ឧត្តមសេនីយ៍ទោ អ៊ុយ ហៀង បានណែនាំដល់សិក្ខាកាមពេលហ្វឹកហ្វឺន ត្រូវប្រឹងប្រែងយកចិត្តទុកដាក់រៀនសូត្រឱ្យបានល្អប្រសើរ ហើយចំពោះគ្រូធាចារ្យ ត្រូវរិះរកវីធីសាស្ត្រល្អៗធ្វើយ៉ាងណាឱ្យសិក្ខាកាមងាយយល់ និងចាប់បាន។ សម្រាប់ការងារហ្វឹកហ្វឺន លោក ថា ត្រូវបង្កសមត្ថភាពដល់ពលទាហានថ្មី ដើម្បីរួមចំណែកពង្រឹងខឿនការពារជាតិបានរឹងមាំ។

ឧត្តមសេនីយ៍ទោ អ៊ុយ ហៀង បានផ្តាំដល់សិក្ខាកាមពលទាហានថ្មីទាំងអស់ត្រូវក្តាប់ឱ្យជាប់រាល់មេរៀនដែលគ្រូបង្រៀន និងត្រូវប្រកានភ្ជាប់តួនាទីរបស់ខ្លួន ហើយត្រូវខិតខំរៀនសូត្រដើម្បីបង្កើនសមត្ថភាព ចំណេះដឹង ចំណេះធ្វើពិតប្រាកដ រួមចំណែកពង្រឹងខឿនការពារជាតិបានរឹងមាំ។

លោក សង្ឃឹមថា ពេលបញ្ចប់វគ្គហ្វឹកហ្វឺន គឺនឹងទទួលបានលទ្ធផលល្អប្រសើរ ហើយត្រូវស្មោះត្រង់ដាច់ខាតចំពោះជាតិ សាសនា ព្រះមហាក្សត្រ ការពាររដ្ឋធម្មនុញ្ញ ជាច្បាប់កំពូលរបស់ជាតិ ការពាររាជរដ្ឋាភិបាលស្របច្បាប់ ដែលប្រសូតចេញពីការបោះឆ្នោត៕

The post យោធភូមិភាគទី៣ បើកវគ្គហ្វឹកហ្វឺនពលទាហានថ្មីបំពេញឱ្យក្របខណ្ឌកងទ័ពជើងគោក appeared first on Kampuchea Thmey Daily.

ប្រការ១ នៃសេចក្ដីសម្រេចរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអនុញ្ញាតឱ្យក្រសួងការពារជាតិ ជ្រើសរើសពលទាហានថ្មីចំនួន ១១១នាក់ សម្រាប់បំពេញក្របខ័ណ្ឌឱ្យបញ្ជាការដ្ឋានអង្គរក្ស។

ប្រការ២ នៃសេចក្ដីសម្រេចដដែលនេះ សម្ដេចធិបតី នាយករដ្ឋមន្ត្រី បានណែនាំដល់រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងការពារជាតិ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អគ្គមេបញ្ជាការ នៃកងយោធពលខេមរភូមិន្ទ ព្រមទាំងថ្នាក់ដឹកនាំនៃក្រសួងស្ថាប័នពាក់ព័ន្ធ ត្រូវអនុវត្តតាមសេចក្ដីសម្រេចនេះ ចាប់ពីថ្ងៃចុះហត្ថលេខានេះតទៅ៕

The post នាយករដ្ឋមន្ត្រីកម្ពុជា អនុញ្ញាតឱ្យជ្រើសរើសពលទាហានថ្មី១១១នាក់សម្រាប់បញ្ជាការដ្ឋានអង្គរក្ស appeared first on Kampuchea Thmey Daily.

