ការព្រមានបែបនេះ ធ្វើឡើងក្រោយ​តុលាការកំពូលអាមេរិកប្រកាសការសម្រេចកាលពីសប្ដាហ៍មុនថា ពន្ធគយរបស់លោកប្រធានាធិបតី ដូណាល់ ត្រាំ គឺខុសច្បាប់​អំណាចសេដ្ឋកិច្ចបន្ទាន់អន្តរជាតិ (IEEPA) និងត្រូវដកចេញភ្លាមៗ។ លោក ត្រាំ ដែលប្រឆាំងយ៉ាងដាច់អហង្ការ​ចំពោះការសម្រេចរបស់តុលាការកំពូល បាន​ប្រើប្រាស់ច្បាប់​មួយទៀត​ ដើម្បីដាក់ពន្ធ ១៥% ថ្មី លើទំនិញនាំចូលពីគ្រប់ប្រទេសទាំងអស់។

ខណៈភ្នាក់ងារគយអាមេរិក​ប្រកាសពីការឈប់យកពន្ធ​ ត្រាំ ដែលដាក់ក្រោមច្បាប់ IEEPA ចាប់ពីថ្ងៃអង្គារ ភាពស្រពេចស្រពិល​សម្រាប់ពាណិជ្ជកម្មសកលបាន​លេចឡើងជាថ្មី ពោលគឺចំ​ពេល​ដែលពិភព​លោក​ច្បាប់ផ្ដើមសម្របខ្លួនទៅនឹង «ពន្ធបដិការ» របស់លោក ត្រាំ ជាបណ្ដើរៗរួចទៅហើយ។

ការសម្រេចរបស់តុលាការកំពូលបាន​ទាក់ទាញការចាប់អារម្មណ៍​ទូទាំងពិភព​លោក រួមទាំងវិនិយោគិនផ្សារហ៊ុន​ និងទំនិញ ក៏ដូចជាប្រទេសផ្សេងៗ រួមទាំងសហភាពអឺរ៉ុប(EU) និងចិន ដែលសុទ្ធសឹងតែជាគូវិវាទពាណិជ្ជកម្ម​របស់អាមេរិកជុំវិញ​គោលនយោបាយពន្ធ ខណៈប្រទេសជាច្រើនរួចទៅហើយ បាន​ចុះកិច្ចព្រមព្រៀងពាណិជ្ជកម្ម​បដិការជាមួយអាមេរិក ក្រោមសម្ពាធពន្ធ​ ត្រាំ ដោយ​ផ្លាស់ប្ដូរនូវរចនាសម្ព័ន្ធពាណិជ្ជកម្ម​ទ្រង់ទ្រាយធំ។

លោក William Bain ប្រធានគោលនយោបាយពាណិជ្ជកម្មនៅសភាពាណិជ្ជកម្មអង់គ្លេស បាន​ថ្លែងប្រាប់បណ្ដាញព័ត៌មាន BBC ថា មាន​សំណួរជាច្រើនអំពីអ្វីដែលនឹងកើតឡើងបន្ទាប់ ​ដែលនេះបង្ហាញពីភាពមិនប្រាកដប្រជាសកល។

លោកបាន​បន្តថា អាជីវកម្មនានាធុញទ្រាន់នឹងការផ្លាស់ប្តូរឥតឈប់ឈរ និងកង្វះច្បាប់ពន្ធគយច្បាស់លាស់ និងមានស្ថេរភាព។ ដោយសារតែភាពមិនប្រាកដប្រជានេះ ក្រុមហ៊ុននានាមិនដឹងថាពួកគេអាចគិតថ្លៃអតិថិជននៅ​អាមេរិក​ប៉ុន្មាននោះទេ ដែលធ្វើឱ្យពួកគេ​ «ខកចិត្ត និងអស់កម្លាំង» ដោយ​សារ​តែ​​ការផ្លាស់ប្តូរគោលនយោបាយជាញឹកញាប់ពេក​។

ដោយឡែកលោក Paul Ashworth ប្រធានសេដ្ឋវិទូសម្រាប់អាមេរិកខាងជើងនៅក្រុមហ៊ុន​ Capital Economics បាននិយាយថា អត្រាពន្ធថ្មី ១៥% ដែល​លោក ត្រាំ ប្រកាសឡើងនៅ​ថ្ងៃសៅរ៍ ​ត្រូវអនុវត្តក្រោមមាត្រា ១២២ នៃច្បាប់ពាណិជ្ជកម្មឆ្នាំ ១៩៧៤។ ច្បាប់នេះចែងថា ពន្ធត្រូវតែអនុវត្តស្មើៗគ្នាចំពោះប្រទេសទាំងអស់ ដោយគ្មានការលំអៀននោះទេ ដូច្នេះហើយ កិច្ចព្រមព្រៀងពាណិជ្ជកម្ម​ដែលលោក ត្រាំ បាន​ចុះហត្ថលេខាជាមួយ​ប្រទេសជាច្រើននៅជុំវិញពិភពលោក អាចនឹង​រងផលប៉ះពាល់ក្រោមអត្រាពន្ធថ្មី។

លើសពីនោះ មាត្រា ១២២ អនុញ្ញាតឱ្យលោក ត្រាំ ដាក់ពន្ធខ្ពស់បំផុតត្រឹម ១៥% ត្រឹមតែ ១៥០ ថ្ងៃប៉ុណ្ណោះ ដោយលើសពីនោះ រដ្ឋបាលរបស់លោក ត្រូវទទួលបាន​ការអនុម័តពីសភា។ ​

កាលពីថ្ងៃសុក្រសប្ដាហ៍មុន ​សេតវិមានបាននិយាយថា ទំនិញមួយចំនួននឹងមិនត្រូវទទួលរងនូវពន្ធថ្មីនោះទេ ដោយសារវាមានសារៈសំខាន់សម្រាប់សេដ្ឋកិច្ចអាមេរិក រួមទាំង​រ៉ែសំខាន់ៗ ផលិតផលថាមពល ធនធានដែលមិនអាចផលិតនៅ​អាមេរិក និងផលិតផលកសិកម្មមួយចំនួន រួមទាំងសាច់គោ និងប៉េងប៉ោះ និងយានយន្ត។

ប៉ុន្តែអាជីវកម្ម​អន្តរជាតិ​នៅតែ​មានការភ័យខ្លាចថា លោក ត្រាំ អាចប្រើប្រាស់មាត្រាផ្សេងទៀតនៃច្បាប់ពាណិជ្ជកម្ម ដើម្បីអនុវត្តពន្ធបន្ថែមលើទំនិញ។ តួយ៉ាង សេដ្ឋវិទូអាមេរិក ​លោក Bernard Yaros បានចង្អុលបង្ហាញថា លោក ត្រាំ កាលពីឆ្នាំមុន​ បានប្រើប្រាស់មាត្រា ២៣២ នៃច្បាប់ពង្រីកពាណិជ្ជកម្មឆ្នាំ ១៩៦២ ​ដើម្បីដាក់ពន្ធលើមុខទំនិញជាក់លាក់ ដូចជា​យានយន្ត ដែកថែប និងអាលុយមីញ៉ូម ជាដើម។ ​

