បីធ្វើប្រតិបត្តិការប្រសិនបើស្ថានការណ៍កាន់តែអាក្រក់។

នៅបាងកក ប៉ូលិសក៏បានចាត់វិធានការសន្តិសុខយ៉ាងតឹងរ៉ឹងផងដែរ នៅការិយាល័យគណៈកម្មាធិការរៀបចំការបោះឆ្នោត (EC) ដោយដាក់ពង្រាយកម្លាំងការពារ ដើម្បីទប់ទល់នឹងក្រុមបាតុករដែលទាមទារឲ្យរាប់សន្លឹកឆ្នោតឡើងវិញ។

ក្រុមបាតុករ United Front of Thammasat and Demonstration រួមជាមួយអ្នកតវ៉ាជាច្រើនទៀត បានណាត់ជួបជុំគ្នានៅមុខការិយាល័យ EC ដើម្បីទាមទារឲ្យមាន ការរាប់សន្លឹកឆ្នោតឡើងវិញ បន្ទាប់ពីការបោះឆ្នោតថ្ងៃទី ៨ ខែកុម្ភៈ ឆ្នាំ ២០២៦ ត្រូវបានគេមើលឃើញថាមានភាពមិនប្រក្រតីខ្លាំង។

មិនមែនតែបាងកកទេ នៅថៃ មានការធ្វើបាតុកម្មជាច្រើនកន្លែង តាមបណ្តាខេត្តនានា ជាពិសេសតាមមណ្ឌលរាប់សន្លឹកឆ្នោតតែម្តង ដើម្បីតវ៉ានឹងការបោះឆ្នោតគ្មានតម្លាភាព។

ក្នុងនោះ ខេត្ត Chonburi មានភាពវឹកវរខ្លាំងជាងគេ ដោយនៅមណ្ឌលទី៣ មានព័ត៌មានលេចធ្លាយថា មន្ត្រីបានលួចដឹកជញ្ជូនហឹបឆ្នោតទៅទុកក្នុងឃ្លាំងងងឹតមួយនាពេលយប់។

ចំណែកនៅខេត្ត Chai Nat អ្នកគាំទ្របក្សប្រជាជន បានសម្រុកទៅកាន់សាលាខេត្ត ដើម្បីទាមទារឲ្យរាប់សន្លឹកឆ្នោតឡើងវិញ បន្ទាប់ពីរកឃើញថាចំនួនសន្លឹកឆ្នោតមានភាពមិនប្រក្រតី ពោលគឺសន្លឹកឆ្នោតលើសចំនួនអ្នកបោះឆ្នោត រហូតដល់ជិត ៧ ០០០ សន្លឹក។

រីឯនៅខេត្ត Udon Thani, បេក្ខជនសមាជិកសភាម្នាក់បានសម្រុកទៅតវ៉ានៅមណ្ឌលគណៈកម្មាធិការខេត្ត ដោយសារតែគាត់បានបោះឆ្នោតឲ្យខ្លួនឯងផ្ទាល់ ប៉ុន្តែលទ្ធផលផ្លូវការដែលប្រកាសចេញមក បែរជាបង្ហាញថាលទ្ធផលរបស់គាត់គឺ «សូន្យសំឡេង» ទៅវិញ។

នៅ ខេត្ត មហាសារ៉ាខាម ក្រុមនិស្សិតបានចេញមកតវ៉ាតាំងពីយប់រហូតដល់ភ្លឺ ទាមទារឲ្យរាប់សន្លឹកឆ្នោតឡើងវិញ ដោយសារតែភាពមិនប្រក្រតីក្នុងដំណើរការរាប់សន្លឹកឆ្នោត។

សូម្បីនៅរាជធានីបាងកក និស្សិតថៃជាច្រើននាក់ ក៏បានលើកគ្នាទៅតវ៉ានៅមុខទីស្នាក់ការ EC ផងដែរដើម្បីទាមទារឲ្យមានការរាប់សន្លឹកឆ្នោតទូទាំងប្រទេសឡើងវិញ ចំពេលមានការចោទប្រកាន់អំពីការក្លែងបន្លំនិងទិញសន្លឹកឆ្នោត៕

អត្ថបទ៖ សុខ សុវណ្ណ

The post ថៃ ពង្រឹងសន្តិសុខ និងត្រៀមក្រុមបង្ក្រាបកុបកម្មរួចស្រេច ខណៈការតវ៉ាលទ្ធផលឆ្នោត កាន់តែខ្លាំងឡើងៗ appeared first on Kampuchea Thmey Daily.

