ប្រទះឃើញគ្រាប់ Archives - Kampuchea Thmey Daily

គ្រាប់យុទ្ធភណ្ឌមិនទាន់ផ្ទុះប្រភេទ MK-82 មួយគ្រាប់ ត្រូវបានពលរដ្ឋប្រទះឃើញនៅស្រុកប្រាសាទបល្ល័ង្ក

Ken Malis — Sun, 04 May 2025 03:23:46 +0000

គ្រាប់យុទ្ធភណ្ឌមិនទាន់ផ្ទុះមួយគ្រាប់ត្រូវបានប្រជាពលរដ្ឋប្រទះឃើញ ហើយបានរាយការណ៍មកសម្ថកិច្ចក្នុងមូលដ្ឋានចុះពិនិត្យ។ ប្រភពពីអាជ្ញាធរ បញ្ជាក់ថា គ្រប់មិនទាន់ផ្ទុះនេះត្រូវបានប្រទះឃើញដោយប្រជាពលរដ្ឋ កាលពីថ្ងៃទី២ ខែឧសភា ឆ្នាំ២០២៥ ស្ថិតនៅក្នុងតំបន់ព្រៃសហគមន៍ជាំម្រេច ភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ។

ក្រោយទទួលបានព័ត៌មាន កម្លាំងប៉ុស្តិ៍បានសហការជាមួយបុគ្គលិករបស់មជ្ឈមណ្ឌលសកម្មភាពកំចាត់មីនកម្ពុជា(CMAC) បានចុះរុករក និងប្រទះឃើញគ្រាប់មិនទាន់ផ្ទុះពិតមែន ដែលជាប្រភេទ MK-82 ចំនួនមួយគ្រាប់ (គ្រាប់ទម្លាក់ពីលើយន្តហោះសម័យ លុន ណុល) នៅចំណុចទីតាំងខាងលើ។ បច្ចុប្បន្នគ្រាប់យុទ្ធភ័ណមិនទាន់ផ្ទុះខាងលើ បានប្រគល់ជូនជំនាញស៊ីម៉ាក់ដើម្បីយកទៅរក្សាទុក។

អាជ្ញាធរ អំពាវនាវដល់ប្រជាពលរដ្ឋទាំងអស់ សហការ ក្នុងករណីប្រទះឃើញយុទ្ធភណ្ឌមិនទាន់ផ្ទះ ឬសង្ស័យថាមាននៅទីតាំងណាមួយ សូមរាយការណ៍ជូនកម្លាំងនគរបាល ឬកម្លាំងអង្គភាពស៊ីម៉ាក់ ដើម្បីបោសសម្អាតគ្រាប់មីន ឬគ្រាប់មិនទាន់ផ្ទុះសំណល់សង្គ្រាមទាំងនោះធានាសុខសុវត្ថិភាព ជូនប្រជាពរដ្ឋ៕

អត្ថបទ៖ ឈាង មករា

The post គ្រាប់យុទ្ធភណ្ឌមិនទាន់ផ្ទុះប្រភេទ MK-82 មួយគ្រាប់ ត្រូវបានពលរដ្ឋប្រទះឃើញនៅស្រុកប្រាសាទបល្ល័ង្ក appeared first on Kampuchea Thmey Daily.

ប្រទះឃើញគ្រាប់មីន ១ គ្រាប់នៅមាត់ស្ទឹង ខណៈប្រជាជនវែកកន្លែងដាក់ទុយោបូមទឹក

KC Virak — Wed, 06 Apr 2022 07:45:00 +0000

ខេត្តបាត់ដំបង៖ គ្រាប់យុទ្ធភ័ណ្ឌមិនទាន់ផ្ទុះ ១ គ្រាប់ត្រូវបានប្រជាពលរដ្ឋប្រទះឃើញនៅមាត់ស្ទឹង ស្ថិតក្នុងភូមិដំណាក់ដង្កោ ឃុំក្តុលតាហែន ស្រុកបវេល ខេត្តបាត់ដំបង ខណៈប្រជាជនវែកកន្លែងដាក់ទុយោបូមទឹក។

សមត្ថកិច្ចប្រាប់ឱ្យដឹងថា នៅវេលាម៉ោង ៨ ព្រឹក ថ្ងៃទី០៦ ខែមេសា ឆ្នាំ២០២២នេះ អធិការដ្ឋាននគរបាលស្រុកបវេលបានទទួលព័ត៌មានពីប្រជាពលរដ្ឋ ឈ្មោះ សុខ សិត ភេទប្រុស អាយុ ៣៤ ឆ្នាំ រស់នៅភូមិឃុំខាងលើ ថាបានប្រទះឃើញគ្រាប់យុទ្ធភ័ណ្ឌ ១ គ្រាប់ ផុសអណ្តែតនៅលើដី នៅចំណុចមាត់ស្ទឹងបវេល ខណៈខ្លួនបានវែកកន្លែងដាក់ទុយោបូមទឹក។

