បុគ្គលឈ្មោះ ប៉ែនភ័ក្រ សុរីធន់ ហៅ គីម យ៉ាអែម ភេទប្រុស ត្រូវដាក់ឲ្យស្ថិតនៅក្រោមការពិនិត្យពីបទ៖ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម, ប្រមាថអ្នករាជការសាធារណៈ កាលពីថ្ងៃទី៣១ ខែមីនា ឆ្នាំ២០២៦ និងប្រើប្រាស់ឯកសារសាធារណៈក្លែង (អត្តសញ្ញាណប័ណ្ណសញ្ជាតិខ្មែរ) កាលពីអំឡុងឆ្នាំ២០២០ រហូតដល់ថ្ងៃទី៣១ ខែមីនាឆ្នាំ២០២៦ ប្រព្រឹត្តនៅរាជធានីភ្នំពេញ បទល្មើសព្រហ្មទណ្ឌដែលមានចែងឲ្យផ្ដន្ទាទោស តាមមាត្រា៤៩៤ មាត្រា៤៩៥ មាត្រា៥០២ និងមាត្រា៦៣០ នៃក្រមព្រហ្មទណ្ឌ។

កាលពីថ្ងៃទី៣១ ខែមីនា ឆ្នាំ២០២៦ វេលាម៉ោង ១៤៖៣០នាទី ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានឃាត់ខ្លួនជនសង្ស័យម្នាក់ដែលជាម្ចាស់ គណនីហ្វេសប៊ុកឈ្មោះ «Kim Ya An» ក្រោយបង្ហោះសាររិៈការត្រួតពិនិត្យជាតិស្រវឹង។

គួរំលឹកផងដែរថា នាថ្ងៃទី៣០ ខែមីនា ឆ្នាំ២០២៦ វេលាម៉ោង ២៣៖៣០នាទី នគរបាលចរាចរណ៍ ដែលចុះអនុវត្តច្បាប់ចរាចរណ៍ផ្លូវគោកនិងត្រួតពិនិត្យជាតិស្រវឹងពេលយប់លើផ្លូវ៥៩៨ ក្នុងសង្កាត់ទឹកល្អក់១ ខណ្ឌទួលគោក នាម៉ោង០០:៣០នាទីឈានចូលថ្ងៃទី ៣១ ខែមីនា បានឃាត់រថយន្ត១គ្រឿងម៉ាក NISSAN ពណ៌ស ផ្លាកលេខភ្នំពេញ 2BV-5087  បើកបរដោយម្ចាស់គណនីហ្វេសប៊ុកឈ្មោះ Kim Ya An ដើម្បីវាស់ជាតិអាល់កុល ខណៈនោះអ្នកបើកបរបានសហការផ្លុំ ប៉ុន្តែផ្លុំលើកទី១និងទី២ ខុសបច្ចេកទេស លុះផ្លុំលើកទី៣ តាមការពន្យល់ពីបច្ចេកទេសផ្លុំ សមត្ថកិច្ចរកឃើញថា មានអត្រាជាតិអាល់កុល 0,55 Mg/l ។ លទ្ធផលបែបនេះ សមត្ថកិច្ចបានផាកពិន័យ និងចេញប័ណ្ណពិន័យត្រឹមត្រូវតាមច្បាប់ជូនទៅអ្នកបើកបរ ខណៈនោះអ្នកបើកបរមិនឬតវ៉ាឡើយ ដោយព្រមផ្តិតមេដៃទទួលការផាកពិន័យ។ ក្រោយពិន័យរួច សមត្ថកិច្ចមិនឱ្យបើកបរភ្លាមឡើយ ដោយរងចាំស្វាងស្រាសិនទើបឱ្យបន្តដំណើរទៅមុខ។

