លោកបណ្ឌិត ឈត ប៊ុនថង អ្នកជំនាញទស្សនវិជ្ជា និងកិច្ចការសង្គមនៃរាជបណ្ឌិត្យសភាកម្ពុជា មើលឃើញថា អំពើផិតក្បត់គ្នានេះ គឺកើតចេញពីកត្តាសំខាន់ៗចំនួន៥ គឺការប្រែប្រួលរបស់សង្គម សេដ្ឋកិច្ច ការអប់រំ ច្បាប់ និងគ្រឿងស្រវឹង គ្រឿងញៀន ឬបណ្តាញសង្គមជាដើម។ ចំពោះបញ្ហាសង្គមវិញ លោកបណ្ឌិតថា កាលពីសម័យមុនក៏មានការផិតក្បត់គ្នាដែរ គ្រាន់តែមិនច្រើនដូចពេលបច្ចុប្បន្នដែលសង្គមប្រែប្រួលច្រើន មនុស្សងាយនឹងស្និតស្នាលគ្នា ហើយក៏ទទួលរងឥទ្ធិពលបរទេសច្រើនដូចគ្នា។ ចំណែក ការផិតក្បត់ដែលចេញពីកត្តាសេដ្ឋកិច្ចវិញ អាចនិយាយបានថា បុគ្គលនោះ ត្រូវបានអូសទាញដោយសម្ភារៈនិយម និងលុយជាដើម។

ម្យ៉ាងវិញទៀត បើនិយាយពីសម័យពីមុន ស្ត្រីភាគច្រើនក្នុងសង្គមខ្មែរជាស្ត្រីមេផ្ទះ រស់នៅដោយពឹងលើប្រាក់របស់ស្វាមី ខុសពីសម័យបច្ចុប្បន្ន ដែលស្រ្តីប្រឡូកក្នុងវិស័យការងារបានច្រើនមិនខុសពីបុរសឡើយ ធ្វើឱ្យខ្លួនឯករាជ្យ មានសិទ្ធិជ្រើសរើសដៃគូផ្សេងដោយខ្លួនឯង។ ចំពោះការអប់រំវិញ លោកបណ្ឌិត ឈត ប៊ុនថង មើលឃើញថា សព្វថ្ងៃនេះ មិនថាបុរស និងស្ត្រីទេ គឺទទួលបានការអប់រំខ្ពស់ និងទទួលបានព័ត៌មានច្រើនជាងមុន។ ដូចនេះ បុរស និងស្ត្រី មិនអាចរំលោភសិទ្ធិភាគីណាម្នាក់បានឡើយ ពួកគេមិននៅស្ងៀមឱ្យអ្នកម្ខាងទៀតធ្វើបាបទេ គឺពួកគេមានសិទ្ធិក្នុងការរើបម្រះ ឬលែងលះ។ បើការអនុវត្តច្បាប់ចំពោះការផិតក្បត់វិញ លោកបណ្ឌិតឃើញថា នៅមានកម្រិត ​ព្រោះទាល់តែភាគីខាងស្រី ឬខាងប្រុស ជាអ្នកប្តឹងទើបតុលាការអនុវត្តតាមផ្លូវច្បាប់ ប៉ុន្តែ បើមិនមានភាគីណាមួយប្តឹងទេ អំពើផិតក្បត់នេះ ក៏រួចខ្លួនតាមនោះ។

កត្តាគ្រឿងស្រវឹង គ្រឿងញៀន និងបណ្តាញសង្គម ក៏ងាយឱ្យមនុស្សផិតក្បត់គ្នាដែរ ព្រោះនៅពេលស្រវឹង ឬញៀនធ្វើឱ្យមនុស្សបាត់បង់មនសិការបស់ខ្លួន ខណៈបណ្តាញសង្គមវិញ ធ្វើឱ្យមានភាពងាយស្រួលខ្លាំងក្នុងការទាក់ទងគ្នា ដូច្នេះ ការផិតក្បត់ក៏ងាយទៅតាមនោះដែរ។ នេះបើតាមលោកបណ្ឌិត ឈត ប៊ុនថង។ តែទោះយ៉ាងណា លោកបណ្ឌិត បានបញ្ជាក់ថា បុគ្គលដែលមានរឿងទាំងនោះ មិនគួរយកបញ្ហារបស់ខ្លួនទៅបង្ហោះលើសង្គមហ្វេសប៊ុកបែបនេះទេ គួរតែទុកកិត្តិយសដល់ខ្លួនឯង និងកូន។ ប្រសិនជាសម្រេចចិត្តថា មិនអាចបន្តជាមួយគ្នាបានទៀតទេ គួរណាតែរកវិធីសាស្ត្រណាមួយដែលត្រឹមត្រូវមកបញ្ចប់បញ្ហាទើបជាការប្រសើរ។

