លោក ឡយ ស៊ាងអាង ប្រធានគណៈកម្មការគ្រប់គ្រងផ្សារអូរឫស្សី បានឲ្យដឹងថា កាន់តែកៀកថ្ងៃបុណ្យចូលឆ្នាំថ្មី មានប្រជាពលរដ្ឋជាច្រើន បានអញ្ជើញមកទិញទំនិញនៅផ្សារអូរឫស្សី ដូច្នេះហើយ បញ្ហាសន្តិសុខសុវត្ថិភាព និងការសម្របសម្រួលដល់លំហូរចរាចរណ៍ធ្វើដំណើរជុំវិញបរិវេណផ្សារ ជាការងារចាំបាច់ដែលត្រូវយកចិត្តទុកដាក់។

លោកបន្តទៀតថា យោងតាមសេចក្តីណែនាំរបស់រដ្ឋបាលរាជធានីភ្នំពេញ កម្លាំងអាជ្ញាធរ ក៏ដូចជាកម្លាំងគណៈកម្មការផ្សារ បានចុះផ្សព្វផ្សាយជាប្រចាំផងដែរ ដោយមិនអនុញ្ញាតដាច់ខាត មិនឲ្យមានការនាំចូលចែកចាយ ឬ ដុតផាវ កាំជ្រួច និង គ្រឿងផ្ទុះនានា។ បន្ថែមនោះ ហាមលេងបាញ់ទឹក ជះទឹក គប់ស្បោងទឹក ប្រើកាំភ្លើងបាញ់ទឹក ដែលធ្វើឲ្យប៉ះពាល់ដល់ការធ្វើដំណើររបស់ពលរដ្ឋលើដងផ្លូវសាធារណៈនោះឡើយ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។

ដោយឡែក អាជីវករវិញ បានបង្ហាញក្តីរីករាយចំពោះការលក់ដូរ ព្រោះមានអតិថិជនច្រើនមកជាវសម្ភារ និងអីវ៉ាន់ សម្រាប់យកទៅប្រើប្រាស់ការសែនព្រេន ក៏ដូចជាយកទៅរៀបចំតុបតែងលម្អ ក្នុងកម្មវិធីសង្ក្រាន្តនានាជាដើម។ ពួកគាត់ ថា ឆ្នាំនេះ លក់ដូរដាច់ជាងឆ្នាំមុនៗ ដោយមានប្រជាពលរដ្ឋច្រើនមកទិញ។

កាលពីថ្ងៃទី ០២ ខែមេសា ឆ្នាំ ២០២៦ ម្សិលមិញ កម្លាំងសមត្ថកិច្ចប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលរាជធានីភ្នំពេញ សហការជាមួយគណៈកម្មការគ្រប់គ្រងផ្សារអូរឫស្សី បានចុះត្រួតពិនិត្យ និងផ្សព្វផ្សាយអប់រំណែនាំបណ្តាអាជីវករ ដាច់ខាតមិនអនុញ្ញាតឲ្យមានការលក់ដូរគ្រឿងរំសេវទាំងឡាយណា ដែលអាចយកទៅប្រើប្រាស់បង្កភាពអនាធិបតេយ្យដល់សណ្តាប់ធ្នាប់សង្គមក្នុងឱកាសបុណ្យចូលឆ្នាំថ្មីនេះនោះទេ៕
អត្ថបទ ៖ សុភា

The post ហាមលក់ដូរផាវ កាំជ្រួច និងគ្រឿងផ្ទុះគ្រប់ប្រភេទនៅតាមទីផ្សាររដ្ឋ នាឱកាសបុណ្យចូលឆ្នាំខ្មែរ appeared first on Kampuchea Thmey Daily.

ជាក់ស្តែងកាលពីព្រឹកថ្ងៃទី ០២ ខែមេសា ឆ្នាំ ២០២៦ នេះ សមត្ថកិច្ចជំនាញបទល្មើសសេដ្ឋកិច្ច បើកកិច្ចសហការជាមួយ គណៈកម្មការផ្សារអូរឫស្សី បានចុះណែនាំដល់អាជីវករ ដោយហាមឃាត់មិនឲ្យលក់ដូរកាំភ្លើងបាញ់ទឹក និងគ្រឿងផ្ទុះ ក្នុងផ្សារអូរឫស្សី ដែលស្ថិតក្នុងសង្កាត់អូរឫស្សីទី ១ ខណ្ឌ ៧ មករា រាជធានីភ្នំពេញ។

