យោងតាមគយវៀតណាម ការនាំចេញក្នុងរយៈពេល ១១ ខែ​ដើម​ឆ្នាំ ២០២៥ បានធ្លាក់ចុះ ០,៨% មកនៅត្រឹម ៤៨៥,២ លានដុល្លារ ដែលជាកម្រិតទាបបំផុតចាប់តាំងពីឆ្នាំ ២០១៤។

ចន្លោះឆ្នាំ ២០១៤-២០១៨ ការនាំចេញផ្លែស្រកានាគវៀតណាម កើនលើស ១ ​ប៊ីលានដុល្លារ/ឆ្នាំ ដោយនៅឆ្នាំ ២០១៨ កើនដល់រហូតដល់ទៅ ១,៣ ប៊ីលាន​ដុល្លារ។ ​

ចាប់តាំងពីពេលនោះមក ការនាំចេញផ្លែស្រកានាគបានចាប់ផ្តើមនៅទ្រឹង និងធ្លាក់ចុះ ដោយសារកម្សោយតម្រូវការ និងការប្រកួតប្រជែងអន្តរជាតិ។ ចិននៅតែជា​ទីផ្សារធំបំផុតសម្រាប់ផ្លែស្រកានាគវៀតណាម ​ប៉ុន្តែទីផ្សារនេះបាន​ធ្លាក់ចុះ ខណៈចិន​បង្កើនការផ្គត់ផ្គង់ដោយខ្លួនឯង។ ​

ពាក់ព័ន្ធនឹង​ការប្រកួតប្រជែង ឥណ្ឌា​ចាប់ផ្ដើម​បង្កើនការដាំផ្លែស្រកានាគ ខណៈ​​ម៉ិកស៊ិកក៏ដូចគ្នា ដោយ​ដណ្ដើមទីផ្សារវៀតណាម​នៅសហរដ្ឋអាមេរិក និងកាណាដា៕​

The post ការនាំចេញផ្លែស្រកានាគវៀតណាម ធ្លាក់ចុះដល់កម្រិតទាបបំផុតក្នុងរយៈពេលជាង១០ឆ្នាំ appeared first on Kampuchea Thmey Daily.

ក្នុងវ័យជាង ៦០ឆ្នាំ អ្នកស្រី លន សង្វា ជាអាជីវករលក់ផ្លែឈើនៅក្នុងក្រុងបាត់ដំបង បានរៀបរាប់ថា អ្នកស្រីបានប្រកបមុខរបរនេះជិត ២០ឆ្នាំមកហើយ ដែលការលក់ផ្លែឈើនេះ គឺមិនប្រកាន់ថា ផ្លែអ្វីនោះឡើយ និយាយឲ្យចំឲ្យតែដល់រដូវផ្លែអ្វីដែលហុចផលនៅក្នុងស្រុក គឺអ្នកស្រីតែងតែលើកពីគេយកមកលក់រាយក្នុងផ្សារដើម្បីបានកម្រៃខ្លះៗគ្រាន់ចិញ្ចឹមជីវិត។

អ្នកស្រីបានបន្តថា សព្វថ្ងៃផ្លែខាន់ឡុង ឬផ្លែស្រកានាគ នេះ ភាគច្រើនគេដាំនៅចំណុចអក្សរតេ គឺស្ថិតនៅក្នុងទឹកដីស្រុកសំឡូត ដែលដីនៅទីនោះសម្បូរជីរជាតិ ព្រោះជាដីភ្នំ និងដីខ្ពង់រាប ហើយដំណាំមួយប្រភេទនេះគឺហុចផលបានល្អជាទីបំផុត ដោយនៅពេលនេះ គឺជាពេលដែលត្រូវប្រមូលផល ដូច្នេះនៅក្នុងផ្សារណាក៏មានលក់ដែរ ដោយគ្រាន់តែថា វាមានពូជពីរយ៉ាងគឺបណ្ដូលស និងបណ្ដូលស្វាយ។

អ្នកស្រី លន សង្វា បន្ថែមថា ការលើកផ្លែឈើគ្រប់ប្រភេទយកមកលក់នៅលើទីផ្សារនេះ គឺសម្រាប់តម្លៃផ្លែខាន់ឡុង ឬផ្លែស្រកានាគ ក្នុងមួយគីឡូក្រាមអាចលក់បាន ៣.០០០រៀល ហើយប្រភេទផ្លែនេះ មួយផ្លែគឺស្មើនឹងកន្លះគីឡូទៅហើយ ដូច្នេះពីរផ្លែគឺមួយគីឡូក្រាម។ ដោយសព្វថ្ងៃអ្នកស្រីលក់ផ្លែឈើមិនរើសមុខឡើយ ធ្វើយ៉ាងណាបានតែកម្រៃបន្តិចបន្តួច គួបផ្សំគ្នាគឺអាចទ្រទ្រង់ជីវភាពបានមួយភាគដែរ៕

អត្ថបទ៖ សោ និយមរ័ត្ន

The post ផ្លែស្រកានាគ កំពុងមានតម្លៃខ្ពស់លើទីផ្សារ និងមានអ្នកចូលចិត្តបរិភោគច្រើន appeared first on Kampuchea Thmey Daily.

