យោងតាមរបាយការណ៍មួយដែលបានចេញផ្សាយក្នុងខែនេះ នៅក្នុងទស្សនាវដ្ដី Heritage Science បានព្រមានថាផ្នូរដែលមានទីតាំងនៅមិនឆ្ងាយពីទីក្រុង Luxor ប្រទេសអេហ្ស៊ីប បានរងការខូចខាតរចនាសម្ព័ន្ធ ជាមួយនឹងស្នាមប្រេះកាន់តែធំ និងហានិភ័យនៃការដួលរលំកាន់តែកើនឡើង។

អ្នកស្រាវជ្រាវបានកំណត់អត្តសញ្ញាណស្នាមប្រេះដែលរត់កាត់ពិដាននៃច្រករបៀងច្រកចូល និងបន្ទប់បញ្ចុះសពដោយសារតែសំណើមកើនឡើង។ ពួកគេបានកត់សម្គាល់ថាថ្ម shale ដែលផ្នូរដ៏ល្បីល្បាញត្រូវបានជីកកកាយ បានពង្រីក និងរួមតូចជាងមុន។

យោងតាមការសិក្សា សំណើមបានកើនឡើងដល់ជាង ៨០% នៅខាងក្នុងផ្នូរ លើសពី ៦០% ដែលត្រូវបានចាត់ទុកថាមានសុវត្ថិភាពសម្រាប់ម្នាងសិលាលាបពណ៌ ដែលនាំឲ្យមានការរបកគំនូរជញ្ជាំង និងការរីករាលដាលនៃផ្សិត។ អ្នកជំនាញអភិរក្សជឿថា ការខូចខាតអាចបណ្ដាលមកពីទឹកជំនន់ភ្លាមៗក្នុងខែតុលា ឆ្នាំ ១៩៩៤ ដែលបានជន់លិចជ្រលងភ្នំស្តេច ដោយជន់លិចផ្នូរ និងបង្កើតស្នាមប្រេះថ្មី ខណៈពេលដែលកម្រិតសំណើមកើនឡើង។

សាស្ត្រាចារ្យ Saeed Hamada ប្រធាននាយកដ្ឋានអភិរក្សបេតិកភណ្ឌស្ថាបត្យកម្មនៅសាកលវិទ្យាល័យ Cairo បានថ្លែងថា ស្នាមប្រេះដែលត្រូវបានកត់ត្រាជាលើកដំបូងបន្ទាប់ពីទឹកជំនន់ឆ្នាំ ១៩៩៤ បានបន្តពង្រីកជាមួយនឹងព្យុះភ្លៀងថ្មីនីមួយៗ។ លោកបានសង្កត់ធ្ងន់លើតម្រូវការសម្រាប់អន្តរាគមន៍ជាបន្ទាន់ និងការវាយតម្លៃវិទ្យាសាស្ត្រយ៉ាងម៉ត់ចត់ ដើម្បីកាត់បន្ថយហានិភ័យចំពោះផ្នូររាជវង្សនៅទូទាំងជ្រលងភ្នំស្តេច។

ការវាស់វែងវាលដែលប្រមូលបានសម្រាប់ការសិក្សាបានកត់ត្រាការរបក និងការកន្ត្រាក់ឡើងវិញនៃជញ្ជាំងថ្មផ្នូរ ដែលបណ្តាលឲ្យបន្ទះថ្មបែកចេញ និងបណ្តាញនៃស្នាមប្រេះបង្កើតនៅក្នុងពិដាននៃបន្ទប់បញ្ចុះសព។ អ្នកភូគព្ភវិទូបានព្រមានថា សម្ពាធពីជម្រាលភ្នំអាចបណ្តាលឲ្យថ្មបែកចេញភ្លាមៗ ក្នុងអំឡុងពេលមានព្យុះភ្លៀងធ្លាក់ខ្លាំង។

