យោងតាមកាសែត The Nation នៅថ្ងៃដដែលនោះបានផ្សាយថា ក្រុមហ៊ុនមានគម្រោងបំផ្លាញផលិតផលដែលប្រមូលបាន ចំនួន ២០០,០០០ ដប ដែលមានការបំពុលក្រោមការត្រួតពិនិត្យរបស់ FDA នៅថ្ងៃទី៤ ខែវិច្ឆិកាខាងមុខ ហើយនឹងសងប្រាក់វិញ ឬការជំនួសដល់អតិថិជនដែលរងផលប៉ះពាល់។ ជាងនេះទៀត ក្រុមហ៊ុនក៏បានប្រកាសថា ខ្លួននឹងរឹតបន្តឹងនីតិវិធីសុវត្ថិភាព រួមទាំងការបន្ថែមការសម្លាប់មេរោគដោយអ៊ុលត្រាវីយូឡេក្នុងអំឡុងពេលផលិត។

ថ្វីដ្បិតតែក្រុមហ៊ុនប្រេងកូឡា Hong Thai បានប្រកាសទទួលខុសត្រូវចំពោះអតិថិជនក៏ពិតមែន ប៉ុន្តែនៅប្រទេសវៀតណាម ប្រេងកូឡានិងបំពងហឺតក្រោមយីហោមួយនេះ គឺទទួលបានប្រជាប្រិយភាពខ្លាំងនៅលើវេទិកាពាណិជ្ជកម្មអេឡិចត្រូនិក ដោយអ្នកលក់មួយចំនួនរាយការណ៍ពីការលក់ខ្ពស់មិនធ្លាប់មាន ពោលគឺពួកគេមានទំនោរប្រើប្រាស់តាមតារាចម្រៀង Lisa សមាជិកក្រុម BlackPink ។

កត្តាទាំំងនេះហើយ ដែលបានធ្វើឲ្យប្រទេសវៀតណាមដាក់ក្ដីបារម្ភសុខភាពពលរដ្ធខ្លួន បន្ទាប់ពី FDA ថៃ បាននិយាយកាលពីថ្ងៃអង្គារបន្ថែមទៀតថា លទ្ធផលតេស្តបានបង្ហាញថា ផលិតផលនេះ មិនបានបំពេញតាមស្តង់ដារគុណភាពក្នុងការធ្វើតេស្តការចម្លងមេរោគមីក្រូសរីរាង្គទេ ដោយកម្រិតលើសពីដែនកំណត់ដែលអនុញ្ញាត។ វាក៏មានផ្ទុកបាក់តេរីក្លូស្ទ្រីដ្យូម (clostridium ) ដែលវាមានសមត្ថភាពរស់រានមានជីវិតនៅក្នុងបរិស្ថានដូចជាដី ឬបំពង់រំលាយអាហារ។ វារួមបញ្ចូលទាំងភ្នាក់ងារដែលអាចបណ្តាលឲ្យមានជំងឺតេតាណូស និងជំងឺបូទូលីស (Botulism) ផងដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ឆ្មក់ចូលទីតាំងលួចផលិតប្រេងកូឡា ថៃ មួយកន្លែង ក្រោយរកឃើញសារធាតុពុលនាំឲ្យខូចសួត

The post វៀតណាម ព្រួយបារម្ភសុខភាពពលរដ្ធ ក្រោយប្រេងកូឡាថៃផ្ទុកសារធាតុពុល ដាក់លក់ព្រោងព្រាត appeared first on Kampuchea Thmey Daily.

តាមសារព័ត៌មាន thethaiger FDA បានប្រមូលគំរូប្រេងកូឡាយីហោ Hong Thai Herbal Inhalerផលិតឡើងតាមរូបមន្តទី២ ពីរោងចក្រផលិតផលិតផលឱសថ Hong Thai Panich ដែលមានទីតាំងផលិតក្នុងប្រទេសថៃផ្ទាល់តែម្ដង។

