ប្រតិកម្មអាឡ័កស៊ី Archives - Kampuchea Thmey Daily

អាហារ ៧ ប្រភេទ មនុស្សប្រតិកម្មអាឡ័កស៊ី អាចទទួលទានដោយសុវត្ថិភាព

សាង ស្រីល័ក្ខ — Thu, 28 Jul 2022 07:30:48 +0000

មនុស្សរាប់លាននាក់កំពុងមានប្រតិកម្ម ទៅនឹងអាហារដែលខ្លួនចូលចិត្ត ប៉ុន្តែសំណាងល្អពឹងលើភាពវៃឆ្លាតរបស់មនុស្សទើបឥលូវមានការច្នៃប្រឌិតខ្ពស់ក្នុងការជំនួសអាហារអាឡ័កស៊ី ដោយអាហារសុវត្ថិភាពដោយជោគជ័យ។ គ្រឿងផ្សំដែលមានវត្តមានក្នុងការជំនួសភាគច្រើន ជាសណ្ដែកនិងផ្សិត ខាងក្រោមនេះជាអាហារជំនួស ៧ប្រភេទគេនិយមធ្វើសព្វថ្ងៃ៖

១. ស៊ុត

សម្រាប់ការជំនួសស៊ុតម្តងម្កាលពេលដុតនំ អ្នកអាចប្រើ ស៊ុត flax ដោយគ្រាន់តែលាយ ground flaxseed មួយស្លាបព្រាបាយជាមួយទឹកបីស្លាបព្រាបាយរួចទុកចោល១៥នាទី ចាំយកមកប្រើប្រាស់។ ចំណែកឯប្រភេទស៊ុតជំនួសសម្រាប់ការញ៉ាំតែម្ដងនោះគេធ្វើពី សណ្ដែកខៀវ ដែលយើងយកមកធ្វើបង្អែមរាល់ដងនោះឯង។

២. ស្រូវសាលី

ដោយសារតែជាតិស្អិត (gluten)គឺជាប្រូតេអ៊ីននៅក្នុងស្រូវសាលី ធ្វើឲ្យផលិតផល Gluten-free ក៏គ្មានស្រូវសាលីដែរ។ ដូច្នេះមុននឹងទទួលទានអ្នកគួរតែមើលគ្រឿងផ្សំជាមុនសិនសឹមបរិភោគដូចជា នំប៉័ង ទឹកស៊ីអ៊ីវជាដើម។

៣. ទឹកដោះគោ

ប្រតិកម្មអាឡ័កស៊ីនឹងទឹកដោះគោបណ្ដាលមកពីប្រូតេអ៊ីននៅក្នុងទឹកដោះថនិកសត្វ វិធីដ៏ងាយស្រួលគឺប្ដូរមកប្រើទឹកដោះរុក្ខជាតិវិញដូចជាទឹកសណ្ដែក ទឹកដោះnut ជាការស្រេច។

៤. សណ្ដែកសៀង

អ្នកអាចជ្រើសរើសទឹកស៊ីអ៊ីវធ្វើពីដូង (coconut aminos) ជំនួសទឹកស៊ីអ៊ីវធម្មតាបាន ដោយសារតែវាចម្រាញ់ចេញពីដើមដូងធ្វើឲ្យវាមានរសជាតិក្រាស់ ផ្អែម មិនសូវប្រៃដូចទឹកស៊ីអ៊ីវទេ។

៥. គ្រាប់ធញ្ញជាតិ

ជាទូទៅគ្រាប់ផ្កាឈូករ័ត្ន សណ្ដែកដី និងអាល់មុនជាគ្រាប់សម្បូរអ្នកអាឡ័ស៊ី យើងអាចប្រើគ្រាប់សណ្ដែកបារាំង (pea) ឬគ្រាប់សណ្ដែក (chickpea) ជំនួសវិញបាន។

៦. អាហារសមុទ្រ

បច្ចុប្បន្នយើងមានអាហារបួសជំនួសសាច់គឺគេអាចយករុក្ខជាតិមកធ្វើឲ្យដូចសាច់ ជាក់ស្ដែងសាច់ត្រី ត្រីសាល់មុន គេជំនួសដោយការច្នៃសណ្ដែកនិងរុក្ខជាតិផ្សេងៗ។

៧. សូកូឡា

ដោយសារតែសូកូឡាទូទៅជាផលិតផលទឹកដោះគោផ្ទុកគ្រាប់ធញ្ញជាតិ ទើបមនុស្សមួយចំនួនមិនអាចញ៉ាំវាបាន។ ប៉ុន្តែបច្ចុប្បន្នមានសូកូឡាម៉ាកល្បីៗមួយចំនួនធ្វើឡើងសម្រាប់អ្នកអាឡ័កស៊ីហើយ យើងអាចរកវាឃើញនៅតាមផ្សារទំនើប។

សូមបញ្ជាក់ដែរថា អាហារជំនួសទាំងអស់អាចជំនួសបានតែរសជាតិនិងលក្ខណៈសាច់មួយភាគធំតែប៉ុណ្ណោះ វាមិនអាចដូច១០០% សូម្បីតែសារធាតុចិញ្ចឹមក៏មិនដូចគ្នាដែរ៕

ប្រែសម្រួល៖ វារី

ចុចអាន៖ផ្លាស់ប្ដូរទម្លាប់មកញ៉ាំអាហារ ៧ មុខនេះ ជួយបង្កើនអ័រម៉ូនរីករាយ

ចុចអាន៖របបអាហារសំខាន់ៗសម្រាប់អ្នកជំងឺ ក្រោយព្យាបាលដោយវះកាត់

The post អាហារ ៧ ប្រភេទ មនុស្សប្រតិកម្មអាឡ័កស៊ី អាចទទួលទានដោយសុវត្ថិភាព appeared first on Kampuchea Thmey Daily.

