ប្រេងឥន្ធនៈ Archives - Kampuchea Thmey Daily

កម្ពុជាចំណាយជាង ៦០០ លានដុល្លារនាំចូលប្រេងឥន្ធនៈក្នុងត្រីមាសទី១

deth leng — Fri, 24 Apr 2026 08:25:16 +0000

ប្រទេសកម្ពុជាបានចំណាយប្រាក់ប្រមាណ ៦២៤ លានដុល្លារ លើការនាំចូលប្រេងម៉ាស៊ូត និងប្រេងសាំងនៅក្នុងរយៈពេល ៣ ខែ ២០២៦ ដើម្បីផ្គត់ផ្គង់ការប្រើប្រាស់ក្នុងស្រុក។

យោងតាមទិន្នន័យរបស់ក្រសួងពាណិជ្ជកម្ម គិតចាប់ពីខែមករា ដល់ខែមីនា ២០២៦ ការនាំចូលប្រេងម៉ាស៊ូតមានតម្លៃប្រមាណ ៣៦៦ លានដុល្លារ កើនឡើង ៣៤ លានដុល្លារ ស្មើនឹង ១០,២៧% ចំណែកប្រេងសាំងមានតម្លៃប្រមាណ ២៥៨ លានដុល្លារ កើនឡើងជិត ៥០ លានដុល្លារ ស្មើនឹង ២៤%។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ប្រាប់កម្ពុជាថ្មីនៅថ្ងៃសុក្រទី ២៤ មេសា ២០២៦ថា កាលពីឆ្នាំមុនការនាំចូលប្រេងឥន្ធនៈមកកម្ពុជាមានការធ្លាក់ចុះ ប៉ុន្តែនៅដើមឆ្នាំនេះបានហក់ឡើង ដែលនេះជារឿងចៃដន្យមួយ ក្នុងពេលដែលផ្ទុះជម្លោះនៅមជ្ឍិមបូព៌ា ដែលក្រុមហ៊ុនប្រេងធំៗ របស់កម្ពុជាត្រូវមានស្តុកប្រេងដើម្បីរក្សាការផ្គត់ផ្គង់ប្រេង ទើបធ្វើឱ្យការនាំចូលប្រេងកើនឡើង។

អ្នកឧកញ៉ា លឹម ហេង យល់ឃើញថា៖ «តាមពិតការនាំចូលប្រេងរបស់យើងមានការថយចុះហើយ ដោយសារយើងប្រើជំនួសដោយថាមពលបៃតងអគ្គិសនី ដែលមាសហគ្រាសសឹងតែ ៦០% ដើរដោយអគ្គិសនី ខណៈយានយន្តមួយចំនួនយើងបានជំនួសដោយអគ្គិសនីហើយ ហើយអនាគតខ្ញុំសង្ឃឹមថាការនាំចូលប្រេងនឹងមានការថយចុះ»។

ក្រសួងពាណិជ្ជកម្មបានប្រកាសថា តម្លៃប្រេងម៉ាស៊ូតលក់រាយក្នុងស្រុកបានធ្លាក់ចុះ ៥៤០០ រៀល ក្នុងមួយលីត្រ ខណៈសាំងធម្មតាកើនឡើងបន្តិចដល់ ៥០០០ រៀល ក្នុងមួយលីត្រ ដែលនឹងអនុវត្តចាប់ពីថ្ងៃទី ២៤ មេសា ២០២៦ រហូតដល់ការប្រកាសជាថ្មី។

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ ការនាំចូលប្រេងរបស់កម្ពុជាមានតម្លៃ ១,៦៧ ពាន់លានដុល្លារ ធ្លាក់ចុះប្រមាណ ១១% ធៀបនឹងឆ្នាំ ២០២៤៕

អត្ថបទ៖ ឡេង ដេត

The post កម្ពុជាចំណាយជាង ៦០០ លានដុល្លារនាំចូលប្រេងឥន្ធនៈក្នុងត្រីមាសទី១ appeared first on Kampuchea Thmey Daily.