លុះព្រឹកឡើងថ្ងៃដដែលអ្នកបើករថយន្តខាងលើស្រាប់តែបង្ហោះព័ត៌មាន មិនពិតមានលក្ខណៈញុះញង់ប៉ះពាល់កិត្តិយស សេចក្តីថ្លៃថ្នូររបស់សមត្ថកិច្ច ជាពិសេសនាំឲ្យមហាជនយល់ច្រឡំមកលើសមត្ថកិច្ចតាមបណ្តាញសង្គមហ្វេសប៊ុករបស់ខ្លួនឈ្មោះ «Kim Ya An» ដែលមានខ្លឹមសារថា «ជួយស៊ែរមួយបងប្អូនបង្ខំឲ្យយើងផ្លុំលើកទីមួយអត់ បង្ខំឲ្យយើងខ្ញុំ 5-6ដងទៀតផ្លុំរហូតដល់អស់500$ (ពុករលួយសម្លាប់ប្រជាជនទាំងរស់ និងខ្លឹមសាររបៀបញុះញង់មួយចំនួនទៀតផងដែរ…»។ តាមការបង្ហោះរបស់ជនសង្ស័យម្នាក់នេះ មិនឆ្លុះបញ្ចាំងពីការខិតខំប្រឹងប្រែងរបស់សមត្ថកិច្ចដែលបំពេញភារកិច្ច ដើម្បីកាត់បន្ថយបញ្ហាគ្រោះថ្នាក់ចរាចរណ៍ ធានាការពារអាយុជីវិត ការខូចខាតទ្រព្យសម្បត្តិរបស់ប្រជាពលរដ្ឋ ដែលគ្រោះថ្នាក់ចរាចរណ៍ភាគច្រើនផ្តើមចេញពីការទទួលទានគ្រឿងស្រវឹង កើតឡើងញឹកញាប់នៅពេលយប់ បណ្តាលឱ្យបាត់បង់អាយុជីវិតប្រជាពលរដ្ឋគួរឱ្យបារម្ភ។

នៅចំពោះមុខសមត្ថកិច្ច ឈ្មោះ ប៉ែនភ័ក្រ សុរីធន់ ភេទប្រុស (ក្លែងភេទស្រី) ឆ្នាំកំណើត១៩៩៦ មុខរបរបុគ្គលិកខារ៉ាអូខេ THE DRINK នៅចំពោះមុខសមត្ថកិច្ច បានឆ្លើយសារភាព ខ្លួនពិតជាស្រវឹងផឹកស្រាបៀរជាមួយ មិត្តភក្តិ៣នាក់ នៅផ្ទះរបស់ខ្លួនស្ទឹងមានជ័យ ហើយបន្ទាប់មកក៏ធ្វើដំណើរក្នុងគោលបំណងមកផ្ទះមួយទៀតនៅបុរី ប៉េង ហួត ផ្លូវម៉ុងប្ញទ្ធី។ ពេលផ្លុំរួច និងបើកឡានចេញមក ក្រដាស់ប័ណ្ណចុងសន្លឹកផាកពិន័យ ខ្លួនក៏ក្រញីចុចកញ្ចក់រថយន្តបោះចោលបាត់។

ច្បាប់ចរាចរណ៍ផ្លូវគោក មាត្រា៧៧ ចែងថា ជនណាបើករថយន្តនៅពេលដែលខ្លួនស្ថិតក្នុងស្ថានភាពស្រវឹងដោយមានជាតិអាល់កុលចាប់ពី០,៤០មីលីក្រាមក្នុងមួយលីត្រខ្យល់ ឬ០,៨០មីលីក្រាមក្នុងមួយលីត្រឈាមឡើងទៅត្រូវផ្ដន្ទាទោសដាក់ពន្ធនាគារចាប់ពី១ខែទៅ៦ខែ និងពិន័យជាប្រាក់ពី៨០ម៉ឺនរៀលទៅ៤លានរៀល៕

The post បុរសភេទទី៣ដែលបង្ហោះសារ ចោទប្រកាន់លើមន្រី្តនគរបាល ត្រូវបានតុលាសម្រេចឃុំខ្លួនបណ្ដោះអាសន្ននៅពន្ធនាគារ PJ appeared first on Kampuchea Thmey Daily.

