សូមបញ្ជក់ថា នេះជាលើកទី២ហើយ ដែលមានការផ្ទុះអាវុធនៅក្រុងប៉ោយប៉ែតនាខែមេសា២០២៦ ក្នុងពេលដែលសមត្ថកិច្ចចុះប្រតិបត្តិការ ត្រួតពិនិត្យ និង បង្ក្រាបទីតាំងសង្ស័យអនឡាញ ដោយលើកទី១នៃការផ្ទុះអាវុធ កាលពីថ្ងៃទី២៥ខែមេសា២០២៦នៅចំណុចអគារកម្ពស់១៦ជាន់ ស្ថិតនៅក្នុងសង្កាត់អូរជ្រៅ ត្រូវបានសមត្ថកិច្ចប៉ូលិសបាញ់ឡើងលើដើម្បីបង្រ្កាបនឹងទប់ស្កាត់ការសម្រុកចេញ របស់ជនបរទេសពីក្នុងអគារ។

ដោយឡែក ចំពោះករណីផ្ទុះអាវុធនៅរសៀលថ្ងៃទី២៩នេះ ពុំទាន់ដឹងថា ការផ្ទុះនេះចេញពីសមត្ថកិច្ច ឬ ចេញពីជនសង្ស័យក្នុងការចុះបង្រ្កាបនោះទេ ដោយជាក់ស្តែងស្នូផ្ទុះបានឮចេញពីខាងក្នុងបរិវេណនៃអាគារសង្ស័យ ទីតាំងអនឡាញដោយមានជនបរទេសជាច្រើនស្នាក់នៅ។

ក្រៅពីមានការផ្ទុះអាវុធជាង១០គ្រាប់បានប្រមាណជា១ម៉ោងស្រាប់តែមានការសម្រុកចេញរបស់ជនបរទេសដោយបានបើករថយន្តបំបុករបងបេតុងកាន់តែបង្កការភ្ញាក់ផ្អើលកាន់តែខ្លាំងដល់ពលរដ្ឋ។

ប្រតិបត្តិការនេះ ត្រូវបានដឹកនាំឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ លោក ប្រាក់ ប៉ូលី អភិបាលរងខេត្តបន្ទាយមានជ័យ លោកសំរិទ្ធ សុខុន ព្រះរាជអាជ្ញារងអយ្យ ការអមសាលាដំបូងខេត្តបន្ទាយមានជ័យ ដែលបានសម្របសម្រួល។

ក្រោយកម្លាំងចម្រុះចុះប្រតិបត្តិការបង្ក្រាបអនឡាញហ្គេមនៅក្រុងប៉ោយប៉ែតជាបន្តបន្ទាប់ គេសង្កេតឃើញជនបរទេសបានផ្លាស់ទីពីកន្លែងមួយទៅកន្លែងមួយនៅក្នុងក្រុងដដែល និងខ្លះទៀត ត្រូវបានចេញពីក្រុងប៉ោយប៉ែតទាំងយប់ទាំងថ្ងៃ តាមរថយន្តនិងដើរតាមផ្លូវ មិនដឹងគោលដៅទៅណាខ្លៈទៀត។

មហាជនបានលើកឡើងតាមបណ្តាញសង្គមថា ក្រោយកម្លាំងចម្រុះបង្ក្រាបអនឡាញហ្គេមនៅក្រុងប៉ោយប៉ែត គឺប៉ះពាល់សេដ្ឋកិច្ចប្រជាពលរដ្ឋច្រើន មានអគារគ្មានអ្នកជួលគ្មានលុយបង់ធនាគារ ប្រជាពលរដ្ឋជាច្រើននាក់គ្មានការងារធ្វើ អ្នកលក់អីវ៉ាន់គ្មានអ្នកទិញពេលនេះច្រកទ្វាព្រំដែនពីរត្រូវបានបិទកាលពីជម្លោះព្រំដែនកម្ពុជា-ថៃ ហើយពេលនេះ បិទអនឡាញហ្គេមជនបរទេសភ័យខ្លាចបានចាកចេញពីក្រុងប៉ោយប៉ែតអស់ម្តងបន្តិច៕

ដោយ៖ អេម ពៅ

The post ផ្ទុះអាវុធជាច្រើនគ្រាប់ ខណៈសមត្ថកិច្ចចុះប្រតិបត្តិការបង្ក្រាប ជនសង្ស័យឆបោកអនឡាញនៅប៉ោយប៉ែត appeared first on Kampuchea Thmey Daily.

