យោងតាមការសិក្សារបស់រាជបណ្ឌិត្យសភាកម្ពុជា ស្ដីពីទស្សនៈសាធារណជនទៅលើការផ្សាយពាណិជ្ជកម្មគ្រឿងស្រវឹង បានលើកឡើងនូវការស្នើសុំមួយចំនួនរបស់ពលរដ្ឋរួមមាន៖

• ការផ្សាយពាណិជ្ជកម្មគ្រឿងស្រវឹងគួរមានតែឈ្មោះ និងម៉ាកស្រាបៀរតែប៉ុណ្ណោះ កុំឱ្យមានសារ ឬរូបភាពអូសទាញពង្វក់

• មិនឱ្យតារា ឬអាយដុល (Idol) របស់កុមារនិងយុវជន ផ្សាយពាណិជ្ជកម្មគ្រឿងស្រវឹង

• មិនឱ្យដាក់រង្វាន់ទាក់ទាញឱ្យប្រើប្រាស់គ្រឿងស្រវឹង

• មិនឱ្យផ្សាយពាណិជ្ជកម្មគ្រឿងស្រវឹងក្នុងព្រឹត្តិការណ៍កីឡា និងទីកន្លែងប្រកួតកីឡា

• ដក/ទម្លាក់ផ្ទាំងប៉ាណូផ្សាយពាណិជ្ជកម្មគ្រឿងស្រវឹងតាមដងផ្លូវសាធារណៈ ឬតាមមុខផ្ទះប្រជាពលរដ្ឋ ដូចដែលរដ្ឋបាលខេត្តភាគច្រើនបានធ្វើកន្លងមក។

ប្រជាជនកម្ពុជា ទាំងអ្នកសេព និងអ្នកមិនសេពគ្រឿងស្រវឹង ទទួលស្គាល់នូវឥទ្ធិពលនៃការផ្សាយពាណិជ្ជកម្មគ្រឿងស្រវឹង មកលើការសម្រេចចិត្តរបស់ពួកគាត់។ ក្នុងនោះ លើសពី ៩០% យល់ថា ការផ្សាយពាណិជ្ជកម្មជំរុញឱ្យមានការសេពគ្រឿងស្រវឹង បង្កើនចំនួនអ្នកសេពគ្រឿងស្រវឹង ឱ្យចង់សាកសេពគ្រឿងស្រវឹង និងធ្វើឱ្យមានអ្នកចាប់ផ្ដើមប្រើប្រាស់គ្រឿងស្រវឹងក្នុងវ័យកាន់តែក្មេង។

កន្លងមក បើទោះបីរាជរដ្ឋាភិបាលបានបានដាក់ចេញនូវវិធានការ ដើម្បីកាត់បន្ថយការប្រើប្រាស់គ្រឿងស្រវឹងក៏ដោយ យើងសង្កេតឃើញថា វិធានការមួយចំនួនដូចជាមិនទាន់ចាក់ចំគន្លឹះ ដែលអាចការពារ ឬកាត់បន្ថយហានិភ័យនៃការប្រើប្រាស់គ្រឿងស្រវឹង។

ជាក់ស្តែង ភាគរយនៃអ្នកសេពគ្រឿងស្រវឹងជោគជាំ បានកើនពី១២%នៅឆ្នាំ២០១៦ ដល់៥២%នៅឆ្នាំ២០២៣ ក្នុងចំណោមបុរស និងកើនឡើង៣ដងក្នុងចំណោមស្រ្តី នេះបើយោងតាមរបាយការណ៍ការអង្កេតកត្តាហានិភ័យជំងឺមិនឆ្លង ២០២៣។

ការផ្សាយពាណិជ្ជកម្មគ្រឿងស្រវឹងគឺជាកត្តាចម្បងដែលជំរុញឱ្យមានការកើនឡើងនៃការប្រើប្រាស់បែបនេះ តាមរយៈការផ្ដល់រង្វាន់ច្រើនលើសលប់ទៅដល់អតិថិជនដូចជា រង្វាន់ឡាន ម៉ូតូ លុយសុទ្ធ មាសសុទ្ធ និងរង្វាន់ជាច្រើនទៀត។ លើសពីនេះ ការផ្សាយពាណិជ្ជកម្មគ្រឿងស្រវឹងបានផ្សារភ្ជាប់ជាមួយតារាល្បីៗដែលមានអ្នកគ្រាំទ្ររាប់ពាន់នាក់ មកផ្សាយគ្រឿងស្រវឹង ដែលយុទ្ធសាស្រ្តទាំងនេះ សុទ្ធតែជំរុញអ្នកគាំទ្ររបស់ពួកគេ ដែលភាគច្រើនជាកុមារ និងក្មេងវ័យជំទង់ ឱ្យនាំគ្នាធ្វើត្រាប់តាមភ្លក់ទឹកភ្លក់ដី និងចាប់ផ្ដើមប្រើប្រាស់គ្រឿងស្រវឹងនៅវ័យក្មេង។

