យោងតាមការចុះផ្សាយរបស់អាជ្ញាធរជាតិអប្សរានៅរសៀលថ្ងៃទី១០ ខែមីនា ទើបតែបានបង្ហាញនូវការរកឃើញរបស់ខ្លួនកាលពីថ្ងៃទី២ ខែកុម្ភៈ កន្លងទៅនូវដងខ្លួនពុទ្ធបដិមាមួយនេះ។ តាមការបញ្ជាក់គឺក្រោយពេលដែលយកទៅផ្ដុំជាមួយនឹងបំណែកដៃ និងប្រអប់ជើង ដែលរកឃើញកាលពីខែកក្កដា ឆ្នាំ២០២៤គឺត្រូវគ្នា១០០% ហើយអ្វីដែលកាន់តែភ្ញាក់ផ្អើលនិងរំភើបនោះបំណែកដងខ្លួននេះត្រូវគ្នាជាមួយព្រះសិរដែលមានចុះបញ្ជីលេខ DCA.6883-N139 រកឃើញនៅគោបុរៈខាងកើតទី៤នៃប្រាសាទតាព្រហ្ម ក្នុងឆ្នាំ១៩២៧ បច្ចុប្បន្នរក្សាទុកនៅអភិរក្សដ្ឋានអង្គរ។

អាជ្ញាធរអប្សរាបញ្ជាក់ថា៖ «ដូចនេះផ្នែកផ្សេងៗនៃពុទ្ធបដិមាខាងលើដែលបាក់បែក ត្រូវបានផ្គុំឡើងវិញស្ទើរតែពេញលេញទម្រង់ដើម។ ចំពោះផ្នែកដែលបាត់បង់ដែលស្វែងរកមិនទាន់ឃើញ គឺបាត់ព្រះសហ្តស្តាំតែប៉ុណ្ណោះ»។

សូមបញ្ជាក់ថា កិច្ចការកំណាយនេះធ្វើឡើងក្នុងគោលបំណងរៀបចំវត្ថុសិល្បៈក្នុងបរិវេណប្រាសាទតាព្រហ្ម ដោយសារតែមានរូបចម្លាក់ជាច្រើនបាននៅរាយប៉ាយតាមកំពែងឬក៏នៅក្នុងរោងទង៕

អត្ថបទដោយ ហ៊ុន​ សិរីវឌ្ឍន៍

The post ជិត១០០ឆ្នាំនៃការស្វែងរកទីបំផុតព្រះសិរពុទ្ធបដិមាមួយរកឃើញដងខ្លួនវិញហើយ appeared first on Kampuchea Thmey Daily.

ប្រធានគ្រប់គ្រងការដ្ឋានជួសជុលនៅប្រាសាទតាព្រហ្ម លោក Chitranjan Kumar បានឱ្យដឹងថា ការងារជួសជុលខ្លោងទ្វារខាងកើតរបស់ប្រាសាទតាព្រហ្ម គឺសម្រេចបានតួខ្លោងទ្វារ រួមទាំងស្លាបសងខាង និងរចនាសម្ព័ន្ធដំបូល។ បច្ចុប្បន្នក្រុមការងារជួសជុលបន្តចាប់ពីរចនាសម្ពន្ធចង្ការនៃផ្ទៃមុខព្រហ្មឡើងទៅលើបន្ថែមទៀត តាមថ្មចាស់ដែលនៅសេសសល់ ដើម្បីឱ្យខ្លោងទ្វារនេះមានរូបរាងដូចដើមឡើងវិញ។

ក្រុមការងារមានការត្រេកអរ ដែលអ្នកជំនាញអាយស៊ីស៊ី-អង្គរ និងសំបូរព្រៃគុក បានអនុញ្ញាត ហើយខ្លោងទ្វារទាំងមូលនឹងបង្ហាញរូបរាងពេញលេញតាមលំនាំដើមក្នុងពេលឆាប់ៗខាងមុខនេះ។

