តាមសេចក្តីជូនដំណឹងរបស់មជ្ឈមណ្ឌលវះកាត់កុមារ ការផ្តល់សេវា ពិនិត្យ ព្យាបាល និងវះកាត់នេះ គឺសម្រាប់អ្នកជំងឺ ពិការដៃ មិនអាចកម្រើកបាន ដោយសារគ្រោះថ្នាក់ (ព្យាបាលដោយតសសៃប្រសាទឡើងវិញ) និងកុមារដែលមានបញ្ហាដៃពីកំណើត ដូចជា ដៃខូចទ្រង់ទ្រាយ ម្រាមដៃជាប់គ្នា ម្រាមដៃលើស ឬខូចខាត។ ការផ្តល់ជូននេះ ធ្វើឡើងចាប់ពីថ្ងៃទី១៨ ដល់ ២១ ខែឧសភា ឆ្នាំ២០២៦ ខាងមុខនេះ។

លោកអ្នកអាចទៅពិគ្រោះយោបល់ដោយផ្ទាល់ ដើម្បីទទួលព័ត៌មានលម្អិត និងការវាយតម្លៃពីគ្រូពេទ្យជំនាញ។ ចំពោះទីតាំង គឺនៅមជ្ឈមណ្ឌលជាតិស្តារលទ្ធភាពពលកម្មជនពិការគៀនឃ្លាំង ផ្លូវ ៦អា ខណ្ឌជ្រោយចង្វារ រាជធានីភ្នំពេញ ទូរសព្ទ៖ ០២៣ ៤៣ ០២ ០២ / ០៩៦ ៦៦៤ ១០១២៕

The post មជ្ឈមណ្ឌលវះកាត់កុមារ សហការជាមួយពេទ្យជំនាញមកពីហុងកុង ផ្តល់ការពិនិត្យ ព្យាបាលអ្នកជំងឺពិការដៃ ឥតគិតថ្លៃ appeared first on Kampuchea Thmey Daily.

ជីវិតកុមារភាពរបស់ចិន្តា មិនងាយស្រួលឡើយ។ កើតជាស្ត្រី មានពិការភាព ហើយស្ថិតក្នុងគ្រួសារក្រីក្រ បានធ្វើឱ្យអ្នកស្រីប្រឈមមុខនឹងឧបសគ្គជាច្រើន ទាំងការរស់នៅ និងការសិក្សា។ នៅពេលនោះ ការយល់ដឹងអំពីវិស័យពិការភាពនៅសង្គមកម្ពុជានៅមានកម្រិត គ្រូបង្រៀន និងមិត្តរួមថ្នាក់មួយចំនួនមិនទាន់យល់ពីការសម្របសម្រួលដើម្បីជួយសិស្សមានបញ្ហាគំហើញឱ្យទទួលបានការអប់រំស្មើភាពគ្នានោះទេ។

ចិន្តា ត្រូវបានម្តាយបានបញ្ជូនទៅរៀននៅសាលារដ្ឋតាំងពីនៅវ័យកុមារ។ ប៉ុន្តែដោយសារមើលមិនសូវច្បាស់ អ្នកស្រីត្រូវប្រឹងប្រែងខ្លាំងជាងសិស្សដទៃ។ រាល់ពេលគ្រូសរសេរមេរៀនលើក្តាខៀន អ្នកស្រីត្រូវដើរទៅជិតដើម្បីមើលឱ្យច្បាស់បន្តិច បន្ទាប់មករត់ត្រឡប់មកកន្លែងអង្គុយដើម្បីចម្លងចូលសៀវភៅ។ ការធ្វើបែបនេះចំណាយពេលយូរ ហើយពេលខ្លះត្រូវមិត្តរួមថ្នាក់ស្តីបន្ទោសថា “ទៅបាំងគេ”។ មានពេលខ្លះអ្នកស្រីពឹងមិត្តភក្តិឱ្យជួយហៅមេរៀនឱ្យស្តាប់ ប៉ុន្តែមិនមែនគ្រប់ពេលដែលទទួលបានជំនួយទេ។ ពេលខ្លះត្រឡប់ទៅផ្ទះដោយគ្មានមេរៀនពេញលេញ ទាំងដែលបានចូលរៀនពេញម៉ោង។