យោងតាមលោកវេជ្ជបណ្ឌិត Huynh Tan Vu សាស្ត្រាចារ្យនៅមហាវិទ្យាល័យឱសថបុរាណ សាកលវិទ្យាល័យវេជ្ជសាស្ត្រ និងឱសថស្ថាន ទីក្រុងហូជីមិញ ផ្លែស្រកានាគ មិនថាក្រហម ឬសទេ គឺជាផ្លែឈើដែលមានជីវជាតិ នាំមកនូវអត្ថប្រយោជន៍ជាច្រើនដល់សុខភាព។ ទោះជាយ៉ាងណាក៏ដោយ ប្រភេទនីមួយៗមានលក្ខណៈខុសៗគ្នា ហើយសក្តិសមសម្រាប់ក្រុមមនុស្សផ្សេងៗគ្នា។

បើ​និយាយ​ពី​រសជាតិ ផ្លែ​ស្រកានាគ​ក្រហម​ច្រើន​តែ​ផ្អែម​ជាង​ដោយសារ​ជាតិ​ស្ករ​ខ្ពស់​ជាង។ ជាក់ស្តែង ផ្លែស្រកានាគសាច់ក្រហម ១០០ក្រាម អាចមានជាតិស្ករប្រមាណ ១១,៥ក្រាម ខណៈទម្ងន់ដូចគ្នានៃផ្លែស្រកានាគ សាច់សមានត្រឹមតែ ៧,៦៥ក្រាមប៉ុណ្ណោះ។

ទោះបីជាផ្លែស្រកានាគជាក្រុមផ្លែឈើដែលមានសន្ទស្សន៍ glycemic ទាប (GI) ចាប់ពី ៤៨ ដល់ ៥២ ហើយសម្បូរទៅដោយជាតិសរសៃដើម្បីជួយគ្រប់គ្រងជាតិស្ករក្នុងឈាម ប៉ុន្តែវេជ្ជបណ្ឌិត Vu ណែនាំថា អ្នកជំងឺទឹកនោមផ្អែម ឬអ្នកដែលកំពុងស្ថិតក្នុងដំណាក់កាលសម្រកទម្ងន់ គួរតែផ្តល់អាទិភាពដល់ការជ្រើសរើសផ្លែស្រកានាគដែលមានសាច់ស។

វេជ្ជបណ្ឌិតបានវិភាគថា ជាតិសរសៃនៅក្នុងផ្លែស្រកានាគ ជួយពន្យឺតការស្រូបយកជាតិស្ករ ធ្វើឲ្យកម្រិតជាតិស្ករក្នុងឈាមមានស្ថេរភាព ប៉ុន្តែការទទួលទានសាច់ក្រហមច្រើនពេក នៅតែអាចបណ្តាលឲ្យមានជាតិស្ករក្នុងឈាមខ្ពស់។

វាមិនត្រឹមតែមានពណ៌ទាក់ទាញភ្នែកប៉ុណ្ណោះទេ ផ្លែស្រកានាគក្រហមក៏លេចធ្លោជាមួយនឹងមាតិកាខ្ពស់នៃសារធាតុប្រឆាំងអុកស៊ីតកម្មដូចជា anthocyanin វីតាមីន C និង carotene ។ សមាសធាតុទាំងនេះមានសមត្ថភាពក្នុងការបន្សាបរ៉ាឌីកាល់សេរី – ភ្នាក់ងារដែលបណ្តាលឲ្យខូចខាតកោសិកា – ដោយហេតុនេះជួយការពារជំងឺរលាកដូចជាជំងឺរលាកសន្លាក់ហ្គោតនិងជំងឺទឹកនោមផ្អែម។

ទន្ទឹមនឹងនោះ ផ្លែស្រកានាគ ក៏មានផ្ទុកសារធាតុសកម្មទាំងនេះផងដែរ ប៉ុន្តែមានកម្រិតទាបជាងយ៉ាងខ្លាំង។

