ផេនខេក Archives - Kampuchea Thmey Daily

ស្ងាត់មួយរយៈ ! ផេនខេក ត្រូវម្ចាស់លុយប្រកាសទារបំណុលជាថ្មី

អ៊ិន ពិសី — Wed, 18 Oct 2023 07:18:20 +0000

បន្ទាប់ពីស្ងប់ស្ងាត់មួយរយៈ តារាភេទទី ៣ កញ្ញា ផេនខេក មុននេះ ស្រាប់តែមានរឿងដ៏ភ្ញាក់ផ្អើល ត្រូវម្ចាស់លុយប្រកាសទារបំណុលជាថ្មីនៅលើបណ្ដាញសង្គមហ្វេសប៊ុក បង្កការចាប់អារម្មណ៍ដល់អ្នកគាំទ្រ។

គេចាំបានថា តារាសម្តែង និងជាពិធីការិនីភេទទី ៣ ផេនខេក កាលពីកន្លងទៅធ្លាប់បានទម្លាយយ៉ាងភ្ញាក់ផ្អើលនូវរឿងរ៉ាវដែលនាងផុងខ្លួនជាមួយការជំពាក់បំណុលគេរាប់ម៉ឺនដុល្លាររហូតលក់អស់ទ្រព្យគ្មានសល់ និងប៉ងបញ្ចប់ជីវិតដល់ទៅ ៣ ដង ផងដែរ។ បន្ទាប់ពីរឿងរ៉ាវនេះស្ងប់ស្ងាត់មួយរយៈខ្លី ផេនខេក ក៏មកជួបប្រទះបញ្ហាឈឺចាប់ថ្មីមួយទៀតគឺការបែកបាក់ស្នេហាជាមួយស្វាមី ដែលកាលនោះធ្វើឲ្យនាងឈឺចិត្តស្អិតទ្រូងមិនស្ទើរឡើយ។

ថ្វីត្បិតរឿងនេះបានកន្លងផុតទៅមួយរយៈហើយក្តី ប៉ុន្តែជាថ្មីម្តងទៀត ស្រាប់តែ ផេនខេក ត្រូវបានបុរសម្នាក់ ចេញមុខទារលុយយ៉ាងភ្ញាក់ផ្អើល។ ម្ចាស់ហ្វេសប៊ុកឈ្មោះ Hea Nuth បានលើកឡើងថា «លុយយូរហើយ លើករហូត អ៊ីចឹងច្បាស់ថ្ងៃទី ១៦ អត់ឃើញបាញ់មកសោះ ចរិតថោកម្ល៉េះ អស់ទ្រាំយូរឆ្នាំហើយ អញត្រូវយកលុយសងគេដែរ PanCake និយាយជាមួយគ្នាសូមសងមួយខែ ៥០០ ដុល្លារ ក៏ខ្ញុំព្រម ដល់ថ្ងៃសងលើកចេះលើកចុះ លើកអត់ចប់ ក៏ខ្ញុំអត់មាត់ សូមពន្យារថ្ងៃក៏ខ្ញុំព្រមឲ្យតាដល់ថ្ងៃឲ្យលុយខ្ញុំមកដល់ថ្ងៃអត់បាញ់ឲ្យហើយនិយាយឡូយទៀត»។

គួររម្លឹកថា កាលពីអំឡុងដើមឆ្នាំ ២០២២ ពិធីការិនី ផេនខេក បានរៀបរាប់ទាំងទឹកភ្នែកតាមរយៈកិច្ចសម្ភាសន៍មួយថា ដោយសារតែបញ្ហា នៃបំណុលអំឡុងពេលកូវីដ-១៩ កន្លងទៅ ទើបធ្វើឲ្យរូបគេធ្លាក់ខ្លួនដល់ចំណុចសូន្យ និងជួបបញ្ហាខ្វះខាតជីវភាពខ្លាំង ដែលធ្លាប់តែរស់ក្នុងផ្ទះធំ មានឡានជិះ ប៉ុន្តែពេលនេះក៏ផ្តើមរស់នៅត្រឹមតែផ្ទះជួល ៤ ជ្រុង ប៉ុណ្ណោះ៕

អត្ថបទ ៖ ចាន់រ៉ា

The post ស្ងាត់មួយរយៈ ! ផេនខេក ត្រូវម្ចាស់លុយប្រកាសទារបំណុលជាថ្មី appeared first on Kampuchea Thmey Daily.