ក្រោយទទួលបានព័ត៌មានខាងលើនេះ សមត្ថកិច្ចបានចុះទៅពិនិត្យមើល ឃើញមានគ្រាប់មីន ០១ គ្រាប់ ប្រភេទគ្រាប់មីន ៦៩ ដូចសេចក្តីរាយការណ៍របស់ពលរដ្ឋពិតប្រាកដមែន។ ក្រោយសមត្ថកិច្ចជំនាញពិនិត្យ បានសន្និដ្ឋានថា ថ្វីថាគ្រាប់មីន ១ គ្រាប់នេះមានច្រេះខាងក្រៅតែគុណភាពរបស់វាអាចបង្កឱ្យមនុស្សស្លាប់ និងរបួសបាន បើសិនជាយកវាទៅដុំ ឬច្នៃអ្វីមួយដោយគ្មានជំនាញ។

បច្ចុប្បន្នសមត្ថកិច្ចបានយកគ្រាប់នោះទៅរក្សាទុកនៅប៉ុស្តិ៍នគរបាលរដ្ឋបាលក្តុលតាហែន រង់ចាំប្រគល់ឱ្យមន្ត្រីសុីម៉ាក់ដើម្បីយកទៅរក្សាទុក និងកំទេចចោលតាមបច្ចេកទេស៕

អត្ថបទ៖ សៅ សារិទ្ធ

The post ប្រទះឃើញគ្រាប់មីន ១ គ្រាប់នៅមាត់ស្ទឹង ខណៈប្រជាជនវែកកន្លែងដាក់ទុយោបូមទឹក appeared first on Kampuchea Thmey Daily.

ប្រទះឃើញគ្រាប់មីនជិត១០០គ្រាប់ ខណៈកំពុងស្ដារប្រឡាយម័រ នៅខណ្ឌដង្កោ

Sorn Phanith — Thu, 24 Jun 2021 04:53:42 +0000

គ្រាប់មិនទាន់ផ្ទុះ ដែលបន្សល់ទុកកាលពីសម័យសង្គ្រាមចំនួនជិត១០០គ្រាប់ ត្រូវបានអាជ្ញាធររាជធានីភ្នំពេញប្រទះឃើញ ខណៈដែលក្រុមការងារនៃមន្ទីរធនធានទឹកនិងឧតុនិយមរាជធានីភ្នំពេញ ធ្វើសកម្មភាពជីកស្តារប្រឡាយម័រ នៅក្នុងភូមិសាស្ត្រភូមិម័រ សង្កាត់ដង្កោ ខណ្ឌដង្កោ ដែលមានប្រវែងជិត៣គីឡូម៉ែត្រ ដើម្បីរំដោះការលិចលង់ ភូមិឋានប្រជាពលរដ្ឋដោយជំនន់ទឹកភ្លៀងនារដូវវស្សានេះ ហើយបានប្រទះឃើញគ្រាប់ទាំងនេះនៅបាតប្រឡាយ។

លោក ម៉ៅ ប៊ុនធឿន ប្រធានមន្ទីរធនធានទឹកនិងឧតុនិយមរាជធានីភ្នំពេញ បានមានប្រសាសន៍ឲ្យដឹងនៅព្រឹកថ្ងៃទី២៤មិថុនានេះថា ក្រោមការណែនាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ ក្រុមការងារនៃមន្ទីរធនធានទឹកនិងឧតុនិយមរាជធានីភ្នំពេញ បាននិងកំពុងធ្វើសកម្មភាពស្តារប្រឡាយម័រ ដោយចាប់ផ្តើមស្តារ កាលពីថ្ងៃទី១៨កុម្ភៈ ឆ្នាំ២០២១ មានប្រវែង២៨១៥ម៉ែត្រ ទទឹងចាប់ពី២០ម៉ែត្រទៅ៣០ម៉ែត្រ ចាប់ពីស្ថានីយបូមទឹកលូ៥ ដល់ស្ថានីយបូមទឹកបឹងទំពុន ហើយបើគិតមកដល់ថ្ងៃទី២៤ មិថុនានេះ ការងារស្តារប្រឡាយម័រ សម្រេចបាន១៦០០ម៉ែត្រហើយ ស្មើនឹង៥៩,៩ភាគរយ ដែលគ្រោងនឹងបញ្ចប់នៅចុងខែសីហាឆ្នាំ២០២១ខាងមុខនេះ ដើម្បីរំដោះការលិចលង់ ភូមិឋានប្រជាពលរដ្ឋដោយជំនន់ទឹកភ្លៀងនារដូវវស្សានេះ។