ប្រជាពលរដ្ឋ នាំគ្នាចេញមកតវ៉ា និងឡោមព័ទ្ធមណ្ឌលរាប់សន្លឹកឆ្នោត ដោយសារពួកគេមិនពេញចិត្តនឹងការបកស្រាយរបស់មន្ត្រីបោះឆ្នោត ហើយសង្ស័យថាមានការបន្លំលទ្ធផល និងខ្វះតម្លាភាព។

តាមការផ្សាយរបស់ Amarin កាលពីថ្ងៃអង្គារទី១០ខែកុម្ភៈឆ្នាំ២០២៦ ក្នុងខេត្ត Chonburi មានភាពវឹកវរខ្លាំងនៅមណ្ឌលទី៣ បន្ទាប់ពីធ្លាយព័ត៌មានថា មន្ត្រីបានលួចដឹកជញ្ជូនហឹបឆ្នោតទៅទុកក្នុងឃ្លាំងងងឹតមួយនាពេលយប់។ លោក Wiroj Lakkhanaadisorn សមាជិកសភាបក្សប្រជាជន ក៏បានចុះទៅដល់ទីតាំងនោះដើម្បីតាមរកហឹបឆ្នោតដែល បាត់ដាន។

ចំណែកនៅខេត្ត Chai Nat អ្នកគាំទ្របក្សប្រជាជន បានសម្រុកទៅកាន់សាលាខេត្ត ដើម្បីទាមទារឲ្យរាប់សន្លឹកឆ្នោតឡើងវិញ បន្ទាប់ពីរកឃើញថាចំនួនសន្លឹកឆ្នោតមានភាពមិនប្រក្រតី ពោលគឺសន្លឹកឆ្នោតលើសចំនួនអ្នកបោះឆ្នោត រហូតដល់ជិត ៧ ០០០ សន្លឹក។

រីឯនៅខេត្ត Udon Thani, បេក្ខជនសមាជិកសភាម្នាក់បានសម្រុកទៅតវ៉ានៅមណ្ឌលគណៈកម្មាធិការខេត្ត ដោយសារតែគាត់បានបោះឆ្នោតឲ្យខ្លួនឯងផ្ទាល់ ប៉ុន្តែលទ្ធផលផ្លូវការដែលប្រកាសចេញមក បែរជាបង្ហាញថាលទ្ធផលរបស់គាត់គឺ «សូន្យសំឡេង» ទៅវិញ។

ងាកទៅ Pathum Thani មានការចោទប្រកាន់ថា មន្ត្រីបានយកក្រណាត់ទៅគ្របកាមេរ៉ាសុវត្ថិភាព (CCTV) នៅមណ្ឌលទី៧ ដែលធ្វើឲ្យមហាជនកាន់តែសង្ស័យពីភាពមិនស្មោះត្រង់។

នៅ ខេត្ត មហាសារ៉ាខាម ក្រុមនិស្សិតបានចេញមកតវ៉ាតាំងពីយប់រហូតដល់ភ្លឺ ទាមទារឲ្យរាប់សន្លឹកឆ្នោតឡើងវិញ ដោយសារតែភាពមិនប្រក្រតីក្នុងដំណើរការរាប់សន្លឹកឆ្នោត។

ចុងក្រោយបំផុតគឺនៅរាជធានីបាងកកតែម្តង ដោយនិស្សិតថៃជាច្រើននាក់ បានលើកគ្នាទៅតវ៉ានៅមុខទីស្នាក់ការគណៈកម្មាធិការរៀបចំការបោះឆ្នោត (EC) ក្នុងទីក្រុងបាងកក ដើម្បីទាមទារឲ្យមានការរាប់សន្លឹកឆ្នោតទូទាំងប្រទេសឡើងវិញ ចំពេលមានការចោទប្រកាន់អំពីការក្លែងបន្លំនិងទិញសន្លឹកឆ្នោត។

