បុរសនិងស្រ្តី Archives - Kampuchea Thmey Daily

ឥរិយាបថ ៥ របស់បុរស បញ្ជាក់ថា គេស្រលាញ់នាងពិត មិនមែនលេងសើច

សាង ស្រីល័ក្ខ — Mon, 14 Feb 2022 03:50:00 +0000

មាននារីជាច្រើន នៅតែមានចម្ងល់ក្នុងចិត្ត ប៉ុន្តែខ្លាចមិនហ៊ានសួរដៃគូ ថាគេស្រលាញ់ខ្លួនពិតមែន ឬលេងសើច។ ពេលខ្លះ មើលត្រឹមកាយវិការ គឺមិនដឹង សមខាងបុរសមិនសូវពូកែវោហារផ្អែមផង នាងក៏គិតថា គេមិនបានស្រលាញ់នាងពិតឡើយ។

យ៉ាងណាមិញ ផ្អែកលើហេតុផលខ្លះៗក្នុងន័យស្នេហា ប្រសិនបើចង់ដឹងថា បុរសនោះពិតជាស្រលាញ់អ្នកមែន គេនឹងធ្វើរឿង ៥ យ៉ាងនេះ ដើម្បីបង្ហាញពីការស្រលាញ់មិនខាន។

១ គាត់ស្រឡាញ់អ្នក ព្រោះដឹងថា អ្នកជានរណា មិនមែនរូបរាងទេ

យុវនារីជាច្រើន ប្រហែលជានិយាយថាលែងជឿ លើរឿងបែបនេះទៀតហើយ។ បុរសត្រូវតែចូលចិត្តភាពស្រស់ស្អាតរបស់នារីៗ។ នោះគ្រាន់តែជាការពិតពាក់កណ្ដាលប៉ុណ្ណោះ។ ព្រោះភាពស្រស់ស្អាត មិននៅជាមួយយើងអស់មួយជីវិតឡើយ។ ប៉ុន្តែអ្វីដែលអ្នកមាន នឹងនៅជាមួយជានិច្ច ហើយនោះ ជាផ្នែកដែលមិនអាចមើលឃើញដោយភ្នែក។ ប៉ុន្តែត្រូវតែប៉ះបេះដូង ពេលដែលបុរសទាក់ទង ហើយគាត់លង់ស្នេហ៍នឹងអ្នក។

២ គាត់នឹងការពារនាង

បុរសដែលធ្លាក់ក្នុងអន្លង់ស្នេហ៍ នឹងការពារមនុស្សជាទីស្រលាញ់របស់គាត់។ គាត់មិនអនុញ្ញាតឲ្យនរណាម្នាក់ ធ្វើបាបមនុស្សជាទីស្រឡាញ់របស់គាត់ ទាំងដោយការបង្ខំ ឬដោយពាក្យសម្ដី។ ប្រសិនបើមានគេឈ្លានពាន មនុស្សដែលគាត់ស្រឡាញ់ គាត់នឹងចេញទៅការពារនាងភ្លាមៗ។

៣ នៅពេលដែលគាត់ស្រលាញ់អ្នក គាត់នឹងស្តាប់យោបល់

បុរសដែលផ្ដល់ក្តីស្រលាញ់ទាំងអស់របស់ខ្លួន ទៅនារីដែលខ្លួនស្រលាញ់ នឹងគោរពមនុស្សដែលគាត់ស្រឡាញ់ជានិច្ច។ គាត់តែងតែស្ដាប់យោបល់របស់នាង ទោះបីជាបញ្ហានោះ មិនមែនរបស់គាត់ក៏ដោយ គាត់នឹងស្តាប់ ហើយផ្លាស់ប្ដូរគំនិតជាមួយគូស្នេហ៍ឲ្យបានត្រឹមត្រូវ ដោយមិនព្យាយាមដណ្ដើមយកគំនិតរបស់ខ្លួន ឬត្រួតត្រាគំនិតរបស់មនុស្សជាទីស្រឡាញ់ឡើយ។

៤ គាត់នឹងរីករាយជួយពេលនាងមានទុក្ខលំបាក

បុរសម្នាក់ដែលមានស្នេហា តែងតែឲ្យតម្លៃស្នេហារបស់គាត់។ ប្រសិនបើមនុស្សដែលគាត់ស្រឡាញ់ត្រូវការជំនួយ គាត់នឹងមិនស្ទាក់ស្ទើរ ក្នុងការចាកចេញពីអ្វីដែលនៅពីមុខគាត់នោះទេ។ ព្រោះគាត់យកមនុស្សដែលគាត់ស្រលាញ់ ជាអាទិភាពទីមួយក្នុងជីវិត។