ការសិក្សានេះក៏បានបង្ហាញពីការគំរាមកំហែងស្រដៀងគ្នានេះចំពោះវិមាននៅក្បែរនោះ រួមទាំងប្រាសាទ Hatshepsut នៅ Deir el-Bahari ជាកន្លែងដែលជម្រាលមិនស្ថិតស្ថេរ និងទឹកជំនន់ភ្លាមៗដដែលៗ បានបោកបក់កំទេចកំទីចូលទៅក្នុងបន្ទប់តុបតែង និងធ្វើឲ្យដីសើម។

គួរបញ្ចាក់ដែរថា ផ្នូរបុរាណនេះមានបន្ទប់សំខាន់ៗចំនួន ៤ ច្រកចូល បន្ទប់ទទួលភ្ញៀវដែលមានគ្រឿងសង្ហារិម និងរទេះសេះ បន្ទប់បញ្ចុះសពដែលមានមឈូសចំនួន ៣ ដែលដាក់ជង់គ្នា និងឃ្លាំង ដែលធ្លាប់ផ្ទុកវត្ថុបុរាណប្រហែល ៥,០០០ ចាប់ពីរបាំងមុខមាសដ៏ល្បីល្បាញរបស់ព្រះចៅផារ៉ោន រហូតដល់រូបសំណាក និងវត្ថុបញ្ចុះសពដែលស្រោបដោយមាស៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

សុខៗ Park Bom ប្តឹង Yang Hyun Suk ទារសំណង ច្រើនហួសប្រមាណ

The post អ្នកជំនាញប្រាប់មូលហេតុនាំឲ្យផ្នូរស្ដេច អេហ្ស៊ីប អាចដួលរលំឆាប់ៗ appeared first on Kampuchea Thmey Daily.

ក្រសួងការបរទេសអេហ្ស៊ីបបាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា មានការដឹកជញ្ជូនជំនួយយោធារបស់​អេហ្ស៊ីប បានមកដល់រដ្ឋធានី Mogadishu ប្រទេសសូម៉ាលី ដើម្បីគាំទ្រនិងកសាងសមត្ថភាពរបស់កងទ័ព​របស់​ប្រទេស​សូម៉ាលី។

ក្រសួងនេះថា ការដឹកជញ្ជូននេះ «បញ្ជាក់ឡើងវិញការកាំទ្ររបស់អេហ្ស៊ីបជួយក្នុងកិច្ចខិតខំប្រឹងប្រែងរបស់សូម៉ាលីក្នុងការអភិវឌ្ឍសមត្ថភាពជាតិដែលចាំបាច់ដើម្បីបំពេញសេចក្តីប្រាថ្នារបស់ប្រជាជនសូម៉ាលីសម្រាប់សន្តិសុខ ស្ថិរភាព និងការអភិវឌ្ឍន៍»។

​ការផ្ដល់ជំនួយ​យោធា​ជុំ​ដំបូង​កាលពីខែសីហារបស់អេហ្ស៊ីបដល់​ប្រទេស​សូម៉ាលី​នេះគឺជាលើកដំបូងក្នុង​រយៈពេល​ជាង​បួន​ទសវត្សរ៍ ខណៈទំនាក់ទំនងរវាងអេហ្ស៊ីប និងសូម៉ាលីបានកើនឡើងនៅឆ្នាំនេះ ដោយសារការមិនទុកចិត្តរួមគ្នារបស់ពួកគេចំពោះប្រទេសអេត្យូពី ដែលជំរុញឱ្យទីក្រុងគែរបញ្ជូនអាវុធជាច្រើនទៅកាន់ទីក្រុង Mogadishu រដ្ឋធានីរបស់ប្រទេសសូម៉ាលី បន្ទាប់ពីប្រទេសទាំងនោះបានចុះហត្ថលេខាលើកិច្ចព្រមព្រៀងសន្តិសុខរួមគ្នាកាលពីខែសីហា។

យោងតាមទីភ្នាក់ងារសារព័ត៌មាន Reuters បានរាយការណ៍ថា នាវាចម្បាំងអេហ្ស៊ីប បានចាប់ផ្តើមផ្ទុកអាវុធកាលពីថ្ងៃអាទិត្យ ហើយកងកម្លាំងសន្តិសុខបានបិទមាត់ផ្លូវសមុទ្រ និងផ្លូវជុំវិញកាលពីថ្ងៃអាទិត្យ និងថ្ងៃចន្ទ ខណៈដែលក្បួនរថយន្តបានដឹកអាវុធទៅកាន់អគារក្រសួងការពារជាតិ និងមូលដ្ឋានយោធានៅក្បែរនោះទៅកាន់កំពុងផែ ។

