សូ ដានីតា ស្នើម្ចាស់បំណុលយោគយល់ ផេន ខេក តែយ៉ាងណាត្រូវប្រឹងរកសងគេ

Din Thary — Thu, 19 Oct 2023 09:11:57 +0000

បន្ទាប់ពីមានរឿងរ៉ាវបុរសដែលជាម្ចាស់បំណុលម្នាក់បានប្រកាសទាលុយតារាភេទទី៣ កញ្ញា ផេន ខេក បង្កការភ្ញាក់ផ្អើលដល់អ្នកគាំទ្រ ស្រាប់តែតារាសម្ដែងអ្នកនាង សូ ដានីតា បានចេញមកស្នើសុំម្ចាស់បំណុលឲ្យយោគយល់ និងទុកឱកាស ផេន ខេក តែទោះយ៉ាងណានាងក៏ជម្រុញឲ្យ ផេន ខេក ត្រូវប្រឹងរកសងគេវិញផងដែរ។

តារាសម្ដែងកូនមួយអ្នកនាង សូ ដានីតា បាននិយាយថា បញ្ហាបែបនេះខ្លួនបានហែលឆ្លងកាត់ និងយល់ច្បាស់ពីការលំបាករបស់ម្ចាស់បំណុល និងកូនបំណុលដូចគ្នា ដូច្នេះនាងសុំឲ្យម្ចាស់បំណុលគួរទុកឱកាសដល់ ផេន ខេក ដើម្បីរកលុយមកសង។

សូ ដានីតា លើកឡើងថា «បើអាចអូនយល់គាត់ទៅទៀង មិនឈ្នះ ទ័ល បងឆ្លងកាត់ហើយតែទោះយ៉ាងណាត្រូវប្រឹងរកសងគេដែរ»។

មានការបញ្ចេញមតិជុំវិញការលើកឡើងនេះដែរថា គួរតែទុកឱកាសឲ្យគាត់ ទុកពេលឲ្យគាត់ ពេល post រូបគាត់បែបនឹងច្បាស់ជាគាត់បាក់ទឹកចិត្ត ស្ត្រេស ក្នុងការរកលុយដោះបំណុល។ ចំណែកខ្លះទៀតថា អ្នកដែលឲ្យខ្ចីក៏ទាល់ដែលទើបទារ។ ជាការពិត ផេន ខេក មុននេះត្រូវបានបុរសម្នាក់បានចេញមុខទារលុយយ៉ាងភ្ញាក់ផ្អើល។

ម្ចាស់ហ្វេសប៊ុកឈ្មោះ Hea Nuth បានលើកឡើងថា «លុយយូរហើយលើករហូតអ៊ីចឹងច្បាស់ថ្ងៃទី១៦ អត់ឃើញបាញ់មកសោះ ចរិតថោកម្លេះ អស់ទ្រាំមកយូរឆ្នាំហើយ អាញ់ត្រូវយកលុយសង់គេដែរ Pan Cake និយាយជាមួយគ្នាសូមសង់មួយខែ ៥០០ដុល្លារ ក៏ខ្ញុំព្រមដល់ថ្ងៃសងលើកចេះ លើកចុះ លើកអត់ចប់ក៏ខ្ញុំអត់មាត់ សូមពន្យារថ្ងៃក៏ខ្ញុំព្រមឲ្យតាដល់ថ្ងៃឲ្យលុយខ្ញុំមកដល់ថ្ងៃអត់បាញ់ឲ្យហើយនិយាយឡូយទៀត»។

គួររម្លឹកថា កាលពីអំឡុងដើមឆ្នាំ២០២២ ពិធីការិនី ផេន ខេក បានរៀបរាប់ទាំងទឹកភ្នែកតាមរយៈកិច្ច សម្ភាសន៍មួយថា ដោយសារតែបញ្ហានៃបំណុលអំឡុងពេលកូវីដ-១៩ កន្លងទៅទើបធ្វើឲ្យរូបគេធ្លាក់ខ្លួនដល់ចំណុចសូន្យ និងជួបបញ្ហាខ្វះខាតជីវភាពខ្លាំងដែលធ្លាប់តែរស់ក្នុងផ្ទះធំ មានឡានជិះ ប៉ុន្តែពេលនេះក៏ផ្តើមរស់នៅត្រឹមតែផ្ទះជួល ៤ជ្រុងប៉ុណ្ណោះ៕

អត្ថបទ៖ ចាន់រ៉ា

The post សូ ដានីតា ស្នើម្ចាស់បំណុលយោគយល់ ផេន ខេក តែយ៉ាងណាត្រូវប្រឹងរកសងគេ appeared first on Kampuchea Thmey Daily.