បាតុករទាមទារឲ្យមានការពន្យល់និងបញ្ជាក់ឲ្យច្បាស់អំពីករណីសង្ស័យជាច្រើនដូចជាការដាច់ភ្លើងពេលរាប់សន្លឹកឆ្នោតនៅមណ្ឌលខ្លះភាពមិនស៊ីគ្នារវាងលទ្ធផលដែលបានប្រកាសនិងចំនួនសន្លឹកឆ្នោតជាក់ស្តែង ការគូសសញ្ញារាប់សន្លឹកឆ្នោតមិនច្បាស់ ឬមិនមានតម្លាភាពនិងការសង្ស័យលើការកែបន្លំតួលេខ៕

អត្ថបទ៖ សុខ សុវណ្ណ

The post នៅថៃ ផ្ទុះបាតុកម្មច្រើនកន្លែង តវ៉ាលទ្ធផលឆ្នោត ដែលពោរពេញដោយការក្លែងបន្លំ appeared first on Kampuchea Thmey Daily.

តាមការផ្សាយរបស់ Khaosod នៅថ្ងៃពុធទី១១ខែកុម្ភៈឆ្នាំ២០២៦ បាតុកម្មនេះដឹកនាំដោយលោក Teerapop Tengpravat ដែលជាតំណាងរបស់អង្គការសង្គមស៊ីវិល។

បាតុករទាមទារឲ្យមានការពន្យល់និងបញ្ជាក់ឲ្យច្បាស់អំពីករណីសង្ស័យជាច្រើនដូចជាការដាច់ភ្លើងពេលរាប់សន្លឹកឆ្នោតនៅមណ្ឌលខ្លះភាពមិនស៊ីគ្នារវាងលទ្ធផលដែលបានប្រកាសនិងចំនួនសន្លឹកឆ្នោតជាក់ស្តែង ការគូសសញ្ញារាប់សន្លឹកឆ្នោតមិនច្បាស់ ឬមិនមានតម្លាភាពនិងការសង្ស័យលើការកែបន្លំតួលេខ។

ទន្ទឹមនោះដែរ ក្រុមនិស្សិតបានដាក់ញត្តិមួយ ដែលមានការទាមទារចំនួន ៥ ចំណុច រួមមាន៖

1. ការរាប់សន្លឹកឆ្នោតឡើងវិញទូទាំងប្រទេសដោយតម្លាភាព និងបើកចំហឲ្យមានការត្រួតពិនិត្យពីសាធារណជន។
2. ការស៊ើបអង្កេតជាបន្ទាន់នូវបទល្មើសវិន័យនិងព្រហ្មទណ្ឌ លើមន្ត្រីទាំងឡាយណាដែលពាក់ព័ន្ធ។
3. ការបង្ហាញលទ្ធផលបោះឆ្នោតនៅតាមកម្រិតការិយាល័យបោះឆ្នោតនីមួយៗឲ្យបានឆាប់រហ័ស។
4. ការទុកជាមោឃៈនិងរៀបចំការបោះឆ្នោតឡើងវិញ នៅតាមមណ្ឌលបោះឆ្នោតណាដែលការរាប់សន្លឹកឆ្នោតឡើងវិញបង្ហាញពីភាពមិនស៊ីគ្នារវាងចំនួនសន្លឹកឆ្នោត និងចំនួនអ្នកមកបោះឆ្នោតជាក់ស្តែង។
5. ការលាលែងពីតំណែងរបស់សមាជិក EC ទាំង ៧ រូប ដើម្បីទទួលខុសត្រូវចំពោះភាពអសមត្ថភាពក្នុងការបំពេញការងារ៕

អត្ថបទ៖ សុខ សុវណ្ណ

The post និស្សិតថៃ ធ្វើបាតុកម្មនៅមុខទីស្នាក់ការ EC ទាមទារឲ្យរាប់សន្លឹកឆ្នោតឡើងវិញ ទូទាំងប្រទេស appeared first on Kampuchea Thmey Daily.