គួរបញ្ជាក់ថាប្រទេសអេត្យូពីបានខឹង ប្រទេសសូម៉ាលី ជុំវិញកិច្ចព្រមព្រៀងបឋមក្នុងខែមករាជាមួយតំបន់ដាច់ចេញពីប្រទេសសូម៉ាលី ដើម្បីជួលដីសម្រាប់កំពង់ផែជាថ្នូរនឹងការទទួលស្គាល់ឯករាជ្យរបស់ខ្លួនពីប្រទេសសូម៉ាលី។

ប្រទេសអេត្យូពីក៏មានទាហានយ៉ាងហោចណាស់៣០០០នាក់ដែលឈរជើងនៅក្នុងប្រទេសសូម៉ាលីដែលជាផ្នែកមួយនៃគំនិតផ្តួចផ្តើមរក្សាសន្តិភាពដែលហៅថាបេសកកម្មផ្លាស់ប្តូរសហភាពអាហ្រ្វិកនៅសូម៉ាលី (ATMIS) ដែលកំពុងធ្វើការដើម្បីបង្ក្រាបការបះបោរប្រដាប់អាវុធដែលមានទាហានប្រមាណ៥០០០-៧០០០ នាក់ត្រូវបានដាក់ពង្រាយនៅក្នុងតំបន់ផ្សេងទៀតក្រោម កិច្ចព្រមព្រៀងទ្វេភាគី ខណៈសូម៉ាលីចង់​ឱ្យ​ទាហាន​អេត្យូពី​ទាំងអស់​ចាកចេញ​នៅ​ចុង​ឆ្នាំ​នេះ​ និងលុបចោល​កិច្ចព្រមព្រៀង​នោះ។

ទន្ទឹមនឹងនេះដែរ ប្រទេសអេហ្ស៊ីបដែលមានជម្លោះជាមួយប្រទេសអេត្យូពីអស់រយៈពេលជាច្រើនឆ្នាំជុំវិញការសាងសង់ទំនប់វារីអគ្គិសនីដ៏ធំល្វឹងល្វើយរបស់ Addis Ababa នៅលើផ្នែកក្បាលទឹកនៃទន្លេ Nile បានថ្កោលទោសកិច្ចព្រមព្រៀងរបស់ប្រទេស Somaliland ។

គួររម្លឹកថានៅក្នុងខែមករាឆ្នាំនេះ ប្រធានាធិបតីអេហ្ស៊ីប Abdel Fattah el-Sisi បាននិយាយថាប្រទេសលោកឈរជាមួយសូម៉ាលី។ លោក El-Sisi បាននិយាយនៅក្នុងសន្និសីទសារព័ត៌មានជាមួយលោក Hassan Sheikh Mohamud ខណៈពេលដែលលោកមកសួរសុខទុក្ខប្រធានាធិបតីសូម៉ាលីថា «អេហ្ស៊ីបនឹងមិនអនុញ្ញាតឱ្យនរណាម្នាក់គំរាមកំហែងសូម៉ាលី ឬប៉ះពាល់ដល់សន្តិសុខរបស់ខ្លួនឡើយ»។

លើសពីនេះទីក្រុងគែរក៏បានផ្តល់ជូនផងដែរក្នុងការរួមចំណែកដល់ទាហានក្នុងបេសកកម្មរក្សាសន្តិភាពថ្មីមួយនៅក្នុងប្រទេសសូម៉ាលី ទោះបីជាខ្លួនមិនបានធ្វើអត្ថាធិប្បាយលើបញ្ហានេះជាសាធារណៈក៏ដោយ៕

អត្ថបទ៖ ប៊ុន សុភាព

The post អេហ្ស៊ីប​ផ្តល់​អាវុធ​បន្ថែម​ដល់​សូម៉ាលី​ ​​ដែល​បង្ក​អរិភាព​​ជាមួយ​អេត្យូពី appeared first on Kampuchea Thmey Daily.