៥ គាត់ឲ្យនាងរស់នៅក្នុងជីវិត ដែលនាងមាន

ចន្លោះរវាងដៃគូ គឺជាសារៈសំខាន់នៃទំនាក់ទំនងយូរអង្វែង។ បុរសជាច្រើន តែងតែទាមទារពេលវេលាពីស្ត្រី។ រហូតដល់នាងក្លាយជាមនុស្សមិនមែនជាខ្លួនឯង ប៉ុន្តែប្រសិនបើបុរសនោះពិតជាស្រឡាញ់អ្នក គាត់នឹងទុកឲ្យអ្នកមានកន្លែងទំនេរ ហើយអាចរស់ក្នុងនាមជានាងដដែល។ ពេលវេលាដែលបានចំណាយជាមួយគ្នា គាត់ក៏នឹងប្រើវាឲ្យបានពេញលេញសម្រាប់អ្នកដែរ។

ទោះយ៉ាងណា នេះគ្រាន់តែភាពជាក់ស្ដែងដែលគូស្នេហ៍គេស្រលាញ់គ្នាពិត តែងគិតអនាគតជាមួយគ្នា គេតែងធ្វើដើម្បីគ្នា (ទោះមានឧបសគ្គ)។ មនុស្សស្រលាញ់គ្នា គេមិនទុកគ្នាចោល គេមិនឲ្យម្ខាងៗទៀតឈឺចាប់ រឹតតែមិនឲ្យម្នាក់ណាត្រូវឈឺចាប់ ម្ដងហើយ ម្ដងទៀតដែរ។

ប្រសិនបើស្នេហាអ្នក នាំតែរឿងអំពល់ទុក្ខ មានតែរឿងឈឺចាប់ មិនលោះពេល តាំងពីចាប់ផ្ដើមដំបូង។ ម្នាក់ៗមិនសូវខ្វល់គ្នា លែងសូវផ្អែមល្ហែម ឬផ្អែមតែខាងក្រៅ តាមបណ្ដាញសង្គម។ ស្នេហានោះ គ្មានន័យអ្វី ឲ្យអ្នកត្រូវនៅបន្ត នាំខាតពេលខាតចិត្តនោះទេ។

ដល់ពេលត្រូវភ្ញាក់រលឹក ប្រាប់ខ្លួនឯងថា គួរចាកចេញហើយ បើស្នេហាមួយនេះ មិនជួយចម្រុងចម្រើន នាំតែរឿងឈឺក្បាល ជាជាងសំឡេងសើច ។ គេទៅដល់ណាណីហើយ ម្ដេចខ្លួននៅត្រាំត្រែងស្នេហា មិនដឹងកោះត្រើយនេះ៕

ប្រែសម្រួល៖ សាង ស្រីល័ក្ខ

ចុចអាន៖៨ វិធីគួរធ្វើដើម្បីខ្លួនឯង បើចង់ចេញពីមនុស្ស យើងអស់ក្ដីស្រលាញ់ជាមួយគេ ដោយគ្មានជម្លោះ

The post ឥរិយាបថ ៥ របស់បុរស បញ្ជាក់ថា គេស្រលាញ់នាងពិត មិនមែនលេងសើច appeared first on Kampuchea Thmey Daily.

អាការគាំងបេះដូងរបស់ស្រ្តី អាចខុសពីបុរស ត្រូវកត់ចំណាំ

សាង ស្រីល័ក្ខ — Thu, 11 Nov 2021 08:40:00 +0000

ជំងឺគាំងបេះដូងកើតឡើង នៅពេលលំហូរឈាមដែលដឹកនាំអុកស៊ីសែនទៅកាន់បេះដូង ត្រូវបានកាត់បន្ថយ ឬស្ទះ ព្រោះសរសៃឈាមបេះដូងរួមតូច ដោយសារមានកំណកជាតិខ្លាញ់ (កូលេស្តេរ៉ុល និងសារធាតុដទៃទៀត)។ បើធៀបទៅនឹងបុរស ស្ត្រីមានបេះដូង និងសរសៃឈាមបេះដូងតូចជាង ដូច្នេះអាការៈគាំងបេះដូងរបស់បុរស និងស្ត្រីក៏អាចខុសគ្នាដែរ។ តើអាការៈគាំងបេះដូងរបស់បុរសនិងស្ត្រីខុសគ្នាដូចម្តេចខ្លះ?

