ជាក់ស្តែង ព្រំគីរីមរកត គឺជាវត្តមួយ ដែលមានចម្ងាយប្រហែល៦០០ម៉ែត្រ ពីតំបន់ព្រំដែនប្រទេសថៃ ក្នុងទីប្រជុំជនភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន បាន​បន្ត​ធ្វើ​បុណ្យ​កឋិនទាន​សាមគ្គី នាថ្ងៃទី១៩ ខែតុលា ឆ្នាំ២០២៥ ក្រោមការចូលរួមពីពុទ្ធបរិស័ទ្ធជិតឆ្ងាយ រួមមាន ខេត្ត​បាត់ដំបង ខេត្តពោធិ៍សាត់ ខេត្តបន្ទាយមានជ័យ និងរាជធានីភ្នំពេញ យ៉ាងច្រើនកុះករ។

ព្រះគ្រូ វែន ចន្ទសាម៉ៃ ព្រះអនុគណស្រុកសាលាក្រៅ និងជាព្រះចៅអធិការវត្តព្រំគីរីមរកត ហៅវត្តផ្សារព្រំ បានមានថេរៈដីការថា ក្រោមការដឹកនាំ​ដ៏​ត្រឹមត្រូវ របស់រាជរដ្ឋាភិបាល ដែល​មាន​សម្តេចតេជោ រហូត​មក​ដល់​សម្ដេចមហាបវរធិបតី ហ៊ុន ម៉ាណែត នាអាណត្តិទី៧នេះ បាន​ធ្វើ​ឱ្យ​ប្រទេសជាតិ មានសុខសន្តិភាព និងការអភិវឌ្ឍលើគ្រប់វិស័យ រួមទាំងវិស័យសាសនា ក្នុងនោះ ប្រជាពលរដ្ឋរស់នៅយ៉ាងសុខសាន្ត ប្រកបមុខរបរចិញ្ចឹមជីវិត ដោយសេរី មានការសាមគ្គីគ្នា ជាធ្លុងមួយឯកភាពជាតិ ខ្មែរជួយខ្មែរយ៉ាងសុខដុមរមនា ផ្ដល់តែភាពញញឹម មានសុភមង្គលគ្រប់ក្រុមគ្រួសារ ក្រោមម្លប់សន្តិភាពសម្ដេចតេជោសែន។

ព្រះអនុគណស្រុកសាលាក្រៅ និងជាព្រះចៅអធិការវត្តព្រំគីរីមរកត ហៅវត្តផ្សារព្រំ មានថេរៈដីកាបន្តថា ព្រះពុទ្ធសាសនា គឺជាសាសនា របស់រដ្ឋ ដែលបានចែង នៅក្នុងច្បាប់រដ្ឋធម្មនុញ្ញ នៃព្រះរាជាណាចក្រកម្ពុជា ហើយបុណ្យកឋិនទាននេះ មានតែព្រះពុទ្ធសាសនាទេ ដែលបានកំណត់សម័យកាល នៃការប្រារព្ធធ្វើមានរយៈពេល ២៩ថ្ងៃ គឺចាប់ផ្ដើមពីថ្ងៃ១រោច អស្សុជ ដល់ថ្ងៃ១៥កើត ខែកក្តិក ហើយជាពេលមួយ ដែលពុទ្ធបរិស័ទបាននាំយកស្បង់ត្រ័យជីវរ ទៅវេរប្រគេនព្រះសង្ឃ គង់ចាំព្រះវស្សាអស់កាលត្រីមាស ៣ខែ ។

ព្រះគ្រូ វែន ចន្ទសាម៉ៃ ព្រះអនុគណស្រុកសាលាក្រៅ និងជាព្រះចៅអធិការវត្តព្រំគីរីមរកត ហៅវត្តផ្សារព្រំ បានមានថេរៈដីការបញ្ជាក់ថា កឋិនទាន ជាបុណ្យប្រពៃណីព្រះពុទ្ធសាសនា ដែលមានសម្តែងទុកក្នុង ព្រះវិន័យបិដក មហាវគ្គ កឋិនក្ខន្ធកៈ ដែលទាយក ទាយិកាមានសទ្ធាជ្រះថ្លា នាំយកចីវរ ទៅវេរប្រគេនព្រះភិក្ខុសង្ឃ ដែល​បាន​គង់​ចាំ​វស្សា​អស់​ត្រីមាស ក្នុងអាវាសវត្តណាមួយ និងជាទានវិសេស មានលក្ខណៈប្លែកជាងទានដទៃ៥យ៉ាង ភិក្ខុសង្ឃបានក្រាលគ្រង កឋិនទទួលបាន សង្ឃលាភ និងអានិសង្ស ៥ ហើយអ្នកប្រគេនកឋិនចីវរ ក៏ទទួលបានអានិស្ស៥ផងដែរ។ ជាមួយគ្នានេះព្រះអនុគណស្រុកសាលាក្រៅ ក៏​មាន​ថេរៈដីកា​អំពាវនាវ ដល់ប្រជាពុទ្ធបរិស័ទ្ធទាំងអស់ ដែលអញ្ជើញចូលរួមបុណ្យកឋិនទានសាមគ្គីនេះ សូមបន្តចូលរួមជាមួយនឹងរាជរដ្ឋាភិបាល ក្នុងការថែរក្សាការពារសន្តិភាព ពង្រឹងសន្តិសុខ សណ្ដាប់ធ្នាប់សាធារណៈ និងការការពារសមិទ្ធផលនានា របស់ជាតិ ឱ្យបានស្តិតស្ថេរគង់វង្ស និងការអភិវឌ្ឍប្រទេសជាតិផងដែរ។