គួរគូសបញ្ជាក់ថា ការសម្រេចរបស់តុលាការកំពូលកាលពីថ្ងៃសុក្រ មិនប៉ះពាល់ដល់ពន្ធដែលលោក​ ត្រាំ បាន​ដាក់ក្រោមច្បាប់ពង្រីកពាណិជ្ជកម្មឆ្នាំ ១៩៦២ ដូចជា​ដែកថែប និងអាលុយមីញ៉ូម នោះទេ។

សេដ្ឋវិទូ និងក្រុមអាជីវកម្មអន្តរជាតិ​ក៏បាន​ព្រមានថា ការដំឡើងពន្ធគយជាបន្តបន្ទាប់ និងភាពមិនប្រាកដប្រជានៃគោលនយោបាយពន្ធ អាចបន្តប៉ះពាល់ដល់អ្នកប្រាស់ប្រាស់អាមេរិក ដោយ​អាចកាត់បន្ថយជម្រើសផលិតផលនៅ​លើទីផ្សារអាមេរិក ខណៈ​ក្រុមហ៊ុននាំចេញផ្លាស់ប្តូរ​ទិសដៅនាំចេញ​កាន់តែច្រើនទៅកាន់ទីផ្សារផ្សេងទៀតដូចជាអឺរ៉ុប និងឥណ្ឌូ-ប៉ាស៊ីហ្វិកជាដើម​។

ពាក់ព័ន្ធនឹង​ការវិវត្តចុងក្រោយនេះ ក្រសួងពាណិជ្ជកម្មចិនបាននិយាយថា ខ្លួនកំពុងពិនិត្យឡើងវិញនូវសេចក្តីសម្រេចរបស់តុលាការកំពូល ហើយបានជំរុញឱ្យសហរដ្ឋអាមេរិកលុបចោលពន្ធឯកតោភាគី ដែលរំលោភលើច្បាប់ពាណិជ្ជកម្ម ​ខណៈសន្យាថានឹងការពារផលប្រយោជន៍របស់​ចិន។

ដោយឡែក​គណៈកម្មការអឺរ៉ុបវិញ បានទទូចឱ្យ​អាមេរិក​គោរពកិច្ចព្រមព្រៀងពាណិជ្ជកម្ម​ដែលភាគីទាំង២​សម្រេចបាន​កាលពីឆ្នាំមុន ដោយព្រមានថា ភាពមិនប្រាកដប្រជាជាថ្មីនៃពន្ធគយ អាចប៉ះពាល់ដល់ «ពាណិជ្ជកម្មឆ្លងមហាសមុទ្រអាត្លង់ទិក» ដែលស្មើភាពគ្នា និងមានតុល្យភាព។ ​ប្រធានធនាគារកណ្តាលអឺរ៉ុប លោកស្រី Christine Lagarde បានព្រមានផងដែរ​ថា ​បញ្ហាពន្ធអាមេរិក​នាពេលនេះ អាចរំខានដល់អាជីវកម្មជាថ្មី​ម្តងទៀត និងបានសង្កត់ធ្ងន់លើតម្រូវការសម្រាប់គោលនយោបាយដែលច្បាស់លាស់ពីអាមេរិក​​៕

The post ពាណិជ្ជកម្មសកលប្រឈមនឹង​ភាពមិនប្រាកដប្រជាជាថ្មី ជុំវិញបញ្ហា «ពន្ធ ត្រាំ» appeared first on Kampuchea Thmey Daily.

​​ទិន្នន័យ​របស់​អគ្គនា​យក​ដ្ឋាន​​គយ ​និង​រដ្ឋាករ​កម្ពុជា​ ​(GDCE) ​ចេញផ្សាយនៅថ្ងៃទី ១០ ខែធ្នូ ឆ្នាំ ២០២៥ ​បង្ហាញថា ​​ចាប់ពីខែមករា ដល់ខែ វិច្ឆិកា ​ការនាំចេញ-នាំចូល​ទំ​និញ​រវាងកម្ពុជា ជា​មួយ​ដៃ​គូ​អន្តរជាតិមានទំហំទឹកប្រាក់សរុប ​៥៨,០៣ ​ពាន់លានដុល្លារ ​ក្នុងនោះ​កម្ពុជា​នាំចេញ​មានតម្លៃ ​២៧,៣៧ ​ពាន់លានដុល្លារ ​កើន ១៤ ភាគរយ ​​ចំណែកទំនិញនាំចូលមានតម្លៃ ​៣០,៦៥ ​ពាន់​លាន​ដុល្លារ កើនឡើង ១៨,២ ភាគរយ។

​ទិន្នន័យខាងលើបង្ហាញថា ​តុល្យភាព​ជញ្ជីង​ពាណិជ្ជកម្ម​អន្តរជាតិ​របស់​កម្ពុជា​មាន​ឱនភាព​ប្រមាណ​ ៣,២៧ ​ពាន់លានដុល្លារ។ ដៃគូ​ពាណិជ្ជកម្ម​សំខាន់​ៗ​របស់​កម្ពុជារួម​មាន​ ចិន អាមេរិក វៀតណាម ថៃ និង​ជប៉ុន​។ ​

​​អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ប្រាប់កម្ពុជាថ្មីថា ទំហំពាណិជ្ជកម្មរបស់កម្ពុជាកើនឡើង ​ដោយសារ​គម្រោងវិនិយោគ​កន្លងមក ​ដែលកម្ពុជាចុះបញ្ជី​តាមថ្នាលបច្ចេកវិទ្យានៅ​ក្រុមប្រឹក្សាអភិវឌ្ឍន៍កម្ពុជា ​មានការ​កើនឡើង​ទំហំនៃការ​វិនិ​យោគ នៅក្នុងរយៈពេលប៉ុន្មានឆ្នាំកន្លងមកនេះ ដែលធ្វើឱ្យការផលិត និងសេដ្ឋកិច្ចកម្ពុជា​រឹងមាំ​ឈាន​ដល់ការនាំចេញកើនឡើង។

​លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម-សេដ្ឋកិច្ច ​មានប្រសាសន៍ថា ពាណិជ្ជ​កម្ម​អន្តរជាតិរបស់កម្ពុជា មានការកើនឡើង ក្នុងនោះការនាំចេញក្នុងវិស័យឧស្សាហកម្ម កាត់ដេរ​សម្លៀក​បំពាក់ ការនាំចេញ កង់ សំបកកង់រថយន្ត និងគ្រឿងបង្គុំអគ្គិសនី និងអេឡិកត្រូ​និក​មាន​ការ​កើន​ឡើង។