លោក អ៊ុន សុវណ្ណ អ្នកនាំពាក្យក្រសួងការពារជាតិ មានប្រសាសន៍ប្រាប់កម្ពុជាថ្មីថា រាជរដ្ឋាភិបាលកម្ពុជា បានសម្រេចឲ្យក្រសួងការពារជាតិ ជ្រើសរើសកងកម្លាំងចំនួន ៦០០នាក់ សម្រាប់បំពេញឲ្យកងវរៈសេនាតូចបង្កើតថ្មី ចំណុះឲ្យបញ្ជាការដ្ឋានកាំភ្លើងធំ។ ទោះជាយ៉ាងណាលោក អ៊ុន សុវណ្ណ បានបញ្ជាក់ថា មកដល់ពេលនេះ មិនទាន់មានផែនការជាក់លាក់នៅឡើយទេ ពីព្រោះក្រសួងទើបតែទទួលបានសេចក្តីសម្រេច ហើយត្រូវរង់ចាំការបង្កើតគណៈកម្មការរៀបចំផែនការ ដើម្បីចាប់ផ្ដើមអនុវត្តផែនការជ្រើសរើសនេះ។ ដូច្នេះនៅពេលនេះ ការជ្រើសរើសនៅមិនទាន់ចាប់ផ្ដើមនៅឡើយទេ។

យោងតាមសេចក្តីសម្រេចចុះហត្ថលេខាដោយសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែល​ទទួលបានកាល ពីល្ងាចថ្ងៃទី ១០ ខែមិថុនា ឆ្នាំ ២០២២ បានបញ្ជាក់ថា «អនុញ្ញាតឲ្យក្រសួងការពារជាតិ ជ្រើសរើសពលទាហានថ្មីចំនួន ៦០០ នាក់ ដើម្បីបំពេញក្របខ័ណ្ឌឲ្យ ៣ កងវរសេនាតូចបង្កើតថ្មី ចំណុះបញ្ជាការដ្ឋានកាំភ្លើងធំអគ្គបញ្ជាការដ្ឋាន»៕

អត្ថបទ៖ កោះកែវ

The post ដំណើរការជ្រើសរើសពលទាហានថ្មីចំនួន ៦០០នាក់ នៅមិនទាន់ចាប់ផ្ដើមនៅឡើយទេ appeared first on Kampuchea Thmey Daily.

នាយឧត្តមសេនីយ៍ សែម សុវណ្ណនី លើកឡើងថា ទិវាអន្តរជាតិ នៃអ្នកថែរក្សា​សន្តិភាព​របស់​អង្គការ​សហប្រជា​ជាតិ (ថ្ងៃទី២៩ ខែឧសភា) ធ្វើឡើងដើម្បីឧទ្ទិសកុសល ដល់ការចូលរួមចំណែកដ៏មានតម្លៃរបស់បុគ្គលិក ក្នុង​ឯកសណ្ឋានយោធា និងស៊ីវិល ក្នុងការបំពេញបេសកកម្ម អ.សប និងគោរពដល់កម្លាំង​ថែរក្សា​សន្តិភាព​ប្រមាណ​ជាង៤០០០នាក់ ដែលបានបាត់បង់ជីវិតក្រោមទង់ អ.ស.ប តាំងពីឆ្នាំ១៩៤៨ ហើយ​រយៈពេល​១ឆ្នាំ​កន្លងមកនេះ អ្នកថែរក្សាសន្តិភាព រហូតចំនួន១៣០នាក់ បានពលីជីវិត ដើម្បីបុព្វហេតុ​សន្តិភាព​នៅ​ពាស​ពេញ​ពិភពលោក។