អ្នកស្រីរៀបរាប់ថា៖«រាល់ពេលចូលថ្នាក់រៀន ដើម្បីកត់ត្រាមេរៀន ខ្ញុំតែងទៅជិតក្តាខៀនរួចរត់មកតុវិញដើម្បីចម្លងដាក់សៀវភៅ ទម្រាំចម្លងមេរៀនហើយម្តងៗប្រើពេលយូរ ហើយមិត្តភក្តិគេស្រែកឱ្យថាទៅបាំងគេ»។ អំឡុងពេលនៅរៀន មានអ្នកខ្លះនិយាយបែបលេងសើចថា ពិការភ្នែកចឹងរៀនពិបាកណាស់ ទៅច្រៀងនៅតាមផ្លូវអាចរកចំណូលបាន។ ត្បិតតែនេះជាការនិយាយលេង ប៉ុន្តែគឺជាពាក្យសម្តីមួយដែលបង្អាក់ដំណើររបស់ចិន្តា ប៉ុន្តែសម្តីទាំងនោះមិនបានបង្អាក់រូបគាត់ទេ ព្រោះចិន្តានៅមានភាពចង់ដឹង ចង់ឭ ហើយនៅតែខំរៀន។

ទោះជាយ៉ាងណា ចិន្តាមិនដែលបោះបង់ការសិក្សា។ ការលំបាក និងការមិនទទួលបានភាពស្មើគ្នានៅក្នុងសង្គម មិនបានបំបាក់ទឹកចិត្តអ្នកស្រីទេ តែបម្លែងវាជាកម្លាំងជំរុញឱ្យខិតខំប្រឹងប្រែងកាន់តែខ្លាំង។ អ្នកស្រីបន្តការសិក្សារហូតដល់ថ្នាក់ឧត្តមសិក្សា នៅសាកលវិទ្យាល័យភូមិន្ទភ្នំពេញ បន្ទាប់មកទទួលបានអាហារូបករណ៍សិក្សាបញ្ចប់ថ្នាក់អនុបណ្ឌិតផ្នែកគោលនយោបាយ និងការអនុវត្តពិការភាព នៅប្រទេសអូស្ត្រាលី ក្នុងឆ្នាំ២០២៤ ក្លាយជាស្ត្រីខ្មែរដំបូងគេដែលមានពិការភាពភ្នែក បញ្ចប់ការសិក្សាកម្រិតនេះក្នុងវិស័យខាងលើ។

បច្ចុប្បន្ន អ្នកស្រី មិន ចិន្តា បម្រើការងារជាមន្ត្រីនៅមូលនិធិជាតិជំនួយសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា ដោយយកបទពិសោធន៍ផ្ទាល់ខ្លួន និងចំណេះដឹងវិជ្ជាជីវៈ មកចូលរួមលើកកម្ពស់សិទ្ធិ និងគុណភាពជីវិតរបស់ជនមានពិការភាពនៅកម្ពុជា។ បច្ចុប្បន្ន អ្នកស្រីមានស្វាមីពិការភាពដូចគ្នានិងមានកូនក្នុងបន្ទុកផងដែរ។

រឿងរ៉ាវជីវិតរបស់អ្នកស្រី គឺជាគំរូនៃការតស៊ូ និងជាសារបំផុសគំនិតដល់យុវជន ជាពិសេសជនមានពិការភាពថា ទោះបីមានឧបសគ្គប៉ុនណាក៏ដោយ ប្រសិនបើយើងមានឆន្ទៈ និងការព្យាយាម អាចឈានដល់គោលដៅដែលខ្លួនប្រាថ្នាបាន៕

The post ស្រ្តីខ្មែរមានពិការភាពភ្នែកតស៊ូរហូតទទួលបានអាហារូបករណ៍សិក្សាបញ្ចប់ថ្នាក់អនុបណ្ឌិតនៅអូស្រ្តាលី appeared first on Kampuchea Thmey Daily.

សិក្ខាសាលានេះ រៀបចំឡើងក្នុងគោលបំណង ដើម្បីបង្កើនសហប្រតិបត្តិការក្នុងចំណោមភាគីពាក់ព័ន្ធ លើកកម្ពស់កិច្ចខិតខំប្រឹងប្រែងរួមគ្នា និងយុទ្ធសាស្ត្រ និងដំណោះស្រាយប្រកបដោយប្រសិទ្ធិភាព ក្នុងការដោះស្រាយបញ្ហាបន្ទាន់ដែលជនមានពិការភាពប្រឈមមុខក្នុងការទទួលបានព័ត៌មាន។ បន្ថែមពីនេះ ដើម្បីលើកកម្ពស់ការយល់ដឹងអំពីការអនុវត្តល្អ ដែលមានចែងនៅក្នុងសៀវភៅណែនាំរបស់អង្គការយូណេស្កូ សម្រាប់សមភាពពិការភាពក្នុងប្រព័ន្ធផ្សព្វផ្សាយ។