រោគសញ្ញាគាំងបេះដូងរបស់ស្ត្រីមានដូចជា៖

ឈឺទ្រូង ប៉ុន្តែមិនកើតឡើងគ្រប់ពេល
ណែនទ្រូងឬឈឺពោះ
ឈឺចាក់ទៅថ្គាម ក ឬខ្នងផ្នែកខាងក្រោយ
ចង្អោរ ឬក្អួត
ហត់
សន្លប់
ពិបាករំលាយអាហារ
អស់កម្លាំងខ្លាំង
បែកញើសត្រជាក់
ធេងធោង

រោគសញ្ញាគាំងបេះដូងរបស់បុរសមានដូចជា៖

ឈឺទ្រូង ឬមានណែនទ្រូង
ឈឺថ្គាម ក ឬខ្នង
ចង្អោរ ឬក្អួត
ហត់

រោគសញ្ញាគាំងបេះដូងទូទៅបំផុតរបស់បុរស និងស្រ្តីគឺការចុកទ្រូង ប៉ុន្តែស្ត្រីអាចនឹងមិនលេចចេញរោគសញ្ញាឈឺ ឬណែនក្នុងទ្រូង។ ដូចគ្នាដែរ សញ្ញាព្រមានមិនសូវច្បាស់មួយចំនួនក៏អាចកើតមានលើស្រ្តូដែរ ដូចជា ហត់ ធេងធោង អស់កម្លាំងខ្លាំង ពិបាករំលាយអាហារ និងឈឺក ថ្គាម បំពង់ក ទ្រូងផ្នែកខាងក្រោម ឬខ្នងផ្នែកខាងក្រោយ។ សញ្ញាព្រមានទាំងនេះអាចមានលក្ខណៈស្រាល ប៉ុន្តែយើងត្រូវយកចិត្តទុកដាក់ និងប្រុងប្រយ័ត្ន ព្រោះការដឹងមុនអាចជួយសង្គ្រោះជីវិតយើងបាន៕

អត្ថបទផ្ដល់ដោយ៖ Hello Krupet

ចុចអាន ៖ក្រៅពីធ្វើឲ្យខូចសួត កូវីដ-១៩ អាចនាំឲ្យកើតអាការគាំងបេះដូង

ចុចអាន៖កុំព្រងើយកន្តើយ! រោគសញ្ញាទាំងនេះអាចជាជំងឺគាំងបេះដូង

The post អាការគាំងបេះដូងរបស់ស្រ្តី អាចខុសពីបុរស ត្រូវកត់ចំណាំ appeared first on Kampuchea Thmey Daily.

ភាពខុសគ្នាឆ្ងាយ រវាងភេទនារី និងបុរសក្នុងផ្លូវមនោសញ្ចេតនា

Sonya — Mon, 15 Feb 2021 07:31:47 +0000

តើបុរសត្រូវការស្នេហារយៈពេលប៉ុន្មានមុនលង់ស្រលាញ់?

យោងតាមឯកសារស្រាវជ្រាវដែលចុះផ្សាយក្នុងទិនានុប្បវត្តិវេជ្ជសាស្ត្រផ្លូវភេទ បុរសៗត្រូវការពេលតែ ៥វិនាទីប៉ុណ្ណោះដើម្បីផលិតសារធាតុគីមីមួយ បញ្ឆេះអារម្មណ៍ស្នេហ៍ភ្លាមៗ។

ទស្សនាវដ្តី Reader Digest បានអះអាងថា បុរសៗធ្លាក់ក្នុងអន្លង់ស្នេហ៍លឿនជាងស្ត្រីឆ្ងាយ គឺ៤៨% លង់បាន តាំងពីពេលមើលឃើញនាងដំបូង។

បុរសរង់ចាំបានយូរបំផុតត្រឹមតែ ៨៨ ថ្ងៃប៉ុណ្ណោះដើម្បីនិយាយពាក្យសំខាន់សារភាពស្នេហ៍ ចំណែកខាងស្ត្រី អាចខាំមាត់ រងចាំមិនស្តីក្នុងកម្រិតពេលវេលាជិតទ្វេដង (១៣២ ថ្ងៃ) ។