រីឯ លោកស្រីបណ្ឌិត ជា វណ្ណី ប្រធាននាយកដ្ឋានធម្មសាស្រ្ត ចរិយាសាស្រ្ត និងយេនឌ័រ នៃរាជបណ្ឌិត្យសភាកម្ពុជា យល់ស្រដៀងនឹងលោកបណ្ឌិត ឈត ប៊ុនថង ដែរ គឺមានកត្តាច្រើនដែលនាំឱ្យក្បត់ចិត្តគ្នា ដូចជាបញ្ហាក្នុងគ្រួសារ ការមិនយល់ចិត្តគ្នារវាងប្តីប្រពន្ធ។ បញ្ហានេះ ប្រសិនក្នុងគ្រួសារមានបញ្ហាសេដ្ឋកិច្ច ឬប្តីប្រពន្ធមិនអាចបំពេញតម្រូវការរបស់ខ្លួនបាន នោះពួកគេនឹងស្វែងរកដៃគូផ្សេងទៀតដែលអាចបំពេញតាមតម្រូវការរបស់គេបាន។

មូលហេតុទី២ ការខ្វះភាពស្និតស្នាលរាងកាយ ឬប្តីប្រពន្ធនោះ មិនអាចបំពេញតម្រូវការផ្លូវភេទបាន ទើបពួកគេស្វែងរកដៃគូផ្សេងដែលអាចបំពេញផ្លូវភេទឱ្យខ្លួន។ ទី៣ ឥទ្ធិពលវប្បធម៌ និងបរិយាកាសសង្គម ព្រោះបច្ចុប្បន្ន សង្គមមានការផ្លាស់ប្តូរច្រើន ក៏មានវិធីសាស្ត្រផ្សេងៗដែលធ្វើឱ្យមនុស្សងាយស្រួលជួបគ្នា មានឱកាសកាន់តែច្រើនណាត់ជួបជាមួយអ្នកដទៃ។ ទី៤ ឥទ្ធិពលបច្ចេកវិទ្យា ជាពិសេស ប្រព័ន្ធបណ្តាញសង្គមតែងបង្ហាញពីភាពមិនស្មោះត្រង់ និងអវិជ្ជមានក្នុងសង្គមច្រើន រួមជាមួយកត្តាជាច្រើនពាក់ព័ន្ធការពិចារណាតម្លៃសង្គម កង្វះអ្នកជំនាញជួយដោះស្រាយបញ្ហាជាដើម។

ជុំវិញបញ្ហាដែលអ្នកលេងបណ្តាញសង្គមយកបញ្ហារបស់ខ្លួន ផ្ទៃក្នុងគ្រួសារ ជាពិសេស អំពើផិតក្បត់ទៅលាតត្រដាងលើហ្វេសប៊ុកនេះ បណ្ឌិត ជា វណ្ណី ក៏ថាមិនល្អដូចគ្នា ព្រោះទង្វើនេះធ្វើឱ្យប៉ះពាល់ច្រើនដល់កេរ្តិ៍ឈ្មោះសាមីខ្លួន បងប្អូន ជាពិសេសកូនតែម្តង។ លើសពីនេះ ការបង្ហោះលើបណ្តាញសង្គមមិនជួយឱ្យបញ្ហាត្រូវបានដោះស្រាយទេ ផ្ទុយទៅវិញ ធ្វើឱ្យមានការវែកញែកច្រើនទាំងមិនដឹងមូលហេតុច្បាស់លាស់នោះ។ ដើម្បីដោះស្រាយបញ្ហានេះបាន គួរមានការប្រាស្រ័យបើកចំហ ជួបគ្នាផ្ទាល់ដោះស្រាយ ឬស្វែងរកអ្នកជំនាញជួយដោះស្រាយលើបញ្ហានេះដោយសន្តិវិធី។ ការយោគយល់ និងអត់ឱនឱ្យគ្នា ក៏ជាវិធីសាស្ត្រល្អមួយក្នុងការបញ្ចប់បញ្ហា ចៀសវាងការបង្ហោះលើបណ្តាញសង្គមតទៅទៀត។