លោកស្រី សាវតា ច័ន្ទគ្រឹស្នា បានលើកឡើងថា៖ “ពិការភាពមិនមែនជាបញ្ហាបុគ្គលទេ ប៉ុន្តែ ជាបញ្ហាសង្គមដែលអាចដោះស្រាយបានដោយមានការចូលរួមរបស់យើងទាំងអស់គ្នា”។ លោកស្រី បន្តថា ការសរសេរព័ត៌មានពីពិការភាព គឺជាបញ្ហាប្រឈមព្រោះថា មិនមែនមនុស្សគ្រប់រូបសុទ្ធតែយល់ស្របចំពោះភាសាដែលសម្របនោះទេ សូម្បីតែនៅក្នុងក្នុងសហគមន៍ជនមានពិការភាព ក៏មានការជជែកគ្នាយ៉ាងក្តៅគគុកពីពាក្យពេចន៍ប្រើប្រាស់សម្រាប់ជនមានពិការភាព។ លោកស្រី នាយិកា សង្កត់ធ្ងន់ថា ប្រព័ន្ធផ្សព្វផ្សាយដើរតួយ៉ាងសំខាន់ក្នុងការលុបបំបាត់ឧបសគ្គដើម្បីឱ្យប្រជាពលរដ្ឋ និងជនមានពិការភាព អាចអនុវត្តសិទ្ធិបានយ៉ាងពេញលេញ ដែលជាការរួមចំណែកដល់សង្គមឱ្យកាន់តែមានបរិយាបន្ន។

ជាមួយគ្នានេះ លោក ស្លេះ អាល់ហ្វីន អនុរដ្ឋលេខិធិការក្រសួងព័ត៌មាន ក៏បានលើកឡើងដែរថា សិក្ខាសាលានេះ ពិតជាមានសារៈសំខាន់ព្រោះបានឆ្លើយតបនឹងផែនការយុទ្ធសាស្ត្រអភិវឌ្ឍន៍វិស័យព័ត៌មាន និងសោទស្សន៍ឆ្នាំ២០២៤-២០២៨ និងផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨។ លោកថា៖ “ព័ត៌មានពិត ត្រឹមត្រូវ គ្រប់ជ្រុងជ្រោយ លឿនរហ័ស ពិតជាមានសារសំខាន់នៅក្នុងជីវភាពរស់នៅប្រចាំថ្ងៃ។ បងប្អូនមានពិការភាពពិតជាត្រូវការព័ត៌មានពិតទាំងនេះ ដើម្បីធ្វើការសម្រេចចិត្តឱ្យបានត្រឹមត្រូវ”។ លោកក៏សង្ឃឹមថា សិក្ខាសាលានេះ នឹងទទួលបានបទពិសោធ ចំណេះដឹងថ្មីៗ ពីវាគ្មិនជំនាញផងដែរ។

សូមជម្រាបថា សិក្ខាសាលាមានអ្នកប្រហែល ៥០នាក់ (មានស្ត្រី ៥០%) មកពីសហគមន៍ប្រព័ន្ធផ្សព្វផ្សាយ អ្នកសារព័ត៌មាន អង្គការជនពិការ (OPDs) ជនមានពិការភាព(PwDs) និងតំណាងមកពីក្រសួងព័ត៌មាន និងក្រុមប្រឹក្សាសកម្មភាពជនពិការ (DACs)។ ពិធីនេះ ត្រូវបានរំពឹងថា ការសហការរវាងភាគីពាក់ព័ន្ធនាំឱ្យមានយុទ្ធសាស្ត្រ និងដំណោះស្រាយ ប្រកបដោយប្រសិទ្ធភាព ដើម្បីធ្វើឱ្យប្រសើរឡើងនូវលទ្ធភាពទទួលបានព័ត៌មានសម្រាប់ជនមានពិការភាព៕

The post WMC និងអង្គការជនពិការកម្ពុជា ធ្វើសិក្ខាសាលាស្តីពីការលើកកម្ពស់សមភាពពិការភាពក្នុងប្រព័ន្ធផ្សព្វផ្សាយ appeared first on Kampuchea Thmey Daily.

