លោកបណ្ឌិតបានមានប្រសាសន៍នៅថ្ងៃទី០៨ ខែឧសភានេះថា៖ “ខ្ញុំសូមបញ្ជាក់បន្តិចថា យើងសូន្យគឺទទួលជ័យជំនះទៅលើព្រឹត្តិការណ៍ ២០ កុម្ភៈ ឆ្នាំ២០២១ គឺសម្តេចតេជោមានប្រសាសន៍អីចឹង គឺសូន្យថ្ងៃម្សិលមិញហ្នឹង។ ប៉ុន្តែ មិនមានជ័យថា កូវីដ-១៩ អស់ពីលើផែនដីទេ វានៅតែមាន។ យើងចេះតែខ្លាចព្រោះគ្មាននរណាមួយអាចគ្រប់គ្រងវាបាន១០០ភាគរយទេ ខ្លាចវាមានការឆ្លងរាលដាលជាថ្មី បង្កើតជាព្រឹត្តិការណ៍ថ្ងៃណាមួយទៀតដែលបង្កើតបានជាយុទ្ធនាការ។ ប្រសិនបើមេរោគថ្មីមកទៀត អាចបិទទៀត”។

លោកបណ្ឌិត បានបន្តទៀតថា ថ្មីៗនេះវិធានការរបស់រាជរដ្ឋាភិបាលគឺដោះកាតព្វកិច្ចចេញលើការពាក់ម៉ាស។ នៅតាមគ្រឹះស្ថានឧត្តមសិក្សានានាមាននិស្សិតចូលច្រើន ហើយមាននិស្សិតខ្លះពាក់ម៉ាស និងខ្លះទៀតមិនពាក់ អាស្រ័យទៅលើសិទ្ធិសេរីភាពរបស់គាត់ ព្រោះថារាជរដ្ឋាភិបាលមិនតម្រូវឱ្យមានកាតព្វកិច្ចពាក់ម៉ាសទៀតទេ។ នៅលើសិស្សទេសិស្សគាត់ចង់ពាក់ក៏ពាក់ទៅ។

លោកបណ្ឌិត បានបន្ថែមថា ចំពោះការសិក្សាវិញនៅតាមគ្រឹះស្ថានសិក្សាឯកជន យើងនៅតែប្រកាន់យកវិធីសាស្ត្រតាមអនឡាញភ្លើស ឬអនឡាញបូកដដែល។ មានន័យថា ពាក់កណ្តាលរៀននៅក្នុងថ្នាក់ និងពាក់កណ្តាលទៀតរៀននៅខាងក្រៅ ឬនៅផ្ទះ ដើម្បីការពារការឆ្លងរាលដាលជំងឺកូវីដ-១៩ ព្រោះជាវិធិសាស្ត្រមួយដ៏ល្អ ហើយយើងក៏មិនចាំបាច់ស្នើសុំទៅក្រសួងអប់រំ យុវជន និងកីឡា លើកលែងកាតព្វកិច្ចពាក់ម៉ាសនោះទេ។

យ៉ាងណាក៏ដោយ លោកបណ្ឌិតបានផ្តល់សិទ្ធិសេរីភាពឱ្យសិស្សនិស្សិតជាអ្នកសម្រេចដោយខ្លួនឯងថា ពាក់ម៉ាស់ ឬមិនពាក់នៅក្នុងថ្នាក់ ជាសិទ្ធិរបស់ពួកគេ។ លោកបណ្ឌិតបានបន្តទៀតថា ទោះបីជាមានការលើកលែងការពាក់ម៉ាស់ក៏ដោយ ក៏ការពាក់ម៉ាស់នៅមានប្រយោជន៍ខ្លះៗនៅតាមទីកន្លែងមួយចំនួនដែលតម្រូវឱ្យពាក់ម៉ាស់ដែរ៕

អត្ថបទ៖ សំអឿន

The post អ្នកជំនាញអប់រំ ណែនាំដល់សិស្សនិស្សិតបង្កើនការប្រុងប្រយ័ត្ន ទោះកូវីដនៅកម្ពុជាធ្លាក់ដល់សូន្យ appeared first on Kampuchea Thmey Daily.