នៅ​ក្នុង​សេចក្តី​ថ្លែង​ការណ៍​ដែល​ធ្វើ​ឡើង​ដោយ​ទូរទស្សន៍​ Press TV កាល​ពី​ថ្ងៃ​ពុធ មាន​អ្នក​តាម​ដាន​ម្នាក់​​នៅ​អ៊ីរ៉ង់​ បាន​និយាយ​ថា មាន​មនុស្ស​ ២ ៤២៧នាក់​នៃ​អ្នក​ស្លាប់​ក្នុង​បាតុ​កម្ម​ គឺ​ជា​ជន​ស៊ីវិល និង​កង​កម្លាំង​សន្តិ​សុខ​។

ចំណែក​ទី​ភ្នាក់​ងារ​ព័ត៌​មាន​សកម្មជន​សិទ្ធិ​មនុស្ស (HRANA) ដែល​មាន​មូល​ដ្ឋាន​នៅ​សហរដ្ឋ​អាមេរិក បាន​ឱ្យ​ដឹង​ថា មនុស្ស​ចំនួន​ ​៤ ៥១៩​នាក់ ត្រូវ​បាន​សម្លាប់​​អំឡុង​ពេល​បាតុ​កម្ម​​កំពុង​ក្តៅ​​។

តាមការ​ចេញ​ផ្សាយ​​របស់​សារព័ត៌មាន Al Jazeera, ទីភ្នាក់ងារ​ (HRANA) ​​លើក​ឡើង​ថា​ ​ចំនួន​អ្នក​ស្លាប់​អាច​កើន​ដល់​ ៩ ០៤៩នាក់​ ប៉ុន្តែ​កំពុង​ស្ថិត​ក្រោម​ការ​ត្រួត​ពិនិត្យ​ និង​ផ្ទៀង​ផ្ទាត់​​។

គួរ​បញ្ជាក់​ថា បាតុកម្ម​ដែល​បាន​ចាប់​ផ្តើម​នៅ​ចុង​ខែ​ធ្នូ ជា​មួយ​នឹង​ម្ចាស់​ហាង​ដែល​តវ៉ា​ប្រឆាំង​នឹង​ការ​ធ្លាក់​ចុះ​នៃ​តម្លៃ​រូបិយ​ប័ណ្ណ និង​តម្លៃ​នៃ​ការ​​ចំណាយ​លើ​ការ​រស់​នៅបាន​កើន​ឡើង​ ប្រែ​ទៅ​​ជា​ចលនា​ប្រឆាំង​រដ្ឋា​ភិបាល​ដែល​រីក​រាល​ដាល​ដ៏​ឆាប់រហ័ស​​​។

មិន​តែ​ប៉ុណ្ណោះ អា​ជ្ញា​​ធរ​អ៊ី​រ៉ង់​ បាន​ថ្កោល​ទោស​នៃ​ការ​តវ៉ា​នេះ​ថា ​ជា​ឧប្បត្តិ​ហេតុ​ «ភេរវករ» ហើយ​អះអាង​ថា «កុប​កម្ម» ដ៏​ហិង្សា​នេះ ​ជា​ការ​​បញ្ឆេះ​ដោយ​សហរដ្ឋ​អា​មេរិក និង​អ៊ីស្រាអែល​ទៀត​​ផង​​។

ការ​​បង្រ្កាប​​ដែល​ធ្វើ​ឡើងដោយ​​​រដ្ឋា​ភិបាល ​​ត្រូវ​​បាន​​ថ្កោល​ទោស​​យ៉ាង​ធ្ងន់​ធ្ងរ​ពី​សំណាក​ប្រ​ធានា​ធិប​តី​​សហរដ្ឋ​​អាមេរិក​ លោក ដូណាល់​ ត្រាំ និង​​គំរាម​​ធ្វើ​​អន្តរាគមន៍​​គាំទ្រ​​បាតុ​ករ​ទៀត​ផង​។

