អ្នកខ្លះថា ការហូបប្រទាលបាតដៃ មិនត្រឹមតែផ្ដល់រសជាតិឆ្ងាញ់ ថែមទាំងជំនួយសុខភាព ខណៈអ្នកខ្លះថាជារឿងមិនពិត ព្រោះរុក្ខជាតិប្រភេទនេះអាចបង្កឱ្យពុលបាន។

ជាក់ស្ដែងថ្មីៗនេះ តារាកំប្លែង អ្នកនាង ខ្ញុង បានបង្ហោះសារលើគណនីបណ្ដាញសង្គមផ្ទាល់ថា ខ្លួនបានពុល ក្អួតខ្លាំង ក្រោយទទួលទានដំបងយក្ស ឬប្រទាលបាតដៃ។

ហេតុអ្វីបានជាមានអ្នកខ្លះហូបហើយពុល ចំណែកអ្នកខ្លះបែរជាពុំមានបញ្ហាអីទៅវិញ?

ពាក់ព័ន្ធករណីនេះ ប្រភពពី Hello គ្រូពេទ្យ បានដកស្រង់សម្ដីឯកទេសជំងឺទូទៅ ថា  ដំបងយក្សអាចហូបបាន អាស្រ័យលើពូជរបស់វា។ ដូច្នេះមុន​នឹង​​ជ្រើស​រើសពិសារ​ដើម​ដំបង​យក្ស ​គួរ​មើល​ពូជ​វា​ជាមុន ប្រយ័ត្ន​ញ៉ាំ​ខុស ព្រោះ​ដើម​ដំបង​យក្ស​ខ្លះ​គេ​យក​ទៅ​តែ​សម្រាប់​ធ្វើ​ជា​ថ្នាំ​សម្លាប់​សត្វ​ល្អិត និង​ខ្លះ​ទៀត​គេ​យក​ទៅ​ផលិត​ធ្វើ​ជា​ប្រេង​ឥន្ធនៈ។

ចំណែកករណីដែលអ្នកខ្លះហូបហើយពុល ទៅជាក្អួត រមាស់​បំពង់​ក ឬរាករូស​ អាចមកពីគាត់ហូបពូជខុស ​ពោលគឺពូជដែលគេទុកប្រើសម្រាប់តែផលិតឱសថ មិនមែនសម្រាប់ហូបនោះទេ។ នេះបើតាមប្រភពពី NBC បានចុះផ្សាយ។

ប្រភពដដែលបន្តថា នៅប្រទេសមិកស៊ិក ប្រទាលបាតដៃ គេដាំវាជាចម្ការ សម្រាប់ផ្គត់ផ្គង់ក្នុងស្រុក ក៏ដូចជានាំចេញក្រៅប្រទេស។ ប្រទាលនេះពេញនិយម អាចច្នៃហូបបានជាច្រើនមុខផ្សេងៗគ្នា។ វាមិនត្រឹមតែហូបឆៅប៉ុណ្ណោះទេ នៅអាចធ្វើជាបន្លែ ស៊ុប សាឡាត់ ប្រឡាក់គ្រឿងអាំងបែបប៊ីប៊ីឃ្យូ បំពង យកសាច់ទៅធ្វើការ៉េម ភេសជ្ជៈ ចាហួយ និងប្រភេទអាហារសម្រន់ផ្សេងទៀត។

ដោយឡែក ទាក់ទិនដែលមនុស្សមួយចំនួនហូបហើយ មានអាការមិនស្រួលខ្លួន អាចមកពីគាត់ចាញ់ចំណី (ប្រតិកម្ម) ដូចអ្នកខ្លះប្រតិកម្មអាឡ័កស៊ី ជាមួយគ្រឿងសមុទ្រអ៊ីចឹងដែរ។

ការទទួលទានដំបងយក្ស ឬប្រទាលបាតដៃ ពុំមានបង្កបញ្ហាអ្វីទេ ប្រសិនបើហូបក្នុងបរិមាណសមល្មម ត្រូវក្បួន ហើយមិនខុសពូជរបស់វា។

ប្រសិនបើអ្នកបានដឹងច្បាស់ថា ដើម​ដំបង​យក្សជា​​ពូជ​អាច​ញ៉ាំ​បាន​ វាគ្មាន​គ្រោះ​ថ្នាក់​ដល់​សុខភាពនោះទេ៕

ប្រែសម្រួល៖ សន្យា

ចុចអាន៖ តើប្រទាលដែលកំពុងល្បីមានចំណុចពិសេសអ្វីខ្លះ បានជាគេនិយមយ៉ាងនេះ?