លោក ម៉ៅ ប៊ុនធឿន បានបញ្ជាក់ផងដែរថា ប្រឡាយម័រនេះ ពិតជាមានតួនាទីយ៉ាងសំខាន់ក្នុងការរំដោះទឹកពីភូមិឋានប្រជាពលរដ្ឋ ដោយបានរំដោះទឹកភ្លៀងមួយផ្នែកខ្លះនៃខណ្ឌដង្កោ ខណ្ឌពោធិសែនជ័យនិងខណ្ឌមានជ័យ។

អាជ្ញាធររាជធានីភ្នំពេញ បើទោះបីរាជធានីភ្នំពេញបា ននិងកំពុងរីករាលដាលនៃជំងឺកូវីដ-១៩ក៏ពិតមែន ប៉ុន្តែសកម្មភាពស្តារនិងអភិវឌ្ឍមូលដ្ឋានរាជធានីនៅតែបន្តដដែល មានន័យថា ដៃម្ខាងធ្វើការអភិវឌ្ឍនិងដៃម្ខាងទៀត បង្ការនិងទប់ស្កាត់ជំងឺកូវីដ-១៩៕

អត្ថបទ៖ ស្រីរ័ត្ន

សូមចុចអាន៖ ចាប់អ្នកបើករថយន្ដដឹកដី៣៥គ្រឿង ដែលស៊ីផ្លេលឺៗ និងបើកប្រណាំងគ្នាលើផ្លូវសាធារណៈ

The post ប្រទះឃើញគ្រាប់មីនជិត១០០គ្រាប់ ខណៈកំពុងស្ដារប្រឡាយម័រ នៅខណ្ឌដង្កោ appeared first on Kampuchea Thmey Daily.

ព្រលឹងចុងសក់! គាស់ដីធ្វើផ្លូវសុខៗ ប្រទះឃើញគ្រាប់បែកមួយ ជាង២០០គីឡូ

Sorn Phanith — Tue, 02 Feb 2021 08:58:39 +0000

គ្រាប់បែកមួយយ៉ាងធំ ត្រូវបានក្រុមអ្នកស្ថាបនាផ្លូវខេត្តលេខ២២ប្រទះឃើញ ទាំងព្រលឹងចុងសក់ ខណៈកំពុងបញ្ជាគ្រឿងចក្រគាស់កាយដីឃើញ។

ការប្រទះឃើញគ្រាប់មិនទាន់ផ្ទុះសល់ពីសម័យសង្គ្រាមនេះ ស្ថិតនៅក្បែរសាលាស្រុកត្រាំកក់ ក្នុងឃុំអង្គតាសោម កាលពីរសៀលថ្ងៃទី០១ ខែកុម្ភៈ ឆ្នាំ២០២១ នៅការដ្ឋានស្ថាបនាផ្លូវខេត្តលេខ២២។ ក្រោយប្រទះឃើញគ្រាប់មិនទាន់ផ្ទុះនេះ ក្រុមអ្នកស្ថាបនាផ្លូវបានរាយការណ៍ទៅសមត្ថកិច្ចភ្លាមៗ ផងដែរ រហូតនៅរសៀលថ្ងៃទី០២ ខែកុម្ភៈនេះ ប៉ូលិសជំនាញសហការណ៍ជាមួយអាជ្ញាធរស៊ីម៉ាក់បានចុះទៅយកគ្រាប់ដែលប្រទះឃើញនោះមករក្សាទុក ដើម្បីបំផ្លាញចោលនៅពេលក្រោយ។

ដោយឡែកសមត្ថកិច្ចជំនាញបានបញ្ជាក់ថា គ្រាប់នេះជាប្រភេទគ្រាប់បែកទម្លាក់ពីលើយន្តហោះកាលពីសម័យសង្គ្រាម ប្រភេទ MK 82 ដែលមានទម្ងន់ជាង២៥០គីឡូក្រាម៕

អត្ថបទ៖ វីរៈ

សូមចុចអាន៖ អាជីវករនិងអ្នករស់នៅលើឆ្នេរ ពយយាយម៉ី និងឆ្នេរតាបារាំង ត្រូវរុះរើឲ្យបានមុនថ្ងៃទី២៨ ខែកុម្ភៈនេះ ជាកំហិត

The post ព្រលឹងចុងសក់! គាស់ដីធ្វើផ្លូវសុខៗ ប្រទះឃើញគ្រាប់បែកមួយ ជាង២០០គីឡូ appeared first on Kampuchea Thmey Daily.

