ជូរី ល្អហួស បានរៀបរាប់ថា កាលដែលខ្លួនចូលរួមប្រកួតលើកនេះ គឺចូលរួមជាមួយបទពិសោធថ្មីៗបន្ថែមទៀត ដើម្បីឈានចូលដល់កម្មវិធីធំៗ នាថ្ងៃខាងមុខ និងអះអាងថា “កម្មវិធីនីមួយៗសុក្រឹតណាស់ អ្នកណាមានសមត្ថភាពខ្លាំង អ្នកនោះគឺជាឈ្នះ មិនមែនជាការចង្អុល ឬការចាប់ដាក់នោះទេ នាងខ្ញុំយកសមត្ថភាពទៅប្រកួត និងបទពិសោធរបស់នាងខ្ញុំជាច្រើន រួមទាំងការលើកទឹកចិត្តពីក្រុមគ្រួសារ ពុកម៉ែបងប្អូនប្រជាជនកម្ពុជា និងអ្នកគាំទ្រជាច្រើន”។ បេក្ខភាពបវរកញ្ញារូបនេះ បន្ថែមដោយសង្កត់ធ្ងន់ថា ខ្លួនមានសិទ្ធគ្រប់គ្រាន់ក្នុងការជ្រើសរើសកម្មវិធីដែលខ្លួនស្រលាញ់ និងចង់ចូលរួមប្រកួត ហើយការចូលរួមនោះ ក៏ពុំមែនជាការរៀបចំទុកមុននោះដែរ។

ជាមួយនឹងការលើកឡើងនេះ សាធារណជនដែលជាអ្នកគាំទ្រ បានផ្តល់ការលើកទឹកចិត្ត ទន្ទឹមនឹងក្តីជឿជាក់លើសមត្ថភាពរបស់យុវតីស្រស់សោភារូបនេះ ថាពិតជាបេក្ខភាពម្នាក់ដែលមានសមត្ថភាពពិតៗ ខណៈកន្លងមក តែងធ្វើបានល្អគ្រប់កម្មវិធីប្រកួត។

គួររំលឹកថា បេក្ខភាពបវរកញ្ញាវ័យក្មេងពេញសមត្ថភាពរូបនេះ ធ្លាប់ធ្វើឱ្យមហាជន ផ្ទុះការភ្ញាក់ផ្អើលជាមួយនឹងសមត្ថភាពរបស់ខ្លួនខ្លាំងបំផុត ក្នុងការប្រកួតកម្មវិធី The 3rd Junior Idol World 2024 នៅឯប្រទេសថៃ កាលពីថ្ងៃទី៣១ ខែមីនា ឆ្នាំ២០២៤ ដោយយកបានតំណែងម្ចាស់មកុដ Miss Preteen International 2024 តំណាងឱ្យកម្ពុជា។

មិនតែប៉ុណ្ណោះ យុវតីរូបនេះ ក៏ដណ្ដើមបានពានរង្វាន់ពិសេសៗជាច្រើនដូចជា Best Photogenic award, Best National costume award, Best Talent award, Best Interview award, People’s choice award, People’s choice award ទទួលបានមកុដមួយ, និង Junior Idol world 2024 ambassador award ។

គួរបញ្ជាក់ដែរថា ជូរី ល្អហួស ជាបេក្ខភាព Miss Teen & Miss Teen Icon Cambodia 2025 មានវ័យ ១៦ឆ្នា កំពស់ ១៦៧សង់ទីម៉ែត្រ ទម្ងន់ ៤២គីឡូក្រាម មានទីកន្លែងកំណើតនៅ ខេត្តព្រះវិហារ ឯទីលំនៅបច្ចុប្បន្ន គឺនៅរាជធានីភ្នំពេញ ៕

The post អ្នកគាំទ្របង្ហាញក្តីជឿជាក់លើសមត្ថភាព ល្អហួស ក្រោយបេក្ខភាពបវរកញ្ញានេះ លើកឡើងពីភាពសុក្រឹតនៃ MTC appeared first on Kampuchea Thmey Daily.