អ្នកជំនាញថាមពល៖ អឺរ៉ុបមានប្រេងឥន្ទនៈយន្តហោះត្រឹម៦សប្តាហ៍ទៀតប៉ុណ្ណោះ

Minea Neu — Fri, 17 Apr 2026 04:52:40 +0000

ប្រធានទីភ្នាក់ងារថាមពលអន្តរជាតិ (IEA) បានលើកឡើងកាលពីថ្ងៃព្រហស្បតិ៍ក្នុងបទសម្ភាសន៍ជាមួយភ្នាក់ងារសារព័ត៌មាន AP ថា អឺរ៉ុបនៅសល់ប្រេងឥន្ធនៈសម្រាប់យន្តហោះប្រហែល៦សប្តាហ៍ទៀតប៉ុណ្ណោះ ដោយព្រមានពីការលុបចោលជើងហោះហើរដែលអាចកើតមានក្នុងពេលឆាប់ៗនេះ ប្រសិនបើការផ្គត់ផ្គង់ប្រេងនៅតែរារាំងដោយសង្គ្រាមអ៊ីរ៉ង់។ នេះបើយោងតាមសារព័ត៌មាន ABC News ផ្សាយថ្ងៃទី១៦ ខែមេសា ឆ្នាំ២០២៦ ។

លោក Fatih Birol នាយកប្រតិបត្តិ IEA បានគូររូបភាពដ៏គួរឱ្យព្រួយបារម្ភពីផលវិបាកសកលដែលលោកហៅថា «វិបត្តិថាមពលដ៏ធំបំផុតដែលយើងមិនធ្លាប់ជួបប្រទះ» បណ្តាលមកពីការដាច់ការផ្គត់ផ្គង់ប្រេង ឧស្ម័ន ថាមពល តាមរយៈច្រកសមុទ្រ Hormuz ។

លោក Fatih Birol នាយកប្រតិបត្តិ IEA ។ រូបភាព៖ Reuters

លោកលើកឡើងថា៖ « កាលពីអតីតកាល មានក្រុមមួយ បានហៅ«ច្រកសមុទ្រដ៏ពិបាកធ្ងន់ធ្ងរ»។ ឥឡូវនេះ វាក៏ជាច្រកសមុទ្រដ៏លំបាកលំបិនមួយដែរ ហើយវានឹងមានផលប៉ះពាល់យ៉ាងធ្ងន់ធ្ងរចំពោះសេដ្ឋកិច្ចពិភពលោក។ ហើយបើវាចំណាយពេលកាន់តែយូរទៅ វានឹងកាន់តែអាក្រក់ទៅៗសម្រាប់កំណើនសេដ្ឋកិច្ច និងអតិផរណានៅជុំវិញពិភពលោក»។

លោក Birol ប្រាប់ AP ក្នុងការិយាល័យរបស់លោកនៅទីក្រុងប៉ារីសថា៖ « ផលប៉ះពាល់នឹងកើនឡើង ចំពោះតម្លៃប្រេងសាំង ឧស្ម័ន និងអគ្គិសនី»។

អ្នកសេដ្ឋកិច្ច និងអ្នកជំនាញថាមពលជនជាតិតួកគីដឹកនាំ IEA តាំងពីឆ្នាំ២០១៥ រូបនេះបន្តថា៖ « ការឈឺចាប់ផ្នែកសេដ្ឋកិច្ចនឹងមានអារម្មណ៍មិនស្មើគ្នាទេ ហើយប្រទេសរងទុក្ខវេទនាច្រើនជាងគេនឹងមិនមែនជាប្រទេសមានសំឡេងដែលគេស្តាប់ឮនោះទេ។ វានឹងជាប្រទេសកំពុងអភិវឌ្ឍន៍ជាចម្បង។ ប្រទេសក្រីក្រនៅអាស៊ី នៅអាហ្វ្រិក និងនៅអាមេរិកឡាទីន»។

លោកបន្ថែមថា៖ « ប៉ុន្តែបើគ្មានការដោះស្រាយសង្គ្រាមអ៊ីរ៉ង់ បើកច្រកសមុទ្រ Hormuz ឡើងវិញជាអចិន្ត្រៃយ៍ទេ មនុស្សគ្រប់គ្នានឹងរងទុក្ខវេទនា។ ប្រទេសមួយចំនួនអាចមានជាងប្រទេសដទៃទៀត។ ប្រទេសមួយចំនួនអាចមានថាមពលច្រើនជាងប្រទេសដទៃ ប៉ុន្តែគ្មានប្រទេសណាមួយដែលមានភាពស៊ាំនឹងវិបត្តិនេះទេ»។

លោកព្រមានថា បើគ្មានការបើកផ្លូវទឹកនេះ(Hormuz)ឡើងវិញទេ ផលិតផលដែលប្រើប្រាស់ប្រេងមួយចំនួនអាចនឹងរីងស្ងួត។ លោកថា៖ « នៅអឺរ៉ុបខ្ញុំអាចប្រាប់អ្នកឆាប់ៗនេះ! យើងនឹងឮដំណឹងថា ជើងហោះហើរមួយចំនួនពីទីក្រុង A ទៅទីក្រុង B អាចត្រូវបានលុបចោល ដោយសារតែខ្វះប្រេងឥន្ធនៈយន្តហោះ»៕

ប្រែសម្រួល៖ ណឺ មិនា

The post អ្នកជំនាញថាមពល៖ អឺរ៉ុបមានប្រេងឥន្ទនៈយន្តហោះត្រឹម៦សប្តាហ៍ទៀតប៉ុណ្ណោះ appeared first on Kampuchea Thmey Daily.