សម្ដេចតេជោនាយករដ្ឋមន្ត្រី បានថ្លែងក្នុងពិធីបិទសន្និបាតបូកសរុបការងារឆ្នាំសិក្សា ២០២០-២០២១ និងលើកទិសដៅការងារឆ្នាំសិក្សា ២០២១-២០២២ នៅរសៀលថ្ងៃទី ២៧ ខែមេសានេះថា ទោះបីជារាជរដ្ឋាភិបាល បានលើកលែងកាតព្វកិច្ចពាក់ម៉ាស់ក៏ដោយ ក៏សម្ដេចសង្កេតឃើញថា ប្រជាពលរដ្ឋនៅរាជធានីភ្នំពេញ ដែលធ្វើដំណើរនៅតាមផ្លូវសាធារណៈប្រមាណជា ៦០ភាគរយ នៅតែបន្តពាក់ម៉ាស់ដដែល។ ដូច្នេះសម្ដេចតេជោ យល់ឃើញថា ប្រជាពលរដ្ឋបានយល់ដឹងច្រើន ពីការទប់ស្កាត់ការឆ្លងជំងឺកូវីដ-១៩។

សម្ដេចតេជោ ហ៊ុន សែន បានលើកឡើងថា​ វិធានការ ៣ការពារ ៣កុំ នៅតែមានសារៈសំខាន់ នៅក្នុងការបង្ការ និងទប់ស្កាត់ការរាតត្បាតជំងឺកូវីដ-១៩។ សម្ដេចតេជោនាយករដ្ឋមន្ត្រី បានលើកឡើងទៀតថា កម្ពុជាមិនទាន់ឈ្នះសង្គ្រាមកូវីដនៅឡើយទេ គ្រាន់តែឈ្នះសមរភូមិតូចៗតែប៉ុណ្ណោះ៕

អត្ថបទ៖ ឃួន សុភ័ក្រ  

The post សម្ដេចតេជោ ហ៊ុន សែន ៖ ពលរដ្ឋប្រមាណ ៦០​ភាគរយ ដែលធ្វើដំណើរតាមផ្លូវសាធារណៈនៅតែបន្តពាក់ម៉ាស់ appeared first on Kampuchea Thmey Daily.

លោក Michael Osterholm នាយកមជ្ឈមណ្ឌលស្រាវជ្រាវជំងឺឆ្លងនៃសាកលវិទ្យាល័យ  Minnesota បានប្រាប់សារព័ត៌មាន CNN ថា គ្រប់គ្នាគួរតែប្ដូរម៉ាសធម្មតាមកប្រើម៉ាសក្រណាត់ ឬម៉ាស N95s​ ឬម៉ាស K-N95s ដើម្បីការពារវីរុសបំប្លែងខ្លួនបានរឹតតែប្រសើរ។

លោកបន្តថា ម៉ាស N95s ជាឧបករណ៍ជួយឱ្យដកដង្ហើមបានស្រួលជាងម៉ាសធម្មតា ជាពិសេសវាអាចជួយច្រើនបំផុតចំពោះមនុស្សដែលមិនទាន់បានចាក់វ៉ាក់សាំង ឬមិនទាន់ឆ្លងកូវីដពីមុនមក។ មិនតែប៉ុណ្ណោះ វាអាចការពារអ្នកពាក់ និងអ្នកជុំវិញខ្លួនមិនឱ្យឆ្លងមេរោគតាមរយៈការដកដង្ហើម ខណៈម៉ាសធម្មតា ហាក់មានប្រសិទ្ធភាពតិចតួចណាស់ដើម្បីការពារការចម្លងវីរុស។

ទន្ទឹមគ្នាដែរ លោកវេជ្ជបណ្ឌិត Scott Gottlieb អតីតប្រធានរដ្ឋបាលចំណីអាហារនិងឱសថអាមេរិក យល់ស្របថា ប្រសិនបើអាចពាក់ម៉ាស N95s ឬម៉ាស K-N95s នោះវានឹងផ្តល់នូវការការពារកាន់តែច្រើនទ្វេដង។

បើយោងតាមគេហទំព័រ The Hill វិញបានឱ្យដឹងថា បញ្ហាមួយដែលនាំឱ្យមានការកើនឡើងនូវវីរុសបំប្លែងខ្លួន Delta នៅសហរដ្ឋអាមេរិក គឺដោយសារពលរដ្ឋមិនពាក់ម៉ាស ជាពិសេសពួកគេអត់ពាក់ម៉ាស N95s ឬម៉ាសក្រណាត់​ឡើយ។ នេះជាអ្វីដែលពលរដ្ឋប្រទេសផ្សេងគួរយកចិត្តទុកដាក់ និងប្រុងប្រយ័ត្នខ្ពស់។

តើគួរពាក់ម៉ាសទេ ប្រសិនបើអ្នកបានចាក់វ៉ាក់សាំងពេញលេញ?

