អនុរដ្ឋមន្ត្រីការបរទេសសហរដ្ឋអាម៉េរិក ថាការងារខណ្ឌសីមា បោះបង្គោលព្រំដែនកម្ពុជា-ថៃ ត្រូវធ្វើឡើងតាមយន្តការទ្វេភាគី ក្នុងនោះអាម៉េរិកត្រៀមខ្លួនជួយបើចាំបាច់ ប៉ុន្តែបច្ចុប្បន្នអាម៉េរិកយល់ថា យន្តការទ្វេភាគីលើការងារបោះបង្គោលព្រំដែនកម្ពុជា-ថៃ កំពុងដើរលើផ្លូវត្រូវ។

អនុរដ្ឋមន្រ្តីការប្រទេសសហរដ្ឋអាមេរិក​សម្រាប់​កិច្ចការ​អាស៊ី​ខាងកើត និង​ប៉ាស៊ីហ្វិក Michael George DeSombre   ​ថ្លែង​នៅ​ថ្ងៃទី ៩ ខែមករា ក្នុង​សន្និសីទ​សារព័ត៌មាន​តាមអនឡាញ​ពីទីក្រុង​បាងកក ដូច្នេះ៖«វានឹងត្រូវបានដោះស្រាយដោយទ្វេភាគី រវាងថៃ និងកម្ពុជា។ យើងត្រៀមខ្លួនដើម្បីគាំទ្របើចាំបាច់ ប៉ុន្តែយើងមានទំនុកចិត្តថា ដំណើរការនេះ កំពុងដំណើរការទៅក្នុងទិសដៅដ៏ត្រឹមត្រូវ។»។

យន្តការទ្វេភាគីលើការងារបោះបង្គោលព្រំដែនគោក តាមរយៈគណៈកម្មការចម្រុះខណ្ឌសីមាព្រំដែនគោក(JBC)កម្ពុជា-ថៃ បានជាប់គាំងជាងមួយទសវត្សរ៍ ព្រោះតែការប្រើប្រាស់ផែនទីខុសគ្នា ក្នុងនោះភាគីកម្ពុជាប្រើប្រាស់ផែនទីខ្នាត១លើ២០០ពាន់ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម មានការទទួលស្គាល់ជាលក្ខណៈអន្តរជាតិ ចំណែកភាគីថៃ ប្រើប្រាស់ផែនទីខ្នាត១លើ៥០ពាន់ ថៃគូសជាឯកតោភាគីគ្មានការទទួលស្គាល់ជាអន្តរជាតិឡើយ។

ចំណុចខុសគ្នាលើការប្រើប្រាស់ផែនទីនេះហើយទើបបណ្ដាលការបោះបង្គោលព្រំដែនរាំងស្ទះ ហើយភាគីថៃ បានបាញ់សម្លាប់ទាហានកម្ពុជាមួយរូបនៅក្នុងទឹកដីដែលកម្ពុជាអះអាងថា ក្នុងដីខ្លួនស្របតាមផែនទីខ្នាត១លើ២០០ពាន់។ ករណីនេះ បណ្ដាលឱ្យមានការចល័តសព្វាវុធធន់ធ្ងន់ទៅកាន់ព្រំដែនជម្លោះរៀងៗខ្លួនពីសំណាក់កម្ពុជា-ថៃ។

ផ្ដើមចេញពីករណីនេះ នៅខែមិថុនា ឆ្នាំ២០២៥ រាជរដ្ឋាភិបាលកម្ពុជា បានប្រកាសពីការដាក់ពាក្យបណ្ដឹងនាំយកតំបន់ចំនួន៤ដូចជាតំបន់ប្រាសាទតាមាន់ធំ,ប្រាសាទតាមាន់តូច, ប្រាសាទតាក្របី, និងតំបន់មុំបី ទៅកាន់តុលាការយុត្តិធម៌អន្តរជាតិ (ICJ) ដើម្បីឱ្យមានការកាត់ក្ដីឱ្យដាច់ស្រេចបញ្ចប់ជម្លោះ បញ្ចៀសការស្លាប់បាត់បង់ជីវិតមនុស្ស។  នៅពាក់កណ្ដាលខែមិថុនា គណៈកម្មការចម្រុះខណ្ឌសីមាព្រំដែនគោក(JBC)កម្ពុជា-ថៃ បានជួបប្រជុំគ្នាឡើងវិញនៅរាជធានីភ្នំពេញ ក្រោយខកខានជាង១ទសវត្សរ៍ ដោយសម្រេចបានការឯកភាពចំណុចមួយចំនួន។

ស្ថានការណ៍ព្រំដែនកម្ពុជា-ថៃ វិវត្តន៍កាន់តែអាក្រក់ទៅៗ លុះដល់ចុងខែកក្កដា ថៃបាន​បើកការវាយប្រហារមកលើកម្ពុជារយៈពេល៥ថ្ងៃជាប់ៗគ្នា ទើបសម្រេចបានបទឈប់បាញ់មួយក្រោមកិច្ចខិតខំប្រឹងប្រែងរបស់អាម៉េរិក និងប្រធានអាស៊ាន និងការឃ្លាំមើលពីសំណាក់ចិន។

បន្ទាប់ពីមានបទឈប់បាញ់  គណៈកម្មការចម្រុះខណ្ឌសីមាព្រំដែនគោក(JBC)កម្ពុជា-ថៃ បានជួបប្រជុំជាមួយគ្នានៅលើដីថៃ ក្នុងចុងខែតុលា ដោយសម្រេចបាននូវការឯកភាពបោះបង្គោលព្រំដែនបណ្ដោះអាសន្ននៅកំណាត់ខ្សែព្រំដែនចន្លោះបង្គោលព្រំដែនលេខ 42-47 ក្នុងភូមិសាស្ត្រឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ជាប់នឹងខេត្តស្រះកែវ និងចន្លោះបង្គោលព្រំដែនលេខ 52-59 ក្នុងភូមិសាស្ត្រស្រុកកំរៀង ខេត្តបាត់ដំបង ជាប់នឹងខេត្តចន្ទបូរី។ ការងារបោះបង្គោលបណ្ដោះអាសន្នសម្រេចបានតាមផែនការគ្រោងទុក ប៉ុន្តែជាអកុសលនៅថ្ងៃទី៧ ខែធ្នូ ភាគីថៃ បានបើកការវាយប្រហារមកលើកម្ពុជាបណ្ដាលឱ្យក្រុមការងារជំនាញខកខានមិនអាចបន្តការងារទៀតបានឡើយ។

ភាគីថៃបានបើកការវាយប្រហារយ៉ាងកំរោលរយៈពេល២១ថ្ងៃ បំពានច្បាប់អន្តរជាតិ រំលោភបំពានចូលមកក្នុងទឹកដីកម្ពុជា ដែលកំណត់យ៉ាងច្បាស់នៅក្នុងផែនទីខ្នាត១លើ២០០ពាន់។ ក្រោយសម្រេចបានបទឈប់បាញ់ ភាគីថៃនៅតែបំពានដោយធ្វើសកម្មភាពរាយបន្លាលួស ដាក់ទូរកុងតឺន័រ បំផ្លិចផ្លាញផ្ទះ និងរចនាសម្ព័ន្ធស៊ីវិល និងបំពានចូលមកក្នុងទឹកដីកម្ពុជាចំនួន១៤ទីតាំង នៅក្នុងខេត្តពោធិ៍សាត់, បន្ទាយមានជ័យ,ឧត្ដរមានជ័យ និងព្រះវិហារ។

