អ្នកនាំពាក្យក្រុមហ៊ូធី លោក Yahya Saree បានថ្លែងក្នុងសារមួយផ្សាយតាមទូរទស្សន៍ នៅថ្ងៃសៅរ៍ទី២៨ខែមីនាឆ្នាំ២០២៦ថា ការវាយប្រហារដោយមីស៊ីល បានកំណត់លើគោលដៅយោធាសំខាន់ៗរប​ស់អ៊ីស្រាអែល នៅប៉ែកខាងត្បូងនៃដែនដីប៉ាឡេស្ទីន ហើយការវាយប្រហារនេះ ធ្វើឡើងក្នុងពេលដំណាលគ្នាជាមួយនឹងប្រតិបត្តិការរបស់កងកម្លាំងអ៊ីរ៉ង់និងក្រុមហេសបូឡា នៅក្នុងប្រទេសលីបង់ផងដែរ។

លោកអះអាងថា៖ «ប្រតិបត្តិការរបស់យើងនឹងបន្តរហូតដល់សម្រេចបាននូវគោលដៅ ហើយអំពើឈ្លានពានត្រូវបានបញ្ឈប់នៅលើសមរភូមិតស៊ូទាំងអស់»។

ជុំវិញរឿងនេះ កងទ័ពអ៊ីស្រាអែលក៏បញ្ជាក់ដែរថា វាពិតជាមីស៊ីលដំបូងបង្អស់ដែលបាញ់ចេញពីប្រទេសយេម៉ែន នៅក្នុងសង្គ្រាមបច្ចុប្បន្នមែន ប៉ុន្តែប្រព័ន្ធការពារអាកាសបានធ្វើប្រតិបត្តិការដើម្បីស្ទាក់ចាប់ការគំរាមកំហែងនោះ។

ការចូលរួមដោយផ្ទាល់របស់ក្រុមហ៊ូធីនៅក្នុងជម្លោះនេះ នឹងធ្វើឲ្យស្ថានការណ៍នៅ សមុទ្រក្រហម កាន់តែតានតឹង ដែលអាចប៉ះពាល់ដល់ការដឹកជញ្ជូនទំនិញតាមកប៉ាល់អន្តរជាតិបន្ថែមទៀត បន្ទាប់ពីវិបត្តិនៅច្រកសមុទ្រ Hormuz៕

អត្ថបទ៖ សុខ សុវណ្ណ

The post សង្គ្រាមរឹតធំ! ក្រុមហ៊ូធី ចាប់ផ្តើមបាញ់មីស៊ីលចេញពីយេម៉ែន វាយប្រហារអ៊ីស្រាអែលហើយ  appeared first on Kampuchea Thmey Daily.

ចាប់តាំងពីចុងឆ្នាំ ២០២៣ មក ក្រុមហ៊ូធីបានកំណត់គោលដៅលើនាវាដែលពួកគេអះអាងថាមានទំនាក់ទំនងជាមួយអ៊ីស្រាអែល ឬសម្ព័ន្ធមិត្តរបស់អ៊ីស្រាអែល ដោយរំខានដល់ពាណិជ្ជកម្មសកលតាមរយៈសមុទ្រក្រហម និងព្រែកជីកSuezរបស់អេហ្ស៊ីប។ ការវាយប្រហារទាំងនេះបានសម្លាប់នាវិកយ៉ាងហោចណាស់ប្រាំបួននាក់ និងលិចនាវាចំនួនបួនគ្រឿង ដែលកាត់បន្ថយប្រាក់ចំណូលព្រែកជីករបស់អេហ្ស៊ីបរាប់ពាន់លានដុល្លារ។

នៅក្នុងលិខិតមួយផ្ញើទៅកាន់កងពលតូច Qassam របស់ក្រុមហាម៉ាស មេបញ្ជាការយោធាហ៊ូធី លោក Yusuf Hassan al-Madani បាននិយាយថា ក្រុមនេះបានផ្អាកប្រតិបត្តិការរបស់ខ្លួន ប៉ុន្តែបានព្រមានថាពួកគេនឹងបន្តឡើងវិញ ប្រសិនបើអ៊ីស្រាអែលបន្តការវាយប្រហារលើហ្គាហ្សា។