លោក Todd Vento វេជ្ជបណ្ឌិតផ្នែកជំងឺឆ្លងនៅឯមជ្ឈមណ្ឌល Intermountain Healthcare អាមេរិកបានប្រាប់ថា ទាំងអ្នកមិនទាន់ចាក់ឬបានចាក់វ៉ាក់សាំងពេញលេញ ត្រូវតែពាក់ម៉ាសដាច់ខាតរាល់ពេលចេញក្រៅ ឬទៅកន្លែងប្រមូលផ្ដុំមនុស្ស ព្រោះពេលនេះពិភពលោកកំពុងប្រឈមជាមួយវីរុសបំប្លែងខ្លួន Delta ដែលពិបាក់ទប់ទល់។ ក្រៅពីនោះ គ្រប់គ្នាត្រូវរក្សាអនាម័យជាប្រចាំ ព្រមទាំងបន្តរក្សាគម្លាតសង្គមជានិច្ច៕

ប្រែសម្រួល៖ សន្យា

ប្រភព៖ Deseret News

ចុចអាន៖ ពិតឬអត់! ពាក់ម៉ាសពីរជាន់អាចការពារការចម្លងវីរុសកូវីដបានល្អជាងពាក់តែមួយ?

ចុចអាន៖ អ្នកជំនាញព្រមានអំពីគ្រោះថ្នាក់ចំពោះអ្នកខ្ជិលពាក់ម៉ាស

ចុចអាន៖ ម៉ាសធម្មតា និងម៉ាស KN95 អាចពាក់បានប៉ុន្មានម៉ោង?

The post អ្នកជំនាញថា ម៉ាសប្រភេទនេះ ទើបមានសមត្ថភាពខ្លាំង ការពារវីរុសបំប្លែងខ្លួន Delta បាន appeared first on Kampuchea Thmey Daily.

តាមរយៈផេកហ្វេសប៊ុកផ្លូវការរបស់ស្នងការដ្ឋាននគរបាលជាតិបង្ហោះនៅថ្ងៃទី២៩កក្កដានេះលោកឧត្តមសេនីយ៍ឯក ស ថេត អគ្គស្នងការរង និង ជាស្នងការនគរបាលរាជធានីភ្នំពេញ “សូមឲ្យបងប្អូនប្រជាពលរដ្ឋទាំងអស់ដែលរស់នៅរាជធានីភ្នំពេញ នៅពេលធ្វើដំណើរ ដោយថ្មើរជើង ជិះកង់ ជិះម៉ូតូ ម៉ូតូកង់បី សូមចូលរួមពាក់ម៉ាស់ឲ្យបានគ្រប់ៗគ្នា ដើម្បីចូលរួមបង្ការនិងទប់ស្កាត់ការឆ្លងរាលដាលវីរុសកូវីដ១៩”។

លោកស្នងការនគរបាលរាជធានីភ្នំពេញ មានប្រសាសន៍ថា សមត្ថកិច្ចគ្រប់គោលដៅនឹងចាប់ផ្តើមត្រួតពិនិត្យនិងណែនាំអប់រំចាប់ពីពេលនេះតទៅ៕ ដោយៈ សំអឿន

The post សមត្ថកិច្ចក្រុងភ្នំពេញចាប់ផ្តើមពង្រឹងការពាក់ម៉ាសតាមដងផ្លូវ appeared first on Kampuchea Thmey Daily.

ការបញ្ជារបស់លោកអភិបាលខេត្ត បានកើតឡើង បន្ទាប់ពីជនជាតិចិនរូបនេះ ផ្គើននឹងបម្រាម​ណែនាំ​របស់អាជ្ញាធរ និងមិនអនុវត្តកាតព្វកិច្ចពាក់ម៉ាស។