តើគួរធ្វើបែបណាដើម្បីឱ្យអំពើផិតក្បត់នេះមានការថមថយក្នុងសង្គមខ្មែរ? បណ្ឌិត ជា វណ្ណី បានលើកឡើងពីការអប់រំក្នុងគ្រួសារ ដើម្បីឱ្យគ្រួសារទូន្មានប្រដៅកូនចៅពីសារៈសំខាន់ក្នុងការស្មោះត្រង់ក្នុងទំនាក់ទំនង ជាពិសេស ជីវិតប្តីប្រពន្ធ។ ការអប់រំក្នុងសាលា និងស្ថាប័ននានា ក៏សំខាន់ក្នុងបញ្ហានេះ។ ក្រៅពីនេះ រដ្ឋអាចពង្រឹងប្រព័ន្ធច្បាប់ឱ្យកាន់តែខ្លាំងក្លា និងកំណត់វិធានការស្នើសុំគូស្វាមីភរិយាឱ្យមានភាពស្មោះត្រង់រវាងគ្នា លើសពីនេះ គួរមានប្រព័ន្ធប្រឹក្សាយោបល់ជាលក្ខណៈគ្រួសារផងដែរ។ មួយទៀត ការស្វែងរកដំណោះស្រាយពីអ្នកជំនាញ និងមិត្តភក្តិ ក៏អាចឱ្យប្តីប្រពន្ធយល់ដឹងបានច្រើនពីបញ្ហានេះដូចគ្នា។ ចំណែក ប្តីប្រពន្ធវិញ ក៏ត្រូវបង្កើនក្តីស្រឡាញ់ក្នុងគ្រួសារឱ្យបានច្រើន ចំណាយពេលវេលា និងផ្តល់ភាពកក់ក្តៅដល់គ្រួសារឱ្យតាមអ្វីដែលអាចធ្វើបានទើបជាការល្អ អាចកាត់បន្ថយករណីផិតក្បត់ក្នុងសង្គមបានខ្លះដែរ។

ដោយឡែក លោកបណ្ឌិត ឈត ប៊ុនថង វិញយល់ថា ដើម្បីឱ្យអំពើផិតក្បត់គ្នានេះថមថយ គឺមានតែច្បាប់ និងសីលធម៌។ មនុស្សត្រូវគោរពសីលធម៌ ការស្មោះត្រង់ យោគយល់ និងទទួលខុសត្រូវជាមួយគ្នា។ លោកបណ្ឌិតថា ​គ្មានគ្រួសារណាមួយមិនមានទំនាស់ឡើយ សំខាន់ត្រូវចេះដោះស្រាយដោយសីលធម៌។ មួយទៀត បើមនុស្សមិនទទួលឥទ្ធិពលពីបណ្តាញសង្គមច្រើនពេក សម្ភារៈនិយម និងគ្រឿងញៀនគ្រឿងស្រវឹងទេ លោកគិតថា អំពើផិតក្បត់នឹងថមថយជាងនេះ៕

ដោយ៖ អុន ស្រីមាន

The post អ្នកជំនាញមើលឃើញថា ឥទ្ធិពលសង្គម ការធ្លាក់ចុះសីលធម៌ ជាកត្តាចម្បងជំរុញឱ្យមានអំពើផិតក្បត់គ្នាក្នុងសង្គមខ្មែរ appeared first on Kampuchea Thmey Daily.