តម្លៃប្រេងលក់រាយដាំក្បាលចុះ ក្រោយបទឈប់បាញ់អាមេរិក-អ៊ីរ៉ង់

deth leng — Fri, 10 Apr 2026 01:15:15 +0000

តម្លៃប្រេងឥន្ធនៈលក់រាយក្នុងស្រុកបានធ្លាក់ចុះយ៉ាងគំហុកនៅថ្ងៃសុក្រនេះ បន្ទាប់ពីមានបទឈប់បាញ់រវាងសហរដ្ឋអាមេរិក និងអ៊ីរ៉ង់រយៈពេល ២ សប្ដាហ៍ ហើយទីក្រុងតេហេរ៉ង់ បានយល់ព្រមឯកភាពបើកច្រកសមុទ្រ Hormuz។

ក្រសួងពាណិជ្ជកម្មបានប្រកាសថា តម្លៃសាំងធម្មតាបានធ្លាក់ចុះ ៣០០ រៀល ក្នុងមួយលីត្រ ដោយលក់ចេញក្នុងតម្លៃ ៥២០០ រៀល ក្នុងមួយលីត្រ ធៀបនឹងការប្រកាសលើកមុន ខណៈប្រេងម៉ាស៊ូតបានធ្លាក់ ១៣០០ រៀល ដោយលក់ក្នុងតម្លៃ ៦៩០០ រៀល ក្នុងមួយលីត្រ។ តម្លៃនេះអនុវត្តចាប់ពីថ្ងៃទី ១០ ខែមេសា រហូតដល់ការជូនដំណឹងជាថ្មី។

រាជរដ្ឋាភិបាលបានបន្តដាក់ចេញវិធានការបញ្ចុះតម្លៃប្រេងឥន្ធនៈ ដើម្បីសម្រាលការលំបាករបស់ប្រជាពលរដ្ឋ ក្នុងពេលដែលតម្លៃប្រេងកើនឡើងនៅលើទីផ្សារអន្តរជាតិ។

វិធានការទាំងនោះរួមមាន៖

១. រាជរដ្ឋាភិបាលបន្តបញ្ចុះតម្លៃប្រេងចំនួន ៦,៥ សេនដុល្លារ ក្នុងមួយលីត្រ ដែលជាការជួយឧបត្ថម្ភផ្ទាល់របស់រាជរដ្ឋាភិបាលដើម្បីជួយបន្ធូរបន្ទុកប្រជាពលរដ្ឋក្នុងគ្រាលំបាក។

២. រាជរដ្ឋាភិបាលបន្តបញ្ចុះតម្លៃ១សេនដុល្លារ បន្ថែមទៀតក្នុងមួយលីត្រនៅពេលដែលប្រេងសាំងអន្តរជាតិកើនលើសពី៩០ដុល្លារ ក្នុង១បារ៉ែល និងប្រេងម៉ាស៊ូតអន្តរជាតិកើនលើសពី១០០ ដុល្លារក្នុង១បារ៉ែល។ ៣. រាជរដ្ឋាភិបាលបញ្ចុះពន្ធគយដល់សូន្យ ពោលគឺរដ្ឋមិនយកពន្ធនាំចូលប្រេងតែម្តង។

៣. ដោយផ្អែកតាមសភាពការណ៍ដែលតម្លៃប្រេងឥន្ទនៈបន្តកើនឡើងនៅលើទីផ្សារអន្តរជាតិ សម្តេចនាយករដ្ឋមន្ត្រីបានសម្រេចវិធានការបន្ថែមទៀតដោយបញ្ចុះអាករបន្ថែមលើប្រេងសាំង និងប្រេងម៉ាស៊ូតដល់ ០ (សូន្យ) ដុល្លារ។

៤. បញ្ចុះអាករពិសេសលើប្រេងម៉ាស៊ូតពី ៤% មក ០% និងបញ្ចុះអាករលើតម្លៃបន្ថែមប្រេងសាំង និងម៉ាស៊ូតពី ១០% មកត្រឹម ៤% ដោយរាជរដ្ឋាភិបាលជាអ្នកទទួលបន្ទុកជំនួសចំពោះអាករលើតម្លៃបន្ថែមចំនួន ៦% ដែលត្រូវបានកាត់ចេញ៕

The post តម្លៃប្រេងលក់រាយដាំក្បាលចុះ ក្រោយបទឈប់បាញ់អាមេរិក-អ៊ីរ៉ង់ appeared first on Kampuchea Thmey Daily.

