មេ​បញ្ជាការ​ប៉ូលិស​ប្រទេស​ម៉ូសំប៊ិក លោក Bernardino Rafaelលោក Rafael បានឲ្យដឹងថា អ្នកទោសប្រហែល ១៥៣៤​នាក់បានរត់គេចខ្លួនពីពន្ធនាគារក្នុងឧបទ្ទវហេតុនេះ ប៉ុន្តែ ១៥០នាក់ក្នុងចំនោមពួកគេត្រូវបានគេចាប់បានមកវិញ។

ប្រទេសម៉ូសំប៊ិកកំពុងជួបប្រទះភាពចលាចលស៊ីវិលកាន់តែខ្លាំងឡើងដែលទាក់ទងនឹងការបោះឆ្នោតដែលមានជម្លោះតាំងពីខែតុលា ហើយលទ្ធផលបោះឆ្នោតបានពង្រីកការបន្តកាន់អំណាចរបស់គណបក្ស Frelimo កាន់តែយូរ ខណៈក្រុម​ប្រឆាំង ​ថា​ការ​បោះឆ្នោត​នេះ​​បាន​បន្លំ។

ជាមួយគ្នានេះការតវ៉ាជុំវិញការបោះឆ្នោតនៅខាងក្រៅពន្ធនាគារបានជុំរុញឲ្យមានកុប្បកម្មនៅក្នុងពន្ធនាគារ។ ការប្រឈមមុខដាក់គ្នាបន្ទាប់ពីនោះបានបណ្តាលឱ្យមនុស្ស ៣៣ នាក់បានស្លាប់និង១៥ នាក់រងរបួសនៅក្នុងបរិវេណពន្ធនាគារ ខណៈអត្តសញ្ញាណ​អ្នក​ស្លាប់​និង​របួស​មិន​ទាន់​ដឹង​ច្បាស់​ទេ​។

គួរបញ្ជាក់ថាកាលពីថ្ងៃអង្គារថាមនុស្សយ៉ាងហោចណាស់ ២១ នាក់ត្រូវបានសម្លាប់នៅក្នុងភាពចលាចលបន្ទាប់ពីតុលាការកំពូលរបស់ប្រទេសនេះបានបញ្ជាក់ពីជ័យជម្នះរបស់គណបក្ស Frelimo។ ភាព​តានតឹង​នេះបានកើតឡើងកាន់ខ្លាំង​​ភ្លាមៗ ​បន្ទាប់​ពី​ការ​ប្រកាស​របស់តុលាការធ្វើ​ឡើង។

អ្នកគាំទ្ររបស់ លោកMondlane ដែលជាបក្សប្រឆាំងភាគច្រើនជាយុវជនរាប់សែននាក់ ចាប់តាំងពីពេលនោះមក បានដើរតាមផ្លូវ និងធ្វើការតវ៉ាដែលនាំឲ្យមានការប៉ះទង្គិចគ្នាជាមួយកងកម្លាំងសន្តិសុខ។ ការតវ៉ាទាំងនោះបានបណ្ដាលឲ្យមនុស្សជាង ១៥០ នាក់បានស្លាប់ដោយសារអំពើហិង្សាក្រោយការបោះឆ្នោតចាប់តាំងពីលទ្ធផលដំបូងត្រូវបានប្រកាសដោយស្ថាប័នបោះឆ្នោតរបស់ប្រទេសនេះ៕

អត្ថបទ៖ ប៊ុន សុភាព

The post អ្នកទោស​៣៣​នាក់​​ស្លាប់​ក្នុង​ហេតុការណ៍កុបកម្ម​ហិង្សា​ក្នុង​គុកនៅម៉ូសំប៊ិក​ ខណៈ​១៥០០នាក់រត់រួច​​ appeared first on Kampuchea Thmey Daily.