រីឯក្រុម​​សិទ្ធិ​​មនុស្ស​​មួយ​​ចំនួន​​បាន​​លើក​ឡើង​ថា​ ក្រុម​​អ្នក​​តវ៉ា​​ត្រូវដែល​​​បាន​​​សម្លាប់​​ គឺ​ជា​​​ការ​​ប្រើ​កម្លាំង​​​ដោយ​​​កង​​កម្លាំង​​​សន្តិ​​សុខ​តែ​ម្តង​​។

នៅ​ក្នុង​របាយការណ៍​មួយ ​ដែល​អង្គការ​លើក​លែង​ទោស​អន្តរ​ជាតិ​បាន​កត់​ត្រាថា​ ខ្លួន​បាន​ចង​ក្រង​ឯកសារ​លើ​​កង​​កម្លាំង​​សន្តិសុខ​អ៊ីរ៉ង់ ដែល​បាន​ដាក់​កងម្លាំង​នៅ​តាម​ដង​ផ្លូវ និង​លើ​ដំបូលផ្ទះ​ ដោយ​បាញ់​កាំ​ភ្លើងវែង​ និង​កាំ​ភ្លើង​ខ្លី​ ផ្ទុក​ដោយ​គ្រាប់​ដែក​ ក្នុង​គោល​ដៅ​ទៅ​លើ​ក្បាល និង​ដង​ខ្លួន​របស់​មនុស្ស​​ដែល​គ្មាន​អាវុធ​៕

ប្រែ​សម្រួល៖ ណឺ មិនា

The post ​មនុស្ស​ស្លាប់​ចំនួន ៣ ១១៧នាក់​​ ​ក្នុង​បាតុកម្ម​នៅ​អ៊ី​រ៉ង់​ appeared first on Kampuchea Thmey Daily.

ដកស្រង់សម្តីដោយសារព័ត៌មានរដ្ឋ, មេដឹកនាំលកំពូល Ayatollah Ali Khamenei លើកឡើងថា លោក Khamenei បានលើកឡើងថា មនុស្សរាប់ពាន់នាក់ត្រូវបានសម្លាប់ ក្នុងនោះខ្លះស្លាប់ក្នុងលក្ខណៈអមនុស្សធម៌ និងសាហាវយង់ឃ្នងបំផុត។

ទោះបីជាយ៉ាងណាក៏ដោយ ទន្ទឹមនោះលោកបានទម្លាក់កំហុសលើសហរដ្ឋអាមេរិកចំពោះការបាត់បង់ជីវិតទាំងនេះ។ លោក Khamenei និយាយថា៖ «អ្នកដែលមានទំនាក់ទំនងជាមួយអ៊ីស្រាអែល និងសហរដ្ឋអាមេរិក បានបង្កការខូចខាតយ៉ាងធ្ងន់ធ្ងរ និងបានសម្លាប់មនុស្សអស់រាប់ពាន់នាក់។ យើងចាត់ទុកប្រធានាធិបតីអាមេរិកថាជាជនឧក្រិដ្ឋ ចំពោះការបាត់បង់ជីវិត ការខូចខាត និងការមួលបង្កាច់ដែលលោកបានបង្កឡើងមកលើប្រជាជាតិអ៊ីរ៉ង់»។

សូមជម្រាបជាថ្មី បាតុកម្មបានចាប់ផ្តើមឡើងដោយសារតវ៉ាលើបញ្ហាអតិផរណាដែលហក់ឡើងខ្ពស់ខ្លាំង ប៉ុន្តែឥឡូវនេះបានរីករាលដាល ក្លាយជាការទាមទារឲ្យបញ្ចប់ការគ្រប់គ្រងតាមបែបសាសនារបស់មេដឹកនាំកំពូលអ៊ីរ៉ង់ Ayatollah Ali Khamenei។