១. Beyoncé

បន្ទាប់ពីដឹង Jay-Z កំពុងក្បត់ចិត្ត នាងបានបង្វែរបទពិសោធន៍ទៅបង្កើតអាល់ប៊ុម Lemonade ដែលទទួលការគាំទ្រយ៉ាងខ្លាំង ហើយ Beyonce តែងតែលើកលែងទោសឲ្យលោកជានិច្ច ។

២. Sandra Bullock 

នាងធ្លាប់ Jesse James អតីតស្វាមីក្បត់អំឡុងដំណើរការយកកូនមកចិញ្ចឹម ក្រោយការលែងលះ Sandra ក៏យកកូនមកចិញ្ចឹមតែម្នាក់ឯង ។

៣. Jennifer Lopez 

អ្នកស្រីបាននិយាយជាសាធារណៈអំពីការផិតក្បត់ដែលគាត់ធ្លាប់ឆ្លងកាត់ដោយមិនបញ្ចេញឈ្មោះ ហើយគាត់បន្តទៀតថា អ្នកក្បត់គឺជាអ្នកខុសទាំងស្រុងមិនមែនមកពីយើងខ្វះខាតអ្វីនោះទេ ។

៤. Khloé Kardashian

នាងធ្លាប់ត្រូវមិត្តប្រុសផិតក្បត់ជាច្រើនលើកច្រើនសារ ហើយលោក Tristan Thompson នៅតែទទួលការលើកលែងទោសពី Khloé ជារឿយៗ ។

៥. Robert Pattinson

តារាសម្ដែង Kristen Stewart ដែលជាមិត្តស្រីរបស់ Robert ត្រូវគេថតបានពេលកំពុងថើបគ្នាជាមួយ Rupert Sanders ប៉ុន្តែលោក Robert មិនខ្វល់ខ្វាយច្រើនទេលោកនិយាយថានេះជារឿងក្មេងខ្ចីដែលតែងតែកើតឡើងទូទៅ ។

៦. Halle Berry

ដំបូងអ្នកស្រីឃើញកាសែតចុះពីប្តី​ទី​ពីរ​របស់​ខ្លួនគឺ​លោក Eric Benét ថាកំពុង​បោកប្រាស់​នាង ក្រោយ​ពី​នាង​គំរាម​ប្តឹង​អ្នក​បោះ​ពុម្ព​ផ្សាយ​ព័ត៌មាន​ភូតភរ ទើប​ប្តី​របស់​នាង​សារភាព​ថា​ពិត​ជា​បានក្បត់​ Halle ជាមួយស្ត្រីច្រើននាក់មែន ៕

ប្រែសម្រួល ៖ វារី

ចុចអាន ៖ តារាអន្តរជាតិល្បីៗ ៦ រូប ធ្លាប់គ្រោះថ្នាក់ធ្ងន់ធ្ងរអំឡុងពេលថតរឿង

The post តារាល្បីៗលំដាប់ពិភពលោក ៦ ដួង ធ្លាប់ដៃគូក្បត់ចិត្ត ហើយមិនខ្លាចមហាជនដឹង  appeared first on Kampuchea Thmey Daily.

ភ្នែកស្រទន់ និងចូលចិត្តដៀង

នរវិទ្យាចាត់ទុកថា នេះជាចរិតលក្ខណៈរបស់បុរសដែលមិនសូវស្មោះត្រង់ក្នុងផ្លូវមនោសញ្ចេតនា និងមានលទ្ធភាពខ្ពស់នៃការផិតក្បត់ ប្រសិនបើគូស្នេហ៍ ឬប្រពន្ធមិនចាប់អារម្មណ៍ ឬមិនតាមដានឱ្យដិតដល់នោះទេ។

បុរសប្រភេទនេះមានការទាក់ទាញខ្លាំងចំពោះមនុស្សស្រី ដូច្នេះហើយពួកគេតែងតែធ្វើឱ្យមនុស្សស្រីជាច្រើននៅជុំវិញពួកគេលង់នឹងពាក្យផ្អែមល្ហែមបានយ៉ាងងាយ ។

មនុស្ស​ស្រី ​បើ​មានដៃគូ​ជាមួយ​បុរស​ដែល​មាន​ចរិត​បែប​នេះ​គួរ​ប្រយ័ត្ន ព្រោះ​ពួក​គេ​តែង​មាន​ទំនាក់ទំនង​ក្រៅ​ពីប្រពន្ធ​ជា​ញឹក​ញាប់ ទោះ​ជា​រៀប​ការ​ហើយ​ក៏​ដោយ។