ផេនខេក ត្អូញត្អែរ ក្រោយជីវិតជួបឧបសគ្គមិនចេះចប់មិនចេះហើយ

អ៊ិន ពិសី — Wed, 26 Oct 2022 01:58:13 +0000

គេនៅចាំថា តារាសម្ដែង និងជាពិធីការិនីភេទទី ៣ ផេនខេក កន្លងមក ធ្លាប់ទម្លាយយ៉ាងភ្ញាក់ផ្អើលនូវរឿងរ៉ាវដែលនាងបានផុងខ្លួនជាមួយការជំពាក់បំណុលគេរាប់ម៉ឺនដុល្លារ រហូតលក់អស់ទ្រព្យគ្មានសល់ និងប៉ងបញ្ចប់ជីវិតដល់ទៅ ៣ ដង។

បន្ទាប់ពីរឿងរ៉ាវនេះស្ងប់ស្ងាត់មួយរយៈខ្លី ផេនខេក ក៏មកជួបប្រទះបញ្ហាឈឺចាប់ថ្មីមួយទៀត គឺការបែកបាក់ស្នេហាជាមួយស្វាមី ដែលកាលនោះធ្វើឲ្យនាងឈឺចិត្តស្អិតទ្រូងមិនស្ទើរឡើយ។ ថ្វីត្បិតរឿងនេះបានកន្លងផុតទៅមួយរយៈហើយក្តី ប៉ុន្តែជាថ្មីម្តងទៀត ស្រាប់តែ ផេនខេក ចេញមកត្អូញត្អែរក្រោយជីវិតជួបឧបសគ្គមិនចេះចប់មិនចេះហើយ។

ជាក់ស្ដែងពិធីការិនី ផេនខេក បានបង្ហោះសាររៀបរាប់ពីខ្សែជីវិតពិតរបស់ខ្លួនថា «ជីវិតមួយថ្ងៃៗ វារញ៉េរញ៉ៃពិបាកជាងថាង ចេង ទៅចម្លងធម៌ទៀត ថាង ចេង ជួបឧបសគ្គ ៣៣ ដង ចុះខ្ញុំជួបប៉ុន្មានដងទៅ ទើបចប់»។ តាមរយៈនេះ គេឃើញអ្នកគាំទ្រជាច្រើនបានលើកទឹកចិត្តដល់តារាភេទទី ៣ ផេនខេក គ្រប់គ្នា។

គួររម្លឹកថា កាលពីអំឡុងដើមឆ្នាំ ២០២២ ពិធីការិនី ផេនខេក បានរៀបរាប់ទាំងទឹកភ្នែកតាមរយៈកិច្ចសម្ភាសន៍មួយថា ដោយសារតែបញ្ហា នៃបំណុលគេអំឡុងពេលកូវីដ-១៩ កន្លងទៅ ទើបធ្វើឲ្យរូបគេធ្លាក់ខ្លួនដល់ចំណុចសូន្យ និងជួបបញ្ហាខ្វះខាតជីវភាពខ្លាំង ដែលធ្លាប់តែរស់ក្នុងផ្ទះធំ មានឡានជិះប៉ុន្តែពេលនេះក៏ផ្តើមរស់នៅត្រឹមតែផ្ទះជួល ៤ ជ្រុងប៉ុណ្ណោះ៕

អត្ថបទ ៖ ចាន់រ៉ា

The post ផេនខេក ត្អូញត្អែរ ក្រោយជីវិតជួបឧបសគ្គមិនចេះចប់មិនចេះហើយ appeared first on Kampuchea Thmey Daily.