ហេតុការណ៍នេះកើតឡើងវេលាម៉ោង០០:១៥នាទី ថ្ងៃទី០៩ ខែមករា ឆ្នាំ២០២៥ នៅលើផ្លូវស្ពានមិត្តភាពកម្ពុជាជប៉ុន ស្ថិតក្នុងសង្កាត់ស្រះចក ខណ្ឌដូនពេញ។ តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសបើករថយន្តម៉ាក​តូយូតាព្រូស ពាក់ផ្លាកលេខ ភ្នំពេញ 2BS-5830 បើកបរក្នុងល្បឿនលឿនទិសដៅពីលិចទៅកើត បានបើកឆ្លងកាត់ស្ពានជ្រោយចង្វារមិត្តភាពកម្ពុជា-ជប៉ុន លុះមកដល់ចំណុចកើតហេតុជិតដល់ពាក់កណ្តាលស្ពាន រថយន្តខាងលើក៏បានបុកម៉ូតូសណ្តោងពេញទំហឹង បណ្តាលឲ្យមនុស្សរួមដំណើរមានក្មេងចាស់ ប្រុសស្រីចំនួន១២នាក់រងរបួស។

ភ្លាមៗអ្នកបើករថយន្ដបង្កបានព្យាយាមបើករថយន្តរត់គេច តែត្រូវបានប្រជាពលរដ្ឋ និងសមត្ថកិច្ចឃាត់បានយកត្រឡប់មកវិញ។ រីឯជនរងគ្រោះត្រូវបានរថយន្តមន្ទីរពេទ្យកាល់ម៉ែត្រចំនួន២គ្រឿង និងមន្ទីរពេទ្យបង្អែកចតុមុខ១គ្រឿងមកទទួលយកទៅសង្គ្រោះជាបន្តបន្ទាប់ ខណៈក្មេងៗត្រូវបានបន្តយកទៅព្យាបាលនៅមន្ទីរពេទ្យគន្ធបុប្ផា។

បន្ទាប់ពីហេតុការណ៍កើតឡើង សមត្ថកិច្ចបានឃាត់ខ្លួនបញ្ជូនទៅការិយាល័យនគរបាលចរាចរណ៍ផ្លូវគោក។ បច្ចុប្បន្នអ្នកបើកបររថយន្តខាងលើ ត្រូវសមត្ថកិច្ចជំនាញកំពុងសួរនាំ និងបន្តអនុវត្តតាមនីតិវិធី៕

The post បុរសម្នាក់បើកបរទាំងស្រវឹងមានកម្រិតជាតិអាល់កុល ០.៦៨mg/L បុករឺម៉ក បណ្ដាលឱ្យមនុស្ស១២នាក់រងរបួស appeared first on Kampuchea Thmey Daily.

ក្រោយពី​កើតហេតុ​ហើយ​ប្រជាពលរដ្ឋ​រស់​នៅក្បែរនោះ​បាន​រាយការណ៍​ទៅ​កម្លាំង​អាវុធហត្ថ​ឲ្យ​ចុះមក​ធ្វើ​អន្តរាគមន៍​។