អាងមួយនេះគ្របដណ្ដប់លើផ្ទៃដីដ៏ធំទូលាយ​​ ជាប្រភពទឹក​ដែលបង្កើតឡើង​ដោយ​មនុស្ស រួម​ជាមួយ​ទឹក​សមុទ្រ​ពណ៌​ខៀវ​ស្រងាត់ រំលឹក​ពីសម្រស់ធម្មជាតិ។ សមុទ្រ​ក្រហម​គឺជា​ចំណុច​កណ្ដាល​សម្រាប់​ការ​កម្សាន្ត ការ​សម្រាក​លំហែ និង​សកម្មភាព​ទឹកផ្សេងៗ ការ​រចនា​អាង​ហែលទឹក​រួម​បញ្ចូល​គ្នា​យ៉ាងល្អឥតខ្ចោះ​ជាមួយនឹង​ទេសភាព​ជុំវិញ។ បង្កើតបរិយាកាសសន្តិភាព និង​ភាព​ទាក់ទាញ ដែលបំពេញបន្ថែមភាពទាក់ទាញនៃឆ្នេរសមុទ្រ Sharm El Sheikh។

តំបន់ជុំវិញអាងហែលទឹកនេះ មានទេសភាពបៃតងខៀវស្រងាត់ ឆ្នេរខ្សាច់​និង​លំនៅឋាន​ប្រណិត​មាត់ទឹក។ បង្កើតបរិយាកាសសុខដុមរមនា ដែលចាប់យកខ្លឹមសារនៃការរស់នៅបែបរមណីយដ្ឋាន។ អ្នកស្រុក និងភ្ញៀវ
អ្នក​អាច​បណ្ដោយ​ខ្លួន​ក្នុង​សកម្មភាព​ទឹក​ជាច្រើន​ដូចជា​ការ​ហែល​ទឹក​ជាដើម។

Crystal Lagoon មិនត្រឹមតែជាកន្លែងសម្រាកលំហែកាយប៉ុណ្ណោះទេ ប៉ុន្តែក៏ដើរតួជាមជ្ឈមណ្ឌលផងដែរ។ ដើម្បីចូលរួមសង្គម និងរីករាយជាមួយសកម្មភាពក្រៅផ្ទះផងដែរ។

យ៉ាងណាមិញ អាងនេះមានទំហំ ២៣.៨៣ ហិចតា (៩៦,៤៣៧ ម៉ែត្រការ៉េ)។ វាត្រូវបានគេចាត់ទុកថាជាអាងហែលទឹកដ៏ធំបំផុតនៅលើពិភពលោកនាពេលបច្ចុប្បន្ននេះ៕

ប្រែសម្រួល៖ សាង ស្រីល័ក្ខ

ចុចអាន៖រុស្ស៊ី ជីកបានគ្រាប់ពេជ្រធំបំផុតមិនធ្លាប់មានក្នុងប្រទេស

The post Crystal Lagoon ជាអាងហែលទឹកដ៏ធំបំផុតលើពិភពលោក នៅ អេហ្ស៊ីប appeared first on Kampuchea Thmey Daily.

ការ​ធ្វើ​តេស្ត​វិទ្យុ​កាបូន​នៅឆ្នាំ ១៩៧៨ បាន​កំណត់​កាលបរិច្ឆេទ​រ៉ូប​នេះ​ថា​មានអាយុកាល ២៣៦២ មុន​គ.ស.  ក្រោយមក​គេធ្វើការ​តេស្ត​ម្ដង​ទៀត​នៅ​ឆ្នាំ ២០១៥ ដោយ​សាកលវិទ្យាល័យ Oxford បាន​លទ្ធផល​ថា​រ៉ូបនេះ​មាន​អាយុកាល​ចាប់​ពី​ចន្លោះឆ្នាំ ៣៤៨២ ដល់ ៣១០២ មុនគ.ស.។

