បឺត សង្ឃឹម Archives - Kampuchea Thmey Daily

ធន់ ស៊ីហុង ប៉ះ បឺត សង្ឃឹម ត្រូវបានគេជជែកច្រើនលើបណ្ដាញសង្គម និងជាគូដែលអ្នកគាំទ្រទន្ទឹងរង់ចាំមើល

Sina Noun — Wed, 27 May 2026 07:40:14 +0000

ជំនួបដ៏ធំរវាងជើងខ្លាំងសេរីចាស់ បឺត សង្ឃឹម ត្រូវប៉ះជាមួយកីឡាករស្រករក្រោយ ធន់ ស៊ីហុង នៅថ្ងៃទី៣១ ឧសភា ឆ្នាំ២០២៦ នៅរាជធានីភ្នំពេញនេះបានធ្វើឲ្យមានការចាប់អារម្មណ៍ និងលើកយកមកជជែកច្រើនអំពីក្បាច់ស្នៀត និងភាគរយខាងណាឈ្នះ។

កីឡាករ បឺត សង្ឃឹម

ការប៉ះគ្នារវាងជើងខ្លាំង បឺត សង្ឃឹម និង ធន់ ស៊ីហុង ជាការប្រកួតលើកដំបូងផងនោះបានធ្វើឲ្យអ្នកតាមដានវិស័យប្រដាល់គុនខ្មែរ និងមជ្ឈដ្ឋានប្រដាល់នៅកម្ពុជាហាក់មានការចាប់អារម្មណ៍មែនទែន និងទន្ទឹងរង់ចាំការមកដល់ឲ្យបានឆាប់ៗ។ លោក ហ៊ុន ច័ន្ទរាជ្យ ខាំ ខ្លានាង ពេជ្រ សម្បត្តិ ពេជ្រ សឹង្ហៈ គឺសុទ្ធតែជ្រើសរើសយកកីឡាករ បឺត សង្ឃឹម ព្រោះមានបទពិសោធក្នុងការប្រកួតច្រើន មានស្នៀងប្រយុទ្ធចម្រុះ និងជាកីឡាករប្រើប្រាជ្ញាខ្ពស់ (IQ) ទៀតផង។

ចំណែក លន បញ្ញា ដែលជាសិស្សច្បង ធន់ ស៊ីហុង ក៏បានសរសើរពីសមត្ថភាពរបស់ បឺត សង្ឃឹម ដូចគ្នាថាជាកីឡាករជើងចាស់ និងមានក្បាច់ទាំងអស់ទៅហើយ។ លើសពីនេះជាកីឡាករដែលមានបទពិសោធច្រើនរាប់មិនអស់ក្នុងការប្រកួតតូច-ធំ កន្លងទៅនេះ។ ប៉ុន្តែប្រសិនបើ បឺត សង្ឃឹម ឆាប់អស់ស៊ុហ្វវិញនោះអាចនឹងមានបញ្ហារបស់សិស្សប្អូន ធន់ ស៊ីហុង ក្នុងជំនួបដ៏សំខាន់មួយនេះ។

កីឡាករ ធន់ ស៊ីហុង

បញ្ជាក់ដែរថា នេះជាការប៉ះគ្នាលើកដំបូងរវាង បឺត សង្ឃឹម និង ធន់ ស៊ីហុង នៅថ្ងៃទី៣១ ខែឧសភា ឆ្នាំ២០២៦ នៅខណ្ឌកំបូល រាជធានីភ្នំពេញ។ មិនត្រឹមជាការប៉ះគ្នាដំបូងនោះទេក្នុងជំនួបនេះជាកម្មវិធីធំប្រកួតឆ្ពោះទៅដណ្ដើមឡានជូនក្លឹបរបស់ខ្លួនទៀតផង។ រង់ចាំមើល បឺត សង្ឃឹម ឬ ធន់ ស៊ីហុង ជាអ្នកឈ្នះក្នុងការប្រកួតដ៏សំខាន់មួយនេះ៕

អត្ថបទដោយ៖ នួន ស៊ីណា

The post ធន់ ស៊ីហុង ប៉ះ បឺត សង្ឃឹម ត្រូវបានគេជជែកច្រើនលើបណ្ដាញសង្គម និងជាគូដែលអ្នកគាំទ្រទន្ទឹងរង់ចាំមើល appeared first on Kampuchea Thmey Daily.