លោក​វរសេនីយ៍ត្រី នួន នី​ណា​រ៉ូ មេ​បញ្ជាករ​មូលដ្ឋាន​កងរាជអាវុធហត្ថ​ក្រុង​ប៉ោយប៉ែត បាន​ប្រាប់​អ្នកយក​ព័ត៌មាន​ថា​ ពេល​ទទួលបាន​ព័​ត៌មាន​ហើយ លោក​បាន​ដឹកនាំ​កម្លាំង​អាវុធហត្ថ​១​ក្រុម​ចុះ​ដល់​កន្លែងកើតហេតុ ធ្វើការ​ស្រាវជ្រាវ ឈានដល់​ការឃាត់ខ្លួន​ជនសង្ស័យ​ម្នាក់​មាន ឈ្មោះ ផាត សុ​ភ័​ណ្ឌ ភេទ​ប្រុស អាយុ​៣១​ឆ្នាំ ជនជាតិខ្មែរ រស់នៅ​ភូមិ​ក្បាល​ទំនប់ ឃុំ​អូរ​សំព័រ ស្រុក​ម៉ាឡៃ ខេត្តបន្ទាយមានជ័យ​។ សម្រាប់វត្ថុ​តាង​មាន​កាំបិត​កែច្នៃ​ដង​ជ័រ ប្រវែង​៣៥​សង់ទីម៉ែត្រ​ចំនួន​១​ដើម ហើយ​នាំមក​មូលដ្ឋាន​កងរាជអាវុធហត្ថ​ក្រុង ដើម្បី​កសាង​សំណុំរឿង​ចាត់ការ​តាម​នីតិវិធី​។

​លោក​វរសេនីយ៍ត្រី នួន នី​ណា​រ៉ូ បាន​ឲ្យ​ដឹង​បន្ត​ថា នៅមុន​កើ​ត​ហេតុ ជនសង្ស័យ និង​ជនរងគ្រោះ ឈ្មោះ ព្រុំ ជឿន ភេទ​ប្រុស អាយុ​២៨​ឆ្នាំ ស្នាក់នៅ​បន្ទប់​ជួល​នៅ​ចំណុច​ភូមិ​ទំនប់​ក​៥ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ បាន​គ្នា​ផឹកស៊ី​នៅ​បន្ទប់​ខ្លួន ពេល​ស្រា​ចូល​ពោះ​រៀងខ្លួន​ក៏​កើតមាន​ជម្លោះ​និង​គ្នា ដោយសារ​និយាយ​គ្នា​មិន​ត្រូវ ជនសង្ស័យ​បាន​យក​កាំបិត​ចិតបន្លែ​ក្នុង​រោង​បាយ​ចាក់​ទៅ​លើ​ជនរងគ្រោះ​ត្រូវ​ចំ​ពោះ​លេច​បណ្តាយ​ឲ្យ​របួសធ្ងន់ ត្រូវ​បាន​ក្រុមគ្រូពេទ្យ ដឹក​យកទៅ​សង្គ្រោះ​សម្រាក​ព្យាបាល​នៅ​មន្ទីរពេទ្យបង្អែក​មិត្តភាព​កម្ពុជា​-​ជប៉ុន មង្គល​បូរី​។

តាម​ច​ម្លើ​យ ជនសង្ស័យ​បាន​ឆ្លើយ​សារភាព​ថា ខ្លួន​ពិតជា​បាន​យក​កាំបិត​ចាក់​ទៅ​លើ​ជនរងគ្រោះ​ចំពោះ​បណ្តាល​ឲ្យ​រងរបួស​ពិតប្រាកដ​មែន​ព្រោះ​មានទំនាស​គ្នា​ក្នុង​វង់​ផឹ​ក​ស៊ី។ ជនសង្ស័យ​និង​វត្ថុតាង បាន​កសាង​សំណុំរឿង​បញ្ជូន​មកកាន់​បញ្ជាការ​ដ្ឋា​ន​កងរាជអាវុធហត្ថ​ខេត្ត​ចាត់ការ​បន្ត​តាម​នីតិវិធី។