រដ្ឋមន្ត្រីមហាផ្ទៃម៉ូសំប៊ិក លោក Pascoal Ronda បានប្រាប់សន្និសីទសារព័ត៌មាននៅទីក្រុង Maputo កាលពីល្ងាចថ្ងៃអង្គារថា រលកនៃអំពើហិង្សានិងការលួចប្លន់​បាន​ផ្ទុះ​ឡើង​ខ្លាំង​ដោយការប្រកាសរបស់តុលាការមួយថ្ងៃមុននេះ។ អ្នកគាំទ្រវ័យក្មេងភាគច្រើនដែលមិនពេញចិត្តចំពោះការបាត់បង់បេក្ខភាព លោក Venancio Mondlane ដែលទទួលបានតែ​២៤% ខណៈលោក Daniel Chapo​ Chapo ដែលតុលាការសម្រេចថាលោកនឹងក្លាយជាប្រធានាធិបតីបន្ទាប់ទទួលបាន៦៥% ។

ការសម្រេចរបស់តុលាការបានបណ្ដាលឲ្យមានអំពើហិង្សាចំនួន២៣៦​ករណីទូទាំងប្រទេសក្នុងរយៈពេល២៤ម៉ោងចុងក្រោយ ដែលបណ្តាលឱ្យមានអ្នកស្លាប់ចំនួន​២១​នាក់ ក្នុងនោះមានសមាជិកប៉ូលិស​ពីរនាក់ផងដែរ។ លើសពីនេះជន​ស៊ីវិល​១៣​នាក់ និង​ប៉ូលិស ១២​នាក់​បាន​រង​របួសផងដែរ។ រថយន្តចំនួន​២៥​គ្រឿងត្រូវបានដុតបំផ្លាញក្នុងនោះមានរថយន្តប៉ូលិសចំនួន​២គ្រឿង ប៉ុស្តិ៍​ប៉ូលិស​១១កន្លែង និង​ពន្ធនាគារ​មួយ​ត្រូវ​បាន​វាយ​ប្រហារ និង​បំផ្លិចបំផ្លាញ ហើយ​អ្នក​ទោស ៨៦នាក់​ត្រូវ​បាន​ដោះលែង។

គួរបញ្ជាក់ថា ភាព​តានតឹង​នេះបានកើតឡើងកាន់ខ្លាំង​​ភ្លាមៗ ​បន្ទាប់​ពី​ការ​ប្រកាស​របស់តុលាការធ្វើ​ឡើង។ ប្រទេស​ដែល​មាន​ប្រជាជន​៣៤​លាន​នេះនាក់​បាន​ឈាន​ដល់​ការ​បោះឆ្នោត​សកល​កាលពី​ថ្ងៃ​ទី​៩ ខែ​តុលា។ អ្នកគាំទ្ររបស់ លោកMondlane ដែលជាបក្សប្រឆាំងភាគច្រើនជាយុវជនរាប់សែននាក់ ចាប់តាំងពីពេលនោះមក បានដើរតាមផ្លូវ និងធ្វើការតវ៉ាដែលនាំឲ្យមានការប៉ះទង្គិចគ្នាជាមួយកងកម្លាំងសន្តិសុខ។ ការតវ៉ាទាំងនោះបានបណ្ដាលឲ្យមនុស្សជាង ១៥០ នាក់បានស្លាប់ដោយសារអំពើហិង្សាក្រោយការបោះឆ្នោតចាប់តាំងពីលទ្ធផលដំបូងត្រូវបានប្រកាសដោយស្ថាប័នបោះឆ្នោតរបស់ប្រទេសនេះ៕

អត្ថបទ៖ ប៊ុន សុភាព

The post ២១​ស្លាប់ក្នុងហិង្សានយោបាយ​នៅម៉ូសំប៊ិក​ ក្រោយ​តុលាការ​កំពូល​សម្រេច​ក្តី​ appeared first on Kampuchea Thmey Daily.

ព្យុះស៊ីក្លូនដ៍សាហាវដែលបានបោកបក់នៅភាគខាងជើងប្រទេសម៉ូសំប៊ិកកាលពីមួយសប្តាហ៍មុន បានបណ្តាលឲ្យ​​ចំនួនអ្នក​ស្លាប់មានចំនួនកើនឡើងពី៧៣នាក់ដល់៩៤នាក់។ ជាមួយគ្នានេះប្រជុំកោះ Mayotte នៃមហាសមុទ្រឥណ្ឌា បានទទួលរង​នូវឥទ្ធិពលដ៏ខ្លាំងនៃព្យុះនេះ ដោយមន្ត្រីនៅក្នុងទីក្រុង Mayotte ដែលជាទឹកដីក្រៅប្រទេសដ៏ក្រីក្របំផុតមួយរបស់ប្រទេសបារាំង ទើបតែអាចបញ្ជាក់បានត្រឹមតែ៣៥នាក់ប៉ុណ្ណោះដែលបានស្លាប់ដោយសារ Chido ប៉ុន្តែមានការ​ភ័យ​ខ្លាច​ថាអាចមានមនុស្សរាប់សិបនាក់បន្ថែមទៀតត្រូវបានសម្លាប់ដោយសារព្យុះនេះ។