គំរូទាំងនោះត្រូវបានបញ្ជូនទៅវិភាគនៅមន្ទីរពិសោធន៍ នៅឯនាយកដ្ឋានវិទ្យាសាស្ត្រវេជ្ជសាស្ត្រ។ លទ្ធផលនៃការវិភាគបានបង្ហាញថា ផលិតផលឱសថជួយបំបាត់អាការធីងធោង វិលមុខ និងឈឺក្បាលនេះ មិនបានបំពេញតាមស្តង់ដារសម្រាប់ការធ្វើតេស្តការចម្លងមេរោគ សម្រាប់ចំនួនសរុបនៃមេរោគអេរ៉ូប៊ីកមីក្រូប៊ីល (Aerobic Microbial) ចំនួនសរុបនៃដំបែ និងផ្សិត ព្រមទាំងសារធាតុ Clostridium spp ។

ដោយយោងតាមសេចក្តីប្រកាសរបស់ក្រសួងសុខាភិបាលសាធារណៈស្តីពីស្តង់ដារ តម្លៃភាពបរិសុទ្ធ ឬលក្ខណៈផ្សេងទៀតដែលសំខាន់ចំពោះគុណភាពសម្រាប់រូបមន្តផលិតផលឱសថដែលបានចុះបញ្ជីជូនដំណឹងកាលឆ្នាំ ២០២១ ដូចដែលបានរាយការណ៍ពីមុន។ ហេតុដូច្នេះហើយ ដើម្បីការពារអ្នកប្រើប្រាស់ FDA ត្រូវតែប្រកាសដំណឹងដល់សាធារណជនដោយចាត់ទុកប្រេងកូឡានេះ មានគ្រោះថ្នាក់ដល់សុខភាព និងពុំបានត្រួតពិនិត្យតាមស្ដង់ដារត្រឹមត្រូវឡើយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

Jom Phalang ប្រមូលអស់ពីខ្លួនសង Nawat ក្រោយមេ MGI សួរច្រំដែររឿងលុយមូលនិធិ

The post FDA ថៃ ចេញការ​​ព្រមាន ក្រោយរកឃើញប្រេងកូឡា អាចប៉ះពាល់ដល់សុខភាពអ្នកប្រើ appeared first on Kampuchea Thmey Daily.

គួរបញ្ជាក់ថា កាលពីថ្ងៃទី១៤ ខែតុលា ឆ្នាំ២០២៥ រដ្ឋបាលសុវត្ថិភាពម្ហូបអាហារវៀតណាម (VFA) បានចេញសេចក្តីជូនដំណឹង តាមប្រព័ន្ធអនឡាញ ស្ដីពីការរកឃើញ ក្រុមហ៊ុន GF Vietnam Food Co., Ltd. ដែលមានអាសយដ្ឋាននៅ ភូមិ Yen Phu ឃុំ Nguyen Van Linh ខេត្ត Hung Yen បានផលិត និងជួញដូរផលិតផលប្រេងឆាមួយចំនួនមានម៉ាក CHICA,TAMIN GOLD, GOLDMAX, TOT និងម៉ាក MEGAFOOD ដែលមានគុណភាពអន់ ជាទំនិញក្លែងក្លាយ ហើយបានចែកចាយទៅកាន់ខេត្ត-ក្រុងជាច្រើននៅទូទាំងប្រទេសវៀតណាម។

ក្រោយពីទទួលបានការជូនដំណឹង មន្ត្រីជំនាញនៃអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ថា ក ប ប នៃប្រទេសកម្ពុជា ចាប់ពីតាំងពីថ្ងៃទី១៨ រហូតមកថ្ងៃទី២០ ខែតុលា ឆ្នាំ២០២៥ បានបើកប្រតិបត្តិការចុះស្វែងរកផលិតផលប្រេងឆាទាំងនេះនៅតាមបណ្ដារាជធានី ខេត្តគោលដៅមួយចំនួនដូចជារាជធានីភ្នំពេញ ខេត្តកំពង់ស្ពឺ ខេត្តស្វាយរៀង ខេត្តកណ្ដាល ខេត្តរតនគិរី ខេត្តមណ្ឌលគិរី ខេត្តប៉ៃលិន ខេត្តកំពង់ធំ ខេត្តកំពត និងខេត្តស្វាយរៀង នៅតាមផ្សាររដ្ឋ ផ្សារឯកជន តូបលក់ទំនិញ ម៉ាត ខណៈការចុះពិនិត្យកាលពីថ្ងៃទី១៨ និងថ្ងៃទី១៩តុលា បានធ្វើឡើងចំនួន១០៧ទីតាំងរួចមកហើយ។