នគរបាលជំនាញ បានឲ្យដឹងថា កម្លាំងសមត្ថកិច្ចទទួលផែនការងារ បទល្មើសសេដ្ឋកិច្ច នៃស្នងការដ្ឋាននគរបាលរាជធានីភ្នំពេញ សហការជាមួយ គណៈកម្មការផ្សារអូរឫស្សី បានចុះផ្សព្វផ្សាយ អប់រំណែនាំដល់អាជីវករ ក្រើនរំលឹក ហាមមិនឲ្យលក់កាំភ្លើងបាញ់ទឹក-ផាវ-និងគ្រឿងផ្ទុះផ្សេងៗ នៅក្នុងបរិវេណផ្សារអូរឫស្សី ដើម្បីជាការចូលរួមសហការជាមួយអាជ្ញាធរមានសមត្ថកិច្ច លើការលុបបំបាត់មិនឲ្យមានការលេងបាញ់ទឹក និងបាញ់កាំជ្រួច នារដូវបុណ្យចូលឆ្នាំថ្មី ប្រពៃណីជាតិខ្មែរ ខាងមុខ។

នគរបាល បានបន្តថា បើជនណានៅតែបំពាន ឬ ប្រព្រឹត្តល្មើស មិនគោរពតាមសេចក្តីណែនាំខាងលើ បង្កឲ្យមានចលាចលក្នុងសង្គម ប៉ះពាល់ដល់សន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ត្រូវទទួលទោសទណ្ឌតាមច្បាប់ជាធរមាន។

គួរជម្រាបថា កាលពីថ្ងៃទី ២៤ ខែមីនា ឆ្នាំ ២០២៦ រដ្ឋបាលរាជធានីភ្នំពេញ ហាមដាច់ខាត មិនឲ្យមានការដុតផាវ កាំជ្រួច ឬ ប្រើប្រាស់គ្រឿងផ្ទុះគ្រប់ប្រភេទ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ នេះ។ ក្នុងនោះ មិនឲ្យមានការនាំចូល ចែកចាយ ទិញលក់ផាវ គ្រឿងផ្ទុះគ្រប់ប្រភេទ និងហាមលេងល្បែងជះទឹក ការជះទឹកមានពណ៌ ឬ ទឹកកខ្វក់ គប់ស្បោងទឹក កាំភ្លើងបាញ់ទឹក ស្នប់បូមបាញ់ទឹក និងការវាយដោយរំពាត់ ឬ ឧបករណ៍ផ្សេងៗ ធ្វើឲ្យប៉ះពាល់ដល់ប្រជាពលរដ្ឋកំពុងធ្វើដំណើរនៅតាមដងផ្លូវ ដែលអាចនាំឲ្យមានគ្រោះថ្នាក់ចរាចរណ៍ ប៉ះពាល់អាយុជីវិត និងបង្កឲ្យមានរបួស ឬ ខូចខាតទ្រព្យសម្បត្តិ៕
អត្ថបទ ៖ រដ្ឋា

The post នគរបាល បន្តផ្សព្វផ្សាយដល់អាជីវករផ្សារអូរឫស្សី ហាមមិនឲ្យដាក់តាំងលក់កាំភ្លើងបាញ់ទឹក ផាវ និងគ្រឿងផ្ទុះផ្សេងៗ appeared first on Kampuchea Thmey Daily.

ដោយ​មាន​ការ​យកចិត្តទុកដាក់​ពី លោក ឃួង ស្រេង អភិបាល​រាជធានី​ភ្នំពេញ និង លោក ថេង សុថុល អភិបាល​ខណ្ឌ ៧ មករា បាន​ណែនាំ​ដល់​កម្លាំង​សណ្ដាប់ធ្នាប់​ខណ្ឌ និង​គណៈកម្មការ​ផ្សារ ក៏​ដូចជា​សន្តិសុខ​សណ្ដាប់ធ្នាប់​ផ្សារ​អូរឫស្សី ឲ្យ​បន្ត​យកចិត្តទុកដាក់​ពី​បញ្ហា បរិស្ថាន អនាម័យ សន្តិសុខ​សណ្ដាប់ធ្នាប់​ជា​ប្រចាំ ដើម្បី​រក្សា​អនាម័យ និង​សណ្ដាប់ធ្នាប់ ក្នុង​បរិវេណ​ផ្សារ​ឲ្យ​បាន​ល្អ​ប្រសើរ។ ជាពិសេស​បាន​បាញ់​ទឹក​លាង​សំអាត​ជា​ប្រចាំ​សប្ដាហ៍ ដើម្បី​មិន​ឲ្យ​មាន​ក្លិន​ឆ្អេះឆ្អាប ស្អុយ ទីតាំង​ដែល​មាន​ជាតិ​ខ្លាញ់ និង​ដី​ប្រឡាក់ ជូន​ដល់​អតិថិជន​ចូល​ផ្សារ ក៏ដូចជា​អាជីវករ​លក់ដូរ​ក្នុង​ផ្សារ​ផង​ដែរ ធ្វើ​យ៉ាងណា​ឲ្យ​មាន ផាសុកភាព សោភ័ណភាព និង​អនាម័យ​ស្អាត​ល្អ។