បន្ថែមពីលើអត្ថប្រយោជន៍សុខភាពរបស់វា ផ្លែស្រកានាគក្រហមក៏មានតម្លៃខ្ពស់នៅក្នុងឧស្សាហកម្មម្ហូបអាហារ និងឱសថផងដែរ ដោយសារសមត្ថភាពបង្កើតសារធាតុពណ៌ធម្មជាតិ។ ផ្លែឈើនេះក៏ជាគ្រឿងផ្សំដ៏ពេញនិយមក្នុងការផលិតស្រាផ្លែឈើផងដែរ ជាមួយនឹងគុណភាព និងរសជាតិ ដែលតែងតែចាត់ទុកថាល្អជាងស្រាដែលផលិតចេញពីសាច់ពណ៌ស។

លោកវេជ្ជបណ្ឌិត Vu បានសង្កត់ធ្ងន់ថា មិនមានប្រភេទមួយណាប្រសើរជាងនោះទេ ប៉ុន្តែអ្វីដែលសំខាន់គឺជ្រើសរើសប្រភេទដែលសក្តិសមនឹងស្ថានភាពរាងកាយ និងគោលដៅសុខភាពរបស់មនុស្សម្នាក់ៗ។

ប្រសិនបើអ្នកចង់បង្កើនសារធាតុប្រឆាំងអុកស៊ីតកម្ម និងគាំទ្រការប្រឆាំងនឹងការរលាក ផ្លែស្រកានាគក្រហមគឺជាជម្រើសដ៏ល្អ។ ផ្ទុយទៅវិញ អ្នក​ដែល​កំពុង​គ្រប់គ្រង​ទម្ងន់ ឬ​មាន​ជំងឺ​ទឹកនោមផ្អែម គួរ​ប្រើ​សាច់​ស​ដើម្បី​កម្រិត​ការ​ទទួលទាន​ជាតិ​ស្ករ​។

ដោយមិនគិតពីប្រភេទ អ្នកប្រើប្រាស់ត្រូវយកចិត្តទុកដាក់ទទួលទានវាក្នុងកម្រិតមធ្យម ផ្សំវាជាមួយរបបអាហារដែលមានសុខភាពល្អ និងរបៀបរស់នៅបែបវិទ្យាសាស្ត្រ ដើម្បីសម្រេចបានលទ្ធផលល្អប្រសើរ។

អត្ថបទ៖ សាង ស្រីល័ក្ខ

ចុចអាន៖ការ​ផឹក​តែ​ខុស​វិធីឬខុស​ក្បួន ​អាចមាន​គ្រោះថ្នាក់​ដល់​រាង​កាយ

The post ញ៉ាំផ្លែស្រកានាគក្រហម ឬស ល្អជាង? appeared first on Kampuchea Thmey Daily.

ផលិតផលនេះត្រូវបានផលិតឡើងដោយប្រើបច្ចេកវិទ្យាណាណូ ដែលជួយរក្សាពណ៌ និងតម្លៃអាហារូបត្ថម្ភអតិបរមានៃផ្លែស្រកានាគនៅក្នុងសាច់មី ។

ផលិតផលមីកញ្ចប់ផលិតចេញពីផ្លែស្រកានាគនេះ គឺជាលទ្ធផលនៃកិច្ចខិតខំប្រឹងប្រែងរួមគ្នារបស់វិទ្យាស្ថានវិទ្យាសាស្ត្រសេដ្ឋកិច្ច និងបច្ចេកវិទ្យា Saigon ជាមួយក្រុមហ៊ុន Thanh Long Binh Thuan Co., Ltd. និងក្រុមហ៊ុន Caty Food Co., Ltd. ។

គួរបញ្ជាក់ថា ការផលិតមីកញ្ចប់ចេញពីផ្លែស្រកានាគត្រូវ​បាន​គេ​រំពឹង​ថា ​នឹង​ជួយ​លើក​កម្ពស់​តម្លៃ​ផ្លែ​ស្រកានាគ និង​ធានា​បាន​នូវ​ការ​ប្រើប្រាស់​ផ្លែ​ឈើជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Vietnam Plus

ចុចអាន ៖ ត្រូវតាមដាន! ករណី អូមីក្រុង ភាគច្រើននៅ វៀតណាម មិនបង្ហាញ រោគសញ្ញាឡើយ (មានវីដេអូ)

The post វៀតណាម ផលិតមីកញ្ចប់ដំបូងបំផុតចេញពីផ្លែស្រកានាគ appeared first on Kampuchea Thmey Daily.