បទឈប់បាញ់បានចាប់ផ្តើមនៅថ្ងៃទី ១០ ខែតុលា ទោះបីជាអ៊ីស្រាអែលបានបន្តការវាយប្រហារសម្លាប់ជនជាតិប៉ាឡេស្ទីនរាប់រយនាក់ក៏ដោយ។ សង្គ្រាមហ្គាហ្សារហូតមកដល់ពេលនេះបានឆក់យកជីវិតជនជាតិប៉ាឡេស្ទីនជាង ៦៩,០០០នាក់។

ទន្ទឹមនឹងនេះ ភាពតានតឹងជាមួយអង្គការសហប្រជាជាតិកំពុងកើនឡើង បន្ទាប់ពីក្រុមហ៊ូធីបានឃុំខ្លួនបុគ្គលិកអង្គការសហប្រជាជាតិយ៉ាងហោចណាស់ ៥៩ នាក់ ដោយចោទប្រកាន់ពួកគេដោយគ្មានភស្តុតាងថាបានធ្វើចារកម្មឱ្យអ៊ីស្រាអែល។ អង្គការសហប្រជាជាតិបានបដិសេធការចោទប្រកាន់ទាំងនេះ ដោយព្រមានថា វិបត្តិកាន់តែធ្ងន់ធ្ងរឡើងរបស់ប្រទេសយេម៉ែននៅតែបន្តធ្វើឱ្យមនុស្សរាប់លាននាក់ដែលពឹងផ្អែកលើជំនួយមនុស្សធម៌កាន់តែជួបការលំបាក៕

អត្ថបទ៖ ប៊ុន សុភាព

The post ក្រុមហ៊ូធីបញ្ឈប់ការវាយប្រហារនៅសមុទ្រក្រហម ក្រោយមានបទឈប់បាញ់នៅហ្គាហ្សា appeared first on Kampuchea Thmey Daily.

លោក al-Ghamari បានស្លាប់ដោយសាររបួសក្នុងអំឡុងពេលការវាយប្រហារតាមអាកាសរបស់អ៊ីស្រាអែលលើទីក្រុង Sanaa នៅចុងខែសីហា។ ការ​វាយ​ប្រហារ​នោះ​ក៏​បាន​សម្លាប់​មន្ត្រី​ជាន់​ខ្ពស់​ហ៊ូធីមួយ​ចំនួន​ទៀត ផង​ដែរ។

នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា លោក al-Ghamari គឺជា «ប្រធានក្រុមភេរវករម្នាក់ទៀតដែលត្រូវអ៊ីស្រាអែលកំចាត់» ខណៈដែលរដ្ឋមន្ត្រីការពារជាតិអ៊ីស្រាអែលលោក Katz បាននិយាយថា អ៊ីស្រាអែលនឹងបន្តកំណត់គោលដៅលើអ្នកដែលព្យាយាមធ្វើបាបប្រទេសលោក។

ក្រុមហ៊ូធីដែលគ្រប់គ្រងភាគច្រើននៃភាគខាងជើងប្រទេសយេម៉ែន បានបើកការវាយប្រហារដោយយន្តហោះគ្មានមនុស្សបើក និងមីស៊ីលលើអ៊ីស្រាអែល និងកប៉ាល់នៅសមុទ្រក្រហម និងឈូងសមុទ្រ Aden ចាប់តាំងពីសង្រ្គាម ហ្គាហ្សាចាប់ផ្តើមក្នុងខែតុលា ឆ្នាំ ២០២៣។ ពួកគេនិយាយថា ការវាយប្រហារទាំងនេះគឺសំដៅគាំទ្រដល់ប្រជាជនប៉ាឡេស្ទីន។ សហរដ្ឋ​អាមេរិក និង​ចក្រភព​អង់គ្លេស​ក៏​បាន​ធ្វើ​ការ​វាយ​ប្រហារ​តាម​អាកាស​លើ​ទីតាំង​យោធា ហ៊ូធី ក្នុង​ប្រទេស​យេម៉ែន ដើម្បី​ជា​ការ​ឆ្លើយ​តប​នឹង​ការ​វាយ​ប្រហារ​ទាំង​នេះផងដែរ។