លោក ឡយ ស៊ាងអាង ប្រធាន​គណៈកម្មការ​ផ្សារ​អូរឫស្សី បាន​ឲ្យ​ដឹង​ថា បញ្ហា​សន្តិសុខ សណ្ដាប់ធ្នាប់ បរិស្ថាន​អនាម័យ គណៈកម្មការ​ត្រូវ​យកចិត្តទុកដាក់​ជា​ប្រចាំ មិន​ឲ្យ​មាន​ក្លិន​ឆ្អេះឆ្អាប ស្អុយ ជាពិសេស​ទីតាំង​លក់​សាច់ជ្រូក ត្រីងៀត ជាដើម ដែល​មាន​ជាតិ​ខ្លាញ់ ក្លិន និង​ដី​ប្រឡាក់ ដើម្បី​ជួយ​បាញ់​ទឹក​លាង​សំអាត បរិស្ថាន​អនាម័យ​ឲ្យ​ល្អ​ប្រសើរ។ ដូច្នេះ ​ក្នុង​នាម​ជា​ប្រធាន​គណៈកម្មការ​ផ្សារ លោក​បាន​បញ្ជាក់​ថា កម្លាំង​សន្តិសុខ​សណ្ដាប់ធ្នាប់​ផ្សារ បាន​យកចិត្តទុកដាក់​រៀបចំ​សណ្ដាប់ធ្នាប់ ធ្វើការ​បាញ់​ទឹក​សាប៊ូ លាង​សំអាត ក្នុង​បរិវេណ​ផ្សារ​ជា​ប្រចាំ។

លោក​ប្រធាន​គណៈកម្មការ​ផ្សារ​អូរឫស្សី បន្ត​ថា ក្រៅពី​ការ​បាញ់​ទឹក​លាង​សំអាត បរិស្ថាន​អនាម័យ នោះ កម្លាំង​គណៈកម្មការ​ផ្សារ នៅតែ​បន្ត​យកចិត្តទុកដាក់​ពី​បញ្ហា​សន្តិសុខ​សណ្ដាប់ធ្នាប់​ជុំវិញ​បរិវេណ​ផ្សារ ជៀសវាង​បង្ក​ការ​កកស្ទះ​ដល់​ប្រជាពលរដ្ឋ​ដំណើរ​ឆ្លងកាត់​ផ្សារ ឬ​ចេញ​ចូល​ផ្សារ ផង​ដែរ។

គួរ​ជម្រាប​ថា ក្រោយពី​កម្លាំង​សណ្ដាប់ធ្នាប់​បាន​បាញ់​ទឹក​លាង​សម្អាត​រួច កម្លាំង​គណៈកម្មការ​ផ្សារ​អូរឫស្សី បាន​លាបថ្នាំ​ពណ៌ គំនូស បន្ថែម​នៅ​តាម​បណ្ដោយ​សួន ស្រប​ផ្លូវ​នៅ​ជុំវិញ​បរិវេណ​ផ្សារ ដើម្បី​បង្ក​ភាព​ងាយស្រួល​ដល់​ប្រជាពលរដ្ឋ​ធ្វើ​ដំណើរ និង​លើក​កម្ពស់​សោភ័ណភាព​តាម​ដង​ផ្លូវ និង​ផ្សារ​ផង​ដែរ៕ 

អត្ថបទ ៖ សុភា

The post អាជ្ញាធរខណ្ឌ ៧ មករា យកចិត្តទុកដាក់ពីបញ្ហាបរិស្ថានអនាម័យនៅជុំវិញ បរិវេណផ្សារអូរឫស្សី ជាប្រចាំ appeared first on Kampuchea Thmey Daily.