ការអង្កេតក៏បានរកឃើញថា ប្រជាជនទូទៅ សុទ្ធតែធ្លាប់ទទួលរងនូវបញ្ហាសុខភាព ខាតបង់ថវិកា គ្រោះថ្នាក់ចរាចរណ៍ បាត់បង់ការងារ ឬធ្វើការងារមិនពេញលេញ បោះបង់ការសិក្សាឬការសិក្សាចុះខ្សោយ មានទំនាស់ក្នុងគ្រួសារ ការរំខានស្រែកឡូឡាពីអ្នកសេពគ្រឿងស្រវឹង មានអារម្មណ៍ភ័យខ្លាច ឬគ្មានសុវត្ថិភាព អំពើហិង្សាលើរាងកាយនិងការសម្លុតគម្រាម ជាដើម។

សូមបញ្ជាក់ផងដែរថា ការផ្សព្វផ្សាយលទ្ធផលនៃការសិក្សានេះធ្វើឡើងនៅថ្ងៃទី ២៤ ខែមេសា ឆ្នាំ២០២៥ នៅរាជបណ្ឌិត្យសភាកម្ពុជា៕

The post ​ពលរដ្ឋជាង៩០% ស្នើ​​រដ្ឋាភិបាលចាត់វិធានការបន្ថែមទៅលើការផ្សាយពាណិជ្ជកម្មគ្រឿងស្រវឹង appeared first on Kampuchea Thmey Daily.

នៅ Donetsk, អ្នកបោះឆ្នោតជាង ៩៩% បានគាំទ្រគំនិតនៃការចូលរួមជាមួយប្រទេសរុស្ស៊ី រីឯការធ្វើប្រជាមតិនៅ Lugansk បានបង្ហាញលទ្ធផលស្រដៀងគ្នានេះ ដោយមានអ្នកបោះឆ្នោតជាង ៩៨% បានគាំទ្រការបង្រួបបង្រួម។

យោងតាមអាជ្ញាធរមូលដ្ឋានបានឲ្យដឹងថា នៅក្នុងសាធារណរដ្ឋទាំងពីរ សន្លឹកឆ្នោតទាំងអស់ត្រូវបានរាប់រួចរាល់អស់ហើយ។

ប្រជាមតិ ត្រូវបានធ្វើឡើងនៅក្នុងសាធារណរដ្ឋទាំងពីរ ក៏ដូចជាក្នុងតំបន់ដែលគ្រប់គ្រងដោយទីក្រុងមូស្គូនៅអ៊ុយក្រែនគឺ Zaporozhye និង Kherson ផងដែរ នៅចន្លោះថ្ងៃទី ២៣ ដល់ ២៧ ខែកញ្ញា។ លទ្ធផលនៅ Zaporozhye បង្ហាញពីការគាំទ្រ ៩៣% ឲ្យចូលរួមជាមួយរុស្ស៊ី ខណៈនៅ Kherson គាំទ្រ ៨៧%។

តួ​លេខ​ផ្លូវការ​បង្ហាញ​ថា មានអ្នកចេញទៅបោះឆ្នោតជាង ៨០% នៅក្នុងសាធារណរដ្ឋ​ទាំង​ពីរ ​ដែល​បាន​បំបែក​ខ្លួន​ចេញ​ពីទី​ក្រុងកៀវ ​ក្រោយ​រដ្ឋប្រហារ Maidan ឆ្នាំ២០១៤ និងក្រោយ​ជម្លោះ​នៅ​ភាគ​ខាង​កើត​ប្រទេស​អ៊ុយក្រែន។

ទោះបីជាយ៉ាងណាក៏ដោយ អ៊ុយក្រែន និងអ្នកគាំទ្រលោកខាងលិច បានច្រានចោលការបោះឆ្នោតប្រជាមតិលើការចូលរូមជាមួយរុស្ស៊ីនេះ ថាជាការបោះឆ្នោតដ៏អាម៉ាស់ ហើយប្តេជ្ញាថានឹងមិនទទួលស្គាល់លទ្ធផលឡើយ។

ស្របពេលជាមួយគ្នានោះ ប្រធានាធិបតីអ៊ុយក្រែន លោក Vladimir Zelensky បានព្រមានថា ការបោះឆ្នោតប្រជាមតិរបស់រុស្ស៊ី នឹងធ្វើឲ្យលទ្ធភាពនៃកិច្ចចរចាជាមួយទីក្រុង មូស្គូ ឈានដល់ទីបញ្ចប់មិនអាចស្តារឡើងវិញបាន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ តំបន់អ៊ុយក្រែនចំនួន៤ ចាប់ផ្តើមធ្វើប្រជាមតិស្តីពីការចូលរួមជាមួយ រុស្ស៊ី ហើយ

The post រុស្ស៊ី ប្រកាសលទ្ធផលប្រជាមតិនៅ Donetsk និង Lugansk (មានវីដេអូ) appeared first on Kampuchea Thmey Daily.