១ថ្ងៃក្រោយបទឈប់បាញ់ចូលជាធរមាន គឺនៅថ្ងៃទី២៨ ខែធ្នូ គណៈកម្មការចម្រុះខណ្ឌសីមាព្រំដែនគោក(JBC)កម្ពុជា បានស្នើទៅកាន់ភាគីថៃ ឱ្យចូលរួមកិច្ចប្រជុំជជែកលើការបោះបង្គោល និងខណ្ឌសីមាព្រំដែន ព្រមទាំងដោះស្រាយបញ្ហាដែលកម្ពុជាអះអាងថា យោធាថៃបាននិងកំពុងធ្វើសកម្មភាពរំលោភបំពានបូរណភាពទឹកដី និងអធិបតេយ្យភាពកម្ពុជា ដូចជា ការរាយលួសបន្លា ដាក់ទូរកុងតឺន័រ ដោតទង់ជាតិថៃ សាងសង់លេណដ្ឋាន ការឈូសឆាយបំផ្លិចបំផ្លាញលំនៅឋាន និងទ្រព្យសម្បត្តិរបស់ប្រជាពលរដ្ឋកម្ពុជា ព្រមទាំងការហាមឃាត់មិនឱ្យប្រជាពលរដ្ឋវិលត្រឡប់ទៅរស់នៅក្នុងលំនៅឋានរបស់ខ្លួនវិញ  នៅដើមខែមករា ឆ្នាំ២០២៦ ប៉ុន្តែភាគីថៃបានស្នើសុំពន្យាពេល នៅក្រោមហេតុផលត្រូវរៀបចំនីតិវិធីផ្ទៃក្នុង ខណៈយោធាថៃបន្តធ្វើសកម្មភាពបំពាន និងបំផ្លាញទ្រព្យសម្បត្តិពលរដ្ឋកម្ពុជាឥតឈប់ឈរ។

ក្រោយមកនៅថ្ងៃទី៥ ខែមករា ភាគីកម្ពុជា បានស្នើទៅកាន់ភាគីថៃ តាមរយៈកំណត់ទូតឱ្យមកចូលរួមកិច្ចប្រជុំគណៈកម្មការចម្រុះខណ្ឌសីមាព្រំដែនគោក(JBC) នៅសប្ដាហ៍ទី២ ឬទី៣ ខែមករា លើទឹកដីខេត្តសៀមរាប ប៉ុន្តែមកដល់ថ្ងៃទី៩ ខែមករា ឆ្នាំ២០២៦ ប្រព័ន្ធផ្សព្វផ្សាយថៃ មិនបានផ្សព្វផ្សាយពីការឆ្លើយតបរបស់គណៈកម្មការខណ្ឌសីមា ព្រះដែនគោកថៃ ចំពោះការចូលរួមកិច្ចប្រជុំតាមកាលបរិច្ឆេទកំណត់ដូចអ្វីដែលកម្ពុជាស្នើឡើយ ដែលនេះបង្ហាញថា យន្តការបោះបង្គោលព្រំដែនកម្ពុជា-ថៃ ទ្វេភាគី ហាក់ជាប់គាំងអន្តរកាល។

យ៉ាងណា ក្នុងកិច្ចការបោះបង្គោលព្រំដែនជាមួយភាគីថៃ តាមរយៈយន្តការទ្វេភាគី កម្ពុជា បញ្ជាក់ថា ខ្លួនបន្តប្រកាន់ជំហរយ៉ាងម៉ឺងម៉ាត់ ក្នុងការការពារខ្សែព្រំដែនអន្តរជាតិកម្ពុជា–ថៃ ដោយគោរពគោលការណ៍ច្បាប់អន្តរជាតិ ជាពិសេសគោលការណ៍ខ្សែព្រំដែនមិនកែប្រែ (Uti Possidetis Juris) និងផ្អែកលើអនុសញ្ញា សន្ធិសញ្ញា ផែនទី និងឯកសារច្បាប់ដែលភាគីទាំងពីរបានឯកភាពគ្នានាពេលកន្លងមក៕

ដោយ៖ ង៉ិល ណារ៉ាត់

The post អាម៉េរិកថាការបោះបង្គោលព្រំដែនកម្ពុជា-ថៃ ត្រូវធ្វើតាមយន្តការទ្វេភាគី ហើយអាម៉េរិកត្រៀមជួយបើចាំបាច់ appeared first on Kampuchea Thmey Daily.

នាយករដ្ឋមន្ត្រីកម្ពុជា សម្ដេច ហ៊ុន ម៉ាណែត បង្ហាញការភ្ញាក់ផ្អើលពេលឃើញព័ត៌មានចុះផ្សាយនៅថ្ងៃទី ៨ ខែធ្នូ ថាកងទ័ពភូមិភាគទី១ របស់ថៃបានប្រកាសថានឹងប្រើប្រាស់កម្លាំងដើម្បីដណ្ដើមដែនអធិបតេយ្យរបស់ថៃមកវិញ រួមទាំងការបាញ់កាំភ្លើងផ្លោង និងចល័តកម្លាំងយោធា ចូលក្នុងភូមិព្រៃចាន់ ភូមិជោគជ័យ និងគោលដៅមួយចំនួនទៀតនៅខេត្តបន្ទាយមានជ័យ។ ការភ្ងាក់ផ្អើលរបស់សម្ដេច ព្រោះតែទង្វើយោធាថៃនេះ ប្រាសចាកពីអ្វីដែលថ្នាក់ដឹកនាំថៃធ្លាប់ប្រកាសនៅតាមបណ្តាញសារព័ត៌មាន និងនៅតាមវេទិការអន្តរជាតិជាប្រចាំថា ប្រទេសថៃជាប្រទេសស្រលាញ់សន្តិភាព និងគោរពច្បាប់អន្តរជាតិ។

សម្ដេច ហ៊ុន ម៉ាណែត ថា បើថៃពិតជាស្រលាញ់សន្តិភាព និងស្រលាញ់ទឹកដីដូចកម្ពុជា រាជរដ្ឋាភិបាលនិងកងទ័ពថៃ គួរប្រកាន់យកការដោះស្រាយបញ្ហាព្រំដែនតាមសន្តិវិធី ដោយប្រើប្រាស់យន្តការដែលបានឯកភាពគ្នានិងបានកំពុងអនុវត្តជាមួយគ្នា ហើយបើថៃពិតជាគោរពច្បាប់អន្តរជាតិមែន គឺមិនត្រូវប្រើប្រាស់កម្លាំងយោធាធ្វើការវាយប្រហារលើភូមិប្រជាជនស៊ីវីលទេ ក្រោមហេតុផលដណ្ដើមយកដែនអធិបតេយ្យរបស់ខ្លួនមកវិញនោះទេ។សម្ដេចនាយករដ្ឋមន្ត្រីថា