ទោះបីយ៉ាងណា ការចុះត្រួតពិនិត្យស្វែងរកផលិតផលប្រេងឆាក្លែងក្លាយរបស់ក្រុមហ៊ុនវៀតណាមដោយមន្ត្រីជំនាញ ក ប​ ប រហូតមកដល់ថ្ងៃទី២០ ខែតុលា មន្ត្រីជំនាញនៅមិនទាន់រកឃើញផលិតផលក្លែងក្លាយទាំងនេះនៅលើទីផ្សារកម្ពុជានៅឡើយទេ ហើយមន្ត្រីជំនាញនៅតែអំពាវនាវឲ្យប្រជាពលរដ្ឋបង្កើនការប្រុងប្រយ័ត្ន កុំទិញ លក់ ឬប្រើប្រាស់ផលិតផលប្រេងឆាដែលមានម៉ាកខាងលើ និងក្នុងករណីបើប្រទះឃើញ សូមធ្វើការទំនាក់ទំនងតាមរយៈ CCF Complaint App, លេខទូរសព្ទ ១២៦៦ ដើម្បីមានវិធានការតាមនីតិវិធី ឱ្យបានទាន់ពេលវេលា៕

អត្ថបទ៖ សុខុម

The post មន្ត្រីជំនាញនៅមិនទាន់រកឃើញប្រេងឆាក្លែងក្លាយ​​របស់ក្រុមហ៊ុនវៀតណាមនៅលើទីផ្សារកម្ពុជានៅឡើយ appeared first on Kampuchea Thmey Daily.

ការចុះស្វែងរកផលិតផលប្រេងឆាក្លែងក្លាយរបស់ក្រុមហ៊ុនវៀតណាមនេះ ធ្វើឡើងដោយយោងលើសេចក្តីជូនដំណឹង តាមប្រព័ន្ធអនឡាញ របស់រដ្ឋបាលសុវត្ថិភាពម្ហូបអាហារ វៀតណាម (VFA) ចុះផ្សាយថ្ងៃទី១៤ ខែតុលា ឆ្នាំ២០២៥ ដែលបានរកឃើញ ក្រុមហ៊ុន GF Vietnam Food Co., Ltd. មានអាសយដ្ឋាន ភូមិ Yen Phu ឃុំ Nguyen Van Linh ខេត្ត Hung Yen បានផលិត និងជួញដូរផលិតផលប្រេងឆាម៉ាក CHICA,TAMIN GOLD, GOLDMAX, TOT និងម៉ាក MEGAFOOD ដែលមានគុណភាពអន់ ជាទំនិញក្លែងក្លាយ ហើយបានចែកចាយទៅកាន់ខេត្ត-ក្រុងជាច្រើននៅទូទាំងប្រទេសវៀតណាម។

តាមមន្ត្រីជំនាញ ក្នុងប្រតិបត្តិការចុះពិនិត្យពីរថ្ងៃមកនេះ ក ប ប បានចុះពិនិត្យនៅតាមបណ្ដាលផ្សារគោលដៅមួយចំនួនដូចជានៅរាជធានីភ្នំពេញ ខេត្តកំពង់ស្ពឺ ខេត្តស្វាយរៀង ខេត្តកណ្ដាល និងខេត្តរតនគិរី តាមបណ្ដាផ្សាររដ្ឋ ផ្សារឯកជន តូបលក់ទំនិញ ម៉ាត ដោយមានការចូលរួមពីមន្រ្តីនៃមន្ទីរពាណិជ្ជកម្ម និងគណៈកម្មការផ្សារ បានចំនួន១០៧ ទីតាំង។

ជាលទ្ធផល មន្រ្តី ក.ប.ប. មិនទាន់បានរកឃើញផលិតផលប្រេងឆាក្លែងក្លាយទាំង ៥ម៉ាក ដែលប្រកាសដោយអាជ្ញាធរសុវត្ថិភាពម្ហូបអាហារវៀតណាម នៅឡើយទេ។ មន្រ្តី ក.ប.ប. សហការជាមួយមន្រ្តីនៃអង្គភាពពាក់ព័ន្ធ នឹងបន្តស៊ើបអង្កេត ស្រាវជ្រាវ ស្វែងរក និងមានវិធានការយ៉ាងម៉ឺងម៉ាត់ចំពោះផលិតផលក្លែងក្លាយទាំងនេះ ដើម្បីការពារសុខភាព និងផលប្រយោជន៍អ្នកប្រើប្រាស់។