នៅក្នុងសេចក្តីថ្លែងការណ៍មួយ ក្រុមហ៊ូធី បាននិយាយថា យុទ្ធជន និងជនស៊ីវិលជាច្រើននាក់ត្រូវបានសម្លាប់នៅក្នុង ការឈ្លានពានរបស់អាមេរិក ក្នុងរយៈពេលពីរឆ្នាំកន្លងមក ប៉ុន្តែបានហៅការស្លាប់របស់ al-Ghamari ជាអំពើដ៏ធ្ងន់ធ្ងរដែលត្រូវតែប្តេជ្ញាសងសឹក។

លើសពីនេះមេដឹកនាំលោក Abdul Malik al-Houthi បាននិយាយថា ក្រុមនេះនឹងត្រៀមខ្លួនជាស្រេចដើម្បីធ្វើសកម្មភាពប្រឆាំងនឹងអ៊ីស្រាអែល ប្រសិនបើខ្លួនបំបែកបទឈប់បាញ់នៅតំបន់ហ្គាហ្សាថ្មីៗជាមួយក្រុមហាម៉ាស។ ទោះយ៉ាងណាចាប់​តាំង​ពី​កិច្ច​ព្រម​ព្រៀង​បទ​ឈប់​បាញ់​កាល​ពី​សប្តាហ៍​មុន ពុំ​មាន​ការ​វាយ​ប្រហារ​ណា​មួយ​របស់ហ៊ូធីត្រូវ​បាន​គេ​រាយការណ៍​ឡើយ​៕

អត្ថបទ៖ ប៊ុន សុភាព

The post មេបញ្ជាការកំពូលរបស់ក្រុម ហ៊ូធី ត្រូវបានសម្លាប់ក្នុងការវាយប្រហាររបស់អ៊ីស្រាអែល appeared first on Kampuchea Thmey Daily.

ការចាប់ខ្លួនថ្មីនេះបានបង្កើនចំនួនបុគ្គលិកអង្គការសហប្រជាជាតិដែលត្រូវបានចាប់ខ្លួនសរុបដល់ ៥៣ នាក់ ចាប់តាំងពីឆ្នាំ ២០២១។ អ្នកដែលត្រូវបានឃាត់ខ្លួនទាំងអស់គឺជាជនជាតិយេម៉ែនធ្វើការឱ្យទីភ្នាក់ងារនានា រួមទាំងអង្គការយូនីសេហ្វ និងកម្មវិធីអាហារពិភពលោកផងដែរ។

អ្នកនាំពាក្យរបស់អង្គការសហប្រជាជាតិលោក Stephane Dujarric បានថ្កោលទោសការឃុំខ្លួននេះដោយអំពាវនាវឱ្យមានការដោះលែងជាបន្ទាន់ និងដោយគ្មានលក្ខខណ្ឌ ហើយព្រមានថាការបង្រ្កាបនេះបានរារាំងយ៉ាងខ្លាំងដល់ប្រតិបត្តិការមនុស្សធម៌នៅក្នុងប្រទេសយេម៉ែន ជាប្រទេសក្រីក្របំផុតរបស់ពិភពលោកអារ៉ាប់។

ទោះយ៉ាងណាក្រុម ហ៊ូធី អះអាងថា ពួកគេបានចាប់ខ្លួនបុគ្គលិក អង្គការសហប្រជាជាតិ ដោយសារតែសង្ស័យថាពួកគេជាផ្នែកមួយនៃបណ្តាញចារកម្ម។ ក្នុងរយៈពេលប៉ុន្មានខែកន្លងមកនេះ ក្រុមនេះបានវាយឆ្មក់ការិយាល័យរបស់អង្គការសហប្រជាជាតិជាច្រើនដង រួមទាំងមួយនៅក្នុងខែសីហា ដោយចាប់ខ្លួនបុគ្គលិកចំនួន ១៩ នាក់។ ដោយសារតែសកម្មភាពទាំងនេះ អង្គការសហប្រជាជាតិបានបញ្ឈប់ការងាររបស់ខ្លួននៅក្នុងខេត្ត Saada ដែលគ្រប់គ្រងដោយក្រុម ហ៊ូធី ហើយបានផ្លាស់ប្តូរមន្ត្រីជំនួយកំពូលរបស់ខ្លួនពីរដ្ឋធានី Sanaa ទៅ Aden ដែលគ្រប់គ្រងដោយរដ្ឋាភិបាលផ្លូវការរបស់ប្រទេសយេម៉ែនវិញ។