សម្ដេច ថាកម្ពុជាបានប្រកាន់ខ្ជាប់ជាប្រចាំនូវគោលការណ៍គោរពអធិបតេយ្យ និងបូរណភាពទឹកដីរបស់ប្រទេសជិតខាង ប៉ុន្តែក៏មិនអនុញ្ញាតឱ្យប្រទេសណារំលោភលើដែនអធិបតេយ្យ និងបូរណភាពទឹកដីរបស់ខ្លួនដែរ ហើយសម្ដេចក៏បានលឺថ្នាក់ដឹកនាំថៃប្រកាសដូចគ្នា។

សម្ដេចថា មូលហេតុនេះហើយ បានជាប្រទេសទាំងពីរបានបង្កើតគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ (JBC) ដែលបានដំណើរការជាង ២០ឆ្នាំ ដោយផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០។ ថ្មីៗនេះ ស្របតាមស្មារតីដែលបានឯកភាពគ្នារវាងគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ (JBC) ភាគីកម្ពុជា និងភាគីថៃបានឯកភាពគ្នាបញ្ជូនក្រុមវាស់វែងចម្រុះចុះអនុវត្តការងារវាស់វែងនិងបោះបង្គោលព្រំដែនបណ្តោះអាសន្ននៅកំណាត់ខ្សែព្រំដែនចន្លោះបង្គោលព្រំដែនលេខ៤២-៤៧ នៅខេត្តបន្ទាយមានជ័យ និង លេខ៥២-៥៩ នៅខេត្តបាត់ដំបង។

សម្ដេចធិបតី ថាបើថៃស្រឡាញ់សន្តិភាពមែន ថៃត្រូវគោរពច្បាប់អន្តរជាតិ កុំបាញ់ប្រហារជនស៊ីវិល និងត្រូវកំណត់ព្រំដែនដោយសន្តិវិធីសម្ដេចធិបតី ហ៊ុន ម៉ាណែត បង្ហាញការភ្ញាក់ផ្អើលពេលឃើញព័ត៌មានចុះផ្សាយនៅថ្ងៃទី ៨ ខែធ្នូ ថាកងទ័ពភូមិភាគទី១ របស់ថៃបានប្រកាសថានឹងប្រើប្រាស់កម្លាំងដើម្បីដណ្ដើមដែនអធិបតេយ្យរបស់ថៃមកវិញ រួមទាំងការបាញ់កាំភ្លើងផ្លោង និងចល័តកម្លាំងយោធា ចូលក្នុងភូមិព្រៃចាន់ ភូមិជោគជ័យ និងគោលដៅមួយចំនួនទៀតនៅខេត្តបន្ទាយមានជ័យ។ ការភ្ងាក់ផ្អើលរបស់សម្ដេច ព្រោះតែទង្វើយោធាថៃនេះ ប្រាសចាកពីអ្វីដែលថ្នាក់ដឹកនាំថៃធ្លាប់ប្រកាសនៅតាមបណ្តាញសារព័ត៌មាន និងនៅតាមវេទិការអន្តរជាតិជាប្រចាំថា ប្រទេសថៃជាប្រទេសស្រលាញ់សន្តិភាព និងគោរពច្បាប់អន្តរជាតិ។សម្ដេច

តាមនាយករដ្ឋមន្ត្រីកម្ពុជា ការងារនេះបានប្រព្រឹត្តទៅដោយរលូនដោយមានការសហការគ្នាល្អរវាងក្រុមការងារបច្ចេកទេសព្រំដែននៃនៃប្រទេសទាំងពីរ។ ជាលទ្ធផល ការងារវាស់វែងនិងបោះបង្គោលព្រំដែនបណ្តោះអាសន្ននៅកំណាត់ខ្សែព្រំដែនចន្លោះបង្គោលព្រំដែនលេខ៥២-៥៩ នៅខេត្តបាត់ដំបងបានដំណើរការស្ទើរតែបញ្ចប់ ១០០% និងនៅកំណាត់ខ្សែព្រំដែនចន្លោះបង្គោលព្រំដែនលេខ៤២-៤៧ ក៏បានកំពុងដំណើរការទៅដោយរលូនតាមលក្ខណៈបច្ចេកទេស និងស្របតាមសន្ធិសញ្ញា អនុសញ្ញា កិច្ចព្រមព្រៀងនានាជាធរមាន និងឯកសារគតិយុត្តដែលបន្សល់ទុកពីអតីតកាលដែលភាគីទាំងពីរបានឯកភាពគ្នា។

នាយករដ្ឋមន្ត្រីបន្ថែមថា នៅពេលដែលកងទ័ពយោធភូមិភាគទី១ថៃ បានប្រកាសថានឹងប្រើប្រាស់កម្លាំងយោធាដើម្បីដោះស្រាយបញ្ហាព្រំដែនកម្ពុជា-ថៃនៅតំបន់ក្នុងព្រំប្រទល់ខេត្តបន្ទាយមានជ័យ (កម្ពុជា) និងខេត្តស្រះកែវ (ថៃ) ដែលរួមទាំងនៅកំណាត់ខ្សែព្រំដែនចន្លោះបង្គោលព្រំដែនលេខ៤២-៤៧ ផងនោះ គឺផ្ទុយទៅនឹងស្មារតីនៃការដោះស្រាយបញ្ហាព្រំដែនដោយសន្តិវិធី តាមរយៈការវាស់វែងនិងបោះបង្គោលព្រំដែនស្របតាមច្បាប់អន្តរជាតិ។

សម្ដេច ហ៊ុន ម៉ាណែត ដាក់ក្ដីសង្ឃឹមថា ភាគីថៃដែលតែងតែប្រកាសថាជាប្រទេសស្រលាញ់សន្តិភាព និងគោរពច្បាប់អន្តរជាតិ នឹងបន្តប្រើប្រាស់មធ្យោបាយសន្តិវិធី ស្របតាមគោលការណ៍ច្បាប់ ក្នុងការធ្វើការវាស់វែងនិងបោះបង្គោលព្រំដែន ដើម្បីកំណត់ដែនអធិបតេយ្យភាពរបស់ប្រទេសនីមួយៗ។ នេះជាវិធីសាស្ត្រងាយបំផុត តម្លាភាពបំផុត និងយុត្តិធម៌បំផុត ព្រោះកម្ពុជាគ្មានគោលបំណងរំលោភលើដែនអធិបតេយ្យភាពស្របច្បាប់របស់ប្រទេសជិតខាងទេ។ ការវាស់វែងបានលទ្ធផលយ៉ាងណា កម្ពុជានឹងគោរពតាម ហើយប្រទេសថៃ នឹងមានភាពស្មោះត្រង់ ក្នុងការទទួលយកលទ្ធផលដូចគ្នា៕

The post សម្ដេចធិបតី ថាបើថៃស្រឡាញ់សន្តិភាពមែន ថៃត្រូវគោរពច្បាប់អន្តរជាតិ កុំបាញ់ប្រហារជនស៊ីវិល និងត្រូវកំណត់ព្រំដែនដោយសន្តិវិធី appeared first on Kampuchea Thmey Daily.