សូមបញ្ជាក់ថា គម្រោងជួសជុលខ្លោងទ្វារខាងកើតនៃប្រាសាទតាព្រហ្មនេះ បានចាប់ផ្ដើមជួសជុលកាលពីដើមឆ្នាំ២០២២ ហើយគ្រោងនឹងបញ្ចប់នៅចុងឆ្នាំ២០២៤ ខាងមុខ។ នៅមុនពេលជួសជុល ខ្លោងទ្វារខាងកើតនៃប្រាសាទតាព្រហ្ម មានសភាពទ្រុឌទ្រោមខ្លាំង គឺប្រាង្គកណ្ដាលផ្នែកខាងលើ និងថ្មដំបូលរលុះទាំងស្រុង គឺនៅសល់ផ្នែកខ្លះនៃស្លាបសងខាងប៉ុណ្ណោះ តែគ្មានលំនឹង ហែក ក្រៀកចេញពីគ្នាក្នុងស្ថានភាពហានិភ័យខ្ពស់៕

ដោយ៖ជុន កុសល

The post អ្នកជំនាញ បន្តជួសជុលរចនាសម្ព័ន្ធមុខព្រហ្មរបស់ខ្លោងទ្វារខាងកើតប្រាសាទតាព្រហ្ម appeared first on Kampuchea Thmey Daily.

ក្នុង​នោះ​អ្វី​ដែល​ពិសេស ​គឺ​ក្នុង​វីដេអូ​បទ​របស់​តារា​ចម្រៀង​អាមេរិក​វ័យ​៣៤​ឆ្នាំរូបនេះ​ បាន​រំលេច​​ប្លង់​ប្រាសាទ​បុរាណ​ខ្មែរ​ដ៏​ល្បី​ខ្ទរខ្ទារ​មួយ​គឺ​ប្រាសាទ​តា​ព្រហ្ម​ ​ដែលជាស្នា​ព្រះហស្ត​ព្រះ​បាទ​ជ័យ​វរ្ម័ន​ទី​៧​ ​ក្នុង​រមណីយដ្ឋាន​អង្គរ​ ស្ថិត​ក្នុង​ខេត្ត​សៀមរាប​ ប្រទេស​កម្ពុជា។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ថ្វីបើយ៉ាងនេះក្ដី តាមពិតទៅ Marjorie គឺ​ជា​ឈ្មោះ​របស់​លោក​យាយ​របស់​ Taylor Swift​ គឺ​លោក​ស្រី​ Marjorie Finlay ជា​អ្នក​ចម្រៀង​អូប៉េរ៉ា​របស់​អាមេរិក​ដ៏​លេច​ធ្លោ​មួយ​រូប​ ហើយ​លោក​ស្រី​ធ្លាប់​បាន​ទៅ​ទស្សនា​ប្រាសាទ​បុរាណ​ខ្មែរ​គឺ​ប្រាសាទ​តាព្រហ្ម​ កាល​ពី​សម័យ​មុន​សង្គ្រាម​ស៊ីវិល​នៅ​កម្ពុជា​​ នៅដើមពាក់កណ្តាលទសវត្សរ៍ឆ្នាំ ១៩៦០។

លើសពីនេះទៀតដែរ អាល់ប៊ុម evermore គឺជាការឧទ្ទិសដល់ជីដូនរបស់នាង Marjorie Finlay ដែលបានទទួលមរណភាពក្នុងឆ្នាំ ២០០៣ និងរួមបញ្ចូលទាំងការច្រៀងគាំទ្រពីជីដូន​ Taylor Swift ក្នុងដំណើរ​កម្សាន្តរបស់គាត់ទៅកាន់ប្រទេសកម្ពុជាមុនសម័យសង្គ្រាម។ អ្វីដែលធ្វើឲ្យផ្ទុះសារជាថ្មីម្ដងទៀតនោះគឺលោក​យាយ Marjorie ត្រូវ​បាន​គេ​ជឿថា​ជា​បុគ្គល​ដែល​ជាក់​ឥទ្ធិពល​បំផុត​ក្នុង​ជីវិត​របស់​ Taylor រហូត​ធ្វើឲ្យ​នាង​ក្លាយ​ជា​អ្នក​ចម្រៀង​ប៉ុប​ដ៏​ល្បីល្បាញ​លើ​ពិភពលោក​ដូច​សព្វ​ថ្ងៃ។