ទន្ទឹមនឹងនេះ អគ្គនាយកដ្ឋាន ក.ប.ប. នៃក្រសួងពាណិជ្ជកម្ម ក៏បានអំពាវនាវដល់ប្រជាពលរដ្ឋបង្កើនការប្រុងប្រយ័ត្ន កុំទិញ លក់ ឬប្រើប្រាស់ផលិតផលប្រេងឆាដែលមានម៉ាកខាងលើ និងក្នុងករណីបើប្រទះ សូមទំនាក់ទំនងតាមរយៈ CCF Complaint App, លេខទូរសព្ទ ១២៦៦ ដើម្បីមានវិធានការតាមនីតិវិធី ឱ្យបានទាន់ពេលវេលា៕

The post ក ប ប កំពុងប្រតិបត្តិការស្វែងរកផលិតផលប្រេងឆាក្លែងក្លាយ៥ប្រភេទរបស់ក្រុមហ៊ុន​វៀតណាម appeared first on Kampuchea Thmey Daily.

បន្ទាបពីឌីជេ Ngan 98 មានបញ្ហាជាមួយច្បាប់ដែលត្រូវកាត់ទោសមិនទាន់បានប៉ុន្មានផង Ngan Collagen ដែលគេស្គាល់ថា ជាអ្នកមានទ្រព្យធនមួយរូបនៅក្នុងប្រទេសវៀតណាម ត្រូវនាយកដ្ឋានសុវត្ថិភាពចំណីអាហារទីក្រុងហូជីមិញចុះឆែកឆេរនិងត្រួតពិនិត្យទីតាំងផលិតនិងចែកចាយ។ ប៉ុន្តែទីតាំងរបស់ក្រុមហ៊ុន បានឈប់ដំណើរការភ្លាមៗ។

ដោយឡែក នៅក្នុងខែឧសភា ឆ្នាំ ២០២៥ នាយកដ្ឋានសុវត្ថិភាពចំណីអាហារ ក៏ធ្លាប់បានចេញឯកសារស្នើឲ្យនាយកដ្ឋានសុវត្ថិភាពចំណីអាហារទីក្រុងហូជីមិញ និងនាយកដ្ឋានសុវត្ថិភាព និងអនាម័យទីក្រុងហាណូយ ពិនិត្យ និងផ្ទៀងផ្ទាត់សកម្មភាពផលិតកម្មជាបន្ទាន់ និងយកគំរូសម្រាប់ធ្វើតេស្តផលិតផលមួយចំនួនដែលផ្សាយដោយ Ngan Collagen ។

ជាក់ស្តែង តាមរយៈការត្រួតពិនិត្យក្រោយការផ្សព្វផ្សាយ និងផ្សព្វផ្សាយផលិតផលម្ហូបអាហារ នាយកដ្ឋានសុវត្ថិភាពចំណីអាហារ បានរកឃើញថា ផលិតផលមួយចំនួនរបស់ក្រុមហ៊ុន N – Collagen Import Export Company Limited ដែលត្រូវបានផ្សព្វផ្សាយដោយបុគ្គលម្នាក់ ដែលមានឈ្មោះហៅក្រៅថា Ngan Collagen ដូចជាស្ករគ្រាប់ផ្លែប៉ោម ដើម្បីបំបាត់ខ្លាញ់ក្បាលពោះ N-collagen lemon plus បានបំពានច្បាប់។

បច្ចុប្បន្ននេះអ្នកលេងអ៊ីនធឺណេតបានរកឃើញថា រូបភាពនៃផលិតផលសម្រកទម្ងន់ដែល Ngan Collagen បានដាក់លក់ជាសាធារណៈនៅលើទំព័រហ្វេសប៊ុកផ្ទាល់ខ្លួនរបស់នាង ឥឡូវនេះក៏ស្រាប់តែបាត់សូន្យឈឺងដោយមិនដឹងមូលហេតុ ។ នាងក៏បានចាក់សោមតិសាធារណៈ ដើម្បីចៀសវាងការទទួលបានមតិអវិជ្ជមានណាមួយផងដែរ។