កាលពី​ល្ងាច​ថ្ងៃ​ទី ០១ ខែ​តុលា ឆ្នាំ ២០២៥ គណៈកម្មការ​គ្រប់គ្រង​ផ្សារ​អូរឫស្សី បាន​សហការ​ជាមួយ ក្រុម​ការងារ​មកពី​មណ្ឌល​សុខភាព​ខណ្ឌ ៧ មករា ធ្វើការ​ចុះ​បាញ់​ថ្នាំ​សម្លាប់​មេរោគ​សត្វល្អិត ចង្រៃ ក្នុង និង​ជុំវិញ​បរិវេណ​ផ្សារ ដើម្បី​ការពារ ថែរក្សា អនាម័យ បរិស្ថាន និង​សុខុមាលភាព​របស់​អាជីវករ​លក់ដូរ ក៏​ដូច​ជា​អតិថិជន​ដែល​ចេញចូល​ទិញ​ទំនិញ​សម្ភារៈ​ប្រចាំថ្ងៃ។

លោក ឡយ ស៊ាងអាង ប្រធាន​គណៈកម្មការ​ផ្សារ​អូរឫស្សី បាន​បញ្ជាក់​ថា ដោយ​មាន​ការ​យក​ចិត្ត​ទុក​ដាក់​ខ្ពស់​ពី​លោក ឃួង ស្រេង អភិបាល នៃ​គណៈ​អភិបាល​រាជធានី​ភ្នំពេញ និង​លោក ថេង សុថុល អភិបាល នៃ​គណៈ​អភិបាល​ខណ្ឌ ៧ មករា តែងតែ​ណែនាំ​ដល់​គណៈកម្មការ​ផ្សារ ត្រូវ​យក​ចិត្ត​ទុក​ដាក់​ពី​បញ្ហា​សណ្ដាប់ធ្នាប់ បរិស្ថាន​អនាម័យ សន្តិសុខ​សុវត្ថិភាព និង​ចុះ​បាញ់ថ្នាំ​សម្លាប់​មេរោគ​សត្វល្អិត​ចង្រៃ ក្នុង និង​ក្រៅ​បរិវេណ​ផ្សារ ឲ្យ​ញឹកញាប់ ព្រោះ​ទីតាំង​ផ្សារ​ជា​ទីប្រជុំជន មាន​ទាំង​អាជីវករ និង​អតិថិជន​ចេញចូល​ផ្សារ ដូច្នេះ​ត្រូវតែ​ថែរក្សា អនាម័យ​បរិស្ថាន និង​សុខុមាលភាព របស់​ពួកគាត់​ឲ្យ​បាន​ល្អ​ប្រសើរ ដែល​ជា​កាតព្វកិច្ច​របស់​កម្លាំង​អាជ្ញាធរ​គ្រប់គ្រង​ផ្សារ។

លោក​ប្រធាន​គណៈកម្មការ​ផ្សារ បញ្ជាក់​បន្ថែម​ថា មិន​ត្រឹមតែ​រក្សា​បរិស្ថាន​អនាម័យ​នោះ​ទេ ជា​រៀងរាល់​ថ្ងៃ គ្រប់​ពេល អាជីវករ​កំពុង​ដំណើរការ​លក់ដូរ អតិថិជន​ចេញចូល កម្លាំង​សន្តិសុខ​ផ្សារ​ក៏​ដើរ​ល្បាត​រក្សា​សន្តិសុខ​ជូន​ដល់​ពួកគាត់​ផង​ដែរ ជៀសវាង​កើតមាន​អំពើ​ចោរកម្ម​ជាដើម៕

អត្ថបទ ៖ សុភា

The post គណៈកម្មការគ្រប់គ្រងផ្សារអូរឫស្សី ចុះបាញ់ថ្នាំសម្លាប់មេរោគសត្វល្អិត ក្នុងបរិវេណផ្សារ appeared first on Kampuchea Thmey Daily.