បុរសក៏ងាយនឹងរៀបការម្តងទៀតដែរ បន្ទាប់ពីការលែងលះឬមរណភាពនៃប្តីឬប្រពន្ធ។ ការសិក្សាមួយ ធ្វើឡើងដោយមជ្ឈមណ្ឌលស្រាវជ្រាវ Pew ក្នុងឆ្នាំ ២០១៨ បានបញ្ជាក់ថា ៦៤% នៃបុរសដែលបានរៀបការពីមុន នឹងរៀបការឡើងវិញម្តងទៀត ផ្ទុយពី ៥២% នៃស្ត្រីដែលបានរៀបការពីមុនតែមិនគិតដល់អាពាហ៍ពិពាហ៍ថ្មីឡើយ។

តើត្រូវចំណាយពេលប៉ុន្មានក្នុងការស្រលាញ់គ្នា(គូចាស់)វិញ?

រឹតតែខុសគ្នា!

តាមភ័ស្ដុតាងដែលបានបង្ហាញ បុរសលោតទៅពាក្យ «ចាប់ផ្តើមជាថ្មីបានទេ» លឿនជាងស្ត្រី។ ពួកគេចិត្តទន់ជាង មានអនុស្សាវរីយ៍ច្រើន និងមិនចិត្តដាច់ដូចស្ត្រីទេ ដូច្នេះហើយបានជាគេមានស្នេហារសេមរសាមច្រើន ព្រោះរឿងចិត្តមិនដាច់នេះឯង។

តើស្ត្រីអាចនឹងលង់ស្នេហ៍ក្រោយស្គាល់បុរសរយៈពេលប៉ុន្មាន?

តើស្ត្រីត្រូវលង់ស្នេហ៍រយៈពេលប៉ុន្មាន?

រយៈពេលវែងជាងបុរស៣ដង! នេះបើយោងតាមអ្នកជំនាញណាត់ជួប ចននិងដេវីដបេនថេតដែលបានវិភាគកាលពីឆ្នាំ២០១៧។

ស្ត្រីមាននិន្នាការវាយតម្លៃអារម្មណ៍នៃក្តីស្រឡាញ់ដោយផ្អែកលើការទាក់ទាញខាងរាងកាយរួមជាមួយកត្តាផ្សេងៗទៀត ពិសេសបុគ្គលិកលក្ខណៈរបស់ដៃគូដែលមានសក្តានុពល ដែលមានន័យថា នាងតែងតែត្រូវការពេលយូរសម្រាប់ក់ក្តៅចំពោះអារម្មណ៍ផ្សារភ្ជាប់ ខុសពីខាងប្រុសដែលស្រលាញ់លឿន ក្រោយមកទើបសង្កេតឃើញចំណុចខ្សោយ។

ទស្សនៈនេះត្រូវបានបញ្ជាក់ដោយ Nikki Martinez ថា ខណៈពេលដែលបុរសត្រូវការ សម្រស់ និងភាពផ្អែមល្ហែម សម្រាប់ការទាក់ទាញពីដំបូងដើម្បីចាប់ផ្តើមស្គាល់មនុស្សស្រីនោះ ស្ត្រីនឹងសម្គាល់បុរសក្រោយពេលគេធ្វើល្អច្រើនដងសិន។ ប្រសិនយើងមិនបានល្អនឹងនាងមុនហើយមកដល់ដោយមិនមានហេតុផល អាចមិនមែនជាស្នេហាទេ។

ស្នេហានិងវិទ្យាសាស្ត្រ

នៅពេលដែលស្ត្រីធ្លាក់ក្នុងអន្លង់ស្នេហ៍ រាងកាយរបស់ពួកគ ផលិតអ័រម៉ូន Norepinephrine និង phenylethylamine (the love chemical) ដែលអ័រម៉ូនទាំងពីរនេះ នេះពិតជាធ្វើឱ្យស្ត្រីផ្តោតអារម្មណ៍ខ្លាំង ទៅលើមនុស្សដែលនាងចង់ណាត់ជួប។

វាបង្កើតជា អារម្មណ៍ភ័យ និងរំភើប អន្ទះសារលន្លង់លន្លោច ពេលរង់ចាំការផ្ញើសារពីដៃគូ ឬការណាត់ជាមួយនាយទៅណាក្តី។ នោះគឺជាការរួមបញ្ចូលគ្នានៃ norepinephrine និង phenylethylamine ដែលបំបែកអារម្មណ៍ធម្មតាធ្វើឱ្យមនុស្សមានអារម្មណ៍ ចំណុះ និង ផ្តោតតែដៃគូរបស់ពួកគេមើលរំលងមនុស្សផ្សេងៗ។ ចំណែកខាងប្រុស ដោយសារមិនរងឥទ្ធិពលពីអារម្មណ៍នេះគេអាចមានស្នេហាច្រើន(ចាប់អារម្មណ៍នារីច្រើននាក់)ក្នុងពេលដដែលបាន។