គេ​រក​ឃើញ​រ៉ូប​តាខាន​នៅ​ឆ្នាំ ១៩១៣ ពេល​រដូវកាល​ទីពីរ​នៃ​ការ​ជីក​កកាយ​របស់​លោក ហ្វ្លីនដឺ ផេតទ្រី (Flinders Petrie)។ អំឡុងពេលនៃការជីកកាយរ៉ូប​តាខាន​មាន​ជាប់​មក​ជាមួយ​ក្រណាត់​ទេសឯក​ផ្សេងៗទៀតដែ ប៉ុន្តែ​គេកប់វាចោលក្រោមខ្សាច់ទៅវិញទៅ។  ជាលើកទីពីរ រ៉ូបតាខានត្រូវគេរកឃើញ​ម្ដង​ទៀត​នៅឆ្នាំ ១៩៧៧ ដោយ​ក្រុមអ្នកអភិរក្សនៅសារមន្ទី Victoria និង Albnert៕

ប្រែសម្រួល៖ វារី

ចុចអាន៖អត្ថន័យគំនូរបុរាណ ៩ ផ្ទាំងដ៏គួរឲ្យខ្លាច មើលហើយព្រឺសម្បុរខ្ញាក

ចុចអាន៖មកស្គាល់កំពូលអាទិទេព ១០ អង្គ នៅក្នុងទេវកថា ក្រិក

The post Tarkhan ជារ៉ូបចាស់ជាងគេបំផុត របស់ប្រទេស អេហ្ស៊ីប appeared first on Kampuchea Thmey Daily.

ព្យុះភ្លៀងដ៏គួរឲ្យភ្ញាក់ផ្អើលមួយដែលចាប់ផ្តើមតាំងពីថ្ងៃសុក្រមក នៅទីក្រុង Aswan ភាគខាងត្បូងប្រទេសអេហ្ស៊ីប បាននាំឲ្យពពួកសត្វមានពិសប្រភេទនេះ ផ្អើលចេញមកត្រៀបត្រាតាមដងផ្លូវ។

ជាទូទៅ សត្វខ្យាដំរី បានលាក់ខ្លួននៅក្នុងស្នាមប្រេះឬក្រហែង និងក្រោមថ្មនៅពេលថ្ងៃ ហើយចេញនៅពេលយប់ ដើម្បីស៊ីសត្វល្អិត។

ទោះបីជាយ៉ាងណាក៏ដោយ គេមិនទាន់ដឹងច្បាស់ថាតើសត្វខ្យាដំរីប្រភេទណា ដែលទិចបណ្តាលឲ្យមនុស្សស្លាប់នោះទេ ប៉ុន្តែប្រទេសអេហ្ស៊ីប គឺជាជម្រករបស់ពពួកសត្វនេះជាច្រើនប្រភេទ រួមទាំងខ្យាដំរីកន្ទុយខ្លាញ់អារ៉ាប់ ឬ Androctonus Crassicauda ផងដែរ។

ពិសរបស់ខ្យាដំរី Crassicauda មានផ្ទុកសារធាតុ Neurotoxin ដែលបណ្តាលឲ្យមានការឈឺចាប់ខ្លាំង ឡើងក្រហម និងហើមភ្លាមៗនៅកន្លែងទិច។ អ្នកដែលត្រូវខ្យាដំរីប្រភេទនេះទិច អាចអស់កម្លាំងល្ហិតល្ហៃ មើលមិនច្បាស់ ហើយអាចបណ្តាលឲ្យមានបញ្ហាផ្លូវដង្ហើមធ្ងន់ធ្ងរ និងបេះដូងដំណើរការខុសប្រក្រតីទៀតផង។

បើគ្មានការថែទាំត្រឹមត្រូវ និងថ្នាំបន្សាបពិសទេ មនុស្សពេញវ័យអាចស្លាប់ ក្នុងរយៈពេលត្រឹមតែមួយម៉ោងប៉ុណ្ណោះបន្ទាប់ពីត្រូវវាទិច៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ឧកញ៉ា ទៀ វិចិត្រ ពន្លែងសត្វក្រាស លើក ទី ១២៥ ចូលក្នុងសមុទ្រ វិញ

The post សត្វខ្យាដំរី អេហ្ស៊ីប ចេញវាយលុក សម្លាប់មនុស្ស (មានវីដេអូ) appeared first on Kampuchea Thmey Daily.