លោក ឡយ ស៊ាងអាង ប្រធាន​គណៈកម្មការ​គ្រប់គ្រង​ផ្សារ​អូរឫស្សី បាន​ប្រាប់​ឱ្យ​ដឹង​កាលពី​ថ្ងៃ​ទី ២១ ខែ​សីហា ឆ្នាំ ២០២៥ ថា ផ្សារ​អូរឫស្សី ក៏​ជា​ផ្សារ​មាន​វ័យ​ចំណាស់​មួយ​ក្នុង​រាជធានី​ភ្នំពេញ​ផង​ដែរ ដោយ​សំណង់​អគារ​មាន​អាយុកាល​ជាង ២០ ឆ្នាំ​ហើយ ប៉ុន្តែ​ដោយ​រដ្ឋបាល​រាជធានី​ភ្នំពេញ ក៏​ដូចជា​រដ្ឋបាល​ខណ្ឌ ៧ មករា និង​គណៈកម្មការ​ផ្សារ​ពិនិត្យ​ឃើញ​ថា ផ្នែក​មួយ​ចំនួន នៃ​អគារ​ផ្សារ​មាន​សភាព​ចាស់​ទ្រុឌទ្រោម ទើប​អភិបាល​រាជធានី​ភ្នំពេញ លោក ឃួង ស្រេង សម្រេច​ឱ្យ​ក្រុម​ការងារ​ជំនាញ​ដំណើរការ​ធ្វើការ​ជួសជុល​ជា​ដំណាក់កាល​តាំងពី​ដើម​ឆ្នាំ ២០២៤ មក​ម្ល៉េះ។

លោក ឡយ ស៊ាងអាង បន្ថែម​ថា កិច្ច​ការងា​ជួសជុល​កែសម្រួល​អគារ​ផ្សារ​នេះ អាច​ដំណើរការ​ទៅ​បាន ដោយសារ​មាន​ការ​ចូលរួម​សហការ​ល្អ​ពី​សំណាក់​អាជីវករ​លក់ដូរ​ដែល​ប្រឈម​ប៉ះពាល់​ទាំងអស់ ដោយ​ពួកគាត់​យល់ព្រម​ទទួល​យក​ការ​ដោះដូរ​ទីតាំង​ទៅ​លក់ដូរ​នៅ​តូប​បណ្ដោះអាសន្ន​នៅ​ជាន់​ផ្ទាល់​ដី​ក្នុង​មួយ​រយៈ​ពេល។ ពិសេស​ក្រោម​ការ​តាមដាន​យកចិត្តទុកដាក់​ពិនិត្យ​ជា​បន្តបន្ទាប់​ពី លោក ឃួង ស្រេង អភិបាល​រាជធានី​ភ្នំពេញ និង លោក ថេង សុថុល អភិបាល នៃ​គណៈ​អភិបាល​ខណ្ឌ ៧ មករា ផង​ដែរ។

លោក​ប្រធាន​ផ្សារ​បញ្ជាក់​ថា ការ​គិតគូរ​ពី​សំណាក់​ថ្នាក់ដឹកនាំ​ដល់​អាជីវក​គឺ​ធ្វើយ៉ាងណា​ឱ្យ​អំឡុង​ពេល​កំពុង​ដំណើរការ​ជួសជុល ​អាជីវករ​នៅតែ​អាច​ដំណើរការ​ប្រកប​មុខរបរ​លក់ដូរ​របស់​ពួកគាត់​បាន កុំ​ឱ្យ​បាត់​ចំណូល។

អាជីវករ​លក់ដូរ​ដែល​បាន​ចូល​ទៅ​ប្រកប​របរ​រកស៊ី​វិញ នៅ​ក្នុង​ដំណាក់កាល​ទី ១ និង​ទី ២ នៃ​ការ​ជួសជុល បាន​សម្តែង​ក្តីសប្បាយ​ចិត្ត ត្បិត​កន្លងទៅ​មាន​ការ​ប៉ះពាល់​បន្តិច​មែន​លើ​ការ​ដោះដូរ​ទីតាំង​បណ្ដោះអាសន្ន ក៏ប៉ុន្តែ​បច្ចុប្បន្ន​នេះ ពួកគាត់​អាច​លក់ដូរ​ដោយ​រីករាយ មិន​មាន​ការ​ព្រួយបារម្ភ​ពី​ដំបូល ឬ ធ្នឹម នៃ​អគារ​ប្រឈម​នឹង​ការ​ពុក​ផុយ​ស្រួយ ដែល​ប្រឈម​នឹង​គ្រោះថ្នាក់​បាន​គ្រប់​ពេល ដូច​កាលពី​ពេល​មុន​ទៀត​នោះ​ឡើយ។

