ក្នុង​ពិធី​បើក​សម្ពោធ​ឱ្យ​ប្រើប្រាស់​ជា​ផ្លូវ​ការ​ផ្លូវ​ជាតិ​ទាំង​៣ ខ្សែ​ នៅ​ព្រឹក​ថ្ងៃ​ទី​២៩ ខែ​មេសា​ នេះ លោក​រដ្ឋមន្ត្រី​ ប៉េង ពោធិ៍នា បាន​លើក​ឡើង​ពី​ភាព​ប្រទាក់​ក្រឡា​គ្នា​នៃ​ផ្លូវ​ជាតិ​ទាំង ៣​ខ្សែ ដោយ​ក្នុង​នោះ​ ផ្លូវ​ជាតិ​លេខ​៣១​ ឆ្លង​កាត់​ភូមិសាស្រ្ត​ខេត្ត​តាកែវ និង​កំពត ដោយ​ឡែក​ផ្លូវ​ជាតិ​លេខ៣៣ ឆ្លងកាត់តាមភូមិសាស្ត្រខេត្តកំពត និងខេត្តកែប និងផ្លូវជាតិលេខ៤១ ឆ្លងកាត់តាមភូមិសាស្ត្រ ខេត្តកណ្តាល កំពង់ស្ពឺ តាកែវ និងខេត្តកំពត។

បើនិយាយអំពីភាពប្រទាក់ក្រឡាគ្នា និងការតភ្ជាប់ វិញ ផ្លូវជាតិលេខ៣១ និងផ្លូវជាតិលេខ៣៣ បានតភ្ជាប់គ្នាត្រង់ចំណុចប្រសព្វនៃស្រុកកំពង់ត្រាច និងតភ្ជាប់ទៅកាន់ច្រកទ្វារព្រំដែនអន្តរជាតិកម្ពុជា-វៀតណាម (ព្រែកចាក) ហើយចំពោះផ្លូវ ជាតិលេខ៤១ វិញ គឺបានតភ្ជាប់ជាមួយផ្លូវជាតិលេខ៥១ ផ្លូវជាតិលេខ៤ ផ្លូវជាតិលេខ៣ និងតភ្ជាប់ ជាមួយខ្សែផ្លូវផ្សេងៗ​នៅក្នុងតំបន់នេះ​ក្នុងទិសដៅ​​ទៅឆ្ពោះកាន់​ខេត្តកំពត ជាពិសេសតំបន់ ឧស្សាហកម្ម កំពង់ផែសមុទ្រ តំបន់ទេសចរណ៍ឆ្នេរសមុទ្រធម្មជាតិ តំបន់កោះ និងរមណីយដ្ឋានធម្មជាតិ ប្រវត្តិសាស្ត្រដ៏ស្រស់ស្អាតដែលមានភាពទាក់ទាញបំផុត រួមទាំងឆ្ពោះ​ទៅព្រំដែន​កម្ពុជា-វៀតណាម។

លោក​រដ្ឋមន្ត្រី ក៏​បាន​បន្ថែម​ដែរ​ថា ការសាងសង់ពង្រីក និងលើកកម្រិតគុណភាពខ្សែផ្លូវទាំង ៣ខ្សែនេះ​ឡើងវិញ បានចូលរួម ចំណែកក្នុង​ការ​អនុវត្តគោលនយោបាយ និងចក្ខុវិស័យក្នុងការជំរុញ​ការតភ្ជាប់​​របស់​រាជរដ្ឋាភិបាល និង ក្រសួងសាធារណការ ជាពិសេសផែនការមេអភិវឌ្ឍបណ្តាខេត្តជាប់ឆ្នេរសមុទ្រកម្ពុជា ជា​របៀង​សេដ្ឋកិច្ច​ពហុបំណង និងប្រទាក់ក្រឡា ដែលនឹងប្រែក្លាយខេត្តក្នុងតំបន់ឆ្នេរ ឱ្យក្លាយទៅជាតំបន់​ដែលមាន​ហេដ្ឋារចនា​សម្ព័ន្ធផ្លូវថ្នល់​ល្អប្រសើរ និងប្រទាក់ក្រឡាគ្នា ដើម្បីរួម ចំណែកនៅក្នុងការជំរុញការផ្លាស់ប្តូរពាណិជ្ជកម្ម ការវិនិយោគ និងការទាក់ទាញភ្ញៀវទេសចរ បន្ថែមទៀត។