បើតាមនាយឧត្តមសេនីយ៍ សែម សុវណ្ណនី រយៈពេល១៥ឆ្នាំនេះ កម្ពុជាដែលជាសមាជិកដ៏សកម្មមួយរបស់ អ.សប បានបញ្ជូនកម្លាំងចូលរួមបេសកកម្មសរុបចំនួន៧៥២៣នាក់ ក្នុងនោះមាននារីចំនួន៤៦៦នាក់ ទៅ​កាន់បេសកកម្មចំនួន១១ ក្នុងប្រទេសចំនួន៩ មានជាអាទិ៍៖ សាធារណរដ្ឋស៊ូដង់ ស៊ូដង់ខាងត្បូង ឆាដ លីបង់ ស៊ីរី សាយប្រឺស ម៉ាលី អាហ្វ្រិកកណ្តាល និង យ៉េមែន។ គិតចាប់ពីឆ្នាំ២០០៦ មកទល់នឹងបច្ចុប្បន្ន វីរយុទ្ធជន​កម្ពុជាចំនួន១០រូប បានពលីជីវិតលើសមរភូមិ នៃតំបន់បេសកកម្មនៅសាធារណរដ្ឋម៉ាលី និងអាហ្វ្រិក​កណ្ដាល។

លោកបានសំដែងនូវការដឹងគុណដ៏ជ្រាលជ្រៅ ជូនចំពោះគ្រប់កងកម្លាំងរក្សាសន្តិភាព និងអតីតកង​រក្សា​សន្តិភាព ពិសេសកងទ័ពមួកខៀវកម្ពុជា ដែលស្ម័គ្រចិត្តចូលរួមចំណែកក្នុងបេសកកម្ម ដែល​បច្ចុប្បន្ន​ប្រឈម​នឹងភាពស្មុគស្មាញ ព្រមទាំងមានហានិភ័យខ្ពស់។

នាយឧត្តមសេនីយ៍ សែម សុវណ្ណនី បញ្ជាក់ថា ជារៀងរាល់ឆ្នាំ នាថ្ងៃទី២៩ ខែឧសភា យើងតែងតែប្រារព្ធ​ពិធីគោរព​វិញ្ញាណក្ខន្ធ ដើម្បីរំលឹកគុណូបការៈដល់វីរយុទ្ធជន យុទ្ធនារី នៃកងរក្សាសន្តិភាព ដែលបានធ្វើ​ពលីកម្ម លះបង់សាច់ស្រស់ឈាមស្រស់ក្នុងបុព្វហេតុសន្តិភាព នៃបេសកកម្មរបស់ អ.ស.ប ដែលមានតំលៃដ៏​ឧត្តុង្គឧត្តមមិនអាចកាត់ថ្លៃបាន ហើយបានចារិកទុកជាប្រវត្តិសាស្ត្រ នៃមនុស្សជាតិទាំងនៅទីបញ្ជាការធំរបស់ អ.ស.ប និងបណ្តាប្រទេសដែលជាសមាជិករបស់ អ.ស.ប។ តែអកុសល គិតចាប់ពីឆ្នាំ២០២០ អ្នកថែរក្សា​សន្តិភាពរបស់យើងជួបប្រទះ ក៏ដូចប្រជាជននៅជុំវិញពិភពលោកដែរ គឺមានច្រើនជាងពេលណាៗ​ទាំងអស់​មិនត្រឹមតែត្រូវតស៊ូប្រយុទ្ធប្រឆាំងជំងឺរាតត្បាតកូវីដ-១៩ប៉ុណ្ណោះទេ ប៉ុន្តែថែមទាំងគាំទ្រ និងការពារប្រជាជន​នៅក្នុងប្រទេស ដែលពួកគេបាននិងកំពុងបន្តប្រតិបត្តិការ ឱ្យអស់ពីសមត្ថភាព។

នាយឧត្តមសេនីយ៍ សែម សុវណ្ណនី អះអាងថា ឆន្ទៈរបស់កម្ពុជាមិនរាថយ ក្នុងការចូលរួមបេសកកម្ម​រក្សា​សន្តិភាព​របស់ អ.ស.ប ជាដាច់ខាត និងបន្តគាំទ្រនូវការដាក់ចេញ “សកម្មភាពដើម្បីសន្តិភាព” របស់ឯកឧត្តម Antonio Guterres អគ្គលេខាធិការអង្គការសហប្រជាជាតិ ដើម្បីប្រសិទ្ធភាពនៃការចូលរួមបេសកកម្ម និង​ដើម្បីកាត់បន្ថយអត្រាគ្រោះថ្នាក់អោយបានជាអតិបរមា។

