លោក យូ សុខា ប្រធានមន្ទីរទេសចរណ៍ខេត្តព្រះវិហារ បានឲ្យដឹងនៅព្រឹកថ្ងៃទី២១ ខែមេសា ឆ្នាំ២០២៦នេះថា ភ្ញៀវទេសចរជាតិ និងបងប្អូនប្រជាពលរដ្ឋ សរុបមានចំនួនប្រមាណ ២.៦៦៩នាក់បានមកលេងកម្សាន្ដនៅតាមបណ្ដាតំបន់ទេសចរណ៍ ថយចុះ៧៨.៥១ភាគរយ បើធៀបទៅនិងឆ្នាំ២០២៥។ ភ្ញៀវទេសចរបរទេស មានចំនួន៧០នាក់ ថយចុះ ៤៣.០៩%បើធៀបទៅនិងឆ្នាំ២០២៥។

សូមជម្រាបថា ព្រឹត្តិការណ៍ព្រះវិហារសង្ក្រាន្តឆ្នាំ២០២៦នេះ ប្រារព្ធធ្វើឡើងរយៈពេល៣ថ្ងៃ ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៦ ដើម្បីអបអរសាទរ បុណ្យចូលឆ្នាំថ្មីប្រពៃណីជាតិខ្មែរ ដោយមានការរៀបចំកម្មវិធីសាសនា បានក្លាយជាផ្ទាំងទស្សនីភាពមួយ ដែលមានភាពទាក់ទាញ ភ្ញៀវទេសចរជាតិ និងអន្តរជាតិ អញ្ជើញមកទស្សនាកម្សាន្តក្នុងក្រុងព្រះវិហារ។

ក្រៅពីការកម្សាន្តក្នុងក្រុងព្រះវិហារ ប្រជាពលរដ្ឋ ភ្ញៀវទេសចរជាតិ អន្តរជាតិ បានអញ្ជើញទៅទស្សនាកម្សាន្តនៅតាម រមណីយដ្ឋានវប្បធម៌ ប្រាសាទកោះកេរ រមណីយដ្ឋានធម្មជាតិ ភ្នំត្បែង និងរមណីយដ្ឋានកែច្នៃ ដែលមាននៅក្នុងភូមិ សាស្ត្រខេត្តព្រះវិហារទៀតផង។

សូមជម្រាបផងដែរថា ខេត្តព្រះវិហារ ជាខេត្តមួយក្នុងចំណោមខេត្តដែលជាប់ខ្សែបន្ទាត់ព្រំដែនកម្ពុជា ថៃ មានសង្គ្រាមអូសបន្លាយជាច្រើនខែ ដែលបង្កឡើងដោយភាគីថៃ។ ដូច្នេះអាជ្ញាធរក៏មិនសូវផ្តោតសំខាន់លើការរៀបចំប៉ុន្មាននោះទេ ហើយភ្ញៀវទេសចរជាតិ និងអន្តរជាតិក៏មិនសូវមកកម្សាន្តច្រើននោះដែរ៕

អត្ថបទ៖ ជុន កុសល

The post បុណ្យចូលឆ្នាំខ្មែរ៣ថ្ងៃ ខេត្តព្រះវិហារ មានភ្ញៀវទេសចរជិត៣ម៉ឺននាក់មកដើរលេងកម្សាន្ត appeared first on Kampuchea Thmey Daily.

