អនុវត្តតាមបទបញ្ជាដ៏ខ្ពង់ខ្ពស់នេះ លោកឧត្ដមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានដឹកនាំមន្ត្រីជំនាញចុះអនុវត្តប្រតិបត្តិការឆែកឆេរផ្ទាល់ នៅមណ្ឌលអប់រំកែប្រែទី១ មណ្ឌលអប់រំកែប្រែទី២ និងពន្ធនាគាររាជធានីភ្នំពេញ នៅថ្ងៃទី០៣ ខែមេសា ឆ្នាំ២០២៦។ ប្រតិបត្តិការនេះមានគោលបំណងសំខាន់ក្នុងការបោសសំអាត ទប់ស្កាត់ និងដកហូតវត្ថុហាមឃាត់ ដែលអាចបង្កគ្រោះថ្នាក់ដល់សន្តិសុខ និងសុវត្ថិភាពក្នុងពន្ធនាគារ ព្រមទាំងបង្ការការប្រព្រឹត្តបទល្មើសដែលអាចប៉ះពាល់ដល់សណ្តាប់ធ្នាប់សង្គម។

លោកអគ្គនាយក បានបញ្ជាក់ថា ការអនុវត្តវិធានការឆែកឆេរត្រូវធ្វើឡើងយ៉ាងម៉ត់ចត់ និងម៉ឺងម៉ាត់ខ្ពស់បំផុត ដោយគ្របដណ្តប់លើគ្រប់ទីកន្លែងក្នុងតំបន់ឃុំឃាំង រួមមានអគារ បន្ទប់ឃុំ និងតំបន់ពាក់ព័ន្ធផ្សេងៗ ដើម្បីធានាថាមិនមានវត្ថុហាមឃាត់ណាមួយអាចលួចយកចូលសម្រាប់ប្រើប្រាស់បាន។ ជាមួយគ្នានេះ លោកក៏បានណែនាំដល់ថ្នាក់ដឹកនាំមណ្ឌលអប់រំកែប្រែ និងពន្ធនាគាររាជធានី-ខេត្តទូទាំងប្រទេស ឱ្យសហការល្អជាមួយក្រុមការងារជំនាញ ដោយធានាឱ្យប្រតិបត្តិការនេះអនុវត្តបានដោយរលូន និងទទួលបានលទ្ធផលល្អប្រសើរ។  

គួរបញ្ជាក់ថា ក្នុងថ្ងៃដូចគ្នានេះ លោកអគ្គនាយកដ្ឋានពន្ធនាគារ ក៏បានចាត់តាំងថ្នាក់ដឹកនាំ និងមន្ត្រីជំនាញ ចុះអនុវត្តប្រតិបត្តិការឆែកឆេរនៅគ្រប់មណ្ឌលអប់រំកែប្រែ និងពន្ធនាគាររាជធានី-ខេត្តទូទាំងប្រទេស ដើម្បីធានាបាននូវសុវត្ថិភាព និងសណ្តាប់ធ្នាប់យ៉ាងតឹងរឹង៕

ប្រភព៖ អគ្គនាយកដ្ឋានពន្ធនាគារ

The post លោកឧត្ដមអគ្គានុរក្សថ្នាក់លេខ១ ឈន សាណាត ដឹកនាំប្រតិបត្តិការឆែកឆេររកវត្ថុហាមឃាត់ ពង្រឹងសន្តិសុខក្នុងពន្ធនាគារ appeared first on Kampuchea Thmey Daily.