លោកបណ្ឌិត ជ័យ តិច យល់ឃើញថា៖ «ការវិនិយោគក៏មានការកើនឡើង ហើយការនាំចេញ​ក៏មាន​ការកើនឡើង ​ពាក់ព័ន្ធទៅនឹងការ​ទទួលបាននូវអត្រាពន្ធ ដូចជាចក្រភពអង់គ្លេស គឺយើងនាំចូល​គ្រឿងបង្គុំអគ្គិសនី ក៏ដូចជាវាយនភណ្ឌ គឺអត្រាសូន្យភាគរយ»។​

​លោកបណ្ឌិត ជ័យ តិច ​បន្ថែមថា ​ការនាំចេញរបស់កម្ពុជា ​ទៅសហរដ្ឋអាមេរិក ក៏មានការ​កើន​ឡើង​ខ្លាំង​ដោយសារតែអត្រាពន្ធ ១៩% ​បើធៀបជាមួយសមាជិកអាស៊ាន និងប្រទេសដៃគូប្រកួតប្រជែង គឺកម្ពុជាមានប្រៀបជាង ពោលគឺស្មើតែប្រទេស​ឥណ្ឌូនេស៊ី លើវិស័យវាយនភណ្ឌ។

តាមការវាយតម្លៃរបស់រាជរដ្ឋាភិបាល​សេដ្ឋកិច្ចកម្ពុជា ​ត្រូវបានព្យាករថា ​នឹងសម្រេចកំណើន​ក្នុង​រង្វង់ ៥,២% ​នៅឆ្នាំ ២០២៥ ​និងសម្រេចកំណើន ៥% សម្រាប់ឆ្នាំ ២០២៦ ​ស្របពេលដែល ផ.ស.ស សម្រាប់មនុស្សម្នាក់ ​ត្រូវរំពឹងថា ​នឹងកើនដល់ ​៣ ០២០ ​ដុល្លារ។​

​កំណើនសេដ្ឋកិច្ចឆ្នាំ ២០២៦ ​គាំទ្រដោយវិស័យ​ឧស្សាហកម្ម ​វិស័យសេវាកម្ម ​វិស័យកសិកម្ម ​ខណៈ​អត្រា​អតិផរណា​ត្រូវបានព្យាករថា ​ស្ថិតក្នុងរង្វង់ ២,៨%៕

អត្ថបទ៖ ឡេង ដេត

The post ​ការដោះដូរ​ទំនិញ​កម្ពុជា​-អន្តរជាតិ​ សម្រេច​បានជាង ៥៨ ​ពាន់លានដុល្លារ ​ត្រឹមរយៈពេល ១១ ​ខែ appeared first on Kampuchea Thmey Daily.

នៅថ្ងៃទី២២ ខែមេសា ឆ្នាំ២០២៥ សិក្ខាសាលា ដើម្បីលើកកម្ពស់ការយល់ដឹងអំពីស្តង់ដារ បទប្បញ្ញត្តិបច្ចេកទេស និងនីតិវិធីវាយតម្លៃអនុលោមភាព (STRACAP) លោក ញឹម ខេមរា លើក​ឡើង​ថា ការ​លើក​កម្ពស់​ស្តង់ដារ បទប្បញ្ញត្តិបច្ចេកទេស និងនីតិវិធីវាយតម្លៃអនុលោមភាព ជំរុញឱ្យ​អាជីវកម្មកម្ពុជា​មាន​ជំហរ​កាន់​តែ​រឹងមាំ និង​ភាពប្រកួតប្រជែងកាន់តែខ្ពស់នៅក្នុងទីផ្សារតំបន់ និងអន្តរជាតិ តាមរយៈ​ការ​កើន​​ឡើង​នូវភាពជឿជាក់​នៅក្នុងចំណោមដៃគូពាណិជ្ជកម្ម និងមានភ័ស្តុតាងបញ្ជាក់ពីគុណភាព និងសុវត្ថិភាព។

មិន​តែ​ប៉ុណ្ណោះ ការ​រៀប​ចំ​នា​ពេល​នេះ ក៏ផ្តោត​លើការរៀបចំផែនទីបង្ហាញផ្លូវ ដើម្បីអនុវត្តស្តង់ដារ បទប្បញ្ញត្តិបច្ចេកទេស និង​នីតិ​វិធី​វាយ​តម្លៃ​អនុលោមភាព ក្រោមកិច្ចព្រមព្រៀង RCEP ដែល​នឹងជួយជំរុញការអភិវឌ្ឍពាណិជ្ជកម្មរបស់កម្ពុជាជាមួយដៃគូនានាប្រកបដោយប្រសិទ្ធភាព។

ជាក់​ស្តែង «ថ្ងៃនេះ យើងចាប់ផ្តើមរៀបចំផែនទីបង្ហាញផ្លូវឆ្ពោះទៅរកការរីកចម្រើនប្រកបដោយបរិយាបន្ន តាមរយៈការប្តេជ្ញាចិត្តអនុវត្តស្តង់ដារ បទប្បញ្ញត្តិបច្ចេកទេស និងនីតិវិធីវាយតម្លៃភាពអនុលោម»។ លោក ញឹម ខេមរា បន្ថែម​បែប​នេះ​។

សិក្ខាសាលាបានទទួលធាតុចូល និងការពិភាក្សាយ៉ាងផុលផុស ក្នុងការកំណត់បញ្ហាប្រឈម និង​ដំណោះស្រាយ​ដើម្បី​ពង្រឹង​ប្រសិទ្ធភាព និង​គុណភាព​នៃការងារហេដ្ឋារចនាសម្ព័ន្ធគុណភាពជាតិ ក៏ដូចជា​ជំរុញ​ការ​អនុវត្ត​កិច្ចព្រមព្រៀង​ពាណិជ្ជកម្មតំបន់ និងអន្តរជាតិប្រកបដោយប្រសិទ្ធភាព និងនិរន្តរភាព៕

The post លោក ញឹម ខេមរា៖ ការលើកកម្ពស់ស្តង់ដារ បទប្បញ្ញត្តិបច្ចេកទេស ជំរុញអាជីវកម្មកម្ពុជាប្រកួតប្រជែងកាន់តែខ្ពស់ក្នុងទីផ្សារ appeared first on Kampuchea Thmey Daily.