សូមជម្រាបជូនដែរថា លោកយាយ​ Marjorie Finlay កើត​នៅ​ថ្ងៃ​ទី​0៥ ខែ​តុលា​ ឆ្នាំ​១៩២៨​ និង​បាន​ស្លាប់​កាល​ពី​ឆ្នាំ​២០០៣ នៅ​ពេល​ដែល Taylor Swift មាន​អាយុ​១៤​ឆ្នាំ​ប៉ុណ្ណោះ។​ មរណភាពរបស់លោកយាយបានធ្វើឲ្យនាងមានការសោកស្ដាយ និងជាការបាត់បង់យ៉ាងធំធេងបំផុតក្នុងជីវិត។ ទើបក្រោយមក តារាប៉ុបរូបនេះបានសម្រេចនិពន្ធបទចម្រៀងដាក់ឈ្មោះយាយ ហើយឧទ្ទិសដល់គាត់ដែលបានចែកឋានអស់រយៈពេលជាយូរមកហើយ៕

សូមទស្សនាវីដេអូខាងក្រោម៖

អត្ថបទ៖ សាង ស្រីល័ក្ខ

ចុចអាន៖ទិនហ្វី យកកីឡាការិនីចាំទីចិនមួយរូប មកសម្ដែងក្នុងរឿង “បាល់ទាត់សៅលីង” វគ្គ២

The post ប្លង់ប្រាសាទតាព្រហ្ម លើកមុខមាត់បទចម្រៀង ៣ ឆ្នាំមុនរបស់ Taylor Swift ផ្ទុះល្បីម្ដងទៀត appeared first on Kampuchea Thmey Daily.

អាជ្ញាធរជាតិ​អប្សរាសហការ​ជា​មួយ​ស្ថាប័ន ASI របស់​​ឥណ្ឌា កំពុង​ធ្វើ​កំណាយ​ជួសជុល​ឡើង​វិញ​ខ្លោងទ្វារ​ខាង​ត្បូង​នៃ​ប្រាសាទ​តាព្រហ្ម ដែល​បាន​រង​ការ​ខូចខាត​ទ្រុឌទ្រោមខ្លាំង។

មុន​ពេល​ចាប់​ផ្តើម​ការងារ​ជួសជុល ស្ថាប័ន​ស្រាវជ្រាវ​បុរាណវិទ្យាឥណ្ឌា ( ASI ) ក៏​បាន​សិក្សាប្រមូល​ព័ត៌មាន​មុន​​ឈាន​ទៅដល់​ការ​រុះរើ​ជួសជុល​ខ្លោងទ្វារ​ខាង​ត្បូង​នៃ​ប្រាសាទតាព្រហ្ម។ លោក​ស្រី នេត ស៊ីមន អះអាង​ថា នេះ​គឺ​ជា​ដំណាក់កាល​នៃការ​ជួសជុល​ ដូច្នេះ​ក្រុម​ការងារ​បាន​រើថ្ម​នៅផ្ទៃខាងលើទាំងអស់ ដើម្បី​ចុះ​បញ្ជី​ថ្ម ត្រៀម​ជួស​ជុលពង្រឹងឡើងវិញ។

លោកស្រីបាន​សង្កត់​ធ្ងន់​ថា «ការងារ​កំណាយ​ស្រាវជ្រាវ​នេះ យើង​ធ្វើ​ឡើង​មាន​គោល​​បំណង​សំខាន់ ៣ រួម​មាន ទី​១. ស្វែង​រក​ថ្ម​ដែល​បាន​បាត់បង់ ទី២.សិក្សា​អំពី​ស្ថានភាព​គ្រឹះ​ខ្លោងទ្វារ ស្វែង​រក​មូលហេតុ​ដែល​ធ្វើ​ឱ្យ​ខ្លោង​ទ្វារ​បាក់​រលុះ​ទ្រុឌទ្រោម និង​ទី​៣. ដើម្បី​សិក្សា​អំពី​បច្ចេកទេស​នៃ​ការ​សាងសង់​របស់​ចាស់​បុរាណ ពីរចនាសម្ពន្ធ​គ្រឹះ​ខាង​ក្រោម​របស់ខ្លោងទ្វារ»។