តម្លៃប្រេងបន្តកើនឡើង ដោយសារសង្គ្រាមនៅតំបន់មជ្ឈិមបូព៌ា

deth leng — Tue, 07 Apr 2026 01:05:30 +0000

តម្លៃប្រេងឥន្ធនៈលក់រាយនៅតាមស្ថានីយបន្តកើនឡើងនៅថ្ងៃអង្គារទី ០៧ ខែមេសា ២០២៦ ក្នុងនោះប្រេងសាំងធម្មតាលក់ចេញក្នុងតម្លៃ ៥៥០០ រៀល ក្នុងមួយលីត្រ រក្សាតម្លៃនៅដដែល ចំណែកឯប្រេងម៉ាស៊ូតលក់ចេញក្នុងតម្លៃ ៨២០០ រៀល ក្នុងមួយលីត្រ កើនឡើង ១០០ រៀល ធៀបនឹងការប្រកាសពេលមុន។

ក្រសួងពាណិជ្ជកម្មបានប្រកាសថា តម្លៃខាងលើអនុវត្តចាប់ពីថ្ងៃទី០៧ មេសា រហូតដល់ការជូនដំណឹងថ្មី។ រាជរដ្ឋាភិបាលបានដាក់ចេញនូវវិធានការឧបត្ថម្ភធន និងបញ្ចុះពន្ធអាករផ្សេងៗ ដើម្បីឆ្លើយតបទៅនឹងនិន្នាការកើនឡើងថ្លៃប្រេងនៅលើទីផ្សារអន្តរជាតិ ព្រមទាំងជួយសម្រួលដល់ជីវភាពរបស់ប្រជាពលរដ្ឋ។

រដ្ឋាភិបាលបានបញ្ចុះតម្លៃប្រេងចំនួន ៦,៥ សេនដុល្លារ ក្នុងមួយលីត្រ, បញ្ចុះតម្លៃ១សេនដុល្លារ បន្ថែមទៀតក្នុងមួយលីត្រនៅពេលដែលប្រេងសាំងអន្តរជាតិកើនលើសពី៩០ដុល្លារ ក្នុង១បារ៉ែល និងប្រេងម៉ាស៊ូតអន្តរជាតិកើនលើសពី១០០ ដុល្លារក្នុង១បារ៉ែល, បញ្ចុះពន្ធនាំចូលដល់សូន្យ និងបញ្ចុះអាករលើតម្លៃបន្ថែមលើប្រេងសាំង និងប្រេងម៉ាស៊ូត ដល់សូន្យ។

បញ្ចុះអាករពិសេសលើប្រេងសាំងពី ៣០% មក ១៥% និងប្រេងម៉ាស៊ូតពី ៤% មក ០ និងបញ្ចុះអាករលើតម្លៃបន្ថែមលើប្រេងសាំងពី ១០% មក ៤% និងប្រេងម៉ាស៊ូតពី ១០% មកសូន្យ៕

The post តម្លៃប្រេងបន្តកើនឡើង ដោយសារសង្គ្រាមនៅតំបន់មជ្ឈិមបូព៌ា appeared first on Kampuchea Thmey Daily.

តម្លៃប្រេងម៉ាស៊ូតលក់រាយហក់ឡើងដល់ ៨១០០រៀល មួយលីត្រ

deth leng — Sat, 04 Apr 2026 00:18:29 +0000

តម្លៃប្រេងឥន្ធនៈលក់រាយនៅតាមស្ថានីយបន្តកើនឡើងខ្ពស់នៅថ្ងៃសៅរ៍ ទី ០៤ ខែមេសា ២០២៦ ក្នុងនោះប្រេងសាំងធម្មតាលក់ចេញក្នុងតម្លៃ ៥៥០០ រៀល ក្នុងមួយលីត្រ កើនឡើង ៥០ រៀល ប្រៀបធៀបការការប្រកាសរបស់ក្រសួងពាណិជ្ជកម្មលើកមុន ចំណែកឯប្រេងម៉ាស៊ូតមានតម្លៃ ៨១០០ រៀល ក្នុងមួយលីត្រ កើនឡើង ៦០០ រៀល។