លោក វ៉ាង វិនពីន តាមរយៈទំព័រហ្វេសប៊ុកផ្លូវការ បានសរសេរថ្កោលទោសដាច់អហង្កា និងស្នើសមត្ថកិច្ចកម្ពុជាដូច្នេះ៖« នារសៀលថ្ងៃទី១៤ ខែកុម្ភៈ មានការផ្ទុះករណីបាញ់នៅក្បែរអាកាសយានដ្ឋានអន្តរជាតិភ្នំពេញ។ យើងខ្ញុំសូមថ្កោលទោសដល់ជនបង្កហេតុជាខ្លាំង! និងសូមគាំទ្រដល់សមត្ថកិច្ចកម្ពុជាក្នុងការផ្តន្ទាទោសយ៉ាងធ្ងន់ធ្ងរដល់ជនល្មើសនោះ! »។

គួរឱ្យដឹងថា នារសៀលថ្ងៃទី១៤ ខែកុម្ភៈ ឆ្នាំ២០២៥ មានករណីជនជាតិចិនមួយក្រុម ប្រដាប់ដោយអាវុធវែង AK បានធ្វើសកម្មភាពបាញ់ចំនួន១គ្រាប់ នៅអគារមជ្ឈមណ្ឌលរតនៈសម្បត្តិ ដែលមានទីតាំងទល់មុខអាកាសយានដ្ឋានអន្ដរជាតិភ្នំពេញ ស្ថិតភូមិក្បាលដំរីកាកាប១ ខណ្ឌពោធិ៍សែនជ័យ រាជធានីភ្នំពេញ ។

តាមរយៈកាមេរ៉ាសុវត្ថិភាព បានបង្ហាញថា ជនជាតិចិនមួយក្រុម ប្រដាប់ដោយអាវុធវែង AK ចំនួន២ដើម ចុះពីលើរថយន្ដមួយគ្រឿង ដើរចូលទៅក្នុងអគារមជ្ឈមណ្ឌលរតនៈសម្បត្តិ សំដៅរកគូជម្លោះ ដោយមិនឃើញក៏បានផ្ទុះអាវុធចំនួន១គ្រាប់ ។

សន្តិសុខនៅកន្លែងកើតហេតុ បានឱ្យដឹងថា ក្រុមជនសង្ស័យខាងលើ សម្រុកចូលមក ដោយកាន់អាវុធវែងចំនួន២ដើម ទំនងរកគូជម្លោះតែរកមិនឃើញ ក៏ខឹងបានបាញ់ចំនួន១គ្រាប់បង្កការភ្ញាក់ផ្អើលតែម្តង។ ក្រោយបង្កបញ្ហារួចជនសង្ស័យ បានយករថយន្តធ្វើសកម្មភាព រួមនឹងអាវុធ ប្លុងចោលនៅក្បែរកន្លែងកើតហេតុ ក្រោយមកសមត្ថកិច្ចបានធ្វើការស្រាវជ្រាវតាមជំនាញ រហូតឃាត់បានជនសង្ស័យបានចំនួនម្នាក់ បន្ទាប់ពីកើតហេតុបានប៉ុន្មានម៉ោង ។

ក្នុងហេតុការណ៍នេះ មិនបណ្ដាលឲ្យមានមនុស្សណាម្នាក់រងគ្រោះថ្នាក់នោះទេ ហើយគេក៏មិនទាន់ដឹងថា ផ្ដើមចេញពីមូលហេតុអ្វីនោះដែរ។

​ភ្លាមៗក្រោយកើតមានករណីនេះ  នគរបាលជំនាញ បានស្រាវជ្រាវឃាត់ជនសង្ស័យបានម្នាក់ ហើយក្នុងចំណោមជនបង្កសរុប និងរកឃើញអាវុធAK47 ចំនួន២ដើម រថយន្តចំនួន២គ្រឿងមកកាន់ស្នងការនគរបាលរាជធានីភ្នំពេញ ដើម្បីសួរនាំ។