យោងតាមព័ត៌មានរបស់កាសែត ZNews បានឲ្យដឹងថា កាលពី៤ឆ្នាំមុន ក្រុមហ៊ុនរបស់ Ngan Collagen ត្រូវបានអធិការនៃមន្ទីរសុខាភិបាលទីក្រុងហូជីមិញពិន័យជាប្រាក់ចំនួន ៣៥លានដុង ដោយសារតែផលិតផលដូចជា Detox N-Collagen Mineral Detoxifying Mask”, “Serum Skin Care” និង “Whitening Perfect Cell” មានស្លាកសញ្ញាផលិតផល ដែលធ្វើឲ្យមានការយល់ច្រឡំថាជារបស់ធម្មជាតិ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

The post ប៉ូលិសស៊ើបអង្កេត ហៃសូវៀតណាមម្នាក់ទៀត សង្ស័យលក់ផលិតផលក្លែងក្លាយ appeared first on Kampuchea Thmey Daily.

នៅក្នុងប្រតិបត្តិការនេះប៉ូលិសថៃចាប់ខ្លួនបាន ស្ត្រី​អាយុ​៣៤​ឆ្នាំ​ម្នាក់ដែលជា​មេខ្លោង​ពី​បទ​ផលិត​និង​ចែកចាយ​ថ្នាំ​ក្លែងក្លាយ​ដោយ​ខុស​ច្បាប់។ អាជ្ញាធរ​ថៃបញ្ជាក់ថាបណ្តាញនេះបានផ្លាស់ប្តូរទីតាំងផលិតជាញឹកញាប់ បំបែកកន្លែងផលិត និងកន្លែងចែកចាយនៅទូទាំងតំបន់ជាច្រើន ដើម្បីជៀសវាងប៉ូលិសរកឃើញ។

ក្រុម​នេះ​ធ្លាប់​ត្រូវ​បាន​ចាប់​ខ្លួន​បួន​លើក​រួច​មក​ហើយ ប៉ុន្តែ​បាន​បន្ត​ប្រតិបត្តិការ​ខុស​ច្បាប់ ​មិន​គោរព​សុវត្ថិភាព​អ្នក​ប្រើ​ប្រាស់ដើម្បី​​ប្រាក់​ចំណេញ ខណៈពួកគេអាចផលិតថ្នាំក្លែងក្លាយបានដល់ទៅ៣ម៉ឺនដបក្នុងមួយថ្ងៃឯណោះ។

គួរបញ្ជាក់ថាទឹកស៊ីរ៉ូប៍ក្អកក្លែងក្លាយនេះ ដែលជារឿយៗត្រូវបានប្រើប្រាស់មិនបានត្រឹមត្រូវទៅលាយផ្សំធ្វើជាភេសជ្ជៈ 4×100 (ស្រាក្រឡុកទឹកក្រធុម) ដែលបង្កហានិភ័យដល់សុខភាពធ្ងន់ធ្ងរ ព្រោះសារវាត្រូវបានផលិតនៅក្នុងបរិក្ខារដែលគ្មានអនាម័យ និងមិនមានស្តង់ដារ។

រដ្ឋបាលចំណីអាហារ និងឪសថ (FDA) ថៃបានដាស់តឿនប្រជាជនថៃឱ្យមានការប្រុងប្រយ័ត្នចំពោះថ្នាំទឹកស៊ីរ៉ូប៍ក្អកនិងថ្នាំអាឡ័កស៊ី ក្លែងក្លាយដោយវាមិនត្រឹមតែមិនអាចជួយព្យាបាលបានទេថែមទាំងបង្កហានិភ័យដល់សុខភាពរយៈពេលវែង៕

អត្ថបទ៖ ប៊ុន សុភាព

The post ប៉ូលិសថៃ រកឃើញរោងចក្រផលិតថ្នាំទឹកស៊ីរ៉ូប៍ក្អកក្លែងក្លាយនិងរឹបអូសបានជាង១៧ម៉ឺនដប appeared first on Kampuchea Thmey Daily.