សូម​បញ្ជាក់​ថា បច្ចុប្បន្ន​នេះ អាជីវករ​មួយ​ចំនួន បាន​និង​កំពុង​បន្ត​ការ​លក់ដូរ​នៅ​តូប​បណ្ដោះអាសន្ន​ដដែល ដែល​បាន​រៀបចំឡើង​សាងសង់​បណ្ដោះអាសន្ន​នៅ​លើ​ដង​ផ្លូវ​លេខ ១៤១ (ជាប់​ផ្សារ​ទិស​ខាង​លិច)។ មុន​មាន​ការ​សង់​តូប​បណ្ដោះអាសន្ន​នេះ​ដែរ ក្រុម​អាជ្ញាធរ ក៏បាន​ធ្វើ​សេចក្ដីជូនដំណឹង​ទៅ​ដល់​ប្រជាពលរដ្ឋ​ដែល​រស់នៅ និង​ស្នាក់នៅ​ក្បែរ និង​ជុំវិញ​តំបន់​នោះ ហើយ​ក្នុង​នោះ​ដែរ គណៈ​គ្រប់គ្រង​ផ្សារ ក៏បាន​ដាក់​កម្លាំង​សន្តិសុខ​របស់​ខ្លួន សហការ​ជាមួយ​នគរបាល​ប្រចាំការ​នៅ​តំបន់​នោះ ដើម្បី​ឈរ​សម្រួល​ដល់​លំហូរ​ចរាចរណ៍ ដើម្បី​ជួយ​កាត់បន្ថយ​ការ​កកស្ទះ​បាន​មួយ​កម្រិត​ផង​ដែរ ខណៈ​ផ្លូវ​លេខ ១៤១ ត្រូវ​បាន​សង់​រោង​តូប​បណ្ដោះអាសន្ន ២ ភាគ ៣ នៃ​ផ្លូវ​ទាំងមូល៕

អត្ថបទ ៖ សុភា

The post ដំណើរការជួសជុលផ្សារអូរឫស្សីឈានដល់ដំណាក់កាលទី ៣ សម្រេចលទ្ធផលជិត ៤០ ភាគរយ appeared first on Kampuchea Thmey Daily.

លោក ឡយ ស៊ាងអាង ប្រធាន​គណៈកម្មការ​គ្រប់គ្រង​ផ្សារ​អូរឫស្សី បាន​ប្រាប់​ឱ្យ​ដឹង​ថា អាជីវករ​លក់​ដូរ​ក្នុង​ផ្សារ ក្រោម​ការ​គ្រប់គ្រង​របស់​លោក បាន​លក់ដូរ​យ៉ាង​ទូលំទូលាយ​លើ​ម្ហូបអាហារ បន្លែ ផ្លែឈើ ដោយ​មិន​មាន​ការ​ព្រួយបារម្ភ​ពី​កង្វះខាត​ទំនិញ​ក្នុង​ការ​លក់​នោះ​ទេ ខណៈ​ប្រជាពលរដ្ឋ​ជា​ច្រើន ក៏បាន​បន្ត​អញ្ជើញ​មក​ទិញ​អីវ៉ាន់​របស់​ខ្មែរ​ផង​ដែរ ដោយ​មិន​ផ្តោត​ខ្លាំង​លើ​ទំនិញ​ក្រៅ​ស្រុក ជាពិសេស​កសិករ​ក្នុងស្រុក​ផលិត​បាន​គ្រប់គ្រាន់​សម្រាប់​ផ្គត់ផ្គង់​ប្រចាំថ្ងៃ។

ជាមួយ​នេះ អាជីវករ​លក់ដូរ​នៅ​ផ្សារ​អូរឫស្សី ក៏បាន​សម្តែង​ក្តី​ពេញចិត្ត​ក្នុង​ការ​លក់ដូរ​ផលិតផល​ខ្មែរ​ជូន​ប្រជាពលរដ្ឋ​ខ្មែរ​យក​ទៅ​បរិភោគ ដោយ​ពួកគាត់​យល់​ឃើញ​ថា ការ​គាំទ្រ​ផលិតផល​ខ្មែរ​មក​លក់​ដូរ ជា​ការ​ជួយ​ដល់​សេដ្ឋកិច្ច​ប្រជាជន​ក្នុងស្រុក ក៏ដូចជា​សេដ្ឋកិច្ច​ជាតិ​ទាំងមូល​ផង​ដែរ។ ជាពិសេស​ប្រជាពលរដ្ឋ​បាន​បរិភោគ បន្លែ ត្រី សាច់ រស់​ធម្មជាតិ របស់​កសិករ​ខ្មែរ និង​ប្រជាកសិករ​ផលិត​ក្នុង​ស្រុក​មាន​ការ​សប្បាយ​ចិត្ត ដោយ​ពុំ​មាន​របស់​ក្រៅ​ស្រុក​ហូរ​ចូល។