រោគសញ្ញានិងប្រភេទនៃអាឡ័កស៊ីទូទៅ គ្រប់គ្នាគួរតែដឹងឲ្យច្បាស់

សាង ស្រីល័ក្ខ — Tue, 03 May 2022 01:45:56 +0000

ចំណេះដឹងទូទៅនៃការអាឡ័កស៊ី

អាឡ័កស៊ីគឺជាការឆ្លើយតបនៃប្រព័ន្ធភាពស៊ាំ ទៅនឹងមេរោគពីខាងក្រៅខ្លួន ដែលជាធម្មតាមិនបង្កគ្រោះថ្នាក់អ្វីដល់រាងកាយនោះទេ។ មេរោគពីមជ្ឈដ្ឋានខាងក្រៅ ដែលចាំវាយលុកធ្វើឱ្យអ្នកមានបញ្ហាអាឡ័កស៊ី ឬប្រតិកម្មទាំងនោះ អាចមានក្នុងម្ហូបអាហារ លម្អង ធូលី និងរោមសត្វចិញ្ចឹម។ នៅពេលដែលរាងកាយរបស់អ្នក មានការប្រតិកម្ម វាអាចមានរោគសញ្ញាឆ្លើយតបដូចជា បញ្ហារាករូស ការកណ្ដាស់ និងរោគសញ្ញាផ្សេងៗទៀត។

ជាទូទៅ ប្រព័ន្ធភាពស៊ាំរបស់មនុស្សម្នាក់ៗសម្របទៅតាមមជ្ឈដ្ឋានដែលនៅជុំវិញ។ មុខងារនៃប្រព័ន្ធភាពស៊ាំរបស់អ្នកប្រៀបដូចអង្គរក្សនៅចាំប្រយុទ្ធប្រឆាំងនឹងមេរោគ ដែលអាចបង្កគ្រោះថ្នាក់ដល់រាងកាយ។

ជាក់ស្ដែង ចំពោះអ្នកដែលមានបញ្ហាប្រតិកម្មនឹងរោមសត្វ ប្រព័ន្ធភាពស៊ាំរបស់រាងកាយ នឹងកត់ចំណាំព្រមទាំងកម្ចាត់មេរោគដែលអាចបង្កគ្រោះថ្នាក់ទាំងនោះ។

រោគសញ្ញានៃអាឡ័កស៊ី

អាការដែលអ្នកបានឆ្លងកាត់ ដោយសារការប្រតិកម្មអ្វីមួយ អាចជាលទ្ធផលនៃកត្តាជាច្រើន។ ក្នុងនោះអាចជាប្រភេទប្រតិកម្មដែលអ្នកតែងតែជួបប្រទះ និងអាការធ្ងន់ធ្ងរផ្សេងៗគ្នា។ បើសិនជាអ្នកប្រើប្រាស់ថ្នាំមុនពេលមានរោគសញ្ញាកើតឡើង វាមិនអាចបង្ការការប្រតិកម្មបាន១០០% ទាំងស្រុងនោះទេ ប៉ុន្តែវាអាចជួយសម្រាលនូវអាការរធ្ងន់ធ្ងរបានមួយចំនួន។

អាឡ័កស៊ីជាមួយចំណីអាហារ (food allergies)

រោគសញ្ញាដែលកើតមានក្រោយពេលប្រតិកម្មចំណីអាហារមានដូចជា ការចុកចាប់ហើមត្រង់កន្លែងណាមួយនៃរាងកាយ កន្ទាលត្រអាក កន្ទួលក្រហម ក្អួតចង្អោរ អស់កម្លាំង និងអាការផ្សេងទៀតៗ។ បើសិនជាអ្នកកើតមាននូវរោគសញ្ញាទាំងអស់នេះបន្ទាប់ពីទទួលទានចំណីអាហារ និងមិនដឹងពីមូលហេតុច្បាស់លាស់។ អ្នកគួរតែស្វែងរកវិជ្ជបណ្ខិតជំនាញឱ្យធ្វើរោគវិនិច្ឆ័យឱ្យបានឆាប់រហ័ស។ មានតែអ្នកជំនាញទេទើបអាចស្វែងរកមូលហេតុពិតប្រាកដពីក្រោយរោគប្រតិកម្មរបស់អ្នក។

អាឡ័កស៊ីជាមួយអាកាសធាតុ (seasonal allergies)

អាការដែលអាឡ័កស៊ីជាមួយនឹងអាកាសធាតុអាចធ្វើឱ្យអ្នក តឹងច្រមុះ ហៀរសំបោរ និងហើមភ្នែក ជាដើម។ ជាធម្មតា អ្នកអាចព្យាបាលបញ្ហាទាំងនេះនៅផ្ទះបានដោយខ្លួនឯងផ្ទាល់ ដោយវិធីសាមញ្ញៗ។ ប៉ុន្តែបើអាការមិនបានធូរស្បើយ អ្នកគួរតែទៅជួបពេទ្យជំនាញឱ្យបានត្រឹមត្រូវ។

អាឡ័កស៊ីធ្ងន់ធ្ងរ (severe allergies)