ការចេញមកបញ្ជាក់បែបនេះ ធ្វើឡើងដើម្បីឆ្លើយតបទៅនឹងមតិមួយចំនួនដែលលើកឡើងវែកញែកពីការអនុវត្ត​និតិវីធីរបស់សមត្ថកិច្ចជំនាញ ហើយក៏មានការទាមទារឲ្យដោះលែងម្ចាស់ផលិតផលនេះទៀតផង។ លោក​ ឈឿន សុចិត្ត ក៏ស្នើសុំឲ្យមហាជនបញ្ឈប់ការលើកឡើងដោយគ្មានមូលដ្ឋានច្បាស់លាស់ ដែលបាននឹងកំពុងបំពុលសង្គម។

តាមរយៈទំព័រហ្វេសប៊ុកនៅព្រឹកថ្ងៃទី២០សីហានេះ លោកឧត្ដសេនីយ៍ទោ ឈឿន សុចិត្ត ក៏បានបញ្ជាក់ពីលទ្ធផលនៃការពិសោធន៍ និងធ្វើតេស្តលើផលិតផលដែលម្ចាស់ក្រុមហ៊ុនខាងលើផ្សព្វផ្សាយលក់ ចំពោះសារធាតុ Mercury (បារត) ជាលោហៈធ្ងន់ ដែលត្រូវបានប្រើប្រាស់ក្នុងផលិតផលថ្នាំដុសធ្មេញ (ដើម្បីសម្លាប់មេរោគ) និងគ្រឿងសម្អាង ធ្វើអោយស្បែកឆាប់ ស) ដែលអាចចម្លងចូលខ្លួនមនុស្សតាមរយៈការលេប ឬជ្រាបចូលតាមស្បែក។ តាមការបញ្ជាក់ដដែល ការប្រើផលិតផលទាំងនេះធ្វើឲ្យ ខូចតំរងនោម ប្រព័ន្ធប្រសាទ ប្រព័ន្ធដង្ហើម ប្រព័ន្ធពោះវៀន ស្ត្រីមានផ្ទៃពោះ និងស្បែក។

ចំពោះសារធាតុ Cadmium ជាលោហៈធ្ងន់ ដែលត្រូវបានប្រើប្រាស់ក្នុងផលិតផលថ្នាំដុសធ្មេញ ឬគ្រឿងសម្អាង (ក្រែមលាបមាត់) ដើម្បីអោយមានភាពភ្លឺរលោង ដែលអាចចម្លងចូលខ្លួនមនុស្ស តាមរយៈការលេប ឬជ្រាបចូលតាមស្បែក។ ផលិតផលនេះក៏ធ្វើឲ្យខូចតំរងនោម ថ្លើម ឆ្អឹងឆាប់ទន់ (សោធ) ប្រតិកម្មស្បែក (Allergic) រលាកស្បែក និងកើនហានិភ័យនៃជម្ងឺមហារីក។

សូមរលឹកថា កាលពីព្រឹកថ្ងៃទី១៤ ខែសីហា ឆ្នាំ២០២៥ កម្លាំងជំនាញនៃស្នងការដ្ឋាននគរបាលខេត្តកណ្តាល បានចុះទៅឡោមព័ទ្ធ និងឃាត់ខ្លួនថៅកែលក់ឡេល្បី​ឈ្មោះ ឆេង ស្រីរ័ត្ន ហៅ Love Riya ស្ថិតនៅភូមិគ្រឹះក្នុងបុរី ML ក្រុងតាខ្មៅ ខេត្តកណ្តាល និងបានកសាងសំណុំរឿងបញ្ជូនទៅសាលាដំបូងខេត្តកណ្ដាល ដើម្បីអនុវត្តនិតិវិធីច្បាប់។ នៅ​រសៀល​ថ្ងៃ​ទី១៥ ខែ​សីហា ឆ្នាំ២០២៥ ចៅក្រម​សាលា​ដំបូង​ខេត្ត​កណ្ដាល បាន​ចេញ​ដីកា​បង្គាប់​ឲ្យ​ឃុំខ្លួន​បុគ្គល​ឈ្មោះ ឆេង ស្រីរ័ត្ន ហៅ «Love Riya» ដាក់​ពន្ធនាគារ​បណ្ដោះអាសន្ន ក្រោម​បទ​ចោទ​ប្រកាន់ «ញុះញង់​ឲ្យ​មាន​ការ​រើសអើង និង​ធ្វើ​ឲ្យ​ខូច​ទឹកចិត្ត​កងទ័ព» បទល្មើស​ព្រហ្មទណ្ឌ​ដែល​ចែង​ឲ្យ​ផ្ដន្ទាទោស​តាម​មាត្រា ៤៧២ និង​មាត្រា ៤៩៦ នៃ​ក្រមព្រហ្មទណ្ឌ៕

The post ស្នងការខេត្តកណ្ដាល៖ ផលិតផល៤មុខរបស់អ្នកលក់ឡេ Love Riya មានសារធាតុហាមឃាត់លើសខុសពីច្បាប់អនុញ្ញាត appeared first on Kampuchea Thmey Daily.