ពេជ្រ សម្បត្តិ សមត្ថភាពល្អខ្លាំងសូម្បី បឺត សង្ឃឺម ក៏សរសើរដែរពិបាករកអ្នកល្អដូចណាស់

Sina Noun — Wed, 28 Jan 2026 09:01:27 +0000

កីឡាករ ពេជ្រ សម្បត្តិ ពិតជាទទួលបានប្រជាប្រិយភាពជាខ្លាំងពីបណ្ដាអ្នកគាំទ្រវិស័យប្រដាល់តាមរយៈសមត្ថភាពប្រកួតយ៉ាងល្អពិសេសក្នុងការប្រកួត 8 Man សូម្បីតែ បឺត សង្ឃឹម ក៏សរសើរដែរ និងថាពិបាករកកីឡាករណាអ្នកខ្លាំងឲ្យដូចណាស់។

រូបភាពលើហ្វេសបុកលោក ពេជ្រ សុផាន់

ថ្លែងក្នុងកិច្ចសម្ភាសមួយកីឡាករ បឺត សង្ឃឹម បានលើកឡើងថា ក្នុងការប្រកួត 8 Man របស់ ពេជ្រ សម្បត្តិ កន្លងទៅនេះគឺពិតជាប្រកួតបានល្អ និងកម្រមានកីឡាកររូបណាធ្វើបានដូចណាស់ប្រកួត ៩ទឹកមិនអស់ស៊ុហ្វហើយដើរបុកគេរហូតទៀត។

បឺត សង្ឃឹម បន្តថា សូម្បីតែខ្លួនផ្ទាល់ក៏មិនអាចធ្វើដូចបានដែរ ពោលការអំណោយផលរាងកាយពីធម្មជាតិដ៏ល្អរួមផ្សំទៅហ្នឹងការហ្វឹកហាត់ជាប់លាប់ទៀតនោះនាំឲ្យ ពេជ្រ សម្បត្តិ រឹតតែខ្លាំងថែមទៀត។ បច្ចុប្បន្ននេះពិបាកស្វែងរកកីឡាករណាល្អដូច ពេជ្រ សម្បត្តិ ណាស់ទាំង ធន ស៊ូ និងកម្លាំង ដូចបានឃើញអីចឹង ៩ទឹកដើរបុកដៃគូរហូតពិតជាសរសើរមែន។

សម្បត្តិ និងប្អូនប្រុស

បញ្ជាក់ដែរថា កាលពីថ្ងៃទី២៦ ខែមករា ឆ្នាំ២០២៦ នេះកីឡាករ ពេជ្រ សម្បត្តិ ចូលរួមការប្រកួតកម្មវិធី 8 Man និងទទួលបានជ័យជម្នះទាំង ៣ប្រកួតក្នុងមួយរាត្រីប៉ុណ្ណោះឈ្នះបានខ្សែក្រវាត់ ១គ្រឿង និងកំប៉ុងមាសមួយផងដែរ។ ក្នុងមួយរាត្រីត្រូវជា ៣ប្រកួតនោះអ្នកគាំទ្រពិតជាសរសើរពីភាពខ្លាំង និងធនរបស់ សម្បត្តិ មែនថាវាយមិនចេះអស់ និងបានដើរបុកដៃគូរហូតសរុបទាំង ៩ទឹកនេះ៕

កីឡាករ បឺត សង្ឃឹម

អត្ថបទដោយ៖ នួន ស៊ីណា

The post ពេជ្រ សម្បត្តិ សមត្ថភាពល្អខ្លាំងសូម្បី បឺត សង្ឃឺម ក៏សរសើរដែរពិបាករកអ្នកល្អដូចណាស់ appeared first on Kampuchea Thmey Daily.

បឺត សង្ឃឹម៖ ចាញ់គឺចាញ់ ឈ្នះគឺឈ្នះ ខ្ញុំគ្មានលេសដោះសារអ្វីទាំងអស់

Sina Noun — Fri, 07 Nov 2025 02:29:47 +0000

កីឡាករ បឺត សង្ឃឹម បានបង្ហោះសារនៅលើហ្វេសបុកផេកផ្ទាល់ខ្លួនថា «ចាញ់គឺចាញ់ ឈ្នះគឺឈ្នះ ខ្ញុំគ្មានលេសដោះសារអ្វីទាំងអស់» ដែលក្នុងន័យនេះចង់បញ្ជាក់ទៅដល់មហាជនថាការចាញ់ដោយសន្លប់របស់ខ្លួននេះគឺមិនបានយកលេសអ្វីពីក្រោយនោះឡើយ។

ការបង្ហោះសាររបស់ សង្ឃឹម

បន្ទាប់ពីការចាញ់ដោយសន្លប់របស់ បឺត សង្ឃឺម កាលពីថ្ងៃទី៥ ខែវិច្ឆិកា ឆ្នាំ២០២៥ នៅសង្វៀន KKIF គេឃើញមានការបង្ហោះសារផ្សេងៗអមដោយអត្ថន័យថាកូនសិស្សលោក សេន ប៊ុនថេន រូបនេះវាយទាំងឈឺ ឬបន្តវាយដើម្បីកុំឲ្យខូចកម្មវិធីរបស់គេជាដើម។

