សមាគមសិល្បករខ្មែរ បានចាត់ទុកមរណភាពរបស់តារាសម្ដែងលោក ចាន់សិទ្ធ មិនត្រឹមតែជាបាត់បង់នូវកូនប្រុសជាទីស្រឡាញ់ ប្រកបដោយភាពកតញ្ញូ និងការខិតខំប្រឹងប្រែងឥតឈប់ឈរក្នុងបុព្វហេតុគ្រួសារប៉ុណ្ណោះទេ ប៉ុន្តែក៏ជាបាត់បង់ធនធានសិល្បករផ្នែកសម្ដែង និងបង្ហាញម៉ូដ ពោរពេញដោយសមត្ថភាព និងទេពកោសល្យ ក្នុងសង្គមសិល្បៈកម្ពុជា ដែលតែងតែចូលរួមយ៉ាងសកម្មក្នុងការបម្រើអារម្មណ៍មហាជនខ្មែរទូទៅតាមរយៈទស្សនីយភាពសិល្បៈទី៧ នាពេលកន្លងមក។

ទន្ទឹមនេះ សមាគមសិល្បករខ្មែរ ក៏អំពាវនាវដល់សិល្បករសិល្បការិនីទាំងអស់ ដែលមាននូវការរាប់អាននឹងតារាប្រុសរូបនេះ ចូលរួមពិធីបុណ្យឈាបនកិច្ចសពលោក ចាន់សិទ្ធ ដែលបច្ចុប្បន្នកំពុងប្រារព្ធឡើងនៅ «វត្តតាំងក្រសាំងខាងជើង» រាជធានីភ្នំពេញ ដើម្បីរួមចំណែករំលែកទុក្ខ និងរំលែកនូវការលំបាករបស់ក្រុមគ្រួសារផងដែរ។

គួរជម្រាបថា លោក ប៉ែន ចាន់សិទ្ធ ជាតួឯកប្រុសស្ពតពាណិជ្ជកម្មម៉ូតូម៉ាកល្បីមួយ ជាមួយសាច់រឿងចម្រៀង “You are my dream” ដែលចាក់ជ្រៅក្នុងបេះដូងយុវវ័យឱ្យចាំមិនភ្លេច ដែលនេះអាចចាត់ទុកជាជំហានចាប់ផ្តើមក្នុងវិថីជាតារាស្ពតពាណិជ្ជកម្ម របស់លោក។ ព្រមគ្នានឹងជោគជ័យគ្រានោះ អតីត Freshie Boy ឆ្នាំ២០០៩ រូបនេះ ក៏បានសាងប្រជាប្រិយភាពខ្លាំងមិនធម្មតាក្នុងវិស័យថតស្ពតពាណិជ្ជកម្ម និងទទួលបានការងារថតវីដេអូចម្រៀងកាយវិការជាច្រើនទៀតផង៕

The post បុណ្យសពលោក ប៉ែន ចាន់សិទ្ធ រៀបចំធ្វើនៅ វត្តតាំងក្រសាំងខាងជើង រាជធានីភ្នំពេញ appeared first on Kampuchea Thmey Daily.

ដំណឹងនេះធ្វើឱ្យអ្នកក្នុងចង្កោមសិល្បៈ ក៏ដូចជាមហាជនដែលជាអ្នកគាំទ្រលោក រន្ធត់ សោកស្តាយជាពន់ពេក។

បើទោះបីជាមិនមានការបញ្ជាក់លម្អិតមូលហេតុនៃស្ថានភាពដែលធ្វើឱ្យតារាប្រុសរូបនេះ ឈានដល់ការបាត់បង់ជីវិត ប៉ុន្តែមានប្រភពពីម្ចាស់គណនីមួយបង្ហើបថា ខ្លួនធ្លាប់ជួប លោក ប៉ែន ចាន់សិទ្ធ នៅម្តុំផ្សារឈូកមាស ដោយគ្រានោះ លោកមានសភាពស្លេកស្លាំងផងដែរ។

លោក ប៉ែន ចាន់សិទ្ធ ជាតួឯកប្រុសស្ពតពាណិជ្ជកម្មម៉ូតូម៉ាកល្បីមួយ ជាមួយសាច់រឿងចម្រៀង “You are my dream” ដែលចាក់ជ្រៅក្នុងបេះដូងយុវវ័យឱ្យចាំមិនភ្លេច ដែលនេះអាចចាត់ទុកជាជំហានចាប់ផ្តើមក្នុងវិថីជាតារាស្ពតពាណិជ្ជកម្ម របស់លោក។

ទន្ទឹមនឹងជោគជ័យគ្រានោះ អតីត Freshie Boy ឆ្នាំ២០០៩ រូបនេះ ក៏បានសាងប្រជាប្រិយភាពខ្លាំងមិនធម្មតាក្នុងវិស័យថតស្ពតពាណិជ្ជកម្ម និងទទួលបានការងារថតវីដេអូចម្រៀងកាយវិការជាច្រើនទៀតផង៕

The post តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ appeared first on Kampuchea Thmey Daily.