ការផ្អាកនេះ នឹងចាប់អនុវត្តពីថ្ងៃពុធដល់ថ្ងៃទី២១ខែកញ្ញា។

នៅក្នុងសេចក្តីជូនដំណឹង អាជ្ញាធរនៅទីក្រុង Dongxing ប្រទេសចិន និយាយថា ពួកគេបានរកឃើញមេរោគនៅលើកញ្ចប់និងកេសទំនិញនីមួយៗ។

យោងតាមសេចក្តីជូនដំណឹងនេះ ការនាំចូលនឹងត្រូវបានបន្តវិញដោយស្វ័យប្រវត្តិ ចាប់ពីម៉ោង ១១ យប់ថ្ងៃទី ២១ ខែកញ្ញាទៅ។

ទោះបីជាយ៉ាងណាក៏ដោយ ការផ្អាកនេះ អាចនឹងពន្យារពេលមួយសប្តាហ៍ទៀត ប្រសិនបើរកឃើញមេរោគកូវីដ-១៩ នៅលើការវេចខ្ចប់ផ្លែស្រកានាគនាំចូលជាថ្មី ឬទំនិញផ្សេងទៀត ហើយលើកក្រោយ នឹងផ្អាកដល់ទៅ ៤សប្តាហ៍ប្រសិនបើផលិតផលទាំងនោះ រកឃើញមានផ្ទុកមេរោគជាលើកទីបី។

ក្រសួងសុខាភិបាលវៀតណាម បានស្នើឲ្យក្រុមហ៊ុននាំចេញផ្លែស្រកានាគ ធ្វើការជាមួយដៃគូចិន ដើម្បីស្វែងរកបណ្តាញមួយទៀតសម្រាប់ការដាក់លក់ផ្លែឈើនេះ ក្នុងអំឡុងពេលផ្អាក។

ស្របពេលជាមួយគ្នានោះ មន្ទីរឧស្សាហកម្មនិងពាណិជ្ជកម្មខេត្ត Quang Ninh បានណែនាំឲ្យក្រុមហ៊ុនក្នុងស្រុក ធ្វើបច្ចុប្បន្នភាពព័ត៌មានជាប្រចាំ ទាក់ទងនឹងសកម្មភាពនាំចូលនិងនាំចេញនៅច្រកព្រំដែន ដើម្បីជួយការពារការកកស្ទះទំនិញ។

គួរបញ្ជាក់ថា នេះមិនមែនជាលើកទីមួយទេ ដែលកសិផលរបស់វៀតណាមនាំចេញទៅកាន់ប្រទេសចិនតាមច្រកព្រំដែនភាគខាងជើង ត្រូវរងផលប៉ះពាល់ដោយបទបញ្ជាការពារ និងទប់ស្កាត់ជំងឺកូវីដ-១៩ របស់អាជ្ញាធរចិន។

កន្លងមក ភាគីចិនបានបញ្ឈប់ការទទួលរថយន្តវៀតណាមជាបណ្តោះអាសន្ន តាមច្រកព្រំដែនមួយចំនួននៅខេត្ត Lang Son ភាគខាងជើងចន្លោះខែកក្កដាដល់ខែសីហា ដើម្បីទប់ស្កាត់ការរីករាលដាលនៃជំងឺកូវីដ-១៩៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ផ្លែស្រកានាគ លាក់អាថ៌កំបាំងសុខភាពច្រើនយ៉ាង

The post ចិន រកឃើញវីរុសកូវីដ-១៩ លើផ្លែស្រកានាគ នាំចូលពី វៀតណាម appeared first on Kampuchea Thmey Daily.

​​​​១. សារធាតុ​ចិញ្ចឹម​ខ្ពស់​

​ផ្លែ​ស្រកានាគ ដ្បិត​មាន​កាឡូរី​តិច តែ​មាន​សារ​ធាតុរ៉ែ វិតាមីន​សំខាន់ៗ​ជា​ច្រើន ព្រម​ទាំង​មាន​ជាតិ​សរសៃ​ទៀត​ផង។ ក្នុង​ផ្លែស្រកា​នាគ​មាន​ប្រូតេអ៊ីន កាបូអ៊ីដ្រាត ជាតិ​សរសៃ ជាតិ​ដែក ម៉ាញ៉េស្យូម វីតាមីន C និង​វីតាមីន​E។