គួរ​រំលឹក​ផង​ដែរ​ថា ពាក់ព័ន្ធ​នឹងបញ្ហាជម្លោះនៅតាមបណ្តោយព្រំដែន កម្ពុជា-ថៃ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានថ្លែងបញ្ជាក់នាព្រឹកថ្ងៃទី២០ ខែតុលា ឆ្នាំ២០២៥នេះថា រាជរដ្ឋាភិបាលស្ងាត់តែមិនបាននៅស្ងៀមនោះទេ គឺបានគិតគ្រប់មុខព្រួញទាំងអស់ ដើម្បីដោះស្រាយ ទាំងកងទ័ព ជនភៀសសឹក ពលករ​វិលត្រឡប់មកពីប្រទេសថៃ និង​មាន​គោលដៅ​សំខាន់​គឺ​ការពារ​អាយុជីវិត ទ្រព្យសម្បត្តិ ទឹកដី និងការស្តារឡើងវិញនូវបរិស្ថានដែលអាចឱ្យប្រជាជនរស់នៅបានល្អប្រសើរឡើងវិញ។

សម្ដេចមហាបវរធិបតី ហ៊ុន ម៉ាណែត បានថ្លែងបែបនេះ នាឱកាសដែលសម្តេចមហាបវរធិបតី និង​លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញសម្ពោធដាក់ឲ្យប្រើប្រាស់ ជាផ្លូវការអាកាសយានដ្ឋានអន្តរជាតិតេជោ (TIA) លំដាប់ថ្នាក់ 4F ដែលចំណាយថវិកាសាងសង់អស់ ២,៣០០លានដុល្លារសហអាមេរិក ក្រោមគំនិតផ្ដួចផ្ដើមដ៏ខ្ពង់ខ្ពស់របស់សម្ដេចតេជោ ហ៊ុន សែន អតីតនាយករដ្ឋមន្ដ្រីនៃកម្ពុជា ដែលជាស្ថាបនិកនយោបាយឈ្នះឈ្នះ បិតាសន្តិភាព និងបច្ចុប្បន្នជាប្រធានព្រឹទ្ធសភា៕

អត្ថបទ ៖ សេង សុវណ្ណារិទ្ធ

The post បុណ្យកឋិនទានសាមគ្គី តាមបន្ទាត់ព្រំដែនកម្ពុជា-ថៃ នៅបន្តធ្វើធម្មតា ព្រោះការជឿជាក់ លើ​រាជរដ្ឋាភិបាល​កម្ពុជា appeared first on Kampuchea Thmey Daily.

ការ​ចូលរួម​ជាមួយ​បុណ្យ​កឋិនទាន​នេះ ដឹកនាំ​ដោយ លោក លី ប៊ុនឆៃ តំណាង​ឲ្យ លោក​បណ្ឌិត លី ឆេង ប្រធាន​ក្រុម​ការងារ​គណបក្ស​ចុះ​មូលដ្ឋាន​ខណ្ឌ ៧ មករា និង​លោកស្រី ប៊ូ នោ​, លោក ថេ​ង សុ​ថុល អភិបាល​ខណ្ឌ ៧ មករា និង​លោកស្រី ឥន លីម្មី ព្រមទាំង​បុត្រ និង​មាន​ការ​ចូលរួម​ពី​សំណាក់​មន្ត្រី​ចំណុះ​រដ្ឋបាល​សង្កាត់-ខណ្ឌ ជា​ច្រើន​រូប​ទៀត​ផង​ដែរ។

ក្រៅពី​មន្ត្រី​រដ្ឋបាល​ខណ្ឌ គេ​ក៏​សង្កេត​ឃើញ​មាន​ប្រជា​ពុទ្ធបរិស័ទ​ជាច្រើន​កុះករ ក៏បាន​ចូលរួម​ជា​មួយ​បុណ្យ​កឋិនទាន​ខាងលើ​នេះ​ដែរ។ កឋិនទាន​សាមគ្គី​នេះ ផ្ដើម​រៀបចំ​ពិធីបុណ្យ​ឡើង​ដោយ អាចារ្យ គណៈកម្មការ និង​ពុទ្ធបរិស័ទ​ចំណុះជើងវត្ត​មង្គល​វ័ន​ទាំងអស់ មាន​សទ្ធា​ជ្រះថ្លា​ក្នុង​ព្រះពុទ្ធ​សាសនា បាន​មូលមតិ​គ្នា​ជា​ឯកច្ឆន្ទ​ផ្ដួចផ្ដើម​ធ្វើបុណ្យ​កឋិនទាន​សាមគ្គី​មួយ ដើម្បី​ដង្ហែ​ទៅ​វេរ​ប្រគេន​ព្រះ​ភិក្ខុសង្ឃ ដែល​បាន​គង់​ចាំ​វស្សា​អស់​កាល​ត្រីមាស​ក្នុង​ពទ្ធសីមា វត្ត​មង្គល​វ័ន (​ស្វាយដង្គំ​) ដើម្បី​ប្រគេន​អានិសង្ស​កឋិន​ដល់​ព្រះ​ភិក្ខុសង្ឃ និង​អនុមោទនា​កុសលផល​ផង។