រដ្ឋបាលខេត្តព្រះសីហនុកាលពីសប្តាហ៍មុន បានប្រកាសផ្អាកអាជីវកម្ម និងការចេញចូលក្នុងភូមិចំណោតរាម ឃុំបិតត្រាំង ស្រុកព្រៃនប់ បន្ទាប់ពីរកឃើញករណីឆ្លងរាប់រយនាក់ ជាបន្តបន្ទាប់។ នៅថ្ងៃទី ២៨ ខែមេសា ខេត្តព្រះសីហនុ រកឃើញករណីឆ្លងថ្មីចំនួន ១៨៧ នាក់ ដែលមាន ជាង១០០ ករណី ផ្ទុះចេញពីតំបន់រស្មីមង្គល៕

អត្ថបទ៖ ស៊ុយ ចាន់ធា

The post បណ្តេញជនជាតិចិនម្នាក់ចេញ​ពីកម្ពុជារៀងរហូតផ្គើនបម្រាម មិនអនុវត្តកាតព្វកិច្ចពាក់ម៉ាស appeared first on Kampuchea Thmey Daily.

បុគ្គលដែលមានកាតព្វកិច្ចពាក់ម៉ាស និងរក្សាគម្លាតសុវត្ថិភាពបុគ្គល នៅក្នុងខេត្តស្វាយរៀង ត្រូវអនុវត្តនូវការពាក់ម៉ាស និងរក្សាគម្លាតសុវត្ថិភាពបុគ្គលជាកាតព្វកិច្ច ដែលបានកំណត់ក្នុងប្រកាស ស្តីពីកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាពក្នុងអំឡុងពេលនៃការឆ្លងរាលដាលនៃជំងឺកូវដី-១៩ ក្នុងសហគមន៍ របស់ក្រសួងសុខាភិបាល ទណ្ឌកម្មដែលមានចែងក្នុងអនុក្រឹត្យស្តីពីវិធានការសុខាភិបាលដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត នឹងត្រូវអនុវត្តក្នុងភូមិសាស្ត្រខេត្តស្វាយរៀង។

រាជធានីខេត្តចំនួន៦ ហើយដែលត្រូវបានកំណត់ជាភូមិសាស្ត្រដែលត្រូវអនុវត្តកាតព្វកិច្ចពាក់ម៉ាស និងកាតព្វកិច្ច​រក្សាគម្លាតសុវត្ថិភាព រួមមាន៖ រាជធានីភ្នំពេញ ខេត្តកណ្តាល ខេត្តព្រះសីហនុ ខេត្តព្រៃវែង ខេត្តសៀមរាប និងខេត្តស្វាយរៀង។

អានពិស្តារ៖

The post ខេត្តស្វាយរៀង អ្នកអត់ពាក់ម៉ាស និងកាតព្វកិច្ច​រក្សាគម្លាតសុវត្ថិភាព នឹង​ត្រូវផាកពិន័យ appeared first on Kampuchea Thmey Daily.

មុន​ពេល​ទៅ​ធ្វើ​ការ

• យក​អាល់កុល ឬ​ទឹក​លាង​ដៃ​តាម​ខ្លួន​រហូត
• ពាក់​ម៉ាសឲ្យ​ជាប់
• ចម្អិន​អាហារ​ថ្ងៃ​ត្រង់ រួច​យក​ទៅ​ធ្វើ​ការ (បើ​អាច ចៀស​វាង​ចេញ​បាយ​ក្រៅ)

អំឡុង​ពេល​ធ្វើ​ការ

• សម្លាប់​មេរោគ​លើ​ទូរស័ព្ទ កុំព្យូទ័រ ឬ​ឧបករណ៍​យើង​ប្រើ​នៅ​កន្លែង​ធ្វើ​ការ​ជា​ប្រចាំ
• លាង​សម្អាត​រាល់​ពេល​ប្រើ​ប្រាស់​របស់​រួម​គ្នា​ហើយ
• ចៀស​វាង​ការ​ចាប់​ដៃ​គ្នា
• សម្លាប់​មេរោគ​កន្លែង​ញ៉ាំ​បាយ​ថ្ងៃ ទាំង​មុន​ពេល​ញ៉ាំ និង​ក្រោយ​ពេល​ញ៉ាំ
• រក្សា​គម្លាត​ពី​អ្នក​ដទៃ
• ពាក់​ម៉ាសពេល​ធ្វើ​ការ​ (បើ​អាច)