២. ជួយ​ស្បែក​

ផ្លែ​ស្រកា​នាគ​មាន​ផ្ទុក​សារធាតុ​ប្រឆាំង​អុក​ស៊ីតកម្ម និង​វីតាមីន ដែល​​មាន​ផល​ល្អ ដល់​សុខភាព​ស្បែក​។ វីតាមីន C នៅ​ក្នុង​ផ្លែឈើ​នេះ​ជួយ​ឲ្យ​ស្បែក​ភ្លឺ​ថ្លា ការពារ​ស្បែក​ស្រអាប់ និង​កាត់​បន្ថយ​ភាព​ចាស់​ជា​ដើម​។

៣. ជាតិ​សរសៃ​

ផ្លែ​ស្រកា​នាគ​មាន​ជាតិ​សរសៃ​ខ្ពស់ កាឡូរី​ទាប និ​គ្មាន​ជាតិ​ខ្លាញ់។ ដូច​នេះ​ហើយ ការ​ដាក់​​ផ្លែ​ស្រកា​នាគ​ចូល​ក្នុង​របប​អាហារ នឹង​អាច​ជួយ​ឲ្យ​ប្រព័ន្ធ​រំលាយ​អាហារ​របស់​យើង​ដំណើរ​ការ​បាន​យ៉ាង​រលូន​។

៤. សុខភាព​ពោះ​វៀន​

ផ្លែ​ស្រកាន​នាគ​ក៏​មាន​ដែរ​ prebiotics ដែល​សារធាតុ​នេះ​ជួយ​ជំរុញ​ឲ្យ​មាន​ការ​លូត​លាស់​របស់​បាក់​តេរី​ល្អៗ​នៅ​ក្នុង​ក្រពះ ដែល​ជំនួយ​ដល់​ការ​រំលាយ​អាហារ។ Prebiotics គឺ​ជា​តិ​សរសៃ​ម្យ៉ាង​ដែល​បាក់​តេរី​ល្អ​ក្នុងពោះ​វៀន​ត្រូវ​ការ​សម្រាប់​លូត​លាស់។ លើស​ពី​នេះ ផ្លែ​ស្រកានាគ​ក៏​មាន​ទំនាក់ទំនង​ក្នុង​ការ​ធ្វើ​ឲ្យ​ថយ​ចុះ​នូវ​ហានិភ័យ​កើត​ជំងឺ​មហារីក​ក្រ​ពះ​ដូច​គ្នា​។​​

៥. ពង្រឹង​ប្រព័ន្ធ​ភាព​ស៊ាំ​

ដោយ​សារ​តែផ្លែ​ស្រកា​នាគ​មាន​ផ្ទុក​វីតាមីន​ C ទើប​ផ្លែ​ឈើ​នេះ​អាច​រួម​ចំណែក​ក្នុង​ការ​ពង្រឹង​ប្រព័ន្ធ​ភាព​ស៊ាំ​រ​បស់​យើង​បាន។ មួយ​វិញ​ទៀត ផ្លែ​ស្រកា​នាគ​ក៏​មាន​សារធាតុ​ប្រឆាំង​ការ​រលាក ដែល​ជួយ​ទៅ​ដល់​ប្រ​ព័ន្ធភាព​ស៊ាំ​ការ​ពារ​រាង​កាយ​ពី​ពពួក​បាក់តេរី និង​មេរោគ​។

៦. ​ជាតិ​ដែក​

ផ្លែ​ស្រកានាគ​ ក៏​ជួយ​បង្កើ​កម្រិត​ជាតិ​ដែក​នៅ​ក្នុង​រាង​កាយ។ ជា​តិ​ដែក​មាន​សារ​សំខាន់​ក្នុង​ការ​ជួយ​ដឹង​ជញ្ជូន​អុក​ស៊ី​សែន​ក្នុង​រាង​កាយ។ ដូច​នេះ បើ​យើង​ចង់​បង្ការ​បញ្ហា​​ប្រឈម​នឹង​ខ្វះ​ជាតិ​ដែក កុំ​ភ្លេច​បន្ថែម​ផ្លែ​ស្រកា​នាគ​ទៅ​ក្នុង​របប​អាហារ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ភ័ស្តុតាងបញ្ជាក់ថា ហូបចេកជារៀងរាល់ថ្ងៃ លែងខ្វល់អ្វីពីរឿងទៅពេទ្យ

ចុចអាន៖ ផ្លែពោត លាក់អាថ៌កំបាំង ៤ យ៉ាងចំពោះសុខភាព​ ដែលយើងមិនធ្លាប់ដឹង

The post ផ្លែស្រកានាគ លាក់អាថ៌កំបាំងសុខភាពច្រើនយ៉ាង appeared first on Kampuchea Thmey Daily.