កែភេទ ៥-៦ ឆ្នាំ ផេនខេក ប្រកាសថាខ្លួនកំពុងមានអាការៈឈឺធ្ងន់

Sorn Phanith — Wed, 07 Sep 2022 09:34:46 +0000

តារាសម្តែង និងជាពិធីការិនីភេទទី ៣ ផេនខេក កន្លងត្រូវបានអ្នកគាំទ្រដឹងហើយថា ក្រោយពេលវះកាត់ដោះដូរភេទបានសម្រេចហើយនោះ រូបគេបានប្រែក្លាយជានារីពេញលក្ខណៈ។ ប៉ុន្តែរឿងដែលគេចាប់អារម្មណ៍ស្រាប់តែពេលនេះ នាងកំពុងជួបបញ្ហាផ្នែកសុខភាពផ្នែកនេះ។

ជាក់ស្តែងនៅលើទំព័រហ្វេសប៊ុករបស់តារាភេទទី ៣ ផេនខេក នៅរសៀលថ្ងៃទី ០៧ ខែកញ្ញា ឆ្នាំ ២០២២ នេះនាងបានបង្ហោះសារដោយផ្តាំផ្ញើទៅបងប្អូនភេទទី ៣ ដែលធ្លាប់ឆ្លងវះកាត់ផ្លាស់ប្ដូរភេទចន្លោះពី ៥ ទៅ ៦ ឆ្នាំ កុំភ្លេចទៅពិនិត្យសុខភាពឲ្យបានទៀងទាត់ ដោយហេតុថា ពេលនេះនាងកំពុងមានអាការៈឈឺធ្ងន់ ព្រោះតែការធ្វេសប្រហែសទើបកើតមានរឿងគួរឲ្យបារម្ភនេះ។

ផេនខេក បានលើកឡើងបែបនេះថា សូមផ្ដាំទៅបងប្អូនភេទទីបីទាំងអស់គ្នា អ្នកដែលគាត់កែភេទចា ប់ពី ៥ ទៅ ៦ ឆ្នាំ សូមកុំភ្លេចទៅឆែកសុខភាពផង។ កុំឱ្យដូចខ្ញុំពេលឈឺតិចតូចទុក គិតថាមិនអីតែដល់ពេលធ្ងន់ទើបដឹង។ (សូមពាក្យជូនពរនឹងកំលាំងចិត្តម្នាក់មួយមើលបងប្អូន)។

ជាមួយគ្នានៃការរៀបរាប់របស់ពិធីការិនី ផេនខេក ខាងលើនេះ គេឃើញមានអ្នកគាំទ្រមួយចំនួនបានផ្ញើសារលើកទឹកចិត្ត និងជួនពរនាងគ្រប់គ្នា ខណៈខ្លះទៀតយល់ឃើញថា ការបង្ហាញរបស់ ផេនខេក នេះជាសារដ៏ល្អ និងដាស់តឿនសម្រាប់អ្នកដែលកែភេទផងដែរ៕

អត្ថបទ៖ ចាន់រ៉ា

The post កែភេទ ៥-៦ ឆ្នាំ ផេនខេក ប្រកាសថាខ្លួនកំពុងមានអាការៈឈឺធ្ងន់ appeared first on Kampuchea Thmey Daily.

ផេនខេក ឆ្លងកាត់រឿងអ្វីខ្លះ មុនឈានដល់ចំណុចនេះ

Sorn Phanith — Fri, 13 May 2022 05:04:14 +0000

ទម្រាំមានឈ្មោះបោះសំឡេងមកដល់សព្វថ្ងៃនេះ តើជីវិតតារាភេទទី ៣ ផេនខេក ឆ្លងកាត់ឧបសគ្គ និងរឿងអ្វីខ្លះ?