សម្តេចបានបន្តដូច្នេះថា« នៅពេលផែមួយដើរ តម្លៃការដឹកជញ្ជូនកាន់តែថោក វិនិយោគិននឹងចូលមកវិនិយោគ​ក្នុងវិស័យកសិកម្ម ឧស្សាហកម្ម​កាន់តែច្រើន ព្រោះតម្លៃដឹកជញ្ជូនធូរថ្លៃ យើងភ្ជាប់ការដឹកជញ្ជូនតាមទន្លេ និងសមុទ្រ កាន់តែមានប្រសិទ្ធភាព»។

សម្តេច បានសង្កត់ធ្ងន់ថា រាជរដ្ឋាភិបាល បានធ្វើព្រែកជីកភ្ជាប់ទន្លេ-សមុទ្រ និងការអភិវឌ្ឍកំពង់ផែខេត្តព្រះសីហនុ គឺដើម្បីពង្រីកសក្តានុពលសេដ្ឋកិច្ចកម្ពុជាឱ្យរីកចម្រើន និងបង្កើនប្រាក់ចំណូលដល់ពលរដ្ឋឱ្យមានជីវភាពធូរធា។

ជាក់ស្តែងនៅថ្ងៃទី ២២ ធ្នូនេះ រាជរដ្ឋាភិបាល បានបើកការដ្ឋានសាងសង់ចំណតផែទឹកជ្រៅជំហានទី១ ស្ថិតនៅកំពង់​ស្វយ័តក្រុង​ព្រះ​សី​ហ​នុ មានតម្លៃ ២៤៣​លាន​ដុល្លារអាមេរិក ដែលមានប្រវែង ៣៥០ម៉ែត្រ ជម្រៅ​ទឹក​សាងសង់ ១៤,៥ម៉ែត្រ ដោយអាចអនុញ្ញាតឱ្យនាវាកុងតឺន័រ​មាន​ចំណុះផ្ទុក ៦ម៉ឺនតោន ឬស្មើនឹង ៤ពាន់ TEUs ដែលមានផ្លូវដឹក​ជញ្ចូន​នៅ​ក្នុងតំបន់​អាស៊ីប៉ាស៊ីហ្វិកទៅ-មក កំពង់ផែស្វយ័តក្រុងព្រះសីហនុ និង​បង្កើនសមត្ថភាពកំពង់ផែសរុប​កើនដល់ប្រមាណ ១,២៥លាន TEUs ក្នុងមួយឆ្នាំ។

កំពង់ផែស្វយ័តក្រុងព្រះសីហនុ បាននិងកំពុងដើរតួនាទីយ៉ាង​សំខាន់ ក្នុងការរួមចំណែកគាំទ្រដល់ការរីកចម្រើន និងការ​អភិវឌ្ឍរបស់​ប្រទេស​ជាតិ។

លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូនកម្ពុជា បានឱ្យដឹងថា ក្នុងរយៈពេល ១១ខែ ឆ្នាំ២០២៣ បរិមាណទំនិញឆ្លងកាត់កំពង់ផែស្វយ័តក្រុងព្រះសីហនុ ​មានចំនួន​ជាង ៧លានតោន កើនឡើង ១១,៣៤ភាគរយ និងចំណូលអាជីវកម្មសរុបមាន​ចំនួនជាង ៨៥លានដុល្លារអាមេរិក កើនឡើង ២,៧១ភាគរយ បើធៀបនឹង​រយៈពេល​ដូចគ្នាឆ្នាំ២០២២។

បរិមាណកុងតឺន័រឆ្លងកាត់កំពង់ផែស្វយ័តក្រុងព្រះសីហនុ មានចំនួនសរុបជាង ៧៥ម៉ឺនTEUs ដោយមានកំណើន​ជាមធ្យម ១០,៨៣ភាគរយក្នុងរយៈពេល ១២ឆ្នាំចុងក្រោយ គិតចាប់ពីឆ្នាំ២០១០ ដល់ឆ្នាំ២០២២៕

The post សម្តេច ហ៊ុន ម៉ាណែត៖ កំពង់ផែដើរ ជាដង្ហើមពាណិជ្ជកម្ម​បង្កើតការងារ​ជំរុញកំណើនសេដ្ឋកិច្ចជាតិ appeared first on Kampuchea Thmey Daily.

ថ្លែងក្នុងវេទិកាពាណិជ្ជកម្មកម្ពុជា-វៀតណាមឆ្នាំ២០២៣នៅស្ថានទូតវៀតណាមប្រចាំនៅក្រកម្ពុជាកាលពីពេលថ្មីៗនេះ លោក ជា វុទ្ធី អគ្គលេខាធិការរង គណៈកម្មាធិការវិនិយោគកម្ពុជាបានឱ្យដឹងថា វេទិកាពាណិជ្ជកម្ម កម្ពុជា-វៀតណាម ឆ្នាំ២០២៣ នេះរៀបចំឡើងដោយមានកិច្ចសហការរវាងក្រសួងឧស្សាហកម្ម និងពាណិជ្ជកម្មវៀតណាម ជាមួយស្ថាន​ទូតវៀតណាមប្រចាំព្រះរាជាណាចក្រកម្ពុជា ក្នុងគោលបំណង ដើម្បីអញ្ជើញអ្នកជំនួញ និងអ្នកវិនិយោគកម្ពុជា-វៀតណាមទាំងផ្នែកឯកជន ទាំងរដ្ឋាភិបាលនៃប្រទេសទាំងពីរព្រមទាំងភាគីពាក់ព័ន្ធផ្សេងៗទៀត ដើម្បីមកពិគ្រោះ ពិភាក្សាគ្នារិះរកមធ្យោបាយដើម្បីជំរុញកំណើនសេដ្ឋកិច្ច ពាណិជ្ជកម្ម និងការវិនិយោគនៅក្នុងប្រទេសកម្ពុជា និងវៀតណាម។

លោក ជា វុទ្ធី បានគូសបញ្ជាក់អំពីកិច្ចខិតខំប្រឹងប្រែងរបស់រដ្ឋាភិបាលរបស់ប្រទេសទាំងពីរក្នុងការពង្រឹងពង្រីកកិច្ចសហប្រតិបត្តិការគ្រប់ជ្រុងជ្រោយសំដៅជំរុញនិងធានាបាននូវវឌ្ឍនភាពប្រកបដោយចីរភាព។ ជាមួយគ្នានេះ លោកបាន​ជម្រាបជូនអង្គវេទិកាទាំងមូលនូវកាលានុវត្តភាពវិនិយោគនៅកម្ពុជាជាពិសេសកិច្ចសម្រួលធុរកិច្ចការផ្តល់ជូននូវការ​លើកទឹកចិត្តប្រកបដោយភាពទាក់ទាញ និងការធានាការថែទាំការវិនិយោគ ដូចមានចែងនៅក្នុងច្បាប់ស្តីពីវិនិយោគនៃព្រះរាជា​ណាចក្រកម្ពុជា។

លោកបានបញ្ជាក់ផងដែរថា អនុក្រឹត្យស្តីពីការអនុវត្តច្បាប់ស្តីពីវិនិយោគនៃព្រះរាជាណាចក្រកម្ពុជានឹងចូលជាធរមាននា​ពេល​ដ៏ខ្លីខាងមុខ។ ឯកឧត្តមក៏បានជំរុញលើកទឹកចិត្តឱ្យអ្នកជំនួញ និងអ្នកវិនិយោគទាំងកម្ពុជា ទាំងវៀតណាមរួសរាន់​ចាប់យកឱកាសវិនិយោគនៅកម្ពុជា។

លោកសង្ឃឹមយ៉ាងមុតមាំថា វេទិកាពាណិជ្ជកម្មកម្ពុជា-វៀតណាមនេះនឹងរួមចំណែកពង្រីកនូវទំហំសេដ្ឋកិច្ច ពាណិជ្ជកម្ម និងការវិនិយោគនៃប្រទេសទាំងពីរឱ្យកាន់តែធំបន្ថែមទៀត ព្រមទាំងទទួលបាននូវលទ្ធផលជាវិជ្ជមាននាពេលដ៏ខ្លីខាងមុខនេះ៕

អត្ថបទ៖ សំអឿន

The post កម្ពុជា-វៀតណាម បើកវេទិកាពាណិជ្ជកម្ម ឆ្នាំ​២០២៣ដើម្បីជំរុញកំណើនសេដ្ឋកិច្ចពាណិជ្ជកម្ម និងការវិនិយោគ appeared first on Kampuchea Thmey Daily.