​លោក​វរសេនីយ៍ឯក ម៉ែន ភិរម្យ មេបញ្ជាការរង​កងរាជអាវុធហត្ថ​ខេត្ត ទទួល​ការងារ​ស្រាវជ្រាវ និង​បង្ក្រាប​បទ​ល្មើស​បាន​ឲ្យ​ដឹងថា ការបង្ក្រាប​ករណី​ខាងលើនេះ​ដោយបាន​ការអនុញ្ញាត​ពី​លោក​ឧ​ត្ត​ម​សេនីយ៍​ត្រី បោ​ន ប៊ិន មេបញ្ជាការ​កងរាជអាវុធហត្ថ​ខេត្ត និង​មានការ​សម្របសម្រួល​នីតិវិធី​ពី លោក កើត វណ្ណា​រ៉េត ព្រះរាជអាជ្ញា អម​សាលាដំបូង​ខេត្ត ជនសង្ស័យ​ត្រូវបាន​កម្លាំង​ការិយាល័យ​ព្រហ្មទណ្ឌ កងរាជអាវុធហត្ថ​ខេត្ត បញ្ជូនទៅ​សាលាដំបូង​ខេត្ត ហើយ​នៅ​ព្រឹក​ថ្ងៃ ទី​២៥ ខែឧសភា ឆ្នាំ​២០២៤​នេះ ដើម្បី​អនុវត្ត​តាម​នីតិវិធី​ច្បាប់​៕

ដោយ ៖ វ៉ាន់ ណា​ង

The post បុរសម្នាក់​ផឹកស៊ី​ទាស់​សំដី​គ្នា យក​កាំបិត​ទៅ​ចាក់​បណ្ដាលឱ្យ​រងរបួសធ្ងន់ appeared first on Kampuchea Thmey Daily.

សមត្ថកិច្ចកងរាជអាវុធហត្ថមូលដ្ឋានស្រុកដែលបានចុះទៅដល់កន្លែងកើតហេតុ បានឱ្យដឹងថា តាមការសាកសួរព័ត៌មាន បុរសម្នាក់នេះពីយប់មិញបានជួបជុំគ្នាផឹកសុី ហើយស្រវឹងស្រា ដើរទៅកន្លែងដេក ក៏វង្វេងរកផ្លូវទៅផ្ទះមិនឃើញ ក៏ដើរចូលព្រៃរួចរអិលជើងធ្លាក់ចូលលូបាត់ទៅ។

សមត្ថកិច្ចបានឱ្យដឹងទៀតថា ពេលធ្លាក់ចូលលូហើយ ដោយយប់ងងឹតផងនោះ ជនរងគ្រោះមើលផ្លូវមិនឃើញ រួចចាប់ផ្តើមលូនតាមប្រហោងលូទៅមុខបន្តរហូតជាប់រកច្រកចេញមិនរួច។ សមត្ថកិច្ចបានឱ្យដឹងថា នេះចាត់ទុកសំណាងដែលមានប្រជាពលរដ្ឋអ្នកដើរព្រៃដើរមកដល់ចំណុចកើតហេតុ ហើយបានលឺសូរសំលេងជនរងគ្រោះស្រែកថ្ងូរចេញពីមាត់លូ ដោយដំបូងពួកគាត់នឹកស្មានថា ជាសំឡេងខ្មោចលង ប្រុងរត់ប្រាស់អាយុ តែដោយសារមានការសង្ស័យ ក៏ចូលមកអើតមើល និងផ្ទៀងត្រចៀកស្តាប់ឱ្យច្បាស់ ទើបដឹងថា នេះជាសំឡេងមនុស្សជាប់នៅក្នុងលូ មិនមែនខ្មោចលងទេ។

សមត្ថកិច្ចបានឱ្យដឹងថា ជនរងគ្រោះមាន ឈ្មោះ កែវ បាន ភេទប្រុស អាយុ ២៦ឆ្នាំ មុខរបរ កម្មករនេសាទ មានទីលំនៅភូមិស្លាបតាអោន ឃុំស្វាយទងខាងត្បូង ស្រុកកំពង់ត្រាច ខេត្តកំពត។ ជនរងគ្រោះត្រូវបានសាច់ញាតិជួយសង្គ្រោះយកចេញមកខាងក្រៅ។ ដោយសារសុខភាពជនរងគ្រោះមិនសូវល្អ ក៏បញ្ជូនទៅមន្ទីរពេទ្យបង្អែកខេត្តព្រះសីហនុ៕

អត្ថបទ៖ ស៊ុយ ចាន់ធា

The post បុរសម្នាក់ស្រវឹងធ្លាក់លូក្រោមដី ១យប់ បានអ្នកដើរព្រៃជួយទាន់់ ដោយដំបូងស្មានតែខ្មោចលង appeared first on Kampuchea Thmey Daily.