រូបភាពផេក KKIF

ចំពោះសាមីខ្លួនវិញគឺបានបង្ហោះសារថា «ចាញ់គឺចាញ់ ឈ្នះគឺឈ្នះ ខ្ញុំគ្មានលេសដោះសារអ្វីទាំងអស់សុំទោសដល់លោកគ្រូដែលសិស្សធ្វើមិនបានល្អ និងបងប្អូនដែលគាំទ្ររូបខ្ញុំបាទ ខ្ញុំនឹងព្យាយាមហ្វឹកហាត់បន្ថែមទៀតថា» ដែលការបង្ហោះនេះគឺចង់បញ្ជាក់ទៅដល់អ្នកគាំទ្រគុនខ្មែរចំពោះបរាជ័យរបស់ខ្លួនគឺមិនពាក់ព័ន្ធ ឬយកលេសអ្វីផ្សេងៗជាមួយការប្រកួតមួយនេះទេ។

រូបភាពផេក KKIF

ដូចមហាជនអ្នកគាំទ្រដឹងស្រាប់ហើយថា បឺត សង្ឃឹម ជាកីឡាករមួយរូបមិនសូវចេះនិយាយច្រើន ឬបង្ហាញពីអំនួតរបស់ខ្លួននោះឡើយ។ ពោលកីឡាករគុនខ្មែររូបនេះមិនសូវចេះលេងសើចច្រើននោះទេជាក់ស្ដែងដូចការចាញ់កីឡាករអេស្បាញ់ SAMUEL ថ្មីៗនេះអីចឹងចាញ់គឺចាញ់ហើយមិនចេះយកលេសនេះលេសនោះមកនិយាយជាមួយលទ្ធផលចាញ់មួយនេះឡើយ។

បញ្ជាក់ដែរថា កីឡាករ បឺត សង្ឃឹម បានចាញ់សន្លប់ក្នុងទឹកទី១ ដោយស្នៀតជង្គង់បោះរបស់កីឡាករអេស្ប៉ាញ SAM UEL កាលពីយប់ថ្ងៃទី៥ ខែវិច្ឆិកា ឆ្នាំ២០២៥ នៅរាជធានីភ្នំពេញ។ លទ្ធផលគូសំខាន់ៗជាមួយគ្នានោះដែរគឺ បឺត ថ្មដា ឈ្នះសន្លប់ ធន់ អេងឡេង ឌឹម សារំ ឈ្នះពិន្ទុ មហាម៉ាត់ សុខ ធី ចាញ់ពិន្ទុកីឡាករអង់គ្លេស KHORY CHETAL៕

អត្ថបទដោយ៖ នួន ស៊ីណា

The post បឺត សង្ឃឹម៖ ចាញ់គឺចាញ់ ឈ្នះគឺឈ្នះ ខ្ញុំគ្មានលេសដោះសារអ្វីទាំងអស់ appeared first on Kampuchea Thmey Daily.

កីឡាករលំដាប់ៗស្រុកខ្មែរច្រើននាក់បានចាញ់ក្នុងពេលបុណ្យអុំទូក

chean virakbot — Fri, 07 Nov 2025 01:30:26 +0000

នៅក្នុងឱកាសព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក មានការប្រកួតប្រដាល់គុនខ្មែរជាច្រើនគូ ក្នុងនោះមានការប្រកួតគុនចម្រុះ និងឃីកបុកស៊ីង ថែមទៀត។

លទ្ធផលពិតជាគួរឲ្យចាប់អារម្មណ៍ខ្លាំងមែនទែន។ កីឡាករ កីឡាការិនីកម្ពុជាលំដាប់ជួរមុខជាច្រើនគូបានបរាជ័យស្ទើរមិនគួរឲ្យជឿ។ ជើងខ្លាំងលំដាប់លេខ១ស្រុកខ្មែរទម្ងន់៥៧គីឡូក្រាម បឺត សង្ឃឹម បានចាញ់ក្នុងទឹកទី១ ហើយ មនុស្សឈើ សុខ ធី បានចាញ់ពិន្ទុ។