គួរបញ្ជាក់ថាសង្រ្គាម​យេម៉ែន​បាន​ចាប់​ផ្តើម​ក្នុង​ឆ្នាំ ២០១៤ នៅ​ពេល​ក្រុម ហ៊ូធី ដែល​គាំទ្រ​ដោយ​អ៊ីរ៉ង់​បាន​ចូល​កាន់កាប់​ក្រុង Sanaa ដោយ​បង្ខំ​ឲ្យ​រដ្ឋាភិបាល​ភៀស​ខ្លួន។ មួយឆ្នាំក្រោយមក ក្រុមចម្រុះដឹកនាំដោយអារ៉ាប៊ីសាអូឌីត បានចូលធ្វើសង្រ្គាមដើម្បីគាំទ្ររដ្ឋាភិបាល។ ការប្រយុទ្ធគ្នាបានថយចុះចាប់តាំងពីមានបទឈប់បាញ់រវាងក្រុមហ៊ូធី និងអារ៉ាប៊ីសាអូឌីត ប៉ុន្តែភាពតានតឹងនៅតែបន្ត។ ថ្មីៗនេះ ក្រុម ហ៊ូធី ក៏បានប៉ះទង្គិចជាមួយអ៊ីស្រាអែល និងបានវាយប្រហារលើនាវានៅសមុទ្រក្រហម ដែលពួកគេជឿថាមានទំនាក់ទំនងជាមួយអ៊ីស្រាអែល និងនាំឱ្យមានការវាយប្រហារតាមអាកាសរបស់អ៊ីស្រាអែលជាការឆ្លើយតប៕

អត្ថបទ៖ ប៊ុន សុភាព

The post ក្រុមឧទ្ទាម ហ៊ូធី ចាប់ខ្លួនបុគ្គលិក UN ចំនួន​៩​នាក់ទៀតក្នុងប្រទេសយេម៉ែន appeared first on Kampuchea Thmey Daily.

បើ​តាម​ក្រុម​មន្ត្រី របស់ហ៊ូធី ភាគច្រើននៃអ្នកស្លាប់ និងរបួសនៅក្នុងទីក្រុង Sanaa ជាកន្លែងដែលទីតាំងយោធា និងស្ថានីយ៍ប្រេងឥន្ធនៈមួយត្រូវរងការប្រហារពីអ៊ីស្រាអែល។ ការវាយប្រហារនេះបានកើតឡើងតែប៉ុន្មានថ្ងៃបន្ទាប់ពីក្រុមឧទ្ទាម ហ៊ូធីបានបញ្ជូនយន្តហោះគ្មានមនុស្សបើកវាយប្រហារអាកាសយានដ្ឋានអ៊ីស្រាអែល។ យ៉ាងណាក្រុម ហ៊ូធី គាំទ្រដោយអ៊ីរ៉ង់ បានប្តេជ្ញាថានឹងបន្តសងសឹកអ៊ីស្រាអែល ដោយនិយាយថា ការវាយប្រហាររបស់ពួកគេគាំទ្រប៉ាឡេស្ទីននៅតំបន់ហ្គាហ្សា។

គួរបញ្ជាក់ថាក្រៅមានភាពតានតឹងនិងការវាយប្រហារថ្មីៗជាច្រើន អ៊ីស្រាអែលបានបន្តទៅមុខជាមួយនឹងការទម្លាក់គ្រាប់បែកកាន់តែខ្លាំងនៅក្នុងតំបន់ហ្គាហ្សា ជំរុញឲ្យប្រជាជនហ្គាហ្សាជម្លៀសចេញម្ដងហើយម្ដងទៀត។ ក្នុងរយៈពេល ២៤ ម៉ោងចុងក្រោយនេះ ក្រសួងសុខាភិបាលហ្គាហ្សាបានរាយការណ៍ពីការស្លាប់រាប់សិបនាក់ទៀត រួមទាំងអ្នកដែលកំពុងស្វែងរកជំនួយ និងបានព្រមានអំពីគ្រោះទុរ្ភិក្សកាន់តែអាក្រក់ដែលបានសម្លាប់មនុស្សរាប់រយនាក់ភាគច្រើនជាកុមារចាប់តាំងពីខែសីហាមក។ ទោះយ៉ាងណាអ៊ីស្រាអែលបដិសេធពីគ្រោះទុរ្ភិក្ស ដោយអះអាងថាជំនួយត្រូវបានអនុញ្ញាតឲ្យចូលហ្គាហ្សា៕

