ផលិតភាពការងារ Archives - Kampuchea Thmey Daily

ការងារចេះតែគ្មានផលិតភាព គួរប្រញាប់ធ្វើរឿងនេះភ្លាម

សាង ស្រីល័ក្ខ — Fri, 11 Feb 2022 09:08:52 +0000

មនុស្សជាច្រើន ទំនងជាកំពុងប្រឈមមុខនឹងបញ្ហាស្រដៀងគ្នាមួយចំនួន ដូចជា អារម្មណ៍វិលវល់ មកធ្វើការយឺតយ៉ាវ ការងារឡេះឡោះ មិនច្បាស់លាស់សោះ។

លើសពីនេះ ពួកគេក៏កំពុងជួបប្រទះផលប៉ះពាល់អវិជ្ជមាន នៃការងារពីផ្ទះ ដែលមានន័យថា ពិបាកក្នុងការរក្សាកម្រិតខ្ពស់ នៃផលិតភាព។ សូមចាំថា ទម្លាប់ឬសកម្មភាពតូចតាចរបស់អ្នក អាចមានឥទ្ធិពលធំដល់ជីវិតជាងការគិត។ ហើយអាកប្បកិរិយាដែលយើងអាច ធ្វើការផ្លាស់ប្ដូរបាននោះគឺ៖

១ ក្រោកឡើងដើរខ្លះ ពេលកំពុងធ្វើការ

ព្យាយាមកុំឲ្យខ្លួនឯងគាំងយូរពេក នៅក្នុងកន្លែងតែមួយ ជាពិសេសគឺនៅពីមុខអេក្រង់កុំព្យូទ័រ។ រៀងរាល់ម៉ោងធ្វើការ គួរតែក្រោកឡើងហើយសម្រាក ធ្វើចលនាយឺតៗយ៉ាងហោចណាស់ ៥នាទី។ ការដើរនឹងជួយបន្ធូរខួរក្បាលយើង ពីការងារដែលរវល់។ យ៉ាងហោចណាស់ យើងក៏បានសម្រាកពីគំនរការងារនៅពីមុខ ជួយជម្រះចិត្តឲ្យជ្រះថ្លា។

២ បិទការជូនដំណឹងតាមអ៊ីមែល បន្ទាប់ពីបញ្ចប់ការងារ

មានមនុស្សមួយចំនួនតូច ដែលមានអារម្មណ៍ថា ខ្លួននឹងត្រូវធ្វើការរហូត ទោះបញ្ចប់ម៉ោងក្ដី ដោយសារតែពួកគេមានការយល់ច្រលំ ពីសំឡេងអ៊ីមែល ឬសូម្បីតែការហៅទូរស័ព្ទ និងបារម្ភថាខ្លួននឹងត្រូវថៅកែ ឬមិត្តរួមការងារស្ដីបន្ទោស នៅក្រៅម៉ោងធ្វើការ កាលបើយឺតយ៉ាវទទួលសារ។

កុំបន្តទម្លាប់នេះ ប្រសិនបើចង់ឲ្យការងារនៅថ្ងៃស្អែកមានផលិតភាព។ គួរយកពេលសម្រាកខ្លះ ដើម្បីឲ្យយើងកាន់តែមានគំនិតច្នៃប្រឌិតលើសមុន។

៣ រៀបចំអ្វីៗគ្រប់យ៉ាង

ការរៀបចំជីវិតរបស់អ្នក នឹងធ្វើឲ្យអ្វីៗកាន់តែងាយស្រួល។ មិនថាជាតុ ជ្រុងផ្សេងៗនៃផ្ទះ រៀបចំផែនការពេលវេលា និងរៀបចំការងារដោយខ្លួនឯង។ អ្នកអាចគ្រប់គ្រងវាដោយខ្លួនឯង ដោយប្រើបច្ចេកទេសផ្សេងៗ ដូចជាបច្ចេកទេសគ្រប់គ្រងពេលវេលាជាដើម។