លោក Olamide Harrison តំណាងអ្នកស្រុកម៉ូសំប៊ិករបស់មូលនិធិរូបិយវត្ថុអន្តរជាតិបាននិយាយកាលពីថ្ងៃពុធថាកំណើនសេដ្ឋកិច្ចរបស់ប្រទេសនេះឆ្នាំ​២០២៤ ទំនងជាត្រូវបានកែសម្រួលធ្លាក់ចុះពីការព្យាករណ៍ពីមុនចំនួន ៤.៣% ដោយសារតែឥទ្ធិពលនៃព្យុះស៊ីក្លូន និងភាពចលាចលស៊ីវិលក្រោយការបោះឆ្នោត។ កាលពីខែតុលា លោក Daniel Chapo បេក្ខជននៃគណបក្សកាន់អំណាចរបស់ Mozambique Frelimo ត្រូវបានប្រកាសថាជាអ្នកឈ្នះការបោះឆ្នោតប្រធានាធិបតី។

បន្ទាប់ពីបានបោកបក់លើប្រទេស ម៉ូសំប៊ិក ព្យុះស៊ីក្លូននេះបានផ្លាស់ប្តូរចូលទៅក្នុងប្រទេសម៉ាឡាវី បានសម្លាប់មនុស្ស ១៣ នាក់ និងរាប់សិបនាក់ផ្សេងទៀតរងរបួស នេះបើយោងតាមទីភ្នាក់ងារគ្រប់គ្រងគ្រោះមហន្តរាយរបស់ប្រទេសនោះ។ អាជ្ញាធរ​បារាំងបាននិយាយថា ក្នុងពេលជាមួយគ្នានេះដែរខ្លួនក៏បានព្យាយាមផ្ដល់ជំនួយដល់ប្រជាជននៅក្នុងទឹកដីក្រៅប្រទេស​របស់​បារាំង Mayonette ជាង ១៥០០នាក់ដែលបានរងរបួស ក្នុងនោះមានជាង២០០នាក់ធ្ងន់ធ្ងរ ៕

អត្ថបទ៖ ប៊ុន សុភាព

The post អ្នកស្លាប់​កើន​ឡើង​ដល់​៩៤​នាក់​​​នៅម៉ូសំប៊ិក ដោយសារព្យុះស៊ីក្លូន Chido​ appeared first on Kampuchea Thmey Daily.

មជ្ឈមណ្ឌលគ្រោះមហន្តរាយបាននិយាយកាលពីថ្ងៃព្រហស្បតិ៍ថា យ៉ាងហោចណាស់អ្នកស្លាប់ចំនួន​៦៦នាក់នៅក្នុងខេត្ត Cabo Delgado ភាគខាងជើង។ ចំណែកមនុស្ស ៤ នាក់បានស្លាប់នៅក្នុងខេត្ត Nampula និង ៣ នាក់ទៀតនៅ Niassa ខណៈមនុស្សម្នាក់បានបាត់ខ្លួន។ មនុស្សជាង ៥៤០ នាក់ត្រូវបានរាយការណ៍ថាបានរងរបួសដោយព្យុះស៊ីក្លូនដែលបាននាំមកនូវខ្យល់ប្រហែល ២៦០គីឡូម៉ែត្រក្នុងមួយម៉ោង និងភ្លៀងធ្លាក់ខ្លាំងប្រហែល២៥០ មីលីម៉ែត្រ​ក្នុងរយៈពេល២៤ ម៉ោង។