ក្នុងពេលបុណ្យចូលឆ្នាំខ្មែរ អតីតអាកាសយាន្តដ្ឋានអន្តរជាតិភ្នំពេញ ឬស្គាល់ជាទូទៅថា ព្រលានយន្តហោះពោធិ៍ចិនតុង បានបើកទ្វារស្វាគមន៍ប្រជាពលរដ្ឋ និងភ្ញៀវទេសចរចូលលេងកម្សាន្ត ដោយអមជាមួយការរៀបចំការសម្តែងរបាំប្រពៃណីបុរាណ ការប្រគំតន្ត្រីផ្សេងៗ ជាពិសេសផ្តល់ឱកាសដល់មហាគ្រួសារខ្មែរ និងភ្ញៀវទេសចរអាចធ្វើការហាត់ប្រាណ លេងកីឡាជុំវិញតំបន់អគារប៉មបញ្ជាការហោះហើរ និងផ្តិតយករូបភាពអនុស្សាវរីយ៍ជាច្រើន ដែលមាននៅទីនោះប្រកបដោយស្នាមញញឹម។

ប្រមុខរាជរដ្ឋាភិបាល សម្ដេចធិបតី ហ៊ុន ម៉ាណែត បានបង្ហាញការអរគុណដល់ក្រុមការងារពាក់ព័ន្ធ ពិសេសក្រុមការងារអន្តរក្រសួងដើម្បីសិក្សាអំពីការគ្រប់គ្រង និងប្រើប្រាស់អាកាសយានដ្ឋានអន្តរជាតិភ្នំពេញ ដែលបានរៀបចំសហការ និងបើកដំណើរការដល់ប្រជាជនខ្មែរបានចូលរួមលេងកម្សាន្តប្រកបដោយភាពសប្បាយរីករាយ នាឱកាសនៃការបើកដំណើរការសាកល្បងក្នុងពិធីបុណ្យចូលឆ្នាំខ្មែរ រយ:ពេល៧ថ្ងៃកន្លងទៅ ដែលមានចំនួនអ្នកចូលរួមប្រមាណ១៧០ ០០០នាក់។

ព្រមជាមួយគ្នានេះ សម្ដេចធិបតី ក៏ថ្លែងអំណរគុណដល់អគ្គស្នងការដ្ឋាននគរបាលជាតិ កងរាជអាវុធហត្ថលើផ្ទៃប្រទេស អាជ្ញាធររាជធានីភ្នំពេញ អាជ្ញាធរខណ្ឌពោធិ៍សែនជ័យ និងគណ:បញ្ឋាការរដ្ឋបាលឯកភាពរាជធានីភ្នំពេញ ដែលផ្តល់ការសហការ និងចូលរួមថែរក្សាសន្តិសុខ និងសណ្តាប់ធ្នាប់បានដោយរលូន និងបង្កលក្ខណ:យ៉ាងល្អប្រសើរជូនដល់ប្រជាពលរដ្ឋ។

គួរឱ្យដឹងថា រាជរដ្ឋាភិបាលកម្ពុជា បានសម្រេចរៀបចំទីតាំងនេះ ដោយកែប្រែពីកន្លែងដែលធ្លាប់ភ្ជាប់ជើងមេឃកម្ពុជាទៅកាន់ពិភពលោក និងបម្រើដល់គ្រប់ការធ្វើដំណើររបស់ភ្ញៀវជាតិ និងអន្តរជាតិ ដើម្បីបំពេញសេចក្តីត្រូវការ និងបេសកកម្មរបស់ខ្លួនបានយ៉ាងសកម្ម និងជាច្រើនឆ្នាំកន្លងទៅ ក្លាយទៅជាទីតាំងសួនសាធារណ:សម្រាប់មហាជនចូលកម្សាន្តដោយសេរី ជាពិសេសសម្រាប់ជាទីលំហែសាធារណ:ដែលបម្រើដល់ការធ្វើលំហាត់ប្រាណ លើកកម្ពស់សុខភាពប្រជាជនទាំងផ្លូវកាយ និងចិត្ត។ ទីតាំងនេះ ក៏នឹងក្លាយជាទីតាំងបម្រើដល់កិច្ចប្រជុំ ការប្រគំតន្ត្រីសម្រាប់ដល់វិស័យឯកជនក្នុងការផ្តល់ការកម្សាន្ត ក៏ដូចជាការរៀបចំព្រឹត្តិការណ៍ជាតិ និងអន្តរជាតិផ្សេងៗទៅថ្ងៃមុខផងដែរ៕

The post ចូលឆ្នាំខ្មែរ មានមនុស្សខ្ទង់១៧ម៉ឺននាក់ បានទៅកម្សាន្តនៅអតីតព្រលានយន្តហោះពោធិ៍ចិនតុង appeared first on Kampuchea Thmey Daily.