បណ្តាញរថភ្លើងជាតិអេហ្ស៊ីបបាននិយាយក្នុងសេចក្តីថ្លែងការណ៍ខ្លីមួយថា រថភ្លើងនេះកំពុងធ្វើដំណើរចេញពីទីក្រុងគែរ ឆ្ពោះទៅកាន់ទីក្រុង Mansoura នៅពេលទូចំនួន៤ បានធ្លាក់ចេញពីផ្លូវនៅម៉ោង១:៥៤នាទីរសៀល (ម៉ោងក្នុងស្រុក)។

ទោះបីជាយ៉ាងណាក៏ដោយ មូលហេតុនៃគ្រោះថ្នាក់នេះកំពុងត្រូវបានស៊ើបអង្កេត។

ក្នុងរយៈពេលប៉ុន្មានឆ្នាំថ្មីៗនេះ ប្រទេសអេហ្ស៊ីបបានជួបប្រទះសោកនាដកម្មផ្លូវដែកជាច្រើនលើក។

មនុស្សយ៉ាងតិច២០នាក់បានស្លាប់ និងជិត២០០នាក់រងរបួសកាលពីខែមីនា នៅពេលរថភ្លើងពីរគ្រឿងបុកគ្នាជិតតំបន់ Tahta ចម្ងាយប្រហែល៤៤០គីឡូម៉ែត្រ ភាគខាងត្បូងទីក្រុងគែរ។

កាលពីដើមសប្តាហ៍នេះ មនុស្សចំនួន១៥នាក់បានរងរបួស បន្ទាប់ពីរថភ្លើងមួយគ្រឿងទៀត រត់ធ្លាក់ផ្លូវនៅក្នុងខេត្ត Minya al-Qamh ភាគខាងជើង។

គ្រោះថ្នាក់រថភ្លើងសម្លាប់មនុស្សច្រើនបំផុតរបស់ប្រទេសអេហ្ស៊ីបគឺក្នុងឆ្នាំ២០០២ នៅពេលមនុស្សជាង៣៧០នាក់ ត្រូវបានសម្លាប់បន្ទាប់ពីមានអគ្គិភ័យកើតឡើងនៅក្នុងរថភ្លើងដែលកំពុងធ្វើដំណើរពីទីក្រុងគែរទៅភាគខាងត្បូងប្រទេសអេហ្ស៊ីប៕

ប្រែសម្រួលដោយ៖ Vann Vann

ប្រភព៖ Al Jazeera

The post រន្ធត់! ស្លាប់និងរបួសមនុស្សជាង១០០នាក់ ក្នុងហេតុការណ៍រថភ្លើងធ្លាក់ផ្លូវនៅ អេហ្ស៊ីប appeared first on Kampuchea Thmey Daily.

ជនជាតិ​អេហ្សីប បាន​បង្កើត​ពិធី​ខួបកំណើត​មុនគេ ៖ នៅពេលស្ដេចផារ៉ាអុង (Pharaohs) ទី១ ឡើង​សោយរាជ្យ​ក្នុង​ទីក្រុង​អេហ្ស៊ីប ពួក​រាជវង្ស​និង​មន្ត្រី បាន​ពិចារណា​ឲ្យ​ព្រះអង្គ​ក្លាយ​ទៅ​ជា​អាទិទេព ទើប​ពួកគេរៀបចំពិធីគ្រងរាជ្យសម្បត្តិចំថ្ងៃកំណើតរបស់ព្រះអង្គ។ អ្នកស្រាវជ្រាវខ្លះបានបញ្ជាក់ថា ថ្ងៃកំណើតរបស់ស្ដេច​ផារ៉ាអុង គឺនៅឆ្នាំ ៣០០០ មុន​គ្រិស្តសករាជ រី​ឯ​សាស្ត្រាចារ្យ​បណ្ឌិត Jame Hoffmeier បញ្ជាក់ថា ការ​ឡើង​សោយរាជ្យ​របស់​មហាក្សត្រ​រូបនេះ ចាប់ផ្ដើមឡើងតាំងពីកំណើតនោះឯង។