អ្វីដែលអ្នកគាំទ្រសោកស្តាយបំផុត គឺកីឡាករលំដាប់លេខ១ស្រុកខ្មែរទម្ងន់៧៣គីឡូក្រាម ធឿន ធារ៉ា បានចាញ់ដៃគូចាស់ បាវែល មកពីប្រទេសបេឡារុស្ស ដែលធ្វើឲ្យរូបគេធ្លាក់ត្រឹមវគ្គពាក់កណ្តាលផ្តាច់ព្រ័ត្រ ដណ្តើមខ្សែក្រវាត់គុនខ្មែរពិភពលោកដែលមានបេក្ខភាព៨នាក់ក្នុងមួយរាត្រី។

ជាមួយគ្នានេះ កីឡាករ គោរមៈ ច័ន្ទរាជ បានចាញ់ពិន្ទុកីឡាករចិនសម្រាប់ការប្រកួតឃីកបុកស៊ី ហើយកីឡាការិនី អេ យ៉ានុត បានចាញ់សន្លប់ក្រោមកណ្តាប់ដៃកីឡាការិនីអាមេរិក និងកីឡាករ គឹម វាសនា ក៏បានចាញ់សន្លប់។

ចំណែកការប្រកួតគុនចម្រុះវិញ គ្មានកីឡាករកម្ពុជាណាម្នាក់ដែលអាចទទួលបានជ័យជម្នះលើកីឡាករចិនឡើយ។

ទោះបីជាយ៉ាងណា លទ្ធផលដែលគួរឲ្យសរសើររបស់កីឡាករកម្ពុជាគឺ អេ អាំម៉ារីនភូថង ដណ្តើមខ្សែក្រវាត់បានពីកីឡាករអាមេរិន Even Boulton។ នេះជាបរាជ័យលើកទី១របស់កីឡាករអាមេរិក បន្ទាប់ពីរូបគេធ្លាប់ឈ្នះកីឡាករកម្ពុជាជាច្រើននាក់។ កូនប្រុសរបស់លោក អេ ភូថង ម្នាក់ទៀតគឺ ម៉ឺន មេឃា ក៏ទទួលបានជ័យជម្នះលើកីឡាករចិន សម្រាប់ការប្រកួតឃីកបុកស៊ីង ព្រមទាំងមានកីឡាករច្រើននាក់ទៀតដែលទទួលបានជោគជ័យ៕

អត្ថបទ៖ វីរបុត្រ

The post កីឡាករលំដាប់ៗស្រុកខ្មែរច្រើននាក់បានចាញ់ក្នុងពេលបុណ្យអុំទូក appeared first on Kampuchea Thmey Daily.

បឺត សង្ឃឹម ត្រូវដណ្តើមខ្សែក្រវាត់ ISKA ពិភពលោក ទល់នឹងម្ចាស់ខ្សែក្រវាត់ ២ ស្ថាប័នរបស់ប៉ូឡូញ

Kosal Sem — Mon, 06 Oct 2025 08:35:50 +0000

កីឡាករគុនខ្មែរ អ្នកលេងចិត្តសាស្ត្របឺត សង្ឃឹម នឹងត្រូវមានភារកិច្ចប្រកួតដណ្តើមខ្សែក្រវាត់លំដាប់ពិភពលោក ISKA Kun Khmer ឆាប់ៗនេះ នៅថ្ងៃ សៅរិ៍ ទី ១១ ខែ តុលា ឆ្នាំ ២០២៥ នៅទឹកដីកម្ពុជា ទល់នឹងកីឡាករ ប៉ូឡូញ Marcin Nicinski។

កីឡាករ បឺត សង្ឃឹម

កីឡាករលំដាប់ A របស់ កម្ពុជា បឺត សង្ឃឹម អាចនឹងត្រូវធ្វើការងារធ្ងន់សម្រាប់ជំនួបខាងមុខនេះ ព្រោះតាមរយៈប្រវត្តិប្រកួត ដែលទទួលបាននៅលើបណ្តាញសង្គម កីឡាករ Marcin Nicinski ជាជើងខ្លាំងមួយរូប។ កីឡាករ Marcin Nicinski ហាក់មានតែមលើ សង្ឃឹម ត្រង់កម្ពស់ ដោយរូបគេមានកម្ពស់ដល់ទៅ ១.៨០ ម៉ែត្រ ខណៈកូនសិស្សលោកគ្រូសេន ប៊ុនថេន វិញ មានកម្ពស់ត្រឹម ១.៦៧ ម៉ែត្រ។