ក្នុង​នាម​ថ្នាក់ដឹកនាំ នៃ​រដ្ឋបាល​ខណ្ឌ លោក ថេង សុថុល ក៏បាន​នាំ​យក​ទេយ្យទាន មាន​គ្រឿង​ឧបភោគបរិភោគ , ទឹក​សុទ្ធ ,ភេសជ្ជៈ និង​គ្រឿងទេស​នានា​ជាច្រើន​ទៀត រួម​ជាមួយ​បច្ច័យ​មួយ​ចំនួន​ធំ​ផង​ដែរ ប្រគេន​ដល់​អង្គ​កឋិនទាន​នេះ ដើម្បី​ជា​ការ​ចូលរួម​ចំណែក​សាង​កុសលផល​បុណ្យ​ជាមួយ​ព្រះពុទ្ធសាសនា ក្នុងនាម​ជា​ពុទ្ធបរិស័ទ ដែល​គោរព និង​ដើរ​តាម​គន្លង​របស់​ព្រះពុទ្ធ​ជា​អង្គ​ម្ចាស់។

កឋិនទាន​សាមគ្គី នៅ​វត្ត​មង្គល​វ័ន (​ស្វាយដង្គំ​) នេះ​ដែរ ក៏​មាន​រៀបចំ​ជា​ភោជនីយ​អាហារ​ជាច្រើន​តុ​ផង​ដែរ សម្រាប់​ទទួល​ភ្ញៀវ​ជា​ពុទ្ធបរិស័ទ​ដែល​បាន​ចូលរួម​កម្មវិធី​បុណ្យ ក្រោយពី​ស្តាប់​ព្រះសង្ឃ​សូត្រ​មន្ត​ចប់ អាច​ចូលរួម​ទទួល​ទាន​បាន​មុន​ពេល​ត្រឡប់​ទៅកាន់​គេហដ្ឋាន​វិញ៕

អត្ថបទ ៖ ម៉េង

The post រដ្ឋបាលខណ្ឌ ៧ មករា និងពុទ្ធបរិស័ទចំណុះជើងវត្ត ផ្ដួចផ្ដើមធ្វើបុណ្យ​កឋិនទានសាមគ្គី នៅវត្តមង្គលវ័ន appeared first on Kampuchea Thmey Daily.

ជាមួយគ្នានេះ សម្ដេចតេជោប្រធានគណបក្ស ក៏បានថ្លែងអំណរគុណដល់បណ្ដាថ្នាក់ដឹកនាំទាំងអស់ដែលបានចូលរួមនៅក្នុងអង្គកឋិនទាន ដែលធ្វើឲ្យអង្គកឋិនទានដង្ហែទៅកាន់វត្តខ្មែរក្រោមទទួលបាននូវភាពជោគជ័យ។

កាលពីថ្ងៃទី០៣ ដល់ថ្ងៃទី០៥ ខែវិច្ឆិកា សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងមន្ត្រី ថ្នាក់ដឹកនាំនៃរាជរដ្ឋាភិបាលកម្ពុជា បានដង្ហែអង្គកឋិនទានមហាសាមគ្គីគ្រួសារខ្មែរ ដង្ហែទៅដល់វត្តពោធិគិរីវង្សារាម ខេត្តត្រាវិញ ប្រទេសវៀតណាម។

អង្គកឋិនទាននេះទទួលបានការជួយជ្រោមជ្រែង គាំទ្រយ៉ាងខ្លាំងពីសំណាក់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង ក្រោមការដឹកនាំរៀបចំដោយផ្ទាល់របស់ សម្តេច ម៉ែន សំអន ព្រមទាំងមានការចូលរួមយ៉ាងច្រើនកុះករ ពីថ្នាក់ដឹកនាំគ្រប់ជាន់ថ្នាក់ នៃព្រះរាជាណាចក្រកម្ពុជា និងមហាពុទ្ធបរិស័ទខ្មែរ គ្រប់ទិសទី ប្រកបដោយមហាសទ្ធាជ្រះថ្លា។

អង្គកឋិនទានមហាសាមគ្គីគ្រួសារខ្មែរ ទទួលបានបច្ច័យសរុបចំនួន៦០ប៊ីលានដុង ដែលគិតជាដុល្លារគឺប្រមាណ២លាន៣សែនដុល្លារ។

បើតាមប្រសាសន៍របស់សម្ដេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឱ្យដឹងថា ព្រះមហាក្សត្រ នៃព្រះរាជាណាចក្រកម្ពុជា ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ជាទីគោរពសក្ការៈដ៏ខ្ពង់ខ្ពស់ ក៏បានប្រទានព្រះរាជទ្រព្យ ចូលរួមបុណ្យអង្គកឋិនទានមហាសាមគ្គីគ្រួសារខ្មែរចំនួន ១ ម៉ឺនដុល្លារអាម៉េរិកស្មើនឹង ២៥១ លាន