ចុចអាន៖ ពេទ្យបញ្ជាក់ច្បាស់ៗ ដើមដំបងយក្សអាចហូបបាន ប៉ុន្តែត្រូវប្រយ័ត្នពូជ ព្រោះ…

The post បកស្រាយមូលហេតុអ្នកខ្លះហូបដំបងយក្សហើយពុល ឯអ្នកខ្លះគ្មានបញ្ហាអ្វីសោះ appeared first on Kampuchea Thmey Daily.

ទាក់ទងនឹង​បញ្ហានេះ លោក​វេជ្ជបណ្ឌិត ចាន់ ស៊ីណេត ឯកទេសជំងឺទូទៅ​បាន​ឲ្យ​ដឹង​ថា មុន​នឹង​យើង​ជ្រើស​រើស​ញ៉ាំ​ដើម​ដំបង​យក្ស យើង​គួរ​មើល​ពូជ​វា​ជាមុន ប្រយ័ត្ន​ញ៉ាំ​ខុស ព្រោះ​ដើម​ដំបង​យក្ស​ខ្លះ​គេ​យក​ទៅ​តែ​សម្រាប់​ធ្វើ​ជា​ថ្នាំ​សម្លាប់​សត្វ​ល្អិត និង​ខ្លះ​ទៀត​គេ​យក​ទៅ​ផលិត​ធ្វើ​ជា​ប្រេង​ឥន្ធនៈ។

លោក​បន្ត​ថា បើ​យើង​ញ៉ាំ​ច្រើន​ជ្រុល អាច​ធ្វើ​ឲ្យ​ពុល​ដល់​កោសិកា​ថ្លើម ព្រោះ​យើង​មិន​ដឹង​ពី​បរិមាណ និង​សមាសធាតុ​ពុល​ច្រើន ឬ​តិច​នោះ​ទេ និង​អាច​ឈាន​ដល់​ការ​ខូច​ថ្លើម​ក៏​មាន។ យក​ល្អ មុន​ជ្រើស​រើស​ញ៉ាំ​ដើម​ដំបង​យក្ស យើង​គួរ​ពិនិត្យ​ឲ្យ​បាន​ល្អិត​ល្អន់ ថា​​ពូជណា​អាច​ញ៉ាំ​បាន​ ដើម្បីកុំ​ឲ្យ​មាន​គ្រោះ​ថ្នាក់​ដល់​សុខភាព។

ដើម​ដំបងយក្ស មាន​ច្រើន​ប្រភេទ ហើយ​ជា​ទូទៅ ខ្មែរ​យើង​ចូល​ចិត្ត​ដាំ​នៅ​ខាង​ក្រៅ​របង​ទ្វារ​ផ្ទះ ពិសេស​អ្នក​នៅ​តាម​ទី​រួម​ខេត្ត។ ពូជ​ដំបង​យក្ស​ខ្លះ​អាច​ញ៉ាំ​បាន​បន្ទាប់​ពី​យើង​យក​បន្លា​ចេញ​អស់ ប៉ុន្តែពូជ​ដើម​ដំបង​យក្ស​ខ្លះ​ទៀត​​មិន​អាច​ញ៉ាំឆៅបាន​ទេ​ ព្រោះ​មាន​​ផ្ទុក​ oxalic acid អាច​ធ្វើ​ឲ្យ​យើង​រមាស់​បំពង់​ក ខណៈ​ប្រភេទ​ដើម​ដំបង​យក្ស​ខ្លះទៀត​ គេ​ញ៉ាំ​តែ​ផ្លែ​វា​តែ​ប៉ុណ្ណោះ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មីកញ្ចប់ ញ៉ាំឆៅច្រើនពេក អាចបង្កហានិភ័យសុខភាពខ្លាំង តែយើងអាចញ៉ាំបានតាមវិធីនេះ

ចុចអាន៖ តើប្រទាលដែលកំពុងល្បីមានចំណុចពិសេសអ្វីខ្លះ បានជាគេនិយមយ៉ាងនេះ?

The post ពេទ្យបញ្ជាក់ច្បាស់ៗ ដើមដំបងយក្សអាចហូបបាន ប៉ុន្តែត្រូវប្រយ័ត្នពូជ ព្រោះ… appeared first on Kampuchea Thmey Daily.

