កម្លាំងសមត្ថកិច្ចក្រុងសៀមរាប បានត្រៀមទាញខ្សែបិទរួចជាស្រេចនៅម៉ោង ០០យប់នេះទាំង២៧គោលដៅក្នុងក្រុងសៀមរាប

Mey Soklim — Sat, 11 Sep 2021 14:20:30 +0000

លោកអធិការក្រុងសៀមរាប បានប្រាប់កម្ពុជាថ្មីថា កម្លាំងរបស់លោកបានត្រៀមរៀបចំទាញខ្សែបិទខ្ទប់ក្រុងសៀមរាប ទាំង២៧គោលដៅ ទាំងធំទាំងតូចរួចជាស្រេច តាមបទបញ្ជា របស់លោកស្នងការខេត្តនៅម៉ោង ០០នាទីថ្ងៃទី១២ ខែ កញ្ញា ឆ្នាំ២០២១នេះ។

លោកវរសេនីយ៍ទោ ដា ចំរើន អធិការក្រុងសៀមរាបក៏បានជម្រាបជូនបងប្អូនដែលបាន មកលេងនិងស្នាក់នៅក្នុងក្រុងសៀមរាបឲ្យដឹងថា នៅម៉ោង ០០ ឈានចូលថ្ងៃទី១២ សមត្ថកិច្ចរបស់ និងមិនអនុញ្ញាតឲ្យចេញក្រៅក្រុងឡើយ ដូច្នេះសូមបងប្អូនជ្រាបជាដំណឹង ហើយចំពោះបងប្អូនដែលមានបំណងចង់មកលេងក្រុងសៀមរាប សូមបងប្អូនផ្អាកសិន ពីព្រោះក្រុងសៀមរាប ត្រូវបិទខ្ទប់រយះពេលមួយសប្តាហ៍គឺចាប់ពីថ្ងៃទី១១ ដល់ថ្ងៃទី១៨ ខែកញ្ញា ។

អត្ថបទ៖គឿនវេត

The post កម្លាំងសមត្ថកិច្ចក្រុងសៀមរាប បានត្រៀមទាញខ្សែបិទរួចជាស្រេចនៅម៉ោង ០០យប់នេះទាំង២៧គោលដៅក្នុងក្រុងសៀមរាប appeared first on Kampuchea Thmey Daily.

ភូមិសាស្ត្រផ្នែកខ្លះក្នុងខណ្ឌទាំង ៣ សង្ស័យករណីវីរុសបំប្លែងថ្មី(Delta) ហើយបិទខ្ទប់

deth leng — Tue, 03 Aug 2021 01:12:02 +0000

អាជ្ញាធររាជធានីភ្នំពេញ នៅថ្ងៃទី ២ ខែសីហា បានចេញសេចក្ដីសម្រេចជាបន្តបន្ទាប់បិទខ្ទប់ផ្នែកខ្លះ នៃភូមិសាស្ត្រក្នុងរាជធានីភ្នំពេញ បន្ទាប់ពីមានការសង្ស័យករណីវិរុសបំប្លែងថ្មី (Delta)។

ភូមិសាស្ត្របិទខ្ទប់ទាំងនោះរួមមាន៖

១. កំណាត់ផ្លូវ ៩៣ ស្ថិតក្នុងក្រុមទី៤ ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។

២. ច្រកផ្លូវលេខ ៣៧២, ៣៧២Z, និងផ្លូវលេខ ៣៦២ ស្ថិតក្នុងភូមិ៥ សង្កាត់បឹងសាឡាង ខណ្ឌទួលគោក រាជធានីភ្នំពេញ។

៣. ភូមិតាងួន សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ក្នុងនោះ រកឃើញអ្នកឆ្លងវីរុសកូវីដ-១៩ ចំនួន ៨ នាក់ (ស្រី ៥) នៅក្នុងប្រតិបត្តិការស្វែងរកអ្នកសង្ស័យដែលជាប់ពាក់ព័ន្ធជាមួយអ្នកដែលបានឆ្លង វីរុសកូវីដ-១៩ បំប្លែងថ្មី Delta (B.1.617-2) កាលពីយប់ថ្ងៃទី ២ សីហា។

ក្នុងអំឡុងពេលនៃការអនុវត្តវិធានការបិទខ្ចប់ ត្រូវបានហាមឃាត់រាល់ការចេញ-ចូល និងរាល់ការជួបជុំ ឬការប្រមូលផ្តុំមនុស្ស ក្នុងទីតាំងខាងលើ លើកលែងតែករណីចំបាច់ ដូចខាងក្រោម៖

– ការចេញ-ចូល ដោយមូលហេតុសុខភាពបន្ទាន់

– ការចេញ-ចូល ដើម្បីផ្ដល់វត្ថុសំណាកធ្វើតេស្ដរកជំងឺកូវីដ-១៩ តាមការណែនាំរបស់អាជ្ញាធរមូលដ្ឋាន

– ការវិលត្រឡប់ទៅលំនៅឋាន ឬទីសំណាក់របស់ខ្លួនវិញរបស់បុគ្គលដែលបាន បញ្ចប់ការធ្វើ ចត្តាឡីស័ក និងអ្នកជំងឺចេញពីមន្ទីរពេទ្យ ឬកន្លែងសម្រាកព្យាបាល ចូលក្នុងទីតាំងបិទខ្ទប់ ដោយមានការសម្របសម្រួលរបស់អាជ្ញាធរមានសមត្ថកិច្ច

– ការចេញ-ចូល និងការជួបជុំរបស់បុគ្គលិកសុខាភិបាល និងអាជ្ញាធរមានសមត្ថកិច្ច ដើម្បីអនុវត្ត វិធានការ សុខាភិបាល ក្នុងការស្រាវជ្រាវ ទប់ស្កាត់ និងកាត់ផ្ដាច់ការឆ្លងរាលដាល នូវមេរោគ បំប្លែងខ្លួនថ្មី ប្រភេទ ដែលតា (Delta) នៅក្នុងសហគមន៍។

– ការចេញ-ចូល និងការជួបជុំរបស់អាជ្ញាធរមានសមត្ថកិច្ច ដើម្បីផ្គត់ផ្គង់គ្រឿងឧបភោគ-បរិភោគចាំបាច់ ក្នុងអំឡុងពេលបិទខ្ចប់។

– ការចេញ-ចូល និងការជួបជុំរបស់អាជ្ញាធរមានសមត្ថកិច្ច និងកម្លាំងគណៈបញ្ជាការឯកភាពរដ្ឋបាលគប់ លំដាប់ថ្នាក់ ក្នុងការបំពេញការងារថែរក្សាសន្តិសុខ សណ្តាប់ធ្នាប់ និងរបៀបរៀបរយសាធារណៈ៕

The post ភូមិសាស្ត្រផ្នែកខ្លះក្នុងខណ្ឌទាំង ៣ សង្ស័យករណីវីរុសបំប្លែងថ្មី(Delta) ហើយបិទខ្ទប់ appeared first on Kampuchea Thmey Daily.

បិទខ្ទប់ផ្នែកខ្លះ Archives - Kampuchea Thmey Daily

ភូមិសាស្ត្រ​ផ្នែកខ្លះក្នុងខណ្ឌទាំង ៣​ សង្ស័យ​ករណីវីរុសបំប្លែងថ្មី​(Delta) ហើយបិទខ្ទប់

ភូមិសាស្ត្រផ្នែកខ្លះក្នុងខណ្ឌទាំង ៣ សង្ស័យករណីវីរុសបំប្លែងថ្មី(Delta) ហើយបិទខ្ទប់