ការចុះត្រួតពិនិត្យលើទីតាំងលក់ផលិតផលក្លែងបន្លំបាកូដ នេះ ធ្វើឡើងកាលពីព្រឹកថ្ងៃអាទិត្យ ទី១៧ ខែសីហា ឆ្នាំ២០២៥ បន្ទាប់ពីមន្ត្រីជំនាញទទួលបានបណ្តឹងពីអ្នកប្រើប្រាស់ ពាក់ព័ន្ធការច្នៃបន្លំប្រើបាកូដ (Barcode) កម្ពុជា (884) បិតលើបាកូដថៃ (885) នៃសំបកវេចខ្ចប់ផលិតផលទឹកដោះគោម៉ាក Kofi មួយកន្លែងនៅទីតាំងដាក់បង្ហាញលក់ (Showroom) របស់ក្រុមហ៊ុន ដែលស្ថិតនៅផ្លូវម៉ៅសេទុង ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។

តាមការបញ្ជាក់ពីមន្ត្រីជំនាញ ក្រោយពីពិនិត្យ មន្ត្រីជំនាញបានរកឃើញថា ពិតជាមានការបន្លំបិតបាកូដលើផលិតផលនោះ និងមានការទទួលស្គាល់ពីម្ចាស់ផលិតផលប្រាកដមែន។

តាមរយៈកិច្ចសហការពីម្ចាស់ផលិតផល មន្រ្តីនៃអគ្គនាយកដ្ឋាន ក.ប.ប. នៃក្រសួងពាណិជ្ជកម្ម បានបន្តចុះទៅត្រួតពិនិត្យនៅទីតាំងឃ្លាំងស្តុកទុកផលិតផលដែលមានអាស័យដ្ឋានស្ថិតនៅម្តុំផ្សារដើមថ្កូវ ក្នុងសង្កាត់បឹងត្របែក និងបានរកផលិតផលទឹកដោះគោម៉ាក Kofi សរុបទាំងអស់ចំនួន ២០៥កេស ក្នុងនោះបិតរួចមានចំនួន ១៤៤កេស និងមិនទាន់បិតមានចំនួន ៦១កេស ដោយម្ចាស់ផលិតផលបានសារភាពថា បានធ្វើការចែកចាយលក់បន្តទៅតាមបណ្តាខេត្តចំនួន៦ និងបានផ្តល់នូវឯកសារពាក័ព័ន្ធនៃការនាំចូលផលិតផលដល់សមត្ថកិច្ច ក.ប.ប. ដើម្បីត្រួតពិនិត្យ។

ជាវិធានការដើម្បីទប់ស្កាត់ជាបន្ទាន់ មន្ត្រីជំនាញនៃអគ្គនាយដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ តម្រូវឱ្យម្ចាស់ទំនិញប្រមូលផលិតផលដែលមានបិតបាកូដទាំងអស់ត្រឡប់មកវិញ ពីបណ្តាគោលដៅ លក់ ចែកចាយ ទាំងនៅក្នុងរាជធានីភ្នំពេញ និងតាមខេត្តពាក់ព័ន្ធក្នុងរយៈពេលពីរថ្ងៃ ដោយមន្រ្តីអគ្គនាយកដ្ឋាន ក.ប.ប. នឹងចុះតាមឃ្លាំពិនិត្យចំពោះសកម្មភាពនេះ។ តម្រូវឱ្យបកស្ទីកឃ័របាកូដកម្ពុជា ចេញពីផលិតផលទាំងអស់ ក្រោមការត្រួតពិនិត្យរបស់មន្រ្តី ក.ប.ប.។ មន្រ្តីអគ្គនាយកដ្ឋាន ក.ប.ប. នឹងចាត់វិធានការបន្តស្របតាមនីតិវិធីដែលមានចែងក្នុងច្បាប់និងបទប្បញ្ញត្តិជាធរមាន៕

The post មន្ត្រីជំនាញរកឃើញការក្លែងបន្លំបិទបាកូដកម្ពុជា លើផលិតផលនាំចូលពីប្រទេសថៃនៃទឹកដោះគោម៉ាក Kofi សរុបជាង១៤០កេស appeared first on Kampuchea Thmey Daily.