ក្បួនដង្ហែរនៃព្រឹត្តិការណ៍ «នគរសង្ក្រាន្ត”ដែលបានធ្វើឡើងនៅថ្ងៃសៅរ៍ ទី១៨ ខែមេសា ឆ្នាំ២០២៦ ជាលើកទី២ នេះ មានមនុស្សចូលរួមចំនួន ១,៥៥០នាក់ ដែលមានដូចជា៖ ក្បួនវិទ្យាល័យ,ឱផ្ទៃស្រុកខ្មែរ,ក្បួនផ្ចិត,ក្បួនរបក្សា ក្បួនមាលាវត្តី, ក្បួនបស្ចឹមប្រទេស,ក្បួនខោល និងរទេះ,របាំទៀន ,របាំជូនពរ ,របាំប្រពៃណី ,ត្រុដិ,ទេវតា រាមកេរ្តិ៍ព្រាប។

សូមបញ្ជាក់ថា នៅក្នុងពិធីអបអរសាទរបុណ្យចូលឆ្នាំថ្មី ប្រពៃណីខ្មែរ ឆ្នាំមមី ឆ្នាំ២០២៦នេះ សហភាពសហព័ន្ធយុវជនកម្ពុជា បានសហការជាមួយ រដ្ឋបាលរាជធានីភ្នំពេញ រៀបចំព្រឹត្តិការណ៍នគរសង្ក្រាន្ត រយៈពេល៦ថ្ងៃ ចាប់ពីថ្ងៃទី១៤ ដល់ថ្ងៃទី១៩ ខែមេសា ដោយមានកម្មវិធីបង្ហាញ ទស្សនីយភាពតាមបែបវប្បធម៌ សិល្បៈ សាសនា ប្រមាណជាង២០ទស្សនីយភាពធំៗ នៅតាមទីតាំងធំៗរួមមាន៖ រមណីយដ្ឋានវប្បធម៌ ប្រវត្តិសាស្ត្រវត្តភ្នំ ភូមិវប្បធម៌នៅជិតផ្សាររាត្រី សួនច្បារវឌ្ឍនៈ អតីតសួនទីលានធិបតេយ្យ តំបន់ផ្លូវថ្មើរជើងចតុមុខជាដើម ខណៈនៅតំបន់ផ្លូវថ្មើរជើងចតុមុខ ដែលលាតសន្ធឹង ចាប់ពីមុខផ្សាររាត្រី រហូតមកដល់មុខព្រះបរមរាជវាំង គឺមានរៀបចំស្តង់តាំងបង្ហាញ ផលិតផលខ្មែរជាច្រើន អមដោយមានឆាកប្រគំតន្ត្រីតូចធំ ចំនួនបីកន្លែង ដើម្បីបង្កលក្ខណៈឱ្យតំបន់នេះ មានភាពសប្បាយរីករាយ ថែមទៀត៕

ដោយ ៖ ស្រីរ័ត្ន

The post ព្រឹត្តិការណ៍នគរសង្រា្កន្ត ឆ្នាំ២០២៦ លើកទី២  មានយុវជនចូលរួម១,៥៥០នាក់ នៅបរិវេណផ្លូវថ្មើងជើងចតុមុខ appeared first on Kampuchea Thmey Daily.