កីឡាករ ប៉ូឡូញ Marcin Nicinski

កីឡាករ ប៉ូឡូញ វ័យ ២៤ ឆ្នាំរូបនេះ គឺជាកីឡាករម្នាក់ ដែលមានសមត្ថភាពវាយកណ្តាប់ដៃលឿន ហើយរូបគេក៏ពូកែចេញចូលលឿនផងដែរ ព្រោះគេជាកីឡាករជំនាញលើការប្រកួតលក្ខណៈឃីគបុកស៊ីង។ តាមប្រវត្តិប្រកួតកន្លងមក Marcin Nicinski ធ្លាប់ប្រកួតអាជីពចំនួន ១១ ដង ក្នុងនោះឈ្នះ ៩ ដង និងចាញ់ ២ ដង។ ដោយឡែកការប្រកួតចុងក្រោយ ដែលជាការប្រកួតទី ១២ របស់គេ ទល់នឹងកីឡាករ ប្រេស៊ីល Francisco Malone កាលពីខែ មិថុនា ឆ្នាំ ២០២៥ មិនត្រូវបានបង្ហាញលទ្ធផលនោះទេ។ បច្ចុប្បន្ន កីឡាករប៉ូឡូញរូបនេះមានខ្សែក្រវាត់ ២ នៅក្នុងដៃ គឺ ISKA World PRO Champion និងខ្សែក្រវាត់ PZKB K-1 Champion។

កីឡាករ ប៉ូឡូញ Marcin Nicinski

នេះជាលើកទី ២ ហើយ សម្រាប់ បឺត សង្ឃឹម ដែលទទួលបានឱកាសប្រកួតដណ្តើមខ្សែក្រវាត់ស្ថាប័ន ISKA ប៉ុន្តែលើកទី ១ ដែលធ្វើឡើងនៅប្រទេស អូស្ត្រាលី កាលពីខែ មេសា ឆ្នាំ ២០២៥ ត្រូវបានរំសាយចោលទៅវិញ។ យ៉ាងណា មុនការប្រកួតដណ្តើមខ្សែក្រវាត់ ISKA ពិភពលោកនេះ នៅថ្ងៃទី ១១ ខែ តុលា មកដល់ បឺត សង្ឃឹម បានថ្លែងនៅក្នុងកិច្ចសម្ភាសជាមួយផេកផ្លូវការលោក ស្រឿ ស្រេង (សំណព្វ) ប្រធាន ISKA ពិភពលោកប្រចាំ កម្ពុជា ថា កីឡាករ ប៉ូឡូញ រូបនេះល្អ។ រូបគេចង់បានខ្សែក្រវាត់នេះ ហើយគេក៏បានហ្វឹកហាត់ត្រៀមខ្លួនរួចរាល់ដែរ។

កីឡាករ បឺត សង្ឃឹម

គួររម្លឹកថា ការប្រកួតដណ្តើមខ្សែក្រវាត់ពិភពលោក ISKA Kun Khmer នេះ ធ្លាប់ធ្វើនៅ កម្ពុជា រួចម្តងហើយ កាលថ្ងៃទី ២០ ខែ កក្កដា ឆ្នាំ ២០២៥ ដោយពេលនោះមនុស្សឈើ សុខ ធី ជាអ្នកក្លាយជាម្ចាស់ខ្សែក្រវាត់ បន្ទាប់ពីយកឈ្នះកីឡាករ អេស្ប៉ាញ សាមូអេល អូលីយ៉ាស់៕

អត្ថបទ៖ សេម កុសល

The post បឺត សង្ឃឹម ត្រូវដណ្តើមខ្សែក្រវាត់ ISKA ពិភពលោក ទល់នឹងម្ចាស់ខ្សែក្រវាត់ ២ ស្ថាប័នរបស់ប៉ូឡូញ appeared first on Kampuchea Thmey Daily.

បឺត សង្ឃឹម មើលទៅកូនប្រុសទៅមិនឆ្ងាយពីអាជីពប្រដាល់នេះទេបើស្លៀកតែខោប្រដាល់រាល់ថ្ងៃបែបនេះ

Sina Noun — Thu, 25 Sep 2025 08:07:50 +0000

កីឡាករ បឺត សង្ឃឹម ថាមើលទៅថ្ងៃអនាគតកូនប្រុសរបស់ខ្លួនប្រហែលជៀសមិនផុតពីប្រដាល់នេះទេ ព្រោះសព្វថ្ងៃឃើញថាចូលចិត្តខ្លាំង និងស្លៀកពាក់តែខោប្រដាល់រហូតបែបនេះ។

បឺត សង្ឃឹម និង ម៉ាថាយ

ថ្លែងក្នុងវីដេអូបង្ហាត់កូនប្រុសរបស់ខ្លួនកីឡាករ បឺត សង្ឃឹម ថាមើលទៅអនាគតប្រហែលមិនផុតពីវិស័យប្រដាល់នេះទេបើសព្វថ្ងៃនេះស្លៀកខោអាវតែពីរកំប្លេប៉ុណ្ណោះគឺខោអាវទៅរៀន និងខោប្រដាល់។