​កៅអី​ម៉ាស្សា​សេរី​ថ្មី Space-X9 បានឈ្នះ​ពានរង្វាន់​ច្នៃ​ម៉ូត​ប្រភេទ Smart Home ពិព័រណ៍​គ្រឿង​អេឡិចត្រូនិក​អន្តរជាតិ (CES) ឆ្នាំ 2021

Space-X9 មានតម្លៃ 13888$ ជា​ស្នាដៃ​រចនា​ដំបូង​របស់លោក Christophe Lemaire ដែលជា​នាយក​សិល្បៈ​នៃ​ម៉ាក​យីហោ​ប្រណីត​ដូចជា Prada និង Hermes ក្នុង​ឧស្សាហកម្ម​កៅអី​ម៉ាស្សា​ឆ្លង​ប្រទេស​ហើយ​ការកែលម្អ​ជាច្រើន​ត្រូវបាន​ធ្វើឡើង​តាម​រចនាប័ទ្ម​បុរាណ​។ ការរួមបញ្ចូល​គ្នា​ពិតប្រាកដ​នៃ​ប្រណីតភាព​និង​បច្ចេកវិទ្យា​ខ្ពស់​។​រហូតមកដល់​ពេលនេះ​នៅ​មិនទាន់​រកឃើញ​កៅអី​ម៉ាស្សា​ដែល​ល្អ​ប្រណិត​ជាង Space-X9​នោះទេ​។​

​ការ​រចនា​នេះ​ត្រូវបាន​បំផុសគំនិត​ដោយ​បទពិសោធន៍​នៃ​រថយន្ត​ស្ព័​រ​ទំនើប និង​លំហ​អាកាស ដែលមាន​ចង្វាក់​ស្រាល និង​បង្កើន​ប្រសិទ្ធភាព​ម៉ាស្សា​។ កម្មវិធី​ម៉ាស្សា​ដោយ​ស្វ័យប្រវត្តិ​ចំនួន 11 កម្មវិធី ម៉ាស្សា​ពោង​សុវត្ថិភាព​សម្រាប់​ស្មា ចង្កេះ ដៃ ឆ្អឹង​អាង​ត្រគាក និង​ជើង បញ្ចេញ​នូវ​សម្ពាធ និង​ភាព​អស់កម្លាំង​នៃ​រាងកាយ​ទាំងមូល​ធ្វើអោយ​អតិថិជន​មាន​ភាព​រីករាយ​នឹង​ការ​ម៉ាស្សា​ប្រកបដោយ​ផាសុកភាព​នៅតាម​គេហ​ដ្ធា​ន​។

Spaceman “Paris Flagship Store” ត្រូវបាន​គេ​រំពឹងថា​នឹង​បើក​នៅ​ខែមីនា​ឆ្នាំ 2022 ដែលមាន​ទីតាំងនៅ​មហាវិថី Haussmann ដ៏​ល្បីល្បាញ​ក្នុង​ទីក្រុង​ប៉ារីស​ដែលមាន​ផ្ទៃដី 475 ម៉ែត្រការ៉េ​។ នេះ​ជា​ហាង​លក់ទំនិញ​ទី​បី​បន្ទាប់ពី​សហរដ្ឋអាមេរិក និង​អ៊ីតាលី​។​

​នេះ​ជា​វីដេអូ​:

​អ្នកទទួលបន្ទុក Spaceman បាន​និយាយថា “​ការលក់​នៅ​សហរដ្ឋអាមេរិក និង​អ៊ីតាលី​បាន​កើនឡើង​គួរឱ្យកត់សម្គាល់​ក្នុងឆ្នាំនេះ​។ មនុស្ស​ជាច្រើន​ផ្តល់​កៅអី​ម៉ាស្សា spaceman ជា​អំណោយ​ដល់​មនុស្ស​ចាស់​របស់​ពួកគេ​ការបញ្ជូន​សុខភាព​និង​យុវវ័យ​គឺជា​វិធី​ដ៏​ល្អ​បំផុត​ដើម្បី​បង្ហាញ​ពី​ភាពស្មោះត្រង់​។ បច្ចុប្បន្ន Spaceman ទទួល​បានការ​កម្មង់​ពី​អតិថិជន​កម្ពុជា រំពឹងថា​នឹង​ដឹកជញ្ជូន​ដល់​អតិថិជន​ក្នុង​រយៈពេល​60​ថ្ងៃ​។

​មាន​2​ម៉ូ​ដែល​ដែល​អា​ចក​ម្ម៉​ង់​ទុក​មុន​：

Space-X7（8888$)

1. facebook page: spacemanhealthy

2. Cambodia VIP hotline: 086705442/ 090665128/ 089957488

​

The post កៅអី​ម៉ាស្សា SPACEMAN តម្លៃ​13888$ ​អតិថិជន​ភាគច្រើន​ជា​អ្នកមាន​និង​ជា​មនុស្ស​ដែល​កតញ្ញូ​ appeared first on Kampuchea Thmey Daily.

លោក Chris Clark ប្រធាន​នាយក​ប្រតិបត្តិ​ប្រចាំ​តំបន់​អាស៊ី​ប៉ាស៊ីហ្វិក​របស់​ក្រុមហ៊ុន Visa បាន​មាន​ប្រសាសន៍​ថា ៖ «​នៅពេលដែល​ជំងឺ​រាតត្បាត​មានការ​ផ្លាស់ប្ដូរ​ស្ថានភាព​ឆ្លង​នៅក្នុង​ពិភពលោក តម្រូវការ​ដ៏​អស្ចារ្យ​សម្រាប់​បទពិសោធន៍​ឌីជីថល​ដំបូង​ដែល​បង្កើត​ការ​គិត​ថ្មី​ជុំវិញ​រូបិយប័ណ្ណ​ឌីជីថល និង​ទិន្នន័យ​បើកចំហ​គ្រប់​វិស័យ​ក៏​មាន​ការ​កើន​ឡើង​ដែរ។ ធុរកិច្ច​បង្កើត​ថ្មី (Startups) ជាច្រើន​បាន​បង្កើត​ការ​ច្នៃប្រឌិត​ថ្មីៗ ដើម្បី​ទាញយក​ឱកាស​ទាំងនេះ​»។