ពលរដ្ឋភ្ជួរស្រែប្រទះឃើញមីន២៤គ្រាប់ ប្រគល់ជូនកងរាជអាវុធហត្ថស្រុកអន្លង់វែង

Sorn Phanith — Thu, 21 Jan 2021 06:31:06 +0000

វេលាម៉ោង៩.០០នាទីថ្ងៃទី២០ ខែមករា ឆ្នាំ២០២១ កម្លាំងមូលដ្ឋានកងរាជអាវុធហត្ថស្រុកអន្លង់វែង បានទទួលយកគ្រាប់៦០ម.ម(គ្មានគីប.គ្មានក្បាល) ចំនួន២៤គ្រាប់ពីប្រជាពលរដ្ឋ ឈ្មោះ នឿន សាវុធភេទប្រុសអាយុ៥០ឆ្នាំ មុខរបរធ្វើស្រែរស់នៅ ភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។ ដឹកនាំដោយលោកវរសេនីយ៍ទោ ងួន ទ្ធីរិទ្ធ មេបញ្ជាការ មូលដ្ឋានកងរាជអាវុធហត្ថ ស្រុកអន្លង់វែងបានយកគ្រាប់៦០ម.ម(គ្មានគីប.គ្មានក្បាល)ចំនួន២៤គ្រាប់ ដែលកំលាំងអ.ហស្រុកអន្លង់វែង

សមត្ថកិច្ចបន្តរថាគ្រប់ទាំងអស់ខាងលើពលរដ្ឋប្រទះឃើញនិង រើសបាននៅពេលកំពុងភ្ជួរដីនៅចំណុចជើងភ្នំដងរ៉ែក ក្នុង ភូមិសាមគ្គី ឃុំត្រពាំងប្រីយ៍ ស្រុកអន្លង់វែង កាលពីវេលាម៉ោង៧.០០នាទីថ្ងៃទី២០ ខែមករា ឆ្នាំ២០២១រួចក៏បានប្រគល់ឲ្យកងរាជអាវុធហត្ថ ស្រុកអន្លង់វែងហើយ កម្លាំងអាវុធហត្ថស្រុកអន្លង់វែងធ្វើការប្រគល់ជូនទៅលោកវរសេនីយ៍ទោ សៅ ពៅ នាយរងការិយាល័យហ្វឹកហ្វឺនយោធភូមិភាគ៤ ប្រចាំទិសទី២ តំណាង ឧត្ដមសេនីយ៍ ទោ សូរ្យ ណារ៉ា មេបញ្ជាការទិសទី២យោធភូមិភាគ៤ នៅទីបញ្ជាការ គណៈបញ្ជាការកងឯកភាពទិសទី២សមរភូមិមុខស្ថិតនៅក្នុង ភូមិអូរគគីលើ ឃុំលំទង ស្រុកអន្លង់វែង ខេត្តឧត្តរមានជ័យ ដើម្បីរក្សាទុក៕

អត្ថបទ៖ ចាន់ ធី

សូមចុចអាន៖ ដើមឆ្នាំ២០២១នេះ ករណីគ្រឿង ញៀននៅខេត្តតាកែវហាក់កំរើកឡើងវិញ

The post ពលរដ្ឋភ្ជួរស្រែប្រទះឃើញមីន២៤គ្រាប់ ប្រគល់ជូនកងរាជអាវុធហត្ថស្រុកអន្លង់វែង appeared first on Kampuchea Thmey Daily.