អត្ថបទ៖ ប៊ុន សុភាព

The post អ៊ីស្រាអែល​ បង្កើន​ការ​វាយ​ប្រហារ​លើ​យេម៉ែនសម្លាប់មនុស្ស៣៥នាក់ appeared first on Kampuchea Thmey Daily.

ពិធីបុណ្យបានធ្វើឡើងនៅវិហារអ៊ីស្លាម Shaab និងចាក់ផ្សាយតាមទូរទស្សន៍ Al-Masirah ដែលគ្រប់គ្រងដោយ ក្រុមហ៊ូធី ដោយឃើញមានអ្នកគាំទ្រស្រែកប្រឆាំងអ៊ីស្រាអែល និងសហរដ្ឋអាមេរិក។

គួរបញ្ជាក់ថាលោក Al-Rahawi គឺជាមន្ត្រីជាន់ខ្ពស់ហ៊ូធីទីមួយ ដែលត្រូវបានសម្លាប់ ចាប់តាំងពីការវាយប្រហាររបស់អ៊ីស្រាអែល និងសហរដ្ឋអាមេរិកបានកើនឡើងកាលពីដើមឆ្នាំនេះ។ ក្នុងអំឡុងពេលពិធីបុណ្យសព នាយករដ្ឋមន្ត្រីស្តីទី Mohamed Muftah បានប្តេជ្ញាថាក្រុមនឹងបន្តការប្រយុទ្ធរបស់ខ្លួន ដោយទទូចថាកំពង់ផែយេម៉ែននៅតែដំណើរការ ទោះបីជាមានការវាយប្រហាររបស់អ៊ីស្រាអែលក៏ដោយ។

ស្របពេលប្រារព្ធពិធី ក្រុម ហ៊ូធី បានធ្វើការវាយប្រហារថ្មី បាញ់មីស៊ីលទៅកាន់នាវាដឹកប្រេងដែលមានទង់ជាតិរបស់ប្រទេសលីបេរីយ៉ាឈ្មោះ Scarlet Ray នៅក្នុងសមុទ្រក្រហម ដែលពួកគេបានអះអាងថា មានទំនាក់ទំនងជាមួយអ៊ីស្រាអែលថែមទៀត។ បើទោះបីនាវាមិនមានការខូចខាត ឧបទ្ទវហេតុនេះបានគូសបញ្ជាក់ពីការបន្តគំរាមកំហែងពីពួកឧទ្ទាមចំពោះផ្លូវដឹកជញ្ជូនពាណិជ្ជកម្ម ដ៏សំខាន់។

ក្នុងពេលជាមួយគ្នានោះ ក៏មានភាពតានតឹងកាន់តែខ្លាំងឡើង បន្ទាប់ពីក្រុម ហ៊ូធី បានវាយឆ្មក់ចូលការិយាល័យ UN និងកម្មវិធីអាហារពិភពលោក ឃាត់ខ្លួនបុគ្គលិកយ៉ាងតិច ១១នាក់ និងរឹបអូសទ្រព្យសម្បត្តិ។ មន្ត្រីអង្គការសហប្រជាជាតិបានហៅចាប់ខ្លួននេះថា «មិនអាចទទួលយកបាន» ដែលធ្វើឲ្យទំនាក់ទំនងកាន់តែតានតឹងរវាងក្រុមឧទ្ទាម និងទីភ្នាក់ងារអន្តរជាតិ៕

អត្ថបទ៖ ប៊ុន សុភាព

The post ប្រទេសយេម៉ែន​ កាន់ទុក្ខ​នាយករដ្ឋមន្ត្រីហ៊ូធី ខណៈ​ក្រុមនេះបន្ត​​វាយប្រហារ​សមុទ្រ​ក្រហម appeared first on Kampuchea Thmey Daily.