លោក​បន្ត​ទៀត​ថា ៖ «​សម្រាប់ Visa យើង​ចង់​គាំទ្រ​ដល់​អាជីវកម្ម​ដែល​ទើប​បង្កើត​ថ្មី (Startups) នេះ ដោយ​ជួយ​ពួកគាត់​នាំយក​អាជីវកម្ម​ដែល​ជោគជ័យ​ក្នុង​តំបន់​របស់​គាត់ ឆ្លង​ចូលទៅក្នុង​ទីផ្សារ​ថ្មី​មួយទៀត ដោយ​ផ្តល់ជូន​នូវ​ដំណោះស្រាយ និង​បណ្ដាញ​ទំនាក់ទំនង ដើម្បី​ដោះស្រាយ​នូវ​ភាព​ស្មុគស្មាញ​ក្នុង​ការ​បោះជំហាន​ចូល​ទៅ​កាន់​ភូមិសាស្ត្រ​ថ្មី​»។

កម្មវិធី ពន្លឿន​អាជីវកម្ម របស់ Visa ត្រូវបាន​រចនា​ឡើង​សម្រាប់​ប្រភេទ​អាជីវកម្ម​ដែល​ទើបបាន​បង្កើត​ថ្មី (Startups) ជាមួយ​ដំណោះស្រាយ​ដែល​ទទួលបាន​ជោគជ័យ​រួចទៅហើយ​នៅក្នុង​ទីផ្សារ​របស់​ខ្លួន ប៉ុន្តែ​កំពុងតែ​សម្លឹង​ឆ្ពោះទៅរក​ដំណាក់កាល​បន្ទាប់ នៃ​ការអភិវឌ្ឍ​អាជីវកម្ម។ ក្នុងនាម​ជា​ក្រុមហ៊ុន​ពាណិជ្ជកម្ម​ឈានមុខ​គេ​មួយ​នៅក្នុង​ពិភពលោក Visa ឈរ​នៅក្នុង​តួនាទី​ដ៏​ពិសេស​មួយ ក្នុង​ការជួយ​ដល់​ធុរកិច្ច​បង្កើត​ថ្មី (Startups) ធ្វើយ៉ាងណា​ឲ្យ​ពួកគេ​អាចឈាន​ជើង​ចូលទៅ​កាន់​ភូមិសាស្ត្រ​ថ្មី និង​អាច​ចាប់យក​ក្រុម​អតិថិជន​ថ្មីៗ​ផងដែរ។

ផ្ដោត​សំខាន់​លើ ចរន្ត​ប្រាក់ រូបិយប័ណ្ណ​ឌីជីថល ទិន្នន័យ​បើកចំហ​គ្រប់​វិស័យ និង​ទំនាក់ទំនង​ពាណិជ្ជកម្ម ជាមួយ​នឹង​ការ​កើន​ឡើង នៃ​ការ​រំពឹង​ទុក​លើ​បទពិសោធន៍​អាទិភាព​ឌីជីថល​ពី​អ្នក​ប្រើប្រាស់ និង​ម្ចាស់​ធុរកិច្ច​ដែល​ទើប​ចាប់ផ្ដើម​អាជីវកម្ម (Startups) ដែល​នឹង​ចូលរួម​នៅ​ក្នុង​ក្រុម​ឆ្នាំ ២០២២ នឹង​ត្រូវ​ត្រៀមខ្លួន​រួចជាស្រេច​ដើម្បី​ធ្វើការ​លើ​ឱកាស​ផ្នែក​ហិរញ្ញវត្ថុ និង​បច្ចេកវិទ្យា​មួយ​ចំនួន​ឲ្យ​បាន​លឿន​ជាទីបំផុត​នៅ​អាស៊ី​ប៉ាស៊ីហ្វិក រួមមាន ៖

•កែសម្រួល និង​បង្កើន​លទ្ធភាព​ក្នុង​ការ​ពង្រីក​ចរន្ត​ទូទាត់​ប្រាក់ រវាង​អ្នកប្រើប្រាស់ ម្ចាស់​ធុរកិច្ច និង​រដ្ឋាភិបាល ដើម្បី​បង្កើត​នូវ​មធ្យោបាយ​ថ្មី​ក្នុង​ការ​បង់​ប្រាក់ និង​ទទួល​ប្រាក់ ទាំង​ក្នុង និង​ក្រៅ​ប្រទេស​។​

•ការ​ផ្តល់​វិធីសាស្ត្រ​ទូទាត់​ប្រកបដោយ​ភាព​ច្នៃប្រឌិត​ថ្មីៗ ដូចជា ការ​ប្រើប្រាស់​រូបិយប័ណ្ណ​ឌីជីថល តាម​រយៈ​ការអភិវឌ្ឍ និង​ការ​ទទួលយក blockchain។

•ប្រើប្រាស់​បរិស្ថាន នៃ​ទិន្នន័យ​បើកចំហ ដើម្បី​សម្រួល​ដល់​ការសម្រេចចិត្ត និង​ការ​ដាក់​ពិន្ទុ នៅ​ក្នុង​ផ្នែក នៃ​អត្តសញ្ញាណ​ឌីជីថល ការគ្រប់គ្រង ការ​អនុម័ត ការ​ផ្តល់​ពិន្ទុ​ឥណទាន ក៏ដូចជា​ការគ្រប់គ្រង​ហានិភ័យ និង​ការ​ក្លែងបន្លំ។

•ផ្តល់​ជូន​នូវ​បទពិសោធន៍ នៃ​ការទិញ​ទំនិញ​ផ្ទាល់ខ្លួន​ប្លែកៗ តាមរយៈ​គំរូ​ឥណទាន​ថ្មីៗ ដូចជា ទិញ​ឥឡូវនេះ បង់​ប្រាក់​នៅ​ពេល​ក្រោយ និង​ដំណោះស្រាយ​ដោយ​ភាព​ស្មោះត្រង់​ជាដើម។

•ពន្លឿន​ការធ្វើ​ឌីជីថល​នីយកម្ម នៃ​ធុរកិច្ច​តាមរយៈ​ការរក​ដំណោះស្រាយ​សម្រួល​លើ​ការធានា​ឥណទាន និង​ការ​អភិវឌ្ឍ​ដំណោះស្រាយ​ទូរស័ព្ទ​ចល័ត​ដំបូង​លើ​ការគ្រប់គ្រង​ខ្សែ​សង្វាក់​ផ្គត់ផ្គង់។