យ៉ាងណា តាមព័ត៌មានចុងក្រោយបង្អស់ នៅព្រលប់ថ្ងៃដដែល កម្លាំងនគរបាល  សហការគ្នាស្រាវជ្រាវ និងឈានដល់ការចាប់ខ្លួនភាគីបង្កបញ្ហាផ្ទុះអាវុធចំនួន២នាក់ នៅលើទឹកដីក្រុងប៉ោយប៉ែត ខេត្តបន្ទាយមានជ័យ និងឃាត់ខ្លួនបុរសម្នាក់ដែលជាអ្នកបើកបររថយន្តដឹកជនជាតិចិនទាំង២នេះចេញពីភ្នំពេញ ទៅកាន់ខេត្តបន្ទាយមានជ័យ ប្រុងរត់ឆ្លងដែនទៅកាន់ប្រទេសថៃ។  

បច្ចុប្បន្ន សមត្ថកិច្ចឃាត់ខ្លួន បានជនជាតិចិន៣នាក់ ក្នុងហេតុការណ៍ផ្ទុះអាវុធនៅមជ្ឈមណ្ឌលរតនៈសម្បត្តិ ទល់មុខអាកាសយានដ្ឋានអន្ដរជាតិភ្នំពេញ។ ជនជាតិចិន ដែលឃាត់ខ្លួនបាននៅខេត្តបន្ទាយមានជ័យ និងត្រូវបញ្ជូនមករាជធានីភ្នំពេញ ដើម្បីបន្តនីតិវិធី៕

ដោយ៖ ង៉ិល ណារ៉ាត់

The post ទូតចិន ថ្កោលទោសជនជាតិចិនបាញ់បោះក្បែរព្រលានយន្តហោះពោធិ៍ចិនតុង និងស្នើផ្ដន្ទាទោសឱ្យធ្ងន់ធ្ងរ appeared first on Kampuchea Thmey Daily.

ហេតុការណ៍ដ៏ភ្ញាក់ផ្អើលនេះបានកើតឡើងនៅវេលាម៉ោង៤និង៣០នាទីល្ងាចថ្ងៃទី២៩ ខែសីហា ឆ្នាំ២០២៤ ស្ថិតនៅលើផ្លូវ៣០៤ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ។

តាមព័ត៌មានពីសមត្ថកិច្ចបានឲ្យដឹងថា មុនកើតហេតុជនសង្ស័យបែកខាងលើបានបង្កការអុកឡុកក្នុងផ្ទះ ដោយយកកាំបិតគំរាមចាក់ម្តាយ ទើបក្រុមគ្រួសារទំនាក់ទំនងសុំអន្តរាគមន៍ពីសមត្ថកិច្ច ខណៈសមត្ថកិច្ចដែលជាជនរងគ្រោះមកដល់ចំណុចកើតហេតុក៏ស្រាប់តែជនសង្ស័យបានស្ទុះទៅចាក់លើមន្ត្រីសមត្ថកិច្ចបណ្ដាលរងរបួសធ្ងន់ រួចបានយកកាំភ្លើងពីចង្កេះរបស់សមត្ថកិច្ចដើរស្រែកឡូឡាពេញដងផ្លូវ។ ប្រភពបន្តថា ខណៈសមត្ថកិច្ចចុះអន្តរាគមន៍បន្ថែមក៏ជនសង្ស័យបានបាញ់តដៃ ទើបសមត្ថកិច្ចបានប្រើស្វ័យសិទ្ធិការពារខ្លួនបាញ់បញ្ចប់ជីវិតជនសង្ស័យតែម្ដង។ គិតមកត្រឹមម៉ោង៦និង៣០នាទី ព្រលប់ថ្ងៃដដែលនេះ មន្ត្រីប៉ូលិសដែលត្រូវជនបែកថ្នាំចាក់នោះបានបាត់បង់ជីវិតហើយ។

របាយការណ៍សមត្ថកិច្ចបញ្ជាក់ថា មន្ត្រីប៉ូលិសដែលស្លាប់មានឈ្មោះ សៅ រក្សា អាយុ៣០ឆ្នាំ ឋានន្តរស័ក្តិ អនុសេនីយ៍ត្រី ជាមន្ត្រីបុស្តិ៍នគរបាលបឹងកេងកងទី២ ។ រីឯជនបែកថ្នាំ មានឈ្មោះ ជលា វ័យប្រមាណ៣០ឆ្នាំ ធ្លាប់ចូលមណ្ឌលកែប្រែនិងធ្លាប់ជាប់ពន្ធនាគារផងដែរ។

ដោយឡែកនៅកន្លែងកើតហេតុការណ៍ ប៉ូលិសមូលដ្ឋាន និងជំនាញពាក់ព័ន្ធ បាននិងកំពុងពិនិត្យកោសល្យវិច័យ នៅកន្លែងកើតហេតុដើម្បីបន្តតាមជំនាញ៕

អត្ថបទ៖ សំណាង

The post ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាប​ជនបែកថ្នាំ ខណៈសមត្ថកិច្ចម្នាក់ស្លាប់ appeared first on Kampuchea Thmey Daily.

