ខ្សែប្រយុទ្ធក្លិបសេះបង្កង់ Juventus រូបនេះ មានកំហឹងដោយសារតែក្រុមការពារតំណែងជើងឯក ត្រូវធ្លាក់ចេញពីការប្រកួតក្រោយកីឡាករ Thorgan Hazard ស៊ុតពីចម្ងាយបានមួយគ្រាប់ជួយ ប៊ែលហ្សិក ឡើងវគ្គ៨ក្រុមចុងក្រោយ។

អ្នកគាំទ្រព័រទុយហ្គាល់ម្នាក់បានសរសេរនៅលើបណ្តាញសង្គម Twitter ថា “តើមានអ្វីខុសជាមួយបុរសម្នាក់នេះទៀតហើយ” ខណៈដែលហ្វេនម្នាក់ទៀតបន្ថែមថា គាត់គឺជាកីឡាករដែលឈ្លើយ ហើយមិនពូកែដូចគេតែងតែឃោសនាបំផ្លើសនោះទេ”។

ស្របពេលជាមួយគ្នានោះដែរ អ្នកគាំទ្ររបស់ក្រុមអ្នកមានបុណ្យ Barcelona បានបង្ហោះថា Ronaldo មិនមានភាពខ្មាស់អៀនទេ ហើយអ្នកផ្សេងទៀតហៅគាត់ថាជា “មនុស្សមិនដឹងខ្យល់ដូចកូនក្មេង”។

អ្នកប្រើប្រាស់បណ្តាញសង្គម Twitter ឈ្មោះ Ugbedeojo បាននិយាយត្រង់ចំណុចនេះ ដោយសរសេរថា “Cristiano Ronaldo មិនមានការគោរពចំពោះស្លាកប្រធានក្រុមព័រទុយហ្គាល់នេះទេ។ តែងតែបោះវាចោលនៅពេលគាត់ខកចិត្ត”។

Dan O’Boyle បានបន្ថែមទៀតថា “Ronaldo បានបោះចោលស្លាកប្រធានក្រុមទៅលើទីលាន ជាលើកទី២ក្នុងរយៈពេលប៉ុន្មានខែមកនេះ មនុស្សនៅតែហៅគាត់ថា GOAT ដដែល” ។

កាលពីខែមិនា កីឡាករវ័យ ៣៦ ឆ្នាំរូបនេះ ក៏ផ្ទុះកំហឹងផងដែរ នៅពេលគ្រាប់បាល់ជ័យជម្នះរបស់គាត់ ត្រូវបានអាជ្ញាកណ្តាលបដិសេធ ហើយគាត់ក៏គប់ស្លាកប្រធានក្រុម ចោលតែម្តង៕

ប្រែសម្រួល៖ Vann Vann

ប្រភព៖ The Sun

ចុចអាន៖ ខ្លាំងមែន​ Ronaldo តាមទាន់កំណត់ត្រាគ្រាប់បាល់អន្តរជាតិ​ Ali ហើយ

The post ក្រោយចាញ់ប៊ែលហ្សិកយប់មិញ RONALDO ធ្វើរឿងមួយ ត្រូវអ្នកគាំទ្ររិះគន់យ៉ាងចាស់ដៃ appeared first on Kampuchea Thmey Daily.

រចនាសម្ពន្ធ័ពណ៌ខៀវនិងសនេះត្រូវបានគេសន្មត់ថាតុបតែងឲ្យមើលទៅដូចជាទៀនប៉ុន្តែផ្ទុយទៅវិញអ្នកស្រុកបានចែករំលែករូបភាពតាមអ៊ីនធើណិតដោយនិយាយលេងសើចអំពីរូបរាងរបស់វា។

អភិបាលក្រុង Oudenburg លោក Anthony Dumarey បាននិយាយថា មានប្រតិកម្មជាច្រើនចំពោះអំពូលភ្លើងបុណ្យណូអែល។

គាត់បានប្រាប់កាសែតក្នុងស្រុក HLN ថា “ជាការពិត វាមិនមែនជាចេតនារបស់យើងទេក្នុងការដំឡើងអំពូលណូអែលដែលឲ្យប្រជាជននឹកឃើញដល់ប្រដាប់ភេទ ប៉ុន្តែយើងឃើញទៅជាបែបនេះ។ យើងបានចំណាយថវិកាមានកំណត់ដូច្នេះផ្នែកបច្ចេកទេសរបស់យើងបានរចនាទៅជាអញ្ចឹង”។

យ៉ាងហោចណាស់មានអំពូលភ្លើងចំនួន៩០កន្លែងត្រូវបានតុបតែងនៅតាមដងផ្លូវនៃទីក្រុងមាត់សមុទ្រដ៏តូចមួយនេះ។

ទីក្រុង Oudenburg មានប្រជាជនចំនួន៩,០០០នាក់ហើយមានភាពល្បីល្បាញដោយសារសារមន្ទីររ៉ូម៉ាំងរបស់ខ្លួន៕

ប្រែសម្រួលដោយ៖ Vann Vann

ប្រភព៖ Metro

The post ថាតុបតែងភ្លើងជារូបទៀនសម្រាប់តាំងបុណ្យណូអែល តែដោយសារខ្វះលុយបែរជាធ្វើចេញរូបនេះទៅវិញ appeared first on Kampuchea Thmey Daily.