ការបោះឆ្នោតនៅតំបន់ Luhansk និង Donetsk ក៏ដូចជានៅខេត្ត Kherson និង Zaporizhia នឹងបន្តរហូតដល់ថ្ងៃទី ២៧ខែកញ្ញា។ Luhansk និង Donetsk គឺជាសាធារណរដ្ឋឯករាជ្យដែលប្រកាសដោយខ្លួនឯង និងគ្រប់គ្រងដោយក្រុមបំបែកខ្លួនគាំទ្រដោយទីក្រុងមូស្គូ ចាប់តាំងពីឆ្នាំ២០១៤មក។

ទីភ្នាក់ងារព័ត៌មានរុស្ស៊ី TASS បានរាយការណ៍ថា ដំណើរការបោះឆ្នោតនៅក្នុងតំបន់ទាំងបួននេះ នឹងមានលក្ខណៈខុសពីធម្មតា។ ទីភ្នាក់ងារព័ត៌មាននេះផ្សាយ​ថា​ “​ដោយ​សារតែមាន​រយៈពេល​ខ្លី និង​កង្វះ​ឧបករណ៍​បច្ចេកទេស ការ​បោះឆ្នោតនេះនឹងមិនធ្វើឡើង​តាម​ប្រព័ន្ធ​អេឡិចត្រូនិក ឬ​ប្រើ​សន្លឹក​ឆ្នោត​ក្រដាសដូចធម្មតានោះទេ”។

អាជ្ញាធរនឹងចូលតាមផ្ទះ សម្រាប់រយៈពេលបួនថ្ងៃដំបូង ដើម្បីប្រមូលសំឡេងឆ្នោត ហើយការិយាល័យបោះឆ្នោតនឹងបើកតែនៅថ្ងៃចុងក្រោយប៉ុណ្ណោះសម្រាប់ប្រជាពលរដ្ឋទៅបោះឆ្នោត។

ការធ្វើប្រជាមតិស្រដៀងគ្នាដែលបានធ្វើឡើងនៅតំបន់ Crimea បន្ទាប់ពីការលុកលុយរបស់រុស្ស៊ីក្នុងឆ្នាំ ២០១៤ បានបង្ហាញលទ្ធផលថា ៩៧ភាគរយ បានគាំទ្រការកាត់បញ្ចូលជាផ្លូវការ។ ការបោះឆ្នោតនោះបានធ្វើឡើងក្រោមការឃ្លាំមើលយ៉ាងជិតស្និទ្ធពីសំណាក់ទាហានរុស្ស៊ី ប៉ុន្តែមិនត្រូវបានទទួលស្គាល់ដោយសហគមន៍អន្តរជាតិនោះទេ។

ការធ្វើប្រជាមតិថ្មីនេះ ត្រូវបានថ្កោលទោសដោយអង្គការសហប្រជាជាតិ និងមេដឹកនាំពិភពលោក រួមទាំងប្រធានាធិបតីសហរដ្ឋអាមេរិកលោក Joe Biden និងប្រធានាធិបតីបារាំង Emmanuel Macron ក៏ដូចជាស្ថាប័នអន្តរជាតិដូចជា អង្គការណាតូ សហភាពអឺរ៉ុប និងអង្គការសន្តិសុខ និងកិច្ចសហប្រតិបត្តិការនៅអឺរ៉ុប (OSCE) ផងដែរ។

OSCE ដែលឃ្លាំមើលការបោះឆ្នោតបាននិយាយថា លទ្ធផលនឹងមិនស្របតាមផ្លូវច្បាប់ទេ ដោយសារពួកគេមិនអនុលោមតាមច្បាប់អ៊ុយក្រែន ឬស្តង់ដារអន្តរជាតិ ហើយការប្រយុទ្ធកំពុងបន្តនៅក្នុងតំបន់ដែលការបោះឆ្នោតកំពុងធ្វើឡើង៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ ប្រជាជនរុស្ស៊ី សម្រុកចេញពីប្រទេស ក្រោយលោក ពូទីន ប្រកាសកែនទ័ព

The post តំបន់អ៊ុយក្រែនចំនួន៤ ចាប់ផ្តើមធ្វើប្រជាមតិស្តីពីការចូលរួមជាមួយ រុស្ស៊ី ហើយ appeared first on Kampuchea Thmey Daily.