ផ្ដើមជីវិតពីមនុស្សប្រុសកែភេទទៅជាមនុស្សស្រី ដើម្បីសម្រេចបំណងប្រាថ្នា និងក្ដីស្រមៃខ្លួនឯងឲ្យក្លាយជាមនុស្សស្រី ១០០% ហើយទម្រាំបានក្លាយជាតារាកំប្លែង និងពិធីការិនីដែលគេទទួលស្គាល់ វាពិតជាមិនងាយស្រួលសម្រាប់ ផេនខេក។ ដោយកាលពីអំឡុងឆ្នាំ ២០១២-២០១៣ តារាភេទទី ៣ រូបនេះ បានលិចមុខនៅក្នុងMVខ្លះៗរបស់កញ្ញា ទេព បូព្រឹក្ស ដែលពេលនោះគ្មានអ្នកណាចាប់អារម្មណ៍ ឬស្គាល់ទេ។ ក្រោយមក ផេនខេក ក៏បានចូលបម្រើការងារនៅក្លិបកម្សន្តមួយកន្លែងនៅទីក្រុងភ្នំពេញ ឈ្មោះ GL Club ដោយខ្លួនជាអ្នកសម្ដែង Show ត្រាប់តាមបទចម្រៀងផ្សេងៗ ជាពិសេសនោះការសម្ដែងរឿងកំប្លែង ដោយមានការជ្រោមជ្រែងពី YeYe ជាប្រធានក្រុម។ ដោយសារសមត្ថភាព និងទេពកោសល្យ និងការកំប្លុកកំប្លែង ផេនខេក និងក្រុម ក៏ត្រូវស្ថានីយទូរទស្សន៍ជាច្រើនបានផ្ដល់ឱកាសសម្ដែងតាមកម្មវិធីប្រគំតន្ដ្រីរហូតទទួលបានការគាំទ្រខ្លាំងពីទស្សនិកជន។

ក្រោយមកសន្ទុះការងារក៏បានចូលមករកតារាភេទទី ៣ រូបនេះជាហូរហែមិនថាការថត MV ការសម្ដែង និងការប្រម៉ូតផលិតផលផ្សេងៗ លើសពីនោះទៅទៀត ផេនខេក ត្រូវបានជ្រើសរើសឲ្យធ្វើជាពិធីការិនីក្នុងកម្មវីធី ឆ្ងាញ់ៗរបស់ប៉ុស្តិ៍ទូរទស្សន៍បាយ័ន ហើយជាភ័ព្វសំណាងមួយកម្រិតទៀតនោះ ផេនខេកក៏បានក្លាយជាពិធីការិនីមួយទៀតនៅកម្មវិធី 3FUN ដែលកម្មវិធីទាំង ២ នោះបាននិងកំពុងទទួលបានការគាំទ្រយ៉ាងជោគជាំពីទស្សនិកជន ដែលធ្វើឲ្យផេនខេកកាន់តែមានកេរ្តិ៍ឈ្មោះខ្លាំង។

គួររំលឹកថា ផេនខេក បានចូលរោងជ័យកាលពីថ្ងៃទី ៩ ខែមីនា ឆ្នាំ ២០២២ តែជាអកុសលតារាភេទទី ៣ រូបនេះ ក៏បានប្រកាសចែកផ្លូវគ្នាជាមួយអតីតស្វាមី ក្រោមហេតុផលមានជនទី ៣។ លើសពីនេះទៅទៀត ក៏មានម្ចាស់បំណុលជាច្រើនចេញមុខមកទារ ក្រោយផេនខេកបែកបាក់ស្នេហា ដែលសរុបជាទឹកប្រាក់ គឺ ១៥ ម៉ឺនដុល្លារ ចំណែកមូលហេតុផេនខេកក៏បានបញ្ជាក់ថា គឺដោយការរកស៊ីបរាជ័យ៕

អត្ថបទ៖ ផានិត

The post ផេនខេក ឆ្លងកាត់រឿងអ្វីខ្លះ មុនឈានដល់ចំណុចនេះ appeared first on Kampuchea Thmey Daily.