ដុង និង សម្តេចម៉ែ នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ក៏បានសព្វព្រះរាជហឫទ័យ ប្រទានព្រះរាជទ្រព្យ ចូលរួមអង្គកឋិនទាននេះ ចំនួន ១ ម៉ឺនដុល្លារអាម៉េរិកស្មើនឹង ២៥១ លានដុងផងដែរ។ បច្ច័យរបស់ សម្តេចតេជោ ហ៊ុន សែន និងសម្ដេច ព្រមទាំងក្រុមគ្រួសារ និងបច្ច័យទទួលបានពីសទ្ធាជ្រះថ្លារបស់មហាពុទ្ធបរិស័ទខ្មែរពីគ្រប់ទិសទី ដែលសង្កត់ត្រៃ នៃអង្គកឋិនទានមហាសាមគ្គីគ្រួសារខ្មែរ គឺសម្រាប់ប្រគេនដល់ព្រះសង្ឃ និងវត្តនានា ដើម្បីព្រះចៅអធិការ និងគណៈកម្មការវត្ត ប្រើប្រាស់ជាប្រយោជន៍ ក្នុងវិស័យព្រះពុទ្ធសាសនា រួមមាន៖ ទី១) ប្រគេនបច្ច័យសង្កត់ត្រៃអង្គកឋិនទានដង្ហែមកវត្តពោធិគិរីវង្សារាម ២៣ ប៊ីលាន ៨៤២ លានដុង។

ទី២) បច្ច័យសង្កត់ត្រៃធំ៥០ លានដុង។ទី៣) បច្ច័យសង្កត់ត្រៃសូត្រស្តាំ ២៥ លានដុង។ ទី៤) បច្ច័យសង្កត់ត្រៃសូត្រឆ្វេង ២៥ លានដុង។ ទី៥) ប្រគេនបច្ច័យព្រះសង្ឃចំនួន ៥៧ អង្គ គង់នៅ វត្តេពោធិគិរីវង្សារាម ក្នុងមួយអង្គបច្ច័យចំនួន ១២ លាន ៥ សែនដុង។ ទី៦) ជូនគណៈកម្មការ អាចារ្យ យាយជីតាជីចំនួន ១០៤ នាក់ក្នុងម្នាក់ៗ ២លាន៥ សែនដុង និងទី៧) ប្រគេនបច្ច័យដល់វត្តចំនួន ១៤២ វត្តក្នុងខេត្តត្រាវិញ ក្នុង ១ វត្ត បច្ច័យចំនួន២៥១ លានដុង៕

ដោយ៖ ង៉ិល ណារ៉ាត់

The post សម្ដេចតេជោ អរគុណសម្ដេច ម៉ែន សំអន ដែលបានរៀបចំដង្ហែអង្គកឋិនទានទៅវត្តខ្មែរក្រោមប្រកបដោយជោគជ័យ appeared first on Kampuchea Thmey Daily.

អញ្ជើញសំណេះសំណាលជាមួយពុទ្ធបរិស័ទខ្មែរក្រោម ក្នុងអង្គកឋិនទាន នៅវត្តពោធិគិរីវង្សារាម ខេត្តត្រាវិញ ប្រទេស វៀតណាម នារសៀលថ្ងៃទី៤ ខែវិច្ឆិកា ឆ្នាំ២០២៤ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានថ្លែងថា រាជរដ្ឋាភិបាល និងប្រជាជនខ្មែរនៅកម្ពុជា និងនៅគ្រប់ទិសទីតែងតែនឹករឭកគ្នា និងតែងស្កាត់ជួបជុំគ្នា នៅក្នុងឱកាសពិធីបុណ្យទាន ជាពិសេសពិធីបុណ្យធំៗដូចជាបុណ្យចូលឆ្នាំថ្មីប្រពៃណីជាតិ បុណ្យភ្ជុំបិណ្ឌ និងបុណ្យកឋិនទាននេះ ជាដើម។ ជាក់ស្ដែង សម្ដេចកិតិ្តព្រឹទ្ធបណ្ឌិត ថា អង្គកឋិនទានមហាសាមគ្គីគ្រួសារខ្មែរនេះជាអង្គកឋិនទានជាប្រវត្តិសាស្រ្ត ដែលប្រព្រឹត្តទៅដើម្បីភាតរភាព មិត្តភាព និងសាមគ្គីភាពក្នុងចំណោមមហាពុទ្ធបរិស័ទ និយាយជារួម និងនិយាយដោយឡែក ក្នុងចំណោមប្រជាពលរដ្ឋខ្មែរ ក្រោមដំបូលនៃសុខសន្តិភាព។

សម្ដេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន បានបន្តថា«អង្គកឋិនទានមហាសាមគ្គីគ្រួសារខ្មែរ» មកកាន់វត្តខ្មែរក្រោមនេះ មិនមែន ទើបតែមានថ្មីៗនេះទេ សម្តេចតេជោ និងសម្ដេចបានគិតគូរយូរណាស់មកហើយ ប៉ុន្តែគម្រោងនេះ ត្រូវបានផ្អាកជាច្រើនឆ្នាំដោយសារតែមានធុរៈគ្រួសារ ក្នុងនោះ លោកឱពុកក្មេករបស់សម្តេចបានទទួលមរណភាពនៅឆ្នាំ២០១៣ និងអ្នកម្តាយបង្កើតបានទទួលមរណភាពនៅឆ្នាំ២០២០ ជាហេតុធ្វើឱ្យគម្រោងរៀបចំអង្គកឋិនទាន ដង្ហែមកវត្តខ្មែរក្រោមនេះ ត្រូវបានពន្យារពេល។