ជួយ​ម្ចាស់​អាជីវកម្ម​ដែល​ទើប​បង្កើត​ថ្មី (Startups) ពង្រីក​អាជីវកម្ម​របស់​ពួកគេ

Visa បាន​ណែនាំ​នូវ​កម្មវិធី​ពន្លឿន​អាជីវកម្ម នៅ​អាស៊ី​ប៉ាស៊ីហ្វិក ក្នុង​ខែ​ធ្នូ ឆ្នាំ ២០២០។ ការ​ចាប់ផ្ដើម​ពី​ឆ្នាំ​ដំបូង​រួមមាន ៖ ក្រុមហ៊ុន Brankas ជា​ក្រុមហ៊ុន Fintech ដែល​ផ្តល់​ជូន​នូវ​កម្មវិធី​ដំណោះស្រាយ​ហិរញ្ញវត្ថុ ក្រុមហ៊ុន Curlec ជា​វេទិកា​គ្រប់គ្រង​ការទិញ ជួយ​សម្រួល​ដល់​ការ​ទូទាត់ និង​ប្រតិបត្តិការ​ដែល​កើតឡើង​ដដែលៗ ក្រុមហ៊ុន DigitSecure ជា​វេទិកា​ទទួលយក omnichannel ក្រុមហ៊ុន ModusBox ជា​វេទិកា​ប្រភព​បើកចំហ​សម្រាប់​ការ​ទូទាត់​តាម​ពេលវេលា​ជាក់ស្ដែង និង​ក្រុមហ៊ុន Open ជា​វេទិកា​ធនាគារ​ថ្មី​សម្រាប់​អាជីវកម្ម​ខ្នាត​តូច។

ក្រុមហ៊ុន​ទាំងនេះ បាន​បញ្ចប់​សកម្មភាព​របស់​ពួកគេ​ជា​មួយ​នឹង​ការ​ផ្សព្វផ្សាយ​ផលិតផល​ដល់​អតិថិជន និង​បណ្ដាញ​ដៃគូ​ជំនួញ​របស់ Visa រាប់​រយ​នាក់​នៅ​ទូទាំង​តំបន់។

ការចូលរួម​ជាមួយ​កម្មវិធី

ចាប់​បើក​ទទួល​ពាក្យ នៅ​ថ្ងៃ​ទី ៣ ខែ​វិច្ឆិកា ឆ្នាំ ២០២១ និង​បិទ​នៅ​ថ្ងៃ​ទី ៩ ខែ​មករា ឆ្នាំ ២០២២ ដោយសារតែ​កម្មវិធី​នឹង​ចាប់ផ្ដើម​ដំណើរការ​នៅ​ពាក់កណ្ដាល​ខែ​មេសា ឆ្នាំ ២០២២។ កម្មវិធី ពន្លឿន​អាជីវកម្ម​របស់ Visa គឺជា​ផ្នែក​ថ្មី​មួយ នៃ​វេទិកា និង​សកម្មភាព សម្រាប់​សហគមន៍​ធុរកិច្ច​បង្កើត​ថ្មី​នៅ​តំបន់​អាស៊ី​ប៉ាស៊ីហ្វិក។ ជាមួយនឹង​ការយកចិត្តទុកដាក់​របស់​ខ្លួន​ក្នុង​ការគាំទ្រ​ដល់​ការអភិវឌ្ឍ​ជា​លក្ខណៈ​អន្តរជាតិ កម្មវិធី ពន្លឿន​អាជីវកម្ម​របស់ Visa ក្លាយទៅជា​កម្មវិធី​មួយ​ដ៏​សមស្រប​សម្រាប់​ប្រភេទ​ធុរកិច្ច​បង្កើត​ថ្មី ស៊េរី A និង​ខ្ពស់ជាង​នេះ ដែលមាន​ការ​ប្ដេជ្ញា​ចិត្ត​រយៈពេល​វែងឆ្ងាយ ចំពោះ​ការ​កើនឡើង ក៏ដូចជា​ប្រតិបត្តិការ​អាជីវកម្ម​ដែល​កំពុង​មាន​ស្រាប់​នៅក្នុង​តំបន់​អាស៊ី​ប៉ាស៊ីហ្វិក​ដែល​មាន​សុពលភាព និង​ដំណោះស្រាយ​ដែល​បាន​អះអាង។

សម្រាប់​ព័ត៌មាន​បន្ថែម និង​របៀប​ដាក់ពាក្យ​ស្នើសុំ សូម​ចូល​ទៅ​កាន់​គេហទំព័រ ៖https://www.visa.com.sg/apaccelerator

អំពី​ក្រុមហ៊ុន Visa

Visa Inc. (NYSE: V) គឺជា​ក្រុមហ៊ុន​នាំមុខគេ​ក្នុង​បច្ចេកវិទ្យា​ទូទាត់​សាច់ប្រាក់​តាមរយៈ​ឌីជីថល​។ បេសកកម្ម​របស់​យើង​គឺ​ផ្សារភ្ជាប់​ពិភពលោក​ទាំងមូល​តាម​រយៈ​ការតភ្ជាប់​បណ្ដាញ​ទូទាត់​ប្រាក់​ប្រកបដោយ​ភាព​ច្នៃប្រឌិត​ថ្មី អាច​ទុកចិត្ត​បាន និង​មាន​សុវត្ថិភាព​បំផុត ជាមួយ​អ្នកប្រើប្រាស់ អាជីវករ និង​ជួយ​ឲ្យ​សេដ្ឋកិច្ច​មានការ​រីកចម្រើន​។ បណ្ដាញ​ទំនើប​ឈានមុខ​គេ​បំផុត​មួយ​របស់​ពិភពលោក​គឺ VisaNet របស់​យើង ផ្តល់​ការទូទាត់​ដែល​អាច​ទុកចិត្តបាន និង​មាន​សុវត្ថិភាព​នៅ​ទូទាំង​ពិភពលោក និង​មាន​លទ្ធភាព​គ្រប់គ្រង​ប្រតិបត្តិការ​ជាង ៦៥,០០០ ប្រតិបត្តិការ​ក្នុង​មួយ​វិនាទី។ ក្រុមហ៊ុន​ផ្តោត​ការយកចិត្តទុកដាក់​ឥត​ឈប់ឈរ​លើ​ការ​ច្នៃប្រឌិត ដែល​នេះ​ជា​កត្តា​ជំរុញ​ដល់​ភាព​រីក​ចម្រើន​យ៉ាង​ឆាប់រហ័ស នៃ​ការ​ធ្វើ​ពាណិជ្ជកម្ម​បែប​ឌីជីថល​ដែល​បាន​ផ្សារភ្ជាប់​ទៅ​នឹង​ឧបករណ៍​អេឡិចត្រូនិក​ណា​ក៏បាន សម្រាប់​មនុស្ស​គ្រប់គ្នា​នៅ​គ្រប់​ទីកន្លែង។ នៅពេលដែល​ពិភពលោក​ផ្លាស់ប្ដូរ​ពី analog ទៅ​ឌីជីថល​ក្រុមហ៊ុន Visa ក៏​កំពុងតែ​ពង្រឹង​លើ​ស្លាក​សញ្ញា ផលិតផល បុគ្គលិក និង​បណ្ដាញ​របស់​ខ្លួន​រួចជាស្រេច ដើម្បី​ចូលរួម​ជាមួយនឹង​ការ​ផ្លាស់ប្ដូរ​ពាណិជ្ជកម្ម​នា​ថ្ងៃ​អនាគត៕

ព័ត៌មាន​បន្ថែម​សូម​ចូល​ទៅ​កាន់​គេហទំព័រ visa.com/blog និង @VisaNews.