ជាក់ស្តែងនាពេលបច្ចុប្បន្ន ខ្សែផ្លូវទាំង៣ ខ្សែនេះ បាននិងកំពុងសម្រួលដល់ការធ្វើដំណើរ របស់បងប្អូនប្រជាពលរដ្ឋ ភ្ញៀវទេសចរ និងបម្រើដល់ការដឹកជញ្ជូនទំនិញគ្រប់ប្រភេទ និងកសិផល ទៅកាន់ទីផ្សារក្នុងស្រុក និងទីផ្សារអន្តរជាតិ។ បន្ថែមពីនេះ ខ្សែផ្លូវជាតិទាំង៣ខ្សែ ក៏បានចូលរួម លើកកម្ពស់ការអភិវឌ្ឍតំបន់ ទេសចរណ៍សំខាន់ៗ ដូចជា តំបន់ឧទ្យានជាតិព្រះមុនីវង្សបូកគោ កោះទន្សាយ តំបន់ឆ្នេរ និងតំបន់មាត់សមុទ្រធម្មជាតិ ជាពិសេសផ្លូវជាតិលេខ៤១ ដែលនឹងចូល រួមជួយសម្រួល និងបញ្ចៀស ការកកស្ទះនៅលើផ្លូវជាតិលេខ៣ និងផ្លូវជាតិលេខ៤ បានមួយកម្រិត បន្ថែមទៀតផងដែរ។

សូម​ជម្រាប​ថា គម្រោង​នេះ​ បាន​ចាយ​ថវិកា​សរុប​ប្រមាណ ១៨៨​លាន​ដុល្លារ ក្នុង​នោះ​ផ្លូវ​ជាតិ​លេខ​៣១ ចាយ​ថវិកា​ប្រមាណ ៦០​លាន​ដុល្លារ, ផ្លូវ​ជាតិ​លេខ​៣៣ ប្រមាណ ៦១​លាន​ដុល្លារ និង​ផ្លូវ​ជាតិ​លេខ​៤១​ ប្រមាណ ៦៧​លាន​ដុល្លារ ដែល​ជា​ឥណទាន​សម្បទាន​ពី​រដ្ឋ​រដ្ឋាភិបាល​នៃ​សាធារណរដ្ឋ​ប្រជា​មានិត​ចិន រួម​ជា​មួយ​និង​ថវិកា​បដិភាគ​របស់​រាជរដ្ឋាភិបាល​សម្រាប់​ការ​ដោះ​ស្រាយ​ផល​ប៉ះពាល់ និង​ពន្ធ​អាករ​ផ្សេង​ៗ៕

The post លោក ប៉េង ពោធិ៍នា៖ ខ្សែផ្លូវទាំង ៣ខ្សែ ជាសរសៃឈាមសេដ្ឋកិច្ច និងទេសចរណ៍ដ៏មានសក្ដានុពលរបស់កម្ពុជា appeared first on Kampuchea Thmey Daily.

ផ្លូវជាតិទាំង ៣ខ្សែនោះ រួមមាន៖

ផ្លូវជាតិលេខ៣១ ប្រវែងសរុប ៥៣,៥៣៩ គ.ម ចាប់ពីចំណុចបែកគុស​(ផ្លូវជាតិលេខ៣)​ដល់កំពង់ត្រាច(ផ្លូវជាតិ​លេខ៣៣)ជាប្រភេទបេតុងកៅស៊ូAC (កម្រាស់៧ ស.ម) ទទឹង​១២​ម៉ែត្រ។

ផ្លូវជាតិលេខ៣៣ ប្រវែងសរុប ៥២,៥៧៧គ.ម ចាប់ពីខេត្តកំពត​(ចំណុចប្រសព្វផ្លូវជាតិលេខ៣)​ដល់ច្រកលក(ព្រំដែនកម្ពុជា-វៀតណាម)ជាប្រភេទបេតុងកៅស៊ូA C(កម្រាស់៧ ស.ម) ទទឹង១២ម៉ែត្រ។

ផ្លូវជាតិលេខ៤១ ប្រវែងសរុប៩៥,២៦៩ គ.ម ចាប់ពីថ្នល់ទទឹង(ចំណុចប្រសព្វផ្លូវជាតិលេខ៤)​ដល់ជុំគិរី(ចំណុចប្រសព្វផ្លូវជាតិលេខ៣) ជាប្រភេទបេតុងកៅស៊ូAC (កម្រាស់៥ ស.ម) ទទឹង១១ម៉ែត្រ។

គម្រោងដ៏ធំនេះ ជាគំនិតផ្តួចផ្តើមដ៏ខ្ពង់ខ្ពស់ប្រកបដោយចក្ខុវិស័យដ៏វែងឆ្ងាយរបស់ សម្តេចអគ្គ​មហា​​សេនាបតីតេជោ ហ៊ុន សែន អតីតនាយករដ្ឋមន្ត្រីហើយបច្ចុប្បន្នជាប្រធាន​ព្រឹទ្ធសភា ដែលបច្ចុប្បន្នកំពុងអនុវត្តដោយរាជរដ្ឋាភិបាល នីតិកាល​ទី៧ នៃរដ្ឋសភា ក្រោមការ​ដឹកនាំ​របស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