៤ កុំនៅយប់ជ្រៅ

ត្រង់នេះគឺសង្កត់ធ្ងន់ជាងគេ ប្រសិនបើគេងមិនលក់ ឬគេងដល់យប់ៗ គឺជាបញ្ហាធំនិងប៉ះពាល់ដល់ផលិតភាព។ ប្រសិនបើអ្នកគេងមិនគ្រប់គ្រាន់ គេងមិនលក់ ឬគេងគ្មានគុណភាព នេះអាចបណ្ដាលឲ្យមានបញ្ហាជាមួយនឹងការផ្តោតអារម្មណ៍ និងការចងចាំ។ ការគេងមានសារៈសំខាន់ សម្រាប់ការរៀបចំរាងកាយ ខួរក្បាល និងគំនិតរបស់អ្នក។ កុំបង្ខំរាងកាយ និងចិត្តរបស់អ្នក ឲ្យធ្វើការនឿយហត់ នៅពេលដែលអ្នកមិនអាចទប់ទល់បាន។

៥ ព្យាយាមទុកពេលសម្រាប់កិច្ចការសំខាន់ៗ

ប្រសិនបើអ្នកដឹងថា ការងារប្រភេទណាដែលអ្នកត្រូវចំណាយពេលច្រើន។ អ្នកគួរដឹងពីរបៀបទុកពេលឲ្យបានច្រើនសម្រាប់កិច្ចការនោះ។ ដូច្នេះ អ្នកអាចផ្ដោតអារម្មណ៍បានពេញលេញ លើកិច្ចការដោយមិនចាំបាច់ព្រួយបារម្ភអំពីវាឬ បារម្ភពីពេលវេលាគៀបសង្កត់។ ទុកពេលមួយឡែកសិន ទើបអ្នកអាចមានពេលសម្រាកខ្លះ។ ក្រោកឡើង ហើយដើរផ្លាស់ប្តូរឥរិយាបថ ឲ្យសសៃសសូងបានធូរជាងមុន៕

ប្រែសម្រួល៖ សាង ស្រីល័ក្ខ

ចុចអាន៖គន្លឹះ ជួយជំរុញថាមពលខួរក្បាលឲ្យគាប់ប្រសើរ លែងស្ពឹកស្រពន់ពេលធ្វើការ

ចុចអាន៖ស្រ្តេសខ្លាំង ក្នុងអំឡុងពេលធ្វើការយ៉ាងណាក៏ដោយ ប្រើវិធីនេះនឹងធូរស្បើយបានខ្លះ

The post ការងារចេះតែគ្មានផលិតភាព គួរប្រញាប់ធ្វើរឿងនេះភ្លាម appeared first on Kampuchea Thmey Daily.

ស្រ្តេសខ្លាំង ក្នុងអំឡុងពេលធ្វើការយ៉ាងណាក៏ដោយ ប្រើវិធីនេះនឹងធូរស្បើយបានខ្លះ

សាង ស្រីល័ក្ខ — Fri, 24 Sep 2021 04:11:13 +0000

ស្ត្រេសគឺជាស្ថានភាពនៃអារម្មណ៍តានតឹង ហើយវាអាចកើតមានចំពោះមនុស្សគ្រប់គ្នា មិនរើសភេទ អាយុ និងពេលវេលាឡើយ។ ប្រសិនបើយើងកំពុងប្រឈមមុខនឹងបញ្ហា ដែលអាចនាំឲ្យមានអារម្មណ៍មិនស្រួលការថប់បារម្ភឬសម្ពាធនោះអាចបង្កឲ្យមានភាពតានតឹងដោយមិនដឹងខ្លួន។