ចំពោះការអាឡ័កស៊ីដែលមានអាការធ្ងន់ធ្ងរដូចជាពិបាកដកដង្ហើម វិលមុខ បាត់បង់ស្មារតី ដែលអាចគំរាមកំហែងដល់អាយុជីវិត។ ទោះជាយ៉ាងណា ការអាឡ័កស៊ីធ្ងន់ធ្ងរអាចលេចឡើងនូវអាការផ្សេងៗគ្នាទៅតាមស្ថានភាពសុខភាពរបស់មនុស្សម្នាក់ៗ។ ដូចគ្នាទៅនឹងការអាឡ័កស៊ីប្រភេទខាងលើៗ បើសិនជាអ្នកកើតមានរោគសញ្ញាធ្ងន់ធ្ងរណាមួយ ត្រូវទាក់ទងទៅវេជ្ជបណ្ឌិត ឬអ្នកជំនាញជាបន្ទាន់៕

ប្រែសម្រួល៖លីលី

ចុចអាន៖សញ្ញាព្រមានទាំង ៥ បញ្ជាក់បានថា យើងកំពុងអាឡ័កស៊ីជាមួយសាប៊ូកក់សក់

ចុចអាន៖អូមីក្រុង គ្រុនផ្ដាសាយ និងអាឡ័កស៊ី មានរោគសញ្ញាខុសគ្នាយ៉ាងម៉េចខ្លះ?

The post រោគសញ្ញានិងប្រភេទនៃអាឡ័កស៊ីទូទៅ គ្រប់គ្នាគួរតែដឹងឲ្យច្បាស់ appeared first on Kampuchea Thmey Daily.

អូមីក្រុង គ្រុនផ្ដាសាយ និងអាឡ័កស៊ី មានរោគសញ្ញាខុសគ្នាយ៉ាងម៉េចខ្លះ?

សាង ស្រីល័ក្ខ — Thu, 20 Jan 2022 06:05:00 +0000

ពិតណាស់ រោគសញ្ញានៃវីរុសកូវីដ-១៩ មានលក្ខណៈប្រហាក់ប្រហែលទៅនឹងជំងឺគ្រុនផ្ដាសាយ ក៏ដូចជាអាឡ័កស៊ីដែរ ដែលធ្វើឲ្យគ្នាយើង មានការពិបាកបែងចែក។ ជាក់ស្ដែង នៅអំឡុងពេលនៃការរាតត្បាតនៃវីរុសបំប្លែងថ្មី ប្រភេទអូមីក្រុង អ្នកដែលចាក់វ៉ាក់សាំងគ្រប់ដូស ជាទូទៅ មិនលេចចេញអាការឈឺធ្ងន់ធ្ងរឡើយ ដែលកត្តានេះធ្វើឲ្យមានការភ័ន្តច្រឡំថាជាជំងឺផ្ដាសាយធម្មតា និងបង្កើនហានិភ័យនៃការឆ្លងកាន់តែច្រើនឡើង។

ដូច្នេះហើយ ការយល់ដឹងពីរោគសញ្ញានៃវីរុសកូវីដ-១៩ គ្រុនផ្ដាសាយ និងអាឡ័កស៊ីកាន់តែច្បាស់ អាចការពារខ្លួនយើង ក៏ដូចជាអ្នកជាទីស្រលាញ់បានប្រសើរជាងមុន។

បើតាមមជ្ឈមណ្ឌលត្រួតពិនិត្យ និងបង្ការជំងឺឆ្លង អាមេរិក (CDC) រោគសញ្ញាកូវីដ-១៩៖

គ្រុនផ្ដាសាយ ឬគ្រុនរងា
ក្អក
ដកដង្ហើមខ្លីៗ ឬពិបាកដកដង្ហើម
អស់កម្លាំង
ឈឺខ្លួនប្រាណ ឬសាច់ដុំ
ឈឺក្បាល
បាត់បង់រសជាតិ ឬក្លិន
ឈឺក
ហៀរសំបោរ ឬតឹងច្រមុះ
ចង្អោរ ឬក្អួត
រាករូស

មជ្ឈមណ្ឌលត្រួតពិនិត្យ និងបង្ការជំងឺឆ្លងបានណែនាំឲ្យអ្នកដែលឆ្លងវីរុសកូវីដ-១៩ សង្កេតមើលរោគសញ្ញាព្រមានមួយចំនួន ក៏ដូចជាពិគ្រោះជាមួយគ្រូពេទ្យភ្លាមៗ ប្រសិនបើមានរោគសញ្ញាទាំងនេះ៖

ពិបាកដកដង្ហើម
ឈឺចាប់ ឬមានសម្ពាធក្នុងទ្រូងមិនបាត់
វង្វេងស្មារតី
ពិបាកក្នុងការភ្ញាក់ដឹងខ្លួន
ស្បែក ឬបបូរមាត់ឡើងស្វាយ ឬស្លេកស្លាំង

រោគសញ្ញានៃជំងឺគ្រុនផ្ដាសាយ៖

គ្រុនផ្ដាសាយ ឬគ្រុនរងា
ក្អក
ឈឺបំពង់ក
ហៀរសំបោរ
ឈឺសាច់ដុំ ឬរាងកាយ
ឈឺក្បាល
អស់កម្លាំង
អ្នកខ្លះអាចមានក្អួត និងរាករូស ដែលកើតមានជាទូទៅលើកុមារច្រើនជាងមនុស្សពេញវ័យ