គួរបញ្ជាក់ថា ផ្លូវជាតិទាំង៣ខ្សែនេះ គឺជាផ្លូវមួយដ៏សំខាន់មិនអាចកាត់ថ្លៃបាន ក្នុងការជំរុញ​ការធ្វើសមាហរណកម្មនៃវិស័យ​សំខាន់ៗជាអាទិ៍រួមមាន៖ ការដឹកជញ្ជូន,ការធ្វើដំណើរ,ទេសចរណ៍, កសិកម្ម, ភស្តុភារកម្ម, និងវិស័យកំពង់ផែមាត់​សមុទ្រភាគនិរិតី៕

The post គម្រោងលើកកម្រិតគុណភាពផ្លូវជាតិ ៣ ខ្សែ ប្រវែងជាង ២០០ គីឡូម៉ែត្រ បើកសម្ពោធជាផ្លូវការ appeared first on Kampuchea Thmey Daily.

លោក ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង កាលពី​ថ្ងៃទី ២៨ ខែវិច្ឆិកា ឆ្នាំ២០២៤ បានដឹកនាំក្រុមការងារចុះពិនិត្យបច្ចេកទេសលម្អិត វាយតម្លៃយល់ព្រមទទួលយកកិច្ចការងារពង្រីក និង​លើក​កម្រិតគុណភាពគម្រោងផ្លូវជាតិលេខ ៣១ មានប្រវែងសរុប ៥៣,៥៤ គីឡូម៉ែត្រ (ចាប់ពីបែកគុស ចំណុចប្រសព្វផ្លូវជាតិលេខ ៣ រហូតទៅដល់ទីរួមស្រុកកំពង់ត្រាច ចំណុចតភ្ជាប់ផ្លូវជាតិលេខ ៣៣) និងដាក់ឲ្យប្រើប្រាស់បណ្តោះអាសន្នក្នុងរយៈពេល១ឆ្នាំ ដើម្បីបន្តពិនិត្យគុណភាព មុននឹងទទួលយកជាស្ថាពរ។

ក្នុងដំណើរបេសកកម្ម​មន្រ្តីក្រសួងសាធារណការនិង​ដឹកជញ្ជូន ក៏​មានការចូលរួមត្រួ​តពិនិត្យ​ពី​ក្រុមការងារពាក់ព័ន្ធគម្រោង និងក្រុមការងារបច្ចេកទេសរបស់ក្រុមហ៊ុនសាជីវកម្មស្ពាន និងថ្នល់ចិន (CRBC) និងតំណាងក្រុមហ៊ុនទីប្រឹក្សាបច្ចេកទេស​ក្វាងចូវ វ៉ានអាន។

លោក ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន បាន​គូស​បញ្ជាក់ថា ការចុះពិនិត្យនេះក្នុងគោលបំណងដើម្បីពិនិត្យមើលស្ថានភាពសាងសង់ និងការងារបច្ចេកទេស ក្នុងន័យអាចធានាបានថាគម្រោងផ្លូវជាតិ​លេខ​៣១ អនុវត្តទៅតាមលក្ខណៈបទដ្ឋានត្រឹមត្រូវ ប្រកបដោយគុណភាព និងអាចប្រើប្រាស់បានយូរអង្វែង។

ក្នុងឱកាសនោះ លោក​រដ្ឋលេខាធិការក៏​បាន​ក្រើន​រំឮកដល់ក្រុមហ៊ុនសាងសង់ បំពេញកិច្ចការងារដែលនៅសេសសល់មានការដាក់ផ្លាកសញ្ញាចរាចរណ៍ គំនូសសញ្ញាតាមដងផ្លូវជាដើម ត្រូវបញ្ចប់ឱ្យបានត្រឹមត្រូវតាមបច្ចេកទេស កំណត់ទីតាំង​ឱ្យបានច្បាស់លាស់៕

The post ផ្លូវជាតិលេខ ៣១ បំបែកពី​បែកគុស​ទៅ​កំពង់ត្រាច បញ្ចប់​ការ​​សាងសង់​រួចរាល់ទាំងស្រុង appeared first on Kampuchea Thmey Daily.