ខាងក្រោម ជាវិធីកាត់បន្ថយភាពតានតឹង ជួយឲ្យយើងធ្វើការបានរលូនជាងមុនជារៀងរាល់ថ្ងៃ។

១ រៀបចំផែនការ និងពេលវេលាមុនពេលចាប់ផ្ដើមការងារជារៀងរាល់ថ្ងៃ មុនពេលអ្នកចាប់ផ្ដើមអង្គុយលើកៅអី ចាប់កាន់ការងាររៀងរាល់ព្រឹក។ សូមចំណាយពេលរៀបចំផែនការថ្ងៃធ្វើការ ៨ ម៉ោង រយៈពេល ១០ នាទីសិន (ឬមានបញ្ជីដែលត្រូវធ្វើឲ្យហើយ។ គោលការណ៍នេះ គឺរៀបចំជីវិតនិងគំនិតផ្ទាល់ខ្លួនមុនពេលអ្នកចាប់ផ្ដើមធ្វើការ នោះនឹងបង្ហាញយើងពីអ្វីដែលត្រូវធ្វើនៅថ្ងៃនេះ តើមានអ្វីបន្ទាប់? វាក៏មិនខុសអីពីកាលយើងនៅរៀន ហើយត្រូវរៀបកាលវិភាគសម្រាប់រៀនស្អែកឡើយ។

២ ផ្លាស់ទីរាងកាយរបស់យើង ជាញឹកញាប់យើងអាចមានអារម្មណ៍តានតឹងខ្លាំង មិនអាចគិតអ្វីបានរហ័សទាន់ពេល។ដូច្នេះ សូមចាប់ផ្ដើមធ្វើការផ្លាស់ប្ដូរចលនារាងកាយ ឲ្យមានថាមពលនិងស្រស់ស្រាយមកវិញ ដោយចេញពីតុ ហើយដើរលាតសន្ធឹង ឬធ្វើចលនាដៃជើង និងដើរឡើងចុះជណ្ដើរពីរបីដង។ ប្រសិនបើធ្វើការនៅផ្ទះ យើងក៏អាចឆ្លៀតលេងជាមួយសត្វចិញ្ចឹមក៏បាន។

សកម្មភាពទាំងនោះ នឹងជួយរំញោចអ័រម៉ូននៃសុភមង្គល ក្នុងការធ្វើការឲ្យរហ័ស និងមានភាពឈ្លាសវៃជាងមុន។

៣ សមាធិនៅពេលណាក៏បាន ខណៈយើងកំពុងមានស្រ្តេស សម្ពាធនៅពីមុខអ្នក បញ្ហាអស់នេះនឹងនាំយើងឲ្យឆាប់អស់កម្លាំង។ កុំរុញច្រានខ្លួនឯងទៅកាន់ស្រេ្តស ព្រោះអ្នកកំពុងលង់ក្នុងភាពតឹងស្រាប់ហើយ។ យកល្អគួរតែដោះស្រាយជាមួយជាមួយវា ដោយការធ្វើសមាធិ ៥ នាទី គឺគ្រប់គ្រាន់ហើយ។

៤ មើលភាពយន្ត និងស្ដាប់តន្ត្រី ឬលេងហ្គេមក្រោយសម្រាក ដោយសារយើងបានចំណាយពេលយូរ ក្នុងការធ្វើការ។ ត្រូវចេះឆ្លៀតយកពេលទំនេរមកធ្វើរឿងដែលនាំឲ្យអារម្មណ៏យើងសប្បាយ និងធូរស្បើយខ្លះៗ។ ប្រសិនបើយើងនៅបន្តធ្វើការទាំងទទឹងទិស ហើយនៅពេលដែលរាងកាយមិនព្រមធ្វើវា នោះនឹងធ្វើឲ្យយើងស្ថិតក្នុងរបៀបនាំសម្ពាធខ្លួនឯង កាន់តែតានតឹងជាងមុន។ ដូច្នេះ ឈប់សំរាក ហើយអង្គុយមើលភាពយន្ត ស្តាប់តន្ត្រី លេងហ្គេម ឬអានសៀវភៅ ដែលអ្នកចូលចិត្ត។ រីករាយនឹងអ្វីដែលយើងកំពុងធ្វើ។ ចងចាំថា យើងស្រឡាញ់ការងាររបស់យើង ប៉ុន្តែកុំភ្លេចស្រឡាញ់ខ្លួនឯងផង។