រោមចិញ្ចើមរញ៉េរញ៉ៃ

ចិញ្ចើមបែបនេះ ​ជាប្រភេទ​មនុស្ស​ប្រុសព្រាននារីចំតួ។ ប្រសិនរោមចិញ្ចើមតូច និងស្តើងទៀត ជាពិសេសកន្ទុយចិញ្ចើមចុះក្រោម នោះជានិមិត្តសញ្ញានៃភាពមិនស្មោះត្រង់យ៉ាងប្រាកដ។ ពួកគេពូកែបូរបាច់ លួងលោមមនុស្សស្រី និងចិត្តក្ដៅក្នុងរឿងលើគ្រែ។ ជាទូទៅមនុស្សស្រីដែលគេចែចង់ មិនងាយរួចពីដៃទេ ហើយចរិតគេផ្ទាល់ងាយធ្លាក់ក្នុងអន្លង់ស្នេហ៍ស្រីផ្សេង ទោះបីជារៀបការរួច។

ស្លាបច្រមុះក្រាស់ និងលាតធំ

បុរសមានច្រមុះ​កាន់តែ​ក្រាស់ សាច់​ច្រើន និង​រន្ធ​ច្រមុះ​កាន់តែ​ធំ នោះ​ការ​ផិតក្បត់​កាន់តែ​ខ្ពស់​។ បុរសដែលមានលក្ខណៈច្រមុះបែបនេះ រមែងមានសុខភាពល្អ កាយសម្បទារឹងមាំ ប៉ុន្តែជារឿយៗ ពួកគេខ្ជិលនឹងរឿងការងារផ្ទះ និងមិនចូលចិត្តមើលក្មេងៗ។ ថ្វីត្បិតតែអាជីពរបស់ពួកគេជោគជ័យពិតមែន ប៉ុន្តែដោយសារតែទម្លាប់តណ្ហាក្រាស់ អាពាហ៍ពិពាហ៍របស់ពួកគេមិនមានភាពកក់ក្តៅប៉ុន្មានទេ ឯលទ្ធភាពរកបាយក្រៅផ្ទះ គឺមានភាគរយខ្ពស់ណាស់។

បបូរមាត់ស្តើង និងរួមតូច

បបូរមាត់ខាងលើស្តើង និងមានមាត់តូចជាងអ្នកដទៃ ជាប្រភេទបុរសពូកែនិយាយ ប៉ុន្តែពួកគេមានសមត្ថភាពខ្ពស់ក្នុងការប្រព្រឹត្តអំពើផិតក្បត់។

បុរសៗដែលមានមុខមាត់បែបនេះ ភាគច្រើនចូលចិត្តនិយាយពាក្យសរសើរឡើងផ្កាប់មុខ ពេលចែចង់ស្រីៗ ទោះបីជាពួកគេមានប្រពន្ធកូនហើយក៏ដោយ។ ជាពិសេស​គឺ​ជា​មនុស្ស​អាត្មានិយម​ខ្លាំង​ក្នុង​រឿង​ស្នេហា ដោយ​គិត​តែ​ពី​អារម្មណ៍​ខ្លួន​ឯង។ ភាគច្រើនឱ្យតែបានប្រាណរួច ពួកគេលែងស្គាល់នារីនោះទៀតហើយ៕

អត្ថបទ៖ សន្យា

ចុចអាន៖ ពិតឬ ប្រជ្រុយក្បែរតំបន់ពិសេស ជាប្រជ្រុយមានមន្តស្នេហ៍ និងសំណាងខ្លាំង?

ចុចអាន៖ ហុងស៊ុយទម្រង់មុខ ៣ ប្រភេទ​ វាសនាចារមកថា ជា មហាសេដ្ឋី ទៅថ្ងៃមុខ

The post បុគ្គលិកលក្ខណៈ ៤យ៉ាងនៃបុរសពូកែរកក្រៅ ហើយផិតក្បត់សង្សារឬប្រពន្ធ appeared first on Kampuchea Thmey Daily.