ព្យុះ Chido នេះបានធ្វើឲ្យមានបំណាក់ដី​​ក្នុង​ប្រទេស​ម៉ូសំប៊ិក​កាល​ពី​ថ្ងៃ​អាទិត្យ​បន្ទាប់​ពី​បាន​ហូរ​កាត់​កោះ Mayotte នៃ​មហាសមុទ្រ​ឥណ្ឌា ដែល​មាន​ការ​ភ័យ​ខ្លាច​ថា​មនុស្ស​រាប់​រយ​នាក់​អាច​ត្រូវ​បាន​សម្លាប់។ ផ្ទះជាង ៣៩១០០ខ្នង ត្រូវបានបំផ្លាញ ហើយជាង ១៣៤០០ខ្នង ផ្សេងទៀតត្រូវបានបំផ្លាញដោយផ្នែក ខណៈមនុស្សជាង ៣២៩៥០០ នាក់ត្រូវបានរងផលប៉ះពាល់ដោយសារព្យុះនេះ។

បន្ទាប់ពីបានបោកបក់លើប្រទេស ម៉ូសំប៊ិក ព្យុះស៊ីក្លូននេះបានផ្លាស់ប្តូរចូលទៅក្នុងប្រទេសម៉ាឡាវី បានសម្លាប់មនុស្ស ១៣ នាក់ និងរាប់សិបនាក់ផ្សេងទៀតរងរបួស នេះបើយោងតាមទីភ្នាក់ងារគ្រប់គ្រងគ្រោះមហន្តរាយរបស់ប្រទេសនោះ។អាជ្ញាធរបារាំងបាននិយាយថា ក្នុងពេលជាមួយគ្នានេះដែរ មនុស្សយ៉ាងហោចណាស់ចំនួន ៣១នាក់ ត្រូវបានបញ្ជាក់ថាបានស្លាប់នៅក្នុងទឹកដីក្រៅប្រទេសរបស់បារាំងឈ្មោះ Mayonette ហើយមនុស្សជាង ១,៥០០នាក់បានរងរបួស ក្នុងនោះមានជាង ២០០នាក់ ធ្ងន់ធ្ងរ។

ក្រសួង​ការបរទេស​បារាំង​ទទួល​បន្ទុក​អឺរ៉ុប និង​ការ​បរទេស​បាន​និយាយ​ថា ប្រទេស​បារាំង​បាន​ស្នើសុំ​តង់​ចំនួន ១០,០០០ និង​កន្លែង​ស្នាក់នៅ​បន្ទាន់​ពី​យន្តការ​អឺរ៉ុប​ដើម្បី​ជួយ​ដល់​តំបន់ Mayotte។ ប្រជាជន​នៅ Mayotte ដែល​រង​ការ​បំផ្លិចបំផ្លាញ​ដោយ​ព្យុះ​បាន​អង្វរ​ប្រធានាធិបតី​បារាំង Emmanuel Macron ឱ្យ​ជួយ​បន្ថែម​ទៀត​កាលពី​ថ្ងៃ​ព្រហស្បតិ៍ ខណៈ​ដែល​លោក​បាន​ធ្វើ​ដំណើរ​ទៅ​កាន់​ទឹកដី​នេះ៕

អត្ថបទ៖ ប៊ុន សុភាព

The post អ្នកស្លាប់​ដោយសារ​ព្យុះស៊ីក្លូន Chido នៅ​ម៉ូសំប៊ិកកើនឡើងដល់៧៣នាក់ appeared first on Kampuchea Thmey Daily.

លោក Daniel Chapo ត្រូវបានប្រកាសថា ជាអ្នកឈ្នះការបោះឆ្នោតនៅថ្ងៃទី​១៤ខែតុលា ដោយ​ពង្រីករយៈពេល ៤៩ឆ្នាំ​របស់គណបក្ស Frelimo ចាប់តាំងពីការទទួលបានឯករាជ្យពីប្រទេសព័រទុយហ្គាល់ក្នុងឆ្នាំ​១៩៧៥។ លោក Chapo បន្តតំណែងពីប្រធានាធិបតី Filipe Nyusi ដែលកំពុងកាន់អំណាច។