៥ ឆ្លៀតគេងថ្ងៃ នៅអាស៊ី ការគេងពេលថ្ងៃជួយឲ្យស្រួលខ្លួន ក្រោយចប់ម៉ោងការងារ តែក៏មានការយល់ច្រឡំថា យើងខ្ជិលធ្វើការ ប៉ុន្តែនៅលោកខាងលិចផ្សេងទៀត វាជាវប្បធម៌នាំឲ្យអារម្មណ៍ស្រស់ស្រាយ មុនធ្វើការ ឬការងារផ្សេងទៀត។ អ្នកខ្លះអាចមិនស៊ាំនឹងការគេងពេលថ្ងៃឡើយ ប៉ុន្តែការគេងពេលថ្ងៃ អាចជួយជួយបង្កើនផលិតភាព និងបង្កើនសុភមង្គលឲ្យអាយុយឺនយូរ៕

ប្រែសម្រួល៖ សាង ស្រីល័ក្ខ

ចុចអាន៖ការងារក៏ស្ដ្រេស ដេកក៏អត់លក់ សំពាធឈាមខ្ពស់ទៀត ប្រយ័ត្នឆាប់ស្លាប់

ចុចអាន៖គន្លឹះ ៥ យ៉ាង វាយបំបែកជញ្ជាំងស្ត្រេសដោយខ្លួនឯង ដើម្បីយកភាពរីករាយឱ្យជីវិត

The post ស្រ្តេសខ្លាំង ក្នុងអំឡុងពេលធ្វើការយ៉ាងណាក៏ដោយ ប្រើវិធីនេះនឹងធូរស្បើយបានខ្លះ appeared first on Kampuchea Thmey Daily.

គន្លឹះ ជួយជំរុញថាមពលខួរក្បាលឲ្យគាប់ប្រសើរ លែងស្ពឹកស្រពន់ពេលធ្វើការ

សាង ស្រីល័ក្ខ — Tue, 27 Jul 2021 06:36:39 +0000

ចង់ធ្វើការប្រកបដោយប្រសិទ្ធភាពជារៀងរាល់ថ្ងៃ អ្នកអាចផ្តល់ថាមពលដល់ខួរក្បាល នៅពេលព្រឹកមុន ពេលធ្វើការបាន។

វិធីសាស្ត្រ ៧ យ៉ាងនេះ គឺជាវិធីដ៏មានប្រសិទ្ធភាព ដែលបានសិក្សានិងស្រាវជ្រាវលើមនុស្ស មុននឹងយកមកអនុវត្តលើជីវិតផ្ទាល់។

១ អាន

វិធីល្អបំផុតដើម្បីជំរុញគំនិត គឺការអាន មិនថាជាការអានសៀវភៅឬអត្ថបទតាមអ៊ិនធឺរណែតណាមួយឡើយ។ គ្រូពេទ្យជំនាញខាងសរសៃប្រសាទ ណែនាំឲ្យបន្ថែមអាហារទៅខួរក្បាល ជាមួយនឹងព័ត៌មានថ្មីៗដែលមានសារៈសំខាន់សម្រាប់សុខភាពផ្លូវកាយនិងផ្លូវចិត្ត។ ការអាននៅពេលព្រឹក អាចជួយក្នុងការផ្ដោតអារម្មណ៍និងជួយឲ្យអារម្មណ៍ស្ងប់ល្អ។

២ ធ្វើលំហាត់ប្រាណ

ដូចដែលបានដឹងហើយ ការធ្វើលំហាត់ប្រាណជួយឲ្យយើងមានសុខភាពល្អ ទាំងផ្លូវកាយនិងផ្លូវចិត្ត។ ប៉ុន្តែការធ្វើលំហាត់ប្រាណមុនពេលទៅធ្វើការ ជួយជំរុញខួរក្បាលរបស់យើងឲ្យមានប្រសិទ្ធភាពជាងមុន។ វារំញោចការសំងាត់នៃសារធាតុគីមីសំខាន់ៗ ឬប្រព័ន្ធបញ្ជូនសរសៃប្រសាទ។ វាក៏អនុញ្ញាតឲ្យរាងកាយច្របាច់ឈាមនិងអុកស៊ីសែនទៅខួរក្បាល។ ទាំងនេះក៏ជះឥទ្ធិពលដល់ការសម្រេចចិត្ត និងការចងចាំកាន់តែប្រសើរ។