រោគសញ្ញានៃអាឡ័កស៊ីច្រមុះ រួមមាន៖

កណ្ដាស់
ហៀរសំបោរ
តឹងច្រមុះ

រោគសញ្ញានៃអាឡ័កស៊ីភ្នែក រួមមាន៖

ភ្នែកក្រហម មានទឹកភ្នែក ឬរមាស់ភ្នែក។

ដើម្បីជៀសវាងការចម្លងវីរុសកូវីដ-១៩ ទៅអ្នកដទៃ យើងចាំបាច់ត្រូវអនុវត្តតាមវិធានការសុខាភិបាលឲ្យបានខ្ជាប់ខ្ជួន ក៏ដូចជាធ្វើតេស្តកូវីដ-១៩ ប្រសិនបើយើងមានរោគសញ្ញាគួរឲ្យសង្ស័យ៕

អត្ថបទផ្ដល់ដោយ៖ Hello Krupet

ចុចអាន៖ហេតុផល ៥ យ៉ាង ត្រូវព្យាយាមចៀសវាងការឆ្លងអូមីក្រុងឲ្យបាន

ចុចអាន៖ចាក់វ៉ាក់សាំង Pfizer និង Moderna អាចជួបផលរំខានកម្រ “ហើមកូនកណ្ដុរ”

The post អូមីក្រុង គ្រុនផ្ដាសាយ និងអាឡ័កស៊ី មានរោគសញ្ញាខុសគ្នាយ៉ាងម៉េចខ្លះ? appeared first on Kampuchea Thmey Daily.

សញ្ញាព្រមានទាំង ៥ បញ្ជាក់បានថា យើងកំពុងអាឡ័កស៊ីជាមួយសាប៊ូកក់សក់

សាង ស្រីល័ក្ខ — Fri, 22 Oct 2021 08:02:48 +0000

សព្វថ្ងៃនេះ មានម៉ាកនិងរូបមន្តផ្សេងៗគ្នា ជាច្រើននៃសាប៊ូកក់សក់ ។ ខណៈសាប៊ូខ្លះ អាចបង្កឲ្យយើងអាការប្លែកៗ ដូចជា រមាស់នៅលើស្បែកក្បាល ឬឡើងកន្ទួលជាដើម។

ខាងក្រោម ជាសញ្ញាព្រមានចំនួន ៥ ដែលបង្ហាញថា អ្នកអាចនឹងអាឡ័កស៊ីជាមួយសាប៊ូកក់សក់៖

១ រមាស់ស្បែកក្បាលនិងក្រហមស្បែក

បើអ្នកប្រើសាប៊ូកក់សក់ហើយមានអារម្មណ៍ថា រមាស់ស្បែកក្បាលតាំងពីប្រើលើកដំបូង។ ទោះបីជាអត់មានរបួសនៅលើស្បែកក្បាលក៏ដោយ។ រោគសញ្ញានេះ ជារោគសញ្ញាដែលមនុស្សអាឡ័កស៊ីនឹងសាប៊ូកក់សក់។ ព្រោះសាប៊ូកក់សក់អាចមានសារធាតុគីមីមួយចំនួន ដែលធ្វើឲ្យស្បែកក្បាលរលាក ហើយឡើងក្រហមលើស្បែកជុំវិញស្បែកក្បាល។

២ មានកន្ទួលនិងរមាស់

កន្ទួល ឬរមាស់នៅកន្លែងផ្សេងទៀត ដែលសាប៊ូកក់សក់បានប៉ះដល់ អាចបណ្ដាលមកពីសាប៊ូមួយចំនួនមានផ្ទុកសារធាតុ SLS (សារធាតុ surfactants) និង parabens (សារធាតុរក្សានៅក្នុងគ្រឿងសម្អាង) ដែលបំផ្លាញសំណើម និងធ្វើរលាកឲ្យដល់ចំណុចនៃការប៉ះពាល់ដោយផ្ទាល់ ជាមួយសាប៊ូកក់សក់។

៣ ស្ទះមុន

សាប៊ូកក់សក់ដែលយើងប្រើ អាចជាមូលហេតុនៃការបង្កមុនដោយផ្ទាល់។ នេះច្រើនតែកើតលើថ្ងាស គល់សក់ និងតំបន់ថ្គាម ជាពិសេសស្នាមមុន ឬមុនដែលស្ទះ។ ព្រោះសាប៊ូកក់សក់មានផ្ទុកសារធាតុស៊ីលីកូន ដើម្បីជួយសក់ឲ្យទន់រលោងក្នុងពេលតែមួយ។ ស៊ីលីកូន ជាមូលហេតុចម្បងនៃការកើតមុន ដែលមានក្នុងសាប៊ូកក់សក់ ហើយវាកកកុញនៅក្នុងឫសសក់ ។

៤ មានអង្គែ

វាជាសញ្ញាសម្គាល់មួយទៀតដែលគួរតែពិនិត្យមើល នៅពេលអ្នកកក់សក់។ អាចបណ្ដាលមកពីមូលហេតុមួយចំនួន រួមទាំងស្បែកក្បាលស្ងួត និងរលាក ក៏ដូចជាផ្សិតផងដែរ។ ដូច្នេះហើយ ត្រូវសង្កេតមើល ប្រសិនបើប្ដូរសាប៊ូហើយ នៅមានអង្គែទៀត គួរតែបញ្ឈប់ជាបន្ទាន់។

