នៅ​ខេត្ត Dong Thap ​កន្លែងជួញដូរខ្នុរដែលធ្លាប់តែមមាញឹក បានកាត់បន្ថយប្រតិបត្តិការ ឬបិទទាំងស្រុង។ កសិកររាយការណ៍ថា សូម្បីតែផ្លែខ្នុរ​គុណភាពល្អបំផុត ឥឡូវនេះលក់បាន​ត្រឹមតែ ៣ ០០០ ដុង(០,១១ ដុល្លារ)/គីឡូក្រាមប៉ុណ្ណោះ ដោយទាបជាងឆ្ងាយធៀបនឹង​តម្លៃផលិតកម្ម​ក្នុងរង្វង់ ៨ ០០០ ដុង។​

កសិករម្នាក់នៅឃុំ ប៊ិញភូ នៃខេត្ត Dong Thap បាននិយាយថា៖ «​​លក់ទៅក៏​ខាត ប៉ុន្តែ​បើទុកនៅលើដើម វាខ្ជះខ្ជាយ»។

ស្ថានភាពទីផ្សារបែបនេះ ក៏មាន​នៅខេត្តក្បែរខាង Vinh Long ឯណោះផងដែរ ដោយ​កសិករបាន​និយាយថា គ្មានឈ្មួញដើរទិញ​ ដែលធ្វើឱ្យ​ពួកគេទុកខ្នុរទុំឱ្យរលួយចោល។ ​

មែនទែនទៅ ការធ្លាក់ចុះថ្លៃឆ្នាំនេះ ធ្ងន់ធ្ងរធៀបនឹង​តម្លៃឆ្នាំមុន ដែលកសិករអាចលក់បាន​ចន្លោះពី ១៥ ០០០ – ២០ ០០០ ដុង/គីឡូក្រាម។ ពាណិជ្ជករបាន​និយាយថា ការធ្លាក់ចុះថ្លៃបែបនេះ គឺដោយសារតែការរំខានផ្នែកនាំចេញ ​រួមទាំងការពន្យារពេលដឹកជញ្ជូននៅច្រកព្រំដែន ដែលតម្រូវឱ្យមាន​ការដឹកជញ្ជូនមកចាក់លើទីផ្សារក្នុងស្រុកវិញ។ ​

ការផ្គត់ផ្គង់លើសកម្រិត រួមផ្សំជាមួយនឹងកម្សោយ​តម្រូវការក្នុងស្រុក​ បានធ្វើឱ្យតម្លៃធ្លាក់ចុះគំហុក។ លើសពីនោះ ការកើនឡើង​ថ្លៃដឹកជញ្ជូន និងការពន្យារពេលផ្នែកភស្តុភារ ធ្វើឱ្យអ្នកទិញកាន់តែខកចិត្ត៕

The post តម្លៃខ្នុរវៀតណាម​ធ្លាក់ចុះខ្លាំង ​បង្ខំឱ្យ​កសិករខ្លះទុកឱ្យទុំស្អុយចោល​ appeared first on Kampuchea Thmey Daily.

ថ្លែងមកកាន់ «កម្ពុជាថ្មី» លោក ប៊ុនលុច បានឱ្យដឹងថា បើ​គិត​មកដល់ពេល​នេះ លោក​បាន​ប្រកប​​របរ​កសិកម្ម​ដាំ​ដំណាំខ្នុរ​បាន​រយៈ​ពេល​ជាង ៣ ឆ្នាំមក​ហើយ។ ក្នុងចម្ការដែលមានដាំ​ដំណាំ​ចម្រុះ លោក ប៊ុនលុចបានដាំដំណាំផ្លែខ្នុរសរុបទាំង​ដើមតូច ធំ​មាន​ចំនួន ១៤ ០០០ ដើម។

​កសិករ​វ័យក្មេង​រូបនេះមាន​គោលដៅ​​​ដំបូង​គ្រោង​​នាំ​​ចេញ​​ទៅ​ក្រៅ​ប្រទេស តែ​ជំហាន​ដំបូង​នេះ​លោក​អះអាងថា​ ការ​ដាំ​ដុះ​មិន​ទាន់​តម្រូវការ​ទីផ្សារ​ក្នុង​ក្នុង​ស្រុង​ផង​ ទើប​នៅពេល​ខាងមុខ​លោក​ត្រូវ​ពង្រីក​ការ​ដាំដុះ​បន្ថែម​ទៀត។