នៅ​ក្នុង​កម្មវិធី​ប្រឡង​ចម្រៀង​ជន​មាន​ពិការភាព ពានរង្វាន់ លោក ជា សុមេធី និង លោកស្រី ជា ផល្គុន វគ្គ​ផ្ដាច់ព្រ័ត្រ កាលពី​រសៀល​ថ្ងៃ​ទី ៣ ធ្នូ នៅ​ឯ​មជ្ឈមណ្ឌល​សហ​ប្រតិបត្តិការ​កម្ពុជា​-​កូរ៉េ លោក ជា សុមេធី មាន​ប្រសាសន៍​ថា តាមរយៈ​ការ​ប្រឡង​ចម្រៀង​លើក​នេះ គឺជា​ការ​បង្ហាញ​ទៅកាន់​សាធារណ​ជនជាតិ និង​អន្តរជាតិ ថា វិស័យ​ពិការភាព​នៅ​កម្ពុជា កំពុង​ត្រូវ​បាន​យកចិត្តទុកដាក់ និង​ពង្រីក​ជា​បន្តបន្ទាប់ ដែល​បាន​សេចក្ដី​ថា ជន​មាន​ពិការភាព​គ្រប់រូប​ពិតជា​មាន​ឱកាស និង​មាន​លទ្ធភាព​កែប្រែ​ស្ថានភាព​ជីវិត​របស់​ខ្លួន​ឱ្យ​កាន់តែ​ប្រសើរ​ឡើង​ថែមទៀត ស្រប​តាម​ទិស​ស្លោក​ថា ពុំ​មាន​នរណា​ម្នាក់​ត្រូវ​បាន​ទុកចោល។

លោក​រដ្ឋមន្ត្រី​បាន​បន្ត​ថា ចាប់​តាំងពី​វគ្គ​ដំបូង​រហូត​ដល់​វគ្គ​ផ្ដាច់ព្រ័ត្រ មាន​ការ​យកចិត្តទុកដាក់​ខ្ពស់ និង​ជួយ​ឧបត្ថម្ភ​គាំទ្រ​យ៉ាង​ច្រើន​សន្ធឹកសន្ធាប់​ពី​ក្រសួង-ស្ថាប័ន​រដ្ឋ និង​ឯកជន ថ្នាក់ដឹកនាំ សប្បុរសជន​ជិត​ឆ្ងាយ ដែល​នេះ​បង្ហាញ​ថា វិស័យ​ពិការភាព ពិតជា​កំពុង​ត្រូវ​បាន​យកចិត្តទុកដាក់ និង​លើកទឹកចិត្ត​តាំងពី​ថ្នាក់​ជាតិ ក្រសួង ស្ថាប័ន បុគ្គល និង​ស្ថាប័ន​ឯកជន​ពិតប្រាកដ​មែន។

លោក ចាប តូ ប្រធាន​សមាគម​តន្ត្រី​សំនៀង​ជន​ពិការ មាន​ប្រសាសន៍​ថា ការប្រឡង​ចម្រៀង​ជន​មាន​ពិការ ពានរង្វាន់ លោក ជា សុមេធី រដ្ឋមន្ត្រី​ក្រសួង​សង្គមកិច្ច អតីត​យុទ្ធជន និង​យុវ​នីតិសម្បទា និង​លោកស្រី ជា ផល្គុន បាន​ឆ្លងកាត់​វគ្គ​ជម្រុះ​ជា​បន្តបន្ទាប់ ចាប់​តាំងពី​បេក្ខជន បេក្ខនារី ១២២ រូប មក​នៅ ៤០ រូប បន្ទាប់មក​នៅ ២០ រូប ហើយ​ចុងក្រោយ​បាន​សម្រិតសម្រាំង​យក​ត្រឹមតែ ៦ រូប​ប៉ុណ្ណោះ ក្នុង​នោះ បេក្ខជន ៣ រូប និង​បេក្ខនារី ៣ រូប សម្រាប់​ប្រកួតប្រជែង​ដណ្ដើម​យក​លេខ ១ លេខ ២ និង​លេខ ៣៕

អត្ថបទ ៖ សំអឿន

The post រដ្ឋមន្ត្រីសង្គមកិច្ច អំពាវនាវគ្រប់ភាគី ជួយគាំពារដល់ជនមានពិការភាព សំដៅលើកកម្ពស់ជីវភាពរស់នៅកាន់តែប្រសើរ appeared first on Kampuchea Thmey Daily.