អ្នក​និពន្ធ​បាន​គូស​បញ្ជាក់​ពី​ហេតុផល ៦ យ៉ាង​ ដែល​ចង្អុល​បង្ហាញ​ថា​ តើ​មនុស្ស​ម្នាក់​មិន​ស្មោះត្រង់​នឹង​ដៃគូ​របស់​ពួកគេ​យ៉ាងម៉េច។

កត្តា​ដែល​កំណត់​ឲ្យ​ដៃគូ​ស្នេហា​ឈាន​ទៅ​រក​លួច​បន្លំ​ឬ​បោកប្រាស់​អ្នក​ម្ខាងទៀត ៖

១. ខួរក្បាល

យោង​តាម​អ្នក​ជំនាញ​ប្រហែល​ជា ៥០% នៃ​អ្វី​ដែល​ប្រាប់​យើង​ គឺជា​ភាព​ខុសគ្នា​ខាង​ជីវសាស្ត្រ​នៅ​ក្នុង​សារធាតុ​គីមី​ ក្នុង​ខួរក្បាល។ និយាយ​ម្យ៉ាង​ទៀត​ផ្នត់គំនិត​របស់​មនុស្ស​ម្នាក់​ក្នុង​ខួរក្បាល​ពួកគេ​​​​ ចំពោះ​ការ​បោកប្រាស់ទៅកាន់អ្នកដទៃ។

២. ចិត្តវិទ្យា

កត្តា​នេះ​រួម​បញ្ចូល​ពី​វិធី​ដែល​យើង​គិត​ជាមួយ​នឹង​បទពិសោធន៍​ដែល​យើង​មាន។ វា​បាន​កំណត់​ថា​តើ​យើង​មាន​អារម្មណ៍​យ៉ាង​ណា​នៅ​ក្នុង​ពិភពលោក​របស់​យើង។

វិធី​ដែល​គំនិត​របស់​យើង​ដំណើរការ អ្វីៗ​ដែល​យើង​ជួប​ប្រទះ មាន​ច្រើន​ទាក់ទង​នឹង​ការ​យល់ឃើញ​របស់​យើង​ពី​ស្នេហាម្ខាងទៀត។ ហើយបុគ្គលិក​លក្ខណៈនេះឯង ដែលជាសញ្ញាមួយអាចឈានទៅរកការបោកប្រាស់។

៣. វប្បធម៌

សាវតារ​វប្បធម៌​ក៏​ជា​កត្តា​សំខាន់​មួយ​ដែល​ជះឥទ្ធិពល​ដល់​វិធីសាស្ត្រ​របស់​យើង ​ឆ្ពោះ​ទៅ​រក​ការ​បោកប្រាស់។ វា​បង្ហាញ​ពី​ជំនឿ​របស់​យើង​លើ​សេចក្ដី​ស្នេហា ​ភេទ​ និង​ភាព​មិន​ស្មោះត្រង់​តាំង​ពី​វ័យ​ក្មេង។

៤. ភាព​មិន​ចេះ​អត់ធ្មត់

ចរិត​បុគ្គលិក​លក្ខណៈ​នេះ​ត្រូវ​បាន​បង្កើត​ឡើង​ដោយ​ធ្វើការ​សម្រេចចិត្ត ​ក្នុង​ពេល​កំពុងតែ​ឆេវឆាវ​ ហើយមិន​គិត​ពី​អ្វី​ដែល​កើតឡើងនាពេលខាងមុខ។

នោះ​ហើយ​ជា​មូលហេតុ​ដែល​មនុស្ស​មិន​ចេះ​ទ្រាំ​អត់ធ្មត់​ អាច​ក្លាយ​ជា​មនុស្ស​បោកប្រាស់ស្នេហា ឬអ្នកជុំវិញខ្លួន។