លោក ប៊ុនលុច បានបញ្ជាក់ឱ្យដឹងថា «ការ​ប្រមូល​ទិន្នផល​ផ្លែខ្នុរ​ឆ្នាំ​ដំបូង​នេះ ភាគ​ច្រើន​​ម៉ូយ​នៅ​ភ្នំពេញ កុម្ម៉ង់​ចន្លោះ​ពី ១០ ទៅ ២០ គីឡូក្រាម សម្រាប់​បរិភោគ ជា​លក្ខណៈ​គ្រួសារ ដែល​លក់​ក្នុង​តម្លៃ ៣ ៥០០ រៀល ក្នុង ១ គីឡូក្រាម ក្នុង​នោះ ខ្នុរ ១ ផ្លែមាន​ទម្ងន់​ចន្លោះ​ពី ៥ ទៅ ៩គីឡូក្រាម»។

បច្ចុប្បន្នផ្លែខ្នុរ​​ចម្ការ​របស់លោក ប៊ុនលុច ពេត្រុស ចន្លោះ​ពី ២ ទៅ ៣ ថ្ងៃ អាច​ប្រមូល​ទិន្នផល​ខ្នុរ​ម្តង បាន​ចន្លោះ​ពី ៤០០-៥០០​​គីឡូក្រាម។

លោក ប៊ុនលុច ពេត្រុស បាន​បន្ត​ថា ទាក់ទាក់តម្រូវការ​​វិញ​មានម៉ូយ​ទាំង​កុម្ម៉ង់​និង​មកទិញ​ដល់​ចម្ការផ្ទាល់។ បន្ថែម​ពីនេះ ទាក់ទង​ទីផ្សា​រនេះដែរ​ លោកក៏​​មិន​បារម្ភពី​ការ​​ខាតបង់នោះ​ដែរ ព្រោះ​បើ​​សល់ លោក​អាច​កែច្នៃ​ធ្វើ​ជា​ចំណី​សត្វបាន​ដោយខ្លួនឯង ខណៈ​សត្វនៅក្នុងកសិដ្ឋានលោកច្រើនប្រភេទក្នុង​នោះ​​មាន គោ ជ្រូក ពពែ ជាដើម។ ក្រៅពី​នេះ​លោកក៏​បានផលិត​ជីតាម​បែប​ធម្មជាតិ​ជាច្រើន​ប្រភេទ​ដែរ សម្រាប់​បម្រើ​ដល់​កសិករ​ទិញ​ក្នុង​តម្លៃ​សមរម្យ​យក​ទៅ​ប្រើប្រាស់​លើ​ផល​ដំណាំ​គ្រប់​ប្រភេទ​ ដើម្បី​ឲ្យ​ទទួល​បាន​ទិន្នផល​ខ្ពស់​រក​ចំណូល​បាន​ ទ្រទ្រង់​គ្រួសារ​ឲ្យកាន់​តែ​ប្រសើរ​៕

អត្ថបទ៖ សៅ សារិទ្ធ

The post កសិករ​វ័យក្មេងម្នាក់ ដាំ​ខ្នុរ​ ៣ ឆ្នាំ ចាប់ផ្តើម​ហុច​ផល​ឆ្នាំ​ដំបូង លក់បាន​តម្លៃ ៣ ៥០០ រៀល ក្នុង ១ គីឡូក្រាម appeared first on Kampuchea Thmey Daily.