សមត្ថកិច្ចមូលដ្ឋាន បានឲ្យដឹងថា នៅមុនពេលកើតហេតុ គឺមានរថយន្តមួយគ្រឿង ម៉ាកលុចស៊ីស ៣០០ ពណ៌ខ្មៅ ពាក់ស្លាកលេខ 2I-0908 ភ.ព បើកបរដោយឈ្មោះ ហុន ឆាន ភេទប្រុស អាយុ ៥៣ រស់នៅភូមិអូរគគី ឃុំអូរដា ស្រុកកំរៀង ខេត្តបាត់ដំបង។ បុរសរូបនេះ បានបើករថយន្តយ៉ាងលឿន ចេញពីផ្ទះប្រពន្ធចុង និងស្ថិតក្នុងសភាពស្រវឹង ហើយស្លៀកតែខោលីអូប៉ុណ្ណោះ ក្នុងគោលបំណងត្រឡប់ទៅផ្ទះប្រពន្ធដើមវិញ នៅភូមិកំប្រង់ ឃុំតាក្រី ស្រុកកំរៀង។

លុះមកដល់ចំណុចកើតហេតុ បានបុកពីក្រោយរថយន្តធំ ដែលរថយន្តធំនោះកំពុងសណ្តោងគ្នា បណ្តាលឲ្យស្លាប់នៅកន្លែងកើតហេតុតែម្ដង។ ចំណែករថយន្តធំ ដែលធ្វើដំណើរស្របទិសគ្នានោះ ម៉ាក NISSAN DIESEL ពណ៌ក្រហម-លឿង ពាក់ស្លាកលេខ 3A-0034 ប.ជ អ្នកបើកបររត់គេចខ្លួនបាត់។

សមត្ថកិច្ច បានឲ្យដឹងបន្តថា បុរសរងគ្រោះខាងលើ បានបើករថយន្តចេញដោយផឹកស្រវឹងហើយ ទើបបណ្តាលឲ្យគ្រោះថ្នាក់បែបនេះ។ បច្ចុប្បន្នសមត្ថកិច្ច បាននាំយករថយន្តទាំងពីរគ្រោះង ទៅរក្សាទុកជាបណ្តោះអាសន្ន រីឯសពបុរសរងគ្រោះ ត្រូវបានប្រគល់ឲ្យប្រពន្ធទាំងពីរ យកទៅធ្វើបុណ្យតាមប្រពៃណីផងដែរ៕

អត្ថបទ៖ សោ និយមរ័ត្ន

The post ផឹកស្រវឹងបុរសម្នាក់បើករថយន្ត ទៅបុករថយន្តសណ្តោងចំពីក្រោយ បណ្តាលឲ្យស្លាប់ appeared first on Kampuchea Thmey Daily.

នគរបាល​មូលដ្ឋាន​ប្រាប់ឲ្យដឹងថា សព​មានឈ្មោះ យ៉ែម ឈឿង ​ អាយុ ៦២ ឆ្នាំ ជាជនពិការ​ជើង​ទាំង​ពីរនៅ រស់នៅក្នុងភូមិតាគល់ ឃុំផ្គាំ ស្រុក​ស្វាយចេក ខេត្ត​បន្ទាយមានជ័យ។