ការ​ថ្លែង​បែប​នេះ ​បានធ្វើ​ឡើង​នា​ឱ​កាសអញ្ជើញ​ចូលរួម​ពិធី​ប្រគល់​សញ្ញាប័ត្រ ​និង​បិទ​វគ្គបណ្តុះ​បណ្តាល​ជំនាញ​ម៉ាស្សា​ដៃ​ទេព ជូន​ដល់​គ្រូ​បង្គោ​ល​ជា​ជន​​ពិការភាព​ភ្នែក​ ចំនួន​២១​នាក់​ កាលពី​ថ្ងៃទី​២០ ខែមករា ​ឆ្នាំ​២០២១​។​

ជាមួយគ្នានេះដែរ ​លោកស្រី ញ៉ែម មរកត ​បាន​មានប្រសាសន៍​លើកទឹកចិត្ត​ចំពោះ​ជនពិការ​ទាំង​អស់​ថា​ រាល់​ការអភិវឌ្ឍ​​ទាំងអស់​ក៏មាន​ការ​ចូល​រួមចំណែក​ពី​សំណាក់​ជនពិការ​ផងដែរ​។ដូច្នេះ​សូម​បងប្អូន​ពិការ​ទាំងអស់​កុំ​មាន​ការបាក់​ទឹកចិត្ត​ ឬ​អស់សង្ឃឹម​ ព្រោះថា ​រាជរដ្ឋាភិបាល​កំពុង​ជំរុញ​ការ​​លើក​​កម្ពស់​ដល់​ជនពិការ​ភាព​តាមរយៈការផ្តល់​ការងារ​ធ្វើ​និង​បញ្ចូល​ក្នុង​ក្របខ័ណ្ឌ​ជាដើម​។​

នៅក្នុង​ពិធី​នោះដែរ​ ក្រៅ​តែ​បង្ហាញ​អារម្មណ៍​រំភើប​រីករាយ​លោក ចាប​ តូ ដែលជា​ប្រធាន​សមាគម​តន្ត្រី​សំនៀង​ជនពិការ​​បាន​ថ្លែងអំណរគុណ​សប្បុរស​ជន​ដែល​បាន​ចូលរួម​ឧបត្ថម្ភ​ទាំង​សម្ភារៈ និង​ថវិកា​ ដើម្បី​ជួយ​ផ្គត់ផ្គង់​ដល់​សមាគម​ផងដែរ​។​

សូមបញ្ជាក់ថា​ សមាគម​តន្ត្រី​សំនៀង​ជនពិការ​មាន​ទីតាំង​ស្ថិតនៅ​ភូមិ​ស្រែ​ជំរៅ​ សង្កា​ត់​គោក​រកា​ខណ្ឌ​ព្រែក​ព្នៅ រាជធានី​ភ្នំពេញ៕

អត្ថបទ ៖ ចាន់​រ៉ា​

The post មន្រ្តី​ក្រសួង​កិច្ចការនារី​ លើកទឹកចិត្ត​​ជនពិការ​ក្នុង​ការងារ​​អភិវឌ្ឍន៍​សង្គម​ appeared first on Kampuchea Thmey Daily.

មន្រ្តីមជ្ឈមណ្ឌលស្តារលទ្ធភាពពលកម្មកាយសម្បទា ខេត្តបាត់ដំបង បានឱ្យដឹងថា បុរសកំសត់រូបនេះមានឈ្មោះ យ៉ាន់ ហេង ជាជនរងគ្រោះថ្នាក់ដោយសារមីន និងពិការភាពជើងម្ខាង។

រាជរដ្ឋាភិបាល និងដៃគូអភិវឌ្ឍន៍នានា កំពុងជួយអភិវឌ្ឍន៍ និងកាត់បន្ថយភាពភាពក្រីក្ររបស់ជនពិការទាំងនៅក្នុងសហគមន៍ និងតាមទីជនបទឆ្ងាយៗ តាមរយៈការផ្តល់សេវាស្តារលទ្ធភាពពលកម្មកាយសម្បទាន ដល់ជនរងគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាម និងជនពិការទូទៅ។

អាជ្ញាធរមីន បានឱ្យដឹងថា ខ្លួននឹងបន្តជួយកៀរគរធនធានពីប្រទេសម្ចាស់ជំនួយ និងដៃគូអភិវឌ្ឍន៍នានា ដើម្បីជួយឧបត្ថម្ភគាំទ្រដល់មជ្ឈមណ្ឌលស្តារលទ្ធភាពពលកម្មកាយសម្បទា នៅក្នុងប្រទេសកម្ពុជា ក្នុងការបន្តនិរន្តភាពផ្តល់សេវារបស់ខ្លួនដល់ជនរងគ្រោះថ្នាក់ដោយសារមីន និងស.ផ.ស និងជនពិការទូទៅឲ្យបានគ្រប់គ្រាន់ និងទាន់ពេលវេលា៕

The post បុរសពិការពាក់ជើងឈើ ទទួលបានជើងសិប្បនិម្មិតថ្មី appeared first on Kampuchea Thmey Daily.