បឺត សង្ឃឹម លើកឡើងទៀតថា កូនប្រុសរូបនេះមានទេពកោសល្យខាងប្រដាល់ ពោលក្បាច់ស្នៀតដែលបង្ហាញ ឬបង្ហាត់បង្រៀនគឺប្រាប់តែ ១ដងរូបគេចាប់បានហើយ។ មើលទៅថ្ងៃអនាគប្រហែលជាចូលប្រដាល់នេះដែរហើយ ឬអាចត្រឹម៥ឆ្នាំទៀតប៉ុណ្ណោះ។ សង្ឃឹម មិនថាមិនដឹងត្រូវហាមឃាត់យ៉ាងណាទេគឺមានតែលើកទឹកកូនបន្ថែម។

បឺត សង្ឃឹម ពេលបង្ហាត់កូន

បញ្ជាក់ដែរថា បឺត សង្ឃឺម ជាកីឡាករល្បីឈ្មោះជួរមុខនៅកម្ពុជា។ រូបគេធ្លាប់ឈ្នះមេដាយស៊ីហ្គេម ខ្សែក្រវាត់ ពានរង្វាន់ជាច្រើនគ្រឿងក្នុងអាជីពប្រដាល់របស់ខ្លួននេះ។ បច្ចុប្បន្នរូបគេមានភរិយា និងកូន ២នាក់(ស្រី១ ប្រុស១)។ កូនប្រុសបងឈ្មោះថា បឺត ម៉ាថាយ ដែលគេឃើញកុមារារូបនេះតែងតែបញ្ចេញស្នៀតប្រដាល់ជាហូរហែក្នុងវីដេអូបានបង្ហោះតាមបណ្ដាញសង្គមផ្សេងៗ៕

បឺត សង្ឃឹម និងគ្រួសារ

អត្ថបទដោយ៖ នួន ស៊ីណា

The post បឺត សង្ឃឹម មើលទៅកូនប្រុសទៅមិនឆ្ងាយពីអាជីពប្រដាល់នេះទេបើស្លៀកតែខោប្រដាល់រាល់ថ្ងៃបែបនេះ appeared first on Kampuchea Thmey Daily.

ជើងខ្លាំង សុខ ធី-បឺត សង្ឃឹម ពិតជាមានគេផ្គូផ្គងឲ្យប៉ះគ្នាមែនមុនបញ្ហាព្រំដែន

Sina Noun — Tue, 02 Sep 2025 08:21:05 +0000

អ្នកលេងគុនខ្មែរ សុខ ធី និង បឺត សង្ឃឹម ពិតជាមានការផ្គូផ្គងឲ្យប៉ះគ្នាមែនមុនផ្ទុះបញ្ហាព្រំដែន ខ្មែរ-សៀម ខណៈមកដល់ឥលូវនេះមិនទាន់មានការផ្សព្វផ្សាយពីដំណឹងថ្មីពាក់ព័ន្ធការប្រកួតរវាងអ្នកទាំងពីរនៅឡើយទេ។

រូបភាពលើហ្វេសបុក សុខ ធី

ថ្លែងក្នុងកិច្ចសម្ភាសមួយ បឺត សង្ឃឹម បានបញ្ជាក់ថា ពីមុនមានការផ្គូផ្គងឲ្យប៉ះកីឡាករ សុខ ធី មែនក្នុងប្រភេទទម្ងន់ ៦០គីឡូក្រាម។ ដោយសារខាងកីឡាករ សុខ ធី មិនអាចចុះមកវាយទម្ងន់ ៥៧គីឡូក្រាមបាន ដូច្នេះខ្លួនក៏យល់ព្រមឡើងទៅវាយទម្ងន់ ៦០គីឡូក្រាមវិញ ប្រសិនបើបានជួបប្រកួតមែន។ គម្រោងនៃការប៉ះគ្នាពីមុនមកនេះគឺគ្រោងប្រកួតអំឡុងខែតុលា ឆ្នាំ២០២៥។

រូបភាពហ្វេសបុក បឺត សង្ឃឺម

ចំណែកកីឡាករ សុខ ធី ក៏បានបញ្ជាក់ដូចគ្នាដែរថាមានការផ្គូផ្គងឲ្យប៉ះកីឡាករជើងខ្លាំង បឺត សង្ឃឹម មែនអំឡុងមុនពេលមានបញ្ហាព្រំដែន ខ្មែរ-សៀម ។ ការផ្គូផ្គងពេលនោះគឺទម្ងន់ ៦០គីឡូក្រាម និងវាយហ្គង់ធំ ប៉ុន្មានទឹកក៏បាន។ សុខ ធី បញ្ជាក់ដែរថា ខ្លួនពិបាកធ្វើទម្ងន់ចុះមកណាស់ ដោយសារឥលូវធ្ងន់ខ្លាំងវាយត្រឹម ៦០គីឡូក្រាមនេះរៀងពិបាកធ្វើចុះមកផង ដូច្នេះបើប៉ះ សង្ឃឹម សុំវាយតាមទម្ងន់របស់ខ្លួន។