តាមមន្ត្រី នៃរដ្ឋលេខាធិការដ្ឋានកិច្ចការព្រំដែន គិតត្រឹមល្ងាចថ្ងៃទី៣ ខែធ្នូ ក្រុមវាស់វែងចម្រុះកម្ពុជា-ថៃ សម្រេចបានការងារថតរូបពីលើអាកាសដោយប្រើដ្រូនលើដីប្រវែងប្រមាណ ៦.៤ គ.ម ស្មើនឹងប្រមាណ ៧៦% នៃផែនការសរុប ដើម្បីបង្កើតផែនទីរូបថត (Photomap) នៅចន្លោះបង្គោលព្រំដែនលេខ ៥២-៥៩ ដោយនៅក្នុងភូមិសាស្រ្តឃុំកំរៀង និងឃុំបឹងរាំង ស្រុកកំរៀង ខេត្តបាត់ដំបង ទល់មុខស្រុកពោងណាំរ៉ន ខេត្តចន្ទបុរីរបស់ថៃ។

គួរឱ្យដឹងថា ចាប់ពីថ្ងៃទី៨ ដល់ថ្ងៃទី២៦ ខែវិច្ឆិកា ឆ្នាំ២០២៥ ក្រុមវាស់វែងចម្រុះនៃភាគីទាំងពីរបានចុះអនុវត្តការងារលើដីជាក់ស្ដែងនៅកំណាត់ខ្សែព្រំដែនចន្លោះបង្គោលព្រំដែនលេខ ៥២-៥៩ ដែលមានប្រវែងប្រមាណ ៨.៣គ.ម. ដោយបានបញ្ចប់ការងារវាស់វែង និងបោះបង្គោលបណ្តោះអាសន្ននៅលើដីជាក់ស្តែងសរុបចំនួន ១៦៦បង្គោលបណ្តោះអាសន្ន។

រដ្ឋលេខាធិការដ្ឋានកិច្ចការព្រំដែន  ធ្លាប់បញ្ជាក់ថា ការងារចុះវាស់វែង និងបោះបង្គោលបណ្ដោះអាសន្នលើដីជាក់ស្ដែងរបស់ក្រុមការងារចម្រុះ គឺជាការបន្តអនុវត្តការងារជាជំហានៗ ដើម្បីឈានទៅដល់ការខណ្ឌសីមា លើដីជាក់ស្ដែង ដែលកិច្ចការងារនេះ គឺធ្វើឡើងយ៉ាងហ្មត់ចត់ និងទទួលខុសត្រូវខ្ពស់បំផុត ដោយឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០ និងស្របតាមខ្លឹមសារនៃអនុស្សរណៈនៃការយោគយល់គ្នា( MOU) ឆ្នាំ២០០០, បែបបទការងារ (TOR)ឆ្នាំ២០០៣ និងស្មារតីនៃកំណត់ហេតុកិច្ចប្រជុំ GBC នាពេលកន្លងមក ព្រមទាំងអនុវត្តតាមបែបបទណែនាំបច្ចេកទេស(Technical Instruction) ដែលកម្ពុជា-ថៃបានឯកភាពគ្នា៕

The post កម្ពុជាប្រាប់អ្នកសង្កេតការណ៍អាស៊ានអំពីការបោះបង្គោលព្រំដែនបណ្ដោះអាសន្នជាមួយថៃក្នុងភូមិសាស្ត្រខេត្តបាត់ដំបង-ចន្ទបុរី appeared first on Kampuchea Thmey Daily.

ការងារចុះវាស់វែងនិងបោះបង្គោលបណ្តោះអាសន្ននៅកំណាត់ខ្សែព្រំដែនចន្លោះបង្គោលលេខ ៤២-៤៧ នៅក្នុងភូមិសាស្ត្រ ស្រុកអូរជ្រៅ ខេត្តបន្ទាយមានជ័យ ទល់មុខស្រុកគោកស៊ូង ខេត្តស្រះកែវ  ធ្វើឡើងស្របតាមស្មារតីនៃកិច្ចប្រជុំគណៈកម្មការចម្រុះខណ្ឌសីមាព្រំដែន (JBC) កម្ពុជា-ថៃ កាលពីថ្ងៃទី២១-២២ ខែតុលា ឆ្នាំ២០២៥ កន្លងទៅ។

សូមរម្លឹកថា  ចាប់ពីថ្ងៃទី១៩ ដល់ថ្ងៃទី២៦ ខែវិច្ឆិកា ឆ្នាំ២០២៥ ក្រុមវាស់វែងចម្រុះនៃភាគីកម្ពុជា និងភាគីថៃ បានចុះអនុវត្តការងារលើដីជាក់ស្ដែងនៅកំណាត់ខ្សែព្រំដែនចន្លោះបង្គោលព្រំដែនលេខ ៤២-៤៣ ដែលមានប្រវែងប្រមាណ ៧គ.ម. ដោយបានបញ្ចប់ទាំងស្រុងការងារថតរូបពីលើអាកាសដោយប្រើដ្រូនដើម្បីបង្កើតផែនទីរូបថត (Photomap)។ នៅថ្ងៃទី២៧ ខែវិច្ឆិកា ឆ្នាំ២០២៥ ភាគីទាំងពីរបានរួមគ្នារៀបចំទិន្នន័យរូបថតពីលើអាកាស ដើម្បីបង្កើតផែនទីរូបថត(Photomap)។

រដ្ឋលេខាធិការដ្ឋានកិច្ចការព្រំដែន  ធ្លាប់បញ្ជាក់កាលពីថ្ងៃទី២៦ ខែវិច្ឆិកា ថា ការងារចុះវាស់វែង និងបោះបង្គោលបណ្ដោះអាសន្នលើដីជាក់ស្ដែងរបស់ក្រុមការងារចម្រុះ គឺជាការបន្តអនុវត្តការងារជាជំហានៗ ដើម្បីឈានទៅដល់ការខណ្ឌសីមា លើដីជាក់ស្ដែង ដែលកិច្ចការងារនេះ គឺធ្វើឡើងយ៉ាងហ្មត់ចត់ និងទទួលខុសត្រូវខ្ពស់បំផុត ដោយឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០ និងស្របតាមខ្លឹមសារនៃអនុស្សរណៈនៃការយោគយល់គ្នា( MOU) ឆ្នាំ២០០០, បែបបទការងារ (TOR)ឆ្នាំ២០០៣ និងស្មារតីនៃកំណត់ហេតុកិច្ចប្រជុំ GBC នាពេលកន្លងមក ព្រមទាំងអនុវត្តតាមបែបបទណែនាំបច្ចេកទេស(Technical Instruction) ដែលកម្ពុជា-ថៃបានឯកភាពគ្នា។

សម្ដេច ហ៊ុន ម៉ាណែត កាលពីថ្ងៃទី២៥ ខែវិច្ឆិកា  ក៏បានពន្យល់ពលរដ្ឋថា គោលដៅនៃការវាស់វែងនិងបោះបង្គោលព្រំដែនបណ្តោះអាសន្ននេះ មិនមែនដើម្បីគណនាអំពីការចំណេញឬខាតដីនោះទេ គោលដៅចំបងគឺដើម្បីកំណត់នូវការខ័ណ្ឌសីមានៅលើដីជាក់ស្តែងដែលបញ្ជាក់អំពីខ្សែព្រំដែនមួយដែលត្រឹមត្រូវនិងច្បាស់លាស់រវាងប្រទេសកម្ពុជានិងថៃ ផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង និងច្បាប់អន្តរជាតិ។