នៅឆ្នាំនេះ ជាពេលវេលាដ៏សមស្របសម្រាប់ការធ្វើអង្គកឋិនទានដង្ហែមកកាន់វត្តខ្មែរក្រោមនាពេលនេះ ហើយអង្គកឋិនទាននេះ ទទួលបានការជួយជ្រោមជ្រែង គាំទ្រយ៉ាងខ្លាំងពីសំណាក់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្រោមការដឹកនាំរៀបចំដោយផ្ទាល់របស់សម្តេច ម៉ែន សំអន ព្រមទាំងមានការចូលរួមយ៉ាងច្រើនកុះករពីថ្នាក់ដឹកនាំគ្រប់ជាន់ថ្នាក់កម្ពុជា និងមហាពុទ្ធបរិស័ទខ្មែរគ្រប់ទិសទី ប្រកបដោយមហាសទ្ធាជ្រះថ្លា ព្រមទាំងមានការជួយសម្របសម្រួលពីរដ្ឋាភិបាលវៀតណាម និងថ្នាក់ដឹកនាំខេត្តត្រាវិញគ្រប់ជាន់ថ្នាក់ផងដែរ។ នេះជាការថ្លែងរបស់សម្ដេចកិត្តព្រឹទ្ធបណ្ឌិត ដដែល។

ក្នុងពិធីសំណេះសំណាលនេះ សម្តេច ក៏បានវាយតម្លៃខ្ពស់ចំពោះខ្មែរក្រោម ដែលបានបន្តថែរក្សាបានវប្បធម៌ប្រពៃណីខ្មែរ តជំនាន់មកនេះ និងបានអរគុណចំពោះរដ្ឋាភិបាល និងអាជ្ញាធរគ្រប់ជាន់ថ្នាក់របស់វៀតណាម ដែលបានបង្កភាពងាយស្រួលដល់ពលរដ្ឋខ្មែរក្រោមរស់នៅ និងគោរពប្រតិបត្តិសាសនា វប្បធម៌ប្រពៃណី ទំនៀមទម្លាប់របស់ខ្លួនជារៀងរហូតមក និងបន្តថែរក្សាពូនជ្រុំឱ្យរីកចម្រើន រាប់ជំនាន់ទៅមុខទៀត ដើម្បីចូលរួមចំណែកនៅក្នុងការថែរក្សាបេតិកភណ្ឌដែលមនុស្សជាតិមាន។

គួរជម្រាបថា កាលពពីថ្ងៃទី៤ ខែវិច្ឆិកា ឆ្នាំ២០២៤ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានដឹកនាំដង្ហែអង្គកឋិនទានទៅ​ដល់វត្តពោធិគិរីវង្សារាម ក្នុងខេត្តត្រាវិញ ប្រទេសវៀតណាម ហើយប្រារព្ធពិធីសាសនាតាមប្រពៃណីខ្មែរ នៅវត្តនេះ។ លុះព្រឹកថ្ងៃ​ទី៥ ខែវិច្ឆិកា ឆ្នាំ២០២៤នេះ សម្តេចកិត្តិព្រឹទ្ធបណ្ឌិតនឹងរៀបចំប្រគេនយាគូព្រះសង្ឃនៅវត្តស្វាយសៀមថ្មី បន្ទាប់​មក​ដង្ហែអង្គកឋិនទានប្រទក្សិណជុំវិញព្រះវិហារ និងវេរប្រគេនអង្គកឋិនទានដល់ព្រះសង្ឃ៕

The post សម្ដេច ប៊ុន រ៉ានី៖ អង្គកឋិនដង្ហែទៅកាន់វត្តខ្មែរក្រោម ឆ្លុះបញ្ចាំងពីមហាសាមគ្គីគ្រួសារខ្មែរ ក្រោមម្លប់សន្តិភាព appeared first on Kampuchea Thmey Daily.