សូម្បីតែការរួមភេទ ស្ត្រីបានបញ្ចេញអុកស៊ីតូស៊ីន Oxytocin ច្រើនជាងបុរស ដែលជួយបង្កើតនិងអភិវឌ្ឍទំនុកចិត្ត សម្រាប់ជីវិតនាង។

ដូច្នេះតើត្រូវចំណាយពេលប៉ុន្មានដើម្បីឱ្យនរណាម្នាក់លង់ស្នេហ៍?

ពិតជាត្រូវការពេលវេលា ដើម្បីធ្លាក់ក្នុងអន្លង់ស្នេហ៍ តែក៏ពឹងផ្អែកលើប្រភេទមនុស្សព្រមទាំងបទពិសោធក្នុងជីវិតពួកគេ។ អ្នកខ្លះធ្លាប់ឈឺចាប់ខ្លាំងហួសពេកពីអតីតកាលក៏មិនងាយលង់ចិត្តលើអ្នកណាជាថ្មីទេ តែអ្នកខ្លះក៏មិនងាយរាងចាលលើរឿងស្នេហាដូចគ្នា៕

ប្រែសម្រួល៖ ហាណា

ប្រភព៖ LifeLight

ចុចអាន៖ ស្រីៗមានវ័យក្បែរ ៣០ គួរងាកមកឲ្យតម្លៃលើរឿង ៤ នេះជាចម្បង

ចុចអាន៖ បុរសៗឆ្លាតវៃពេក អាចបង្កើតកំហុសជាមួយស្ត្រីដោយមិនដឹងខ្លួន

The post ភាពខុសគ្នាឆ្ងាយ រវាងភេទនារី និងបុរសក្នុងផ្លូវមនោសញ្ចេតនា appeared first on Kampuchea Thmey Daily.

ហេតុអ្វីបានជាបុរសឆាប់ស្លាប់ជាងស្រ្តី?

សាង ស្រីល័ក្ខ — Tue, 29 Dec 2020 08:02:54 +0000

បើយោងតាមការសិក្សាស្រាវជ្រាវមួយ បានបង្ហាញថា មនុស្សស្រីអាចរស់នៅបានយូរជាងមនុស្សប្រុស រហូតដល់ទៅ ៧ ឆ្នាំឯណោះ។ ក្នុងនោះ គេរកឃើញថា មនុស្សស្រី៥៧% អាចរស់នៅរហូតដល់អាយុ ៦៥ ឆ្នាំ និង ៦៧% អាចរស់រហូតដល់អាយុ ៨៥ ឆ្នាំ។

តើមានមូលហេតុអ្វីខ្លះ ដែលមនុស្សស្រីអាចរស់នៅបានយូរជាងមនុស្សប្រុស?

១. ប្រព័ន្ធសុខភាព

ធម្មជាតិរបស់ស្ត្រីកើតមកមានក្រូម៉ូសូមវែងជាងបុរស ដែលមុខងាររបស់វាជំនួយដល់កោសិកាទទួលខុសត្រូវរបស់ប្រព័ន្ធភាពស៊ាំ។ ម្យ៉ាងវិញទៀត មនុស្សប្រុសតែងតែមានទម្លាប់ ផឹកស៊ី ជក់បារីជារឿយៗ ដោយនាំឲ្យខូចដល់ប្រព័ន្ធភាពស៊ាំរបស់ខ្លួន។ បន្ថែមលើនោះ ស្ត្រីមានឈាមរដូវផ្លាស់ប្ដូរជារៀងរាល់ខែ ដែលធ្វើឲ្យប្រព័ន្ធសុខភាពរបស់នាងកាន់តែរឹងមាំជាងមនុស្សប្រុស។