តាមការបញ្ជាក់ពីស្នងការដ្ឋាននគរបាលខេត្ត កម្លាំងសមត្ថកិច្ចបានដាក់ពង្រាយយ៉ាងតឹងរ៉ឹង តាមគោលដៅសំខាន់ៗ ទាំងតំបន់ទេសចរណ៍ ទីប្រជុំជន និងតាមបណ្តាផ្លូវសំខាន់ៗ ដើម្បីធានាសុវត្ថិភាពជូនប្រជាពលរដ្ឋ និងភ្ញៀវទេសចរជាតិ-អន្តរជាតិ ដែលបានធ្វើដំណើរកម្សាន្តក្នុងឱកាសនេះ។

ជាលទ្ធផល ការគ្រប់គ្រងស្ថានការណ៍ទូទៅមានភាពរលូន និងមានប្រសិទ្ធភាពខ្ពស់ ដោយមិនមានករណីបទល្មើស ឬបញ្ហាសន្តិសុខធ្ងន់ធ្ងរ ណាមួយកើតឡើងគួរឲ្យកត់សម្គាល់នោះទេ។ បញ្ហាតូចតាចមួយចំនួន ត្រូវបានដោះស្រាយទាន់ពេលវេលា ដោយមិនបង្កឲ្យមានការរំខានដល់សាធារណៈឡើយ។

ស្នងការដ្ឋាននគរបាលខេត្តតាកែវ ក៏បានថ្លែងអំណរគុណចំពោះប្រជាពលរដ្ឋ និងភ្ញៀវទេសចរ ដែលបានចូលរួមគោរពច្បាប់ និងសហការជាមួយសមត្ថកិច្ច ធ្វើឲ្យបរិយាកាសនៃពិធីបុណ្យប្រពៃណីជាតិខ្មែរ ឆ្នាំនេះ ប្រព្រឹត្តទៅដោយសុខសាន្ត សប្បាយរីករាយ និងមានសុវត្ថិភាព៕

អត្ថបទ៖ វីរៈ

The post សន្តិសុខសុវត្ថិភាពអំឡុងបុណ្យចូលឆ្នាំខ្មែរ ឆ្នាំ២០២៦ នៅខេត្តតាកែវមានភាពល្អប្រសើរ appeared first on Kampuchea Thmey Daily.

ប្រធានមន្ទីរទេសចរណ៍ខេត្តកំពតបានប្រាប់ឱ្យដឹងថា ខេត្តកំពតក្រោមការដឹកនាំដោយភាពច្នៃប្រឌិតរបស់លោក ម៉ៅ ធនិន អភិបាលខេត្ត បានធ្វើឱ្យខេត្តទេសចរណ៍ប៉ែកនារតីមួយនេះកាន់តែមានភាពទាក់ទាញ ដោយការអភិវឌ្ឍវិស័យទេសចរណ៍ត្រូវបានយកចិត្តទុកដាក់ខ្លាំង ហើយសមិទ្ធផលទេចរណ៍ឯកក៏បានលេចឡើងជាបន្តបន្ទាប់។ ក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ខេត្តកំពតមានវត្តមានភ្ញៀវទេសចរមកលេង និងស្នាក់នៅចំនួន ៤៣២.៨១៦នាក់ ក្នុងនោះភ្ញៀវជាតិមាន ៤៣០.៤២៦នាក់ និងទេសចរបរទេសចំនួន ២.៣៩០នាក់។

លោក សយ សុីណុល បានបញ្ជាក់ឱ្យដឹងថា ភ្ញៀវជាតិ អន្តរជាតិដែលដើរលម្ហែកម្សាន្តតាមរមណីយដ្ឋាន សហគមន៍ គោលដៅទេសចរណ៍នានាមានចំនួន ១៤៦.៧៨៦នាក់ ចំណែកភ្ញៀវ និងបងប្អូប្រជាពលរដ្ឋដែលបានចូលរួមក្នុងព្រឹត្តិការណ៍សង្ក្រាន្តមាន ២៨៦.០៣០នាក់។ សម្រាប់ស្ថានភាពទូទៅនៅតាមកន្លែងកម្សាន្ត រមណីយដ្ឋានទេសចរណ៍ រួមនឹងសេវាស្នាក់នៅ មានភាពល្អប្រសើរ មិនមានបញ្ហា ឬបាតុភាពអ្វីកើតឡើងគួរឱ្យកត់សម្គាល់នោះទេ។ រីឯតម្លៃសេវាកម្មក៏ពុំមានការដំឡើងថ្លៃហួសហេតុដែលមិនអាចទទួលយកបានពីភ្ញៀវទេសចរនោះឡើយ។