នាយឧត្តមសេនីយ៍ សែម សុវណ្ណនី លើកឡើងទៀតថា ទោះបីជាវីរយុទ្ធជនយើងបានពលីជីវិតទៅហើយក្តី តែបានបន្សល់ទុកនូវគំរូវីរភាព ស្នាដៃដ៏ធំធេង ដែលដក់ជាប់ក្នុងក្រអៅបេះដូងរបស់យើង ក្នុងស្មារតីបង្រួម​បង្រួមជាតិ និងជួយទ្រទ្រង់ដល់ប្រទេសលើពិភពលោក ឲ្យមានសុខសន្តិភាព ប្រកបដោយវីរភាពដ៏ឧត្តុង្គឧត្តម ដើម្បីកាត់បន្ថយនូវអត្រាគ្រោះថ្នាក់ ដែលអាចកើតឡើងជាយថាហេតុ ដូច្នេះវីរយុទ្ធជន យុទ្ធនារីទាំងអស់ ខិត​ខំប្រឹង​ប្រែងបង្កើនស្មារតីប្រុងប្រយ័ត្ន យកអស់កម្លាំងកាយចិត្ត ពង្រឹងការហ្វឹកហាត់ ជំនាញវិជ្ជាជីវៈ ស៊ូបង្ហូរ​ញើស​លើទីលាន ប្រសើរជាងបង្ហូរឈាមលើសមរភូមិ ពិសេសដើម្បីប្រយុទ្ធប្រឆាំង​ទប់ទល់មេរោគរាត​ត្បាត​កូវីដ-១៩​​ត្រូវអនុវត្តឱ្យបានម៉ឺងម៉ាត់​នូវវិធានការណែនាំរ​បស់រាជរដ្ឋាភិបាលកម្ពុជា​“៣ កុំ ៣ ​ការពារ”​តាមការ​ណែ​នាំរបស់ក្រសួងសុខាភិបាល និង​វិធាននានារបស់បេសកកម្ម អ.ស.ប ៕

កោះកែវ

The post ចាប់​ពី​ឆ្នាំ​២០០៦​មក​ វីរយុទ្ធជនកម្ពុជាចំនួន១០នាក់ បាន​ពលី​ជីវិត​លើ​សមរភូមិ​បេសកកម្ម​ក្រោម​ឆ័ត្រ​អង្គការ​សហប្រជាជាតិ appeared first on Kampuchea Thmey Daily.

កងពលតូច​លេខ​៧០ កាលពី​ព្រឹក​ថ្ងៃទី​២២ ខែកុម្ភៈ ឆ្នាំ​២០២១ បានរៀបចំ​ចាក់​វ៉ាក់សាំង​បង្ការ​កូ​វីដ​-១៩ ជូន​ដល់​នាយទាហាន ពលទាហាន នៅក្នុង​កងពល ដោយមាន​ការចូលរួម​ពី​នាយ​ឧ​ត្ត​ម​សេនីយ៍ នាង ផាត រដ្ឋលេខាធិការ​ប្រចាំការ​ក្រសួងការពារជាតិ​, នាយ​ឧ​ត្ត​ម​សេនីយ៍ ស៊ុ សំណាង អគ្គនាយក អគ្គនាយកដ្ឋាន​ភស្តុភារ និង​ហិរញ្ញវត្ថុ នៃ​ក្រសួងការពារជាតិ និង​លោក​ឧ​ត្ត​ម​សេនីយ៍​ឯក ម៉ៅ សុផាន់ មេបញ្ជាការ​កងពលតូច​លេខ​៧០ និង​មេបញ្ជាការ​នៅតាម​បណ្តា​អង្គភាព ដែល​ពាក់ព័ន្ធ​ដទៃទៀត ដែល​សកម្មភាព​នោះ បានធ្វើ​ឡើង​នៅ​ទីបញ្ជាការ​កងពល ចោមចៅ ដោយមាន​អង្គភាព​ចំណុះ​បញ្ជាការដ្ឋាន​កងទ័ពជើងគោក​ចំនួន​៥ អង្គភាព​ចូលរួម មានដូចជា កងពលតូច​លេខ​៧០, យោធភូមិភាគ​១, យោធភូមិភាគ​២, បញ្ជាការដ្ឋាន​វិស្វកម្ម ក​.​ទ​.​គ និង​បញ្ជាការដ្ឋាន​ការពារ​អាកាស ក​.​ទ​.​គ​។