តាមព័ត៌មានបឋមដែលកម្ពុជាថ្មីទទួលបាន ក្នុងករណីនេះមានជនរងគ្រោះចំនួន២នាក់ជាភាគីខាងរថយន្ដMercedes បានរងរបួសធ្ងន់ពីការបាញ់ប្រហារជាច្រើនគ្រាប់ពីភាគីរថយន្ដford ដោយកាំភ្លើងវែងខ្លី។ ទោះបីយ៉ាងណា នៅព្រឹកថ្ងៃទី២៨សីហានេះ លោកវរសេនីយ៍ទោ ជាង ហុកសែ អធិការរងទទួលផែនការងារព្រហ្មទណ្ឌ នៃអធិការដ្ឋាននគរបាលខណ្ឌដង្កា នៅមិនទាន់បញ្ជាក់ឲ្យដឹងថាជាករណីអ្វីឲ្យបាកដនោះទេ ដោយលោកសុំពេលស្រាវជ្រាវតាមជំនាញសិន៕

The post បាញ់ប្រហារជាច្រើនគ្រាប់បណ្ដាលជនរងគ្រោះពីរនាក់រងរបួសធ្ងន់​ក្នុងហេតុការណ៍គ្រោះថ្នាក់ចរាចរណ៍ appeared first on Kampuchea Thmey Daily.

សូមបញ្ជាក់ផងដែរកាលពីរសៀលថ្ងៃទី២២ ខែសីហា ឆ្នាំ២០២៤ម្សិលមិញ លោកវរសេនីយ៍ឯក ឡេង ប៊ុនហួរ នាយការិយាល័យព្រហ្មទណ្ឌកម្រិតស្រាលនៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជាក់ថា ស្រ្តីម្នាក់មានគណនីfacebook ឈ្មោះ Yubee Ly បានប្រើប្រាស់អាវុធ កាំភ្លើងខ្លី បាញ់បោះសេរី បង្ហោះជាសាធារណៈត្រូវបាននគរបាលបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីបន្តចាត់ការតាមនីតិវិធីច្បាប់។

គួរំលឹកផងដែរកាលពីយប់ថ្ងៃទី២០ ខែសីហា ឆ្នាំ២០២៤ ក្រោយមានការបង្ហោះក្នុងបណ្ដេញសង្គម និងបានចែក​រំលែក​តៗគ្នាពាក់ព័ន្ធករណី ស្រ្តីម្នាក់មានគណនីfacebook ឈ្មោះ Yubee Ly បានប្រើប្រាស់អាវុធខ្លី បាញ់បោះសេរី និងភ្ជាប់ខ្លឹមសារ «អូនកាចចឹងធ្វើប្រពន្ធបងបាននៅ» ត្រូវបាននគរបាលព្រហ្មទណ្ឌកម្រិតស្រាលនៃនាយកដ្ឋានព្រហ្មទណ្ឌក្រសួងមហាផ្ទៃ ស្រាវជ្រាវឃាត់ខ្លួនភ្លាមៗតែម្ដង នាយប់ថ្ងៃទី២០ ខែសីហា ឆ្នាំ២០២៤។

សូមបញ្ជាក់ផងដែរ ស្ដ្រីដែលត្រូវបានឃាត់ខ្លួនឈ្មោះ ម៉េង លីហ័រ អាយុ២៤ឆ្នាំ ក្រោយឃាត់ខ្លួនស្រ្តីនោះបានសារភាពថា វីដេអូបាញ់ឡើងលើមួយគ្រាប់នេះតាំងពីឆ្នាំ២០២២មកម្ល៉េះ ប៉ុន្ដែគេទើបយកមកបង្ហោះឡើងវិញ នៅក្នុងគណនីក្លែងក្លាយដែលប្រើប្រាស់ឈ្មោះ Yubee Ly៕

អត្ថបទ៖ សុភា

The post តំណាងអយ្យការសម្រេចចោទប្រកាន់ស្ត្រីឈ្មោះ ម៉េង លីហ័រ ពាក់ព័ន្ធករណីផ្ទុះអាវុធ appeared first on Kampuchea Thmey Daily.