ក្រសួងពាណិជ្ជកម្មបានប្រកាសថា តម្លៃខាងលើអនុវត្តចាប់ពីថ្ងៃទី០៤ ខែមេសា រហូតដល់ការជូនដំណឹងថ្មី។ រាជរដ្ឋា ភិបាល បន្តដាក់ចេញវិធានការបញ្ចុះតម្លៃប្រេងឥន្ធនៈ ដើម្បីសម្រាលការលំបាករបស់ប្រជាពលរដ្ឋ ក្នុងពេលដែលតម្លៃប្រេងកើនឡើងនៅលើទីផ្សារអន្តរជាតិ។

វិធានការទាំងនោះរួមមាន៖

The post តម្លៃប្រេងម៉ាស៊ូតលក់រាយហក់ឡើងដល់ ៨១០០រៀល មួយលីត្រ appeared first on Kampuchea Thmey Daily.

វិបត្តិប្រេង រុញច្រានឱ្យមានអតិផរណា និងប៉ះពាល់ដល់វិស័យទេសចរណ៍

deth leng — Fri, 03 Apr 2026 07:56:32 +0000

លោក ហួត ហាក់ រដ្ឋមន្ត្រីក្រសួងទេសចរណ៍បានលើកឡើងថា ស្ថានភាពសេដ្ឋកិច្ចពិភពលោក និងតំបន់មានការប្រែប្រួលយ៉ាងឆាប់រហ័ស ទៅកាន់ស្ថានភាពដ៏លំបាក ការកើនទ្បើងនៃថ្លៃដើមផលិតកម្មគ្រប់ប្រភេទ ដែលបានបណ្តាលមកពីវិបត្តិថាមពលជាសកលបានរុញច្រានឱ្យមានវិបត្តិអតិផរណានៃថ្លៃទំនិញ និងសេវាកម្មគ្រប់ប្រភេទ ដែលវិស័យទេសចរណ៍ក៏ទទួលរងផលប៉ះពាល់ដោយផ្ទាល់ផងដែរ ពិសេសទៅលើវិស័យធ្វើដំណើរ និងប្រតិបត្តិការសេវាកម្ម។

លោករដ្ឋមន្ត្រីក្រសួងទេសចរណ៍បានថ្លែងក្នុងពេល អញ្ជើញជាគណៈអធិបតីដឹកនាំកិច្ចប្រជុំក្រុមការងារផ្នែកទេសចរណ៍ (ក្រុម “ខ”) នៃវេទិការាជរដ្ឋាភិបាល-ផ្នែកឯកជន ដែលត្រូវបានចាត់ទុកថា ជាជំនួបដ៏មានសារសំខាន់ នៃយន្តការភាពជាដៃគូរវាងរដ្ឋ និងឯកជននៃវិស័យទេសចរណ៍ ដើម្បីរួមគ្នាដោះស្រាយបញ្ហាប្រឈមចំពោះមុខ ឆ្លើយតបនឹងសំណូមពរនានា និងដាក់ចេញវិធានការគន្លឹះសំខាន់ៗ សំដៅធានាភាពធន់នៃវិស័យទេសចរណ៍កម្ពុជា។

កិច្ចប្រជុំដ៏មានសារៈសំខាន់នេះ មានការអញ្ជើញចូលរួមពីឧកញ៉ា លូ ម៉េង សហប្រធានក្រុមការងារផ្នែកទេសចរណ៍ (ក្រុម «ខ»), តំណាងក្រសួង ស្ថាប័នពាក់ព័ន្ធ និងថ្នាក់ដឹកនាំក្រសួងទេសចរណ៍។

លោករដ្ឋមន្ត្រី បានថ្លែងបន្ថែមថា រាជរដ្ឋាភិបាលកម្ពុជាក៏បានដាក់ចេញនូវវិធានការអន្តរាគមន៍ជាបន្តបន្ទាប់ ដើម្បីធានាការផ្តត់ផ្គង់ប្រេងឥន្ធនៈឱ្យបានគ្រប់គ្រាន់ ទប់តម្លៃមិនឱ្យហក់ទ្បើងខ្ពស់តាមរយៈគោលនយោបាយអនុគ្រោះពន្ធគយ ការធ្វើឧបត្ថម្ភធនទៅលើផ្នែកអគ្គិសនី ការអនុវត្តគោលនយោបាយពន្ធអាករដែលមានភាពបទបែនខ្ពស់ជាដើម។