វ៉ាក់សាំង​បង្ការ​ជំងឺ​កូ​វីដ​-១៩ ដែល​បាន​យក​មក​ចាក់​ជូន​នាយទាហាន ពលទាហាន នៅ​កងពលតូច​លេខ​៧០​នេះ ជា​វ៉ាក់សាំង​ស៊ី​ណូ​ហ្វា​ម ជា​ជំនួយ​របស់​រដ្ឋាភិបាល​សាធារណរដ្ឋ​ប្រជាមានិត​ចិន​។

ថ្លែង​ក្នុង​ឱកាស​នោះ លោក​ឧ​ត្ត​ម​សេនីយ៍​ឯក ម៉ៅ សុផាន់ បាន​មានប្រសាសន៍​ទៅកាន់​នាយទាហាន ពលទាហាន​ទាំងអស់​ថា ត្រូវ​ជឿជាក់​លើ​វ៉ាក់សាំង​ស៊ី​ណូ​ហ្វា​ម​នេះ ព្រោះ​ទម្រាំ​ផលិត​បាន​វ៉ាក់សាំង​មួយ គឺមាន​ការ​គិតគូរ និង​សិក្សា​ល្អិតល្អន់​ជាទីបំផុត ដូច្នេះ​កុំ​មានការ​ព្រួយបារម្ភ​នៅពេល​ចាក់ ដោយ​គ្រាន់តែ​អនុវត្តតាម​ការ​ណែនាំ​របស់​គ្រូពេទ្យ​ជំនាញ​ឲ្យ​បាន​ត្រឹមត្រូវ​។ មួយវិញទៀត ត្រូវ​ជឿជាក់​លើ​ការសម្រេចចិត្ត​ដ៏​ត្រឹមត្រូវ និង​ខ្ពង់ខ្ពស់​បំផុត​របស់​ស​ម្ដេច​តេ​ជោ ហ៊ុន សែន ដែល​ទទួលយក​វ៉ាក់សាំង​ស៊ី​ណូ​ហ្វា​ម​នេះ មកចាក់​ជូន​ប្រជាពលរដ្ឋ​កម្ពុជា ដោយ​ឥតគិតថ្លៃ ពី​សំណាក់​សាធារណរដ្ឋ​ប្រជាមានិត​ចិន​។

វ៉ាក់សាំង​បង្ការ​ជំងឺ​កូ​វីដ​-១៩ របស់​ចិន​ចំនួន​៦០​ម៉ឺន​ដូ​ស​នេះ ជា​ប្រភេទ​វ៉ាក់សាំង​ស៊ី​ណូ​ហ្វា​ម ដែល​ផលិត​ដោយ​រដ្ឋាភិបាល​ចិន បាន​បញ្ជូន​មកដល់​ប្រទេស​កម្ពុជា កាលពី​រសៀល​ថ្ងៃទី​០៧ ខែកុម្ភៈ​។ ក្រោយ​មកដល់​ប្រទេស​កម្ពុជា វ៉ាក់សាំង​ស៊ី​ណូ​ហ្វា​ម​ទាំងនេះ បាន​ត្រូវ​ប្រគល់ជូន​ក្រសួងការពារជាតិ​ចំនួន​៣០​ម៉ឺន​ដូ​ស និង​ប្រគល់ជូន​ក្រសួងសុខាភិបាល​ចាត់ចែង​ចំនួន​៣០​ម៉ឺន​ដូ​ស​៕

ដោយ ៖ កោះ​កែវ

The post មេបញ្ជាការ​កងពលតូច​លេខ​៧០ ប្រាប់​ឲ្យ​នាយទាហាន ពលទាហាន​ទាំងអស់ ជឿជាក់​លើ​វ៉ាក់សាំង​ស៊ី​ណូ​ហ្វា​ម appeared first on Kampuchea Thmey Daily.