ចំណែកឯការធ្វើដំណើរក៏មិនមានការកកស្ទះចរាចរណ៍យូរឡើយ ដោយស្នងការដ្ឋាននគរបាលខេត្តកំពត បានរៀបចំកម្លាំងដើម្បីសម្រួល និងបញ្ជៀសការកកស្ទះបានយ៉ាងល្អប្រសើរ៕

អត្ថបទ៖ សឹង រ៉ាត់

The post ខេត្តកំពត ទទួលបានភ្ញៀវទេសចរជាង ៤៣ម៉ឺននាក់ក្នុងឱកាសនៃពិធីបុណ្យចូលឆ្នាំថ្មី appeared first on Kampuchea Thmey Daily.

ប្រតិបត្តិការល្បាតនេះ ត្រូវបានអនុវត្តនៅតាមគោលដៅសំខាន់ៗ រួមមាន ទីប្រជុំជន វត្តអារាម តំបន់លេងល្បែងប្រជាប្រិយខ្មែរ និងតាមរមណីយដ្ឋានទេសចរណ៍នានាទូទាំងខេត្ត ដើម្បីបង្កើនភាពកក់ក្តៅ និងទំនុកចិត្តជូនភ្ញៀវទេសចរ ក្នុងអំឡុងពេលបុណ្យប្រពៃណីជាតិដ៏សំខាន់នេះ។

សកម្មភាពការពារសន្តិសុខយ៉ាងតឹងរ៉ឹង និងការរៀបចំល្អប្រសើរនេះ បានរួមចំណែកធ្វើឲ្យពិធីបុណ្យចូលឆ្នាំថ្មីប្រពៃណីជាតិខ្មែរ នៅខេត្តតាកែវ ប្រព្រឹត្តទៅដោយរលូន សុវត្ថិភាព និងពោរពេញដោយបរិយាកាសសប្បាយរីករាយ។​

សូមបញ្ជាក់ថា យោងតាមរបាយការណ៍ផ្លូវការ ក្នុងព្រឹត្តិការណ៍ «តាកែវសង្ក្រាន្ត ២០២៦» រយៈពេល ៣ថ្ងៃនេះ មានភ្ញៀវទេសចរចូលរួមកម្សាន្តសរុបប្រមាណជាង ៩០ម៉ឺននាក់ ក្នុងនោះភ្ញៀវទេសចរបរទេសមានចំនួន ៧,៣១៦នាក់ ដែលបង្ហាញពីការកើនឡើងនៃការចាប់អារម្មណ៍លើវិស័យទេសចរណ៍ក្នុងខេត្តតាកែវ៕

អត្ថបទ៖ វីរៈ

The post អាវុធហត្ថខេត្តតាកែវ ល្បាតរក្សាសន្តិសុខយ៉ាងតឹងរ៉ឹង ក្នុងអំឡុងពេលបុណ្យចូលឆ្នាំថ្មី appeared first on Kampuchea Thmey Daily.