ព័ត៌មាន​បន្ថែម សូម​ទំនាក់ទំនង​មកកាន់ ៖

កញ្ញា ត្រាង ង្វៀន (Trang Nguyen)​ ​

ក្រុមហ៊ុន Visa Worldwide Pte. Limited

ទូរស័ព្ទ ៖ (84) 28 3520 7439

អ៊ីមែល ៖ trang.nguyen@visa.com​ ​

កញ្ញា គ្រី សុវណ្ណា​រី​

ក្រុមហ៊ុន Red Dot (Cambodia) Co., Ltd តំណាង​ក្រុមហ៊ុន Visa Inc.

ទូរស័ព្ទ ៖ (855) 11 733 368

អ៊ីមែល ៖ nary@reddot.com.kh

The post Visa អញ្ជើញអាជីវកម្មដែលទើបបង្កើតថ្មី (Startups) នៅអាស៊ីប៉ាស៊ីហ្វិក ចូលរួមបង្កើតសមត្ថភាពទូទាត់ឌីជីថលជំនាន់ក្រោយ appeared first on Kampuchea Thmey Daily.

​ជា​ការ​ពិត Maserati គឺជា​ម៉ាក ដែលមាន​ភាព​ច្នៃប្រឌិត​ពី​ធម្មជាតិ មាន​ភាព​លេចធ្លោ​ពោរពេញ​ដោយ​ការប្រឹងប្រែង រួមជាមួយ​គុណ​តម្លៃ​ស្នូល​ជាច្រើន​។ ចំណុច​ទាំងអស់​នេះ​ផ្តល់​នូវ​គំនិត​ដ៏​សំខាន់​នៅក្នុង​ការ​តាំងពិព័រណ៍​អន្ដរជាតិ ជាមួយ​គោលបំណង​បង្ហាញ​ពី​ឧត្តមភាព​នៃ​ការ​រចនា​និង​ការផលិត​របស់​ប្រទេស​អ៉ី​តា​លី​។​

​ចាប់ពី​ថ្ងៃទី ២៧ ខែតុលា រហូតដល់​ថ្ងៃទី ៦ ខែវិច្ឆិកា ការតាំងពិព័រណ៍ “ Maserati ៖ a Story of Luxury Performance Supercharged ” នឹង​ប្រព្រឹត្តឡើង​ជាមួយនឹង​ការរៀបចំ​តាមបែប​សិល្បៈ​ពិសេស ដែល​បង្កើតឡើង​ដោយ Centro Stile Maserati​។​

​ការរៀប​ចំនេះ​ជាការ​បង្ហាញ​ថ្មី​អំពី​គុណ​តម្លៃ​របស់​ម៉ាក ផ្សារភ្ជាប់​ទៅនឹង​ទឹកដី​កំណើត​ប្រទេស​អ៉ី​តា​លី តាមរយៈ​ការច្នៃប្រឌិត បច្ចេកវិទ្យា និង​ការ​រចនា​ខុសប្លែក លេចធ្លោ​របស់​ម៉ាក​។ កាន់តែ​ពិសេស រថយន្ត​ទំនើប​ម៉ាក MC20 នឹងត្រូវ​បានបង្ហាញ​ជា​លក្ខណៈ​ស្នាដៃ​សិល្បៈ ដោយមាន​តួរ​ថយ​ន្ព​ស្រោប​លោហធាតុ ៣​ជាន់​។ រថយន្ត​នេះ​មាន​ពណ៌​ខុសៗ​គ្នា ដោយសារ​ការកែប្រែ​ពី​អាលុយមីញ៉ូម​ធម្មជាតិ​ទៅ​ទង់ដែង ដែលជា​ពណ៌​ដ៏​សំខាន់ Folgore បង្ហាញ​ពី​ការវិវត្ត​របស់​ម៉ាក​ឥតឈប់ឈរ និង​ការ​ផ្តោតលើ​អនាគតកាល​។​

​លើសពីនេះ នឹងមាន​ការដាក់​តាំង​បង្ហាញ​ពាក់ព័ន្ធ​នឹង​ប្រធានបទ​ចំនួន ២ ផ្សេងទៀត ដែល​មិន​ត្រឹមតែ​បង្ហាញ​ម៉ាស៊ីន​ប៉ុណ្ណោះ​ទេ តែ​ថែមទាំង​វត្ថុធាតុដើម​ដែល​ត្រូវ​ប្រើ​ក្នុង​ដំណើរការ​តម្លើងរថយន្ត​ដូចជា Econyl និង “​វត្ថុធាតុដើម​ពិតៗ​” ចម្រុះ​ពណ៌ ដែល​ពណ៌នា​អំពី​ជីវចម្រុះ​របស់​អ៉ី​តា​លី​ផងដែរ​។ គុណ​តម្លៃ​របស់​ម៉ាក​នឹង​ផ្តោត​ការយកចិត្តទុកដាក់​ជាមួយ​កិច្ចពិភាក្សា​ឌីជីថល​ពិសេស​ចំនួន​បី​។

Influencers និង​វាគ្មិន នឹងចូលរួម​ក្នុង​កិច្ចពិភាក្សា​ផ្តោតលើ​ភាពស្រស់ស្អាត និង​សមិទ្ធផល​ដទៃទៀត​។ ដើម្បី​បន្ថែម​លើ​គ្រប់​ទិដ្ឋភាព​ទាំង​អស់នៃ​គំនិត “​ផលិត​នៅ​ប្រទេស​អ៊ីតាលី​” កម្មវិធី​នឹងត្រូវ​បញ្ចប់​ដោយ​ការពិភាក្សា​តុមូល​ស្តីពី​ការធ្វើដំណើរ​ប្រកបដោយ​និរន្តរភាព នៅ​ថ្ងៃ​ពុធ ទី ៣ ខែវិច្ឆិកា​។ ភ្ញៀវ​របស់ Italia Pavilion នៅឯ​ពិព័រណ៍​នៅ​ប្រទេស​ឌូ​បៃ ២០២០ នឹងធ្វើ​ដំណើរ​ដោយ​រថយន្ត​ប្រណិត Maserati Quattroporte ជាការ​រចនា​បែប​អ៊ីតាលី លក្ខណៈ​បុរាណ រួមបញ្ចូល​គ្នា​យ៉ាង​ប៉ិនប្រសប់​នូវ​គុណធម៌​នៃ​ភាពឆើតឆាយ​៕

The post ការដាក់​តាំង​ពិព័រណ៍​នៅ​ប្រទេស​ឌូ​បៃ ឆ្នាំ​២០២០ របស់​ក្រុមហ៊ុន Maserati appeared first on Kampuchea Thmey Daily.