សម្ដេច ហ៊ុន ម៉ាណែត បញ្ជាក់ថា កម្ពុជាប្រកាន់ខ្ជាប់នូវគោលការណ៍មិនរំលោភបំពានលើដែនអធិបតេយ្យនិងបូរណភាពទឹកដីប្រទេសដទៃ ប៉ុន្តែកម្ពុជាក៏មិនអនុញ្ញាតឱ្យមានការរំលោភបំពានលើដែនអធិបតេយ្យ និងបូរណភាពទឹកដីរបស់កម្ពុជាដែរ។

សម្ដេចនាយករដ្ឋមន្ត្រី ក៏បានពន្យល់ពីសារៈសំខាន់នៃការវាស់វែង និងបោះបង្គោលព្រំដែនបណ្តោះអាសន្ននេះថា គឺជាវិធីសាស្ត្រក្នុងការដោះស្រាយបញ្ហារយៈពេលវែងដោយសន្តិវិធី ដើម្បីឈានទៅបញ្ចប់ជម្លោះ និងបង្កលក្ខណៈអោយប្រជាពលរដ្ឋដែលរស់ក្នុងតំបន់ព្រំដែនដែលមានបញ្ហាអាចបានទទួលសេចក្តីសុខ និងបន្តជីវភាពរស់នៅជាប្រក្រតីឡើងវិញ ព្រមទាំងធានាបាននូវការការពារជាដាច់ខាតនូវអធិបតេយ្យភាពនិងបូរណភាពទឹកដីរបស់កម្ពុជា។

ក្រោយពីការវាស់វែងបានបញ្ចប់ សម្ដេច ហ៊ុន ម៉ាណែត ក៏បានឱ្យដឹងដែរថា  ក្រុមការងារចម្រុះនៃកម្ពុជា- ថៃ នឹងពិនិត្យមើលលើការកាន់កាប់ជាក់ស្តែងរបស់ប្រជាពលរដ្ឋទាំងសងខាង ប្រៀបធៀបជាមួយនឹងបង្គោលព្រំដែនបណ្តោះអាសន្ន ដើម្បីពិភាក្សាគ្នារកដំណោះស្រាយមួយដែលភាគីទាំងពីរអាចទទួលយកបាន ស្របតាមគោលការណ៍គោរពអធិបតេយ្យភាពនិងបូរណភាពទឹកដីទៅវិញទៅមក។

សម្ដេច ហ៊ុន ម៉ាណែត ក៏បានស្នើសុំជនរួមជាតិទាំងអស់មេត្តាជឿទុកចិត្តលើរាជរដ្ឋាភិបាលកម្ពុជា និងគណៈកម្មការចម្រុះខណ្ឌសីមាព្រំដែនគោក (JBC) កម្ពុជា ពីព្រោះថា ជានិច្ចកាលរដ្ឋាភិបាល និង JBC) កម្ពុជា  តែងប្រកាន់ខ្ជាប់នូវមនសិការវិជ្ជាជីវៈនិងការទទួលខុសត្រូវខ្ពស់បំផុត ដោយតម្កល់ឧត្តមប្រយោជន៍ជាតិជាធំ ជាពិសេសការការពារបូរណភាពទឹកដីនិងអធិបតេយ្យជាតិ ដោយប្រកាន់ខ្ជាប់នូវការគោរពច្បាប់អន្តរជាតិ គោរពគោលការណ៍ព្រំដែនមិនកែប្រែ និងខ្សែព្រំដែនអន្តរជាតិ កម្ពុជា-ថៃ ដែលបន្សល់ទុកដោយគណៈកម្មការព្រំដែនរវាងឥណ្ឌូចិន-សៀម៕

ដោយ៖ ង៉ិល ណារ៉ាត់

The post ​កម្ពុជា-ថៃ បោះបង្គោលបណ្ដោះអាសន្នបាន៤៤បង្គោល ក្នុងភូមិសាស្ត្រស្រុកអូរជ្រៅ ខេត្តបន្ទាយមានជ័យ ទល់មុខស្រុកគោកស៊ូង ខេត្តស្រះកែវ appeared first on Kampuchea Thmey Daily.

ការចេញមុខដ៏កម្ររបស់នាយឧត្ដមសេនីយ៍ អ៊ី ឈាន​ ឆ្លើយតបទៅនឹងបុគ្គល អ៊ុំ សំអាន ធ្លាប់ជាពន្ធនាគារព្រោះប្រើប្រាស់ផែនទីក្លែងក្លាយ និងជាប់ចោទពីបទក្បត់ជាតិបែបនេះ គឺបន្ទាប់ពីបុគ្គល អ៊ុំ សំអាន កំពុងជ្រកកោននៅក្រៅប្រទេស ប្រឌិតរឿងផ្សាយលើបណ្ដាញសង្គមថា «លោក អ៊ី ឈាន អតីតអភិបាលខេត្តប៉ៃលិនធ្លាប់និយាយថា ថៃបានបង្ខិតចូលដីខ្មែររាប់រយម៉ែត្រនៅតំបន់ Pong Nam Ron ជាប់ស្រុកកំរៀងនេះ។ ព្រំដែនចាស់ មិនមែនស្ថិតនៅព្រំដែនបច្ចុប្បន្ននេះទេ។ ប៉ុន្តែឥឡូវនេះ កម្ពុជាទទួលស្គាល់ព្រំដែនថ្មីគឺធ្វើឱ្យបាត់បង់ទឹកដីខ្មែរជាច្រើនគីឡូម៉ែត្រការ៉េនៅតំបន់នោះ»។

ឆ្លើយតបនឹងអ្វីដែល ពិរុទ្ធជន អ៊ុំ សំអាន ផ្សាយលើបណ្ដាញសង្គម,  នាយឧត្ដមសេនីយ៍ អ៊ី ឈាន ប្រកាសបដិសេធ និងបញ្ជាក់មកជនរួមជាតិថា ៖«អ្វីដែល អ៊ុំ សំអាន សរសេរនេះគឺជាការប្រឌិតទាំងស្រុង និងមានចរិតញុះញង់ដើម្បីបង្ករឿង និងកេងចំណេញនយោបាយក្នុងចេតនា បង្កចលាចលសង្គម និងការយល់ច្រឡំមកលើកិច្ចការព្រំដែន ដែលរាជរដ្ឋាភិបាល និងគណៈកម្មការចម្រុះខណ្ឌសីមាព្រំដែនគោក(JBC) កម្ពុជាកំពុងអនុវត្តដោយឈរលើមូលដ្ឋានច្បាប់អន្ដរជាតិ អនុសញ្ញា សទ្ធិសញ្ញា ផែនទីនិងឯកសារដែលបន្សល់ទុកពីបារាំង។ តំបន់ដែលស្ថិតនៅចន្លោះព្រំដែនលេខ៥២ និង៥៩ គឺក្នុងសង្គ្រាមស្ថិតក្រោមការគ្រប់គ្រងរបស់ សុន សេន មិនមែនអៀង សារី ទេ។»។