៣ សមាធិ

សមាធិជួយឲ្យយើងផ្តោតការយកចិត្តទុកដាក់ លើមុខវិជ្ជាជាក់លាក់មួយ។ វាក៏ជួយកាត់បន្ថយការថប់បារម្ភនិងការធ្លាក់ទឹកចិត្តផងដែរ។ ការសិក្សាជាច្រើនបានបង្ហាញថា ឥទ្ធិពលនៃការធ្វើសមាធិ បានកាត់បន្ថយបរិមាណកោសិកាខួរក្បាល នៅក្នុងផ្នែកដែលគួរឲ្យភ័យខ្លាចនៃអាមីហ្គីឡា ហើយមនុស្សដែលធ្វើសមាធិជាញឹកញាប់ មានលទ្ធផលនៃការចងចាំ។ ជាពិសេសជួយរំលឹកព័ត៌មាននៅក្នុងខួរក្បាល យ៉ាងឆាប់រហ័ស និងមានប្រសិទ្ធភាព។

៤ ស្ដាប់តន្ត្រីបុរាណឬមនោសញ្ចេតនា

តន្ត្រីបុរាណឬមនោសញ្ចេតនា នឹងជួយបន្ធូរអារម្មណ៍នៃ Mozart និង Beethoven ដែលអាចជះឥទ្ធិពលដល់ខួរក្បាលនិងផលិតភាព។ ការសិក្សាមួយយោងទៅលើ “ ឥទ្ធិពលរបស់ Mozart” ឬការស្តាប់តន្រ្តីបុរាណ ជួយបង្កើនសមត្ថភាពក្នុងការគិតរយៈពេលវែង។ វាមានឥទ្ធិពលវិជ្ជមានទៅលើមុខងារខួរក្បាល ក្នុងការយល់ឃើញ និងការយល់ដឹង ជួយអ្នកក្នុងការផ្ដោតអារម្មណ៍ឲ្យនិយាយបានយ៉ាងស្ទាត់មិនទាក់ទើរ។

៥ លេងល្បែងហ្វឹកហាត់ខួរក្បាល

ការបណ្ដុះបណ្ដាលខួរក្បាល ដោយលេងហ្គេម ជួយឲ្យការចងចាំបានល្អនិងអាចបង្កើនថាមពលខួរក្បាល ការភ្ជាប់ប្រព័ន្ធប្រសាទថ្មីៗ (ព្រោះខួរក្បាលតែងតែរៀនអ្វីថ្មីៗ)។ រឿងសំខាន់គឺជំរុញខួរក្បាលឲ្យសកម្ម។

៦ សរសេរអ្វីដែលអ្នកចង់អរគុណ

ខណៈពេលដែលវាមើលទៅដូចជាមិនគួរឲ្យជឿ តើអ្នកដឹងទេថា មានភស្តុតាងវិទ្យាសាស្រ្តនៃរឿងនេះ ដែលយើងយកចិត្តទុកដាក់លើអ្វីដែលនៅជុំវិញយើង ហើយមានអំណរគុណចំពោះអ្វីដែលបានកើតឡើងចំពោះខ្លួនយើង វាបានជួយយើងឲ្យផ្លាស់ប្ដូរភាពអវិជ្ជមាននៅក្នុងខ្លួន ក្នុងរយៈពេលតែបីសប្តាហ៍ ជួយឲ្យការរស់នៅល្អប្រសើរ និងមានប្រយោជន៍ដល់អ្នកដទៃដែរ។

៧ គេងឲ្យគ្រប់គ្រាន់

ការគេងឲ្យបានគ្រប់គ្រាន់ គឺជាអ្វីដែលមិនគួរមើលរំលង ដោយការសិក្សាជាច្រើនបានបង្ហាញថា វាប៉ះពាល់ដល់ប្រព័ន្ធចងចាំ។ ការគេងប៉ះពាល់ដល់សមត្ថភាពខួរក្បាលដោយផ្ទាល់ ដើម្បីគ្រប់គ្រងទាំងឥរិយាបថនិងការធ្វើការ ឬរៀនសូត្រ របស់យើង៕