លោករដ្ឋមន្ត្រី ក៏បានស្នើផ្នែកឯកជនក្នុងវិស័យទេសចរណ៍ទាំងអស់ឱ្យមានអត់ធ្មត់ និងចូលរួមជាមួយក្រសួងទេសចរណ៍ក្នុងស្មារតីខ្មែរតែមួយ និងមហាគ្រួសារវិស័យទេសចរណ៍ ដើម្បីរក្សាឱ្យបាននូវភាពធន់នៃវិស័យទេសចរណ៍កម្ពុជា និងរួមគ្នាឆ្លងគ្រាវិបត្តិដ៏លំបាកនេះ៕

The post វិបត្តិប្រេង រុញច្រានឱ្យមានអតិផរណា និងប៉ះពាល់ដល់វិស័យទេសចរណ៍ appeared first on Kampuchea Thmey Daily.

តម្លៃប្រេងលក់រាយ កើនឡើងខ្ពស់នៅថ្ងៃនេះ

deth leng — Wed, 01 Apr 2026 00:58:59 +0000

តម្លៃប្រេងឥន្ធនៈលក់រាយនៅតាមស្ថានីយបន្តកើនឡើងខ្ពស់នៅថ្ងៃចន្ទ ទី ០១ មេសា ២០២៦ ក្នុងនោះប្រេងសាំងធម្មតាលក់ចេញក្នុងតម្លៃ ៥៤៥០ រៀល ក្នុងមួយលីត្រ កើនឡើង ៤៥០ រៀល ប្រៀបធៀបការការប្រកាសរបស់ក្រសួងពាណិជ្ជកម្មលើកមុន ចំណែកឯប្រេងម៉ាស៊ូត បានកើនដល់ ៧៥០០ រៀល ក្នុងមួយលីត្រ។

ក្រសួងពាណិជ្ជកម្មបានប្រកាសថា តម្លៃខាងលើអនុវត្តចាប់ពីថ្ងៃទី០១ ខែមេសា រហូតដល់ការជូនដំណឹងថ្មី។ រាជរដ្ឋា ភិបាល បន្តដាក់ចេញវិធានការបញ្ចុះតម្លៃប្រេងឥន្ធនៈ ដើម្បីសម្រាលការលំបាករបស់ប្រជាពលរដ្ឋ ក្នុងពេលដែលតម្លៃប្រេងកើនឡើងនៅលើទីផ្សារអន្តរជាតិ។

វិធានការទាំងនោះរួមមាន៖

៤. បញ្ចុះអាករពិសេសលើប្រេងម៉ាស៊ូតពី ៤% មក ០% និងបញ្ចុះអាករលើតម្លៃបន្ថែមប្រេងសាំងនិងម៉ាស៊ូតពី ១០% មកត្រឹម ៤% ដោយរាជរដ្ឋាភិបាលជាអ្នកទទួលបន្ទុកជំនួសចំពោះអាករលើតម្លៃបន្ថែមចំនួន ៦% ដែលត្រូវបានកាត់ចេញ៕

The post តម្លៃប្រេងលក់រាយ កើនឡើងខ្ពស់នៅថ្ងៃនេះ appeared first on Kampuchea Thmey Daily.

រដ្ឋមន្ត្រីក្រសួងរ៉ែអះអាង ប្រេង និងឧស្ម័ន បន្តនាំចូលកម្ពុជា ទោះបីស្ថានភាពមជ្ឈិមបូព៌ាកំពុងតានតឹង

deth leng — Mon, 30 Mar 2026 09:17:14 +0000

លោក កែវ រតនៈ រដ្ឋមន្ត្រីមន្ត្រីក្រសួងរ៉ែ និងថាមពល បានប្រាប់ឱ្យដឹងថា ស្ថានការណ៍នៃសង្គ្រាមនៅតំបន់មជ្ឈិមបូព៌ាបានជះឥទ្ធិពលខ្លាំងក្លាលើការនាំចូល និងការបញ្ជាទិញប្រេងឥន្ធនៈ និងឧស្ម័នមកកម្ពុជា។

ទោះបីជាយ៉ាងណាក៏ដោយ រាជរដ្ឋាភិបាលបាននឹងកំពុងខិតខំស្វែងរកដំណោះស្រាយ តាមរយៈការដាក់ចេញនូវគោលការណ៍នានា ដើម្បីគាំទ្រដល់ដៃគូសំខាន់ៗ ដែលជាក្រុមហ៊ុនវិនិយោគទាំងក្នុង និងក្រៅប្រទេស សំដៅធានាការផ្គត់ផ្គង់សម្រាប់អ្នកប្រើប្រាស់។