នាយឧត្ដមសេនីយ៍ អ៊ី ឈាន ដែលធ្លាប់បញ្ជាទ័ពឆ្អិនឆ្អៅ ក៏បង្ហាញពីភក្ដីភាពចំពោះជាតិ និងទឹកដីកម្ពុជា ទៅកាន់ពលរដ្ឋខ្មែរថា៖«តាំងពីសម័យសង្គ្រាមរហូតមកដល់បច្ចុប្បន្ន និងតទៅអនាគត ខ្ញុំការពារទឹកដីបូរណភាពទឹកដីកម្ពុជាដាច់ខាត ខ្ញុំជាសាក្សីរស់ម្នាក់ដែលបានរស់នៅតាំងពីយូរណាស់មកហើយនៅតំបន់នោះ។»។  

ជុំវិញការចោទប្រកាន់របស់បុគ្គល អ៊ុំ សំអាន ថារាជរដ្ឋាភិបាលកម្ពុជា ទទួលស្គាល់ព្រំដែន ធ្វើឱ្យបាត់ដីនៅភូមិសាស្រ្តស្រុកកំរៀង ខេត្តបាត់ដំបងជាប់នឹងខេត្តចន្ទបុរីរបស់ថៃ ក្នុងពេលកំពុងវាស់វែង និងបណ្ដោះអាសន្ន, ទេសរដ្ឋមន្ត្រី អ៊ី ឈាន បញ្ជាក់ថា៖«បង្គោលព្រំដែនដែលក្រុមការងារភាគីកម្ពុជានិងថៃ កំពុងចុះវាស់វែងនិងបោះបង្គោលបណ្តោះអាសន្ននោះគឺឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ  (ProcèsVerbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន- សៀម ឆ្នាំ១៩០៨- ១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០ និងស្របតាមខ្លឹមសារនៃអនុស្សរណៈនៃការយោគយល់គ្នា (Mou) ឆ្នាំ២០០០ និងបែបបទការងារដែលភាគីទាំងពីរបានឯកភាពគ្នា។

នាយឧត្ដមសេនីយ៍ អ៊ី ឈាន ប្រាប់ទៅកាន់ពលរដ្ឋកម្ពុជាថា៖«អ្វីដែលបុគ្គល អ៊ុំ សំអាន ដែលជាជនក្បត់ជាតិលើកឡើងនេះ គឺជាការប្រឌិតញុះញង់សុទ្ធសាធមិនមែនជាការពិតឡើយ។ បុគ្គល អ៊ុំ សំអាន តែងតែនិយាយញុះញង់និងបំភ្លៃខុសពីការពិត ហើយពេលខ្លះយកឈ្មោះអ្នកនេះឬអ្នកនោះមកភ្ជាប់ដើម្បីទាញចំណាប់អារម្មណ៍ក្នុងគោលដៅកេងចំណេញនយោបាយ និងមហិច្ឆតាដ៏អាក្រក់របស់ខ្លួន។»។

ស្របពេលដែលក្រុមវាស់វែងចម្រុះរបស់កម្ពុជា-ថៃ កំពុងដំណើរការងារបោះបង្គោលបណ្ដោះអាសន្ននៅខេត្តបាត់ដំបង  និងខេត្តបន្ទាយមានជ័យ ជាប់នឹងខេត្តស្រះកែវរបស់ថៃ, លោក អ៊ី ឈាន ស្នើជនរួមជាតិជឿទុកចិត្ត លើរាជរដ្ឋាភិបាល និងគណៈកម្មការចម្រុះខណ្ឌសីមាព្រំដែនគោក(JBC) កម្ពុជា ដែលបានប្រកាន់ខ្ជាប់ជានិច្ចនូវមនសិការវិជ្ជាជីវៈ និងការទទួលខុសត្រូវខ្ពស់បំផុត តម្កល់ឧត្តមប្រយោជន៍ជាតិជាធំ ជាពិសេសការការពារបូរណភាពទឹកដីនិងអធិបតេយ្យជាតិ ដោយប្រកាន់ខ្ជាប់នូវការគោរពច្បាប់អន្តរជាតិ គោរពគោលការណ៍ ព្រំដែនមិនកែប្រែនិងខ្សែព្រំដែនអន្តរជាតិ កម្ពុជា-ថៃ ដែលបន្សល់ទុក ដោយ គណៈកម្មការព្រំដែន រវាង ឥណ្ឌូចិន-សៀម។

សេចក្ដីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែននៃកម្ពុជា ឱ្យដឹងថា ត្រឹមថ្ងៃទី២៦ ខែវិច្ឆិកា ក្រុមវាស់វែងចម្រុះនៃភាគីកម្ពុជា-ថៃ បានបោះបង្គោលបណ្ដោះអាសន្នចំនួន១៦៦ លើផ្ទៃដីប្រវែងជាង៨គ.ម.  នៅចន្លោះបង្គោលព្រំដែនលេខ៥២ដល់លេខ៥៩ នៅខេត្តបាត់ដំបង ជាប់នឹងខេត្តចន្ទបុរី របស់ថៃ ហើយជាជំហានបន្ទាប់ភាគីទាំងពីរគ្រោងបន្តការងារថតរូបលើអាកាសដើម្បីបង្កើតផែនទីរូបថត (Photomap)។

សម្ដេច ហ៊ុន ម៉ាណែត កាលពីថ្ងៃទី២៥ ខែវិច្ឆិកា  ក៏បានពន្យល់ពលរដ្ឋថា គោលដៅនៃការវាស់វែងនិងបោះបង្គោលព្រំដែនបណ្តោះអាសន្ននេះ មិនមែនដើម្បីគណនាអំពីការចំណេញឬខាតដីនោះទេ គោលដៅចំបងគឺដើម្បីកំណត់នូវការខ័ណ្ឌសីមានៅលើដីជាក់ស្តែងដែលបញ្ជាក់អំពីខ្សែព្រំដែនមួយដែលត្រឹមត្រូវនិងច្បាស់លាស់រវាងប្រទេសកម្ពុជានិងថៃ ផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង និងច្បាប់អន្តរជាតិ៕

The post នាយឧត្ដមសេនីយ៍ អ៊ី ឈាន ថាជនក្បត់ជាតិ អ៊ុំ សំអាន យកឈ្មោះរូបលោកទៅប្រឌិតថាថៃបង្ខិតព្រំដែន ក្នុងចេតនាធ្វើឱ្យពលរដ្ឋយល់ច្រឡំលើរដ្ឋាភិបាល បង្កចលាចលសង្គម appeared first on Kampuchea Thmey Daily.