បេសកជនពិសេសរបស់អង្គការសហប្រជាជាតិប្រចាំប្រទេសយេម៉ែន លោក Hans Grundberg បាននិយាយនៅ​ថ្ងៃ​ចន្ទ​នេះ​ថា សកម្មភាពរបស់ក្រុមហ៊ូធី បានរំលោភលើកាតព្វកិច្ចជាមូលដ្ឋានក្នុងការគោរព និងការពារសុវត្ថិភាព សេចក្តីថ្លៃថ្នូរ និងសមត្ថភាពរបស់បុគ្គលិកអង្គការសហប្រជាជាតិ ក្នុងការអនុវត្តការងារសំខាន់ៗរបស់ពួកគេនៅក្នុងប្រទេសយេម៉ែន។ ចំណែក​ឯ​អគ្គលេខាធិការអង្គការសហប្រជាជាតិ លោក Antonio Guterres បានបញ្ជាក់ថា បុគ្គលិក​ទាំង ១១នាក់ត្រូវបាន«ឃុំខ្លួនដោយបំពាន» ដោយកងកម្លាំង​ហ៊ូធី។ លោក​បានអំពាវនាវ​ឲ្យ​មាន«ការដោះលែងជាបន្ទាន់ និងគ្មានលក្ខខណ្ឌ»។

ក្រុម​ហ៊ូធី​បានសម្រុកចូលការិយាល័យរបស់កម្មវិធីស្បៀងអាហារពិភពលោក (WFP) អង្គការសុខភាពពិភពលោក (WHO) និងអង្គការយូនីសេហ្វ នៅក្នុងទីក្រុងសាណា។

ការវាយឆ្មក់នេះ បានធ្វើឡើងបន្ទាប់ពីការវាយប្រហារតាមអាកាសរបស់អ៊ីស្រាអែលកាលពីថ្ងៃព្រហស្បតិ៍ដែលបានសម្លាប់នាយករដ្ឋមន្ត្រី​លោក Ahmed al-Rahawi និងយ៉ាងហោចណាស់សមាជិកជាន់ខ្ពស់ចំនួន​៥​នាក់ផ្សេងទៀតនៃរដ្ឋាភិបាលហ៊ូធី ដូចជា រដ្ឋមន្ត្រីការបរទេស Gamal Amer ឧបនាយករដ្ឋមន្ត្រី Mohammed al-Medani រដ្ឋមន្ត្រីអគ្គិសនី Ali Seif Hassan រដ្ឋមន្ត្រីទេសចរណ៍ Ali al-Yafei និង​រដ្ឋមន្ត្រីក្រសួងព័ត៌មាន Hashim Sharafuldin។ អនុរដ្ឋមន្ត្រីមហាផ្ទៃដ៏មានឥទ្ធិពលមួយរូប គឺលោក Abdel-Majed al-Murtada ក៏ស្ថិតក្នុងចំណោមអ្នកស្លាប់ផងដែរ។

អ៊ីស្រាអែល​បាន​បង្កើន​ការ​វាយ​ប្រហារ​លើ​គោលដៅ​ក្រុម​ហ៊ូធី ក្នុង​ប្រទេស​យេម៉ែន​បន្ទាប់​ពី​ការ​វាយ​ប្រហារ​ដោយ​មីស៊ីល និង​យន្តហោះ​គ្មាន​មនុស្ស​បើក​លើ​​​អ៊ីស្រាអែល និង​ការ​ដឹក​ជញ្ជូន​នៅ​សមុទ្រ​ក្រហម ចាប់​តាំង​ពី​សង្គ្រាម​នៅ​តំបន់​ហ្គាហ្សា​​បាន​ផ្ទុះ​ឡើង។ កាលពីថ្ងៃទី​២១​ខែសីហា អ៊ីស្រាអែលបាននិយាយថា ខ្លួនបានស្ទាក់ចាប់មីស៊ីលបាលិស្ទិក​របស់ហ៊ូធី ប្រដាប់ដោយគ្រាប់បែកចង្កោម ដែលជាការប្រើប្រាស់លើកដំបូងដោយក្រុមនេះចាប់តាំងពីឆ្នាំ​២០២៣។