ប្រែសម្រួល៖ សាង ស្រីល័ក្ខ

ចុចអាន៖មូលហេតុ យើងតែងងងុយគេងពេលបាយថ្ងៃត្រង់ ក្នុងអំឡុងម៉ោងធ្វើការ

ចុចអាន៖ដឹងម៉ោងពេលចូលគេងបានត្រឹមត្រូវ ជួយកុំឲ្យថ្ងៃឡើងងងុយរកធ្វើអ្វីមិនកើត

The post គន្លឹះ ជួយជំរុញថាមពលខួរក្បាលឲ្យគាប់ប្រសើរ លែងស្ពឹកស្រពន់ពេលធ្វើការ appeared first on Kampuchea Thmey Daily.

ជំនាញទន់ទាំងនេះ គួរតែមាននៅក្នុងសម័យទំនើប ដើម្បីទទួលបានផលិតភាពការងារកាន់តែប្រសើរ

សាង ស្រីល័ក្ខ — Fri, 02 Jul 2021 04:27:45 +0000

រស់ក្នុងសម័យបច្ចេកវិទ្យា មិនមែនមានជំនាញតែមួយមុខគឺគ្រប់គ្រាន់ទេ គ្រប់គ្នាត្រូវមានជំនាញច្រើនជាប់ខ្លួន តាមដែលអាចធ្វើទៅបាន។ តួយ៉ាងជំនាញទន់ គឺជាជំនាញសំខាន់នៅក្នុងសម័យទំនើប ហើយមនុស្សគ្រប់គ្នាត្រូវតែមានជាចាំបាច់។

វាមានគុណសម្បត្តិជាច្រើន ដែលទាំងអស់នេះ សុទ្ធតែមានឥទ្ធិពលវិជ្ជមានលើខ្លួនយើង។

១ ភាពវៃឆ្លាតរហ័ស

ភាពវៃឆ្លាតគឺជារឿងមួយ ដែលក្រុមហ៊ុនជាច្រើនចង់បាន ព្រោះវាជះឥទ្ធិពលយ៉ាងខ្លាំងទៅលើរូបភាពទូទៅរបស់ក្រុមហ៊ុន។ ការងារជាក្រុមគឺត្រូវការមនុស្សឆ្លាត ដើម្បីបង្កបរិយាកាសការងារដល់សមាជិកក្រុមខ្លួន។ មនុស្សឆ្លាតវៃ តែងមានទំនោរដោះស្រាយបញ្ហាបានល្អ។ ជាពិសេគេរៀនពីអ្វីដែលកំពុងកើតឡើង និងដឹងពីរបៀបដោះស្រាយបានដោយជោគជ័យ។

២ ការគ្រប់គ្រងពេលវេលា

ការគ្រប់គ្រងពេលវេលាគឺជារឿងមួយសំខាន់បំផុតនៅក្នុងយុគសម័យនេះ។ ការងារជាបន្ទាន់ ការប្រកួតប្រជែងពេលវេលា គឺមានសារៈសំខាន់បំផុត។ មនុស្សដែលដំណើរការពេលវេលាបានល្អ នឹងធ្វើការឲ្យមានគុណភាព មានវិន័យនៅក្នុងខ្លួនពួកគេ។ ក្រៅពីពូកែគ្រប់គ្រងពេលវេលា ពួកគេក៏ផ្តោតអារម្មណ៍ស្មើគ្នាលើការងារនិងជីវិតផ្ទាល់ខ្លួន។ មនុស្សទាំងនេះនឹងក្លាយជាមនុស្សរីករាយ ហើយនាំមកនូវការរីកចម្រើនយ៉ាងច្រើនដល់ក្រុម។