តាម​សេចក្ដីជូនដំណឹង​ស្ដីពី​ការ​ប្រារព្ធ​ពិធី​ក្រុង​ពាលី និង​ដង្ហែ​អង្គ​កឋិនទាន​មហា​សាមគ្គី​គ្រួសារ​ខ្មែរ ឆ្ពោះ​ទៅកាន់ វត្ត​ពោធិ​គិរី​វង្សា​រាម សាធារណរដ្ឋ​សង្គមនិយម​វៀតណាម បាន​ឱ្យ​ដឹង​ថា រដ្ឋបាល​រាជធានី​ភ្នំពេញ សូម​ជម្រាប​ជូនដំណឹង​ដល់​ប្រជាពលរដ្ឋ​ទាំងអស់ ឱ្យ​បាន​ជ្រាប​ថា រាជរដ្ឋាភិបាល​កម្ពុជា នឹង​រៀបចំ​ប្រារព្ធ​ពិធី​អង្គ​កឋិនទាន​មហា​សាមគ្គី​គ្រួសារ​ខ្មែរ នៅ​ថ្ងៃអាទិត្យ ៣ កើត ខែកត្តិក ឆ្នាំរោង ឆស័ក ព​.​ស​.២៥៦៨ ត្រូវ​នឹង​ថ្ងៃ​ទី ០៣ ខែ​វិច្ឆិកា ឆ្នាំ ២០២៤ វេលា​ម៉ោង ១៤:០០ នាទី​រសៀល និង​ជួបជុំ ប្រារព្ធ​ពិធី​ក្រុង​ពាលី ស្ថិតនៅ​វិមាន ៧ មករា មហាវិថី​ព្រះ​នរោត្តម ភូមិ ១៣ សង្កាត់​ទន្លេ​បាសាក់ ខណ្ឌ​ចំការមន រាជធានី​ភ្នំពេញ ក្រោម​អធិបតីភាព​ដ៏​ខ្ពង់ខ្ពស់​របស់ សម្តេច​អគ្គ​មហា​សេនា​បតី​តេ​ជោ ហ៊ុន សែន ប្រធាន គណបក្ស​ប្រជាជន​កម្ពុជា និង​ជា​ប្រធាន​ព្រឹទ្ធសភា នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​លោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត។ លុះ​នា​ព្រឹក​ថ្ងៃ​ចន្ទ ៤ កើត ខែកត្តិក ឆ្នាំរោង ឆស័ក ព​.​ស​.២៥៦៨ ត្រូវ​នឹង​ថ្ងៃ​ទី ០៤ ខែ​វិច្ឆិកា ឆ្នាំ ២០២៤ វេលា​ម៉ោង ០៥:០០ នាទី​ព្រឹក នឹង​មាន​រៀបចំ​ពិធី​ដង្ហែ​អង្គ​កឋិនទាន​មហា​សាមគ្គី​គ្រួសារ​ខ្មែរ ក្រោម​ការ​ដឹកនាំ​ដ៏​ខ្ពង់ខ្ពស់​របស់ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា ដោយ​ដង្ហែ​ចេញពី​វិមាន ៧ មករា ឆ្ពោះ​ទៅ​កាន់​វត្ត​ពោធិ​គិរី​វង្សា​រាម (​ហៅ​វត្ត​ស្វាយ​សៀម​ថ្មី​) ស្ថិតនៅ​ភូមិ​ស្វាយ​សៀម ឃុំ​ងាយ​ស្បៀង ស្រុក​ថ្កូវ ខេត្ត​ត្រា​វិញ (​ព្រះ​ត្រពាំង​) សាធារណរដ្ឋ​សង្គមនិយម​វៀតណាម។

ដើម្បី​រក្សា​បាន​នូវ​សន្តិសុខ សុវត្ថិភាព សណ្ដាប់ធ្នាប់ និង​របៀបរៀបរយ​សាធារណៈ ក្នុង​ការ​ប្រារព្ធ​ពិធី​ក្រុង​ពាលី និង​ពិធី​ដង្ហែ​អង្គ​កឋិនទាន​ខាងលើ រដ្ឋបាល​រាជធានី​ភ្នំពេញ ស្នើសុំ​ប្រជាពលរដ្ឋ​ទាំងអស់ ដែល​ត្រូវ​ធ្វើដំណើរ​ឆ្លងកាត់​ជុំវិញ​ទីតាំង​ប្រារព្ធ​ពិធី​ខាងលើ មេត្តា​យោគយល់ អធ្យាស្រ័យ ធ្វើការ​ពង្វាង​ចរាចរណ៍ ដោយ​អនុគ្រោះ ពីព្រោះ​ទីតាំង​ខាងលើ​នេះ នឹង​មាន​ចរាចរណ៍​មមាញឹក​ខ្លាំង៕

អត្ថបទ ៖ ស្រីរ័ត្ន

The post អង្គកឋិនទានមហាសាមគ្គីគ្រួសារខ្មែរ នឹងដង្ហែចេញពីវិមាន ៧ មករា ឆ្ពោះទៅខេត្តត្រាវិញ (ព្រះត្រពាំង) នាព្រលឹមថ្ងៃទី ០៤ វិច្ឆិកា appeared first on Kampuchea Thmey Daily.

ព្រះសង្ឃ ថាច់ សុធន់ គង់នៅវត្តសាមគ្គីរង្សី កម្ពុជាក្រោម បង្ហាញក្តីមោទនភាព និងរីករាយគាំទ្រចំពោះអង្គកឋិនទាន​មហាគ្រួសារខ្មែររបស់រាជរដ្ឋាភិបាលកម្ពុជា ដែលត្រៀមដង្ហែទៅវត្តខ្មែរក្រោម ដោយព្រះសង្ឃរំពឹងថា រាជរដ្ឋាភិបាល នឹងមានការដង្ហែកឋិនបែបនេះឱ្យបានជារៀងរាល់ឆ្នាំ នៅតាមវត្តនានាផ្សេងជាច្រើនទៀត ក្នុងទឹកដីកម្ពុជាក្រោម។

លោក សេង ជី ចៅសង្កាត់វាលវង់ នៃខណ្ឌ៧មករា តំណាងឱ្យមន្ត្រីរាជការ និងពលរដ្ឋក្នុងមូលដ្ឋាន បានបង្ហាញពីការពេញចិត្ត និងចូលរួមគាំទ្រយ៉ាងក្លៀវក្លាបំផុត ចំពោះអង្គកឋិនទានឆ្លងប្រទេស ដែលជាព្រឹត្តិការណ៍មហាអស្ចារ្យ និងជាប្រវត្តិសាស្ត្របំផុត ក្រោមការបង្កើតឡើងប្រកបដោយកិត្តិបណ្ឌិតដ៏វៀងវៃរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន។ លោកចៅសង្កាត់បានបញ្ជាក់បន្ថែមថា បើទោះបីជាយើងទាំងអស់មិនបានចូលរួមផ្ទាល់ក៏អាចចូលរួមជាបច្ច័យបាន ក្នុងនាមជាខ្មែរជាមួយគ្នា។