លោក ឃឹម ហ្វីណង់ បញ្ជាក់ថា បច្ចុប្បន្នក្រៅពីអង្ករ ដំឡូងមី ផលិតផលកសិកម្មជា​ច្រើនរបស់​កម្ពុជា បាននាំចេញទៅកាន់ទីផ្សារប្រទេសចិន ដែលមានម្រេច ផ្លែមៀន និងដំណាំជាច្រើនទៀត​ ​នាំ​ចេញទៅចិនដោយផ្ទាល់។

រាជរដ្ឋាភិបាលកម្ពុជាបានដាក់ចេញគោលនយោបាយជាបន្តបន្ទាប់ ក្នុងការជួយរកទីផ្សារ និង​ធា​នា​​​​​​តម្លៃ​ឱ្យ​​កសិករឱ្យបានកាន់តែច្រើន។

គិតត្រឹមឆមាសទី០១ ឆ្នាំ ២០២៤ កម្ពុជាបាននាំចេញផលិតផលកសិកម្មជាង ៦,១៣ លានតោន ទៅកាន់ទិសដៅ ៨០ ប្រទេស គិតជាទឹកប្រាក់ ២,៨៥ ពាន់លានដុល្លារ កើនឡើងជាង ៥៧% បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍របស់អគ្គនាយកដ្ឋាន​កសិកម្ម៕

អត្ថបទ៖ ឡេង ដេត

The post កម្ពុជាកំពុងចរចារជាមួយប្រទេសចិន នាំចេញផ្លែម្នាស់ និងខ្នុរ បន្ថែមទៀត appeared first on Kampuchea Thmey Daily.

យោងតាមការស្ទង់មតិនៅខេត្តភាគខាងត្បូងចំនួន ៥ ដូចជា ខេត្ត Dong Nai, ខេត្ត An Giang, ខេត្ត Dong Thap, ខេត្ត Vinh Long និងខេត្ត Tien Giang បានឲ្យដឹងថា បច្ចុប្បន្នខ្នុរគឺលក់ក្នុងតម្លៃ ១.៩១ ដុល្លារ​ ទៅ ២ ដុល្លារ ក្នុងមួយគីឡូក្រាមនៅកសិដ្ឋាន ។

កាលពីឆ្នាំមុន កសិករវៀតណាម​បានលើកឡើងថា ខ្នុរមានតម្លៃត្រឹមតែ ០.៣០ ដុល្លារប៉ុណ្ណោះក្នុងមួយគីឡូក្រាម ហើយក៏មិនសូវជាមានឈ្មួញទិញផងដែរ ប៉ុន្តែឥឡូវនេះ​តម្លៃ​បានហក់ឡើងគុណនឹង ៧ ដង ហើយ​ឈ្មួញក៏​កំពុងសម្រុកទិញយ៉ាងខ្លាំងផងដែរ ។

ដោយឡែកអាជីវកររៀបរាប់ដែរថា ការ​ឡើង​ថ្លៃ​នេះ​ គឺដោយសាតែ​តម្រូវ​ការ​បរទេស​កាន់​តែ​ខ្ពស់ ហើយទីផ្សារដែលពេញនិយមខ្លាំងនោះ គឺប្រទេសចិន ដោយពួកគេបញ្ជាទិញជាច្រើនតោនក្នុងមួយថ្ងៃៗ ពេលខ្លះ​បរិមាណផ្គត់ផ្គង់មិនគ្រប់គ្រាន់សម្រាប់តម្រូវ​ការទៀតផង ។

ទោះយ៉ាងណា បន្ទាប់ពីរងគ្រោះដោយជំងឺរាតត្បាតកូវីដ កសិករវៀតណាមបានកាត់បន្ថយតំបន់ដាំដុះខ្នុរ ដូច្នេះទិន្នផលផ្លែនៅឆ្នាំនេះគឺទាបជាងឆ្នាំមុនពី ២០ ទៅ ៣០ ភាគរយ ខណៈនៅខេត្ត Tien Giang កសិករជាច្រើនបានប្តូរមកដាំទុរេន ឬពោត ដើម្បីទទួលបានប្រាក់ចំណេញខ្ពស់ ៕

ប្រែសម្រួលដោយ ៖ នាង រតនៈ

ប្រភព ៖ VN Express

ចុចអាន ៖ មកដឹង តម្លៃអគ្គិសនីក្នុងមួយគីឡូវ៉ាត់នៅ ឡាវ

The post តម្លៃខ្នុរនៅ វៀតណាម ឡើងថ្លៃគុណនឹង ៧ ក្រោយមានទីផ្សារពី ចិន appeared first on Kampuchea Thmey Daily.