នគរបាល​មូលដ្ឋាន​បានប្រាប់ឲ្យដឹងបន្តទៀតថា ​កាលនៅរស់ ឈ្មោះ យ៉ែម ឈឿង ​ផឹកស្រាខ្លាំងណាស់ ហើយនៅមុនពេលកើតហេតុ គេឃើញជនរងគ្រោះ​ផឹកស្រាតាំងពីថ្ងៃ ហើយមិន​ទទួលទានបាយទេ​ ម្យ៉ាង​អាចដោយ​សារតែអាកាសធាតុត្រជាក់ខ្លាំង ទើបបណ្តាលឱ្យខ្យល់គ ​ដេកស្លាប់ក្នុងផ្ទះតែម្តង។

​សមត្ថកិច្ច​បាន​សន្និដ្ឋាន​ថា សព​ពិតជាស្លាប់ដោយ​ជំងឺខ្យល់ គ ព្រោះ​សំអាង​ថា មិន​មាន​ភិន​ភាគ​ស្លាកស្នាម​អ្វីឡើយ​។ក្រោយ​ពិនិត្យរួច នគរបាល​ប្រគល់សព​ឲ្យក្រុមគ្រួសារ​ធ្វើបុណ្យតាមប្រពៃណី ៕

អត្ថបទ ៖ វ៉ាន់ ណាង

The post អាកាសធាតុ​កំពុង​ត្រជាក់ ផឹក​ស្រា​តាំង​ពី​ថ្ងៃ យប់​ឡើង​ដេក​ស្លាប់​ appeared first on Kampuchea Thmey Daily.

ប្រជាពលរដ្ឋ​រស់នៅ​ជិត​ហាង​ផឹក​ស៊ី បាន​និយាយ​ថា ករណី​បាញ់​បោះ​សេរី​នេះ ​កើតឡើង​នៅ​ចន្លោះ​ម៉ោង​ប្រមាណ​ជា​៥ និង​៤០​នាទី​ទៅ​ម៉ោង​៦​ល្ងាច​ ថ្ងៃ​ទី​១១ ខែ​ធ្នូ​ ឆ្នាំ ២០២០ បង្ក​ឡើង​ដោយ​ក្រុម​អ្នក​ផឹកស៊ី​៣​នាក់ អ្នក​បាញ់​ជា​មន្ត្រី​នគរបាល​ ហើយ​ការ​បាញ់​នេះ ​មិនមែន​ផ្តើម​ឡើង​ពី​ជម្លោះ​ក្នុង​វង់​ផឹកស៊ី​នោះ​ទេ គឺ​ផឹក​ស្រា​បៀរ​ស្រវឹង​ស្រឿង​ៗ​បាញ់​លេង ​ដើម្បី​កម្សាន្ត​អារម្មណ៍​ប៉ុណ្ណោះ បន្ទាប់​ពី​មាន​ហេតុការណ៍​នោះ​រួម​មក មន្ត្រីនគរបាល​ប៉ុស្តិ៍​អូរ​អំបិល​ដឹកនាំ​ដោយ​លោក វ​ទ្ធី បាន​ចុះ​ទៅដល់​ហាង​។​