លោក ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោងស្ដារនិងលើកកម្រិតផ្លូវជាតិ​លេខ ៣១ ​តែងតែ​ចុះជាប់ផ្ទាល់ប្រចាំ​ដើម្បីតាមដានការងារបច្ចេកទេសសាងសង់របស់ក្រុមហ៊ុន​ ដោយ​បានអះអាង​​ពី​ដំណើរការ​សាងសង់​ប្រព្រឹត្តទៅស្របតាមបទដ្ឋានបច្ចេកទេស និងកិច្ចសន្យាសាងសង់ ដែលអាច​ធានាឱ្យបាន​គុណភាពរឹងមាំ អាចប្រើប្រាស់ជាប់បានយូរអង្វែង។

គម្រោងស្ដារ និងលើកកម្រិតគុណភាពផ្លូវជាតិលេខ ៣១ គឺជាគម្រោងមួយក្នុងចំណោមគម្រោងខ្សែផ្លូវជាច្រើនគ្រប់គ្រងដោយក្រសួងសាធារណការ និងដឹកជញ្ជូន។ ក្រៅពីភាពធន់មាំ ធំទូលាយ ខ្សែផ្លូវជាតិលេខ៣១ ក៏មានសម្រស់ស្រស់សស្អាត អមដោយស្រែស្រូវចម្ការប្រជាពលរដ្ឋ និងរុក្ខជាតិបៃតងត្រជាក់ភ្នែកផងដែរ៕

The post នេះ​ជា​ទិដ្ឋភាព​ផ្លូវជាតិលេខ ៣១ បំបែក​ពី​បែក​គុស​​ទៅ​​កំពង់ត្រាច ស្ថាបនារួចរាល់​ស្ទើរ​ ១០០% appeared first on Kampuchea Thmey Daily.

កាលពីព្រឹក​​ថ្ងៃទី ២១ ខែតុលា ឆ្នាំ២០២៤ លោក ខាន់ ម៉ាណេរ រដ្ឋលេខាធិការក្រសួងសាធារណការនិងដឹកជញ្ជូន និងជានាយកគម្រោងស្ដារនិងលើកកម្រិតផ្លូវជាតិលេខ ៣១ អមដំណើរដោយក្រុមការងារ PMU PIU និងមានការចូលរួមពីក្រុមហ៊ុនសាជីវកម្មស្ពាន-ថ្នល់ចិន(CRBC) និងក្រុមហ៊ុនទីប្រឹក្សាបច្ចេកទេស WACC បាន​ចុះពិនិត្យវឌ្ឍនភាពការងារសាងសង់​ផ្លូវជាតិលេខ ៣១ ដើម្បីឈានទៅដំណាក់កាល​ប្រគល់-ទទួលបណ្តោះអាសន្ននាពេលខាងមុខ ខណៈ​គម្រោង​មួយ​នេះសម្រេចមុនកិច្ចសន្យាមួយឆ្នាំ។

យោងតាមរបាយការណ៍ពី​វឌ្ឍនភាពដំណើរការ​សាងសង់​ផ្លូវជាតិលេខ ៣១ ការងារអ៊ុតកៅស៊ូ AC ទាំង ២ ស្រទាប់ បាន​បញ្ចប់ ១០០ ភាគរយ។ ចំពោះការងារបំពាក់សម្ភារៈសុវត្តិភាពចរាចរណ៍ (គំនូសចរាចរណ៍ ផ្លាកសញ្ញា ផ្លាកបង្ហាញទិសផ្លូវ របារ-Guardrail និងការងារចាំបាច់ផ្សេងៗក៏បានបញ្ចប់ស្ទើររួចរាល់ហើយដែរ។

​ក្នុង​ពេល​ចុះពិនិត្យ​វឌ្ឍនភាព​នៃ​ដំណើរការ​សាងសង់ លោក ខាន់ ម៉ាណេរ បានអះអាង​ពីការ​ធានាកម្រិតគុណភាពស្តង់ដារបច្ចេកទេសខ្ពស់នៃ​ការ​សាងសង់ផ្លូវជាតិលេខ ៣១ ខណៈ​ដែល​លោក​តែងតែ​ចុះជាប់ផ្ទាល់ជា​ប្រចាំ ដើម្បី​ដាន​ការងារបច្ចេកទេសសាងសង់របស់ក្រុមហ៊ុន សំដៅឱ្យការសាងសង់ប្រព្រឹត្តទៅស្របតាមបទដ្ឋានបច្ចេកទេស និងកិច្ចសន្យាសាងសង់ ធានាឱ្យបានការសាងសង់មានគុណភាពរឹងមាំ អាចប្រើប្រាស់ជាប់បានយូរអង្វែង៕

The post ផ្លូវជាតិលេខ ៣១ (បែកគុស-កំពង់ត្រាច) សម្រេច​​ស្ទើរ ១០០% ​មន្រ្តី​អះអាង​ធានាគុណភាព​បច្ចេកទេសសាងសង់ appeared first on Kampuchea Thmey Daily.