ប្រតិបត្តិការរុករកធ្វើឡើងក្រោយពេលសាឡង់បូមខ្សាច់បានបូមជាប់គ្រាប់កាំភ្លើងក្នុងទុយោ៕

អត្ថបទ៖ ជលសាល

The post ឆ្អឹងរបស់ទាហានម៉ារីនខ្មែរម្នាក់ រក​ឃើញជាប់ក្នុងនាវាចម្បាំង ដែលលិចក្នុងចន្លោះឆ្នាំ១៩៧០​-១៩៧៥​ appeared first on Kampuchea Thmey Daily.

​លោក​ឧ​ត្ត​ម​សេនីយ៍​ទោ ម៉ី សុភា មេបញ្ជាការ​បោសសម្អាត​គ្រាប់​មិនទាន់​ផ្ទុះ​ នៃ​មជ្ឈមណ្ឌល​ជាតិ​គ្រប់គ្រង​កង​រក្សា​សន្តិសុខ​បោសសម្អាត​មីន​ និង​កាកសំណល់​សង្គ្រាម​ បាន​ឲ្យដឹង​នៅ​ថ្ងៃ​ទី​២៦ មករា ២០២១​នេះ​ថា​៖​ លទ្ធផល​នៃ​យុទ្ធនាការ​របស់​កងក​ម្លាំ​ង​ជំនាញ​បាន​ប្រមូល​ស្រង់​គ្រាប់កាំភ្លើង​ចេញពី​ក្នុង​នាវាចម្បាំង ដែល​បាន​លិច​នៅ​បាត​ទន្លេមេគង្គ ស្រុក​ស្រី​សន្ធរ និង ស្រុក​កងមាស អំឡុង​ឆ្នាំ​១៩៧០-១៩៧៥ គឺ​សរុប​ប្រហែល​ជាង ៦.០០០ គីឡូក្រាម​។​

​លោក​ឧ​ត្ត​ម​សេនីយ៍ ម៉ី សុភា បាន​មាន​ឲ្យ​ដឹងទៀតថា​ ក្នុង​នោះ​មាន​គ្រាប់​កាំភ្លើងត្បាល់​ទំហំ ៨១ មី​ល្លី​ម៉ែត្រ ៦០​មី​ល្លី​ម៉ែត្រ​និង​គ្រាប់​កាំភ្លើងយន្ត​១២,៧​មី​ល្លី​ម៉ែត្រ​។ ​ជាមួយនេះ ក្រុម​រុករក​បាន​ប្រទះឃើញ​ស្លាក​ឈ្មោះ​ទាហាន​ម៉ា​រី​ន​ខ្មែរ​ម្នាក់​ ដែល​សរសេរ​ជា​ភាសា​បារាំង CHHIM-CHHEANG-LY Marine Nationale Khme’re ,​ ដែក​ចំនួន​មួយ និង កាំបិត​ទាហាន​មួយ តែ​មិន​ប្រទះឃើញ​ឆ្អឹង​ជា​សាកសព​មនុស្ស​ទេ។ លោក​ឧ​ត្ត​ម​សេនីយ៍ ម៉ី សុភា បាន​បន្ថែម​ថា ​ប្រតិបត្តិការ​បាន​និង​កំពុង​រុករក​ប្រមូល​គ្រាប់​យុទ្ធភណ្ឌ​នេះ ក្រុម​រុករក​បាន​ធ្វើ​ក្រោម​ផ្ទៃ​ទឹកទន្លេ​ជុំវិញ​នាវា​ ដែល​លិច​ចំនួន​ពីរ​គ្រឿង ដែល​បាន​កប់​ក្រោម​ខ្សាច់​ជម្រៅ​ប្រមាណ​ប្រាំ​ម៉ែត្រ ក្នុង​ជម្រៅ​ទឹកទន្លេ​ចាប់ពី ២០ ទៅ ៣០​ម៉ែត្រ ក្នុង​រង្វង់​ផ្ទៃ​បាន​ទន្លេ​ប្រហែល ១៥០​ហិកតា​។