សូមបញ្ជាក់ផងដែរថា កាលពីរសៀលថ្ងៃទី២១ ខែតុលា ឆ្នាំ២០២៤កន្លងមកនេះ សម្ដេចកិត្តិសង្គហបណ្ឌិត ម៉ែន សំអន បានអញ្ជើញ ដឹក នាំ គណៈកម្មការរៀបចំអង្គកឋិនទានដង្ហែទៅកាន់វត្តខ្មែរនៅកម្ពុជាក្រោម ចុះពិនិត្យមើលទីតាំងវត្តស្វាយសៀមថ្មី ស្ថិតនៅភូមិស្វាយសៀម ឃុំង៉ាយស្វៀង ស្រុកថ្កូវ ខេត្តព្រះត្រពាំង ដែលនឹងត្រូវដង្ហែអង្គកឋិននៅដើមខែវិច្ឆិកាខាងមុខនេះ។

គួររំលឹកថា សម្តេចតេជោ ហ៊ុន សែន ប្រធានព្រឹទ្ធសភាជាតិ និងជាប្រធានគណបក្សប្រជាជនកម្ពុជា បានបញ្ជាក់ឱ្យដឹងអំពីដើមចម ដែលនាំឱ្យមានការរៀបចំដង្ហែអង្គកឋិនទានទៅវត្តខ្មែរក្រោម នៅថ្ងៃទី៤ ខែវិច្ឆិកា ឆ្នាំ២០២៤ខាងមុខ ដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេច ម៉ែន សំអន រួមទាំងថ្នាក់ដឹកនាំជាន់ខ្ពស់ផ្សេងទៀត ដង្ហែទៅដោយផ្ទាល់ ។

សម្តេចបញ្ជាក់ថា អង្គកឋិនទានដង្ហែទៅវត្តខ្មែរក្រោមនេះ ធ្វើឡើងដោយគណបក្សប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងស្ថាប័នថ្នាក់ជាតិផ្សេងទៀត ហើយអង្គកឋិនទាននេះ ត្រូវបានដាក់ឈ្មោះអង្គកឋិនទាននេះថា «អង្គកឋិនទាន មហាសាមគ្គីគ្រួសារខ្មែរ» ដែលបងប្អូនខ្មែរនៅគ្រប់ទីកន្លែង ខ្មែរលើ ខ្មែរកណ្តាល ខ្មែរក្រោម ជាខ្មែរតែមួយ គ្រប់គណបក្សនយោបាយ គ្រប់និន្នាការនយោបាយ អាចចូលរួមបានទាំងអស់គ្នាផងដែរ ៕

អត្ថបទ៖ សុភា

The post ព្រះសង្ឃ និងពលរដ្ឋសង្ឃឹមថា រដ្ឋាភិបាលនឹងដង្ហែអង្គកឋិនទានទៅវត្តខ្មែរក្រោមជារៀងរាល់ឆ្នាំ appeared first on Kampuchea Thmey Daily.

គួររំលឹកផងដែរថា អង្គកឋិនទានមហាសាមគ្គីនេះ ត្រូវបានផ្តួចផ្តើមឡើងដោយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ បន្ទាប់ពីសូត្រមន្តនៅក្នុងប្រទេសកម្ពុជានៅ ថ្ងៃទី០៣ ខែវិច្ឆិកាហើយនោះ អង្គកឋិនទាននឹង ដង្ហែដោយ សម្តេចកិត្តិព្រឹទ្ធបណ្ឌិតទៅកាន់វត្តពោធិ៍គិរីវង្សារាម ហៅវត្តស្វាយសៀមថ្មី ស្ថិតនៅ ភូមិស្វាយសៀម ឃុំង៉ាយស្វៀង ស្រុកថ្កូវ ខេត្តព្រះត្រពាំង នៅថ្ងៃទី០៤ ខែវិច្ឆិកា ឆ្នាំ២០២៤។

សម្តេចតេជោ ហ៊ុន សែន ធ្លាប់បានជម្រាបជូនសាធារណជនថា ប្រសិនប្រជាជនគ្រប់ស្រទាប់វណ្ណៈ ចង់ទៅលេងបុណ្យកឋិនទាននេះ គឺអាចចូលរួមបាន ប៉ុន្តែត្រូវបំពេញបែបបទតាមនីតិវិធីច្បាប់ឆ្លងប្រទេស ព្រោះជាកឋិនឆ្លងដែនប្រទេស។

សម្តេចតេជោ ហ៊ុន សែន ធ្លាប់បានគូសបញ្ជាក់ថា អង្គកឋិនទាននេះធ្វើឡើងដោយ គណបក្សប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងស្ថាប័នថ្នាក់ជាតិផ្សេងទៀត។ ការរៀបចំពិធីធ្វើនៅ វិមាន៧មករា ស្នាក់ការគណបក្សប្រជាជនកម្ពុជា នាល្ងាចថ្ងៃទី៣ ខែវិច្ចកា ឆ្នាំ២០២៤ ដែលមានសម្តេច និងភរិយា ចូលរួមដោយផ្ទាល់៕

The post សម្ដេចម៉ែន សំអន ដឹកនាំប្រតិភូកម្ពុជាពិនិត្យទីតាំងវត្តខ្មែរនៅកម្ពុជាក្រោម ដើម្បីដង្ហែអង្គកឋិនទៅនៅដើមខែវិច្ឆិកា appeared first on Kampuchea Thmey Daily.