សេចក្ដីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែន បញ្ជាក់ពីវឌ្ឍនភាពការងារដូច្នេះ៖« ចាប់ពីថ្ងៃទី១៩ ដល់ថ្ងៃទី២៦ ខែវិច្ឆិកា ឆ្នាំ២០២៥ ក្រុមវាស់វែងចម្រុះនៃភាគីទាំងពីរបានចុះអនុវត្ត ការងារលើដីជាក់ស្តែងនៅកំណាត់ខ្សែព្រំដែនចន្លោះបង្គោលព្រំដែនលេខ ៤២-៤៣ ដែលមានប្រវែងប្រមាណ ៧គ.ម. នៅក្នុងភូមិសាស្ត្រភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយបានបញ្ចប់ ទាំងស្រុងការងារថតរូបពីលើអាកាសដោយប្រើដ្រូនដើម្បីបង្កើតផែនទីរូបថត(Photomap)។ ក្រុមវាស់វែងចម្រុះ នៃ ភាគីទាំងពីរនឹងបន្តការងារវាស់វែងនិងបោះបង្គោលបណ្តោះអាសន្ននៅលើដីជាក់ស្តែង។ »។

«ការងារចុះវាស់វែង និងបោះបង្គោលបណ្ដោះអាសន្នលើដីជាក់ស្ដែងរបស់ក្រុមការងារចម្រុះ គឺជាការបន្តអនុវត្តការងារជាជំហានៗ ដើម្បីឈានទៅដល់ការខណ្ឌសីមា លើដីជាក់ស្ដែង ដែលកិច្ចការងារនេះ គឺធ្វើឡើងយ៉ាងហ្មត់ចត់ និងទទួលខុសត្រូវខ្ពស់បំផុត ដោយឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០ និងស្របតាមខ្លឹមសារនៃអនុស្សរណៈនៃការយោគយល់គ្នា( MOU) ឆ្នាំ២០០០, បែបបទការងារ (TOR)ឆ្នាំ២០០៣ និងស្មារតីនៃកំណត់ហេតុកិច្ចប្រជុំ GBC នាពេលកន្លងមក ព្រមទាំងអនុវត្តតាមបែបបទណែនាំបច្ចេកទេស(Technical Instruction) ដែលកម្ពុជា-ថៃបានឯកភាពគ្នា។»។ រដ្ឋលេខាធិការដ្ឋានកិច្ចការព្រំដែន  សង្កត់ធ្ងន់ដូច្នេះទៅកាន់ពលរដ្ឋខ្មែរ តាមរយៈសេចក្ដីប្រកាសព័ត៌មានចេញនៅថ្ងៃទី២៦ ខែវិច្ឆិកាដដែល។

សម្ដេច ហ៊ុន ម៉ាណែត កាលពីថ្ងៃទី២៥ ខែវិច្ឆិកា  ក៏បានពន្យល់ពលរដ្ឋថា គោលដៅនៃការវាស់វែងនិងបោះបង្គោលព្រំដែនបណ្តោះអាសន្ននេះ មិនមែនដើម្បីគណនាអំពីការចំណេញឬខាតដីនោះទេ គោលដៅចំបងគឺដើម្បីកំណត់នូវការខ័ណ្ឌសីមានៅលើដីជាក់ស្តែងដែលបញ្ជាក់អំពីខ្សែព្រំដែនមួយដែលត្រឹមត្រូវនិងច្បាស់លាស់រវាងប្រទេសកម្ពុជានិងថៃ ផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង និងច្បាប់អន្តរជាតិ។

សម្ដេច ហ៊ុន ម៉ាណែត បញ្ជាក់ថា កម្ពុជាប្រកាន់ខ្ជាប់នូវគោលការណ៍មិនរំលោភបំពានលើដែនអធិបតេយ្យនិងបូរណភាពទឹកដីប្រទេសដទៃ ប៉ុន្តែកម្ពុជាក៏មិនអនុញ្ញាតឱ្យមានការរំលោភបំពានលើដែនអធិបតេយ្យ និងបូរណភាពទឹកដីរបស់កម្ពុជាដែរ។

សម្ដេចនាយករដ្ឋមន្ត្រី ក៏បានពន្យល់ពីសារៈសំខាន់នៃការវាស់វែង និងបោះបង្គោលព្រំដែនបណ្តោះអាសន្ននេះថា គឺជាវិធីសាស្ត្រក្នុងការដោះស្រាយបញ្ហារយៈពេលវែងដោយសន្តិវិធី ដើម្បីឈានទៅបញ្ចប់ជម្លោះ និងបង្កលក្ខណៈអោយប្រជាពលរដ្ឋដែលរស់ក្នុងតំបន់ព្រំដែនដែលមានបញ្ហាអាចបានទទួលសេចក្តីសុខ និងបន្តជីវភាពរស់នៅជាប្រក្រតីឡើងវិញ ព្រមទាំងធានាបាននូវការការពារជាដាច់ខាតនូវអធិបតេយ្យភាពនិងបូរណភាពទឹកដីរបស់កម្ពុជា។

ក្រោយពីការវាស់វែងបានបញ្ចប់ សម្ដេច ហ៊ុន ម៉ាណែត ក៏បានឱ្យដឹងដែរថា  ក្រុមការងារចម្រុះនៃកម្ពុជា- ថៃ នឹងពិនិត្យមើលលើការកាន់កាប់ជាក់ស្តែងរបស់ប្រជាពលរដ្ឋទាំងសងខាង ប្រៀបធៀបជាមួយនឹងបង្គោលព្រំដែនបណ្តោះអាសន្ន ដើម្បីពិភាក្សាគ្នារកដំណោះស្រាយមួយដែលភាគីទាំងពីរអាចទទួលយកបាន ស្របតាមគោលការណ៍គោរពអធិបតេយ្យភាពនិងបូរណភាពទឹកដីទៅវិញទៅមក។

សម្ដេច ហ៊ុន ម៉ាណែត ក៏បានស្នើសុំជនរួមជាតិទាំងអស់មេត្តាជឿទុកចិត្តលើរាជរដ្ឋាភិបាលកម្ពុជា និងគណៈកម្មការចម្រុះខណ្ឌសីមាព្រំដែនគោក (JBC) កម្ពុជា ពីព្រោះថា ជានិច្ចកាលរដ្ឋាភិបាល និង JBC) កម្ពុជា  តែងប្រកាន់ខ្ជាប់នូវមនសិការវិជ្ជាជីវៈនិងការទទួលខុសត្រូវខ្ពស់បំផុត ដោយតម្កល់ឧត្តមប្រយោជន៍ជាតិជាធំ ជាពិសេសការការពារបូរណភាពទឹកដីនិងអធិបតេយ្យជាតិ ដោយប្រកាន់ខ្ជាប់នូវការគោរពច្បាប់អន្តរជាតិ គោរពគោលការណ៍ព្រំដែនមិនកែប្រែ និងខ្សែព្រំដែនអន្តរជាតិ កម្ពុជា-ថៃ ដែលបន្សល់ទុកដោយគណៈកម្មការព្រំដែនរវាងឥណ្ឌូចិន-សៀម៕

ដោយ៖ ង៉ិល ណារ៉ាត់

The post កម្ពុជា-ថៃ បញ្ចប់ការងារថតរូបលើអាកាសដើម្បីបង្កើតផែនទីរូបថតនៅភូមិព្រៃចាន់ ប្រវែង៧គ.ម. និងគ្រោងបន្តការងារបោះបង្គោលបណ្ដោះអាសន្ន appeared first on Kampuchea Thmey Daily.