បេីតាមប្រភពព័ត៌មានបានឱ្យដឹងថា មុនពេលកើតហេតុជាជនជាតិចិនដែលបាញ់រះ​ រួមទាំងបក្ខពួកមួយក្រុមបាននាំគ្នាចូលទៅផឹកស៊ីនៅខាងក្នុង និងនាំគ្នាលូកលាន់បំពានរាងកាយទៅលើនារីដែលបំរើកាងារ។ ពេលនោះនារីមិនព្រមឲ្យប៉ះពាល់ ទើបក៏មានចិត្តខឹងរួចនាំគ្នាដើរចេញមកខាងក្រៅ ដកកាំភ្លើងបាញ់រះចូលមកក្នុង រួចជិះឡានចេញទៅអស់ភ្លាមៗ​។

តាមប្រភពដដែលបានបន្តថា ករណីបាញ់រះនេះ មិនបង្កឱ្យមានរងរបួសនោះនរណាម្នាក់នោះទេ ដោយខូចខាតតែសម្ភារៈមួយចំនួន ដូចជាកញ្ចក់ និងរថយន្តដែលចតនៅខាងមុខហាង។ ក្នុងករណីនេះ​ សមត្ថកិច្ចមូលដ្ឋានសហការជាមួយកម្លាំងផ្នែកជំនាញ បានចុះធ្វើការស្រាវជ្រាវ និងធ្វើកំណត់ហេតុដើម្បីធ្វើការស្រាវជ្រាវតាមចាប់ក្រុមទាំងនោះយកមកផ្ដន្ទាទោសតាមច្បាប់ផងដែរ​៕

​អត្ថបទ៖​ សុខា

The post ជនជាតិចិនមួយក្រុមបាញ់រះចូលហាងខារ៉ាអូខេមួយកន្លែងនៅខណ្ឌពោធិ៍សែនជ័យ appeared first on Kampuchea Thmey Daily.

ព័ត៌មានលំអិត កម្ពុជាថ្មី នឹងផ្សាយជូននៅពេលក្រោយ៕

The post បឋម៖ ផ្ទុះអាវុធច្រើនគ្រាប់នៅជិតផ្សារសាំហាន់ករណីបង្ក្រាបគ្រឿងញៀន appeared first on Kampuchea Thmey Daily.

លោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានភ្នំពេញ បានឲដឹងនៅព្រឹកថ្ងៃទី២ ឧសភានេះថា ករណីផ្ទុះអាវុធនេះបានកើតឡើងកាលពីវេលាម៉ោង៣និង៣០នាទី ទាបភ្លឺ ថ្ងៃទី២ ខែឧសភា ឆ្នាំ២០២៤ ចំណុចច្រកឡើងផ្ទះគ្មានលេខ ផ្លូវ២៣៨ សង្កាត់បឹងព្រលិត ខណ្ឌ៧មករា រាជធានីភ្នំពេញ។ អ្នកនាំពាក្យស្នងការរាជធានីភ្នំពេញបន្ថែមថា ជនសង្ស័យដែលឃាត់ខ្លួនមានឈ្មោះ ផាត ផានណា ភេទប្រុស អាយុ៣៥ឆ្នាំ មុខរប ទាហ៊ាន ប្រើប្រាស់អាវុធលេខ D147672 ម៉ាក CIPN បាញ់ឡើងលើចំនួន៥គ្រាប់បង្កការភ្ញាក់ផ្អើលដល់ពលរដ្ឋ។ ក្នុងករណីនេះ សមត្ថកិច្ចបានសន្និដ្ឋានថា អាចបណ្តាលមកពីមានទំនាស់ពាក្យសំដីជាមួយអ្នកជិតខាង។

បើតាមលោកវរសេនីយ៍ឯក សំ វិច្ឆិកា ករណីនេះ ក្រោយពីឃាត់ខ្លួន ជនសង្ស័យត្រូវបានប្រគល់ជូនកម្លាំងជំនាញអាវុធហត្ថរាជធានីភ្នំពេញ ដើម្បីអនុវត្តបន្តតាមនិតិវីចច្បាប់៕

អត្ថបទ៖ សុខុម

The post នគរបាលឃាត់ខ្លួនមន្ត្រីយោធាម្នាក់ក្រោយផ្ទុះអាវុធ៥គ្រាប់ appeared first on Kampuchea Thmey Daily.