៥. ចូលចិត្ត​ប្លែកៗ​ឬ​អារម្មណ៏​រំភើប

មាន​មនុស្ស​ជា​ច្រើន​ដែល​ខូចចិត្ត​ មិន​បាន​ជួប​ស្នេហា​ពិត​ជាមួយ​ដៃគូ​តែ​ម្នាក់​គត់​របស់​ពួកគេ ដោយសារតែ​ដៃគូ​បាន​ព្យាយាម​ស្វែងរក​មនោសញ្ចេតនា​ដោយ​ឯកឯង​ផ្សេងទៀត។ ពួកគេ​មិន​មាន​អារម្មណ៍​រំភើប​ក្នុង​ការ​ស្និទ្ធស្នាល​ជាមួយ​មនុស្ស​តែ​ម្នាក់​ទេ។

ដូច្នេះ​នៅ​ពេល​ដែល​ពួកគេ​ស្រេកឃ្លាន​ស្នេហា​ច្រើន​គ្នា ​ពួកគេ​នឹង​រំភើប​ ហើយ​ស្វែងរក​វា​នៅ​ក្នុង​សកម្មភាព​នៃ​ការ​លួច​បន្លំ​ដៃគូ​​ ឬ​មាន​ស្នេហា​ជាមួយ​អ្នក​ទី៣។

៦. បំផ្លាញ​ខ្លួនឯង

បើ​មនុស្ស​ម្នាក់​ជា​រឿយៗ​ធ្លាក់​ចូល​ក្នុង​ទម្លាប់​មិន​ល្អ​ និង​បំផ្លាញ​ខ្លួនឯង ​ហើយ​ធ្វើការ​សម្រេចចិត្ត​ហិរញ្ញវត្ថុ​មិនល្អ​ ពួកគេ​អាច​នឹង​ប្រព្រឹត្ត​ចំពោះ​ទំនាក់ទំនង​របស់​ពួកគេ​តាម​របៀប​ដូចគ្នា​ដែរ។

ទោះ​ជា​យ៉ាងណា​ក៏​ដោយ​ នៅ​ពេល​ភាព​មិន​ស្មោះត្រង់​របស់​ពួកគេ​កើតមាន​ ក៏​អាច​​ប៉ះពាល់​ដល់​អ្នកដទៃ​បាន​ដូចគ្នា៕

ប្រែសម្រួល៖ សាង ស្រីល័ក្ខ

ចុចអាន៖ចង់​បាន​ទំនាក់ទំនង​ល្អ ចៀសបាន​កុំ​និយាយ​រឿង​នេះ ទៅ​កាន់​បុរស​ជា​ដៃគូ

ចុចអាន៖បញ្ហា​ចាំបាច់​ដែល​​ឪពុកម្ដាយ​ដោះស្រាយ ​មុន​ពេល​បង្ក​ជា​វិបត្តិ​ធ្ងន់​ដល់​កូនៗ

The post បុគ្គលិក​លក្ខណៈ ៦ យ៉ាង​នៃ​អ្នក​ដែល​និយម​បោក​ប្រាស់​ឬ​ផិត​ក្បត់​ដៃ​គូម្ខាង appeared first on Kampuchea Thmey Daily.

បុរសជាប្តីមានឈ្មោះ ក្រិត ពៅ ភេទប្រុសអាយុ៣១ឆ្នាំ មុខរោងចក្រ ស្នាក់នៅបន្ទប់ជួលកន្លែងកើតហេតុខាងលើ បានរៀបរាប់ប្រាប់ថា ប្រពន្ធរបស់គាត់មានឈ្មោះ សាក់ ស្រីភ័ស្ផ អាយុ២៧ឆ្នាំមុខរបររោងចក្រដូចគ្នា បានរៀបការនឹងគ្នាកាលពីឆ្នាំ២០១១ នៅឯស្រុកកំណើតខាងប្តី ស្រុកព្រះស្តេច ខេត្តព្រៃវែង។ រហូតមកដល់សព្វថ្ងៃរយៈពេល១០ឆ្នាំមកហើយ ថែមទាំងមានកូនប្រុសស្រីនៅក្នុងបន្ទុកពីរនាក់ថែមទៀត។