សូម​បញ្ជាក់​ថា ប្រមុខ​រាជរដ្ឋាភិបាល​កម្ពុជា កាលពី​ពេល​ថ្មីៗ នេះ បាន​សម្រេច​បិទ​ការ​នាំចូល​បន្លែ ផ្លែឈើ ត្រី សាច់ ពី​ប្រទេស​ថៃ ក្រោយ​ភាគី​ថៃ​បាន​បិទ​ច្រក​ព្រំដែន​អន្តរជាតិ​រវាង​ប្រទេស​ទាំង ២ ដោយ​ឯកតោភាគី។

ការ​សម្រេច​បិទ​ការ​នាំ​ចូល​នេះ ធ្វើឡើង​បន្ទាប់ពី​រាជរដ្ឋាភិបាល​បាន​ទុក​ពេល ២៤ ម៉ោង ឱ្យ​ភាគី​ថៃ បើក​ច្រក​ទ្វារ​ព្រំដែន​ប្រទេស​ទាំង ២ ឱ្យ​វិល​ទៅ​រក​ភាព​ប្រក្រតី​ធម្មតា​ដូចដើម​វិញ ប៉ុន្តែ​ភាគី​ថៃ មិន​បាន​ធ្វើតាម​ការ​ដាក់​ឱសានវាទ​របស់​កម្ពុជា​ឡើយ គឺ​បន្ត​ការ​បិទ​ដោយ​ឯកតោភាគី​ដដែល ទើប​កម្ពុជា​សម្រេច​បិទ​ទំនិញ​ខាងលើ​នាំចូល​ពី​ប្រទេស​ថៃ​តែម្ដង៕

អត្ថបទ ៖ សុភា

The post ទោះបិទការនាំចូលពីថៃ ម្ហូបអាហារបន្លែត្រីសាច់ ផ្លែឈើ ជាផលិតផលខ្មែរ ត្រូវបានលក់ដូរយ៉ាងទូលំទូលាយគ្រប់គ្រាន់នៅផ្សារអូរឫស្សី appeared first on Kampuchea Thmey Daily.

ក្នុង​ឱកាសចុះត្រួតពិនិត្យការដ្ឋាននោះដែរ លោក​អភិបាលខណ្ឌបានបន្តចុះសំណេះសំណាល សួរសុខទុក្ខជាមួយបងប្អូនអាជីវកលក់ដូរនៅផ្សារអូរឫស្សី និងសូមការអធ្យាស្រ័យយោគយល់ នូវការលំបាកមួយរយៈពេល ដើម្បីជួសជុលអគារផ្សារ។

ជុំវិញការជួសជុលកែលម្អរអគារផ្សារអូឫស្សីនេះ លោក ឡយ ស៊ាងអាង ប្រធានគណះកម្មការផ្សារអូឬស្សី បានប្រាប់​ឱ្យដឹងថា អគារផ្សារអូរឫស្សី ត្រូវបានបែកចែកជា ៦ដំណាក់កាល ក្នុងមួយដំណាក់កាល ត្រូវឱ្យអាជីវករើតូបមកលក់ដូរនៅតូបបណ្ដោះអាសន្ន ចំនួន២៣២តូប។ សូមបញ្ជាក់ថាការដ្ឋានជួសជុលក្នុងដំណាក់កាលទី១ ត្រូវបានចាប់ផ្ដើមតាំងពីខែមេសា ឆ្នាំ២០២៤ រហូត​ដល់​ពេល​នេះ ត្រូវបានចាក់បេតុង សាងសង់ជិតរួច១០០ភាគរយ និង​មាន​គម្រោងឱ្យបងប្អូនអាជីវក ដែលលក់ដូរ រើសតូបពីតូបបណ្ដោះអាសន្នមកលក់នៅក្នុងបរិវេណផ្សារវិញ នៅដើមខែមករា ឆ្នាំ២០២៥ខាងមុខនេះ។ ហើយការដ្ឋានដំណាក់កាលទី២ និងចាប់ផ្ដើម ជាបន្តបន្ទាប់ទៀត។