លោករដ្ឋមន្ត្រីអះអាងបែបនេះ ក្នុងពេលចុះជួបជាមួយតំណាងក្រុមហ៊ុនតេលា នៅខេត្តព្រះសីហហនុ នៅព្រឹកថ្ងៃទី ៣០ ខែមីនា ២០២៦។

លោក កែវ រតនៈ បាលើកឡើងថា ពិភពលោកកំពុងតែជ្រួលច្របល់រឿងបញ្ហាប្រេងបង្កចេញពីជម្លោះនៅមជ្ឈិមបូព៌ា ខណៈនៅតំបន់អាស៊ី រងផលប៉ះពាល់ធ្ងន់ធ្ងរ ដោយសារច្រកសមុទ្រ Hormuz ដែលរាំងស្ទះដោយសង្គ្រាមគឺ ៨៤% ប្រេង និងឧស្ម័ននាំចេញពីច្រកនោះ មកតំបន់អាស៊ី។ តំបន់អាស៊ីកំពុងប្រឈមបញ្ហាខ្លាំង ដោយសារការបិទច្រកសមុទ្រ Hormuz។

ក្នុងពេលទស្សនាស្ថានីយបូមប្រេង និងឧស្ម័នរបស់ក្រុមហ៊ុនតេលា នៅខេត្តព្រះសីហនុ លោក កែវ រតនៈ បានបញ្ជាក់ថា នៅថ្ងៃនេះមានកប៉ាល់ដឹកឧស្ម័ន LPG មានចំណុះ ៣៤០០ តោន ចូលមកបង្គ្រប់ការផ្គត់ផ្គង់នៅកម្ពុជា។

លោក កែវ រតនៈបន្ថែមថា៖ «ក្នុងស្ថានភាពដ៏លំបាកនេះ ក្រុមហ៊ុនខិតខំអស់លទ្ធភាព ដើម្បីស្វែងរកប្រភពផ្គត់ផ្គង់មកកម្ពុជា ហើយការស្វែងរកប្រភពនេះ មិនថាប្រេងសាំង ប្រេងម៉ាស៊ូត ឬក៏ឧស្ម័ន LPG សុទ្ធតែដណ្ដើមគ្នាទិញ ដោយសារខ្វះគ្រប់កន្លែង មិនមែនមានន័យថា មានលុយដើរទៅកាម៉ង់ទិញបានទេ ក្នុងសភាពការលំបាកនេះ គឺថា មានលុយបញ្ជាទិញហើយ វាអត់មានផលិតផលឱ្យយើងទៀត»។

ផលិតផលតឹងតែងជាងគេមាន២ ប្រភេទ គឺប្រេងម៉ាស៊ូត និងឧស្ម័ន LPG ខណៈមានប្រទេស កម្ពុជា វៀតណាម បង់ក្លាដេស ស្រីលង្កា ឥណ្ឌា ប្រឈមនឹងការខ្វះ ឧស្ម័ន LPG ជាចម្បង។

ថ្ងៃនេះ មានកប៉ាល់ថ្មីមួយនាំចូលឧស្ម័ន LPG មក គឺមួយក្នុងចំណោមជើង ទាំង ៥ ដែលត្រូវរកចូលប្រចាំខែ ហើយការយក ៤ ឬ ៥ ជើង មួយខែនេះ គឺមិនទាន់អាចឆ្លើយតបទៅនឹងតម្រូវការនៅកម្ពុជាបានទេ។

លោក កែវ រតនៈ បន្ថែមថា បើករណីធម្មតា ក្រុមហ៊ុនតេលា ផ្គត់ផ្គង់ដល់ទៅ ៧ ជើងក្នុងមួយខែ។ ប៉ុន្តែក្នុងស្ថានភាពលំបាកនេះរក ៨ ជើងអត់បានទេ ដោយសារក្នុងតំបន់នេះ ទីផ្សារតឹងតែងខ្លាំងណាស់។

លោក កែវ រតនៈ បន្តអំពាវនាវឱ្យប្រជាពលរដ្ឋចូលរួមសន្សំសំចៃប្រេងឥន្ធនៈ ខណៈរាជរដ្ឋាភិបាលកំពុងធ្វើការជាមួយដៃគូសំខាន់ៗទាំងក្នុងស្រុក និងក្រៅស្រុក ដើម្បីធានាថាយើងនៅតែមានប្រេង និងឧស្ម័នមកផ្គត់ផ្គង់ក្នុងស្រុក។