បញ្ជាក់ដែរថា ការផ្គូផ្គង និងព័ត៌មានដែលផ្សព្វផ្សាយពីការប៉ះគ្នារវាង សុខ ធី និង បឺត សង្ឃឹម មុនពេលមានបញ្ហាព្រំដែន ខ្មែរ-សៀម នេះគឺជារឿងពិតមែន។ អ្នកលេងគុនខ្មែរទាំងពីររូបនេះគឺជាជើងខ្លាំងលំដាប់ប្រទេសកម្ពុជាហើយនាពេលបច្ចុប្បន្ននេះដោយគ្រាន់តែ សុខ ធី កន្លងទៅប្រកួតទម្ងន់ ៦០គីឡូក្រាម និង បឺត សង្ឃឹម ប្រកួតក្នុងទម្ងន់ ៥៧គីឡូក្រាម។ ដំណឹងពីការប្រកួតរវាងអ្នកទាំងពីរជាថ្មីទៀតនៅមិនទាន់ផ្សព្វផ្សាយនោះទេ បន្ទាប់ពីបញ្ហាព្រំដែនបានធូរស្រាលហើយក្ដី៕

អត្ថបទដោយ៖ នួន ស៊ីណា

The post ជើងខ្លាំង សុខ ធី-បឺត សង្ឃឹម ពិតជាមានគេផ្គូផ្គងឲ្យប៉ះគ្នាមែនមុនបញ្ហាព្រំដែន appeared first on Kampuchea Thmey Daily.

បឺត សង្ឃឹម ចាក់សាករូបទាហានអោបផែនទីប្រទេសកម្ពុជាបញ្ជាក់ការចងចាំវីរះកងទ័ព

Sina Noun — Wed, 06 Aug 2025 05:26:19 +0000

កីឡាករជើងខ្លាំងប្រចាំទម្ងន់ ៥៧គីឡូក្រាម បឺត សង្ឃឹម បានបង្ហោះវីដេអូដែលរូបគេទើបចាក់សាករូបទាហានអោបផែនទីប្រទេសកម្ពុជាដែលជារូបកំពុងល្បីលើបណ្ដាញសង្គម និងជាការបញ្ជាក់ពីការចងចាំមិនភ្លេចពីវីរះភាពកងទ័ពដែលពលីការពារទឹកដី។

រូបភាព បឺត សង្ឃឹម

នៅលើហ្វេសបុកផេក Bird songkherm – ទូចរ៉ាឆាន់ បានបង្ហោះវីដេអូពីការចាក់សាករបស់ បឺត សង្ឃឹម នៅមុននេះអមដោយចំណងជើង «ជាមនុស្សម្នាក់ដែលខ្លាចម្ចុល តែទ្រាំរយៈពេល ៥ម៉ោងជាង ដើម្បីសាក់រូបនេះឡើងរំលឹកការចងចាំដល់ វីរះកងទ័ពកម្ពុជា »។ តាមអត្ថន័យគឺបញ្ជាក់ពីការចងចាំមិនភ្លេចពីការពលីអាយុជីវិតរបស់វីរះកង់ទ័ពកម្ពុជាក្នុងការការពារទឹកដីពីប្រទេសសៀមដែលបានឈ្លានពានកន្លងទៅថ្មីៗនេះ។

រូបភាព បឺត សង្ឃឹម

ថ្មីៗនេះមិនមែនតែកីឡាករ បឺត សង្ឃឹម នោះទេ ពោលកីឡាករបាល់ទះជម្រើសជាតិកម្ពុជា សឿន ហេង ក៏បានចាក់សាករូបទាហានអោបផែនទីប្រទេសកម្ពុជានេះដែរ។ មិនថាប្រជាជនកម្ពុជាក្នុងប្រទេស ឬក្រៅប្រទេសនោះឡើយក្នុងមជ្ឈដ្ឋានកីឡាគេមើលឃើញថាមានការខំងសម្បារ និងស្អប់ការឈ្លានពានពីប្រទេសសៀមមកលើកម្ពុជាជាខ្លាំង និងមានកីឡាករ កីឡាការិនីមួយចំនួនបានចេញមុខកៀរគរកជំនួយផ្សេងៗជួយដល់វីរះកងទ័ព និងជនភៀសសឹកអំឡុងពេលនេះផងដែរ។