បើយោងតាមទីភ្នាក់ងារសារព័ត៌មានសកម្មជនសិទ្ធិមនុស្សអ៊ីរ៉ង់ (HRANA) ដែលមានមូលដ្ឋាននៅសហរដ្ឋអាមេរិក, ការឆ្លើយតបដោយហិង្សាចំពោះចលាចលនេះ បានផ្ដាច់យកជីវិតមនុស្សអស់ចំនួន ៣,០៩០ នាក់ហើយ ខណៈក្រុមសកម្មជនខ្លះទៀតអះអាងថា ចំនួនមនុស្សស្លាប់អាចខ្ពស់ជាងនេះឆ្ងាយណាស់៕

អត្ថបទ៖ សុខ សុវណ្ណ

The post ទីបំផុត មេដឹកនាំកំពូលអ៊ីរ៉ង់ ព្រមទទួលស្គាល់ថា មនុស្សរាប់ពាន់នាក់ ពិតជាស្លាប់ក្នុងបាតុកម្មមែន appeared first on Kampuchea Thmey Daily.

តាមការផ្សាយរបស់ BBC នៅថ្ងៃចន្ទទី១២ខែមករាឆ្នាំ២០២៦ សហរដ្ឋអាមេរិកបានគំរាមវាយប្រហារអ៊ីរ៉ង់ ពាក់ព័ន្ធការសម្លាប់ក្រុមបាតុករ ហើយលោក ត្រាំ ក៏ថ្លែងកាលពីថ្ងៃសៅរ៍ដែរថា ទីក្រុងវ៉ាស៊ីនតោន ត្រៀមខ្លួនរួចជាស្រេចក្នុងការចូលជួយ។ 

យ៉ាងណាលោក ត្រាំ មិនបញ្ជាក់ថាតើនឹងជួយដោយរបៀបណានោះទេ ប៉ុន្តែគេមើលឃើញថា ការចូលអន្តរាគមន៍របស់អាមេរិក គឺគ្មានអ្វីក្រៅពីជម្រើសយោធាឡើយ។

ឆ្លើយតបទៅការគំរាមរបស់លោកត្រាំ ប្រធានសភាអ៊ីរ៉ង់ Mohammad Bagher Ghalibaf បានព្រមានបកទៅវិញថា ប្រសិនបើសហរដ្ឋអាមេរិកបើកការវាយប្រហារមែន នោះទាំងអ៊ីស្រាអែល, មូលដ្ឋានយោធានិងមជ្ឈមណ្ឌលដឹកជញ្ជូនតាមនាវារបស់អាមេរិកនៅក្នុងតំបន់ នឹងក្លាយជាគោលដៅវាយបកស្របច្បាប់ហើយ។

សូមជម្រាបជាថ្មី បាតុកម្មបានចាប់ផ្តើមឡើងដោយសារតវ៉ាលើបញ្ហាអតិផរណាដែលហក់ឡើងខ្ពស់ខ្លាំង ប៉ុន្តែឥឡូវនេះបានក្លាយជាការទាមទារឲ្យបញ្ចប់ការគ្រប់គ្រងតាមបែបសាសនារបស់មេដឹកនាំកំពូលអ៊ីរ៉ង់ Ayatollah Ali Khamenei។

យោងតាមភ្នាក់ងារព័ត៌មានសកម្មជនសិទ្ធិមនុស្ស (HRANA) ដែលមានមូលដ្ឋាននៅសហរដ្ឋអាមេរិក បានបញ្ជាក់ថា ខ្លួនបានផ្ទៀងផ្ទាត់ចំនួនមនុស្សស្លាប់ ដែលក្នុងនោះមានបាតុករ ៤៩៥ នាក់ និងបុគ្គលិកសន្តិសុខ ៤៨ នាក់ នៅទូទាំងប្រទេស។

ក្រៅពីនោះ មនុស្សចំនួន ១០ ៦០០ នាក់ផ្សេងទៀត ត្រូវបានឃាត់ខ្លួនក្នុងភាពវឹកវរនេះដែលអូសបន្លាយអស់រយៈពេលពីរសប្តាហ៍មកហើយ៕

អត្ថបទ៖ សុខ សុវណ្ណ

The post អ៊ីរ៉ង់ គំរាមសងសឹកអាមេរិកវិញ បើហ៊ានវាយប្រហារខ្លួនមែន appeared first on Kampuchea Thmey Daily.