​គួរ​បញ្ជាក់​ថា​យុទ្ធនាការ​នេះ​ បាន​ចាប់​ផ្តើម​តាំងពី​ចុង​ឆ្នាំ​២០២០​ក្រុម​រុ​រក​មិនទាន់​អាច​កំណត់​បាន​ពេល​ច្បាស់លាស់​ ក្នុង​ការ​ស្រង់​យក​នាវាចម្បាំង​ឡើង​មក​លើគោក​នៅ​ពេល​ណា​នោះ​ទេ៕​

The post ប្រទះ​ឃើញ​ស្លាក​ឈ្មោះ​ទាហាន​ម្នាក់ និងគ្រាប់​មិនទាន់​ផ្ទុះ​ជាង​៦​តោន ក្នុង​ការ​រុករកនាវា​លិច​នៅ​បាតទន្លេ​មេគង្គ appeared first on Kampuchea Thmey Daily.

នៅក្នុង​ពិធី​បិទ​វគ្គ​កាលពី​ថ្ងៃទី​០៦​ ខែ​មករា ឆ្នាំ​២០២១​ លោក​ឧត្ដមសេនីយ៍ឯក​ ឯក សំ​អូន​មេបញ្ជាការរង​កងទ័ព​ជើងគោក​មេបញ្ជាការ​យោធភូមិភាគ​ទី​៥​ បាន​លើក​ឡើង​ថា វគ្គ​បំប៉ន​កម្ដៅ​សាច់ដុំ​ និង​ពង្រឹង​សមត្ថភាព​រយៈ​ពេល​២៩​ថ្ងៃ​កន្លង​មក​នេះ ​ពិតជា​បាន​ផ្តល់​នូវ​បទពិសោធន៍​យុទ្ធសាស្ត្រ​យ៉ាង​ល្អ​ប្រសើរ​ធ្វើ​ឲ្យ​ពលទាហាន​ទាំងអស់​ មានការ​រឹងមាំ​បន្ថែម​ទៀត​ លើ​ជំនាញ​គ្រប់គ្រង​ស្ថាន​ការ​និង​វាយលុក​ នៅ​ក្នុង​សមរភូមិ​សំដៅ​ទៅ​កាន់​គោលដៅ​ ដោយ​បាញ់​គ្រាប់​ពិត​ប្រកបដោយ​សមត្ថភាព ​ផ្តល់​បានសម្រេច​នូវ​លទ្ធផល​ល្អ​ដូច​ការ​រំពឹងទុក​។ លោក​បន្តថា ក្រៅពី​ភារកិច្ច​ស្នូល​ប្រយុទ្ធ​ការពារ​ជាតិ​មាតុភូមិ​កងយោធពល​ខេមរភូមិន្ទ​ទាំងអស់ ​ក៏​ត្រូវ​ខិតខំ​ប្រឹងប្រែង​ជា​បន្តបន្ទាប់​ទៀត​ ដើម្បី​លើកកម្ពស់​សមត្ថភាព​ប្រកបដោយ​ទឹកចិត្ត​មោះមុត​ មិន​ចំពោះ​ភារកិច្ច​ក្នុង​វគ្គ​ហ្វឹកហ្វឺន​សិក្សា​រៀន​សូត្រ​ឬ​ជា​អាទិភាព​ នៅ​លើ​សមរភូមិ​ផ្ទាល់​បង្កើន​ការ​យក​ចិត្តទុកដាក់​ខ្ពស់​ ដើម្បី​សម្រេច​ឲ្យ​បាន​ភាព​ជោគជ័យ​។​ ហើយ​វា​ក៏​ជា​ផ្នែក​មួយ​ ក្នុង​ការ​ប្រមូលផ្ដុំ​កម្លាំង​ត្រៀម​បង្ការ​អន្តរាគមន៍​លើ​ប្រការ​នានា​ ពិសេស​ត្រៀម​បង្ការ​ចុះ​អន្តរាគមន៍​ជួយសង្គ្រោះ​ប្រជាពលរដ្ឋ​ ក្នុង​ហេតុការណ៍​គ្រោះថ្នាក់​មហន្តរាយ​ផ្សេងៗ​តាម​បទបញ្ជា​ថ្នាក់លើ​។