រូបភាព បឺត សង្ឃឹម

បញ្ជាក់ដែរ ប្រទេសកម្ពុជាបានរងនូវការឈ្លានពានពីប្រទេសសៀមកាលពីថ្ងៃទី២៤ ខែកក្កដា ឆ្នាំ២០២៥ រហូតមានការប្រយុទ្ធតទល់គ្នាដល់ថ្ងៃទី២៨ ខែកក្កដា ឆ្នាំ២០២៥ បន្ទាប់ពីមានបទឈប់បាញ់ដោយស្របសម្រួលពីប្រធានអាស៊ាន ម៉ាឡេស៊ី។ ទង្វើរឈ្លានពានសំណាក់ភាគីថៃនេះបានធ្វើឲ្យកម្ពុជាបាត់បង់អាយុជីវិតទាហាន ប្រជាពលរដ្ឋស្លូតត្រង់ និងផ្ទះសម្បែរ។ ទន្ទឹងនិងនេះប្រជាជនរស់នៅតាមបណ្ដោយព្រំដែនក៏ត្រូវបានភៀសខ្លួនមករកកន្លែងសុវត្ថិភាពផងដែរ៕

បឺត សង្ឃឹម ពេលរៀបចំអំណោយជូនជនភៀសឹក

អត្ថបទដោយ៖ នួន ស៊ីណា

The post បឺត សង្ឃឹម ចាក់សាករូបទាហានអោបផែនទីប្រទេសកម្ពុជាបញ្ជាក់ការចងចាំវីរះកងទ័ព appeared first on Kampuchea Thmey Daily.

បឺត សង្ឃឹម Archives - Kampuchea Thmey Daily

ពេជ្រ​ សម្បត្តិ​ សមត្ថភាព​ល្អ​ខ្លាំង​សូម្បី​ បឺត​ សង្ឃឺម​ ក៏​សរសើរ​ដែរ​ពិបាក​រក​អ្នក​ល្អ​ដូច​ណាស់

បឺត​ សង្ឃឹម​៖ ចាញ់​គឺ​ចាញ់ ឈ្នះ​គឺ​ឈ្នះ​ ​ខ្ញុំ​គ្មាន​លេសដោះសារ​អ្វី​ទាំង​អស់​

កីឡាករ​លំដាប់​ៗ​​ស្រុក​ខ្មែរ​ច្រើន​នាក់​​បាន​ចាញ់​ក្នុង​ពេល​បុណ្យ​អុំទូក

បឺត សង្ឃឹម ត្រូវដណ្តើមខ្សែក្រ​វាត់ ISKA ពិភព​លោក ទល់នឹង​ម្ចាស់ខ្សែក្រវាត់ ២ ស្ថាប័នរបស់​ប៉ូឡូញ

ជើងខ្លាំង សុខ ធី​-បឺត​ សង្ឃឹម​ ពិត​ជាមាន​គេ​ផ្គូផ្គង​ឲ្យ​ប៉ះ​គ្នា​មែន​មុន​បញ្ហា​ព្រំដែន

បឺត​ សង្ឃឹម​ ចាក់​សាក​រូប​ទាហាន​អោប​ផែនទីប្រទេស​កម្ពុជា​បញ្ជាក់​ការ​ចងចាំ​វីរះកងទ័ព​

ពេជ្រ សម្បត្តិ សមត្ថភាពល្អខ្លាំងសូម្បី បឺត សង្ឃឺម ក៏សរសើរដែរពិបាករកអ្នកល្អដូចណាស់

បឺត សង្ឃឹម៖ ចាញ់គឺចាញ់ ឈ្នះគឺឈ្នះ ខ្ញុំគ្មានលេសដោះសារអ្វីទាំងអស់

កីឡាករលំដាប់ៗស្រុកខ្មែរច្រើននាក់បានចាញ់ក្នុងពេលបុណ្យអុំទូក

បឺត សង្ឃឹម ត្រូវដណ្តើមខ្សែក្រវាត់ ISKA ពិភពលោក ទល់នឹងម្ចាស់ខ្សែក្រវាត់ ២ ស្ថាប័នរបស់ប៉ូឡូញ

ជើងខ្លាំង សុខ ធី-បឺត សង្ឃឹម ពិតជាមានគេផ្គូផ្គងឲ្យប៉ះគ្នាមែនមុនបញ្ហាព្រំដែន

បឺត សង្ឃឹម ចាក់សាករូបទាហានអោបផែនទីប្រទេសកម្ពុជាបញ្ជាក់ការចងចាំវីរះកងទ័ព