កន្លងមក ក្រុមហ៊ូធី ធ្លាប់​បានចាប់ឃុំខ្លួនបុគ្គលិកអង្គការសហប្រជាជាតិ បុគ្គលិកជំនួយ និងសកម្មជនសង្គមស៊ីវិលរាប់សិបនាក់។ កាលពីខែមករា អង្គការសហប្រជាជាតិបានផ្អាកប្រតិបត្តិការនៅតំបន់​ Saada របស់ពួកឧទ្ទាម បន្ទាប់ពីបុគ្គលិករបស់អង្គការសហប្រជាជាតិ ៨​នាក់ត្រូវបានឃុំខ្លួន៕

ដោយ៖ ឈាង

The post ហ៊ូធី​ចាប់​ខ្លួន​បុគ្គលិក UN ១១​នាក់​ ក្រោយ​អ៊ីស្រាអែល​ផ្លោងគ្រាប់​សម្លាប់​នាយករដ្ឋមន្ត្រី​​យេមែន appeared first on Kampuchea Thmey Daily.

បើយោងតាមក្រសួងសុខាភិបាលដែលគ្រប់គ្រងដោយក្រុម ហ៊ូធី យ៉ាងហោចណាស់មនុស្ស ៤ នាក់បានស្លាប់ និង ៦៧ នាក់បានរងរបួស ខណៈដែលអ្នកស្រុកថាបានឮការបំផ្ទុះដ៏ខ្លាំងក្លានៅជិតវិមានប្រធានាធិបតី និងទីតាំងយោធា។

អ៊ីស្រាអែលបាននិយាយថា ខ្លួនបានកំណត់គោលដៅលើរោងចក្រថាមពល និងទីតាំងយោធា ដោយហៅពួកវាថាជាគន្លឹះនៃប្រតិបត្តិការរបស់ក្រុមហ៊ូធី ខណៈការ​វាយ​ប្រហារ​របស់​ក្រុម ហ៊ូធី កាន់​តែ​ខ្លាំង​ឡើង​ទៅ​លើ​អ៊ីស្រាអែល និង​ការ​ដឹក​ជញ្ជូន​អន្តរជាតិ​នៅ​សមុទ្រ​ក្រហម ដែល​បាន​រំខាន​ដល់​ពាណិជ្ជកម្ម​ពិភពលោក។ ក្រុមឧទ្ទាមបានប្តេជ្ញាបន្តប្រតិបត្តិការក្នុងសាមគ្គីភាពជាមួយតំបន់ហ្គាហ្សា ទោះបីជាមានកិច្ចព្រមព្រៀងអន្តរការីដោយសហរដ្ឋអាមេរិកនាពេលថ្មីៗនេះ ក្នុងគោលបំណងទប់ស្កាត់ការវាយប្រហារតាមដែនសមុទ្រក៏ដោយ។

មន្ត្រីអ៊ីស្រាអែលបានព្រមានថា ការប្រើប្រាស់គ្រាប់បែកចង្កោមកម្រិតខ្ពស់របស់ ហូធី និងចោទថាផ្គត់ផ្គង់ដោយអ៊ីរ៉ង់ នឹងបង្កការគំរាមកំហែងសន្តិសុខថ្មី។ លើសពីនេះនាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា ក្រុម ហ៊ូធី កំពុង «ទទួលផលវិបាកយ៉ាងធ្ងន់ធ្ងរ» ចំពោះការវាយប្រហាររបស់ពួកគេ ខណៈដែលអ៊ីស្រាអែលនៅតែបន្តរារាំងពួកគេតាមផ្លូវអាកាស និងផ្លូវសមុទ្រ៕

អត្ថបទ៖ ប៊ុន សុភាព

The post អ៊ីស្រាអែល វាយប្រហារលើរដ្ឋធានីប្រទេសយេម៉ែន ស្លាប់និងរបួសជាច្រើននាក់ appeared first on Kampuchea Thmey Daily.