៥ ជ្រុះសក់

សាប៊ូកក់សក់គឺជាមូលហេតុមួយ នៃការបាត់បង់សក់ទាំងអស់។ នោះគឺបណ្ដាលមកពីសារធាតុស៊ីលីកូនក្នុងសំណល់សាប៊ូជុំវិញឫសសក់។ វានឹងធ្វើឲ្យស្ទះ ដែលបណ្តាលឲ្យជ្រុះសក់។ លើសពីនេះ ការជ្រុះសក់ក៏អាចបណ្តាលមកពីមូលហេតុផ្សេងទៀតដូចជា អាឡ័កស៊ីអាហារ ការចូលគេងយឺត ឬអាកប្បកិរិយាដែលប៉ះពាល់យ៉ាងធ្ងន់ធ្ងរដល់សក់៕

ប្រែសម្រួល៖ សាង ស្រីល័ក្ខ

ចុចអាន៖គ្រូពេទ្យណែនាំវិធីកាត់បន្ថយអាឡ័កស៊ីទូទៅ នៅរដូវភ្លៀងធ្លាក់ ចៀសវាងច្រឡំជារោគសញ្ញាកូវីដ

ចុចអាន៖ភ្នាក់ងារប្រឆាំងនឹងអ៉ីស្តាមីន ៥ ប្រភេទពីធម្មជាតិ ព្យាបាលអាឡ័កស៊ីបានយ៉ាងសក្ដិសិទ្ធិ

The post សញ្ញាព្រមានទាំង ៥ បញ្ជាក់បានថា យើងកំពុងអាឡ័កស៊ីជាមួយសាប៊ូកក់សក់ appeared first on Kampuchea Thmey Daily.

វិធីសម្គាល់ថាឈឺ ក ដោយសារអាឡ័កស៊ី ឬផ្ដាសាយ

សាង ស្រីល័ក្ខ — Fri, 22 Oct 2021 00:56:00 +0000

ប្រតិកម្មអាឡ័កស៊ី ការបង្ករោគដោយបាក់តេរី និងវីរុស និងរួមមានផ្ដាសាយធម្មតា ឬផ្ដាសាយធំ សុទ្ធតែអាចបង្កឲ្យមានបញ្ហាឈឺកបាន។ មនុស្សមួយចំនួនអាចមានបញ្ហាឈឺកជាទៀងទាត់ ដោយសារតែមានប្រតិកម្មអាឡ័កស៊ីតាមរដូវកាល។

១. កំណត់រោគសញ្ញា

រោគសញ្ញាផ្ដាសាយធម្មតា និងប្រតិកម្មអាឡ័កស៊ី៖

ហៀរសំបោរ ឬតឹងច្រមុះ
អស់កម្លាំង
ក្អក ឬកណ្ដាស់

រោគសញ្ញាផ្ដាសាយធម្មតា ផ្ដាសាយធំ និងការឆ្លងរោគផ្សេងៗ មិនមែនជាប្រតិកម្មអាឡ័កស៊ី៖

ក្ដៅខ្លួន
ឈឺសាច់ដុំ និងឈឺខ្លួន
ហើមកូនកណ្ដុរនៅក

បើសិនជាគ្នាយើងមានរមាស់ភ្នែក ហូរទឹកភ្នែក និងឈឺកទៀត អាចថានេះជាប្រតិកម្មអាឡ័កស៊ី ព្រោះថារោគសញ្ញាកើតលើភ្នែកមិនកើតមានដោយសារផ្ដាសាយធម្មតា ឬផ្ដាសាយធំទេ។

សញ្ញាសំខាន់មួយទៀតគឺ រយៈពេលនៃការឈឺក ផ្ដាសាយធម្មតា និងផ្ដាសាយធំ មិនកើតយូរជាងពីរសប្ដាហ៍នោះទេ។

សម្រាប់អ្នកមានប្រតិកម្មអាឡ័កស៊ីវិញអាចស៊ីពេលយូរទៅតាមការប៉ះពាល់នឹងសារធាតុបង្កអាឡ័កស៊ី។ ឧទាហរណ៍ថា គ្នាយើងអាឡ័កស៊ីទៅនឹងលម្អងផ្កា អាចមានរោគសញ្ញាប្រតិកម្មរហូតដល់៦សប្ដាហ៍ អាស្រ័យលើរដូវកាល។

២. វិធីព្យាបាលអាឡ័កស៊ី

ការព្យាបាលបញ្ហាអាឡ័កស៊ី អាស្រ័យលើកម្រិតនៃប្រតិកម្ម។ ចំពោះការប្រតិកម្មកម្រិតស្រាល អ្នកជំងឺអាចប្រើប្រាស់ថ្នាំលេប ឬថ្នាំបាញ់មិនត្រូវការវេជ្ជបញ្ជាមួយចំនួនបាន។ ប៉ុន្តែបើកម្រិតធ្ងន់ធ្ងរ ត្រូវប្រើថ្នាំតាមវេជ្ជបញ្ជា និងអាចចាក់ថ្នាំ អាឡ័កស៊ី ផង។

៣. វិធីការពារខ្លួនពីអាឡ័កស៊ី

ដើម្បីចៀសវាងពីបញ្ហាអាឡ័កស៊ី យើងត្រូវចៀសឆ្ងាយពីធាតុបង្កអាឡ័កស៊ីទាំងឡាយ ដើម្បីការពារប្រតិកម្មអាឡ័កស៊ី កើតមានលើប្រព័ន្ធផ្លូវដង្ហើមផ្នែកខាងលើ រួមទាំងការឈឺកផង។ ធាតុបង្កអាឡ័កស៊ីរួមមាន៖

ស្មៅ ឬលម្អងផ្កា
សត្វចិញ្ចឹម
ធូលី
ផ្សិត។

អត្ថបទផ្ដល់ដោយ៖ Hello Krupet

ចុចអាន៖រដូវភ្លៀងតែងឈឺគ្រុនផ្ដាសាយ ការពារខ្លួនតាមតិចនិកនេះ

The post វិធីសម្គាល់ថាឈឺ ក ដោយសារអាឡ័កស៊ី ឬផ្ដាសាយ appeared first on Kampuchea Thmey Daily.