២. ការគិតគូរ

ជាទូទៅ មនុស្សស្រីចេះគិតគូរច្រើនជាងមនុស្សប្រុស។ ហេតុនេះហើយបានជា នារីចូលចិត្តនិយាយច្រើន និងចូលចិត្តយំជាប្រចាំ នៅពេលដែលពួកគេមានបញ្ហា។ ផ្ទុយទៅវិញ ពេលដែលប្រុសៗកើតទុក្ខ ពួកគេចូលចិត្តលាក់ទុកក្នុងទ្រូង និងមិនចង់និយាយអ្វីច្រើននោះទេ ដោយជួនកាលនោះ វាក៏អាចបង្កឲ្យមានជំងឺធ្លាក់ទឹកចិត្តចំពោះបុរសក៏មានដែរ។

៣. រូបរាងកាយ

Beijing,China

យោងតាមលោកវេជ្ជបណ្ឌិត Vincent Giampapa ជាប្រធានសុខាភិបាលនៃវិទ្យាស្ថានហ្សែន នៅរដ្ឋញូវជើស៊ី បានឲ្យដឹងថា មនុស្សដែលមានកម្ពស់ខ្ពស់ប្រហែល ១,៨២ ម៉ែត្រ ប្រឈមនឹងអាយុខ្លីជាងអ្នកដែលមានកម្ពស់ទាបជាងខ្លួន។ កត្តានេះដោយសារតែមនុស្សដែលមានរូបរាងធំខ្ពស់ មានការផ្លាស់ទីយឺតជាងមនុស្សដែលមានរូបរាងតូច។ ជាមធ្យម បុរសមានសាច់ដុំ និងរូបរាងធំជាងស្ត្រី។ ហេតុនេះ ឱកាសនៃការរស់រានមានជីវិតអាចមានតិចជាងស្ត្រី។

៤. សកម្មភាព និងការងារ

ការងាររបស់បុរសភាគច្រើនប្រឈមហានិភ័យជាងនារីដូចជា អ្នកបើកយន្ដហោះ កម្មករសំណង់ អ្នកនេសាទ ជាងជុសជួលខ្សែភ្លើង ប៉ូលិស ទាហាន អ្នកពន្លត់អគ្គិភ័យជាដើម។ ការងារទាំងអស់នេះ ទាមទារឲ្យមានការយកចិត្តទុកដាក់ និងវិធានការសុវត្ថិភាពខ្លាំងបំផុត។ បើហ៊ានតែធ្វេសប្រហែស អាចនឹងបាត់បង់ជីវិតភ្លាមៗ។

ម្យ៉ាងទៀត បុរសចូលចិត្តផ្សងព្រេង និងធ្វើសកម្មភាពបង្កគ្រោះថ្នាក់ដល់ជីវិតដូចជា បើកបរល្បឿនលឿន វាយតប់គ្នា ដើរលេងទៅតាមតំបន់ភ្នំដាច់ស្រយាល។ល។

ក្រៅពីនោះទៀត អត្រាឧក្រិដ្ឋកម្មជនភាគច្រើនជាបុរស ដែលនេះក៏ជាមូលហេតុធ្វើឲ្យមនុស្សប្រុសឆាប់ស្លាប់បានដែរ៕

ប្រែសម្រួល៖ សន្យា

ប្រភព៖ GREATIST

ចុចអាន៖អត្ថន័យពិតនៃពាក្យថា BE YOURSELF និងវិធីអនុវត្តឲ្យបានឆាប់

ចុចអាន៖ម្ដាយណាមិនស្រឡាញ់កូន! ជាកូនស្រីគួរស្ដាប់សម្ដីអ្នកមានគុណ ពេលគាត់ទូន្មានរឿងស្នេហា

The post ហេតុអ្វីបានជាបុរសឆាប់ស្លាប់ជាងស្រ្តី? appeared first on Kampuchea Thmey Daily.

បុរសនិងស្រ្តី Archives - Kampuchea Thmey Daily

ឥរិយាបថ ៥ របស់បុរស បញ្ជាក់ថា គេស្រលាញ់នាងពិត មិនមែនលេងសើច

អាការគាំងបេះដូងរបស់ស្រ្តី អាចខុសពីបុរស ត្រូវកត់ចំណាំ

ភាពខុសគ្នាឆ្ងាយ រវាងភេទនារី និងបុរសក្នុងផ្លូវមនោសញ្ចេតនា​

ហេតុអ្វីបានជា​បុរស​ឆាប់​ស្លាប់​ជាង​ស្រ្តី?

ភាពខុសគ្នាឆ្ងាយ រវាងភេទនារី និងបុរសក្នុងផ្លូវមនោសញ្ចេតនា

ហេតុអ្វីបានជាបុរសឆាប់ស្លាប់ជាងស្រ្តី?