សេចក្ដីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែន បញ្ជាក់ពីវឌ្ឍនភាពការងារដូច្នេះ៖« ចាប់ពីថ្ងៃទី៨ ដល់ថ្ងៃទី២៦ ខែវិច្ឆិកា ឆ្នាំ២០២៥ ក្រុមវាស់វែងចម្រុះនៃភាគីទាំងពីរបានចុះអនុវត្ត ការងារលើដីជាក់ស្តែងនៅកំណាត់ខ្សែព្រំដែនចន្លោះបង្គោលព្រំដែនលេខ ៥២-៥៩ ដែលមានប្រវែងប្រមាណ ៨.៣គ.ម. នៅក្នុងឃុំកំរៀង ស្រុកកំរៀង ខេត្តបាត់ដំបង ដោយបានបញ្ចប់ការងារវាស់វែងនិងបោះបង្គោល បណ្តោះអាសន្ននៅលើដីជាក់ស្តែងសរុបចំនួន ១៦៦បង្គោលបណ្តោះអាសន្ន។ ក្រុមវាស់វែងចម្រុះនៃភាគី ទាំងពីរនឹងបន្តការងារថតរូបពីលើអាកាសដោយប្រើដ្រូនដើម្បីបង្កើតផែនទីរូបថត (Photomap)។»។

«ការងារចុះវាស់វែង និងបោះបង្គោលបណ្ដោះអាសន្នលើដីជាក់ស្ដែងរបស់ក្រុមការងារចម្រុះ គឺជាការបន្តអនុវត្តការងារជាជំហានៗ ដើម្បីឈានទៅដល់ការខណ្ឌសីមា លើដីជាក់ស្ដែង ដែលកិច្ចការងារនេះ គឺធ្វើឡើងយ៉ាងហ្មត់ចត់ និងទទួលខុសត្រូវខ្ពស់បំផុត ដោយឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០ និងស្របតាមខ្លឹមសារនៃអនុស្សរណៈនៃការយោគយល់គ្នា( MOU) ឆ្នាំ២០០០, បែបបទការងារ (TOR)ឆ្នាំ២០០៣ និងស្មារតីនៃកំណត់ហេតុកិច្ចប្រជុំ GBC នាពេលកន្លងមក ព្រមទាំងអនុវត្តតាមបែបបទណែនាំបច្ចេកទេស(Technical Instruction) ដែលកម្ពុជា-ថៃបានឯកភាពគ្នា។»។ រដ្ឋលេខាធិការដ្ឋានកិច្ចការព្រំដែន  សង្កត់ធ្ងន់ដូច្នេះទៅកាន់ពលរដ្ឋខ្មែរ តាមរយៈសេចក្ដីប្រកាសព័ត៌មានចេញនៅថ្ងៃទី២៦ ខែវិច្ឆិកាដដែល។

សម្ដេច ហ៊ុន ម៉ាណែត កាលពីថ្ងៃទី២៥ ខែវិច្ឆិកា  ក៏បានពន្យល់ពលរដ្ឋថា គោលដៅនៃការវាស់វែងនិងបោះបង្គោលព្រំដែនបណ្តោះអាសន្ននេះ មិនមែនដើម្បីគណនាអំពីការចំណេញឬខាតដីនោះទេ គោលដៅចំបងគឺដើម្បីកំណត់នូវការខ័ណ្ឌសីមានៅលើដីជាក់ស្តែងដែលបញ្ជាក់អំពីខ្សែព្រំដែនមួយដែលត្រឹមត្រូវនិងច្បាស់លាស់រវាងប្រទេសកម្ពុជានិងថៃ ផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង និងច្បាប់អន្តរជាតិ។

សម្ដេច ហ៊ុន ម៉ាណែត បញ្ជាក់ថា កម្ពុជាប្រកាន់ខ្ជាប់នូវគោលការណ៍មិនរំលោភបំពានលើដែនអធិបតេយ្យនិងបូរណភាពទឹកដីប្រទេសដទៃ ប៉ុន្តែកម្ពុជាក៏មិនអនុញ្ញាតឱ្យមានការរំលោភបំពានលើដែនអធិបតេយ្យ និងបូរណភាពទឹកដីរបស់កម្ពុជាដែរ។

សម្ដេចនាយករដ្ឋមន្ត្រី ក៏បានពន្យល់ពីសារៈសំខាន់នៃការវាស់វែង និងបោះបង្គោលព្រំដែនបណ្តោះអាសន្ននេះថា គឺជាវិធីសាស្ត្រក្នុងការដោះស្រាយបញ្ហារយៈពេលវែងដោយសន្តិវិធី ដើម្បីឈានទៅបញ្ចប់ជម្លោះ និងបង្កលក្ខណៈអោយប្រជាពលរដ្ឋដែលរស់ក្នុងតំបន់ព្រំដែនដែលមានបញ្ហាអាចបានទទួលសេចក្តីសុខ និងបន្តជីវភាពរស់នៅជាប្រក្រតីឡើងវិញ ព្រមទាំងធានាបាននូវការការពារជាដាច់ខាតនូវអធិបតេយ្យភាពនិងបូរណភាពទឹកដីរបស់កម្ពុជា។

ក្រោយពីការវាស់វែងបានបញ្ចប់ សម្ដេច ហ៊ុន ម៉ាណែត ក៏បានឱ្យដឹងដែរថា  ក្រុមការងារចម្រុះនៃកម្ពុជា- ថៃ នឹងពិនិត្យមើលលើការកាន់កាប់ជាក់ស្តែងរបស់ប្រជាពលរដ្ឋទាំងសងខាង ប្រៀបធៀបជាមួយនឹងបង្គោលព្រំដែនបណ្តោះអាសន្ន ដើម្បីពិភាក្សាគ្នារកដំណោះស្រាយមួយដែលភាគីទាំងពីរអាចទទួលយកបាន ស្របតាមគោលការណ៍គោរពអធិបតេយ្យភាពនិងបូរណភាពទឹកដីទៅវិញទៅមក។

សម្ដេច ហ៊ុន ម៉ាណែត ក៏បានស្នើសុំជនរួមជាតិទាំងអស់មេត្តាជឿទុកចិត្តលើរាជរដ្ឋាភិបាលកម្ពុជា និងគណៈកម្មការចម្រុះខណ្ឌសីមាព្រំដែនគោក (JBC) កម្ពុជា ពីព្រោះថា ជានិច្ចកាលរដ្ឋាភិបាល និង JBC) កម្ពុជា  តែងប្រកាន់ខ្ជាប់នូវមនសិការវិជ្ជាជីវៈនិងការទទួលខុសត្រូវខ្ពស់បំផុត ដោយតម្កល់ឧត្តមប្រយោជន៍ជាតិជាធំ ជាពិសេសការការពារបូរណភាពទឹកដីនិងអធិបតេយ្យជាតិ ដោយប្រកាន់ខ្ជាប់នូវការគោរពច្បាប់អន្តរជាតិ គោរពគោលការណ៍ព្រំដែនមិនកែប្រែ និងខ្សែព្រំដែនអន្តរជាតិ កម្ពុជា-ថៃ ដែលបន្សល់ទុកដោយគណៈកម្មការព្រំដែនរវាងឥណ្ឌូចិន-សៀម៕

ដោយ៖ ង៉ិល ណារ៉ាត់

The post កម្ពុជា-ថៃ បានបោះបង្គោលបណ្ដោះអាសន្នចំនួន១៦៦ នៅចន្លោះបង្គោលព្រំដែន៥២-៥៩ និងគ្រោងបន្តការថតរូបលើអាកាសដើម្បីបង្កើតផែនទីរូបថត appeared first on Kampuchea Thmey Daily.