លោក អភិបាលខណ្ឌ៧មករា ក៏​បាន​បញ្ជាក់ប្រាប់ឲ្យដឹងដែរថា គម្រោងជួសជុលកែលម្អអគារផ្សារអូរឫស្សី​ជា​គម្រោង​របស់​រដ្ឋបាលរាជធានីភ្នំពេញ ដោយមន្រ្តីជំនាញបានត្រួតពិនិត្យលក្ខណៈបច្ចេកទេសនៃសំណង់អគារ បានឃើញថា អគារបានការបាក់ប្រេះ ទ្រុឌទ្រោម ដូចនេះ រដ្ឋបាលរាជធានីភ្នំពេញ ក្រោមការដឹកនាំរបស់ លោក ឃួង ស្រេង បានគិតគូរពីសុខសុវត្ថិភាពរបស់អាជីវកលក់ដូរក្នុងបរិវេណអគារផ្សារ និងបានសាងសងតូបបណ្ដោះអាសន្ននៅលើចំណីផ្លូវលេខ១១១ ខាងលិចផ្សារ​ឱ្យអាជីវករលក់ ជាបណ្ដោះអាសន្ន ដើម្បីឱ្យជំនាញបើកការដ្ឋានជួសជុលជាបន្តបន្ទាប់តាមដំណាក់កាល។

ជាចុងក្រោយរដ្ឋបាលខណ្ឌ៧មករា សំណូមពរ​ដល់អាជីវកលក់ដូរទាំងអស់មានអធ្យាស្រ័យ ចំពោះការដ្ឋានសាងសង់មានការយឺតយ៉ាវមួយចំនួន និង​សំណូមពរដល់ពលរដ្ឋអ្នកធ្វើដំណើរឆ្លងកាត់តំបន់ផ្សារ ក៏​ដូច​ជា​ចេញ​ចូលផ្សារ មានការកកស្ទះចរាចរណ៍សូមមានការយោគយល់ តែទោះជាយ៉ាងកម្លាំងសន្តិសុខសណ្ដាប់ធ្នាប់ផ្សារ បានធ្វើការសម្រួលចរាចរណ៍ជាប់ជាប្រចាំផងដែរ៕

អត្ថបទ ៖ ម៉េង

The post លោក ថេង សុថុលអភិបាលខណ្ឌ៧មករា ជំរុញ​ពន្លឿន​ការ​ជួសជុល​កែលម្អ​អគារផ្សារអូរឫស្សី ដើម្បីផ្តល់ទីតាំងជូនអាជីវករ បាន​លក់ដូរនៅតាមតូបរៀងៗខ្លួនវិញ appeared first on Kampuchea Thmey Daily.

លោក ឡយ ស៊ាងអាង ប្រធានគណៈកម្មការផ្សារអូរឬស្សីបានលើកឡើងថា បញ្ហាសន្តិសុខ សណ្ដាប់ធ្នាប់ បរិស្ថានអនាម័យ គឺគណៈកម្មការត្រូវយកចិត្តទុកជាប្រចាំ មិនឲ្យមានក្លិនឆ្អេះឆ្អាប ស្អុយ ជាពិសេសទីតាំងលក់សាច់ជ្រូក ត្រីងៀត ជាដើម ដែលមានជាតិខ្លាញ់ ក្លិន និងដីប្រឡាក់ ដើម្បីជួយបាញ់ទឹកលាងសំអាត បរិស្ថានអនាម័យឲ្យល្អប្រសើរ។ ដូច្នេះក្នុងនាមលោកជាប្រធានគណៈកម្មការផ្សារ លោកបានបញ្ជាក់ថាកម្លាំងសន្តិសុខសណ្ដាប់ធ្នាប់ផ្សារបានយកចិត្តទុកដាក់រៀបចំសណ្ដាប់ធ្នាប់ជាប្រចាំ និងបានយកថ្ងៃព្រហស្បតិ៍នៃសប្តាហ៍ ធ្វើការបាញ់ទឹកសាប៊ូ លាងសំអាត ក្នុងបរិវេណផ្សារ ជាប្រចាំ។

លោកប្រធានគណៈកម្មការផ្សារអូរឬស្សី បន្ថែមទៀតនោះ ក្រៅពីការបាញ់ទឹកលាងសំអាត បរិស្ថានអនាម័យ នោះ កម្លាំងគណៈកម្មការផ្សារនៅតែបន្តយកចិត្តទុកដាក់ពីបញ្ហាសន្តិសុខសណ្ដាប់ធ្នាប់ជុំវិញបរិវេណផ្សារជៀសវាងបង្កការកកស្ទះដល់ពលរដ្ឋដែលដំណើរឆ្លងកាត់ផ្សារ ឬចេញចូលផ្សារជាដើម៕

អត្ថបទ៖ សុភា

The post ប្រធានគណៈកម្មការផ្សារអូរឫស្សីយកចិត្តទុកដាក់ពីបញ្ហាបរិស្ថានអនាម័យនៅបរិវេណផ្សារជាប្រចាំ appeared first on Kampuchea Thmey Daily.