ពាក់ព័ន្ធ​ការងារ​ធ្វើ​កំណាយ​ស្រាវជ្រាវ បាន​ចាប់​ផ្តើម​តាំង​ពី​ពាក់​កណ្ដាល​ខែ​ធ្នូ ឆ្នាំ​២០២៣ មាន​​រយៈ​ពេល​ជិត​ពីរ​ខែ​មក​​ហើយ។ បើតាមលោកស្រី នេត ស៊ីមន ក្រុម​ការងារ​ជីក​រណ្ដៅ​បាន​ចំនួន ៥ នៅ​ជុំ​វិញ​ខឿន​របស់​ខ្លោងទ្វារ ដោយ​បានជីករណ្តៅខ្លះ​មាន​ជម្រៅចន្លោះពី ៦០ ទៅ ៧០ សង់ទីម៉ែត្រ ដើម្បីស្វែងរកថ្ម ហើយ​ជា​លទ្ធផល​នៃ​កំណាយបានរក​ឃើញ​ថ្មបាយ​​ក្រៀម​ជិត ១០០ដុំ៕

​

The post កំណាយស្រាវជ្រាវខ្លោងទ្វារខាងត្បូងប្រាសាទ​តាព្រហ្ម លទ្ធផល​រក​ឃើញ​ថ្មបាយ​​ក្រៀម​ជិត ១០០ ដុំ appeared first on Kampuchea Thmey Daily.

ជាមួយគ្នានេះ លោកអ្នកស្រី នេត ស៊ីមន ជាបុរាណវិទូនៃនាយកដ្ឋានអភិរក្សប្រាសាទ និងបុរាណវិទ្យា របស់អាជ្ញាធរជាតិអប្សរា មានប្រសាសន៍ថា ក្រុមការងារបុរាណវិទ្យារបស់នាយដ្ឋានអភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា កំពុងធ្វើកំណាយស្រាវជ្រាវគ្រឹះក្លោងទ្វារខាងត្បូងរបស់ប្រាសាទតាព្រហ្ម ដើម្បីសិក្សាពីស្ថានភាពគ្រឹះឱ្យបានគ្រប់ជ្រុងជ្រោយ មុនឈានទៅដល់ការជួសជុល ដែលមានកិច្ចសហការរវាងអាជ្ញាធរជាតិអប្សរា និងស្ថាប័នស្រាវជ្រាវបុរាណវិទ្យាឥណ្ឌា(ASI) ដែលកំណាយស្រាវជ្រាវនេះ មានរយៈពេល៣ខែ ដោយចាប់ផ្ដើមពីពាក់កណ្ដាលខែធ្នូ ឆ្នាំ២០២៣ រហូតទៅដល់អំឡុងខែកុម្ភៈឆ្នាំ២០២៤ខាងមុខ។

 អ្នកកស្រីបន្តថា ការកំណាយស្រាវជ្រាវនៅក្លោងទ្វារខាងត្បូងនេះ មានគោលបំណង ៣គឺ៖ ទី១ ស្វែងរកថ្មរបស់សំណង់ដែលបាត់បង់ ទី២សិក្សាមើលស្ថានភាពរបស់គ្រឹះនៃខ្លោងទ្វារ និងចុងក្រោយគឺ សិក្សាស្វែងយល់ពីបច្ចេកទេសបុរាណរបៀបនៃការរៀបចំគ្រឹះសម័យបុរាណជាដើម ។

អ្នកស្រី នេត ស៊ីមន បន្តទៀតថា តាមលទ្ធផលដំណាក់កាលដំបូងនៅក្នុងរណ្តៅទី១ ដែលមានជម្រៅ៨០សង់ទីម៉ែត្រនោះ បានប្រទះឃើញដុំថ្មភក់ចំនួន៨ដុំ មានក្បាច់ និងអាចកំណត់អត្តសញ្ញាណជាថ្មកំពូលហោជាង និងផ្នែកផ្សេងៗទៀតរបស់ក្លោងទ្វារ ហើយកំណាយស្រាវជ្រាវរកឃើញនេះ គឺបន្ទាប់ពីក្រុមការងារបានរើគំនរថ្មភក់របស់ក្លោងទ្វារផ្នែកតួខាងលើដែលរលុះធ្លាក់មកគ្របលើរចនាសម្ព័ន្ធក្លោងទ្វារទាំងមូល យកទៅផ្គុំសាកល្បងដើម្បីសិក្សាស្វែងរកទីតាំងដើម៕

អត្ថបទ៖ ជុន កុសល

The post អាជ្ញាធរជាតិអប្សរា ធ្វើកំណាយស្រាវជ្រាវគ្រឹះក្លោងទ្វារខាងត្បូងនៃប្រាសាទតាព្រហ្ម ដើម្បីឈានទៅដល់ការជួសជុល appeared first on Kampuchea Thmey Daily.