ដើម្បី​តាម​​ដានការងារ​បច្ចេកទេសសាងសង់ សំដៅឱ្យ​ការសាងសង់​ប្រព្រឹត្តទៅស្របតាមបទដ្ឋានបច្ចេកទេស និង​កិច្ចសន្យាសាងសង់ ធានា​ឱ្យបានការសាងសង់មានគុណភាពរឹងមាំ អាចប្រើប្រាស់​ជាប់បានយូរអង្វែង កាលពី​​ថ្ងៃ​ទី​១១ ខែ​កញ្ញា ម្សិល​មិញ​នេះ លោក ខាន់ ម៉ាណេរ រដ្ឋលេខាធិការ​ក្រសួង​សាធារណការ​ និង​ដឹកជញ្ជូន បានដឹកនាំ​ក្រុម​ការងារ​ចុះ​ត្រួត​ពិនិត្យគុណភាព​សាងសង់​ រួមទាំង​ពិនិត្យ​ស្ថានីយ៍ជញ្ជីងថ្លឹង​រថយន្តលើស​ទម្ងល់ដែល​គ្រោង​ដំឡើង​​​នៅលើ​ខ្សែ​​​ផ្លូវ​នេះផង​ដែរ។

គម្រោងស្ដារ និង​លើកកម្រិត​គុណភាពផ្លូវជាតិលេខ៣១ មាន​ប្រវែង​សរុប​ប្រមាណ​ ៥៣,៥៣ គីឡូម៉ែត្រ (ចាប់ពី​បែកគុស ចំណុចប្រសព្វផ្លូវជាតិលេខ៣ រហូតទៅដល់​ទីរួមស្រុក​កំពង់ត្រាច ចំណុចតភ្ជាប់ផ្លូវជាតិលេខ៣៣) ក្រុម​ការងារ​ស្ថាបនា​អាច​សម្រេច​វឌ្ឍនភាព​បាន ៩៦,២៦%ហើយ គិត​ត្រឹម​ដើម​ខែ​កញ្ញា ឆ្នាំ២០២៤នេះ។

បើតាមមន្រ្តីក្រសួង​សាធារណការ​និង​ដឹកជញ្ជូន «បើគ្មានការប្រែប្រួលទេ គម្រោង​ខ្សែផ្លូវ​ដ៏​សំខាន់​នេះ នឹង​រៀប​ចំពិធី​ប្រគល់-ទទួល នៅ​អំឡុង​ខែវិច្ឆិកា ឆ្នាំ២០២៤ ខាងមុខនេះ  ដែល​មានន័យថា គម្រោងសម្រេចមុនកិច្ចសន្យាមួយឆ្នាំ ដោយ​ធានាកម្រិត​គុណភាពតាមស្តង់ដារបច្ចេកទេសខ្ពស់»។

​

The post គម្រោងលើកកម្រិតគុណភាពផ្លូវជាតិលេខ ៣១ សម្រេចជិត ១០០% គ្រោងបញ្ចប់មុនផែនការ ១ ឆ្នាំ appeared first on Kampuchea Thmey Daily.

ផ្លូវ​ជាតិ​លេខ ៣១

គម្រោង​​ស្ដារ និងលើកកម្រិតគុណភាពផ្លូវជាតិលេខ ៣១ ប្រវែងសរុប ៥៣,៥៣ គីឡូម៉ែត្រ​ពី​បែកគុស ចំណុចប្រសព្វផ្លូវជាតិលេខ ៣ រហូតទៅដល់ទីរួមស្រុកកំពង់ត្រាច ចំណុច​តភ្ជាប់ផ្លូវជាតិ​លេខ ៣៣ សម្រេចបាន ៩៥,៣៨% គិតត្រឹមបំណាច់​​ខែមិថុនា ឆ្នាំ២០២៤។ តាមលទ្ធផល​ការងារ​ជាក់ស្តែង គម្រោងខ្សែផ្លូវដ៏សំខាន់នេះនឹងសម្រេចមុនកិច្ចសន្យាមួយឆ្នាំ។

ផ្អែក​តាម​របាយការណ៍​វឌ្ឍនភាពដំណើរការ​សាងសង់ លើ​ការងារអ៊ុតកៅស៊ូបេតុង AC ទាំង ២ ស្រទាប់បាន​បញ្ចប់ ១០០ ភាគរយ។ ចំណែកឯការងារបំពាក់សម្ភារសុវត្តិភាពចរាចរណ៍ (គំនូស​ចរាចរណ៍ ផ្លាកសញ្ញា ផ្លាកបង្ហាញទិសផ្លូវ របារ-Guardrail និងការងារ​ចាំបាច់ផ្សេងៗក៏​បាន​បញ្ចប់​​រួចរាល់​ផង​ដែរ។

​ផ្លូវជាតិលេខ ៣១ បាន​បើកការដ្ឋានស្តារ​ឡើង​វិញ​កាលពី​ថ្ងៃទី ៣០ ខែធ្នូ ឆ្នាំ២០២២ ក្រោម​អធីបភាព​អតីតនាយករដ្ឋមន្រ្តី​កម្ពុជា សម្តេចតេជោ ហ៊ុន សែន។