អ្នកធ្លាប់មានប្រវត្តិអាឡ័កស៊ី ក្រោយចាក់វ៉ាក់សាំងមួយប្រភេទនេះ កម្រប្រតិកម្ម ឬអាចនឹងលែងមានតែម្ដង

សាង ស្រីល័ក្ខ — Wed, 01 Sep 2021 09:10:00 +0000

ការសិក្សាដែលបានចេញផ្សាយដោយសារព័ត៌មាន JAMA Network Open បានរកឃើញថា អ្នកធ្លាប់មានប្រវត្តិអាឡ័កស៊ី ប្រសិនបើចាក់វ៉ាក់សាំង Pfizer គឺកម្រមានប្រតិកម្ម ឬអាចនឹងលែងមានតែម្ដង។

ទិន្នន័យបានបង្ហាញថា ក្នុងចំណោមអ្នកចូលរួមជាង ៤០០ នាក់ដែលមានអាឡ័កស៊ីខ្ពស់ ៩៨ភាគរយ មិនមានប្រតិកម្មភ្លាមៗ បន្ទាប់ពីទទួលបានវ៉ាក់សាំង Pfizer-BioNTech ។ ៦ឬតិចជាង ២ភាគរយនៃអ្នកចូលរួមក្នុងការស្រាវជ្រាវមាន“ ប្រតិកម្មអាឡ័កស៊ីតិចតួច” ខណៈពេលដែល ៣ ឬតិចជាង ១ ភាគរយជួបប្រទះការឆក់អាណាហ្វីឡាក់ទិច។

ចំពោះការស្រាវជ្រាវនេះអ្នកស្រាវជ្រាវជនជាតិអ៊ីស្រាអែល បាននិយាយថា វ៉ាក់សាំង Pfizer ជាថ្នាំដែលមានប្រជាប្រិយបំផុតនៅក្នុងប្រទេស ដល់មនុស្សពេញវ័យចំនួន ៤២៩ នាក់ដែលមានប្រវត្តិអាឡ័កស៊ីពីមុន។

មជ្ឈមណ្ឌលគ្រប់គ្រងនិងបង្ការជំងឺ (CDC) បានរាយការណ៍នៅក្នុងទិន្នន័យដែលបានចេញផ្សាយនៅដើមដំបូងនៃការចាក់វ៉ាក់សាំង មានតែអ្នកទទួលវ៉ាក់សាំងចំនួន ២៩ ក្នុងចំណោម ៤.៨ លាននាក់ប៉ុណ្ណោះ ដែលមានប្រតិកម្មអាឡ័កស៊ីធ្ងន់ធ្ងរចំពោះការចាក់វ៉ាក់សាំង។

ក្នុងចំណោមអ្នកចូលរួមក្នុងការស្រាវជ្រាវ ៦៨ ឬ ១៦ភាគរយមានអាឡ័កស៊ីនឹងអាហារនិង ១៤១ ឬ ៣៣ភាគរយជាមួយអាហារច្រើនមុខ។ លើសពីនេះដោយសារអាឡ័កស៊ីរបស់ពួកគេ ៩៥ ឬ ២២ភាគរយនៃអ្នកចូលរួមតែងតែប្រើសឺរ៉ាំងadrenaline ដើម្បីប្រើជាការព្យាបាលគ្រាអាសន្នចំពោះអាណាហ្វីឡាក់ទិច។

ដើម្បីធានាថាវ៉ាក់សាំងនេះ ត្រូវបានគ្រប់គ្រងដោយសុវត្ថិភាពដល់អ្នកចូលរួម អ្នកស្រាវជ្រាវបានតម្រូវឲ្យសង្កេតរយៈពេល២ម៉ោង បន្ទាប់ពីទទួលបានវ៉ាក់សាំងទាំងដូសទីមួយនិងទីពីរ។ ក្នុងកំឡុងពេលសង្កេតរយៈពេល២ម៉ោង បន្ទាប់ពីការចាក់លើកដំបូង ស្ត្រី ៩ នាក់មានប្រតិកម្មអាឡ័កស៊ីភ្លាមៗ ដូចជា កន្ទួល ហើម អណ្ដាត ឬក្អកដែលមានកើតឡើង ។ ប្រតិកម្មទាំងអស់នេះត្រូវបានដោះស្រាយ បន្ទាប់ពីការព្យាបាលជាមួយថ្នាំប្រឆាំងនឹងអ៊ីស្តាមីន។ គ្មានអ្នកចូលរួមណាម្នាក់ ត្រូវការការព្យាបាលនៅមន្ទីរពេទ្យទេ ហើយទាំងអស់បានជាសះស្បើយពេញលេញក្នុងរយៈពេល ២ ទៅ ៦ ម៉ោង៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖ប្រកាន់គោលការណ៍ ៣ ធំៗនេះ ធានាថាដូសទីប៉ុន្មានក៏ដោយ សុទ្ធតែមានប្រសិទ្ធភាពខ្លាំងក្លា

ចុចអាន៖ វ៉ាក់សាំងដូសទី ៣ លើសខ្វះថ្ងៃមិនបញ្ហា តែបើដល់ថ្ងៃចាក់ប្រហែសរឿងអស់នេះ អាចមានផលវិបាកធ្ងន់ធ្ងរ

ចុចអាន៖ករណីមិនទាន់គ្រប់ខែច្រឡំទៅចាក់ដូសទី ៣ វ៉ាក់សាំងពិតជាមានប្រសិទ្ធភាពក្នុងរាងកាយឬអត់?