អ្នកខ្លះថា វាជាពូជដំបងយក្ស តែជាប្រភេទសំប៉ែត និងបានផ្អើលតៗគ្នាថាហូបឆ្ងាញ់ មានរសជាតិជូរ និងផ្អែមតិចៗ ជាពិសេសមានសមត្ថភាពជួយសុខភាពទៀតផង។

ជាការពិត ប្រភពពី Wikipedia បានឱ្យដឹងថា ប្រទាលបាតដៃ ជាប្រភេទរុក្ខជាតិដែលប្រើជាឱសថអស់ពេលជាច្រើនឆ្នាំមកហើយ នៅក្នុងប្រទេសមិកស៊ិក ឈីលី អាមេរិក កាណាដា ក្រិក និងស្រីលង្ការ។ ប៉ុន្តែវាមានច្រើនប្រភេទណាស់ មានរហូតដល់ ១៧៥០ ប្រភេទឯណោះ។ ដូច្នេះគួរប្រយ័ត្ន កុំចេះតែហូបតាមគ្នា ក្រែងច្រឡំហូបប៉ះប្រទាលមិនគួរហូប នាំឱ្យមានបញ្ហាសុខភាពទៅវិញ។

យ៉ាងណាមិញ ប្រទាលទាំងនេះ មាន ៣ប្រភេទដែលគេពេញនិយមប្រើច្រើនជាងគេរួមមាន៖

១. ប្រភេទ Cactus ដើមរាងសំប៉ែត មែកគឺជាសន្លឹកធំៗទំហំ ៧.៦២សង់ទីម៉ែត្រ មានបន្លា ផ្កាពណ៌ក្រហមស្រាល និងផ្កាឈូកដិត កម្ពស់ពី ២៥-៣០សង់ទីម៉ែត្រ។ អាចប្រើបំបាត់អាការក្អក ប្រឆាំងជំងឺរ៉ាំរ៉ៃ ជំងឺមហារីក សម្រួលប្រព័ន្ធរំលាយអាហារ គ្រប់គ្រងកម្រិតជាតិស្ករក្នុងឈាម និងជួយដល់ជំងឺសរសៃឈាមបេះដូងផងដែរ។

២. ប្រភេទ Opuntia cochenillifera មានដើមកម្ពស់ពី ៣-៤ម៉ែត្រ សន្លឹកមានទំហំ ២០សង់ទីម៉ែត្រ ផ្កាមិនរីកទេ តែមានកញ្ចុំកេសរលូតមកក្រៅ ឯផ្លែមានប្រវែង ៣-៥សង់ទីម៉ែត្រ មិននិយមបរិភោគ ផ្លែខ្ចីអាចយកស្ងោរធ្វើជាអន្លក់បាន ប៉ុន្តែភាគច្រើនគេប្រើប្រាស់ជាឱសថ។

៣. ប្រភេទ Opuntia ficus-indica វិញមានកម្ពស់រហូតដល់ ៥ម៉ែត្រ មានសន្លឹកធំ ប្រវែងពី ៣០-៤០សង់ទីម៉ែត្រ ទំហំពី ១៨-២៥សង់ទីម៉ែត្រ ផ្ការីកមាន៣ពណ៌ ស លឿង ក្រហម ឯផ្លែមានទំហំធំដូចគ្នា គឺមានប្រវែងរហូតដល់ ១០សង់ទីម៉ែត្រ។ ទាំងសន្លឹក និងផ្លែសុទ្ធសឹងតែប្រើប្រាស់ជាអាហារបរិភោគបាន។

នៅប្រទេសមិកស៊ិក ពួកវាត្រូវបានយកទៅក្លាស្សេមុននឹងហូប ឬច្របាច់យកទឹកធ្វើជាភេសជ្ជៈទុកពិសារ។ ឯអ្នកស្រុកខ្លះសម្ងួតទុកទទួលទានជាអាហារសម្រន់។

បម្រុងប្រយ័ត្នផងដែរ ប្រទាលបាតដៃមានឥទ្ធិពលបញ្ចុះទឹកនោម ដូច្នេះវាអាចបណ្តាលឱ្យមានបញ្ហាក្រពះពោះវៀនចំពោះមនុស្សមួយចំនួន​ និងអាចធ្វើអ្នកហូបឱ្យរាករូស៕

ប្រែសម្រួល៖ សន្យា

ចុចអាន៖ តប់ប្រមល់ខ្លាំងក្នុងសម័យកូវីដ! សាកល្បងដាំប្រទាលទាំងនេះក្នុងផ្ទះ ដូចមានខែលការពារខ្យល់ដង្ហើម

ចុចអាន៖ ពន្លៃ រុក្ខជាតិ​ឱសថ​ជួយ​ទាំង​សម្រស់ និង​សុខភាព

The post តើប្រទាលដែលកំពុងល្បីមានចំណុចពិសេសអ្វីខ្លះ បានជាគេនិយមយ៉ាងនេះ? appeared first on Kampuchea Thmey Daily.