ក្រោយ​ពេល​ធ្វើការ

• សម្លាប់​មេរោគ​លើ​ទូរស័ព្ទ​ដៃ កាបូប​យួរ និង​ឧបករណ៍​ផ្សេង​ៗ​ក្រោយ​ធ្វើការ
• ទុក​របស់​មិន​ចាំ​បាច់​យក​ទៅ​ផ្ទះ​នៅ​កន្លែង​ធ្វើ​ការ​ដូច​កុំព្យូទ័រ ឯកសារ​នានា ​(បើ​អាច)
• ដោះ​ខោ​អាវ​កខ្វក់​ដាក់​ក្នុង​កន្ត្រក​មួយ​កន្លែង ឬ​ដាក់​បោក​តែ​ម្ដង​ពេល​ដល់​ផ្ទះ
• ងូត​ទឹក​ភ្លាម​ពេល​ទៅ​ដល់​ផ្ទះ

ត្រូវ​ចាំ​ថា យើង​ត្រូវ​គិត​ពី​សុវត្ថិភាព​សុខភាព​យើង និង​អ្នក​រស់​នៅ​ជាមួយ​យើង​ជា​ចម្បង​ពេល​ចេញ​ទៅ​ធ្វើ​ការ ហេតុ​ដូច​នេះ​យើង​ត្រូវ​ចៀស​វាង​កន្លែង​មនុស្ស​ច្រើន ឬ​កន្លែង​ដែល​មាន​មនុស្ស​ឆ្លង​ច្រើន​ករណី និង​អនុវត្ត​តាម​ការ​ណែនាំ​របស់​ក្រសួង​សុខាភិបាល ដើម្បី​សុវត្ថិភាព​យើង គ្រួសារ​របស់​យើង និង​អ្នក​នៅ​ជុំ​វិញ​ខ្លួន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការពារខ្លួន! កូវីដអាចរស់នៅក្នុងទូទឹកកករហូត១ខែ និងលោហៈធាតុផ្សេងទៀតរាប់ថ្ងៃឯណោះ

ចុចអាន៖ កុំខំតែពាក់ម៉ាសនិងលាងដៃ ហើយភ្លេចរឿងសំខាន់ៗប៉ុន្មាននេះ

The post ចេញពីធ្វើការចូលផ្ទះ កុំភ្លេចធ្វើតាមតិចនិកនេះ ចៀសវាងនាំកូវីដតាមខ្លួន appeared first on Kampuchea Thmey Daily.

១. កុមារអាយុក្រោម ៦ឆ្នាំដែលមិនមានវិជ្ជមានកូវីដ១៩ ឬមិនជាប់ចត្តាឡីស័ក

២. បុគ្គលដែលមិនអាចពាក់ម៉ាសបានដោយមូលហេតុកាយសម្បទា បញ្ហាសុខភាពបញ្ជាក់ពីគ្រូពេទ្យ

៣. បុគ្គលដែលរស់នៅក្នុងលំនៅឋានឯកជនជាមួយគ្នាក្នុងអំឡុងពេលនៃការជួបជុំគ្នានៅក្នុងលំនៅឋាននោះ

៤. ពេលធ្វើដំណើរតាមមធ្យោបាយឯកជនបិទជិតតែម្នាក់ឯង ឬជាមួយបុគ្គលដែលរស់នៅក្នុងលំនៅឋានជាមួយគ្នា

៥. ពេលកីឡាករ-កីឡាការីនីកំពុងហាត់សម កំពុងប្រកួតកីឡា ក្នុងព្រឹត្តិការណ៍កីឡាផ្លូវការ

៦. ពេលបង្ហាញអត្តសញ្ញាណបុគ្គល ឬដើម្បីទទួលសេវាសុខាភិបាល ឬសេវាចាំបាច់ផ្សេងទៀត

៧. ពេលបរិភោគអាហារ និងភេសជ្ជៈ ឬនៅពេលថតរូបសម្រាប់ប្រើប្រាស់ដើម្បីសម្គាល់អត្តសញ្ញាណក្នុងឯកសារផ្លូវការ

៨. ពេលសិល្បករ-សិល្បការីនីត្រូវសម្តែងក្នុងកម្មវិធីសិល្បៈអនុញ្ញាតដោយអាជ្ញាធរ

៩. ពេលត្រូវបញ្ចេញមតិក្នុងកម្មវិធី ឬកិច្ចប្រជុំផ្លូវការ

The post ៩ ចំណុច​​កាតព្វកិច្ចពាក់ម៉ាសត្រូវបានលើកលែង​ appeared first on Kampuchea Thmey Daily.