ក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ បានដាក់ចេញបទបញ្ជាដល់កម្លាំងនគរបាលគ្រប់អង្គភាពចំណុះ ត្រូវពង្រឹងការងារសន្តិសុខសង្គម និងសន្តិសុខព្រំដែន។ បន្ថែមពីនេះ ត្រូវពង្រឹងការចុះផ្សព្វផ្សាយតាមវេទិការ សាធារណៈ អំពីគោលនយោបាយភូមិ ឃុំ/សង្កាត់មានសុវត្ថិភាពឱ្យបានផុលផុស និងបន្តធ្វើការស្រាវជ្រាវ បង្ការ បង្ក្រាប បទល្មើសគ្រប់ប្រភេទ និងក្មេងទំនើង។ ព្រមទាំងបន្តជំរុញដល់ពលរដ្ឋដែលទើបគ្រប់អាយុ និងហួសសុពលភាពប្រើប្រាស់ត្រូវមកធ្វើអត្តសញ្ញាណប័ណ្ណសញ្ជាតិខ្មែរឱ្យបានគ្រប់គ្នា,ពង្រឹងការកសាងជំរុំបន្ទាយ និងចុះបញ្ជីទ្រព្យសម្បត្តិរដ្ឋ, ត្រូវពង្រឹងសាមគ្គីភាព ឯកភាពផ្ទៃក្នុងឱ្យបានល្អ។

ចំណែកលោកឧត្តមសេនីយ៍ត្រី រ៉ែម វីរៈ ស្នងការរងផែនការងារសេនាធិការ បានឡើងអានរបាយការណ៍លទ្ធផល កិច្ចប្រតិបត្តិការសម្រេចបានកន្លងមក និងធ្វើការផ្សព្វផ្សាយផែនការណ៍អនុវត្តការងារសម្រាប់ខែបន្ទាប់។ ក្រៅពីនេះក៏បានធ្វើការណែនាំបន្ថែមនូវការងារចាំបាច់ចំពោះមុខមួយចំនួនដល់កងកម្លាំងផងដែរ៕

The post ស្នងការខេត្តបន្ទាយមានជ័យ ដាក់បទបញ្ជាដល់កម្លាំងគ្រប់អង្គភាពចំណុះ ពង្រឹងការងារសន្តិសុខសង្គម និងព្រំដែន appeared first on Kampuchea Thmey Daily.

គណៈបញ្ជាការឯកភាពរាជធានីភ្នំពេញ និងគណៈបញ្ជាការឯកភាពតាមបណ្ដាខណ្ឌ បានដាក់គោលដៅត្រួតពិនិត្យនៅតាមផ្លូវជាតិសំខាន់ដែលចូលមករាជធានីភ្នំពេញ ដោយសារតែមានការញុះញង់អូសទាញ ការបំផុសបំផុលឱ្យមានការប្រមូលផ្ដុំតវ៉ាប្រឆាំង និងប៉ុនប៉ងផ្ដួលរំលំរាជរដ្ឋាភិបាលស្របច្បាប់។

នាថ្ងៃទី១៨សីហានេះ​ នៅផ្លូវជាតិលេខ៣ និងលេខ៤ កម្លាំងគណៈបញ្ជាការឯកភាពខណ្ឌកំបូល និងគណៈបញ្ជាការឯកភាពខណ្ឌពោធិ៍សែនជ័យ បានដាក់គោលដៅត្រួតពិនិត្យសន្តិសុខ សណ្ដាប់ធ្នាប់ ជៀសវាងមានក្រុមឆ្លៀតឱកាសជ្រុលនិយមដែលចង់ចូលមកធ្វើបាតុកម្មនៅរាជធានីភ្នំពេញ ដើម្បីផ្ដួលរំលំតាមការអំពាវនាវរបស់ក្រុមប្រឆាំងទុច្ចរិតក្រៅប្រទេស។

ការត្រួតពិនិត្យនេះក៏ដើម្បីរក្សាសុខសុវត្ថិភាព សណ្ដាប់ធ្នាប់ ក៏ដូចជាបញ្ហាសន្តិសុខទូទៅជូនប្រជាពលរដ្ឋអ្នកដំណើរកុំឱ្យមានការព្រួយបារម្ភភ័យខ្លាច៕

អត្ថបទ៖ ម៉េង

The post ព្រំប្រទល់ខេត្តកណ្ដាល និងភ្នំពេញ សមត្ថកិច្ចដាក់គោលត្រួតពិនិត្យយ៉ាងតឹងរ៉ឹងដើម្បីការពារសុវត្ថិភាព appeared first on Kampuchea Thmey Daily.