៣ រៀនសូត្រពេញមួយជីវិត

គ្មាននរណាម្នាក់ហួសពេលមិនអាចសិក្សាបានទេ។ ជីវិតគឺជាការរៀនសូត្រគ្មានទីបញ្ចប់ នៅក្នុងយុគសម័យនេះ ជាពិសេសនៅពេលដែលអ្វីៗផ្លាស់ប្តូរយ៉ាងឆាប់រហ័ស។ វាមិនមែនសំដៅដល់មានចំណេះដឹងជ្រៅជ្រះ ប៉ុន្តែនេះជាការអនុវត្តការរៀនសូត្រ ចំពោះមនុស្សផ្សេងទៀត។

៤ ពូកែសម្របខ្លួន

មនុស្សចាស់ជាទូទៅតែងមានគំនិត ជំនឿវប្បធម៌ ទម្រង់ស្ថាប័នបុរាណ ប៉ុន្តែគ្រប់គ្នាត្រូវកែតម្រូវឲ្យគ្នាទៅវិញទៅមក។ យើងមិនអាចរក្សាខ្លួនយើងនៅកណ្តាល នៃសកលលោកបានទេ យើងត្រូវតែសម្របខ្លួនទៅនឹងអ្នកដទៃ។

ការបណ្តុះបណ្តាលជំនាញនេះ ចាប់ផ្តើមពីការស្តាប់យោបល់របស់អ្នកដទៃ មិនមែនគំនិតយើងល្អជាងគេនោះទេ។ កុំវិនិច្ឆ័យនរណាម្នាក់ជាមុន។ ស្តាប់ហេតុផលនិងលះបង់អ្វីមួយ។ ចូលធ្វើជាមនុស្សនៅកណ្ដាលសងខាង ហើយពិចារណារកហេតុផលក្នុងក្រុម។

៥ ការទំនាក់ទំនង

ជំនាញប្រព័ន្ធផ្សព្វផ្សាយ ការប្រាស្រ័យទាក់ទងប្រកបដោយប្រសិទ្ធភាពនិងរលូន គឺច្រើនកើតពីការពូកែការទំនាក់ទំនង។ ការបណ្តុះបណ្តាលបែបនេះ ចាប់ផ្តើមដោយការស្តាប់ល្អ ហើយបន្ទាប់មកនិយាយយឺតៗ ទៅកាន់មនុស្សគ្រប់គ្នាក្នុងការធ្វើសមកាលកម្ម។ កុំប្រញាប់និយាយ កុំគិតថាគំនិតខ្លួនល្អជាងគេ សូមស្ដាប់ហើយពិចារណា។

៦ ច្នៃប្រឌិត

ការច្នៃប្រឌិតនៅទីនេះមិនត្រឹមតែមានន័យថា ការគិតបែបសិល្បៈ ការរចនាតែម្នាក់ឯងប៉ុណ្ណោះទេ ប៉ុន្តែជាការច្នៃប្រឌិតក្នុងការដោះស្រាយបញ្ហា។ ដោះស្រាយបញ្ហាជាមួយវិធីសាស្ត្រថ្មីៗ ។ តើយើងត្រូវធ្វើអ្វីដើម្បីទទួលបានផលល្អបំផុតពីការងារ? ការអនុវត្តការច្នៃប្រឌិតក៏តម្រូវឲ្យព្យាយាមមើលលើទិដ្ឋភាពជាច្រើនផងដែរ។ ព្យាយាមនិយាយជាមួយក្រុមដើម្បីរកដំណោះស្រាយថ្មីៗ ចំពោះបញ្ហា៕

ប្រែសម្រួល៖ សាង ស្រីល័ក្ខ

ប្រភព៖ Sanook

ចុចអាន៖ជំនាញទន់៖ វិធីសាស្ត្រ ៤ យ៉ាងធន់បានយូរនឹងការងារ បង្កើនផលិតភាពច្រើនជាងគេដទៃ

ចុចអាន៖ជាអ្នកដឹកនាំថ្មី? ធ្វើតាម៥ ជំហាននេះដើម្បីបង្កើតក្រុមការងារខ្លាំងមួយ

The post ជំនាញទន់ទាំងនេះ គួរតែមាននៅក្នុងសម័យទំនើប ដើម្បីទទួលបានផលិតភាពការងារកាន់តែប្រសើរ appeared first on Kampuchea Thmey Daily.