The post អ្នកធ្លាប់មានប្រវត្តិអាឡ័កស៊ី ក្រោយចាក់វ៉ាក់សាំងមួយប្រភេទនេះ កម្រប្រតិកម្ម ឬអាចនឹងលែងមានតែម្ដង appeared first on Kampuchea Thmey Daily.

សិង្ហបុរី ឲ្យអ្នកប្រតិកម្មអាឡ័កស៊ីចំពោះវ៉ាក់សាំងប្រភេទ mRNA ងាកមកចាក់ Sinovac វិញ សម្រាប់ដូសទី២

Sok Sovann — Mon, 02 Aug 2021 07:02:58 +0000

រដ្ឋមន្រ្តីក្រសួងសុខាភិបាលសិង្ហបុរី លោក Janil Puthucheary បាននិយាយនៅថ្ងៃចន្ទទី២ខែសីហានេះថា ប្រជាជនដែលមានប្រតិកម្មអាឡ័កស៊ី បន្ទាប់ពីចាក់វ៉ាក់សាំងប្រភេទ mRNA ដូសទី១ នឹងត្រូវបានអញ្ជើញឲ្យចាក់វ៉ាក់សាំង Sinovac ជាដូសទីពីរ។

រដ្ឋមន្រ្តីក្រសួងសុខាភិបាលសិង្ហបុរី លោក Janil Puthucheary

អ្នកដែលទទួលបានថ្នាំបង្ការជំងឺកូវីដ-១៩ក្នុងលក្ខណៈបែបនេះ នឹងត្រូវបានគេផ្តល់ជូនវ៉ាក់សាំងគ្រប់ដូស នៅក្រោមកម្មវិធីជាតិ។

លោកបានបន្ថែមថា បុគ្គលបែបនេះ នឹងទទួលបានការចាក់វ៉ាក់សាំងដូសទី២ នៅគ្លីនិកក្នុងមន្ទីរពេទ្យរដ្ឋ ដើម្បីតាមដានឲ្យបានដិតដល់ ដោយសារតែពួកគេមានប្រតិកម្មអាឡ័កស៊ីពីមុន។

វ៉ាក់សាំង Pfizer-BioNTech និង Moderna ដែលត្រូវបានអនុម័តឲ្យប្រើប្រាស់នៅក្នុងកម្មវិធីជាតិសិង្ហបុរី គឺប្រើបច្ចេកវិទ្យា mRNA។ វាជាប្រភេទវ៉ាក់សាំង បង្រៀនកោសិកាឲ្យបង្កើតប្រូតេអ៊ីន ដែលបង្កឲ្យមានការឆ្លើយតបនៃប្រព័ន្ធភាពស៊ាំនៅក្នុងខ្លួនរបស់យើង។

នេះខុសពីវ៉ាក់សាំង Sinovac ឬត្រូវបានគេស្គាល់ថា CoronaVac ដែលប្រើភាគល្អិតវីរុសកូរ៉ូណាអសកម្ម ដែលត្រូវបានសម្លាប់ដើម្បីជំរុញការការពារអង់ទីគ័ររបស់រាងកាយ។

វ៉ាក់សាំង Sinovac បច្ចុប្បន្នត្រូវបានអនុញ្ញាតឲ្យចាក់ក្នុងប្រទេសសិង្ហបុរី ក្រោមកម្មវិធីពិសេសបន្ទាប់ពីថ្នាំបង្ការនេះ ត្រូវបានអនុម័តឲ្យប្រើប្រាស់ដោយអង្គការសុខភាពពិភពលោក (WHO)៕

ប្រែសម្រួល៖ Vann Vann

ប្រភព៖ CNA

ចុចអាន៖ កុំបារម្ភ! ការចាក់វ៉ាក់សាំងលាយគ្នា បង្កើតប្រព័ន្ធភាពស៊ាំខ្លាំងក្លាប្រឆាំង វីរុស

The post សិង្ហបុរី ឲ្យអ្នកប្រតិកម្មអាឡ័កស៊ីចំពោះវ៉ាក់សាំងប្រភេទ mRNA ងាកមកចាក់ Sinovac វិញ សម្រាប់ដូសទី២ appeared first on Kampuchea Thmey Daily.

គ្រូពេទ្យណែនាំវិធីកាត់បន្ថយអាឡ័កស៊ីទូទៅ នៅរដូវភ្លៀងធ្លាក់ ចៀសវាងច្រឡំជារោគសញ្ញាកូវីដ

សាង ស្រីល័ក្ខ — Mon, 02 Aug 2021 06:02:00 +0000

រដូវភ្លៀងមកដល់ហើយ ចំពោះអ្នកឆាប់ប្រតិកម្មអាឡ័កស៊ី អាចនឹងប៉ះពាល់លើផ្លូវដង្ហើមធ្ងន់ធ្ងរមិនខាន។ ដោយសារជំងឺទាំងនេះ ច្រើនរកឃើញជាញឹកញាប់ នៅរដូវភ្លៀងធ្លាក់ ពីព្រោះនៅរដូវវស្សា អាកាសធាតុមានសំណើមខ្ពស់ ហើយប្រសិនបើអាកាសធាតុប្រែប្រួលញឹកញាប់ រាងកាយយើងក៏ឈឺជាៗដូចគ្នា។