បើតាមលោករដ្ឋមន្ត្រី សភាពការណ៍មិនទាន់ធូរស្រាលនោះទេ ខណៈការព្យាករមិនទាន់ប្រាកដប្រជា ដោយសារស្ថានការសង្គ្រាមនៅតំបន់មជ្ឈិមបូព៌ា មិនទាន់មានសញ្ញាបញ្ចប់នោះទេ។

លោក កែវ រតនៈ លើកឧទាហរណ៍ថា បើសិនជាផ្ទះមួយមានឡានសាំង១ និងឡានម៉ាស៊ូត១ បើអញ្ចឹងសភាពការបច្ចុប្បន្ននេះ គឺជួយប្រើឡានសាំង ទុកម៉ាស៊ូតបន្ដិច ប្រសិនបើអាចធ្វើទៅបាន។ ហើយបើមានចង្ក្រាន្តឧស្ម័ន LPG ហើយអាចទិញចង្ក្រាន្តអគ្គិសនី ទៅប្រើអគ្គិសនីវិញ៕

អត្ថបទ៖ ឡេង ដេត

The post រដ្ឋមន្ត្រីក្រសួងរ៉ែអះអាង ប្រេង និងឧស្ម័ន បន្តនាំចូលកម្ពុជា ទោះបីស្ថានភាពមជ្ឈិមបូព៌ាកំពុងតានតឹង appeared first on Kampuchea Thmey Daily.

ប្រេងឥន្ធនៈ Archives - Kampuchea Thmey Daily

​កម្ពុជាចំណាយជាង ​៦០០ ​លានដុល្លារនាំចូលប្រេងឥន្ធនៈក្នុងត្រីមាសទី១

អ្ន​ក​ជំនាញ​ថាម​ពល​៖ អឺរ៉ុបមាន​​ប្រេង​ឥន្ទនៈ​​យន្តហោះ​​ត្រឹម​​​​​៦​សប្តាហ៍​ទៀតប៉ុណ្ណោះ​

​តម្លៃ​ប្រេង​លក់រាយ​ដាំក្បាលចុះ ​ក្រោយ​បទ​ឈប់​បាញ់​អាមេរិក-អ៊ីរ៉ង់​

​តម្លៃប្រេង​​​បន្តកើនឡើង​ ដោយសារសង្គ្រាមនៅតំបន់មជ្ឈិមបូព៌ា

​តម្លៃប្រេងម៉ាស៊ូត​លក់រាយ​ហក់​ឡើង​ដល់​ ៨១០០​រៀល ​មួយលីត្រ​

​វិបត្តិប្រេង ​រុញច្រានឱ្យមានអតិផរណា និងប៉ះពាល់ដល់វិស័យទេសចរណ៍

តម្លៃ​ប្រេង​លក់រាយ​ កើន​ឡើង​ខ្ពស់​នៅ​ថ្ងៃ​នេះ​

រដ្ឋមន្ត្រីក្រសួងរ៉ែអះអាង ប្រេង និងឧស្ម័ន បន្តនាំចូលកម្ពុជា ទោះបីស្ថានភាពមជ្ឈិមបូព៌ាកំពុងតានតឹង

កម្ពុជាចំណាយជាង ៦០០ លានដុល្លារនាំចូលប្រេងឥន្ធនៈក្នុងត្រីមាសទី១

អ្នកជំនាញថាមពល៖ អឺរ៉ុបមានប្រេងឥន្ទនៈយន្តហោះត្រឹម៦សប្តាហ៍ទៀតប៉ុណ្ណោះ

តម្លៃប្រេងលក់រាយដាំក្បាលចុះ ក្រោយបទឈប់បាញ់អាមេរិក-អ៊ីរ៉ង់

តម្លៃប្រេងបន្តកើនឡើង ដោយសារសង្គ្រាមនៅតំបន់មជ្ឈិមបូព៌ា

តម្លៃប្រេងម៉ាស៊ូតលក់រាយហក់ឡើងដល់ ៨១០០រៀល មួយលីត្រ

វិបត្តិប្រេង រុញច្រានឱ្យមានអតិផរណា និងប៉ះពាល់ដល់វិស័យទេសចរណ៍

តម្លៃប្រេងលក់រាយ កើនឡើងខ្ពស់នៅថ្ងៃនេះ