ផ្លូវជាតិលេខ​៣១ មានប្រវែងសរុប​ជិត ៥៤ គីឡូម៉ែត្រ ចាប់ពីបែកគុស (ចំណុចប្រសព្វផ្លូវជាតិ​លេខ ​៣) ទៅដល់ទីរួមស្រុកកំពង់ត្រាច (ចំណុចតភ្ជាប់ផ្លូវជាតិលេខ ៣៣)។ ផ្លូវនេះត្រូវស្ដារនិង​លើក​កម្រិត​គុណភាពជាប្រភេទផ្លូវក្រាលបេតុងកៅស៊ូ (AC) មានកម្រាស់ ៧ សង់ទីម៉ែត្រ និង​ពង្រីកទទឹង​តួផ្លូវ​រហូត​ដល់ ១២ម៉ែត្រ។

គម្រោងក៏​រួមបញ្ចូលការសាងសង់ស្ពានថ្មីចំនួន ១ កន្លែង ទទឹង ១២ ម៉ែត្រ និងជួសជុលស្ពាន​ដែលមាន​ស្រាប់​ចំនួន ២ កន្លែង ប្រវែង​សរុប ៤០ ម៉ែត្រ និងដាក់លូគ្រប់ប្រភេទចំនួន ១៤៤ កន្លែង។

ផ្លូវ​ជាតិ​លេខ ៣៣

គម្រោងស្តារ និងលើកកម្រិតគុណភាពផ្លូវជាតិលេខ ៣៣ ប្រវែង ៥២,៥៧ គីឡូម៉ែត្រ គិតត្រឹមបំណាច់ខែមិថុនា ឆ្នាំ​២០២៤ សម្រេច​លទ្ធផល​បាន ៨៣,៥៨% ហើយ​គ្រោងនឹងបញ្ចប់​ការ​សាងសង់​នៅចុងឆ្នាំ ២០២៤។ នេះបើតាម​លោក ប៉ាល់ ចន្ទតារា រដ្ឋលេខាធិការ​ក្រសួង​សាធារណការ និងដឹកជញ្ជូន និងជា​ប្រធានគ្រប់គ្រងសម្របសម្រួលគម្រោង ក្នុងឱកាស​ដឹកនាំ​ក្រុម​ការងារបច្ចេកទេសចុះពិនិត្យ​វឌ្ឍនភាពការងារ​ពង្រីក និង​លើកកម្រិត​គុណភាព​ផ្លូវជាតិលេខ ៣៣ កាល​ពី​ពេលថ្មីៗកន្លងទៅ​នេះ ដោយ​មានកា​រចូលរួមពី​ក្រុម​ការងារ​បច្ចេកទេសរបស់ក្រុមហ៊ុនសាជីវកម្មស្ពាន និងថ្នល់ចិន (CRBC) និង​តំណាង​ក្រុមហ៊ុន​ទីប្រឹក្សា​បច្ចេកទេសក្វាងចូវ វ៉ាងអាន។

​ផ្លូវជាតិ​លេខ ៣៣ បាន​បើកការដ្ឋានស្តារ​ពង្រីក និងលើកកម្រិតគុណភាព​ឡើង​វិញ​កាលពីថ្ងៃទី៣០ ខែធ្នូ ឆ្នាំ​២០២២ ដែល​មានប្រវែង​ជាង ៥២,៥៧ គីឡូម៉ែត្រ តភ្ជាប់ពីខេត្តកំពត (បំបែកពីផ្លូវជាតិលេខ ៣ ត្រង់ចំណុច​គ.ម ១៤៨+១០០) ទៅកាន់​​ច្រក​លក (ព្រំដែនកម្ពុជា-វៀតណាម) ឆ្លង​កាត់ភូមិសាស្រ្ត ស្រុកទឹកឈូ និងស្រុកកំពង់ត្រាច​នៃខេត្តកំពត និង​ឆ្លង​កាត់ភូមិសាស្រ្ត​ក្រុងកែប និងស្រុកដំណាក់ចង្អើរនៃខេត្តកែប។

ផ្លូវ​ជាតិ​លេខ ៧១C

វឌ្ឍនភាព​ដំណើរការ​សាងសង់ផ្លូវជាតិលេខ ៧១C ប្រវែង ១១៤,៦២ គីឡូម៉ែត្រ បាន​បញ្ចប់​ ១០០% គិត​ត្រឹម​បំណាច់​ខែ​សីហា ឆ្នាំ ២០២៤។