វេជ្ជបណ្ឌិត Sirirak Kanchanatheerapong គ្រូពេទ្យឯកទេសរោគកុមារនិងភាពស៊ាំ នៅមន្ទីរពេទ្យ Navavej នឹងប្រាប់ពីរបៀប ដែលយើងគួរថែរក្សាខ្លួនយើងឲ្យឆ្ងាយពីអាឡ័កស៊ី ជាពិសេសចំពោះកុមារតូចៗ។

ដំបូងសូមក្រឡេកមើលអ្វីដែលជាអាឡ័កស៊ីទូទៅសិន

ភ្នាសរំអិលរបស់ច្រមុះគឺងាយនឹងរំញោច ជាពិសេសនៅពេលមានអាឡ័កស៊ី ដូចជាធូលីដី សត្វកន្លាត រោមចៀម ដំណក់ស្មៅ ផ្សិត សារធាតុផ្សេងទៀតដូចជា ធូលី ផ្សែងធូប បារីនិងការបំពុល ជាពិសេសបំពង់ខ្យល់ ត្រូវបានប្រើជាញឹកញាប់ ចំពោះកុមារដែលមានបញ្ហាតឹងច្រមុះ។

អ្នកខ្លះអាចរមាស់ភ្នែក ឡើងបាយ ប៉ុន្តែពួកគេនឹងក្ដៅខ្លួន ជាធម្មតានៅពេលព្រឹកបន្ទាប់ពីភ្ញាក់ពីគេង ឬពេលព្រលប់មុនពេលចូលគេង ប្រសិនបើមិនបានព្យាបាលទេ ជំងឺរលាក sinusitis អាចនឹងកើតមានមិនខាន។

ជៀសវាងអាឡ័កស៊ី គឺជាវិធីល្អបំផុត

កុមារអាស៊ីភាគច្រើនមានអាឡ័កស៊ីទៅនឹងធូលីដី ដូច្នេះគួរចៀសវាងធូលីទាំងនៅខាងក្រៅនិងក្នុងផ្ទះ។ ចៀសវាងការប្រើកម្រាលព្រំ ឬប្រើតុក្កតារោមចៀមនៅក្នុងបន្ទប់កូន និងរក្សាភាពស្អាតនៅក្នុងបរិវេណផ្ទះ។ កុមារដែលមានអាឡ័កស៊ី ត្រូវបានគេណែនាំឲ្យលាងច្រមុះ ជារៀងរាល់ថ្ងៃ ជាពិសេសក្នុងកំឡុងពេលមានរោគសញ្ញា។

ថែទាំសុខភាពនៅរដូវភ្លៀងធ្លាក់ទាំងមនុស្សធំនិងកុមារ

គឺត្រូវរក្សារាងកាយ ឲ្យមានកម្ដៅ ចៀសវាងការផ្លាស់ប្ដូរសីតុណ្ហភាព និងសំណើមស្រួចស្រាវ។ នៅពេលអាកាសធាតុចុះត្រជាក់ ជាការប្រសើរបំផុតដែលត្រូវស្លៀកសំលៀកបំពាក់ដែលផ្ដល់ភាពកក់ក្ដៅ ដល់រាងកាយ។ កុំបើកម៉ាស៊ីនត្រជាក់ខ្លាំងពេក។ ប្រសិនបើកាត់ភ្លៀង សូមកក់សក់ជាមួយទឹកក្ដៅ ជូតសក់ឲ្យស្ងួតយ៉ាងឆាប់រហ័ស។ ទទួលទានអាហារដែលមានប្រយោជន៍ សម្រាកឲ្យបានគ្រប់គ្រាន់។ ការធ្វើលំហាត់ប្រាណទៀងទាត់ នឹងជួយពង្រឹងប្រព័ន្ធភាពស៊ាំរបស់យើង។

ប្រសិនបើអ្នកគ្រាន់តែដើរកាត់អាកាសធាតុក្ដៅ អ្នកគួរតែឈរនៅកន្លែងដែលមានម្លប់ត្រជាក់សិន មុននឹងប្ដូរទៅកន្លែងដែលមានម៉ាស៊ីនត្រជាក់ ដើម្បីឲ្យរាងកាយនិងច្រមុះរបស់អ្នកមានភាពស៊ាំជាមួយម៉ាស៊ីនត្រជាក់ និងជួយកាត់បន្ថយអាការប្រតិកម្មអាឡ័កស៊ី៕

ប្រែសម្រួល៖ សាង ស្រីល័ក្ខ

ចុចអាន៖ហូបអាហារប៉ុន្មានមុខនេះសម័យកូវីដ អ្នកកាន់តែមានខែលការពារប្រតិកម្មអាឡ័កស៊ីធ្ងន់ធ្ងរ ក៏ដូចជាពង្រឹងប្រព័ន្ធភាពស៊ាំ

ចុចអាន៖អាមេរិកកំពុងភ័យខ្លាចប្រតិកម្មអាឡ័កស៊ីធ្ងន់ធ្ងរដូចគ្នានឹងកូវីដ១៩

The post គ្រូពេទ្យណែនាំវិធីកាត់បន្ថយអាឡ័កស៊ីទូទៅ នៅរដូវភ្លៀងធ្លាក់ ចៀសវាងច្រឡំជារោគសញ្ញាកូវីដ appeared first on Kampuchea Thmey Daily.