ក្រោយពី​មានការ​ផ្ទុះ​អាវុធ ​ក្នុង​វង់​ផឹកស៊ី​កាលពី​ល្ងាច​ថ្ងៃ​ទី​១១ ​ខែធ្នូ​ ឆ្នាំ​២០២០​រួចមក​ លោក​ឧត្ដមសេនីយ៍ទោ​ សិទ្ធ ឡោះ ​ស្នងការ​នគរ​បាល​ខេត្ត​បន្ទាយមានជ័យ បាន​ឲ្យ​ដឹង​ថា ​នៅ​ព្រឹក​ថ្ងៃទី​១៥ ខែ​ធ្នូ ឆ្នាំ ២០២០​នេះ លោក​បាន​បញ្ជា​ឲ្យ​ដក​តួនាទី បន្ថយ​សក្ដិ និង​ពិន័យ​រដ្ឋបាល​ដល់ មន្ត្រី​ន​គរបាល​បី​រូប​ ដែល​មាន​ការ​ពាក់ព័ន្ធ​ករណី​ផ្ទុះ​អាវុធ​២​គ្រាប់​។​ លោក​​ឧត្ដមសេនីយ៍ទោ ​បាន​បញ្ជាក់​ឲ្យ​ដឹង​ទៀត​ថា មន្ត្រី​នគរបាល​៣ រូប​ដែល​ជា​ប់​ពាក់ព័ន្ធ​ត្រូវ​បាន​ដក​តួនាទី​បន្ថយ​សក្តិ និង​ពិន័យ​រដ្ឋបាល​រួចហើយ ​ក្នុង​នោះ​ជន​ដៃ​ដល់​ ក្នុង​ការ​ផ្ទុះអាវុធ​មាន ឈ្មោះ ឈឹម អឿ​ត ដែល​មាន​តួនាទី​ជា​នាយ​ផ្នែក​ នៃ​ការិយាល័យ​សរុប​វិភាគ​ ត្រូវ​បាន​ដក​តួនាទី​បន្ថយ​សក្តិ​ពី​ថ្នាក់​វរសេនីយ៍ត្រី​មក​ត្រឹម​អនុសេនីយ៍ទោ ឈ្មោះ សៀក​ ប៊ុន​សៀង បន្ថយ​សក្តិ​២​មក​ត្រឹម​ព្រឹន្ទបាលឯក ចំណែក​ឈ្មោះ ឧ​ត្ត​ម ឆ​រ័ត្ន ដែល​បាន​ចូលរួម​ផឹកស៊ី​និង​បាន​ដក​កាំភ្លើង​ពី​ខ្មាន់កាំភ្លើង​ ត្រូ​វបាន​ដាក់​ពិន័យ​រដ្ឋបាល​បញ្ឈរជើង​បី​ខែ​។

លោកស្នងការ​ ក៏បាន​បញ្ជាក់​ផង​ដែរ​ថា ​ឈ្មោះ ឧ​ត្ត​ម ឆ​រ័ត្ន​ បាន​ស្ថិត​ក្នុង​ហេតុការណ៍​ផ្ទុះ​អាវុធ​នោះ​តែ​ឈ្មោះ​នេះ ​ជា​បុគ្គល​ដែល​មាន​ឆន្ទៈ​ក្នុង​ការ​ដក​អាវុធ​ពី​ក្រុម​ជន​បង្ក​។​ តែ​ឈ្មោះ ឧ​ត្ត​ម ឆ​រ័ត្ន​នេះ ក៏​ត្រូវ​បាន​ដាក់​ពិន័យ​៣​ខែ​ ក្នុងនាម​ជា​កងកម្លាំង​ ដែល​ស្ថិត​ក្នុង​ហេតុការណ៍​នោះ ​ដោយ​មិន​ឲ្យ​រួចខ្លួន​ឡើយ​។​ លោក​បាន​បញ្ជាក់​ឲ្យ​ដឹង​បន្ត​ទៀត​ថា ​ការ​ដាក់​ពិន័យ​និង​ដក​តួនាទី​លើ​មន្ត្រី​នគរបាល​ខាងលើ​ ធ្វើឡើង​ដើម្បី​ព្រមាន​ដល់​មន្ត្រី​នគរបាល​ឯទៀត​ កុំ​ឲ្យ​ប្រព្រឹត្ត​ខុស​ត​ទៅ​ទៀត​៕

អត្ថបទ៖ វ៉ាន់ ណា​ង

សូមចុចអាន៖ ​ទម្លាយ​រឿងស្រ្តី​ខ្មែរ​ ០១ នាក់ ស្នើសុំ​ជួយ​សង្គ្រោះ​នៅ​ម៉ាឡេស៊ី

The post ដក​តួនាទីនិង​ដាក់​ពិន័យ​ មន្ត្រីនគរបាល​៣​នាក់ ដែល​ផឹកស៊ី​ស្រវឹង ​ដក​កាំភ្លើងខ្លី​បាញ់​កម្សាន្ត​អារម្មណ៍ appeared first on Kampuchea Thmey Daily.