ប្រភពដដែលបានបន្តទៀតថា ដោយមានជីវភាពមានការខ្វះខាត បាននាំគ្នាចាកចេញពីផ្ទះមកធ្វើការរោងចក្រនៅក្រុងភ្នំពេញ ដោយស្នាក់នៅបន្ទប់ជួលក្បែរកន្លែងកើតហេតុខាងលើ ដោយរស់នៅមិនចុះសម្រុងគ្នា តែងតែឈ្លោះគ្នាជាញឹកញាប់ រយៈពេល១ខែចុងក្រោយនេះ ប្រពន្ធបានវេចបង្វឹចរត់ចោលរូបគេជាប្តី មករស់នៅបន្ទប់ជួលផ្សេង។ ក្រោយមករូបគាត់ជាប្ដីបានតាមដានដឹងថា ប្រពន្ធរបស់គាត់មកនៅបន្ទប់ជួលផ្សេងក្បែរកន្លែងគាត់ស្នាក់នៅដែរ លុះរយៈពេលមួយ អាទិត្យក្រោយមក ដោយមានការសង្ស័យ ព្រោះរូបគាត់ជាប្ដីបានខលទូរស័ព្ទទៅប្រពន្ធចង់សួរសុខទុក្ខ តែប្រពន្ធបានប្រាប់ថា ឈប់ខលទូរស័ព្ទមករកគេទៀតទៅ ធ្វើឲ្យរូបគេជាប្តីរឹតតែមានការសង្ស័យថែមទៀត។ លុះដល់ម៉ោងកើតហេតុក៏បានដើរមកមើលប្រពន្ធដល់បន្ទប់ជួល ដោយអើតមើលក្នុងបន្ទប់ឃើញនៅម្នាក់ឯង រួចក៏បានដើរចេញមកវិញ ស្រាប់​តែឮសំឡេងមនុស្សប្រុស ទើបដឹងថាប្រពន្ធនាំប្រុសស្នេហ៍មកដេកដល់ក្នុងបន្ទប់ ទើបរូបគាត់យកដែកចងទ្វារជាប់មិនចេញទៅណាទេ ធ្វើឲ្យមានការភ្ញាក់ផ្អើលឡើងដល់បងប្អូនស្នាក់នៅបន្ទប់ជួលក្បែរគ្នា រាយការណ៍ជូនសមត្ថកិច្ចឲ្យចុះ​មកជួយអន្តរាគមន៍។

បើតាមការរៀបរាប់ពីប្រពន្ធបានប្រាប់ឲ្យដឹងថា ចាប់ពីរូបគេបានរៀបការជាមួយប្ដីមក គ្រួសារខាងប្តីតែងតែមើលងាយ មើលថោកមកលើរូបគេជារើយៗ តែរូបគេជាប្រពន្ធមិនបានប្រាប់ប្ដីនោះទេ ហើយតែងតែឈ្លោះប្រកែកគ្នាជាមួយប្តីជាញឹកញាប់ផងដែរ។ ក្រោយមករូបគាត់ជាប្រពន្ធបានសុំប្ដីលែងលះគ្នា តែប្ដីមិនព្រម ហើយក៏បានចាកចេញពីប្តីមកស្នាក់នៅបន្ទប់ជួលផ្សេងទៀតតែម្នាក់ឯង ក្រោយពីបានស្នាក់នៅបន្ទប់ជួលម្នាក់ឯង រូបគេក៍មានទំនាក់នំនងជាមួយបុរសម្នាក់ តាមរយ:លេងTik Tok ជាមួយគ្នាបានមួយអាទិត្យ ហើយបានហៅបុរសខាងលើមកដេកដល់ក្នុងបន្ទប់ជួល ទើបប្ដីតាមទាន់ឃាត់ខ្លួន។

ក្រោយពីកម្លាំងសមត្ថកិច្ចចុះដល់ទីតាំងកើតហេតុ ប្ដីប្រពន្ធ និងប្រុសស្នេហ៍ នាំខ្លួនយកទៅប៉ុស្តិ៍នគរបាលរដ្ឋបាលត្រពាំងក្រសាំង ដើម្បីធ្វើការសួរនាំ និងបន្តតាមនីតិវិធីច្បាប់៕

អត្ថបទ ៖ សុខា

The post ស្គាល់គ្នាតាមTik Tok៧ថ្ងៃ នាំប្រុសស្នេហ៍មកដេកដល់បន្ទប់ជួល ប្តីតាមទាន់ផ្អើលទាំងយប់ appeared first on Kampuchea Thmey Daily.