បន្ទាប់ពី​ការ​បោះឆ្នោតគណបក្ស Frelimo ត្រូវ​​បាន​​គេ​ចោទ​ប្រកាន់​ជា​ហូរហែ​​ពី​ការ​រៀបចំ​ការ​បោះ​ឆ្នោត ហើយ​កង​កម្លាំង​សន្តិសុខ​​របស់​ប្រទេស ម៉ូសំប៊ិកធ្លាប់​ត្រូវ​បាន​គេ​រិះគន់​ចំពោះ​ការ​បង្ក្រាប​ការ​តវ៉ា​ដោយ​កម្លាំងបណ្ដាលឲ្យមាន​មនុស្ស​ស្លាប់។ លើសពីនេះគណបក្សប្រឆាំងបានអះអាងពីការក្លែងបន្លំនៅថ្ងៃបោះឆ្នោត ខណៈដែលអ្នកសង្កេតការណ៍មកពីសហភាពអឺរ៉ុប​បាននិយាយនៅក្នុងរបាយការណ៍ក្រោយៗថាមានភាពមិនប្រក្រតីក្នុងការរាប់សន្លឹកឆ្នោត ហើយលទ្ធផលមួយចំនួនត្រូវបានផ្លាស់ប្តូរ។

ភាពតានតឹងបានកើនឡើងខ្ពស់នៅក្នុងប្រទេសអាហ្វ្រិកខាងត្បូងនេះ និងភ្លាមៗ បន្ទាប់ពីការបោះឆ្នោតកាលពីថ្ងៃទី៩ខែតុលា ប៉ុន្តែភាពចលាចលកាន់តែខ្លាំងឡើងនៅពេលដែលមន្ត្រីជាន់ខ្ពស់ពីររូបនៃគណបក្សប្រឆាំងត្រូវបានសម្លាប់នៅក្នុងរថយន្តរបស់ពួកគេក្នុងរដ្ឋធានី Maputo កាលពីថ្ងៃទី១៨ខែតុលា ​ត្រូវបាន​ខ្មាន់​កាំភ្លើង​មិន​ស្គាល់​អត្តសញ្ញាណ​វាយ​ប្រហារ​ទាំង​យប់ ដោយបានបាញ់ ២៥ គ្រាប់ទៅលើរថយន្តពួកគេ។

ការ​សម្លាប់​នេះ​ត្រូវ​បាន​គេ​មើល​ឃើញ​យ៉ាង​ទូលំទូលាយ​ក្នុង​ប្រទេស​ម៉ូសំប៊ិក​ថា​មាន​ហេតុផល​នយោបាយ ដោយសារ​ជន​រង​គ្រោះម្នាក់ក្នុងចំនោមជនរងគ្រោះគឺជាមេធាវី និងជាទីប្រឹក្សារបស់លោក Venancio Mondlane ដែលជាបេក្ខភាពប្រឆាំងដ៏សំខាន់សម្រាប់ប្រធានាធិបតីដែលជាប់ចំណាត់ថ្នាក់ទីពីរនៅក្នុងការបោះឆ្នោត។

សមាគមវេជ្ជសាស្ត្រនៃប្រទេសម៉ូសំប៊ិក និងក្រុមវេជ្ជបណ្ឌិត បាននិយាយនៅក្នុងសេចក្តីថ្លែងការណ៍រួមមួយកាលពីថ្ងៃពុធថា មនុស្សចំនួន ១០ នាក់បានស្លាប់ដោយសាររបួសដោយគ្រាប់កាំភ្លើង និង ៦៣ នាក់ផ្សេងទៀតបានរងរបួសនៅក្នុងការតវ៉ារវាងថ្ងៃទី ១៨ ដល់ថ្ងៃទី ២៦ ខែតុលា។ នៅក្នុងសេចក្តីថ្លែងការណ៍ដាច់ដោយឡែកមួយ អង្គការឃ្លាំមើលសិទិ្ធមនុស្ស បានអំពាវនាវឱ្យមានការស៊ើបអង្កេតលើ «ការប្រើប្រាស់កម្លាំងហួសហេតុ» ។

ទោះបីជាយ៉ាងណាមេដឹកនាំបក្សប្រឆាំង Mondlane បានអំពាវនាវឱ្យមានការតវ៉ាថ្មីរយៈពេលមួយសប្តាហ៍ដើម្បីចាប់ផ្តើមកាលពីថ្ងៃព្រហស្បតិ៍៕

អត្ថបទ៖ ប៊ុន សុភាព

The post ប៉ូលិស​ម៉ូសំប៊ិកបាញ់​សម្លាប់​មនុស្ស​យ៉ាងហោច​១០នាក់ក្នុង​ការតវ៉ាក្រោយការបោះឆ្នោត​ appeared first on Kampuchea Thmey Daily.