ប្រទេស​ក្រិក ជា​អ្នក​បន្ថែម​ទៀន ៖ ប្រទេស​ក្រិក​បាន​យក​គំនិត​ពី​ការ​រៀបចំ​ពិធី​ខួប​កំណើត​ពី​ទី​ក្រុង​អេហ្ស៊ីប​ទាំងស្រុង ដោយបន្ថែមទៀនជាសារបួងសួងឲ្យ​អាទិទេព​បាន​ជ្រាប​នូវ​បំណង​ប្រាថ្នា​របស់​មនុស្ស។ ពួកគេ​បាន​រៀបចំ​នំ​ខេក​ដែល​មាន​រាង​មូល​ដូច​ព្រះចន្ទ ដើម្បី​តំណាង​ផ្ទៃមុខ​មូល​ក្រឡង់ ហើយ​ពី​មួយ​ឆ្នាំទៅមួយឆ្នាំ ពួកគេ​បាន​បន្ថែមទៀនលើ​នំ​ដើម្បី​រំឭក​អាយុ និង​តំណាង​ឲ្យ​ជីវិត​ស្រស់ថ្លា ដូច​ពន្លឺ​របស់​វា។

នំខេក៖ អ្នក​ដុតនំ​ជាតិ​អាល្លឺម៉ង់​ជា​អ្នក​បង្កើតនំខួបកំណើត ដោយ​បាន​ចាប់ផ្ដើម​នៅ​ចុង​សតវត្សរ៍ទី ១៨ និង​បន្ត​ដូច​ដែល​យើង​បាន​ឃើញ​រហូត​សព្វថ្ងៃ​នេះ។

ចម្រៀង​ថ្ងៃ​ខួបកំណើត៖ ចម្រៀង​ខួបកំណើត​បង្កើត​ដោយ​បងប្អូនស្រី​ជនជាតិ​អាល្លឺម៉ង់​ពីរ​នាក់​គឺ Patty Hill និង Mildred J. Hill នៅឆ្នាំ ១៩៨៣។ បទនេះ​ដំបូង​ឡើយ​មាន​ចំណងជើង​ថា “Good Morning To All” ។ កាល​ណោះ​ពួកគេ​តែង​ចម្រៀង​នេះ​ឡើងគឺដើម្បីបង្រៀនក្មេងៗ ប៉ុន្តែ​ក្រោយមកវាក្លាយជាចម្រៀងសម្រាប់ជូនពរថ្ងៃកំណើតរហូតដល់សព្វថ្ងៃ។

កាដូ ៖ ផ្ដើមដំបូងនៅសតវត្សរ៍ទី១នៃគ្រឹស្ដសករាជ ក្នុងអំឡុងពេល​ព្រះយេស៊ូវប្រសូត្រ។ ពេល​នោះ​មាន​ពួក​ហោរា ៣​ នាក់ បាន​យក​ដង្វាយទៅថ្វាយព្រះអង្គដើម្បីជាការអបអរសាទរ។ ទម្លាប់​នោះ​ត្រូវ​បានគេយកគម្រូតាម នៅពេលមានទារកចាប់កំណើត គេ​រមែង​មាន​អំណោយ​ទៅ​ជូន​ជា​ការ​សាទរ​ចំពោះ​សមាជិក​ថ្មី​នៃ​ពិភពលោក៕

ប្រែសម្រួល៖ សន្យា

ប្រភព៖ pumpitup

ចុចអាន៖មកស្គាល់​កំពូលមនុស្សឆ្លាតទី១០ នៅលើពិភពលោកដែលមានកម្រិត IQ 190

ចុចអាន៖តួឯកមេចោរ Jack Sparrow តាមពិតជាកូនកាត់៦សាសន៍ និងរៀបការបីដងមកហើយ

The post ពិធី​ខួប​កំណើត​តាម​ពិត​មាន​ប្រភព​មក​ អេហ្ស៊ីប appeared first on Kampuchea Thmey Daily.