តាមការផ្សាយរបស់ Democracy Now កាលពីថ្ងៃចន្ទទី៥ខែមករាឆ្នាំ២០២៦, បាតុកម្មប្រឆាំងសង្គ្រាម បានរីករាលដាល់នៅប្រទេសជាច្រើនជាពិសេសមានទាំងការដុតទង់ជាតិអាមេរិកថែមទៀតផង។

នៅវ៉េណេស៊ុយអេឡា ដ្បិតពលរដ្ឋខ្លះចេញអបអរចំពោះការចាប់ខ្លួនលោកម៉ាឌូរ៉ូក៏ពិតមែន ប៉ុន្តែអ្នកគាំទ្រលោក ម៉ាឌូរ៉ូ រាប់ពាន់នាក់ ក៏បានហែក្បួនក្នុងទីក្រុង ការ៉ាកាស ផងដែរ ដើម្បីទាមទារឲ្យដោះលែងមេដឹកនាំរបស់ពួកគេ។ បាតុករបានប្រមូលផ្តុំគ្នានៅខាងក្រៅរដ្ឋសភា ខណៈអនុប្រធានាធិបតី លោកស្រី ដេលស៊ី រ៉ូឌ្រីហ្គេស បានស្បថចូលកាន់តំណែងជាប្រធានាធិបតីបណ្តោះអាសន្ន។

ចំណែកនៅសហរដ្ឋអាមេរិកវិញ មានការជួបជុំគ្នានៅក្នុងទីក្រុងធំៗ ដូចជាញូវយ៉ក, ឈីកាហ្គោ, ឡូសអាន់ជ័រឡេស, សាន់ហ្វ្រាន់ស៊ីស្កូ និង វ៉ាស៊ីនតោន ឌីស៊ី ដោយក្រុមបាតុករបានថ្កោលទោសប្រតិបត្តិការយោធានេះ និងបានព្រមានប្រឆាំងនឹងការបង្កសង្គ្រាមថ្មី។

នៅអឺរ៉ុប បាតុកម្មបានតវ៉ានៅក្នុងទីក្រុងឡុងដ៍ ម៉ាឌ្រីដ ប្រ៊ុចសែល ប៉ារីស និង រ៉ូម ខណៈនៅមជ្ឈិមបូព៌ា និងអាស៊ី ក៏មានបាតុកម្មនៅក្នុងទីក្រុង អង់ការ៉ា នៃប្រទេសតួកគី, ញូវដេលីនៃប្រទេសឥណ្ឌា និងម៉ានីល នៃប្រទេសហ្វីលីពីន ផងដែរ។

សម្រាប់ក្នុងតំបន់អាមេរិកឡាទីនវិញ បាតុកម្មប្រឆាំងការជ្រៀតជ្រែករបស់សហរដ្ឋអាមេរិក ក៏ផ្ទុះឡើងក្នុងប្រទេសប្រេស៊ីល ម៉ិកស៊ិក និងគុយបាផងដែរ។

សូមជម្រាបជាថ្មី អាមេរិកបានបើកប្រតិបត្តិការយោធាពិសេស «Operation Absolute Resolve» នៅវ៉េណេស៊ុយអេឡា ដើម្បីចាប់ខ្លួនលោក ម៉ាឌូរ៉ូ និងភរិយាទាំងកណ្តាលអធ្រាត្រថ្ងៃសៅរ៍ទី៣ខែមករាឆ្នាំ២០២៦ ដោយចោទថា ប្រធានាធិបតីរូបនេះ ជាមេគ្រឿងញៀននិងនៅពីក្រោយក្រុមភេរវករដែលគំរាមកំហែងខ្លាំងដល់សហរដ្ឋអាមេរិក៕

អត្ថបទ៖ សុខ សុវណ្ណ

The post ផ្ទុះបាតុកម្មពេញពិភពលោក ប្រឆាំងប្រតិបត្តិការយោធាអាមេរិក នៅ វ៉េណេស៊ុយអេឡា appeared first on Kampuchea Thmey Daily.