តាមរបាយការណ៍របស់មន្ទីរទេសចរណ៍ខេត្តតាកែវបានឲ្យដឹងថា ស្ថិតិភ្ញៀវទេសចរក្នុងរយ:ពេល ៣ថ្ងៃ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ សម្រាប់ថ្ងៃទី១៤ ខេត្តតាកែវទទួលបានភ្ញៀវទេសចរជាង ១៦ម៉ឺននាក់ ថ្ងៃទី១៥ ទទួលបានភ្ញៀវទេសចរជាង២០ ម៉ឺននាក់ និងថ្ងៃទី១៦ ទទួលបានភ្ញៀវទេសចរជាង ៤០ម៉ឺននាក់។

សរុបទាំង៣ថ្ងៃ ពីថ្ងៃទី១៤ដល់ថ្ងៃទី១៦ខែមេសា ឆ្នាំ២០២៦ ខេត្តតាកែវ ទទួលបានភ្ញៀវទេសចរសរុបចំនួន ៩០៨៨២៤ នាក់ ក្នុងនោះភ្ញៀវទេសចរបរទេសមានចំនួន ៧៣១៦នាក់ ផងដែរ។

គូបញ្ជាក់ផងដែរថា សម្រាប់រយ:ពេល៣ថ្ងៃកន្លងមកនេះអាជ្ញាធរខេត្តតាកែវ បានរៀបចំកម្មវិធីសង្ក្រាន្តតាកែវ ដោយលេងល្បែងកំសាន្តជាច្រើននៅតាមរមណីយដ្ឋានទេសចរណ៍នានា និងនៅតាមវត្តអារាម ដោយឡែកសម្រាប់ក្រុងដូនកែវ រដ្ឋបាលខេត្តតាកែវ បានរៀបចំកន្លែងកំសាន្តសប្បាយនៅសួនច្បារមាត់បឹងតាកែវ ដោយមានការរៀបចំកន្លែងសម្រាប់លេងល្បែងកំសាន្ត ល្បែងប្រជាប្រិយ និងល្បែងទាញព្រាត់យក្សប្រវែង ៨០ ម៉ែត្រ ព្រមទាំងការប្រគំតន្ត្រី ដែលមានDJ ល្បីៗ បានមកសំដែង និងច្រៀងជូនបងប្អូនប្រជាពលរដ្ឋរាំកម្សាន្តសប្បាយនៅមាត់បឹងតាកែវ ថែមទៀតផង៕​

អត្ថបទ៖ វីរៈ

The post ខេត្តតាកែវទទួលបានភ្ញៀវទេសចរជាង៩០ម៉ឺននាក់ក្នុងរយៈពេល៣ថ្ងៃនៃពិធីបុណ្យចូលឆ្នាំខ្មែរ appeared first on Kampuchea Thmey Daily.

បើតាមរបាយការណ៍របស់មន្ទីរទេសចរណ៍ខេត្តកំពង់ចាមបានឲ្យដឹងថា ទិន្នន័យទេសចរ និងប្រជាពលរដ្ឋដើរកម្សាន្ត នៅថ្ងៃទី១៦ ខែមេសា ឆ្នាំ២០២៦ រួមមមាន ក្រុងកំពង់ចាម ទេសចរជាតិចំនួន ១,៥៦៤,៥៨៤ នាក់ (ទេសចរបរទេស ៤៣) ក្នុងនោះសង្រ្កាន្តតាមបណ្តាស្រុកសរុប ទេសចរ ៧៨,៧២៥ នាក់ និងតាមរមណីយដ្ឋាន ទេសចរ ៦៥,៦១៨ នាក់ (ទេសចរបរទេស ៤៩ នាក់) ទេសចរស្នាក់នៅ ទេសចរជាតិមានចំនួន ៧២៨ នាក់ (ទេសបរទេស ១៣ នាក់) សរុប ទេសចរជាតិ និងរបរទេស មានចំនួន ១,៧០៩,៦៥៥ នាក់៕​

អត្ថបទ​​៖ ​ឡេក​ ចាន់ពេជ្រ

The post ព្រឹត្តិការណ៍សង្ក្រាន្តកំពង់ចាម ថ្ងៃទី៣ មានភ្ញៀវទេសចរមកលេងកម្សាន្ត ជាង ១,៧ លាននាក់ appeared first on Kampuchea Thmey Daily.