ប្រទះឃើញគ្រាប់កាំភ្លើងAK.៤៧ នៅដីដំបូកស្រែ ១,៤០២គ្រាប់

Sorn Phanith — Fri, 01 Jan 2021 08:47:00 +0000

គ្រាប់យុទ្ធភណ្ឌមិនទាន់ផ្ទុះប្រភេទគ្រាប់AK.៤៧ ចំនួន១,៤០២គ្រាប់ ប្រជាពលរដ្ឋកាយដីដំបូកស្រែប្រទះឃើញ បានយកមកប្រគល់ឲ្យនគរបាលប៉ុស្តិ៍រដ្ឋបាលយកទៅរក្សាទុក កាលពីថ្ងៃទី៣១ ខែធ្នូ ឆ្នាំ២០២០។

លោកវរសេនីយ៍ទោ ឈឿងន គឺមឈុន អធិការនគរបាលស្រុកថ្មពួក បានឲ្យដឹងថា មានប្រជាពលរដ្ឋ ឈ្មោះ ជុំ ជឿន ភេទប្រុស អាយុ៥៩ឆ្នាំ រស់នៅភូមិក្បាលក្របី ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ បានជួលគ្រឿងចក្រយកមក កាយដំបូកស្រែចម្ងាយប្រមាណ១,៥០០ម៉ែត្រ ស្រាប់តែបានប្រទះឃើញគ្រាប់AK.៤៧ ចំនួន១,៤០២គ្រាប់ នៅមានគុណភាពដែលបានកប់នាសម័យសង្គ្រាម។

លោកអធិការបានបញ្ជាក់ថា ប្រជាពលរដ្ឋឈ្មោះ ជុំ ជឿន ក៏បានប្រគល់គ្រាប់ទាំងនោះ មកឲ្យកម្លាំងនគរបាលប៉ុស្តិ៍រដ្ឋបាលឃុំបន្ទាយឆ្មារ ដើម្បីរក្សាទុកបញ្ចៀសការគ្រោះថ្នាក់ជាយថាហេតុនិងរង់ចាំប្រគល់ឲ្យអង្គភាពស៊ីម៉ាក់យកទៅកម្ទេចចោល ផងដែរ៕

អត្ថបទ៖ វ៉ាន់ ណាង

សូមចុចអាន៖ ឃាត់ខ្លួនអ្នកលក់៣នាក់ និងអ្នកប្រើប្រាស់២នាក់ ដកហូតថ្នាំញៀនជិត១គីឡូ

The post ប្រទះឃើញគ្រាប់កាំភ្លើងAK.៤៧ នៅដីដំបូកស្រែ ១,៤០២គ្រាប់ appeared first on Kampuchea Thmey Daily.

ប្រទះឃើញគ្រាប់ Archives - Kampuchea Thmey Daily

គ្រាប់យុទ្ធភណ្ឌមិនទាន់ផ្ទុះប្រភេទ MK-82 មួយគ្រាប់ ត្រូវបានពលរដ្ឋប្រទះឃើញនៅស្រុកប្រាសាទបល្ល័ង្ក

ប្រទះឃើញគ្រាប់មីន ១ គ្រាប់នៅមាត់ស្ទឹង​ ខណៈប្រជាជនវែកកន្លែងដាក់ទុយោបូមទឹក

ប្រទះ​ឃើញ​គ្រាប់​មីន​ជិត​១០០​គ្រាប់ ខណៈកំពុង​ស្ដារ​ប្រឡាយម័រ នៅ​ខណ្ឌដង្កោ​​

ព្រលឹងចុងសក់! គាស់​ដីធ្វើផ្លូវ​សុខៗ ប្រទះ​ឃើញគ្រាប់បែកមួយ ជាង​២០០​គីឡូ

ពលរដ្ឋ​ភ្ជួរស្រែ​ប្រទះឃើញ​មីន​២៤​គ្រាប់ ប្រគល់ជូន​កងរាជអាវុធហត្ថ​ស្រុក​អន្លង់វែង

​ប្រទះឃើញ​គ្រាប់កាំភ្លើង​AK.៤៧​ នៅ​ដីដំបូក​ស្រែ​​ ១,៤០២​គ្រាប់

ប្រទះឃើញគ្រាប់មីន ១ គ្រាប់នៅមាត់ស្ទឹង ខណៈប្រជាជនវែកកន្លែងដាក់ទុយោបូមទឹក

ប្រទះឃើញគ្រាប់មីនជិត១០០គ្រាប់ ខណៈកំពុងស្ដារប្រឡាយម័រ នៅខណ្ឌដង្កោ

ព្រលឹងចុងសក់! គាស់ដីធ្វើផ្លូវសុខៗ ប្រទះឃើញគ្រាប់បែកមួយ ជាង២០០គីឡូ

ពលរដ្ឋភ្ជួរស្រែប្រទះឃើញមីន២៤គ្រាប់ ប្រគល់ជូនកងរាជអាវុធហត្ថស្រុកអន្លង់វែង

ប្រទះឃើញគ្រាប់កាំភ្លើងAK.៤៧ នៅដីដំបូកស្រែ ១,៤០២គ្រាប់