ផេនខេក ប៉ងបញ្ចប់ជីវិត ៣ ដង ព្រោះផុងខ្លួនជំពាក់ បំណុលគេលក់អស់ទ្រព្យគ្មានសល់

Sorn Phanith — Thu, 17 Feb 2022 08:16:07 +0000

តារាសម្តែង និងជាពិធីការិនី ផេនខេក បានទម្លាយយ៉ាងភ្ញាក់ផ្អើលនូវរឿងរ៉ាវ ដែលនាងបានផុង ខ្លួនជាមួយការជំពាក់បំណុលគេរាប់ម៉ឺនដុល្លា ររហូតលក់អស់ទ្រព្យគ្មានសល់ និងប៉ងបញ្ចប់ជីវិតដល់ទៅ ៣ ដង។

ពិធីការិនី ផេនខេក បានរៀបរាប់ទាំងទឹកភ្នែកតាមរយៈកិច្ចសម្ភាសន៍មួយថា ដោយសារតែបញ្ហានៃបំ ណុលគេអំឡុងពេលកូវីដ-១៩កន្លងទៅ ទើបធ្វើឲ្យរូបគេធ្លាក់ខ្លួនដល់ចំណុចសូន្យ និងជួបបញ្ហាខ្វះខាតជីវភាពខ្លាំង ដែលធ្លាប់តែរស់ក្នុងផ្ទះធំមានឡានជិះ ប៉ុន្តែពេលនេះ ក៏ផ្តើមរស់នៅត្រឹមតែផ្ទះជួល៤ ជ្រុងប៉ុណ្ណោះ។

ផេនខេក បញ្ជាក់ថា «ខ្ញុំអស់អីហើយ ផ្ទះ ឡាន អ្វីគ្រប់បែបយ៉ាងខ្ញុំត្រូវមករស់នៅក្នុងបន្ទប់ជួល ៤ ជ្រុងដល់រាល់ថ្ងៃនេះ។ ខ្ញុំអាចនិយាយបានថា រាល់ថ្ងៃខ្ញុំគឺពិបាក រងសម្ពាធចិត្ត ខ្ញុំគេងអត់ស្រួល ខ្ញុំវេទនា ខ្ញុំអាចនិយាយបានថា តាមពិតខ្ញុំពិបាកខ្លាំង»។

ពិធីការិនី ផេន ខេក បន្តទៀតថា ចំពោះមូលហេតុដែលធ្វើឲ្យនាងដាច់ចិត្តចង់សម្លាប់ខ្លួនដល់ទៅ ៣ ដងនោះ ក៏ព្រោះតែពិបាកចិត្តរឿងលង់ខ្លួនជំពាក់បំណុលគេ។ ប៉ុន្តែការប៉ងបញ្ចប់ជីវិតនោះមិនបានសម្រេចទេ គឺត្រូវបានការជួយសង្គ្រោះទាន់ពេលរហូត។

ដើមហេតុដែលជំពាក់បំណុលគេនេះ ត្រូវបាន ផេនខេកបញ្ជាក់បន្ថែមថា ដោយសារអំឡុងមុនពេលផ្ទុះកូវីដ-១៩ កាល ២ ឆ្នាំមកនោះ នាងបានខ្ចីលុយគេ ដើម្បីយកមកបង្កើតមុខជំនួញផ្ទាល់ខ្លួន តែដល់ពេលចាប់ផ្ដើមផ្ទុះកូវីដ-១៩ឡើង ធ្វើឱ្យនាងជួបការបរាជ័យលើមុខជំនួញ ទើបមិនអាចរកលុយសងគេវិញបានបង្កផលលំបាកមកដល់ឥឡូវនេះ៕

អត្ថបទ៖ ចាន់រ៉ា

The post ផេនខេក ប៉ងបញ្ចប់ជីវិត ៣ ដង ព្រោះផុងខ្លួនជំពាក់ បំណុលគេលក់អស់ទ្រព្យគ្មានសល់ appeared first on Kampuchea Thmey Daily.

ផេន ខេក Archives - Kampuchea Thmey Daily

សូ ដានីតា ស្នើម្ចាស់បំណុលយោគយល់ ផេន ខេក តែយ៉ាងណាត្រូវប្រឹងរកសងគេ

ផេនខេក ប៉ងបញ្ចប់ជីវិត ៣ ដង ព្រោះផុងខ្លួនជំពាក់ បំណុលគេលក់អស់ទ្រព្យគ្មានសល់