ផ្លូវជាតិលេខ 71C សាងសង់ចាប់ពីផ្លូវជាតិលេខ ៧ ចំណុច PK150+700 ក្នុងខេត្តត្បូងឃ្មុំ ទៅដល់ផ្លូវជាតិលេខ៧១ ចំណុច PK30+400 ខេត្តកំពង់ចាម ដោយក្រុមហ៊ុនសាងសង់សៀងហៃគ្រុប ( SCG) ប្រើប្រាស់ហិរញ្ញប្បទាន​ថវិកាពី​សាធារណរដ្ឋប្រជាមានិតចិន។

បណ្តាញ​ផ្លូវជាតិដ៏សំខាន់នេះ សាងសង់ដោយ​​​ក្រាលកៅស៊ូ​ AC/DBST ដោយ​ចាប់ផ្តើម​បើក​ការដ្ឋាន​សាងសង់កាលពី​ថ្ងៃទី០២ ខែមេសា ឆ្នាំ២០២១ ដែលមានរយៈពេលសាងសង់​ចំនួន ៤២ ខែ។

ក្រសួងសាធារណការ និងដឹកជញ្ជូន កាលពីពេលថ្មីៗនេះ​បាន​បង្ហាញ​ពី​សមិទ្ធផល​​ការងារ​​រយៈពេល​មួយ​ឆ្នាំ លើ​វិស័យសាធារណការ​និង​ដឹកជញ្ជូន​ដែល​បាន​លេច​រូបរាង​ឡើង ​ផ្តល់ប្រយោជន៍​ដល់បងប្អូនប្រជាពលរដ្ឋ។ ក្នុងនោះ​ក្រសួង​បានរំលេច​​ពី​គម្រោងហេដ្ឋារចនាសម្ព័ន្ធ​ផ្តោត​លើ​​ផ្លូវ​និង​ស្ពាន​ ដែល​កំពុង​ដំណើរការ​សាងសង់​សរុប​មាន​ចំនួន​ ១៥ ខ្សែ​ និង​​​ស្ពានធំៗ​​ចំនួនពីរ​​រួមមាន៖​ ផ្លូវ​ល្បឿនលឿន​ភ្នំពេញ​ក្រុងបាវិត ផ្លូវជាតិលេខ ៤ ផ្លូវជាតិលេខ ៥ ផ្លូវជាតិលេខ ៧ ផ្លូវជាតិ​លេខ ១០  ផ្លូវជាតិ​លេខ ២៣ ផ្លូវជាតិលេខ ៣១ ផ្លូវជាតិលេខ ៣៣ ផ្លូវជាតិលេខ ៤១ ផ្លូវជាតិ​លេខ ៤៨  ផ្លូវជាតិលេខ ៧១សេ ផ្លូវជាតិលេខ ៧៣ ផ្លូវខេត្តលេខ ៣១២  ផ្លូវខេត្តលេខ  ៣៧៧ និង​លេខ ៣៧៧A និង​ស្ពាន​ឆ្លង​កាត់​ទន្លេធំៗ​ចំនួន​ពីរ​គឺ​ស្ពានឆ្លងកាត់​ទន្លេ​មេគង្គខេត្ត​ក្រចេះ និងស្ពានឆ្លងកាត់ទន្លេបាសាក់ចាក់អង្រែក្រោមព្រែកប្រា៕

បន្ត​ចុចអាន៖ លម្អិត​​មួយ​ឆ្នាំ​នៃ​នីតិកាលទី ៧ វិស័យ​សាធារណការ​និងដឹកជញ្ជូន សម្រេច​បាន​សមិទ្ធផល​​អ្វីខ្លះ?​

The post បញ្ចប់​​ឆ្នាំ ២០២៤ បណ្តាញ​ផ្លូវជាតិសំខាន់ៗ​​ចំនួន​ ៣ ខ្សែ​ នឹង​បញ្ចប់​ការ​សាងសង់​ ១០០% appeared first on Kampuchea Thmey Daily.

លោក ខាន់ ម៉ាណេរ រដ្ឋលេខាធិការនិងជានាយកគម្រោងស្ដារនិងលើកកម្រិតផ្លូវជាតិលេខ៣១ បានដឹកនាំក្រុមការងារចុះពិនិត្យ​វាយតម្លៃ​គុណភាព​ដំណើរការ​​សាងសង់ ដើម្បី​ធានា​បាន​ការ​អនុវត្ថការងារដោយទំនួលខុសត្រូវ និងយកចិត្តទុកដាក់ខ្ពស់លើគម្រោងដ៏សំខាន់មួយនេះ។