​លោក​ឧត្ដមសេនីយ៍ឯក ​ឯក សំ​អូន​ ក៏បាន​កោតសរសើរ​ចំពោះ​នាយទាហាន​ពលទាហាន​វីរសេនាតូច​លេខ​៥២៣​ កងពលតូច​ថ្មើរជើង​លេខ​៥២​ ដែល​ឆ្លងកាត់​វគ្គ​ជំនាញ​តាម​ដំណាក់កាល​តាម​បទបញ្ជា​និង​ផែនការ​របស់​ថ្នាក់លើ​។ ​ក្រោយ​ពី​នេះ​ សិក្ខាកាម​ទាំងអស់​ ក៏​ត្រូវ​ជំរុញ​ការ​ហ្វឹកហ្វឺន​អនុវត្ត​ដោយ​ខ្លួនឯង​បន្ថែម​ទៀតហើយ​និង​ជួយ​បង្ហាត់បង្ហាញ​ដល់​កងកម្លាំង​ដទៃ​ទៀត​ឲ្យ​បាន​ចេះ​ក្នុង​ជំនាញ​កាន់តែ​ច្បាស់លាស់​នឹង​ប្រសើ​រឡើង​ ដើម្បី​បុព្វហេតុ​ការពារ​ជាតិ​មាតុភូមិ​និង​រាជរដ្ឋាភិបាល​ទាំងអស់គ្នា​។

​ជាមួយគ្នានេះដែរ​ លោក​បាន​ផ្ដាំផ្ញើ​ដល់​នាយទាហាន​និង​ពលទាហាន​ទាំងអស់ ​ត្រូវ​ចេះ​ផ្តោត​ការចាប់អារម្មណ៍​និង​យកចិត្តទុកដាក់​អនុវត្ត​ឲ្យ​បាន​ម៉ឺងម៉ាត់​រាល់​បទបញ្ជា​រប​ស់​ប្រមុខ​រាជរដ្ឋាភិបាល​ ក៏ដូចជា​ការណែនាំ​របស់​ក្រសួងសុខាភិបាល​ស្តីពី​ការទប់ស្កាត់​ជំងឺ​កូ​វីដ​១៩​ចូល​សហគមន៍​ ត្រូវ​អនុវត្ត​អនាម័យ​ឲ្យ​បាន​ត្រឹមត្រូវ ​ក្នុង​ការ​រស់នៅ ក្នុង​អង្គភាព​ក៏ដូចជា​ ក្នុងសង្គម​គ្រួសារ​ ផង​ដែរ​៕​

អត្ថបទ៖ សៅ សារិទ្ធ

សូមចុចអាន៖ ​ប៉ៃលិន​ មាន​ពលករ​ខ្មែរ​មកពី​ថៃ ​ឆ្លង​កូ​វីដ​ច្រើនជាងគេ​ រហូតដល់​១៣​នាក់

​

The post វគ្គ​ហ្វឹកហ្វឺន​​ពលទាហាន​ជាង​១០០​នាក់​ ផ្នែក​វាយ​លុក ត្រូវ​បញ្ចប់​ជា​ស្ថាពរ appeared first on Kampuchea Thmey Daily.