តារាស្រី ៣ ដួង ប្រកាសបែកបាក់ស្វាមី ក្រោមហេតុផលផ្សេងៗគ្នា

Sorn Phanith — Thu, 12 May 2022 03:08:38 +0000

កាលពីថ្មីៗកន្លងទៅមហាជន និងអ្នកគាំទ្រមានការភ្ញាក់ផ្អើលគ្រប់គ្នា ក្រោយឃើញតារាខ្មែរ ៣ ដួងប្រកាសចែកផ្លូវគ្នាជាមួយស្វាមីជាបន្តបន្ទាប់។ ខណៈដែលអ្នកទាំង ៣ រូបនោះ បច្ចុប្បន្នកំពុងស្ពាយឈ្មោះជាស្ត្រីមេម៉ាយ។

ចំពោះតារាស្រីទាំង៣ដួងដែលស្ពាយឈ្មោះជាស្ត្រីមេម៉ាយក្រោយពេលលែងលះស្វាមីដែលធ្លាប់តែរួមរស់សាងសុភមង្គលជាមួយគ្នាយូរឆ្នាំទៅហើយនោះរួមមាន៖

១.តារាសម្ដែងអ្នកនាង លី ម៉ារីណា កាលពីអំឡុងដើមខែកុម្ភៈឆ្នាំ២០២២បានធ្វើឲ្យអ្នកគាំទ្រមានការភ្ញាក់ផ្អើលគ្រប់គ្នា ដោយនាងបានប្រកាសជាសាធារណ:ជុំវិញការផ្តាច់ចំណងស្នេហាជាមួយស្វាមី បន្ទាប់ពីសាងសុភមង្គលអស់រយៈពេលប្រមាណ ១០ ឆ្នាំកន្លងទៅនេះ។ ការប្រកាសដោយបើកចំអំពីការចែកផ្លូវជាមួយស្វាមីពីសំណាក់អ្នកនាង លី ម៉ារីណា នាពេលបានធ្វើឲ្យមហាជនមួយចំនួនចាប់អារម្មណ៍គ្រប់គ្នា ខណៈមានការសួរនាំថាហេតុអ្វីបានអ្នកទាំងពីរដើរដល់ចំណុចនេះ?។ ចម្លើយត្រូវសាមីខ្លួនបញ្ជាក់ថា រស់នៅមិនចុះសម្រុងនឹងគ្នា។

២.តារាសម្ដែង អ្នកនាង សឿ សុធារ៉ា អំឡុងមួយរយៈនេះ ហាក់មានរឿងរ៉ាវអាប់អួផ្ទួនៗគ្នាទាំងជីវិតស្នេហា និងរឿងរ៉ាវជំពាក់បំណុលគេជាដើម។ ប៉ុន្តែអ្វីដែលគេកាន់តែចាប់អារម្មណ៍ពេលនេះ គឺ សឿ សុ ធារ៉ា បានប្រកាសចែកផ្លូវគ្នាជាមួយស្វាមីលោក សាពូន មីដាដា។ ដំណឹងនេះ បានធ្វើឲ្យមហាជនអ្នកលេងបណ្តាញសង្គមហ្វេសប៊ុកជាច្រើន មានការភ្ញាក់ផ្អើលគ្រប់គ្នាក្រោយអ្នកនាង សឿ សុធារ៉ា បានប្រកាសជាសាធារណៈអំពីចំណងស្នេហ៍រយៈពេល ១៥ ឆ្នាំរបស់នាង និងលោក សាពូន មីដាដា ត្រូវដើរដល់ផ្លូវបំបែកនាពេលនេះ។

៣.តារាសម្តែង និងពិធីការិនី ផេនខេក ក៏បានធ្វើឲ្យមហាជននិងអ្នកគាំទ្រផ្ទុះការចាប់អារម្មណ៍ហើយភ្ញាក់ផ្អើលគ្រប់គ្នា ខណៈទើបរៀបការមិនបានប៉ុន្មានផងក៏ស្រាប់តែតារាភេទទី ៣ ផេនខេក បានប្រកាសពីដំណឹងបែកបាក់ស្នេហ៍ក្រោមហេតុផលប្តីលួចលាក់ផិតក្បត់ជាមួយអ្នកទី ៣៕