យោងតាមរបាយការណ៍វឌ្ឍនភាពដំណើរការ​សាងសង់​ផ្លូវជាតិលេខ ៣១ លើការងារអ៊ុតកៅស៊ូបេតុង AC ទាំង ២ ស្រទាប់ បានបញ្ចប់ ១០០ ភាគរយ។ ចំណែកឯការងារបំពាក់សម្ភារសុវត្តិភាពចរាចរណ៍ (គំនូសចរាចរណ៍ ផ្លាកសញ្ញា ផ្លាកបង្ហាញទិសផ្លូវ របារ-Guardrail និងការងារចាំបាច់ផ្សេងៗជាសំណូមពរក្រុមការងារ និងប្រជាពលរដ្ឋរស់នៅសងខាងផ្លូវ) គ្រោងនឹងបញ្ចប់នៅបំណាច់ខែសីហា ឆ្នាំ២០២៤ ខាងមុខនេះ។

គម្រោង​ស្តារ​ផ្លូវជាតិលេខ៣១ បាន​បើកការដ្ឋានសាងសង់កាលពី​ថ្ងៃទី ៣០ ខែធ្នូ ឆ្នាំ២០២២ ក្រោម​អធីបភាព​អតីតនាយករដ្ឋមន្រ្តី​កម្ពុជា សម្តេចតេជោ ហ៊ុន សែន។ ការ​​ស្ថាបនា​ផ្លូវនេះ​ស្រប​ការ​បើកការដ្ឋានសាងសង់​​ផ្លូវជាតិលេខ ៣៣ ពីក្រុងកំពត ដល់ច្រកលក (ព្រំដែនកម្ពុជា-វៀតណាម)។

អតីត​ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានឱ្យដឹងថា ការបើកការដ្ឋានសាងសង់ផ្លូវជាតិលេខ ៣១ និងលេខ៣៣ ដើម្បីធ្វើឱ្យហេដ្ឋារចនាសម្ព័ន្ធប្រទាក់ក្រឡាគ្នានិងតភ្ជាប់ខេត្តកែបជាមួយផ្លូវជាតិលេខ ៣ ដែលបាន សាងសង់​រួច ធ្វើយ៉ាងណាជំរុញភាពងាយស្រួលក្នុងការធ្វើដំណើរ និងការដឹកជញ្ជូនកសិផល ឧស្សាហផល ជាពិសេស ទាក់ទាញភ្ញៀវទេសចរជាតិ និងអន្តរជាតិ ឱ្យមកទស្សនាខេត្តកែបនិងខេត្តកំពត កាន់តែច្រើនថែមទៀត។ ជាងនេះគម្រោង​កែលម្អផ្លូវទាំងពីរនេះ ក៏​នឹងធ្វើឱ្យកំពង់ផែទេសចរណ៍កែប-កោះទន្សាយ មានសកម្មភាពកាន់តែមមាញឹក​ថែមទៀត​។

សម្តេចតេជោបានបញ្ជាក់ទៀតថា ផ្លូវជាតិលេខ៣១ និងលេខ៣៣ មិនត្រឹមតែបម្រើផលប្រយោជន៍ដល់ប្រជាពលរដ្ឋក្នុងខេត្តកំពត និងខេត្តកែប និងខេត្តដទៃទៀតប៉ុណ្ណោះទេ ផ្លូវនេះក៏ជាច្រករបៀងដ៏សំខាន់នៃការតភ្ជាប់ទំនាក់ទំនងសេដ្ឋកិច្ចរវាងកម្ពុជាជាមួយប្រទេសជិតខាង​ដូចជា ប្រទេសវៀតណាម និងប្រទេសថៃថែមទៀត។

ផ្លូវជាតិលេខ៣១ មានប្រវែងសរុបជិត ៥៤ គីឡូម៉ែត្រ ចាប់ពីបែកគុស (ចំណុច ប្រសព្វផ្លូវជាតិលេខ៣) ទៅដល់ទីរួមស្រុកកំពង់ត្រាច (ចំណុចតភ្ជាប់ផ្លូវជាតិលេខ៣៣)។ ផ្លូវនេះត្រូវស្ដារនិងលើកកម្រិតគុណភាពជាប្រភេទផ្លូវក្រាលបេតុងកៅស៊ូ (AC) មានកម្រាស់ ៧ សង់ទីម៉ែត្រ និងពង្រីកទទឹងតួផ្លូវរហូតដល់ ១២ម៉ែត្រ។ គម្រោងរួមបញ្ចូលការសាងសង់ស្ពានថ្មីចំនួន ១កន្លែង ទទឹង ១២ម៉ែត្រ និងជួសជុលស្ពានដែលមានស្រាប់ចំនួន ២ កន្លែង ប្រវែងសរុប ៤០ម៉ែត្រ និងដាក់លូគ្រប់ប្រភេទចំនួន ១៤៤ កន្លែង៕

The post គម្រោង​ស្តារ​ផ្លូវជាតិលេខ ៣១ ពី​បែកគុស​ទៅកំពង់ត្រាចសម្រេចបាន ៩៥% ​បញ្ចប់មុនកិច្ចសន្យា​មួយឆ្នាំ appeared first on Kampuchea Thmey Daily.