ព្រះអង្គ ថាច់ សុ​ធន់ ជំនួយការ​ព្រះចៅ​អធិការ​វត្ត​សាមគ្គី​រង្សី បាន​មាន​សង្ឃដីកា​ឱ្យ​ដឹង​ថា គណៈកម្មការ​វត្ត បាន​ត្រៀម​រួចរាល់​ទាំង​សម្ភារៈ ទេយ្យទាន ទេយ្យវត្ថុ និង​បច្ច័យ រួម​ទាំង​ព្រះសង្ឃ ដើម្បី​ចូលរួម​ហែ​កឋិនទាន​មហា​គ្រួសារ​ខ្មែរ​ទៅកាន់​វត្ត​នៅ​ខ្មែរ​ក្រោម ក្នុង​ប្រទេស​វៀតណាម។ នេះ​គឺជា​កឋិន​មហា​អស្ចារ្យ​ដែល​រាជរដ្ឋាភិបាល ពិសេស សម្តេច​តេ​ជោ ហ៊ុន សែន បង្កើត​ឱ្យ​មាន​ឡើង​ក្នុង​គោលដៅ​បង្រួបបង្រួម​ក្តី​ស្រលាញ់​រាប់អាន​គ្នា មិន​ថា​ខ្មែរ​លើ ខ្មែរ​ក្រោម ឬ ខ្មែរ​កណ្ដាល នោះ​ទេ ពោល​គឺជា​ឈាមជ័រ​ខ្មែរ​តែមួយ។

លោកតា​អាចារ្យ​ចំណុះជើងវត្ត និង​ជា​ខ្មែរ​កម្ពុជា​ក្រោម​ផង​នោះ បាន​សម្តែង​ក្តី​ត្រេកអរ និង​ពេញចិត្ត​ជា​ខ្លាំង​ចំពោះ សម្តេច និង​រាជរដ្ឋាភិបាល ដែល​បាន​បង្កើត​កឋិនទាន​មិន​ធ្លាប់​មាន និង​ជា​ប្រវត្តិសាស្ត្រ​ដ៏​ធំ​មួយ អាច​ឱ្យ​ខ្មែរ​ទាំង ០៣ បង្កើត​ទំនាក់ទំនង និង​មនោសញ្ចេតនា​ស្រលាញ់​រាប់អាន​គ្នា​ឱ្យ​កាន់តែ​ធំធេង ទោះបី​នៅ​ខុស​ទឹកដី​គ្នា​ក៏ដោយ។

គួរ​រំលឹក​ថា សម្តេច​តេ​ជោ ហ៊ុន សែន ប្រធាន​ព្រឹទ្ធសភា​ជាតិ និង​ជា​ប្រធាន​គណបក្ស​ប្រជាជន​កម្ពុជា កាលពី​ថ្ងៃ​ទី ៧ ខែ​តុលា ឆ្នាំ ២០២៤ បាន​បញ្ជាក់​ឱ្យ​ដឹង​អំពី​ដើមចម​ដែល​នាំ​ឱ្យ​មាន​ការ​រៀបចំ​ដង្ហែ​អង្គ​កឋិនទាន​ទៅ​វត្ត​ខ្មែរ​ក្រោម នៅ​ថ្ងៃ​ទី ៤ ខែ​វិច្ឆិកា ឆ្នាំ ២០២៤ ខាងមុខ ដោយ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន និង សម្តេច ម៉ែន សំអន រួម​ទាំង​ថ្នាក់ដឹកនាំ​ជាន់ខ្ពស់​ផ្សេងទៀត ដង្ហែ​ទៅ​ដោយ​ផ្ទាល់។

សម្តេច បញ្ជាក់​ថា អង្គ​កឋិនទាន​ដង្ហែ​ទៅ​វត្ត​ខ្មែរ​ក្រោម​នេះ ធ្វើឡើង​ដោយ​គណបក្ស​ប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័ន​ព្រះសង្ឃ​ទាំងពីរ​គណៈ និង​ស្ថាប័ន​ថ្នាក់​ជាតិ​ផ្សេងទៀត ហើយ​អង្គ​កឋិនទាន​នេះ ត្រូវ​បាន​ដាក់​ឈ្មោះ​ថា «អង្គ​កឋិនទាន មហា​សាមគ្គី​គ្រួសារ​ខ្មែរ» ដែល​ប្រជាជន​ខ្មែរ​នៅ​គ្រប់​ទីកន្លែង ខ្មែរ​លើ ខ្មែរ​កណ្ដាល ខ្មែរ​ក្រោម ជា​ខ្មែរ​តែមួយ គ្រប់​គណបក្ស​នយោបាយ គ្រប់​និន្នាការ​នយោបាយ អាច​ចូលរួម​បាន​ទាំងអស់​គ្នា​ផង​ដែរ៕

អត្ថបទ ៖ សុភា

The post ព្រះសង្ឃគង់នៅវត្តសាមគ្គីរង្សី ហៅវត្តខ្មែរកម្ពុជាក្រោម ត្រៀមរួចរាល់ ដើម្បីចូលរួមដង្ហែអង្គកឋិនទានទៅទឹកដីខ្មែរក្រោម appeared first on Kampuchea Thmey Daily.